Müasir dövrdə Azərbaycan Respublikasında fəaliyyət göstərən “Azərsu” Açıq Səhmdar Cəmiyyəti – su təchizatı sahəsində dövlət siyasətini həyata keçirən, mərkəzləşdirilmiş qaydada istehlakçıları içməli su ilə təchiz edən və onlara kanalizasiya xidmətləri göstərən dövlət şirkətidir.
Hər kəs yaxşı bilir ki, bundan əvvəl Gəncə şəhərinin su təchizatı və kanalizasiya sisteminin yenidən qurulması ilə bağlı dövlət büdcəsindən “Azəraqrartikinti” ASC-yə 450 mln manat vəsait ayrılmışdır.Bu günə kimi görülən işlərin keyfiyyətsizliyindən həm Gəncə sakinləri narazılıq edirdi həm də ölkə mediası davamlı olaraq “Azəraqrartikinti” ASC-ni tənqid edirdi.
Bu ilin avqust ayından “Azərsu” ASC “Gəncə şəhərinin su təchizatı və kanalizasiya sisteminin yenidən qurulması” işlərinin satın alınması bağlı tenderinin qalibi olaraq “Maqro Construction” MMC-nin Azərbaycan Respublikasındaki filialı və AKM Yapı Taahhüt Sanayti ve Ticaret Şirketi” Birgə Müəssisəsinin seçildiyini elan etmişdir.
Bildirmək istəyirik ki, Gəncənin su və kanalizasiya sisteminin yenilənməsinə 50 mln manat vəsait xərclənəcək.Amma şirkətin əsas işçi korpusu sayılan azərbaycan vətəndaşlarının əmək hüquqları pozulmaqla yanaşı həm də onları qul kim istismar edirlər.
Bu haqda Dünyanınsəsi.Az saytına bir qrup şəxs tərəfindən şikayət daxil olub.
Şikayətşilər qeyd edir ki, sözügedən şirkət bizimlə əmək müqaviləsi bağlasada 3 aydırki əməkhaqlarımızı vermirlər.
Şirkətdə çalışan işçilər qeyd edirlər ki, “Maqro Construction” MMC-nin yerli nümayəndəsi sayılan İbrahim adlı şəxsə dəfələrlə müraciət etsəkdə gündə bizə bir yalan danışmaqla vaxtı uzadır.
Şirkətin işçiləri bildirirlər ki, Gəncə şəhərinin su təchizatı və kanalizasiya sisteminin yenidən qurulması işlərində heç bir təcürbəsi olmayan mütəxəssislər toplusundan ibarətdir.
Belə ki, çəkilən boru xətləri lahiyəyə görə borunun alt hissəsi müəyyən texnikalar vasitəsi ilə torpaq qatı bərkidilməli və borular basdırılarkən üst qatları yumşaq qum materialı ilə örtülməlidir.Amma bu şirkət işləri tez başa vurub lahiyyəyə ayrılmış olan vəsaiti həzmraberdən tez keçirmək üçün əllərinə gələn daş-kəsək materialları ilə örtürlər.Buda gələcəkdə çəkilən boru kəmərlərinin qısa zaman kəsiyində zədələnməsinə zəmin yaratmış olur.Həmdə yeni çəkilən boru xəttlərinin üzərləri düzgün asfalt qatı əlavə edilməyəndə yağış və yeraltı qrunt suları təsirindən dağılmaya səbəb olur.Gorəsən yeni nəzərdə tutulmuş olan bu lahiyəyə sifarişçi olan “Azərsu” ASC -nin nəzarət etməli olan maddi məsul şəxsi hara baxır.Şəhər daxilində kilometrlərlə qazılmış yollarda və quyularda işçilərin texniki təhlükəsizliyinə niyə riayət edilmir? Halbuki qazılmış olan quyuların yan səthlərində torpaq uçqunlarının qarşısını almaq üçün təhlükəszilik lövhələrindən istifadə edilməlidir.
Redaksiya olaraq ümidvarıqki, yuxarıda qeyd edilən nöqsanlar Azərsu” ASC -nin rəhbərliyi tərəfindən nəzarətə götürüləcək eləcə də hüquqları pozulan soydaşlarımızın əməkhaqları qısa bir zamanda ödənilməsinə də göstəriş veriləcəkdir.
Səsləndirilən iddia ilə bağlı qarşı tərəfin də mövqeyini dərc edə bilərik.
“Maqro Construction” MMC -nin çəkdiyi su xətlərinin videosunu təqdim edirik

Dünyanınsəsi.Az

Ramana qəsəbəsinin sakinləri yollların bərbad halda olmasından şikayətçidirlər.

