 |
|
|
Haqqında bəhs edəcəyimiz Sumqayıt Apellyasiya Məhkəməsinin hakimi Şəmsəddin Abasov barəsində yazıya keçməzdən öncə onun keçmişinə bir nəzər salaq. Deməli, Şəmsəddin Abasov 2013-cü ildə Milli Məclisin o zamankı sədri Oqtay Əsədovun qərarı ilə Sumqayıt Apellyasiya Məhkəməsinin hakimi vəzifəsinə təsdiq olunub.
Qərarda deyilir: Azərbaycan Respublikası Konstitusiyasının 95-ci maddəsinin I hissəsinin 10-cu bəndinə, 132-ci maddəsinin II hissəsinə, “Məhkəmələr və hakimlər haqqında” Azərbaycan Respublikası Qanununun 94-cü maddəsinin ikinci hissəsinə, 96-cı maddəsinə və 97-ci maddəsinin ikinci hissəsinə uyğun olaraq, Azərbaycan Respublikası Prezidentinin təqdimatına əsasən Azərbaycan Respublikasının Milli Məclisi qərara alır: 1. Aşağıdakı hakimlər başqa vəzifəyə dəyişdirilərək Sumqayıt Apellyasiya Məhkəməsinin hakimləri təyin edilsinlər:
Abasov Şəmsəddin Rizalı oğlu, Oqtay Əsədov Azərbaycan Respublikası Milli Məclisinin Sədri Bakı şəhəri, 2 iyul 2013-cü il. Buradək yazdıqlarımız rəsmi məlumat.
Deməli, hakim Abasov Şəmsəddin HAKİMLİK adı ilə bağlı bir araya sığmayan əməlləri ilə bağlı mediada çox yazılıb. Məsələn, “Xudat Balıq” ASC-nin sabiq direktoru, iş adamı Güləhməd Güləhmədovun ədliyyə naziri Fikrət Məmmədova ünvanladığı məktubda yazır ki, Şəmsəddin Abasov sahibkarlıq fəaliyyəti ilə məşğul olur və ortaya rəsmi sənədlər qoyur.
Təsəvvür edirsiniz, Açıq Səhmdar Cəmiyyətinin (ASC) ümumi yığıncağının 1 saylı Protokolundan görünür ki, cənab Abasov Şəmsəddin Rizalı oğlu 01 mart 2006-cı il tarixdən bu günə qədər sözügedən Səhmdar Cəmiyyətin Direktorlar Şurasının üzvüdür. “O, bu vəzifəni tutduğuna görə hakim kimi işləyə bilməz. Onun bu fəaliyyəti Azərbaycan Respublikası hakimliyinə ləkədir. Ona görə də, sizdən xahiş edirəm ki, Abasov Şəmsəddin Rizalı oğlu biznes fəaliyəti ilə məşğul olduğundan, onun hakimlik fəaliyyətinə son qoyulsun” –deyə məktubda bildirilir. İş adamı ədliyyə nazirinə belə bir müraciət ünvanlamasının səbəbini isə Şəmsəddin Abasovun ona məxsus təsərrüfatın qeyri-qanuni yollarla başqaları tərəfindən əlindən alınması prosesində birbaşa iştirak etməsi ilə bağlayır.
Belə ki, Güləhməd Güləhmədovun sözlərinə görə, “Xudat Balıq” ASC-nin qanunsuz yollarla ələ keçirilməsində iştirak edən Şəmsəddin Abasov, hazırda Sumqayıt şəhər Apellyasiya Məhkəməsinin hakimi kimi səlahiyyətlərindən və əlaqələrindən istifadə edərək, onun şikayətlərinə qanun çərçivəsində baxılmasına mane olur.
Sözün qısası, hakim Şəmsəddin Abasov barəsində belə faktlar kifayət qədərdir.
Onu da qeyd edək ki, araşdırma zamanı bəlli olur ki, hakim Şəmsəddin Abasov İran əsilli iş adamı Əhəd Purun yaxın dostudur.
Sözün qısası, “Xudat Balıq” ASC məsələsində hakim Şəmsəddin Abasov böyük məbləğdə BONUS alır. İndi isə keçək, qeyri-rəsmi söhbətə. Bəli, Gədəbəyin dağ kəndlərindən birinin nümayəndəsi Nüsrət müəllim deyir ki, Şəmsəddin müəllim əvvəllər Soçi, Minsk, Kiyev xatirələrindən danışardı...diskotekalarda rus xanımlarla LAMBADA oynamağından, özünün də mikrofonu ağzına sarı tutub rus mahnıları oxumağından danışardı...Biz də zarafatla deyırdik ki, sənin nəvə oynadan vaxtındır...
Sözün qısası, Şəmsəddin müəllimin rus xanımlarla diskotekada əylənməsi normaldır. Çünki hər bir insanın istirahət hüququ var.
Bunu qəbul edirik. Amma... Əmması odur ki, Şəmsəddin müəllim bir dəfə ağır məclislərin birində bizə dedi ki, KİŞİ OLMARAM ƏGƏR, BU MƏSƏLƏNİ YOLUNA QOYMASAM... Biz cənab hakimə deyirik ki, sənin kişi olub-olmadığını biz deyə bilmərik, yaxınların sənin kişilik məsələni bizdən yaxşı bilir... Amma Şəmsəddin müəllimə deyirik ki, bu yaxınlarda Gədəbəydən Nüsrət müəllim sənin adına açıq məktub göndərmişdir, biz də oxuduq.
