 |
|
|
Dövlət Təhlükəsizliyi Xidməti (DTX) Naxçıvanda aparılan yoxlamalar zamanı Talıbovlar ailəsinə məxsus olduğu bildirilən “Gəmiqaya” və “Cahan” holdinqlərin qaçaqmalçılıqla məşğul olduğunu müəyyən edib.
Dövlət Təhlükəsizliyi Xidməti Türkiyə hökuməti ilə əməkdaşlıq nəticəsində ortaya çıxardığı faktları açıqlayıb. Məlum olub ki, əvvəlcədən DTX tərəfindən Türkiyənin “Dilucu” gömrük orqanına sorğu göndərilib və oradan ötən il Naxçıvana daxil olan malların siyahısı alınıb. Türkiyədən keçən bu malların heç birinin Naxçıvanda qeydiyyata alınmadığı məlum olub.
Artıq xəbər verildiyi kimi, Naxçıvan Gömrük Komitəsinin sədri və müavini başda olmaqla, ümumilikdə Muxtar Respublikası Gömrük Komitəsinin on nəfərə yaxın əməkdaşı saxlanılıb. Bunların arasında Naxçıvan Dövlət Gömrük Komitəsinin və Şahtaxtı gömrük məntəqəsinin Maliyyə şöbəsinin rəisləri də var. O cümlədən, saxlanılanlar arasında AMEA-nın Prezidenti İsa Həbibbəylinin oğlu Səhət Həbibbəylinin və Naxçıvan Muxtar Respublikası Ali Məclisinin sədri Vasif Talıboun bacısının həyat yoldaşı Səbuhi Novruzovun da olduğu bildirilir.
Bu həbslər fonunda Naxçıvan MR-də yüksək vəzifə tutan məmurların qanunsuz əməlləri barədə redaksiyamıza çoxsaylı faktlar daxil olub. Bunlardan biri də Naxçıvan Muxtar Respublikası Antiinhisar və İstehlak Bazarına Nəzarət Dövlət Xidmətinin rəisi Bəxtiyar İsmayılovdur. Mənbənin sözlərinə görə, B.İsmayılov hər ay sahibkarlardan, xüsusən də iri şirkətlərdən külli miqdarda rüşvət toplayırmış. Bu şirkətlərdən biri Teymur Rzayevin rəhbərlik etdiyi və Naxçıvanın ən böyük ərzaq topdansatışı fəaliyyəti ilə məşğul olan "Ləzzət Qida Sənaye" MMC-dir. İddia olunur ki, Bəxtiyar İsmayılov bu şirkətdən hər ay 100 min manat alırmış.
İkinci şirkət kimi isə “Sirab MMC”-nin adı çəkilir. Mənbə iddia edir ki, bu şirkət hər ay Antiinhisar və İstehlak Bazarına Nəzarət Dövlət Xidmətinin rəisinə 50 min manat ödəməyə məcbur edilirmiş. Deyilənə görə, pulu hər ay şirkətin rəhbəri Teymur Rzayev şəxsən özü gətirib verirmiş.
Bundan əlavə, “Azersun” hər 10 min, Naxçıvan Pivə zavodu 20 min, yanacaq doldurma məntəqələri 50 min ödəyirmiş. Qalan müəssisələr, məsələn, çörək sexləri, dəyirmanlar, quşçuluq fabrikləri, mağazalar və s. toplamda hər ay 300 min manat rüşvət verməyə məcbur olub.
Mənbə deyir ki, Bəxtiyar İsmayılov yığılan vəsaitlərdən hər ay 50 min manat özünə götürür, qalan vəsaiti Muxtar Respublika rəhbərliyinə verirmiş.
Məlumata görə, topladığı sərvət hesabına Bəxtiyar İsmayılov “ərəb şeyxləri” kimi həyat sürür. O, təkcə Naxçıvanda deyil, Bakıda da özünə böyük binzes şəbəkəsi yaradıb. Eynilə, paytaxtda da çox sayda obyekt aldığı bildirilir. Məsələn, Xətai metrosu yaxınlığında 300 min manatlıq evi, bahalı villası var. “Hətta saxladığı xanıma da Bakıda ev, maşın alıb. Hətta bunu bilən həyat yoldaşı onu bıçaqlamışdı”, - deyə mənbə vurğulayır.