Bu barədə sakinlər "Arqument.az"a məlumat veriblər.

"Sovxoz Ramana” adlanan ərazidə, Hüseyn Cavid küçəsində çəkilən görüntülər yağmurlu havalarda yolların keçilməz olduğunu göstərir.

Sakinlər bununla bağlı dəfələrlə Sabunçu Rayon İcra Hakimiyyətinə, "Azəravtoyol" ASC-yə və yerli bələdiyyəyə müraciət etsələr də, problem həll olunmayıb, əksinə, illərdir ki, bu problem davam edir.

Onların sözlərinə görə, payız-qış aylarında yolların keçilməzliyi avtomobillərin hərəkətinə mane olur, azyaşlı şagirdlərin məktəbə getməsinə əngəl yaradır.

XXI əsrdə ölkənin paytaxtında qaloş və çəkmədən istifadə edən sakinlər şəhərin başqa ərazilərinə getməkdə çətinlik çəkirlər. Küçədə isə hərəkət etmək demək olar ki, mümkünsüz olub.

Məsələ ilə bağlı Sabunçu Rayon İcra Hakimiyyətinə və "Azəravtoyol" ASC-yə müraciətlər isə cavabsız qalır.

"Mənsur Məmmədov 2007-ci il tarixdən 2015-ci il tarixə kimi Göyçay rayon icra başçısı vəzifəsində işləyən zaman Çərəkə kəndində bələdiyəyə məxsus ümumi istifadədə olan örüş təyinatlı torpaq sahəsini qanunsuz qazdıraraq sünü göl yatarmışdır. 20 hektar torpaq sahəsini əhatə edən həmin göldə balıq yetişdirilərək satışa çıxarılır.Hazırda Ucarda icra başçısı vəzifəsində olan Mənsur Məmmədovun gözü heç cürə doymaq bilmir". Bu barədə TEREF.AZ-a Göyçay rayonu Qaraman kənd sakni Mustafayev Rəvan Aydın oğlu tərəfindən edilən müraciətdə deyilir.
Müraciət müəllifi daha sonra yazır: "Həmin balıq gölü Göyçayla -Ucarın kəsişdiyi ərazidə Çərəkə kəndinə məxsus örüş torpağında yaradıldığı üçün kənd sakinləri heyvanlarını otarmağa yer tapmırlar.


Kənddə adi bir insan 2-3 sot torpağı zəbt edərsə tez onun barəsində cinayət işi başlanılır məsuliyyətə cəlb edilir ancaq icra başçısı Mənsur Məmmədova buna görə gözün-üstə qaşın var deyən yoxdur.Həttda gölə kənd sakinlərinin əkin suyu axıdıldığı üçün sakinlər tez-tez su qıtlığı ilə üzləşirlər.
Mənur Məmmədovun qazdırdığı göl qurunt suyu yaratdığı üçün 2-3 klometr radiusda olan torpaq sahəsi şoranlaşaraq yararsız olmuşdur.Bir nəfər icra başçısının tamahına görə minlərlə insan əziyyət çəkməli olur.Onuda qeyd edim ki, belə neqativ hallar barədə şikayət veriləndən sonra Ucar rayon İcra Hakimiyyəti tərəfindən əsassız cavab verilərək Mənsur Məmmədovun cinayət əməllərinin üstü ört-basdır edilir.Guya Mənsur Məmmədovun bundan xəbəri yoxdur bunların ona heç bir aidiyyatı yoxdur.Ancaq Göyçay və Ucarda uşaqdan böyüyə kimi hamı bilir ki, həmin balıq gölü şəxsən Mənsur Məmmədova məxsusdur.
Örüş yerinin qazılaraq süni göl yaradılması cinayət əməli hesab edilir.Bunu isə icra başçısı etdiyi üçün məsuliyyətə dahada ağırlaşır.Mənsur Məmmədovun bu əməlində vəzifə səlahiyyətlərindən sui-istifadə və torpaqdan qanunsuz istifadə cinayətinin tərkibi var.Dövlət qrumları insanlara bəla gətirən gözü doymaq bilməyən Mənsur Məmmədov barədə ciddi araşdırma aparıb onu məsuliyyətə cəlb etməlidir.
Yuxarı oraqnlardan xahiş edirəm bu cinayət faktı yerində bizim iştirakımızla obyektiv araşdırılıb vəzifəsindən sui-istifadə edib örüş torpağında sünü göl yaradan icra başçısı Mənsur Məmmədovun barəsində qanunu və ciddi tədbirlər görəsiniz".

