"İki ildən yuxarıdır ki, COVİD yoxlaması üçün ayda 2 dəfə yaxma verməkdən burun-boğaz yolu "döyənək" olmuş dəniz neftçiləri rəhbərlikdən soruşurlar:"
Teref.az yazır ki, bunu sosial şəraitlərindən şikayət edən neftçilər onların hüquqlarını qoruyan Mirvari Qəhrəmanlıya yazırlar. Daha sonra onlar yazır:
"-Əgər bu yaxmalar bizim sağlamlığımız üçündürsə bu halda niyə bizdən yaxma götürülür və evimizə qayıdırıq? Yol boyu çoxlu sayda insanlarla təmasda oluruq. Bu halda bizim COVİD-ə yoluxma ehtimalı yoxdu ki? Rayondan gələnlər də var.Yaxma verib qohum evində qalan,yenidən rayona qayıdan da var axı...
-Şəkildə gördüyünüz kimi barkodun üzərinə Caspian otel yazılıb. Belə çıxır ki, "sağlamlığımızın" qorunması üçün biz oteldə "qalırıq"? Əgər belədirsə niyə bizim haqqımızı vermirlər? Qanun hamı üçün qanundur.
Bilmək istərdik niyə "sağlamlıq" prosesinə şəffaflıq gətirilimir?
Və sonda görəsən bu prosesdən kim qazanır,kim əzab çəkir?
Tək otel və klinika sahibləri yoxsa........................?"
Teref.az olaraq şikayətdə qaldırılan iddialarla bağlı qarşı tərəöfin mövqeyini dərc edə bilərik!
Teref.az

AAYDA-nın “Xaç atası” ƏFLATUN QASIMOVUN NOVXANIDA tikdirdiyi və tezliklə Saleh Məmmədova hədiyyə edəcək VİLLANIN açılışı olacaqdır
Məlumatlı mənbənin verdiyi önəmli xəbərlərdən məlum olur ki, Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov və onun vəziri rolunu oynayan qudası- Yolların Təmiri və İstismarı İdarəsinin rəisi, 68 yaşlı Əflatun Qasımov hazırda Binəqədi rayonun Novxanı qəsəbəsinin dənizə yaxın ərazisində inşa etdirdiyi 4 mərtbəli möhtəşəm villanı “Yollar şefi”nə hədiyyə etməyə hazırlaşır. Səbəbi də budur ki, Brejnev medallar aludəçisi olduğu kimi, S. Məmmədov da villa həvəskarıdır. Baxmayaraq ki, Azərbaycanın demək olar ki, bütün regionlarında onun imarətləri dillərdə dastandır. AAYDA sədri də elə bu qayğıya görə hətta özünə və digərlərinə aid olan bütün səlahiyyətlərin icrasını Əflatuna həvalə edib. Ona görə də, bu gün AAYDA-nın bütün işçi heyəti Ə. Qasımova “xaç atası” kimi baxır və məcburiyyətdən ona biət edirlər. Bu adam da fürsətdən və düşdüyü cəzasızlıq mühitindən geninə-boluna istifadə edərək pul qazanmaq üçün ağlına gələn hərəkətləri etməklə məşğuldur.
İndi keçək detallara:
Elə götürək son günlər fasillərlə yağan yağışı. Bakı yenə də həmişə olduğu kimi , leysansız yağan yağış sularına təslim oldu. Daha doğrusu, təslim etdirildi. Bu, ilk dəfə baş vermir. Şəhərə yarım saat yağış düşən kimi yollar, küçələr, həyətlər su altında qalır. Artıq problem o qədər adiləşib ki, paytaxt sakinləri vəziyyətə vərdiş ediblər. Amma yenə də, Bakının yollarını elə günə qoyublar ki, yağış da yağmasına peşiman olur.
Doğrudur, əvvəllər, bunun günahını şəhərin arxitekturasını pis günə salan sabiq mer Hacıbalada görürdülərsə, zaman keçdikcə məlum olur ki, günah tək onda deyilmiş, paytaxtın yol infrastrukturunu quranlar şəhəri bu günə qoyublar.
Məsələn, noyabrın 15-də və 16-da paytaxtın bir çox küçə və prospektlərində müşahidə edildi ki, yağış suları asfat yolun ortsına yığılır. Sanki, bu yolları peşəkar yol mütəxəssisləri deyil, hansısa dağın dərəsindən təzəcə enmiş çobanlar tərəfindən çəkilmşdir. Yəni, göz görəsi yolların yenidən qurulması və təmiri zamanı tələb edilən adi norma və qaydalar gözlənilmir, drenaj sistemləri, kolektorlar, suötürücü qurğular və digər texniki məsələlər başdansovudu icra edilir. Təzəliklə salınan təbii yox, süni asfalt yollarsa elə birinci yağışdan sonra pis günə düşür, gölməçələr peyda olur. Səbəbi də budur ki, dövlət büdcəsindən yollarımızın təmir və tikintisinə ayrılan külli-miqdarda vəsaitlərin demək olar ki, 80 %-i cənab Əflatun Qasımov və komandası tərəfindən mənimsənilir.
Məsələn, AAYDA-nın yolların təmiri və tikintisi zamanı yağış barmaqlıqlarını yol kənarlarında quraşdırmaq kimi şərtsiz bir öhdəliyi var. Bu barmaqlıqlar da yaxınlığında kanalizasiya, yaxud yağış kollektoru olan yollarda təşkil olunmalıdır. Nəticədə yayda gözəl görünən Bakımız bu vəziyyətdədir – hər yan tıxac, prospektləri və tunelləri su basıb, sanki XIX əsrdə yaşayırıq.
Göründüyü kimi, sədr Saleh rəhbərlik edir, quda – Əflatun Qasımov Yolların Təmiri və İstismarı İdarəsinin rəisi olaraq tapşırıqları lazımınca “həyata keçirir”Necə? Detalları bir az da xırdalyaq:
AAYDA-nın qadın işçiərinin verdiyi məlumatda bildirilir:

