İraqın şimalında “Pəncə-Kilid” əməliyyatı bölgəsində daha 6 PKK terrorçusunun zərərsizləşdirildiyi bildirilib.

Bu barədə Türkiyənin Müdafiə Nazirliyindən açıqlama verilib.

Nazirliyin sosial media hesabında yayılan şərhdə terror təşkilatı PKK-ya qarşı əməliyyatların effektiv və qətiyyətlə davam etdiyi bildirilib.

HƏMAS döyüşçüləri İsrailin yüksək texnologiyalı "Dəmir divarını" keçərək, 1200-dən çox israillinin ölümünə səbəb olacaq hücuma başlamazdan bir aydan az bir müddət əvvəl çox açıq şəkildə məşqlər edib.

Sentyabrın 12-də HƏMAS-ın sosial mediada yayımladığı iki dəqiqəlik təbliğat məqsədli videoda döyüşçülərinin partlayıcıdan istifadə edərək, maket sərhəd qapısını partlatdıqları, sonra isə yük maşınları ilə genişmiqyaslı hücuma keçdikləri, İsrail şəhərini, insanların kağızdan düzəldilmiş siluetlərini avtomatik silahlardan atəşə tutduqları nümayiş etdirilib.

İslamçı silahlı qruplaşmanın "Möhkəm sütun" adlı canlı atəş təlimində həmçinin zirehli geyimdəki döyüşçülərin keçən şənbə günü real ölümcül hücumda olduğu kimi, beton qüllələrin maketlərini və rabitə antenalarını məhv etdikləri göstərilib.

ABŞ ordusunun keçmiş zabiti, hazırda Vaşinqtonda qərargahlanan tədqiqat institutu olan Demokratiyaların Müdafiəsi Fondunun Hərbi və Siyasi Qüvvələr Mərkəzinin baş direktoru Bredli Bouman "Açıq şəkildə nəzərə alınmalı olan xəbərdarlıqlar və görüntülər var idi. Bəlkə də onlar götürülüb, lakin bu dəhşətli terror aktlarının qarşısını almaq üçün lazımi hazırlıqlara səbəb olmayıb" deyib.


Associated Press agentliyi HƏMAS-ın, xüsusilə Telegram sosial media tətbiqi vasitəsilə son bir ildə yyımladığı onlarla videonun əsas detallarını araşdırıb və təsdiq edib.

Associated Press peyk görüntülərindən istifadə edərək, şəhərin maketinin Qəzza Zolağının cənub sahilində, fələstinlilərin Əl-Məvasi şəhəri yaxınlığındakı səhrada qurulduğunu müəyyən edib. Darvazada üzərində ivrit və ərəb dillərində "Horeş Yaron" yazılmış böyük bir lövhə olub ki, bu, işğal altındakı Fələstinin İordan çayının Qərb sahilindəki mübahisəli İsrail qəsəbəsinin adıdır.

Keçən il dekabrın 28-də keçirilən "Möhkəm sütun" təliminin Telegram kanalında yayımlanan başqa bir videosunda HƏMAS döyüşçülərinin qülləsindən İsrail bayrağı dalğalanan bir tankın tam ölçülü modeli ilə yanaşı, İsrail hərbi bazası kimi görünən obyektə hücumu nümayiş etdirilib. Videoda silahlıların binaların arasından keçərək, İsrail əsgərləri rolunu oynayan digər kişiləri girov götürdüyünü də görmək olub.

Beləliklə, şənbə günü səhər tezdən HƏMAS döyüşçüləri bir neçə dəqiqə ərzində Netanyahunun divarını aşa bilib. Onlar bunu nisbətən daha asan - partlayıcılardan istifadə edərək, divarda dəliklər açıb və sonra motosikletlər və yük maşınlarının keçməsi üçün həmin dəlikləri buldozerlərlə genişləndirib. Kameralar və rabitə vasitələri əl qumbaraları və mərmilərı atmaq üçün uyğunlaşdırılmış kommersiya pilotsuz təyyarələri tərəfindən bombardman edilib. Bu, birbaşa Ukraynanın döyüş meydanlarından götürülmüş bir taktikadır.