Qeyd edək ki, Bəxtiyar İsmayılov 15 il Statiska Komitəsinin rəisi olub, 2015-ci ildən Naxçıvan Muxtar Respublikası Antiinhisar və İstehlak Bazarına Nəzarət Dövlət Xidmətinin rəhbəri postuna gətirilib.
xeberfakt
Prezident İlham Əliyev dəfələrlə hüquq mühafizə orqanlarının rəhbərlərinə ciddi tapşırıqlar verib ki, qanunun aliliyi tam təmin edilməlidir və ədalətli cəmiyyətin qurulması üçün qanunun aliliyi başlıca şərtdir. Əfsuslar olsun ki, biz istədiyimizə hələ də tam nail olmamışıq, o cümlədən hüquq mühafizə orqanları tərəfindən qəbul edilmiş qərarlar bəzi hallarda qanunlara ziddir, sosial ədaləti pozur, insanları haqlı olaraq narazı salır və beləliklə ümumi işimizə böyük ziyan vurur. Bunun səbəblərindən biri qeyri-peşəkarlıq ola bilər, ancaq bəzi hallarda bunun arxasında hansısa maraqlar, şəxsi təmənna dayanır. Bu gün bütün hüquq mühafizə orqanlarının əməkdaşları və rəhbərləri məni eşidirlər. Mənim sözlərim onlar üçün əsas göstəriş olmalıdır ki, Azərbaycanda hüquq mühafizə sistemində islahatlar dərinləşsin və qanunun aliliyi təmin edilsin.
Prezidentin hüquq mühafizə orqanları üçün əsl manifestə çevrilə biləcək bu nitqdən gözləmək olardı ki, bu müddət ərzində Azərbaycanın hüquq mühafizə orqanları özlərinə çəki-düzən verəcək və ölkə başçısının da dediyi kimi, ölkəmizdə sosial narazılığın bir nömrəli mənbəyini qurutmağa çalışacaq. Təəssüf ki, redaksiyamıza ünvanlanan şikayət ərizələri bu ümidi doğrultmur.
Şikayətçi, Yevlax rayon sakini, 2-ci Qarabağ müharibəsinin iştirakçısı, ehtiyatda olan baş-leytenant Kamil Əsədovun müraciətindən belə anlaşılır ki, Azərbaycanda hüquqi özbaşınalıq təkcə məhkəmə orqanlarının ədalətsiz qərarları ilə məhdudlaşmır. Hətta bu ağır sınaqdan uğurla çıxan vətəndaşlarımız belə, öz hüquqlarını əldə edə bilmirlər. Azərbaycan dövləti adından qərar çıxaran, hakimiyyətin əsas qanadlarından biri olan məhkəmə hökmləri hansısa rayonun İcra və probasiya şöbəsi tərəfindən yerinə yetirilmir.
Şikayətçinin bildirdiyinə görə, onlara məxsus Yevlax rayonu Malbinəsi kəndində Camış ferması deyilən ərazidə Kəlbəcər rayonundan olan məcburi köçkünlər – Verdiyev Təhməz Əvəz oğlu və Məmmədov Valeh Əvəz oğlu qanunsuz olaraq məskunlaşıblar. Ərazini qanunsuz zəbt edənlər barəsində atam Əsədov Həsən Şükür oğlu tərəfindən Yevlax rayon Məhkəməsinə müraciət edilib. Məhkəmə şikayəti əsaslı hesab edib atamın xeyrinə (2(039)-311/2019 nömrəli və 8(039)-69/2022) hökm çıxarır. Hökmdən narazı qalan qarşı tərəf Apellyasiya məhkəməsinə üz tutur. Apellyasiya məhkəməsi də ilk instansiya məhkəməsinin hökmünü (8(107)-33/2022) qüvvədə saxlayır.
Bütün istansiya məhkəmələrinin hökmü eyni olur və əsl problem də bundan sonra başlayır.
Gəlin, Azərbaycanda məhkəmə hökmlərinin necə icra olunmasının hekayəsini şikayətçinin dilindən eşidək.