Məsələ ilə bağlı teref.az olaraq qarşı tərəfi də dinləməyə hazırıq...

Tovuz rayon İbrahimhacılı kəndinin sakinləri susuzluqdan əziyyət çəkir. Suvarma suyu olmadığı üçün kənd sakinləri həyatyanı sahələrində heç bir əkin-biçin işləri apara bilmir. İçməli suyu 25 manata alan sakinlər onun da ayı başa vurmadığını deyirlər. Yaranmış problemlə bağlı dəfələrlə adiyyatı qrumlara müraciət etsələr də heç bir nəticəsi olmayıb.

Əməkdaşlarımız yaranmış problemlə bağlı Tovuz rayon İbrahimhacılı kənd bələdiyyəsi ilə dəfələrlə əlaqə saxlamağa çalışssalar da bələdiyyə sədrini tapmaq mümkün olmayıb

Daha ətraflı aşağıdakı videoda:
Teref.az

Nəsihətamiz qədim kitablardan “Qabusnamə”də Keykavusun dilindən deyilir ki, birinci vəzir çox bic adam olmalıdır. Belə ki, o, həm şahın qəzəbindən qorunmalı, həm də ikinci, üçüncü vəzirlərin, başqa əyanların hiylələrindən ehtiyatlanmalıdır. Uzun illərdir Lənkəran Şəhər İcra Hakimiyyəti başçısının birinci müavini vəzifəsini tutan Möhübbət Babayev məhz «bicliyi» sayəsində bir neçə icra başçısını yola salıb, ona de-fakto rayonun “ikinci yerdə olan birinci adamı” deyənlər yanılmırlar. Əzəli və əbədi birinci müavinin hüdudsuz səlahiyyətləri, topdağıtmaz sərvəti onun ailə üzvlərinin ərköyünlüyünü də şərtləndirib.
Mediatv.az saytının redaksiyasına Lənkəran Dövlət Universitetinin Elm şöbəsinin müdiri Ülkər Babayevanın qanunsuz əməlləri barədə məlumat daxil olub. Məlumatda bildirilir ki, Ülkər Babayeva rektor Natiq İbrahimovun adından istifadə edərək bütün özbaşınalıqları edir: “Hətta rektorun Mingəçevir və Türkiyə səfərləri zamanı yanında duraraq müxtəlif formalarda çəkdirdiyi şəkilləri göstərib Universitetdə necə deyərlər “at oynadır”.