Məktubda yazılmışdı: Babasına məktub yazdı İsgəndər, Saqqalına salam posılka göndər. Yanında siqaret, bir də....yemək, Araq da yadından çıxmasın demək... Bu şer çox uzun-uzadı olsada Şəmsəddin müəllim özü ədəbiyyatı gözəl bilir. Amma...
P.S. Deyirəm, Şəmsəddin müəllim biz tərəfdə belə bir söz var, kişi kimi söz veriləndə, kişi kimi yerinə yetirərlər, Tağı müəllim deməli, daha burcudmazlar. //gundelik-baku.com//
“Ünvanıma gələn saxta qəbzlə bağlı “Azərişıq” ASC-yə müraciət etdim. Qəbzləri rəisə və rəis müavininə göstərdim, saxta olduğu təsdiqləndi. Smart tipli sayğaclara bildiriş verilmir, borc bildirişi, ümumiyyətlə, verilməməli idi. Naməlum şəxs bunu necə əldə edib, o da bilinmir. Eyni zamanda yoxladılar ki, borcum yoxdur. Rəis müavini qorxudan əsirdi. Dedim ki, mərdimazarlıq etmək, işinizə qarışmaq niyyətim yoxdur, sadəcə, borcumun olmaması ilə bağlı mənə rəsmi arayış verin. Böyük bir saxtakarlıqda ad-soyadımdan, abunə kodumdan nəyə görə istifadə olunmalıdır? Sabah adımıza yüklü miqdarda borc gələ bilər. Mənə dedilər ki, rəsmi müraciət edin, rəsmi cavab verərik. Müavin ardımca gəldi, dedi ki, nə yazacaqsan? Dedim, şikayət ərizəsi yazacağam, indi rəsmi cavab verin, mən də rahat olum ki, adıma gələn ay 200 manat borc gəlməyəcək. Müavin dedi ki, qərar var, on gün sonra verərik. Axı məsələnin nə yerdə olduğunu bilirsiniz, nəyi araşdırırsınız?”
TEREF.AZ bildirir ki, bu barədə ilahiyyatçı Hacı Təyyar Hüseynli Pravda.az-a ünvanladığı şikayətində bildirib.
“Rəisin müavininə dedim ki, siz çox qanunsuzluqlar etmisiniz. Sonra polisə getdim. Bütün məsələləri yazılı şəkildə təqdim etdim. Bu, hər kəsin başına gələ bilər. Smart kartla pulumu ödəyib, işığımı yandırmışam. Nə əsasla maxinasiya edirsiniz? Sonra elə bilərlər ki, bunlarla bir yerdə yeyintiyə yol vermişəm, kiməm, nəçiyəm... Belə hallar olur, böyük yeyintiləri sıradan işçilərin, digər şəxslərin adına, kartına yönəldirlər, bunu biz bilirik”, - ilahiyyatçı deyib.
Fövqəladə Hallar Nazirliyinin (FHN) Tibb Xidmətinin Tibb Mərkəzi rəisi, polkovnik Xanım Sofiyevayanın əvvəlki vəzifəsində təyin olunan qadın istefa verib.
Xanım Sofiyeva mərkəzin rəisi vəzifəsinə təyinat aldıqdan sonra nazir Kəmaləddin Heydərovun sərəncamı ilə tibb xidməti mayoru Pərvanə Babayeva FHN-in Fövqəladə halların nəticələrinin aradan qaldırılması işinin təşkili Baş İdarəsinin Tibbi və psixoloji yardımın təşkili şöbəsinin rəisi təyin olunub.
7 ay əvvəl bu vəzifəyə təyin olunan tibb xidməti mayoru Pərvanə Babayeva FHN-nin Tibb Xidmətinin Tibb Mərkəzinin rəisi, polkovnik Xanım Sofiyeva ilə aralarında yaranan narazılıq səbəbindən öz xahişi ilə işdən çıxmalı olub.
Xatırladaq ki, polkovnik Xanım Sofiyevanın rəhbərlik etdiyi Tibbi Mərkəzi struktura görə FHN-nin Tibb Xidmətinin tabeliyindədir. Buna baxmayaraq, Xanım Sofiyeva rəhbəri olduğu qurumu Xidmətə və onun rəisinə tabe etmir.
Məsələn, bu yaxınlarda Türkiyədə baş vermiş zəlzələdən əziyyət çəkənlərə yardım məqsədilə göndərilən Tibb Mərkəzinin bəzi əməkdaşlarından Tibb Xidməti rəisi, polkovnik Pərviz Vəliyevin ümumiyyətlə xəbəri olmayıb.
