.
Azərbaycan Milli Elmlər Akademiyasının (AMEA) Akademik Y.H.Məmmədəliyev adına Neft-Kimya Prosesləri İnstitutu tərəfindən keçirilən tender müsabiqəsinin qalibi məlum olub.

Yeniavaz.com açıqlanan rəsmi məlumatlara istinadən bildirir ki, dəyəri 43 min 500 manat olan tender müsabiqəsinin qalibi "Alfa 99 Corp” MMC (VÖEN- 1505786351) olub.

"Alfa 99 Corp” MMC AMEA-nın sifarişi əsasında Elmi-tədqiqat işləri üzrə tədqiqatlar aparacaq.

Nizamnamə kapitalı 10 manat olan "Alfa 99 Corp” MMC-nin hüquqi ünvanı Nərimanov rayonu, Ağa Nemətulla, ev 56, m. 105/135-də yerləşir. MMC-nin qanuni təmsilçisi Cəfərov Ülvi Şahin oğludur.

"Alfa 99 Corp” MMC bu ilin yanvar ayının 31-də dövlət qeydiyyatına alınıb. Yaxın tarixdə qeydiyyata alınmasına baxmayaraq MMC təkcə son 10 gün ərzində 4 tenderin qalibi olmağı bacarıb.

Diqqət çəkən məqamlardan biri də odur ki, "Alfa 99 Corp” MMC-nin qanuni təmsilçisi Cəfərov Ülvi Şahin oğlu eyni tarixdə, eyni ünvanda qeydiyyatdan keçən daha 4 MMC-nin – "ORLONDO 22 CORP”, "AZ LAND LT”, "GREEN DREAM LT” və "CFR 22 CORP” MMC-lərin qanuni təmsilçisidir.

Adları qeyd olunan şirkətlər də qeydiyyata alındıqdan qısa müddət sonra çoxsaylı tender müsabiqələrinin qalibi olub.

Məlumdur ki, bu ilin əvvəlində yaranan, nəinki rəsmi veb-səhifəyə, hətta sosial şəbəkə hesabına sahib olmayan bu şirkətlərin hansı peşəkarlığa və təcrübəyə sahib olacağı aydın deyil.

"Dövlət satınalmaları haqqında” Qanunun 6-cı maddəsində də malgöndərənlərin (podratçıların) ixtisasına dair tələblər yer alıb. Həmin maddənin 6.2.1-ci bəndində açıq şəkildə yazılır ki, satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin, etibarlılığının olması lazımdır.

Onu da xatırladaq ki, Cəfərov Ülvi Şahin oğlunun rəhbərlik etdiyi şirkətlərlə bağlı bir sıra başqa şübhəli məqamlar da var. Bu MMC-lərin qeydiyyatda olduğu hüquqi ünvanda – Ağa Nemətulla, ev 56, m. 105/135-də bu günə kimi çoxsaylı şirkətlər qeydiyyata alınıb və onlar da çoxsaylı tenderlərdə qalib olublar.

İş adamı Müşfiq Məmmədov "xan" müəssisəsinin ona necə atmasından danışır.
Müşfiq bəyi başına gələnləri nəql etməsi üçün efirlərimizdən birinə dəvət edirəm. Artıq, danışmaq vaxtıdır, Müşfiq bəy. İlk addımı atdığınız üçün var olun.
İş adamının bir neçə gün əvvəl paylaşdığı statusu olduğu kimi nəzərinizə çatdırıram.
Teref.az yazır ki, bunu Ovqat.com saytının baş redaktoru Heydər Oğuz deyir. Heydər Oğuz fikrini davam etdirərək daha sonra deyir:
Demək,dostlar 2015-2016 -cı ildə “Cahan Holdinq”şirkəti tərəfindən sifariş aldım.Ağ şəhərdə bir neçə binanın bünövrəsini qazma və daşıma.Müqaviləyə əsasən ,qiymət razılaşmışdıq ki,quru torpaq 3 m-135000m3 torpaq işi görmüşəm.Ancaq onun 85000m3 quru torpaq yox,neft məhsullarının tullantıları,belə desək,palçıq daşımalı olduq.Ancaq mən,məcburən işi saxladım və “Cahan Holdinq”tikinti mütəxəssisləriylə müzakirə apardım və iradlarımı bildirdim.Məni əmin etdilər ki,siz işləri davam edin,şirkət mütləq əlavə işləri nəzərə alacaq.O zaman mən,bu işi 3manatdan deyil,5 manata edəcəyimi bildirdim.Dolayısıyla,mənimlə razılaşdılar və mən işimi tamamladım.Demək olar ki ,Ag şəhərdəki bünövrə qazma işləri arasında ən səliqəli işlərdən biri kimi qeyd olundu.Təəssüflər olsun ki,mənə çatası pulu vermədilər.Yəni,85000m3 torpağın 2 manatdan pulumu vermədilər.Ancaq ,ola bilsin ki,Holdinq rəhbərinin xəbəri olmayıb.Bu da mənə inandırıcı gəlmir.Hər zaman demişəm,yenə də deyirəm.Ola bilsin bu dünyada sizə gücümüz çatmaz.Amma, inanın o dünyada da yaxanızdan əl çəkən deyiləm.Bütün işləri video çəkilişlər və fotoları sizə təqdim edirəm.Sonda onu da bildirmək istəyirəm ki, böyük holdinqi olmaq gözəl bir arzu,gözəl bir işdir.Ancaq hər halda ədalətli olmalısan...
Heydər Oğuz
Teref.az olaraq məqalədə qaldırılan iddialarla bağlı qarşı tərəfin mövqeyini dərc etməyə hazırıq!
Teref.az