Qayınatası–Lənkəran Şəhər İcra Hakimiyyətinin başçısı Möhübbət Babayevə arxalanaraq “burda mənəm, Bağdadda kor xəlifə” deyən Ülkər Babayeva kollektiv içərisində kimlərdən xoşu gəlmirsə, rektorun adından istifadə edərək onlara təzyiqlər etdirir. Auditoriyaya gələrkən tələbələrlə qeyri-səmimi rəftarı və davranışı, tələbələr tərəfindən ikrah hissi ilə qarşılanır.Lənkaran Dövlət Universitetində özbaşınalıqlar,qanuna zidd əməllər bununla bitmir.Belə ki,universitetin prorektoru Azər Əliyev və Billurə Qasımovanın əlindən universitet kollektivi dözülməz hal yaşayaraq təngə gəliblər. Mənbənin bildirdiyinə görə prorektor Azər Əliyevin Lənkəranın Raypo deyilən ərazisində «sağ əli» sayılan şəxsə evdə hədiyyə edib.
İnternet üzərindən apardığımız araşdırmalar nəticəsində məlum oldu ki, Möhübbət Babayevin oğlu Elmar Babayevin də ərköyünlüyü barədə mətbuatda xeyli informasiyalar yayılıb. Həmin məlumatlardan birində bildirilir ki, məmur balası Lənkəranda “avtoşluq” etməkdə ad çıxarıb. Bu yaxınlarda yola əks giriş edib və ciddi şəkildə qaydanı pozub.“Papanın gül balası” 6 saatdan sonra icra başçısının müavini Möhübbətin bir zənginə azad buraxılıb və şöbədəcə bu özbaşnalıq ört – basdır edilib.
Bütün lənkəranlılar onun “lüks” həyat tərzindən xəbərdardır. O da bildirilir ki, hətta “gəlin” xanım Ülkər Babayeva özü də bu yaxınlarda da “avto-qəhrəmanlıq” edərək rayonda bir qazinin maşınını öz maşını ilə arxa hissədən əzib və pula pul deməyən Möhübbət Babayev yeni maşın alaraq qaziyə “hədiyyə” edib.
Oxucularla irəliləyən görüşlərimizdə Babayevlərin ərköyünlüyünü şərtləndirən nəhayətsiz, ölçüyəgəlməz kapitalın natamam da olsa siyahısını təqdim edəcəyik.

Mediatv.az

Ötən ilin dekabrında yaydığımız bir məqalədə Bakı Dövlət Rabitə və Nəqliyyat Kolleci tərəfindən dövlət satınalmalarında yol verilən qanun pozuntularına toxunmuşduq. Qeyd etmişdik ki, Kollecdə hər il əsaslı və cari təmir işlərinə, avadanlıqların alınmasına satınalmalar yolu ilə külli miqdarda vəsait ayrılır. Amma dövlət satınalmaları haqqında qanunun tələblərinə uyğun deyil, buradakı səlahiyyət sahiblərinin bildiyi kimi. Yəni, elan olunmuş və keçirilmiş kotirovka sorğuları üzrə bağlanmış müqavilələrdə saxtakarlıq hallarına yol verilməklə, habelə satın alınan malların və xidmətlərin qiymətlərini süni şəkildə şişirtməklə, özlərinə yaxın şirkətlərlə bağladığı müqavilələri ictimaiyyətdən gizlətməklə. Yəni. mövzu ondan ibarət idi ki, burada satınalmalar şəffaf keçirilsəydi, nəticələri də hər yerdə olduğu kimi ictimaiyyətə açıqlanardı.

Bu il Bakı Dövlət Rabitə və Nəqliyyat Kolleci keçirdiyi kotirovka sorğularının nəticələrini açıqlayıb. Yəni bununla demək istəyirlər ki, biz şəffaf işləyirik. Amma kollecin səlahiyyyətliləri bilmirlər ki, bu ilki açıqlamalarla ötən il satınalmalarda yol verdikləri qanun pozuntularını bir daha təkrar ediblər və bizim yazdıqlarımızı təsdiq etmiş olublar. Biz ötən il tikili və avadanlıqlar, maşın və avadanlıqlar, dəftərxana və təsərrüfat xərcləri, əsas vəsaitlərin və azqiymətli və tez köhnələn əşyaların dəyərinin müəyyənləşdirilməsi, digər malların alınması, mətbəə məhsulları üzrə xərclər, maşın və avadanlıqların alınması, əyani vəsait, kitab, digər malların alınması üzrə Kollec tərəfindən keçirilmiş kotirovka sorğularının qaliblərinin kimlər olduğunu müəyyən edə bilməmişdik.

Amma bu il məlum oldu ki, Bakı Dövlət Rabitə və Nəqliyyat Kolleci səlahiyyətlilərinin biznes tərəfdaşları Sumqayıt şəhərində bir ünvanda, iki-üç ay əvvəl dövlət qeydiyyatına alınmış, iki nəfərə məxsus MMC-lərdir. İndi Kollecin səlahiyyət sahibləri sübut etsinlər ki, ötən il də satınalma müqavilələri onlarla bağlanmayıb.Yaxud da, onların adına olan başqa MMC-lərlə işbirliyində olmayıblar.