İddia edilir ki, FHN-də vahid tibb mərkəzi təsdiqləndikdən sonra bu qurumun başına rəhbər gətirilməsi gözlənilən Xanım Sofiyeva ona mane olan bütün işçiləri də vəzifəsindən uzaqlaşdıra bilib. Həmin quruma rəhbər vəzifəsinə namizəd olacağı gözlənilən Tibb Mərkəzinin sabiq rəisi, tibb xidməti polkovniki Kamal Namiq oğlu Əliyev, tibb xidmətinin iqtisadi işlər üzrə rəis müavini, polkovnik Rəfiq Faiq oğlu Mirişli və tibb xidməti mayoru Mirzəyeva Aidə Rəfail qızını da uzaqlaşdırmağı da bacarıb. Hətta iddia edilir ki, FHN-nin Kadr siyasəti Baş İdarəsinin rəisi, general-mayor Sevda Şirinova işdən öz xoşu ilə getməyən zabitləri kabinetinə çağıraraq, məcburi əzirə yazdırır.
Onu da bildirək ki, FHN-nin Tibb Xidməti rəisi, polkovnik Pərviz Vəliyev və müavini Salman Məmmədovun təqaüd yaşından 5 il artıq keçməsinə baxmayaraq, xidməti ili artırılmayıb.
Pərviz Vəliyev milyonluq əmlakları olmasına baxmayaraq, FHN-dən kirayə pulu da aldığına görə sayıtımızda gündəmə gəlib.
Qlobal.az
Aztəminatlı ailələrin sosial rifahını yüksəltmək məqsədilə ölkədə sosial siyasət sahəsində özünüməşğulluq tədbirlərinə xüsusi önəm verilir. Azərbaycan Respublikası Prezidentinin 7 aprel 2016-cı il tarixli 1941 nömrəli “Əhalinin özünüməşğulluğunun təmin olunması sahəsində əlavə tədbirlər haqqında” Sərəncamına əsasən özünüməşğulluq proqramı həyata keçirilir. Bu proqram çərçivəsində aztəminatlı ailələrə fərdi təsərrüfatlarını yaratmaq, inkişaf etdirmək üçün dövlət vəsaiti hesabına ailəyə birbaşa natura şəklində və ya nağd vəsait formasında dövlət dəstəyi göstərilir. Ailə movcud proqram çərçivəsində təqdim etdiyi biznes plana uyğun olaraq kənd təsərrüfatı, istehsalı və ya xidməti üzrə əmlaklarla təmin edilir. Azərbaycandakı özünüməşğulluq proqramı məhz formasına görə digər ölkələrdəki təcrübədən ciddi şəkildə fərqlənir. Yəni dövlət Azərbaycanda vətəndaşına işini qurmaq üçün hər iki halda yardımçı olur. Lakin...
Şəhid ailələri, Qarabağ qaziləri, əlillər cəmiyyətin həssas təbəqələridirlər. Ölkə başçısının müvafiq qərar və tövsiyyələri ilə bu kateqoriyadan olan şəxslər mütəmadi olaraq dövlət strukturlarının daimi nəzarətində olurlar. Mənzil, sosial problem və məşğulluqla bağlı aidiyyatı dövlət qurumları bu təbəqəyə daim diqqət ayırır. Bu, dövlətin həmin qrupdan olan şəxslərə həm də mənəvi borcudur. Çox təəssüf və təəccüblə qeyd etmək lazımdır ki, bəzi dövlət qurumlarında çalışan şəxslər nəinki həmin həssas qrupun, hətta az qala dövlətin belə onlara borclu olduğu qənaətindədirlər. Çünki həmin şəxslər üçün “şəxsi mən” ən vacib və önəmlidir.
Tovuz rayon Yuxarı Öysüzlü kənd sakini, Qarabağ qazisi, 2-ci qrup əlil Akif Fikrət oğlu Məmmədova yaradılan süni problemin əsasinda da, məhz problemi yaradanların “şəxsi məni” dayanır. Qazi yaşayan şəhiddir, tarixin şahididir, qələbənin müjdəçisidir. Qazilik məqamdır. İnsanlıq üzərində haqqı olandır. Lakin...
Lakin Tovuz rayon polis şöbəsinin əməliyyat üzrə rəis müavini polkovnik-leytenanat Anar Xəlilov zehniyyətində öncə onun şəxsi “maraqlarıdır”. Hətta vətəndən də, dövlətdən də, ötədə rəis müavininin “maraqlarıdır”. Çox təəssüf ki, bu “maraqların” nüvəsində isə məhz qanun yoxdur. Nə yazıq ki, qanunu müdafiə etməli olan şəxsin istəyində qanunauyğun tərəf və tələb yoxdur.