Hüquqşünas Samir Zeynalov Ağciyər Xəstəlikləri İnstitutu və İnstitutun idarə heyəti ilə bağlı şok ittihamlar irəli sürüb.

Onun sözlərinə görə, müəssisə icbari tibbi sığorta sisteminin tətbiqi dairəsində fəaliyyət göstərmək mükəlləfiyyətində olsa da, vətəndaşlara hələ də tibbi xidmətlər əvvəlcədən müəyyən edilmiş pul ödənişləri vasitəsilə həyata keçirilir:

“Burada xəstələrə və onların yaxınlarına dövlət hesabına olan hər şey pulla satılır. Qiymətlər isə 2 manatdan -100 manatadək dəyişir. Ən dəhşət doğuran reallıq isə odur ki, hospitalizasiyası məcburi olan xəstələr müalicə üçün ödəniş etmədiyi hallarda evə yazılır. Hansı ki həmin xəstələr vərəm infeksiyasını yayma riskini daşıyırlar”.

O qeyd edib ki, xəstəxanada vərəmin müalicəsində istifadə edilən dərmanlar pulsuz verilməli olduğu halda, pulla satılır və eyni zamanda belə dərmanların bəlli aptektlərdə məqsədli şəkildə satışı da həyata keçirilir:

“Məlum edim ki, qeyd olunan hallar ehtimal yox, məhz xəstələrin öz dillərindən publik qaydada səslənən qərəzsiz faktlardır. Bütün bunlar isə milli təhlükəsizlik predimeti olmaqla “Vərəmlə mübarizə haqqında Azərbaycan Respublikasının Qanunvericilik Aktlarının” tələblərinə ziddir. Məsələ burasındadır ki, qeyd olunan faktlar illərdir, yəni əsrin əvvəlindən mövcuddur”.

Hüquqşünas həmçinin bildirib ki, 3 ildir institutun “Uşaq Vərəmi Şöbəsi” bağlanıb və bunun üçün alternativ düşünülməyib:

“Həmin şöbənin təcrübəli həkimi, tibb elmləri namizədi Səbinə Məmmədova isə məhkəmənin yekun qərarı ilə işinə bərpa edilməsinə baxmayaraq, sonradan işdən çıxmağa məcbur edilib. Qeyd olunan neqativ hallar, müəsissədə yatan xəstələr arasında ölüm hallarının artması, bütün bunların fonunda isə həm qlobal fond tərəfindən, həm də dövlət büdcəsi hesabına ayrılan pulların sürətli mənimsənilməsi, təyinat üzrə zəruri xərclərin aparılmaması, o cümlədən son 5 il ərzində dövlət satınalmalarının təşkil edilməməsi belə düşünməyə əsaslar yaradır”.

Onun sözlərinə görə, institutun sabiq direktoru Həqiqət Qədirova 4 il ərzində ən azı iki həkimi intihar həddinə çatdırmaqla, kütləvi işdən çıxarma prosesi həyata keçirib, işçiləri üz-üzə qoyub və nəhayətində Xocalı faciəsinin 30-cu ildönümü ərəfəsində terapevt olmaya-olmaya Rusiyadan təşəkkürnamə alıb. O qeyd edib ki, bu barədə rəsmi məlumatlar mövcuddur:

“Necə ki, İ.Axundova təşkil olunan iclasların birində belə demişdir: -“Həqiqət xanım Qədirova getsə də, onun qoyduğu qaydalar dəyişməyib. Sabiq direktorun himayəsində fəaliyyət göstərmiş institutun qəbul şöbəsinin müdiri Nailə Mahmudova və Nuriyyə Səlimova adlı şəxslər də göstərilən neqativ halların qüvvədə qalması və inkişafında fəal iştirak edirlər. TƏBİB və İcbari Tibbi Sığorta Üzrə Dövlət Agentliyinin göstərilən halların araşdırılması ilə bağlı səlahiyyətli olduğunu, lakin bilərəkdən və təcrübəsizlikdən hərəkətsiz davrandığını nəzərə alaraq, milli təhlükəsizliyimiz naminə prokurorluq orqanlarının dərhal hərəkətə keçməsini məqsədəuyğun sayıram. O məqsədlə ki, Azərbaycan Respublikasının hər bir vətəndaşının dövlət büdcəsi hesabına keyfiyyətli tibbi yardım almaq hüququ vardır və qalib millətin səhiyyəsi rüşvətdən və qanunsuzluqlardan bu hüququn təminatı altında xilas olmalıdır...!”

İddialarla bağlı Ağciyər Xəstəkiləri İnstitutu ilə əlaqə saxladıq.

Saytımıza bildirildi ki, irəli sürülən iddialar əsassızdır:

“Həmin şəxs bizim institutla bağlı təsdiqini tapmayan məlumatlar ictimailəşdirib. Şəxsi qərəzli, təxribat xarakterli məlumatlarla insanların başını qarışdırır. Burada qərəz var. İddialar əsassızdır”.
Sfera.az

Kənd Təsərrüfatı Nazirliyinin Mərkəzi Aparatının Elektron kənd təsərrüfatının tətbiqi şöbəsinin müdiri Anar Hüseynovla bağlı DİA.AZ-ın təqdim etdiyi araşdırma materialları kifayət qədər ictimai diqqətə səbəb olsa da, nədənsə əlaqədar diarələr bu faktlarla bağlı hüquqi təftişi yubadır. Hər halda görünəni və ortalıqda olan mənzərə bundan ibarətdir.

Qeyd edək ki. keçən günlərdə Anar Hüseynovun "faizə oturdulduğu" faktını ictimaailəşdirmişdik...

Bununla bağlı DİA.AZ-a daxil olan son informasiyalarada qeyd olunur ki, adı Türkiyədə terror təşkilatı kimi tanınan FETÖ ilə birgə hallanan Kənd Təsərrüfatı Nazirliyinin Mərkəzi Aparatının Elektron kənd təsərrüfatının tətbiqi şöbəsinin müdiri Anar Hüseynov əslində həm də KTN-dəki kadr islahatlarına kifayət qədər təsir imkanları olan şəxsdir.

Məlumatlı mənbə iddia edir ki, Anar Hüseynovun əli ilə KTN-dəki tenderlərdən pay qoparmağa müvəffəq olmaq FETÖ üçün nə qədər asandırsa, eyni zamanda KTN-də vəzifə tutmaq da bir o qədər rahatdır. Mənbənin dia.az-a söylədikləri:

"Bu gün KTN-nin ayır-ayrı strukturlarında məhz Anar Hsüeynovun xətti ilə FETÖ ilə birbaşa və yaxud da dolayısı ilə əlaqədə olan 30-dan artıq kadr mühüm vəzifə tutmaqdadır. Burada maraqlı olanı həm də odur ki, Anar Hüseynov öz əqidəıdaşlarını vəzifəyə gətirərkən də "şirinılik" alıb. Yəni "slujba, slujba... drujba, drujba..." misalı..."

DİA.AZ qeyd edir ki, bu gün Səmərqənddə Türk dövlətlərinin keçirilən Zirvə Görüşündə Türkiyənin Prezidenti Rəcəb Tayyib Ərdoğan qardaş ölkəyə açıq təhdid hesab olunan FETÖ terror təşkilatı ilə mübarizədə digər türk dövlətlərinin də dəstəyinə ümid etdiyini bildirib.

Bu faktdır ki, FETÖ-nun rahat şəkildə barındığı ölkələr sırasında maləsəf, Azərbaycanımız da var. Və elə yuxarıda qeyd etdiyimiz faktı təftiş edərək qardaş Türkiyəyə VƏFA BORCUMUZU vermiş olarıq...

Əlavə bilgilərimiz olacaq. İddia olunanlarla bağlı bütün maraqlı tərəfləri dinləməyə hazırıq...

Naxçıvan MR DİN-in Ordubad rayon Polis Şöbəsinin əməkdaşı polis serjantı Tural Əliyev ailəsini də götürüb Ermənistana sığınmaq istəyir.

Ovqat.com-a bu barədə “Qara Pişik” (özəl mənbə -red.) məlumat verib.

“Qara Pişiyin” bildirdiyinə görə, polis serjantını bu barədə fikirləşməyə vadar edən öz rəisi polis polkovniki Əli Nəbiyev və MR Daxili İşlər naziri Rəşad İsmayılov tərəfindən üzləşdiyi haqsızlıqdır.