verilib. Amma yol boyu əsaslı təmirlər vüsət alıb. Bu yol istismarı tarixində vaxtından əvvəl əsaslı təmirə məruz qaldığına görə dünya rekordu sayıla bilər. Yəni, bu onun göstəricisidir ki, magistral yolun yenidən qurulması üçün dövlətin ayırdığı 80 milyon pul suya düşmüş hesab edilə bilər. 2015-ci ildə istifadəyə verilmiş Şəki-Qax yolu üzərindəki çoxsaylı körpülərin asfalt-beton qatı 1 qat olaraq qalıb. Halbuki, bu magistral yol da hələ şüşə qatsız üç qatdan ibarət olmalı idi. İndi bu iki qatdan ibarət yolun da əsaslı təmirə ehtiyacı vardır. Elə 2011-ci ildən istifadəyə verilmiş və 274 milyon manata tikilib başa gəlmiş 14 km-lik aeroport yolu da demək olar ki, yararsız vəziyyətə düşmüşdür. Bakı-Şamaxı yolu da 4 ildir ki, istifadəyə verilib. Hər üç km-dən bir təkrar-təkrar yamaq vurmaqdan asfalt qatının hündürlüyü 0.5 m-ə çatmışdır.( yolun 68-71-ci km-nə nəzər salmaq kifayətdir) Bu fakt sadəcə biyabırçılıqdır. Elə bu rüsvayçılıqları qabaqcadan görən AAYDA-nın “UZAQGÖRƏN” rəhbərliyi Sovetlər dönəmində qəbul edilmiş asfalt yollara hər 15-18 ildən bir aşınma qatının vurulması əsasnaməsini Nazirlər Kabinetində aidiyyatı şöbəsi ilə gizli sövdələşməsi nəticəsində bu normanın 5 illə əvəz edilməsi barədə əsassız QƏRAR qəbul etdirmişlər. Və bu “QƏRAR”ı əllərində bayraq tutaraq dövlətdən yolların hər 5 ildən bir təmir edilməsi üçün pul ayrılmasını tələb edirlər. Çünki, qanunvericiliyə və əsasnaməyə görə istismara verilmiş yolun 10-15 il davam etməsi üçün tələb olunan müddətdə qəsdən cari təmir edilmir ki, yol tez dağılsın. Yəni, AAYDA səlahiyyətliləri açıq aşkar iqtisadi təxribatla məşğuldurlar.