Bakı Dövlət Rabitə və Nəqliyyat Kollec sair torpaq, tikili və avadanlıqların satınalınması üzrə keçirdiyi kotirovka sorğusuna noyabr ayının 16-da yekun vurduğunu açıqlayıb və “SÜNBÜL SERVİS” Məhdud Məsuliyyətli Cəmiyyəti ilə 22 124 manat məbləğində satıanalma müqaviləsinin bağlanıldığını elan edib.

Rabitə və Nəqliyyat Kolleci mətbəə məhsullarının satın alınması üzrə keçirdiyi kotirovka sorğusuna da noyabr ayının 16-da yekun vurduğunu açıqlayıb və “DİSCOVERY AA” Məhdud Məsuliyyətli Cəmiyyəti ilə 10 445 manat məbləğində satıanalma müqaviləsinin bağlanıldığını elan edib.

İndi gəlin görək bu MMC-lər kimə məxsusdur.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “SÜNBÜL SERVİS” Məhdud Məsuliyyətli Cəmiyyətinin 22.08.2022-ci il tarixdə İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 5 manat olan MMC-nin hüquqi ünvanının SUMQAYIT ŞƏHƏRİ, MƏH 19, ev 5/24, m. 7, qanuni təmsilçisi kimi isə Abdullayeva Sədaqət Həsən qızı qeyd olunub.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “DİSCOVERY AA” Məhdud Məsuliyyətli Cəmiyyətinin 22.08.2022-ci il tarixdə İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 5 manat olan MMC-nin hüquqi ünvanının SUMQAYIT ŞƏHƏRİ, 10 MKR, ev 42, m. 59, qanuni təmsilçisi kimi isə Abdullayeva Sədaqət Həsən qızı qeyd olunub.

Bakı Dövlət Rabitə və Nəqliyyat Kolleci tərəfindən noyabrın 16-da daha bir kotirovka sorğusuna da yekun vurulduğu açıqlanıb. Abadlaşdırma işlərinin satın alınması üzrə keçirilmiş bu kotirovkada isə “RPS” Məhdud Məsuliyyətli Cəmiyyəti ilə 12 150 manat məbləğində satıanalma müqaviləsinin bağlanıldığı elan edilib. Bəs bu MMC kimə məxsusdur? Abdullayeva Sədaqət Həsən qızının qanuni təmsilçisi olduğu “DİSCOVERY AA” MMC ilə eyni ünvanda, SUMQAYIT ŞƏHƏRİ, 10 MKR, ev 42, m. 59-da dövlət qeydiyyatına alınmış Əliyev Babək Ceyhun oğluna.

Dövlət satınalmalarının vahid internet portalı üzərindən pardığımız araşdırmalar zamanı o da məlum oldu ki, Bakı Dövlət Rabitə və Nəqliyyat Kolleci qanuni təmsilçisinin Əliyev Babək Ceyhun oğlu olduğu MMC-lərlə iyul ayında da iki satınalma müqaviləsi bağlayıb.

Mətbəə məhsulları üzrə “AB İNTER SERVİS G” MMC ilə 8470 manat məbləğində satınalma müqaviləsi 27.07.2022-ci il tarixdə bağlanmışdır.

Abadlaşdırma işlərinin satınalınması üzrə keçirilmiş kotirovkada isə “RPS” MMC ilə 9799.5 manat məbləğində satınalma müqaviləsi 27.07.2022-ci il tarixdə bağlanmışdır.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “RPS” Məhdud Məsuliyyətli Cəmiyyətinin 10.11.2009-cu il tarixdə İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 20 manat olan MMC-nin hüquqi ünvanının SUMQAYIT ŞƏHƏRİ, 10 MKR, ev 42, m. 59, qanuni təmsilçisi kimi isə Əliyev Babək Ceyhun oğlu qeyd olunub.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “AB İNTER SERVİS G” Məhdud Məsuliyyətli Cəmiyyətinin 02.03.2018-ci il tarixdə İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 5 manat olan MMC-nin hüquqi ünvanının SUMQAYIT ŞƏHƏRİ, MƏH 18, ev 2/29, qanuni təmsilçisi kimi isə Əliyev Babək Ceyhun oğlu qeyd olunub.