“Təsəvvür edin, polisin əsas vəzifəsi vətəndaşın hüquqlarını qorumaq, xüsusilə də dələduzluq hallarına qarşı amansız mübarizə aparmaqdır. Çünki bu kimi cinayətlərin sayı artarsa, haqsızlığa uğrayan insanlar fırıldaqçılığa qarşı qanuni mübarizə yollarını bir kənara atar və öz qisasını almağa çalışar. Və yaxud kriminal qüvvələrin yardımına ehtiyac hiss edər. Beləcə, cəmiyyətin kriminogen vəziyyəti pisləşər, dövlətin, qanunların çəkindiricilik gücü azalar və ölkə hərc-mərclik yuvasına çevrilər. Polis orqanları da məhz bu duruma yol verməmək üçün mütləq dələduzluğa qarşı mübarizələrini gücləndirməlidirlər. Ən azı ona görə ki, asayişin müqəddiməsi dövlətin çəkindirmə gücüdür”, - deyən “Qara Pişik” uzun fəlsəfi söhbətindən sonra keçdi əsas mətləbə:

“Ordubad rayon polis şöbəsinin serjantı Tural Əliyev dələduzluğun qurbanı olub. Öz haqqını müdafiə etməyə çalışanda isə Ordubad rayonunun polis rəisi Əli Nəbiyev və MR Daxili İşlər naziri Rəşad İsmayılov onu yox, dələduzu müdafiə edib, öz əməkdaşını cəzalandırıb. Tural Əliyev də məhz belə bir dövlətdə yaşamağın əzablarından cana doyub hətta düşmən ölkəyə sığınmaq fikrinə düşüb”.

Bəs polis serjantının başına gələn bu haqsızlıq necə vaqe olub?

Mənbəmizin dediyinə görə, Tural Əliyevin banka 40 min borcu var. O borcunun yükünü azaltmaq üçün yollar axtarırmış. Bu ilin ilk ayında sosial şəbəkədə maraqlı bir elanla rastlaşır. İnstagram səhifəsində görür ki, Xanım Qurbanova adlı bir istifadəçi lotereya təşkil etdiyini yazıb. Polis serjantı da bu qruplardan birinə qoşlmaq istəyib. Xanım Qurbanovaya mesaj yazıb öz istəyini ona çatdırıb. Xanım xanım da ona öz “yardım əlini” uzadıb və Tural Əliyevin adını 20 nəfərdən ibarət 10 min manatlıq qrupa yazıb. Tərəflər razılaşıblar ki, Tural Əliyev fevral ayında 10 min manatı götürəcək. Qısası, bir aylıq öhdəliyini yerinə yetirən Tural Əliyev fevral ayında öz haqqını istəyib. Xanım Qurbanova isə qrupun dağıldığını bildirib. Polis serjantı da o zaman ödədiyi 500 manatı istəyib. Fırıldaqçı xanım tezliklə onun pulunu qaytaracağına söz verib. Beləcə, quru vədlər aylarla davam edib. Bu müddət ərzində məlum olub olub ki, aldadılan təkcə Tural Əliyev deyil. Onun kimi 100-dən artıq vətəndaş lotereya qurbanına çevrilib.

Tural Əliyev çarəsiz qalıb digər qurbanların da təklifi ilə DİN-nə onlayn şikayət ərizəsi yazıb. Şikayət ərizəsi araşdırılmaq üçün Bakıdan Naxçıvana göndərilib. Bununla da dananın quyruğu qopub. Naxçıvan MR DİN-də polis serjantı barədə araşdırma başlanılıb. Ordubad rayon polis rəisi Əli Nəbiyev öz işçisini yanına çağırıb şikayətdən vaz keçməsini və bunu rəsmi ərizə ilə təsdiqləməsini istəyib. Əks halda onu işdən qovacağı ilə təhdid edib. Polis serjantı yazılı ərizə yazsa da, şifahi olaraq mübarizəsini davam etdirməyə qərar verib. Fikirləşib ki, Xanım adlı dələduzla mədəni söhbət edib öz pulunu geri ala bilər. Bu xəyalla da sentyabrın 1-də Xanım xanıma mesaj yazaraq, pulunu geri qaytarmasını xahiş edib. Əks halda onun sosial şəbəkələrdə paylaşdığı şəkillərin altında öz başına gələnləri yazacağını, hər kəsi baş verən fırıldaqlar barədə məlumatlandıracağını bildirib.

Maraqlıdır ki, onun xanımın özəlinə yazdığı bu sözlər Naxçıvan MR DİN-nə gəlib çıxıb. Sən demə, Xanım Qurbanova 102-yə zəng edərək polis serjantından şikayət edib. Bildirib ki, bu adam guya onun şəkillərini sosial şəbəkədə paylaşmaqla şantaj edib. 102-dən həmin şikayət Naxçıvan MR DİN-nə göndərilib.