Qarabağ qazisi dövlətdən hər hansı bir vəsait və yardım almadan qurduğu kiçik sahibkarlıq subyektində normal iş rejimindən məqsədli şəkildə məhrum edilib. Tovuz rayon, Yuxarı Öysüzlü kənd sakini, Qarabağ qazisi, 2-ci qrup əlil Akif Fikrət oğlu Məmmədovun müraciətində qeyd edilir ki, o, rayonun Cırdaxan kəndi ərazisində kiçik sahibkarlıq fəaliyyəti ilə məşğul olur. Sadə və anlaşılan dillə ifadə etsək ikinci əl dəmir və dəmir məmulatlarının alqı-satqısı ilə məşğuldur. Tovuz rayon polis şöbəsinin rəis müavininin şifahi tapşırığı ilə ərazidə xidmət aparan polis əməkdaşları qazini “qeyri-qanuni fəaliyyətdə” suçlayaraq, ona davamlı təzyiq edirlər. Müqavimətsiz etiraz edən qazinin polis şöbəsinə gətirilməsindən sonra isə əsas “məqsəd” bəlli olur. Sən demə hörmətli rəis müavini kriminal jarqon ilə ifadə etsək qaizini “tasa otuzdurmaq” istəyir. Təxminən 8 ssatlıq səbəbsiz sorğu-sualdan sonra “istintaqı” aparan Orxan Əlizadə adlı polis əməkdaşı Qarabağ qazisindən 5000 azn pul istəyir. Vətənin azadlığı uğrunda tökdüyü bir damla qanının belə dünya boyda dəyəri olan əlil qazinin sözsüz ki, Orxan Əlizadənin iddia etdiyi qədər pulu olmadığı üçün etiraz edir. Bu zaman polis əməkdaşının vətənpərvəliyi “qabarır”. “Qazi olduğun üçün sənə endrim edirik. 1000 manat ver, get rahat işlə” – deyir. Və bu zaman dəhşət və heyrətlə müşayət olunan sual yaranır. Adam sən nəyi alıb satdığını düşünürsən ki, endirimlərdən danışırsan? Qarşındakı vətənləşmiş vətəndaşdır. Qazidır. Hər kəsin borclu olduğu şəxsdir. Vətəndaşa vətənini qaytaran əsgərdir. Sən bilirsənmi vətən nədir Orxan Əlizadə? Sən bilirsənmi işğal nədir Orxan Əlizadə? Və sən bilirsənmi..? Bilrmirsən. Adım kimi əminəm ki, bilmirsən. Əgər bilsəydin Qazidən, gəzən şəhiddən rüşvət istəyətdinmi? Əsla. Deməli bilmirsən. Əgər bilmirsənsə o, zaman...
Məsələ bununla da, bitmir. Çünki adamların şəxsi məni dövlət və dövlətçiliyin hüdudlarını çoxdan aşıb. Adamlar özlərini mülkün sahibi hesab edirlər. Ölkə başçısının “hər bir məmur vətəndaşın xidmətçisdir” çağrışı bu şəxslər üçün keçərsizdir. Məmur əgər Prezidentin çağırışını önəmsəmirsə, o, zaman deməli ox yaydan çıxıb. Deməli vəziyyətin geriyə dönüşü yoxdur. Əgər belə olmasa idi öz işini polisin caynağından xilas etmək üçün çarəsiz qazinin Orxan Əlizadəyə təklif etdiyi 500 azn-dən sonra “rahat işləmək istəyirsənsə, hər ay 300 manat haqqı vaxtında çatdır” tələbi olmazdı. Bu sözün bitdiyi məqamdır.
Asif Məhərrəmov hadisə ilə bağlı DİN-in 102 qaynar xəttinə, Ombudsmana rəsmi müraciət edib. Lakin sual olunur, adam nədən həmin qurumlara müraciət etməli idi? Hansı zərurət yarandı ki, vətəndaş mərkəzə və ya daha yuxarı orqana problemi ilə bağlı müraciət etdi? Axı bu vətəndaşın problemi deyil, məhz vətəndaşa yaradılan problemdir. Axin.az
Məlumatda adı çəkilən qurum və şəxslərin də, münasibətlərini dərc etməyə hazırıq.
XalqXeber.Az
Sabahdan Lənkəran Dövlət Universitetinin (LDU) tədris korpuslarında fəaliyyət göstərən tələbə kafeləri fəaliyyətlərini dayandıracaq.
TEREF.AZ Qaynarinfo-ya istinadla xəbər verir ki, bu barədə universitet məlumat yayıb.
Bildirilib ki, buna səbəb Azərbaycan Qida Təhlükəsizliyi Agentliyi Lənkəran Ərazi Bölməsi (QTALb) tərəfindən adı çəkilən kafelərdə bir-birinin ardınca əsassız yoxlamalar aparılması və universitetin qida təhlükəsizliyi qaydalarına riayət olunmadığına görə cərimələməsidir:
"Halbuki, universitet 26 dekabr 2022-ci il tarixli yoxlamanın nəticəsini qərəzli hesab edərək Lənkəran Rayon Məhkəməsinə müraciət edib və rayon məhkəməsi tətbiq olunan cərimə cəzasını ləğv edib. Şirvan Apellyasiya Məhkəməsi də rayon məhkəməsinin qərarını qüvvədə saxlayıb. Bundan sonra QTALB tərəfindən əsassız və qərəzli yoxlamaların sayı artmış və nəticədə universitet korpuslarda fəaliyyət göstərən kafeləri bağlamaq məcburiyyətində qalıb”.