“Bu məhkəmə qərarını Yevlax İcra şöbəsinin rəisi Rəşad Əliyev və 1-ci dərəcəli ədliyyə qulluqçusu Elşad Cabbarov qəsdən icra eləmir və böyük ehtimalla qarşı tərəfdən “hörmət” görüb (iddia şikayətçiyə aiddir və KanalS.az-ın mövqeyini əks etdirmir – red.) ki, 3 ildir işi qərəzli şəkildə uzadıb oyun çıxardırlar. Açıq-aydın borcluya şərait yaradır ki, ərazidə məskunlaşmağa davam etsin.
Hara şikayət yazıramsa, xeyri yoxdur. Oktyabr ayında Ədliyyə naziri Fikrət Məmmədovun belə şəxsən qəbula düşüb görüşmüşəm, hamı söz verir ki, “nəzarətə götürəcəyəm”, amma 3 ildir borclular əlini, qolunu sallayıb gəzir, heç məhkəmə qərarını da tanımır. Arxayındı yəni.
Daha ətraflı Qarabağ Qazisinin video müraciətində:
/xeberfakt.az/
Xatırlayırsınızsa, bir müddət əvvəl xəbər vermişdik ki, Naxçıvan MR Ali Məclisinin sədri Vasif “xan”ın kiçik oğlu Seymur Talıbov 2021-ci ilin yanvar ayında Naxçıvan şəhərində fəaliyyət göstərən “Sizin market”in işlətmə müdiri Razi Orucovu sərt şəkildə cəzalandırıb, onun mülkiyyətində olan bütün obyektləri və evləri əlindən alıb, özünü isə həbsə atdırmışdı. Qaynağımızın iddiasına görə, 22 gün həbsdə saxlanılan Razi Orucov ağır işgəncələrə məruz qalıb zorla öz mülkiyyətindən Seymur Talıbovun xeyrinə imtina etmək ərizələrinə qol çəkməyə məcbur edilmişdi. Daha sonra DTX-nın Naxçıvanda əməliyyata keçirməsilə Razinin də bəxti gülməyə başlamışdı. Razi Orucov dərhal Naxçıvan MR DİN-nə çağırılmış və əlindən alınan bütün obyektlərin sənədləri ona qaytarılmışdı.
Dünən Ovqat.com-un redaksiyası ilə əlaqə saxlayan Razinin atası İlyas Orucov iddiaları qismən təsdiqlədi.
İlyas Orucov vurğuladı ki, oğluna və özünə aid mülkiyyətlər tam olaraq geri qaytarılmayıb və Razinin başına gətirilən oyunlarda Seymurun şəxsən özü deyil, onun sürücüsü Həsən Əhmədov iştirak edib.
“Biz 2018-ci ilin iyun ayında “Gəmiqaya”ya aid olan “Sizin Market”i holdinqin rəhbəri Emin Uçardan kirayəyə götürmüşdük. Təkcə marketin yenidən dizayn edilməsinə və vitrinlərin yığılmasına 250 min manat xərcimiz çıxmışdı. Hətta mağazanın açılışına Ali Məclisin sədri Vasif Talıbov da gəlmişdi. Marketi işlətməyə başladıqdan cəmi 1 ay sonra Seymur Talıbovun sürücüsü polis zabiti Həsən Əhmədov gəldi və bundan sonra kirayə pulunu ona verəcəyimizi bildirdi. Seymur Talıbovun adından danışırdı. Tələbi təkcə kirayə da pulu deyildi. O, həmçinin bildirdi ki, Seymur müəllimin göstərişidir, bundan sonra biz qazanca da ortaq olacağıq. Biz də çar-naçar bu tələblə razılaşdıq”, - İlyas Orucov deyib.
Öz vəsaitləri ilə qurduqları “Sizin Market”in işlədilməsi üçün hər ay 10 min manat kirayə haqqı verən Orucovlar qazanclarını da Seymurun sürücüsü Həsən Əhmədovla bölüşməyə başlayıblar. İlyas Orucovun bildirdiyinə görə, ayda bəzən 30 min, bəzən 40 min qazanc əldə edir, onun da yarısını Seymurun sürücüsünə verirmişlər. Beləcə, bu “ortaqlıq” 36 ay davam edir. Bir gün yenə “Sizin Market”in qapısını döyən Həsən Əhmədov onlardan heç bir mala əl vurmadan mağazanı tərk etməyi tələb edir. Təbii ki, Orucovlar bu tələblə razılaşmırlar. Nəticədə Həsən Əhmədov Orucovların bütün mülkiyyətinə əl qoyur və onların “dövlət adından müsadirə olunduğunu” sahibkarların diqqətə çatdırır. “Dövlət adından çıxarılan bu hökmlə razılaşmayan” Razi Bakıya gəlir və dövlət iradəsinin əsl ünvanına Prezident Administrasiyasına şikayətə yollanır. Administarsiyadan məktuba müsbət cavab verilir və şikayətin ədalətli araşdırılması tələbi ilə Naxçıvan MR DİN-nə rəsmi təlimat göndərilir. O dövrün Naxçıvan MR Daxili İşlər naziri Fazil Ələkbərova göndərilən rəsmi təlimatdan sonra Naxçıvana çağırılan Razi elə aeroportdaca həbs olunaraq saxlama təcridxanasına aparılır və ağır işgəncələrə məruz qalır.