Rəis bu hadisədən sonra yenə serjantı yanına çağırıb və hədə-qorxu gəlməyə başlayıb. Ona deyib ki, problemin vardısa, bunu qanuni yolla həll edərdin. Serjant isə xatırladıb ki, problemin qanuni yolla həllini rəisin özü əngəlləyib. Beləcə, mübahisə nazir Rəşad İsmayılovun kabinetinə qədər uzanıb. Nazir işi araşdırmaq üçün xüsusi bir müstəntiq ayırıb. İstintaq araşdırması nəticəsində müəyyənləşdirilib ki, polis serjantı dələduzu şəkillərini paylaşmaqla şantaj etməyib. Sadəcə onun şəkilləri altında başına gələnləri yazacağını bildirib. Xanım xanım da istintaq zamanı bunu etiraf edib və bildirib ki, şikayət edəndə əsəbi olub, nə dediyimi bilməyib. O, həmçinin müstəntiqə verdiyi izahatında mesajı yanlış anladığı və polisdən şikayətçi olmadığı barədə izahat yaza biləcəyini deyib. Rəşad İsmayılovun müstəntiqi isə buna hələ ki ehtiyac olmadığını, lazım gələrsə ondan izahat ala biləcəklərini deyib qızı yola salıb.

Sentyabr ayının 3-də polis rəisi Əli Nəbiyev məsələ ilə əlaqədar nazir Rəşad İsmayılovun qəbulunda olub və istintaqın nəticəsi barədə onu məlumatlandırıb. Nazir də öz növbəsində serjant barədə hər hansı ölçü götürməməyi tapşırıb. Di gəl ki, üzərindən 10 gün keçəndən sonra Əli Nəbiyev öz işçisini cəzalandırmağa qərar verib. Cəza isə onun iş yerini dəyişdirmək olub.

“Tural Əliyev 10 il idi ki, polis şöbəsində növbətçi köməkçisi işləyirdi. Xidmətində heç bir qüsuru yoxdur. Naxçıvan polisində növbətçi köməkçisi olmaq elit iş sayılır. Bu vəzifə uğrunda polis serjantları arasında əməlli-başlı rəqabət gedir. Yaxşı pul verib bu vəzifəyə təyin olunmaq istəyənlərin sayı çoxdur. Hadisədən 10 gün sonra, sentyabrın 13-də Tural Əliyev öz “elit” işindən uzaqlaşdırılıb yerinə bir başqasını götürülür. Polis serjantı isə hansısa sahəyə daha ağır işə göndərilir”, - mənbəmiz belə deyir.

İddiaya görə, bu məlumatı eşidəndə haqsız yerə cəzalandırıldığını düşünən Tural Əliyev işdən çıxmaq barədə ərizə yazır. Ərizə qanunsuz şəkildə qəbul olunmur. Çünki, Naxçıvanda hələ də də quldarlıq quruluşu hökm sürür. Öz işçilərinə kölə kimi baxan polis rəislərinin fikrincə, serjantın ağzı nədir, könüllü olaraq işdən çıxa.

Qısası, istefa ərizəsinin qəbul olunmadığını görən polis serjantı xidməti vəzifəsini yerinə yetirməkdən imtina edir. 2 gün işə çıxmır. Rəis onu və sabiq polis polis əməkdaşı olan atasını yanına çağırır. Serjantdan dərhal işə çıxmasını tələb edir. Tural Əliyev bu tələblə razılaşmayaraq rəisin kabinetini nümayişkaranə şəkildə tərk edərək evinə gedir. Onun atası ilə sövdələşən rəis söz verir ki, 1 aya qədər serjantı köhnə vəzifəsinə bərpa edəcək. Beləcə yalan vədlərlə aldadılan polis serjantı yenidən polis orqanlarında xidmətə qayıdır.

1 ay keçəndən sonra Ordubad polis rəsinin onu yalan vədlərlə aldatdığı ortaya çıxır. Tural Əliyev rəisinə verdiyi vədi xatırladanda isə Əli Nəbiyev ondan daha 3 ay möhlət istəyir. Polis serjantı isə haqlı olaraq rəisinə inanmır. Məsələ burasındadır ki, 3 aydan sonra rəis Əli Nəbiyevin özü həmin vəzifəsində olmayacaq. Onun gələn ilin ilk ayında pensiya yaşı tamamlanır və onsuz da bacarmadığı bu vəzifədən tədaüdə ayrılmağı düşünür.