Universitet AQTA-nın qərarını qərəzli hesab edir: "Sual oluna bilər: QTALb ən azından hamımızın hər gün baş çəkdiyimiz Lənkəran bazarındakı antisanitariya vəziyyətini görmürmü? Heç nəyi demirik. Niyə QTALb bazarda üstünə qara milçəklər daraşan, toz-torpaq içində açıq vəziyyətdə satılan ət və digər ərzaq məhsullarının satışına qadağa qoymur, antisanitariya şəraitinə göz yumur? Sizcə niyə? QTALb Lənkəran şəhərinin çirkab axıdan açıq kanalizasiya xətlərindən, həmin kanalizasiya çirkabının həyətlərdəki su quyuları ilə birləşməsindən xəbəri yoxdurmu? Lənkəranda intensiv yağışların yağdığı vaxtlarda həyətlərin sanuzellərinin su quyuları ilə birləşdiyini görmürmü QTALb? İndiyə qədər QTALb hansı ərzaq istehsal edən və ya satan müəssisənin əməkdaşlarının tibbi müayinədən keçməsini tələb edib? Niyə QTALb Lənkəran şəhərinə verilən içməli suyun tərkibi ilə heç maraqlanmır da? Bəlkə siz deyəsiz, əziz tələbələr? Çoxunuz marketlərdə, restoranlarda, şadlıq saraylarında fəaliyyət göstərirsiniz və oralardakı vəziyyəti çox da yaxşı bilirsiz. Bəli, QTALb-nin bu və bu kimi digər biabırçı hallara, vəziyyətə göz yummasının səbəblərini biz yaxşı bilirik.
Bu gün universitet tələbədən qeyri-qanuni heç bir ödəniş (rüşvət, filan) tələb etmir və QTALb-nin də qeyri-qanuni tələblərini rədd edib, bundan sonra da edəcək. Amma bununla yanaşı onu da deməyi özümüzə borc bilirik ki, universitet bütün nəzarət və təftiş qurumlarının, eləcə də QTALb-nin də QANUNİ tələblərini həmişə icra edib və bundan sonra da edəcək.
Əlavə olaraq onu da bildirək ki, universitetin tədris korpuslarında fəaliyyət göstərən kafelər fərdi sahibkarla Respublika Əmlak Məsələləri üzrə Dövlət Xidməti arasında bağlanmış müqaviləyə əsasən fəaliyyət göstərir. LDU bu məsələdə yalnız vasitəçi kimi çıxış edir”.
Lənkəran Dövlət Universiteti "Facebook" səhifəsində növbəti açıqlama yayaraq bufetlərin bağlanması ilə bağlı paylaşımın 14 mart 2023-cü il tarixdə gecə saatlarında LDU-nun rəsmi "Facebook" səhifəsində adminstrator Ənvər Şahqubadbəylinin səhlənkarlığı üzündən Azərbaycan Respublikası Qida Təhlükəsizliyi Agentliyi Lənkəran Regional Bölməsi ilə bağlı qərəzli, universitetin maraqlarını və həqiqəti əks etdirməyən, bu ali təhsil ocağının mənafeyinə uyğun olmayan yazı dərc edilib. Həmin yazıda həmçinin universitetə ünvanlanmış, LDU-nun Təsərrüfat işləri və iqtisadi məsələlər üzrə prorektoru Azər Əliyevin sərəncamında olan rəsmi məktubdan istifadə edilib.
LDU-nun mətbuat xidməti olaraq bir daha media qurumlarının, sosial şəbəkə istifadəçilərinin və Azərbaycan Respublikası Qida Təhlükəsizliyi Agentliyi Lənkəran Regional Bölməsi rəsmilərinin diqqətinə çatdırırıq ki, həmin paylaşımda verilən məlumatlar universitetin rəsmi mövqeyi deyil. Universitet rəhbərliyi baş verənlərə görə təəssüfləndiyini bildirir və diqqətinizə çatdırır ki, məsələdə günahkar olanlar barədə operativ ölçü götürülüb. Belə ki, LDU-ya ünvanlanmış rəsmi məktubun qeyri-rəsmi şəxslərin əlinə düşməsinə və həmin sənədin universitetin rəsmi feysbuk səhifəsində verilməsinə görə Lənkəran Dövlət Universitetinin Təsərrüfat işləri və iqtisadi məsələlər üzrə prorektoru Azər Əliyevə sonuncu xəbərdarlıq edilməklə şiddətli töhmət elan edilib.
Həmçinin universitetin elektron məlumat daşıyıcılarının(veb səhifələrin) adminstratoru Ənvər Şahqubadbəyli səhlənkarlıq edib səhifəyə nəzarət etmədiyi üçün səhifə adminstratorluğundan azad edilib və ona töhmət verilib. LDU-nun elektron məlumat daşıyıcılarının(veb səhifələrin) adminstratoru vəzifəsi universitetin Elektron Universitet layihəsinin rəhbəri Mayis Eyniyevə tapşırılıb.
Qaynarinfo-nun apardığı araşdırmaya görə, Azərbaycan Qida Təhlükəsizliyi Agentliyi Lənkəran Ərazi Bölməsi (QTALb) universitetdə yoxlama aparıb və nəticədə ciddi nöqsanlar aşkarlayıb.
Universitetin rektoru Natiq İbrahimovla AQTA rəhbərliyi arasında baş tutan danışıqlardan sonra, LDU-nun "Facebook” səhifəsində qurumun ünvanına dərc edilən yazının "kiberhücum” olduğu deyilib. Bir neçə saat sonra isə sözügedən yazının günahkar prorektor Azər Əliyev və veb səhifələrin adminstratoru Ənvər Şahqubadbəylinin səhlənkarlığı nəticəsində yayımlandığı deyilib.. Buna görə prorektora xəbərdarlıq edilməklə şiddətli töhmət verilib, Ənvər Şahqubadbəyli vəzifəsindən azad olunub.