İsrail düntada ilk dəfə olaraq lazer hava hücumundan müdafiə sistemlərindən istifadə edəcək.
Bakupost.az xəbər verir ki, bu barədə İsrail mətbuatı ölkənin hərbi dairələrinə istinadən məlumat yayıb.
"İsrail HƏMAS-ınölkəyə atdığı raketlərə qarşı lazer hava hücumundan müdafiə sistemlərindən istifadə etməyə hazırlaşır",- deyə məlumatda bildirilir.

Abxaziyadakı baza Rusiya gəmilərini qəbul edə bilər, lakin yüksək keyfiyyətli xidmət göstərə bilməyəcək

Abxaziyanın qondarma rejiminin lideri Aslan Bjaniya bu yaxınlarda Rusiya Hərbi Dəniz Qüvvələri üçün Oçamçır bölgəsində daimi baza yaradıldığını bəyan edib. Ruslar Sevastopolun rus gəmiləri üçün (bütün Krım kimi) təhlükəli yer olduğunu başa düşdükdən sonra donanma üçün əlavə yerləşdirmə yeri axtarmağa qərar verdilər.

Abxaziya sahillərində dərinlik təxminən dörd metrdir və yanalmanın ön hissəsi minaaxtaran və ya qayıq kimi on kiçik gəminin yerləşdirilməsinə imkan verirdi. Sonra tədricən artırıldı. Sovet İttifaqının dağılmasından əvvəl orada patrul gəmiləri briqadası yerləşirdi. Sonradan Gürcüstan müstəqil olduqdan sonra iki il ərzində oradan gəmilər Volqa sahilindəki Kaspiysk şəhərinə qovuldular. Rusiyanın Xəzər flotiliyasının əsas bazası məhz orada yerləşirdi.

Bir müddət Oçamçır yaxınlığındakı yer heç bir şəkildə inkişaf etmədi. Amma 2008-ci ildə altı günlük müharibədən sonra Abxaziya Gürcüstanın nəzarətindən çıxanda ruslar öz məqsədləri üçün yenidən bu bazanı bərpa etməyə başladılar. Rusların baxışına görə, mənim anladığım qədər, orada hətta desant gəmiləri və qayıqları da yerləşə bilər. Bu məqsədlə 2017-ci ildə bu bazanın yenidən qurulması qərara alınıb. Xüsusilə dibdərinləşdirmə işləri aparılıb. Uzun yanalma cəbhəsi yaratdılar: "Moskva" kreyseri ora girə bilərdi. Lakin orada kiçik gəmilər - minaaxtaran gəmilər və korvetlər yerləşirdi. Onlar indi də orada yerləşiblər.

Ukraynadan Novorossiyskə qədər 750 kilometr, Novorossiyskdən isə Abxaziyadakı bu bölgəyə qədər hələ kifayət qədər uzun bir yol var. Yəni Ukrayna müdafiə qüvvələri bizim indi istifadə etdiyimiz silahları Rusiya gəmilərinə qarşı istifadə edə bilməyəcək. Oraya nə pilotsuz təyyarələr, nə də raketlər çata bilir. Bunun üçün F-16 kimi təyyarələr, raket qayıqları və ya daha uzun məsafələrə malik dronlar lazımdır.

Eyni zamanda, bu baza nöqtəsinin Ukraynadan kifayət qədər uzaqda olması Rusiya gəmilərinin bizə qarşı istifadəsinin səmərəliliyini də aşağı salacaq. Təbii ki, oradan raketlər ata biləcəklər, lakin bütün Ukraynanı yox, müəyyən hissəni vura biləcəklər. Rusiyanın hansısa məqsədlər üçün minaaxtaran gəmilərdən və ya desant gəmilərindən istifadə ehtiyacını götürsək, sahilimizdən uzaq olduğuna görə keçid üçün əlavə vaxt tələb olunacaq. Bəlkə də bir gün. Çünki bu gəmilər sürətli deyil.

Orada nə tikiləcəyindən asılı olaraq - bir növ yataqxanalar, emalatxanalar, maddi-texniki təchizat və ya silah anbarları, bəlkə də bir növ avadanlıq parkı, əgər desant gəmilərindən danışırıqsa - ən azı 100-200 milyon dollar investisiya lazım gələcək.