“Qara Pişiy”in dediklərinə görə, polis rəisi vəzifədə qalacağı bir neçə ay müddətində maksimum qazanmaq planı qurub və Tural Əliyevin “elit yerini” hərraca çıxarmaq üçün onu işdən uzaqlaşdırıb. Hərracın yeni müştərisini də tapıb və onu növbətçi köməkçisi işinə təyin edib. Bir neçə ayı da Tural Əliyevin başını aldatmaqla yola versə, heç bir problemi qalmayacaq.

Di gəl ki, Tural Əliyevin ailəsini də götürüb Ermənstana keçmək istəməsi Əli Nəbiyevin bütün planlarını alt-üst edə bilər. Məsələ burasındadır ki, Naxçıvan “Gestapo”sunun, xüsusilə Ordubad rayon polis şöbəsinin yarıtmaz fəaliyyəti nəticəsində Ermənistana sığınmaq arzusu təkcə Tural Əliyevə xas deyil. Bundan əvvəl rayonun Gilançay kəndinin sakini İmran Nağıyev də polis zülmündən qaçıb Ermənistan dağlarına pənah aparmışdı. Baxmayaraq ki, İmran Nağıyevi bu addımı atmağa vadar edən Naxçıvan şəhər 1 saylı polis şöbəsinin rəisi Şəmsi Mirzəliyev olmuşdu. İndi hətta polis əməkdaşının belə polis zülmündən qaçıb Ermənistana sığınması ehtimalı Naxçıvan MR DİN-nin də başını ağrıda bilər. Belə təsəvvür yaranar ki, nazir Rəşad İsmayılovun rəisləri sayəsində Ordubad əhalisi Ermənistan dağlarında Azərbaycan yaşayış məntəqəsi sala bilərlər. Bunun isə, öz növbəsində ermənilərin əlində “Azərbaycan yaşanası ölkə deyil” bəhanəsinə çevrilmək ehtimalı var və ideoloji savaşda rəsmi Bakını çətin vəziyyətə salar. Yəqin ki, rəsmi Bakının “xan” rejiminə reaksiyası da kimlərinsə başını tumarlamaq olmaz.

Bir sözlə, Əli Nəbiyevin son bir neçə ayda yaxşı qazanmaq sevdası onsuz da Bakı qarşısında nüfuzunu itirən “xan” həzrətlərinin başına çatlaya bilər. //Ovqat.com//

Deyəsən bu binəva Lerik camatının başçı sarıdan bəxti gətirməyəcək. Hər halda hazırda müşahidə olunanlar belə deməyə əsas yaradır.

DİA.AZ bildirir ki, Lerik sakinləri gəldiyi ilk gündən yeni icra başçısı Əkbər Abbasovun üsul-idarəsindən giley etməyə başlayıblar.

Bu dəfə isə xarici təhsilli başçının köhnə üsullarla yeyinti cəhdi ifşa olunub.

Daha ətraflı aşağıdakı videoda:


Məsələ ilə bağlı teref.az olaraq qarşı tərəfi də dinləməyə hazırıq...