Müqayisə üçün qeyd edək ki, Cavid Qurbanovun “Azəravtoyol”a rəhbərliyi dövründə 10 il əvvəl inşa edilib istifadəyə verilmiş Ağsu-Yevlax magistral yolu necə var elə də durur. Deməli, C.Qurbanov xidməti işə Saleh-Əflatun komandasından daha insaflı və vicdanlı yanaşmışdır.
Mənbəmiz onu da xatırlatdı ki, AAYDA-nın sifarişləri əsasında bir çox işləri icra etmiş iki nəhəng və 8 orta səviyyəli şirkətlər pullarını hələ də ala bilmirlər. “Xaç atası” Əflatun Qasımov bu şirkətləri “Pul yoxdur, olanda verəcəyik” deyib dizin dizin süründürür. Və kimsə cürət edib nəinki Kommersiya Məhkəməsinə, sadəcə Nazirlər Kabinetinə belə şikayət edə bilmirlər.
Digər fakt ondan ibarətdir ki, AAYDA-nin sədr müavini, köməkçisi, müşaviri, məsləhətçiləri, istismar və maliyyə rəisləri, yerli və magistral yollar rəhbərləri, İdarə müdirlərindən ibarət qohumlardan təşkil olunmuş bu strukturda yazıq müəllimlər kimi hər il deyil, cəmi bir dəfə ATTESTASİYA keçirilsə, onların 10%-i tələb olunan 60 baldan 15-ni belə toplaya bilməz. Hamısı savadsızdırlar. Yol mütəxəssiləri isə qalıb kənarda. Yaxşı ki, DTX-nın maliyyə İdarəsi AAYDA-ya gəlib gözucu da olsa yoxlama aparmır. Aparsa…
Son vaxtlar cənab sədrin Əflatunun yanında ürək açıb ” İşləməyə imkan vermirlər”, “qoymurlar öz işlərimizi görək” kimi ifadələri çox mətləblərdən xəbər verir. Belə ki, azad edilmiş ərazilərdə yol infrastrukturunun vaxtından əvvəl icra edilməsi üçün 1-ci vitse-prezident tərəfindən verilən tapşırıqların icrası zamanı cənab sədr uzun illər büdcədən çırpışdırdığı milyonların bir hissəsini çatışmayan yerlərdə işlətmək zorunda qalıb. Bu da onunla heç cür barışa bilmir. Sanki babasından qalma vəsaitləri xərcləyirmiş…
Araşdırmalarımız davam edir.
Müstəqil araşdırmaçı, Xəyal Səmədov
realmedia.az
Teref.az olaraq məqalədə qaldırılan iddialarla bağlı qarşı tərəfin mövqeyini dərc etməyə hazırıq!
Teref.az

Naxçıvan Sərhəd Qoşunlarının mərhum komandanı Şahmərdan bəyin bir əsgəri vardı – Namizəd Seyidov. Namizəd Seyidov hələ yeniyetməlik yaşında olanda Şahmərdanın dəstəsinə qoşulduğundan cəbhə yoldaşları onu “Qəqəni” adlandırırdılar.
Şahmərdanın dəstəsi həbs olunanda “Qəqəni” azyaşlı olduğu üçün ona toxunmurlar.
İllər keçdikdən sonra “Qəqəni” bir məclisdə şəhid-qəhrəmanımız Mübariz İbrahimov barədə artıq-əskik danışan bir adamı bıçaqla yaralayır. Onu dərhal saxlayıb Şərur polisinə gətirirlər.
“Xan” “0 cinayət” siyasəti həyata keçirdiyindən rəis, Qəqənidən rüşvət almaqla bu işi xətm etmək fikrinə düşür və ondan 8 min manat pul istəyir. “Qəqəni” pulu olmadığını deyir və ona qanunən nəzərdə tutulmuş cəzanın verilməsi tələb edir. Rəis ayrı paza keçdiyini, bu gedişlə ya “0 cinayət” qaydalarını pozmaq, ya da əlinə keçən ovu sərbət buraxmaq məcburiyyətində qala biləcəyini anlayır. Düşünür ki mən bunu rüşvət almadan buraxsam, nazirə çatacaq pulu öz cibimdən verəcəyəm, başlayır sövdələşməyə. Sövdələşə-sövdələşə gəlib 3 min manat üzərində dayanır. “Qəqəbi” Allahla özü arasında 5 manatdan çox pul olmadığını, istərsə işi 5 manata bağlaya biləcəyini rəisin diqqətinə çatdırır. Rəis görür ki, “Qəqəni” çox hacıqaralıq edir, optimal variant tapır: faizə pul götürməklə rüşvət parasını ödəmək. Bu möhtəşəm çözüm planını “Qəqəni”yə təklif edir. Uzun danışıqlardan sonra “Qəqəni” polis rəisinin təklifi ilə razılaşır. Şərurda Vasif “xan”ın qohumlarından birini polis idarəsinə çağırırlar və ondan “Qəqəni”yə faizlə 3 min manat borc alıb məsələni xətm edirlər.
Bildirildiyinə görə, Qəqəni həmin 3 min manatlıq borcunu bir neçə il ərzində çətinliklə ödəyib qurtarır.
Heydər Oğuz
Teref.az yazır ki, məqalədə qaldırılan iddialarla bağlı qarşı tərəfin mövqeyini dərc etməyə hazırıq!
Teref.az