Bakı şəhər Mənzil-Kommunal Təsərrüfatı Departamentinina Sanitariya və Təmizlik idarəsi məhkəməlik olub.
TEREF.AZ xəbər verir ki , sözügedən idarə barəsində İXM-nin 347-ci maddəsi ilə (Hərəkəti Qaydalari Əleyhinə Olan Inzibati Xətalar) protokol hazırlanıb.
Hazırlanmış protokol Sabunçu Rayon Məhkəməsinə təqdim edilib.
Saytımıza daxil olan digər məlumata görə, Bakı şəhər Mənzil-Kommunal Təsərrüfatı Departamentinina Sanitariya və Təmizlik idarəsnin dövlətə külli miqdarda vergi borcu var.
Belə ki, sözügedən qurumun bu günə olan vergi borcu təxminən 3 milyon manata yaxındır. (2709758.97AZN).
İdarənin rəisi Mübariz Hüseynovdur. 32gun.az
Gədəbəy rayon Arıqıran kəndində Xəyalə adlı xanım illər əvvəl(təxmini 3-4 il) Gədəbəy rayon Arıqıran kənd icra nümayəndəliyinə işsizliklə bağlı müraciət edib. İcra nümayəndəsinin müavini Ədalət Musayev onu işə düzəldəcəyini bildirib. Xanımdan lazımı sənədləri götürüb və ona Gədəbəy rayon Kommunal Müəssisələri Kombinatında işlə təmin olunacağını deyib. Bir müddət sonra Ədalət Musayev xanımın sənədlərini geri qaytarıb. İşin düzəlmədiyini bildirib.
Bu il Xəyalə xanım işsizliklə bağlı Dövlət Məşğulluq Agentliyinin Gədəbəy rayon şöbəsinə yaxınlaşıb. Həmin idarədə xanıma bildiriblər ki, bəs sən işsiz deyilsən. 3-4 ildir ki, sizin işiniz və adınıza kartınız var.
Yekunda məlum olub ki, illər əvvəl Ədalət Musayev xanımın sənədlərini alanda, onu Gədəbəy rayon Kommunal Müəssisələri Kombinatının keçmiş müdiri Yusif Murquzov ilə əlbir olaraq işlə təmin ediblər. Lakin xanıma iş olmadığını deyiblər və maaş kartını verməyiblər. Kart həmin vaxtdan indiyə kimi Ə.Musayevdə, yaxud Y.Murquzovda olduğu bəlli deyil. Bəlli olan odur ki, illərdi Xəyalə xanım maaş alır, lakin başqaları mənimsəyir.
Xanım adına olan kartla bağlı dəfələrlə bağlı Kapital Bankın Gədəbəy rayon filialına yaxınlaşsa da, ona heç bir məlumat verilməyib. Adına olan karta giriş-çıxış barədə heç bir məlumat və sənəd verilmir. Tək rekvizit təqdim edilib. Görünür, Ədalət Musayev, Yusif Murquzov bu işi Kapital Bankla əlbir edib.
Qeyd edim ki, vətəndaşın imzası yaxud etibarnaməsi olmadan onun adına olan bank kartını digər bir vətəndaşa vermək qanunla qadağandır.
Hətta, Kapital Bankın Gədəbəy rayon filialında övaldın katını anaya vermədiyinin şahidi olmuşam. Lakin Ədalət Musayevlə Yusif Murquzovun əlbir pul mənimsəməsinə şərait yaradır. Vətəndaşın kartını məmurlara həvalə edir.sarkazm.az
Lənkəran Dövlət Universitetinin feysbuk səhifəsində bufetlərin bağlanması məsələsi ilə əlaqədar növbəti paylaşım edilib.
Yeniavaz.com xəbər verir ki, paylaşımda bildirilib:
“Hörmətli səhifə izləyiciləri! Lənkəran Dövlət Universitetinin rəsmi facebook.com səhifəsinin administratorluğu bildirir ki, səhifədə Azərbaycan Qida Təhlükəsizliyi Agentliyi tərəfindən Lənkəran Dövlət Universitetində aparılmış yoxlamalarla bağlı məlumat səhifəyə kiber hücum nəticəsində yerləşdirilib və unversitetin rəsmi mövqeyini əks etdirmir. Hazırda həmin insidentlə bağlı araşdırma aparılır və yaxın zamanda bu barədə ictimaiyyətə əlavə məlumat veriləcək”.
***13:14
Lənkəran Dövlət Universitetinin (LDU) tədris korpuslarında fəaliyyət göstərən tələbə kafeləri martın 15-dən etibarən fəaliyyətlərini dayandıracaq.
Yeniavaz.com xəbər verir ki, bu barədə universitet məlumat yayıb.