Gəncə Tibb Kolleci tərəfindən 2022-ci il üçün nəzərdə tutulan zəruri malların və xidmətlərin satın alınması üçün keçirilmiş kotirovka sorğusundan yalnız birinin nəticəsi barədə, cari təmir (Büdcədənkənar) üzrə “BM-SİTY” MMC ilə 22.06.2022-ci il tarixdə 32 766.81 manat məbləğində satınalma müqaviləsi bağlanıldığı açıqlanıb. Lakin bu da qanunla müəyyən edilmiş qaydalarla, dövlət satınalmaların vahid internet portalında bu kotirovkanın keçirilməsi ilə bağlı iddiaçılara heç bir dəvət elanı yerləşdirilmədən olub. Qeyd edək ki, 10.06.2021-ci il tarixində Gəncə Tibb Kolleci tərəfindən zəruri malların və xidmətlərin 2022-ci il üzrə satınalma planlarına 5 lot kotirovka sorğusu daxil edilmiş, lakin ilin 11-ci ayı olmasına bağmayaraq bu kotirovka sorğularının keçirilməsi barədə iddiaçılara heç bir dəvət elanı verilməmişdir.
Əyalətmedia.az-ın apardığ araşdırmalarda məlum oldu ki, Gəncə Tibb Kolleci tərəfindən 2020-2021-ci illər üzrə də keçirilmiş heç bir kotirovka sorğularının nəticələri ictimaiyyətə açmıqlanmayıb. Yəni kotirovka sorğuları elan olunsa da müqavilələr birbaşa bağlanılıb ki, bu müəyyən şübhələr doğurmaya bilmir. Bunlar hansılardır?
Gəncə Tibb Kolleci tərəfindən qeyri yaşayış binalarının əsaslı təmiri üzrə 27.11.2021-ci il, maşın və avadanlıqlar (Büdcədənkənar) üzrə 27.11.2021-ci il, tikili və avadanlıqların cari təmir işləri (Büdcədənkənar ) üzrə 27.11.2021-ci il, tikili və avadanlıqların cari təmir işləri (Büdcə) üzrə 27.11.2021-ci, dəftərxana və Təsərüffat xərcləri üzrə 27.11.2021-ci il,maşın və avadanlıqlar (Büdcədənkənar ) üzrə 22.06.2020-ci il, maşın və avadanlıqların əsaslı təmiri (Büdcədənkənar) üzrə 22.06.2020-ci il, qeyri yaşayış binalarının əsaslı təmiri (Büdcədənkənar) üzrə 22.06.2020-ci il, tikili və avadanlıqların cari təmiri (Büdcədənkənar) üzrə 22.06.2020-ci il, dəftərxana və təsərrüfat xərcləri üzrə 22.06.2020-ci il, mühafizə xərcləri üzrə 22.06.2020-ci il, cari təmir üzrə 21.05.2020-ci il kimi göstərilən tarixlərdə elan olunmuş kotirovka sorğularının heç birini nəticələri dövlət satınalmaların vahid internet portalı vasitəsi ilə ictimaiyyətə açıqlanmayıb.
Dövlət satınalmalarının vahid internet portalına yerləşdirilmiş məlumatlardan da görsəndiyi kimi Gəncə Tibb Kollecinin Tender Komissiyası yuxarıda göstərilən tarixlərdə kotirovka sorğularının keçirilməsi barədə elan versə də, keçirilmiş kotirovka sorğularının nəticələri, habelə müqavilələrin bağlanması barədə heç bir məlumat açıqlamamış, ayrılan vəsaitlər barədə məlumatları gizlətmişdir. Qanunla bunların hamısı ictimaiyyətə açıqlanmalaıdır axı. Bunun səbəbi nədir? Bunu Gəncə Tibb Kollecinin direktoru Mehman Rzayevdən soruşmaq istədik.
Zəng edib, son illər Gəncə Tibb Kolleci tərəfindən keçirlmiş kotirovka sorğularının nəticələri barədə nə üçün dövlət satınalmalarının vahid internet portalına məlumatlar yerləşdirilmədiyini soruşduq. Mehman Rzayev qısaca cavab verdi:- Sizə nə dəxli var. Sonra da bir ziyalıya yaraşmayan tərzdə, ədəbsizcəsinə telefonu qulağımıza bağladı.
Qeyd edək ki, Prezident İlham Əliyev çıxışlarında dəfələrlə vurğulayıb ki, ölkəmizdə kütləvi informasiya vasitələrinin sərbəst fəaliyyət göstərməsi üçün şərait yaradılıb, jurnalistlər öz iradələrini azad şəkildə ifadə edə, istədikləri mövzunu açıq şəkildə cəmiyyətin diqqətinə çatdıra bilərlər.
Bəs onda Mehman Rzayevin mətbuata qarşı bu biğanəliyi haradan qaynaqlanır? Jurnalistə “sizə nə dəxli var” demək harınlamağın əlaməti deyilmi? Xeyir bu qanunları saymamaq deyil. Qanun qarşısında Mehman Rzayev kimiləri cücəyə dönürlər. Necə ki, bunu son illər dövlət vəsaitlərini mənimsəyərək harınlamış məmurların cinayət əməlləri ilə bağlı keçirilən məhkəmələrində görürük. Mehman Rzayev də Gəncə Tibb Kollecini talayaraq artıq harınlayıb. Bunu son illərdə onun direktoru olduğu dövlət müəssisəsində görməmək mümkün deyil.