Fərhad Əhmədovun bir milyarder və bir azərbaycanlı kimi öz ölkəsinə münasibəti heç zaman birmənalı olmayıb. Zaman-zaman o fərqli qüvvələr sırasında yer alıb. Və imkan düşdükcə ortaya siyasi iddia da qoyub.

Lakin o, siyasi iddiasını gerçəkləşdirmək üçün xarici havadarlarının sevgisini qazanmağa çalışıbmı? Biz bunu son 30 ilin müxtəlif dönəmlərində görmüşük.

Fərhad Əhmədov “Milyarderlər klubu”nun ilhamvericisi kimi

10 il öncə Rusiyada Azərbaycana qarşı siyasi məqsədlər üçün yaradılan “Milyarderlər klubu”nun ən fəal dəstəkçilərindən biri məhz Fərhad Əhmədov idi. O, böyük həvəslə bu “klub”un tədbirlərinə qatılırdı. Hətta mətbuat konfranslarını da qaçırmırdı.

Bütün bunlarsa elə belə deyildi. Bu, ona milyarder olmaq imkanı verən bir dövlət qarşısında bir öhdəçilik idi. Missionerlərinsə tələbi bu idi ki, Azərbaycan dünyanın qarışıq bir bölgəsinə çevrilsin. Anti-milli və anti-dövlət maraqlardan formalaşan bu istəyin icraçılarından biri də məhz Fərhad Əhmədov idi.

Bu, Azərbaycandakı sabitliyi və ictimai-siyasi vəziyyəti qarışdırmaqla bəzilərinə öz sədaqətini göstərmək və öz əməli “töhfəsini” vermək istəyi idi.

Milyarder Azərbaycan üçün niyə “yol xəritəsi” hazırlamışdı?

2019-cu ilin sonunda Azərbaycan parlament seçkilərinə hazırlaşırdı. Məhz həmin dövrdə Fərhad Əhmədov yenidən öz siyasi iradəsini ortaya qoymaq istədi.

Milyarder o zaman hətta Azərbaycanın gələcək inkişafıyla bağlı “yol xəritəsi” ilə “çıxış etdi”. Geniş bir yazı yazdı. Bu yazısında Fərhad Əhmədov dövlətçilik və milli maraqlardan daha çox ölkəmizdəki “5-ci kolon”un maraqlarını irəli çəkirdi. Fərhad Əhmədov yazısında növbədənkənar parlament seçkilərini dəstəklədiyini bildirsə də Milli Məclisin tərkibində qruplaşmaların, təsadüfi adamların olduğunu qeyd etmişdi.

Əslində milyarder bu yazısı ilə özünü Azərbaycan cəmiyyətinə “konstruktiv müxalifət” kimi təqdim edirdi. Ona görə də Fərhad Əhmədovun bu çıxışını Əli Kərimli və onun ətrafına toplaşan ünsürlər də həvəslə dəstəklədi.

Əli Kərimli Fərhad Əhmədovu niyə dəstəklədi?

Əli Kərimlinin Fərhad Əhmədovun “yol xəritəsinə” isti yanaşması tamamilə başa düşülən idi. Çünki, Əli Kərimli üçün Fərhad Əhmədov tam istədiyi şəxs idi. Həm milyardları vardı, həm də xarici qüvvələrin himayəsində idi. Lakin Fərhad Əhmədovun “yol xəritəsi” yaxın çevrəsindən və anti-milli qüvvələrdən başqa heç kimin diqqətini çəkmədi.

Fərhad Əhmədov Göyçayda Ramiz Mehdiyevin emissarı ilə nələri müzakirə edib?