Bundan əlavə, Abxaziyadakı baza Rusiya gəmilərini qəbul edə bilər, lakin yüksək keyfiyyətli xidmət göstərə bilməyəcək. Orada yanalma körpülərinin olmasına və dərinləşdirmə işlərinin başa çatdırılmasına baxmayaraq, deyə bilərik ki, onlar Rusiya Qara Dəniz Donanmasının gəmilərinin mövcudluğunu dəstəkləməyə hazır deyil.

Müəllif: Andrey Rıjenko - Ukrayna Hərbi Dəniz Qüvvələrinin ehtiyatda olan birinci dərəcəli kapitanı.

Mənbə: UNİAN

Tərcümə AYNA-ya məxsusdur.

Livanda "Əl-Cəzirə"və "Reuters"in əməkdaşları artilleriya atəşinə məruz qalıb.

Bakupost.az xəbər verir ki, bu barədə telekanal məlumat yayıb. Bildirilib ki, atəş zamanı "Reuters"-in əməkdaşı İssam Abdulla ölüb, "Əl -Cəzirə" və Livan Yayım Korporasiyasının beş əməkdaşı ağır yaralanıb.

Qeyd edək ki, İsrail ordusu Livan-İsrail sərhədində Metula yaxınlığındakı ərazinin qapalı hərbi zona elan edildiyini bildirib.
https://web.telegram.org/a/#-1001313476754_9812

Antiterror tədbirləri nəticəsində zərərsizləşdirilən və ya ələ keçirilən silahların mürəkkəbliyi və təşkilatlandırılması Ermənistanın Qarabağdakı hərbi personalını yerli milislər və ya silahlı mülki şəxslər kimi təsvir etmək cəhdlərini ifşa edib.

APA xəbər verir ki, bunu Azərbaycan xarici işlər nazirinin müavini Elnur Məmmədov Beynəlxalq Ədalət Məhkəməsində Ermənistanın Azərbaycana qarşı müraciəti üzrə dinləmələrdə çıxış edərkən bildirib.

“Ermənistan qüvvələrinin Qarabağda törətdiyi təhlükəsizlik təhdidlərinin ən bariz göstəricisi əməliyyat zamanı məhv edilmiş və ya ələ keçirilmiş, həmçinin Qarabağ boyunca tapılmış silahların həcmi və qabaqcıl texnologiyalı hərbi vasitələrdir”, - Elnur Məmmədov vurğulayıb.

Nazir müavini qeyd edib ki, Azərbaycan BMT-ni bu hərbi vasitələrin sənədləşdirilməsinə, tərksilah prosesinə yardım etməyə və Ermənistanın qanunsuz fəaliyyətlərini bütün dünya üçün sənədləşdirməyə dəvət edib.

İsrail-HƏMAS toqquşması 6-cı günündədir. Ötən şənbə günü İsrailə hücum başladıqdan sonra minlərlə raket, çoxsaylı pilotsuz uçuş aparatı və saysız-hesabsız kiçik silah və sursatdan istifadə edilib.

İsrailin hava və dəniz blokadası altında olan bölgə ciddi nəzarət altında saxlanılıb. Bu, ağlıllara belə bir sual gətirir: HƏMAS bu böyüklükdə hücumu həyata keçirmək üçün kifayət qədər silahı necə toplayıb?

Ölkə.Az xəbər verir ki, ABŞ-nin CNN telekanalı bu mövzuda diqqətçəkən təhlil dərc edib.

Hücum iki tərəfdən İsrail, bir tərəfdən Misirlə əhatə olunan 360 kvadrat kilometrlik Qəzzada başlayıb. Bu, az resursları olan və təxminən 2,5 milyon əhalisi olan kasıb bir bölgədir.

ABŞ ünvan kimi İranı göstərir

CNN bu suala cavab verir: hiyləgərlik, improvizasiya, əzmkarlıq və xaricdəki xeyriyyəçilər.

ABŞ və İsrail HƏMAS hücumunun arxasında İranın olduğuna dair heç bir dəlil tapa bilməsələr də, CNN-də aparılan təhlildə İranın HƏMAS-ın ən mühüm hərbi dəstəkçisi olduğu və Aralıq dənizi blokadasından qaçan gizli transsərhəd tunellər və qayıqlar vasitəsilə bölgəyə silah göndərildiyini iddia edir.