Şəkildə: PA-dan Naxçıvan MR DİN-ə göndərilən məktub
Atasının iddiasına görə, Razi Orucov Naxçıvan MR DİN-in müvəqqəti saxlama təcridxanasında Seymur “müəllimin” Həsən Əhmədov və təcridxananın Mahir adlı müdiri tərəfindən sərasər 22 gün döyülür. Bu 22 günlük işgəncədən sonra Razi ağzında bir dişi belə qalmadan azadlığa buraxılır.
Razi Orucovdan “dövlət” adına müsadirə olunan daşınmaz əmlakın siyahısı:
3 maşın: 1 Ford tranzit, 1 Prado, 1 Niva;
4 ev: 3-ü qaytarılıb, 1-ni Həsən Əhmədov Alman apteki edib;
1 quşçuluq ferması: 385 baş xırdabuynuzlu, 107 baş iribuynuzlu, 5000 ədəd toyuq, ördək. Hazırda fermanın sənədləri Orucovlarda olsa da, onun içərisindəki mal-qara və quşlar ərşə çəkilib.
Bir də “Sizin Market”in kassasında qalan 56 min 500 dollar pul.
Üzərindən ilyarımdan çox zaman keçdikdən sonra Bakıdan Naxçıvana yoxlamaların getdiyindən təşvişə düşən Seymur Talıbovun sürücüsü Həsən Əhmədov Razini təcili Naxçıvan MR DİN-nə çağırıb və müsadirə olunan obyektlərdən bəziləri ona qaytarılıb. Bununla razılaşmayan və bütün vəsaitlərini tam olaraq tələb edən Raziyə Seymur Talıbov adından maraqlı iş təklifi verilib: “İddialarından əl çək, sənə Naxçıvan şəhərinin mərkəzində yeni açılmış obyektlərdən birini verək, oranı işlət və qanacını bizimlə böl”. Təbii ki, Seymur Talıbovla əməkdaşlıqdan ağzı bir dəfə yanan heç bir ağıllı iş adamı bu təkliflə razılaşmazdı və Razi də ondan imtina edib.
Hazırda Orucovların quşçuluq ferması və “Sizin Market” Seymurun bacanağı Hümbət Qəhrəmanovun ixtiyarındadır. Ferma guya xərçəng yetişdirmə müəssisəsi kimi fəaliyyət göstərir. Türkiyədən gətirilən xərçənglər burada bir neçə gün saxlanıldıqdan sonra Araz çayının məhsulu adı ilə Bakıya göndərilir. “Sizin Market”də Raziyə məxsus olan mallar isə geri qaytarılmır.
Şəkildə: Seymur Talıbovun şilləvuranı Həsən Əhmədov
Qeyd edək ki, Seymurun sürücüsü olan Həsən Əhmədovun adı Ordubadın Biləv kəndində sahə inspektoru kimi keçir. Bu kənd yüksəklikdə yerləşdiyindən orda işləyənlərin hər biri maaşdan əlavə 25% kompensasiya alır.
Bunun üçün yüz milyonlar xərclənir, xaricdən vəkillər dəvət olunur, amma Əliyarın həbsi qaçılmazdır...
“Broker” MMC-nin rəhbəri Əbülfəz Məlikov haqqında uzun-uzadı məlumat verməyə ehtiyac görmürük. Uzun illərdir ki, bu adamın 90-cı illərdə 28 May metrosunun qarşısında siqaret satması, sonradan İranlı Mənüçöhr Əhədpurla ( onun erməni olduğu və soyadının Manuçaryan olduğu da deyilir ) şərikli biznes qurması, ölkəyə aksizsiz gətirilən siqaret mafiyasına rəhbərlik etməsi, hətta ermənilərlə qohumluğu barədə kifayət qədər yazılıb.