Fərhad Əhmədov təkcə “yol xəritəsi” hazırlamırdı. Həm də fürsət düşdükcə müxtəlif daxili danışıqlara da gedirdi. Əldə etdiyimiz məlumatlara görə milyarder o zaman Göyçaydakı villasında mütəmadi olaraq Ramiz Mehdiyevin kürəkəni İlham Əliyevlə bir araya gəlirmiş. Hətta bu görüşlərin birinə Mehdiyev özü də qatılıb.

Bu görüşlərdə yeni formalaşacaq parlamentdə “5-ci kolona” yaxın daha çox deputatın təmsil olunması məsələsi müzakirə edilib.

Fərhad Əhmədov öz çirkin oyunlarından heç zaman əl çəkmədi. Öz ağalarından aldığı göstərişlərlə Azərbaycanda aranı qarışdırmağa fürsət gözlədi. Üstəlik, missionerlərinə özünün digər fərdi yardımlarını da təklif etdi. Nəticədə o da Avropa İttifaqının “qara siyahı”sına düşdü.

Fərhad Əhmədov mövgeyini dəyişir?

Di gəl ki, milyarder bu sanksiyalarla razılaşmadı. Digər sanksiyaya məruz qalanlardan fərqli olaraq Fərhad Əhmədov Avropa İttifaqına müraciət edib və ona qarşı tətbiq edilən sanksiyaların ləğvini istəyib.

Aİ milyarderin müraciətinə hələki cavab verməyib. Amma burda bir maraqlı sual ortaya çıxır.

Fərhad Əhmədov öz ağasını dəyişməkmi istəyir?

Bu sualın cavabını isə artıq zaman göstərəcək...(Bizim. Media)

Şabranda təhsil işçilərinin Həmkarlar Təşkilatının sədri Seymur Qədəşov Türkiyədə də "qədeşlik" edib.
Həmkarların hesabınamı ya öz hesabına Antaliyada yaxşıca kef edib.
Şabran həmkar sədri Antaliyada istirahət etdiyi müddətdə ən bahalı oteldə məskunlasıbmış.
Maraqlıdır Seymur Verdiyev bahalı istirahət öz hesabına edib?

Yoxsa Şabranda təhsil işçilərindən yığılan həmkar pulu ilə ?
Qeyd edim ki, Seymur Qədəşov 2014-ci ildən Azərbaycan Təhsil İşçiləri Azad Həmkarlar İttifaqının Şabran rayon təşkilatının sədri vəzifəsində çalışır.
Belə ki,hər kəsin yadında qalaraq ki,Şabranda uşaq bağçasında (1 saylı) RƏZALƏT bas vermişdi. Baxçanın müdiriyyəsi Lalə Qədəşova dövlətin verdiyi ərzağı uşaqlara verməmişdi. Həmin müdiriyyə Seymur Qədəşovun həyat yoldaşıdır. Və həmin rəzalət ört basdır edildi.
Teref.az olaraq məqalədə toxunulan iddialarla bağlı qarşı tərəfin mövqeyini dərc etməyə hazırıq!
Deyanet Azersoy
Teref.az