HƏMAS-ın silah istehsal edən fabrikləri

ABŞ Hərbi Hava Qüvvələri üçün Yaxın Şərq məsələlərinə dair təhlillər hazırlayan Denver Universitetindən Aaron Pilkinqton hücumun miqyasına diqqət çəkərək bildirib ki, bu, HƏMAS-ın uzun müddətdir, həm qaçaqmalçılıq, həm də istehsal yolu ilə öz arsenalını inkişaf etdirməsi deməkdir.

HƏMAS-ın yüksək rütbəli rəsmisi Əli Barakə də bu iddianı təsdiqləyən açıqlamalar verərək sözügedən hücuma 2 ildir, hazırlaşdıqlarını bildirib.

Baraka "Russia Today"in ərəb xəbər kanalı "RTArabic"ə müsahibəsində HƏMAS-ın silah istehsalı ilə bağlı təfərrüatları bölüşüb:

"250 km, 160 km, 80 km və 10 km mənzilli raketlər üçün yerli zavodlarımız var. Bizim minaatan və güllə zavodlarımız var, Kalaşnikov və onların güllələri üçün zavodlarımız var. Ruslardan aldığımız icazə ilə güllə istehsal edirik. Biz bunları Qəzzada tikirik".

Hücumdan əvvəl göndərilən kripto pullar

İngilis "Telegraph" qəzeti hücumun maliyyələşdirilməsini təhlil edərkən, böyük hücumdan bir neçə ay əvvəl HƏMAS-a milyonlarla dollar dəyərində kripto pul göndərildiyini iddia edib.

Analitiklərin fikrincə, 2023-cü ilin birinci yarısında HƏMAS-ın nəzarətində olan kriptovalyuta hesablarına 134 milyon dollardan çox vəsait köçürülüb. "Wall Street Journal"ın açıqladığı rəqəmlərə görə, HƏMAS son 18 ayda təxminən 41 milyon dollar kriptotoken toplayıb.

HƏMAS-ın qlobal maliyyə sanksiyalarından xilas olmaq üçün kriptovalyutalardan istifadə etdiyini yazan "Telegraph" qəzeti İsrailin hücumdan sonra HƏMAS-ın kripto hesablarını dondurduğunu xatırladıb.

İsrailin hansı silahları var?

Britaniyanın "SkyNews" telekanalı İsrailin hansı silahlara sahib olduğunu araşdırıb.

Professor Maykl Klark "SkyNews"a bildirib ki, İsrail ordusunun çoxlu sayda tankı və zirehli texnikası var və bunlar döyüş meydanında əsl fərq yarada bilər.

İsrailin istehsal etdiyi "Merkava" tankı Almaniyanın "Leopard 2" döyüş tankına bənzəyir. Dörd ekipaj üzvünün maksimum müdafiəsini təmin etmək üçün ağır ön zirehlərə sahib olan "Merkava" 120 mm-lik əsas topla yanaşı, ikinci dərəcəli silahla təchiz olunub.

Hava gücü baxımından da çox güclü olan İsrail öz “Kfir” döyüş təyyarələrindən istifadə edir. Hərbi-hava qüvvələrinin ABŞ-dən tədarük etdiyi çoxlu sayda qabaqcıl “F-35” döyüş təyyarələri də var.

Yüksək texnologiyalı, innovativ perspektivi mənimsəyən hava qüvvələri tez-tez dron texnologiyasından istifadə edir.

Baş nazir Nikol Paşinyan Azərbaycan ərazisindəki Rusiya sülhməramlı kontingentinin Ermənistana daxil olmasına etiraz edir.

Əslində, söhbət 2020-ci ildə Rusiyanın Ermənistanın Gümrü şəhərindəki 102-ci hərbi bazasından Azərbaycana göndərilmiş sülhməramlı qüvvələrin geri qaytarılmasından gedir.

10 noyabr Bəyanatına uyğun olaraq, Rusiyanın 1960 sayda odlu silahlı hərbi qulluqçusundan, 90 hərbi zirehli texnika, 380 ədəd avtomobil və xüsusi texnikadan ibarət sülhməramlı kontingenti müvəqqəti olaraq Qarabağda və Laçın-Xankəndi yolunda yerləşdirilmişdi.