Bildirilib ki, buna səbəb Azərbaycan Qida Təhlükəsizliyi Agentliyi Lənkəran Ərazi Bölməsi (QTALb) tərəfindən adı çəkilən kafelərdə bir-birinin ardınca əsassız yoxlamalar aparılması və universiteti guya qida təhlükəsizliyi qaydalarına riayət olunmadığına görə cərimələməsidir:
“Halbuki, universitet 26 dekabr 2022-ci il tarixli yoxlamanın nəticəsini qərəzli hesab edərək Lənkəran Rayon Məhkəməsinə müraciət edib və rayon məhkəməsi tətbiq olunan cərimə cəzasını ləğv edib. Şirvan Apellyasiya Məhkəməsi də Rayon məhkəməsinin qərarını qüvvədə saxlayıb. Bundan sonra QTALb tərəfindən əsassız və qərəzli yoxlamaların sayı artmış və nəticədə universitet korpuslarda fəaliyyət göstərən kafeləri bağlamaq məcburiyyətində qalıb.
Sual oluna bilər: QTALb ən azından hamımızın
ilə birləşdiyini görmürmü QTALb? İndiyə qədər QTALb hansı ərzaq istehsal edən və ya satan müəssisənin əməkdaşlarının tibbi müayinədən keçməsini tələb edib? Niyə QTALb Lənkəran şəhərinə verilən içməli suyun tərkibi ilə heç maraqlanmır da? Bəlkə siz deyəsiz, əziz tələbələr? Çoxunuz marketlərdə, restoranlarda, şadlıq saraylarında fəaliyyət göstərirsiniz və oralardakı vəziyyəti çox da yaxşı bilirsiz. Bəli, QTALb-nin bu və bu kimi digər biabırçı hallara, vəziyyətə göz yummasının səbəblərini biz yaxşı bilirik.Bu gün universitet tələbədən qeyri-qanuni heç bir ödəniş (rüşvət, filan) tələb etmir və QTALb-nin də qeyri-qanuni tələblərini rədd edib, bundan sonra da edəcək. Amma bununla yanaşı onu da deməyi özümüzə borc bilirik ki, universitet bütün nəzarət və təftiş qurumlarının, eləcə də QTALb-nin də qanuni tələblərini həmişə icra edib və bundan sonra da edəcək.
Əlavə olaraq onu da bildirək ki, universitetin tədris korpuslarında fəaliyyət göstərən kafelər fərdi sahibkarla Respublika Əmlak Məsələləri üzrə Dövlət Xidməti arasında bağlanmış müqaviləyə əsasən fəaliyyət göstərir. LDU bu məsələdə yalnız vasitəçi kimi çıxış edir”. //Yeniavaz.com//
Son illər Azərbaycanda tikinti şirkətlərinin sayı kəskin azalsa da, onların dələduzluq əməllərindən əziyyət çəkən vətəndaşların sayı azalmayıb.
Çünki hakimiyyətdə, hüquq mühafizə orqanlarında güclü himayəçiləri olan MTK rəhbərləri nə haqqını oğurladıqları vətəndaşların pulunu, əmlakını verir, nə də cinayət məsuliyyətinə cəlb edilirlər.
2000-ci illərin əvvəlindən bu günədək yüzlərlə tikinti şirkəti bir mənzili bir neçə nəfərə satmaqla, vətəndaşların payçı olduqları əmlakı mənimsəməklə, pilot layihələrdə ağılasığmayan digər fırldaqlarla böyük sərvət qazanıblar. Bəzilərinin yolu qısa müddətdə həbsxanadan keçsə də, törətdikləri cinayətlərə görə adekvat cəza almayıblar. Himayəçiləri hələ də güclü olan MTK rəhbərləri isə öz çirkin oyunlarını davam etdirilər.
Təxminən bir ay əvvəl mediada qalmaqallı tikinti maqnatlarından biri, “İnşaat konstruksiyaları” MMC-nin rəhbəri Rauf Əliyevin Korrupsiyaya qarşı Mübarizə Baş İdarəsinin əməkdaşları tərəfindən saxlanlıdğı yazılmışdı. Amma bir həftə sonra onu müəmmalı şəkildə həbsdən azad ediblər, amma illərdir süründürdüyü vətəndaşların problemi həll edilməyib.