Qısa məlumat üçün haqqında bəhs edəcəyimiz Xəzər rayon səhiyyəsi ilə bağlı onu deyə bilərik ki, rayonda 4 birləşmiş şəhər xəstəxanası, 2 vərəm xəstəxanası və 1 dispanser, 5 uşaq sanatoriyası, 1 şəhər poliklinikası, 1 Müalicə Diaqnostika mərkəzi, 1 Uşaq reabilitasiya xəstəxanası, 1 Səhiyyə Nazirliyinin Sanatoriya-Kurort və Reabilitasiya Mərkəzi, 1 özəl klinika və 4 özəl müalicə diaqnostika mərkəzi, 2 müharibə əlilləri və veteranları üçün pansionat, 1 müharibə veteranları xəstəxanası, 3 kurort-müalicə sanatoriyası və 2 psixo-nevroloji Sosial Müalicə müəssisəsi, 1 stomatoloji poliklinika fəaliyyət göstərir.
Bəli, konkret mövzumuz isə Xəzər rayonu, Buzovna qəsəbəsində yerləşən 14 saylı Birləşmiş Şəhər Xəstəxanası ilə, daha dəqiq desək, xəstəxananın baş həkimi Sultan İbrahim oğlu Əliyevin fəaliyyəti ilə bağlıdır. Məlumat üçün onu da qeyd edək ki, Sultan “doxtur” uzun illər Səhiyyə Nazirliyində şöbə müdiri, sonra Hematologiya və Transfuziologiya İnstitutunun direktoru vəzifəsində işləyib. Sonradan “Semaşko” kimi tanınan 1 saylı Kliniki Tibbi Mərkəzə baş həkim təyin olunub. “Semaşko”da çalışdığı illərdə Sultan Əliyev sözün həqiqi mənasında oliqarxa, milyonçuya çevrilib. Onu da qeyd edək ki, bu tibb müəssisəsində 1000-ə yaxın çarpayı var, ümumi 2000 nəfərə yaxın işçi var, onlardan 500 nəfəri həkim, 800 nəfəri orta tibb işçisi, 700 nəfəri isə kiçik tibb işçiləridir. Mərkəzə il ərzində 30000 xəstə gəlir, 10000 xəstə əməliyyat olunur. Hər şeyə kommersant kimi yanaşan Sultan Əliyevin aylıq gəlirini hesablasaq astronomik rəqəm alınar. Sultan Əliyev xəstədən müayinə üçün pul alan həkim barəsində müxbirin sualına belə cavab verir: O hadisə 3 ay öncə baş verib, özü də gecə vaxtı...
Sultan Əliyevdən soruşan olmur ki, 3 ay öncə, ya da 3 saat öncə, nə fərqi var..?
Rüşvəti gecə alıblar, ya gündüz, bunun fərqi varmı, ay Sultan doxtur..?
Yaxşı bütün bunları qoyduq bir kənara, bəs kollektiv niyə Sultan Əliyevdən cana doyub..?
Belə ki, xəstəxananın həkimləri, tibb personalı, texniki işçiləri dad edirlər ki, biz belə baş həkim görməmişik, bu özünü nazir kimi aparır, işçiləri saymır, ancaq şöbə müdirlərindən aylıq tələb edir. Təsəvvür edirsiniz, Sultan Əliyevin əlindən bezən həkimlər başqa özəl xəstəxanalara üz tuturlar. Vallah, Sultan Əliyev polis rəisi, prokuror olsaydı, bəlkə də onu başa düşmək olardı. Amma həkimin xəstələrdən, xüsusilə də işçilərindən özünü belə yekə tutması, həkim adına yaraşan hal deyil. Sultan Əliyev işçiləriylə sanki qul kimi danışır. Onlarla ünsiyyət qurmaqdan qaçır. Həkimlər xeyirxah olmalı, xəstəyə can yandırmalı sağlamların dostu olmalı, hamının sağalmasına ümid verməlidirlər. Sultan Əliyev isə sifətindəki “zəhrimar”, qəzəb ilə nəinki xəstələri, hətta sağlam həkimləri də sanki öldürür. Bu adam üçün ancaq mənfəət, gəlir var, qalanı boş şeydir. Xəstənin maddi imkanı aşağıdırsa, həmin xəstəyə qarşı münasibət də fərqli olur. İmkanı olmayan xəstəni tibb ocağına qəbul belə etmək istəmirlər. Hazırda 75 yaşı olan Sultan Əliyev öz əməllərini 14 saylı Birləşmiş Şəhər Xəstəxanasında davam etdirir.
Bəli, Sultan Əliyev haqqında yazılan şikayətlərə görə, o 2015-ci ildə “Semaşko” xəstəxanasının baş həkimi vəzifəsindən azad edilərək 14 saylıya baş həkim təyin olunub. Və o gündən Buzovna camaatının qara günləri başlayıb. Bu adamı başa salmaq olmur ki, dövlət xəstəxanasında tibbi xidmət pulsuzdur. Bu adam dərman preparatlarına görə dərman firmalarından da mənfəət əldə edir. Biz hələ xadimələrin əmək haqqından, həkimlərin maaşından, hər xəstəyə görə, baş həkimə verilən “bəxşeyiş”dən danışmırıq. Görəsən, 60 yaşında həkimləri “təqaüdə” göndərən səhiyyə rəhbərləri nə üçün yaşı az qala səksəni haqlamış, kommersant baş həkim Sultan Əliyevi unudublar.
P.S. Deyəsən Səhiyyə Nazirinin işini bu dəfə cənab Əzrayıl yerinə yetirəcək. O da deyir ki, doxtur Sultan Əliyevə zəng çatmır… //gundelik-baku.com//