Bəli, Əbülfəz Məlikovun arvadının erməni olması bəllidir. Hətta sabiq millət vəkili Cümşüd Nuriyevin iddialarına görə Əbülfəz Məlikov Rusiyada böyük biznesi olan, milyarder, əslən erməni olan Ara Abramyanın bacısının əridir.
Təsəvvür edirsiniz, bu gün Ara Abramyan Xankəndində binalar tikir, hətta qondarma respublikanın hökümət rəhbəri sayılır və s. Bunlar hələ harasıdır..?
Əbülfəz Məlikovun ölkəyə gətirdiyi gübrələrə görə, pambıq tarlalarında çoxsaylı insanlar zəhərlənərək xəstəxanalara yerləşdirilmişdi. Nə bilək, bu olay bəlkə elə Ara Abramyanın əməlləri idi…
Ümumiyyətlə, Əbülfəz Məlikov təkcə siqaretə deyil, daxili bazarın kimyəvi dərmanlar və gübrə bazarına, eyni zamanda kifayət qədər gəlirli biznes hesab edilən dekorativ ağac və güllərin ölkəyə gətirilməsinə də uzun müddət nəzarət edib. Rusiyadan gətirilən sement və tikinti materialları, ərzaq və qida məhsulları da Əbülfəz Məlikovun “əlinin altında” olub.
Hətta o da yazılır ki, Rusiyadan gətirilən bu məhsullar Əbülfəz Məlikovun Rusiyadakı erməni qohumlarına məxsus şirkətlərə aiddir. Əbülfəz Məlkovun Gürcüstandan Azərbaycana idxal olunan hər qoyuna görə, 30 dollar, hər danaya görə, 80 dollar alması barədə çox yazılıb. Ümumiyyətlə, Əbülfəz Məlikovun broker ordusu olub və orada çalışanlar minlərlə işçi olub.
Hətta DGK-nın əməkdaşları deyirdi ki, biz Əbülfəz Məlikovun işçilərinin “əlinə baxırdıq”. Təsəvvür edirsiniz dövlət qurumunun əməkdaşları Əbülfəzin və onun dəstəsinin əlinə baxır… Bütün bunlardan əlavə Əbülfəz Məlikov saxta şirkətlər vasitəsilə dövlət büdcəsinə 100 milyonlarla ziyan vurub.
Təsəvvür edirsiniz, Əbülfəz Məlkov Azərbaycan dövlətindən oğurladığı pulların hesabına milyonçu deyil ee, milyarderdir. Bu gün Əbülfəz Məlkovun milyardını Avopada, Amerikada, Kanadada Anar adlı qohumu fırladır. Biz hələ Əbülfəz Məlkovun Azərbaycana külli miqdarda ziyan vuran və sonra ölkədən qaçan Royal Bankın sahibi Əli Cemlə biznes ortağı olmasını, çirkli pulların yuyulmasında iştirakını demirik. Biz hələ Əbülfəz Məlikovun oğlu Murad Məlikovun məşhur PAPA JOHN’S PİZZA şəbəkəsini demirik.
Sözün qısası, atalar demiş, su sənəyi suda sınar. Və bir neçə ay öncə “Broker” MMC-nin rəhbəri Əbülfəz Məlikov Dövlət Təhlükəsizliyi Xidmətində Dövlət Gömrük Komitəsinin yüksək vəzifəli şəxsləri barəsində davam edən cinayət işi çərçivəsində saxlanıldı. O, külli miqdarda dövlət büdcəsinə milyonlarla manat vergi və gömrük ödəmələrindən yayınmaqda və vəzifə saxtakarlıqlarında ittiham olunur. Səbail Rayon Məhkəməsi isə onun barəsində verilən təqdimata baxaraq barəsində həbs qətimkan tədbiri seçdi. Oktyabrın 10-da isə Əbülfəz Məlikovun həbs müddəti 2 ay uzadılıb. Yəni 2 aylıq müddətin başa çatmasına az qalıb.
Redaksiyamıza daxil olan məlumata görə, Əbülfəz Məlkovun yaxınları onu həbsdən azad etdirməyə çalışır və bunun üçün yüz milyonlar xərcləyirlər.