Rauf Əliyevin rəhbərlik etdiyi MTK Bakının bir sıra bahalı yerlərində çoxmərtəbəli binalar tikərək satıb. Amma onun layihələrinin heç biri qalmaqalsız, mübahisiz yekunlaşmayıb. Bəziləri ümumiyyətlə öhdəliklərə zidd olaraq istifadəyə verilməyib, çünki mənzillər sahibdən əlavə bir neçə nəfərə satılıb. Məsələn, Nizami rayonu, Mehdi Abbasov küçəsi, 25\38 ünvanında yerləşən komplekslə bağlı qalmaqal mediada dəfələrlə işıqlandırılıb. Belə ki, tikintisi 2017-ci ilin avqustundan başlayan bina layihədə 15 mərtəbli nəzərdə tutulsa da, Rauf Əliyev tikinti normalarını kobud şəkildə pozaraq onu bir qədər “ucaldaraq” 18 mərtəbəyə çatdırıb. “İnşaat Konstruksiyaları” MMC müqavilədə binanı 2019-cu ilin avqustun 8-də təhvil verilməsini öhdəsinə götürüb. Amma bu tarixdən uzun müddət sonra mənzil sahibləri R.Əliyevin qanunsuzluqlarına etiraz edərək MMC-nin qarşısında etiraz aksiyaları keçirirdi. Sakinlər bildiriblər ki, tikinti maqnatı vədlər versə də heç biri özünü doğrultmayıb, üstəlik bir mənzili bir neçə nəfərə sataraq dələduzluq edib. Təəssüf ki, vətəndaşların hüquq mühafizə orqanlarına, yerli icra hakimiyyətinə çoxsaylı müraciətləri də nəticəsiz qalıb. Rauf Əliyevin Yasamal rayonu, Şərifzadə küçəsi, 571-ci məhəllə, ev 33 ünvanında tikintiyi 17 mərtəbəli binada da eyni problemlər yaşanıb. Bu tikinti ona məxsus olduğu bildirilən “Dərəçiçək” MMC tərəfindən həyata keçirilib. Ötən ilin noyabrında yerli mətbuata müraciət edən sakinlər bildiriblər ki, sözgedən binanın tikintisi 2009-cu ildən başlasa da yekunlaşmayıb. Nəticədə yüzlərlə sakin isə evsiz-eşiksiz, ümidsiz vəziyyətdə qalıb, onların hüquq mühafizə orqanlarına, Prezident Administrasiyasına çoxsaylı müraciətləri də cavabsız qalıb. Payçılardan biri mətbuata açıqlamasında deyib ki, 2009-cu ildə “Dərəçiçək” MTK-nın tikdiyi binadan mənzil almaq üçün rəsmi müqavilə bağlayaraq bir dəfə 98 min ABŞ dolları, sonra isə 80 min manat pul köçürüb və bu ödənişləri Rauf Əliyev öz imzası və möhürü ilə təsdiq edib. 13 ildən sonra məlum olub ki, MTK rəhbəri həmin vətəndaşa məxsus mənzilləri başqasına satıb. Bu əməllərə baxmayaraq Rauf Əliyev dövlət tərəfindən dəstəklənən pilot layihələr də yol tapa bilib. Medianın yazdığına görə, ona məxsus şirkət tərəfindən pilot layihələri çərçivəsində Xətai rayonu, Mehdi Mehdizadə küçəsində yerləşən 2 saylı arxitekturalı bina sökülüb. Binada yerləşən 46 mənzilin sakinləri “İnsəşaat Konstruksiyaları” MMC ilə alqı-satqı müqavilələri bağlayaraq evlərini tərk ediblər və kirayə mənzillərə köçürülüblər. Sakinlərə bildirilib ki, onların mənzillərinin yerində “pilot layihə” çərçivəsində yeni 18 mərtəbəli yaşayış binası inşa ediləcək və onlara da həmin binada mənzillər veriləcək. Medianın yazdığına görə hələ 2018-ci ildə “İnşaat Konstruksiyaları” MMC-nin vəzifəli şəxslərinin qanunsuz hərəkətlərlə vəzifə səlahiyyətlərindən sui-istifadə etmələrinə və özbaşına tikinti işləri aparmalarına əsaslı şübhələr müəyyən edildiyindən Cinayət Məcəlləsinin 308.1 (vəzifə səlahiyyətlərindən sui-istifadə) və 222-1.1-ci (özbaşına tikinti işləri aparma) maddələri ilə cinayət işi başlanıb. Amma 5 ildir ki, Rauf Əliyev məsuliyyətə cəlb olunmayıb. Bundan əlavə, məhkəmə sözgedən şirkəti İnzibati Xətalar Məcəlləsinin 192.1-ci (Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsinə görə) təqsirli bilərək 20 min manat cərimə edilməsi barədə qərar çıxarıb. Beləliklə, maraqlı sual yaranır, bu qədər qanunsuzluğun, şikayətlərin müqabilində R.Əliyev niyə məsuliyyətə cəlb edilmir?
Etibarlı mənbədən əldə etdiyimiz məlumata görə, MTK rəhbərinin “krışası” keçmiş Baş prokuror Zakir Qaralov olub. Məhz onun dəstəyi ilə aldadılan, haqqı əlindən alınmış sakinlərin şikayətləri nəticəsiz qalıb. Bunun müqabilində R.Əliyev də Qaralova borclu qalmayıb, tikidiyi binlardan ona onlarla mənzil verib. Eyni zamanda Baş prokurorun “tapşırdığı” bir prokurorluq əmədaşına da bahalı mənzil bağışlayıb. Görünür, Z.Qaralov vəzifədən getsə də hakimiyyətin müəyyən dairələrində təsir imkanlarını saxlayır, əks təqdirdə barəsində bu qədər ittihamlar olan MTK rəhbəri niyə azadlıqda olsun ki?! Qeyd edək ki, “İnşaat Konstruksiyaları” MMC-nin intern ünvanı – “inshaat-konstruksiyalari.az” və “Faceook” səhifəsi bir neçə ildir istifadəsizdir.
R.Əliyevlə əlaqə saxlamaq isə mümkün deyil.
İttihamlarla bağlı onun mövqeyini və hüquq mühafizə orqanlarının açıqlamasını dərc etməyə çalışacağıq. //Gununsesi.info//