Xatırlatmaq istərdik ki, Mehman Rzayev 2014-cü ilin noyabr ayına qədər Gəncə şəhər Səhiyyə İdarəsinin rəisi olub. Vəzifəsindən azad edildikdən sonra şəhər İcra Hakimiyyətinin sabiq başçısı Elmar Vəliyevin xeyir-duası ilə Gəncə Tibb Kollecinə direktor təyin olunub. Yəni Mehman Rzayev 2014-cü ilə qədər Gəncə şəhər Səhiyyə İdarəsinin rəisi olaraq Gəncədə fəaliyyətdə olan tibb ocalarını talayıb, ondan sonra isə Gəncə Tibb Kollecini talamaqdadır.
Qeyd edək ki, Gəncə Tibb Kolleci 2014-2018-ci illərdə əsaslı təmir işlərinin satın alınması, cari təmir işlərinin satın alınması, abadlaşdırma işlərinin satın alınması, dıgər maşın və avadanlıqlar xərc maddəsi üzrə satınalmalar, dəftərxana və təsərrüfat xərcləri üzrə satınalmalar, inventarların satın alınması, kommunal və kommunikasiya xidmətlərinin (qaz çəkilişi) satın alınması üzrə 31 kotirovka sorğusu keçirib.
Onlardan əsaslı və cari təmir işlərinin satın alınması üzrə 8 kotirovka sorğusunda “Elenendorf” MMC ilə ümumi olaraq 103 363 manat məbləğində satınalma müqavilələri bağlanılıb. MMC-nin qanuni təmsilçisi Məhərrəmova Gültəkin Ələkbər qızı Göygöl rayon sakinidir. Heç bir maddi texniki bazası olmayan bu MMC-nin Mehman Rzayev tərəfindən formal olaraq yaradıldığ ehtimal olunur. Çünki MMC Gəncə Tibb Kollecinin keçirdiyi satınalmalardan başqa heç bir kotirovka sorğusunun qalibi olmayıb.
Yenə də əsaslı və cari təmir işlərinin satın alınması üzrə 6 kotirovka sorğusunda “BM-SİTY” MMC ilə 160 466 manat məbləğində satınalma müqavilələri bağlanılıb. Bu MMC-nin qanuni təmsilçisi isə İsayev Bəhlul Cəlal oğludur. Heç bir maddi texniki bazası olmayan MMC ilə Gəncə Tibb Kolleci 22.06.2022-ci il tarixdə daha bir satınalma müaviləsi bağlayıv ki, bu da onların arasında çoxdan işbirliyi olduğunu göstərir.
Yenə də əsaslı və cari təmir işlərinin satın alınması üzrə 1 tender 2 kotirovka sorğusunda “Şahlar-M Optimal” MMC ilə 140 966 manat məbləğində satınalma müqavilələri bağlanılıb. MMC-nin qanuni təmsilçisi Zeynalov Marif Yunis oğludur. Elə 2017-ci ildə dövlət qeydiyyatına alınan kimi Gəncə Tibb Kollecinin satınalmalarının qalibi olub.
İnventarların satın alınması üzrə 4 kotirovka surğusunda “Ruzi 2012” MMC ilə ümumi olaraq 52 353 manat məbləğində satınalma müqavilələri bağlanılıb. Heç bir maddi-texniki bazası olmayan bu MMC-nin qanuni təmsilçisi isə Cəfərov Elxan Mayıl oğludur. Onun adı fiziki şəxs kimi bir çox müəmmalı kotirovkalarda keçir.
Dəftərxana və təsərrüfat xərcləri maddəsi üzrə 2 kotirovka surğusunda “Əsli-4” MMC ilə ümumi olaraq 19 800 manat məbləğində satınalma müqavilələri bağlanılıb. Bu MMC-nin də Mehman Rzayev tərəfindən formal olaraq yaradılması ehtimalı var. Elə 2017-ci ildə dövlət qeydiyyatına alındıqdan Gəncə Tibb Kollecinin keçirdiyi 2 kotirovka surğusun qalibi olub. Qanuni təmsilçisi olmuş Şirinov Elsevər Əli oğlu Kəlbəcər rayonundan məcburi köçkün kimi Gəncədə məskunlaşıb. 12 iyun 2019-cu ildə Gəncə şəhərinin Yeni Gəncə qəsəbəsindəki parkda özünü ağacdan asaraq intihar edib. Belə ki, mərhumun meyiti parkda asılmış vəziyyətdə tapılıb. Onun intihar etməsinin səbəbləri məlum olmayıb. Amma hüquq mühafizə orqanları Şirinov Elsevər Əli oğlunun intihar etməsinin səbəblərini Gəncə Tibb Kolleci ilə olan işbirliyindən tapa bilərlər.
Dövlət satınalmalarının vahid internet portalında yerləşdirilmiş məlumatlardan da göründüyü kimi Mehman Rzayev Gəncə Tibb Kollecinə direktor təyin edildikdən sonra satınalmalara yüz minlərlə dövlət vəsaiti ayırıb. Bu vəsaitlərin çoxu isə heç bir maddi texniki bazası olmayan bir neçə MMC-nin hesabına köçürülüb. Bir sıra kosmetik işlərə xərclənən vəsaitlərin çoxu “otkat”kimi Mehman Rzayevə qaytarılıb.
İndi burada suallar yaranır. Gəncə Tibb Kolleci 2019-cu ildən sonra illik satınalma planlarına uyğun olaraq zəruri malların və xidmətlərin satın alınması barədə məlumatları nədən dövlət satınalmalarının vahid internet portalında açıqlamır? İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti bunlara niyə göz yumur?
Aktualinfo.org