Göründüyü kimi Bakı Dövlət Rabitə və Nəqliyyat Kolleci son beş ayda iki nəfərə məxsus ayrı-ayrı MMC-lərlə ümumi olaraq 62 988 manat məbləğində satınalma müqavilələri bağlayıb. Hamısında da “Dövlət Satınalmaları Haqqında” Azərbaycan Respublikası Qanununun tələbləri kobud şəkildə pozulub,demək olar ki, müvafiq sahədə peşəkarlığı, təcrübəsi,texniki və maliyyə imkanları, işçi qüvvəsi, idarəetmə səriştəsi, etibarlığı nəzərə alınmayıb. Ötən il olduğu kimi şübhəli satınalmalar bu il də davam etdirilib. Kollecin səlahiyyət sahibləri deyə bilər ki, bunlardan xəbərimiz yoxdu, elektron satınalma yolu ilə keçirilib. Amma necə olur ki, iki nəfərə məxsus ayrı-ayrı adlı MMC-lər eyni vaxtda məhz Bakı Dövlət Rabitə və Nəqliyyat Kollecinin keçirdiyi kotirovka sorğusunun qalibi olublar? Maraqlı olan da məhz burasıdır.

Aktualinfo.org

TEREF.AZ yazır ki, Xaçmaz rayonunun Ağarəhimoba kəndinin sakinləri təbii qazın olmamasından şikayətçidir. Onların sözlərinə görə, yaxınlıqdakı bütün kəndlərdə mavi qaz olsa da, 30 ildir ki, bu kəndə qazın "cari ildə gələcəyini" vəd edirlər.
Sakinlər bildirir ki, yerli camaat evləri qızdırmaq üçün, min bir əziyyətlə yetişdirdikləri meyvə bağlarını doğrayıb yandırırlar...
Daha ətraflı məlumat üçün videonu izləyin...

Bakı Şəhəri 11 saylı Notariat Şöbəsində müdirin özbaşınalıq hallarına yol verməsi iddia olunub.
TEREF.AZ Yeniavaz.com-a istinadla xəbər verir ki, bu barədə jurnalist İlkin Muradov sosial şəbəkə hesabında paylaşım edib.
O bildirib ki, ötən həftə sonu 11 saylı notariat şöbəsinə gedib:
“Bacanağım mənə ümumi etibarnamə verməli idi. Əməkdaşlardan birinə yaxınlaşdıq. Ümumi etibarnamənin tələblərini etibarnaməni verən adama izah elədi. Etibarnaməni verən də etiraz etmədi. Sonra birdən qayıtdı ki, müdirin yanına gedin, sizə 1-2 sual verəcək. Dedik ki, nə sualı? Alan razı, verən razı. Müdirə nə? Nəsə, müdirin yanına keçdik. Səhv etmirəmsə, adı İlqar idi. Bizə qədər bağlı qapı arxasında çox adam qəbul eləmişdi. Otağına girəndə dedi ki, ancaq etibarnaməni verən qalsın. Mən qapıda gözləyəndə 3-4 dəqiqəyə bacanağım çıxdı. Dedi ki, vermədi. Müdir deyib ki, imzanı çək. Bacanaq da imzasını dəftərə çəkib. Özünü ağıllı hesab edən müdir deyib ki, şəxsiyyət vəsiqəsindəki imzaya oxşamır. Buna başa salmaq olmayıb ki, vəsiqədəki adam burdadır, vəsiqədəki imza da elektron qələmlə çəkilib. Tələb absurd idi. Bəlkə də bunun üçün rüşvət istəyirdi”.
Jurnalist daha sonra ASAN xidmət mərkəzlərindən birinə gedib:
“Növbəmiz bizə çatanda cəmi 5-6 dəqiqəyə etibarnaməni aldıq. Bizə sadəcə etibarnamənin tələblərini, şərtlərini izah elədilər. ASAN Xidmətdə olanda xanımlardan birindən 11 saylıdakı özbaşınalığın, imza tələbinin səbəbini soruşdum. Xanım gülümsəyərək belə cavab verdi: “11 saylı notariuslar içində notarius yaradıb. Onların fəaliyətini şərh etmək istəmirəm”. Bu sözdən də aydın oldu ki, 11 saylı notarius müdir tərəfindən “ata ocağı” kimi işlədilir”.
Məsələ ilə bağlı Ədliyyə Nazirliyinin rəsmisi Aynur Sabitova bildirib ki, iddiaları müvafiq idarə araşdıracaq.