Bu müddətdə sülhməramlı missiyanın şəxsi heyətinin, zirehli və digər texnikalarının dislokasiyası quru yoldan istifadə etməklə 102 saylı motoatıcı hərbi bazada həyata keçirilib. İndi isə Rusiya Qarabağdakı sülhməramlı qüvvələrin sayını məhdudlaşdırır və hətta yaxın müddətdə tamamilə Azərbaycan ərazisini tərk edəcəyi istisna olunmur.

Bu məntiqlə Rusiya hərbçiləri yenidən Gümrüyə qayıtmalıdır. Lakin Paşinyan Ermənistanın “Birinci Kanal”ına müsahibəsində buna qarşı olduğunu deyib:

“Əgər sülhməramlılar gedirsə, o zaman bizim üçün onların Ermənistan və ya Azərbaycan ərazisindən getməsinin prinsipial əhəmiyyəti yoxdur. Lakin Ermənistan Respublikasının ərazisinə sülhməramlı kontingentin yerləşdirilməsi ilə bağlı deyə bilərik ki, bunun heç bir hüquqi əsası yoxdur. Əgər sülhməramlılar Qarabağı tərk edəcəksə, Rusiyaya gedəcəklər”, - deyə Nikol Paşinyan bildirib.

Baş nazirin bu açıqlaması Rusiya hərbi bazalarının Ermənistandan çıxarılmasına çağırış mesajı kimi şərh olunub. Paşinyan məsələyə aydınlıq gətirmək üçün 102-ci bazanın Ermənistandan çıxarılması ilə bağlı müzakirə aparılmadığını deyib.

Ancaq ekspertlər hesab edir ki, sülhməramlı kontingentin Azərbaycanı tərk etməsi növbədə, Rusiya hərbi bazalarının Ermənistan ərazisindən çıxarılmasına səbəb ola bilər.

Ona görə də Paşinyanın açıqlaması Rusiya hakimiyyətində narahatlıqla qarşılanıb. Rusiya Prezidentinin mətbuat katibi Dmitri Peskov sülhməramlıların gələcək taleyinin Bakı ilə müzakirə edildiyini, lakin İrəvanla da əlaqələrin davam etdirildiyini deyib. Peskov Paşinyanın açıqlamasına münasibət bildirməyib.

TEREF.AZ-ın məlumatına görə, politoloq İlqar Vəlizadə Cebhe.info-ya açıqlamasında bildirib ki, Paşinyanı açıqlaması Rusiya hərbi bazasını Ermənistandan çıxartmaq məqsədi daşımır:

"O, Rusiyanın Ermənistanda siyasi və hərbi təsirini azaltmağa çalışır. Paşinyan qorxur ki, sülhməramlı kontingent Gümrüyə qayıtsa, 102-ci hərbi bazanın maddi-texniki bazası güclənə bilər.

Bu da İrıvan və Moskva arasında gərginliyin artdığı hazırkı vəziyyətdə Rusiyanın Ermənistanda hərbi cəhətdən güclənməsi deməkdir. Nəticədə, müəyyən spekulyasiyalar və problemlər yarana bilər. Ona görə də Paşinyan bu ifadəni işlətməklə müəyyən imic addımı atır.

Bu da ondan ibarətdir ki, artıq Ermənistan Qarabağ məsələsində Rusiya amilinə fərqli yanaşır. Əgər Qarabağ Azərbaycan ərazisidirsə, o zaman Rusiya münasibətləri Ermənistanla deyil, Azərbaycanla qurmalıdır. Belə olan təqdirdə, sülhməramlılar bölgəni Ermənistan deyil, Azərbaycan vasitəsilə tərk edərək Rusiyaya qayıtmalıdır.

Ermənistandakı hərbi bazalar məsələsinə gəlincə, bu ikiitərəfli müqavilələrlə tənzimlənir. Müqavilə 2049-cu ilə qədər qüvvədədir. Ona görə də sülhməramlıların çıxmasının hərbi bazaların mövcudluğuna təsir göstərəcəyinə inanmıram”.