Bəli, bir zamanlar Dövlət Gömrük Komitəsinin sədri olmaq istəyən Əbülfəz Məlikovun səsi indi həbsxanadan gəlir. Bəlkə, dostları onu həbsdən azad etdirib DGK sədri də qoydurmaq istəyirlər…? Məlumat üçün onu da qeyd edək ki, Əbülfəz Məlikov Cinayət Məcəlləsinin 209.3 (gömrük ödənişlərinin ödənilməsindən yayınma, xüsusilə külli miqdarda törətdikdə), 213.3 (vergiləri ödəməkdən yayınma - xüsusilə külli miqdarda törədildikdə) və 313 (vəzifə saxtakarlığı) maddələri ilə cinayət əməli törətməkdə şübhəli bilinir.
Bəli, məlumatda o da qeyd olunur ki, Əbülfəz Məlikovun həbsdən azad olmasının yeganə çıxış yolu Əliyar adlı şərikinin həbsi ilə bağlıdır. Hətta məlumatlı şəxs onu da bildirdi ki, Əbülfəz Məlikovun şəriki Əliyar adlı şəxs həmişə müxalifət yönlü çıxışları ilə yadda qalıb və Yalama hadisələri ilə bağlı çıxışı isə Hüquq Mühafizə Orqanlarının gözündən yayınmamalıdır.
Ətraflı növbəti sayımızda...
P.S. Bəzi şəxslərin nəzərinə çatdırıram ki, burunlarını hər yerə soxmasınlar.
“Broker” MMC-nin rəhbəri Əbülfəz Məlikov haqqında uzun-uzadı məlumat verməyə ehtiyac görmürük. Uzun illərdir ki, bu adamın 90-cı illərdə 28 May metrosunun qarşısında siqaret satması, sonradan İranlı Mənüçöhr Əhədpurla ( onun erməni olduğu və soyadının Manuçaryan olduğu da deyilir ) şərikli biznes qurması, ölkəyə aksizsiz gətirilən siqaret mafiyasına rəhbərlik etməsi, hətta ermənilərlə qohumluğu barədə kifayət qədər yazılıb.
Bəli, Əbülfəz Məlikovun arvadının erməni olması bəllidir. Hətta sabiq millət vəkili Cümşüd Nuriyevin iddialarına görə Əbülfəz Məlikov Rusiyada böyük biznesi olan, milyarder, əslən erməni olan Ara Abramyanın bacısının əridir.
Təsəvvür edirsiniz, bu gün Ara Abramyan Xankəndində binalar tikir, hətta qondarma respublikanın hökümət rəhbəri sayılır və s. Bunlar hələ harasıdır..?
Əbülfəz Məlikovun ölkəyə gətirdiyi gübrələrə görə, pambıq tarlalarında çoxsaylı insanlar zəhərlənərək xəstəxanalara yerləşdirilmişdi. Nə bilək, bu olay bəlkə elə Ara Abramyanın əməlləri idi…
Ümumiyyətlə, Əbülfəz Məlikov təkcə siqaretə deyil, daxili bazarın kimyəvi dərmanlar və gübrə bazarına, eyni zamanda kifayət qədər gəlirli biznes hesab edilən dekorativ ağac və güllərin ölkəyə gətirilməsinə də uzun müddət nəzarət edib. Rusiyadan gətirilən sement və tikinti materialları, ərzaq və qida məhsulları da Əbülfəz Məlikovun “əlinin altında” olub.
Hətta o da yazılır ki, Rusiyadan gətirilən bu məhsullar Əbülfəz Məlikovun Rusiyadakı erməni qohumlarına məxsus şirkətlərə aiddir. Əbülfəz Məlkovun Gürcüstandan Azərbaycana idxal olunan hər qoyuna görə, 30 dollar, hər danaya görə, 80 dollar alması barədə çox yazılıb. Ümumiyyətlə, Əbülfəz Məlikovun broker ordusu olub və orada çalışanlar minlərlə işçi olub.
Hətta DGK-nın əməkdaşları deyirdi ki, biz Əbülfəz Məlikovun işçilərinin “əlinə baxırdıq”. Təsəvvür edirsiniz dövlət qurumunun əməkdaşları Əbülfəzin və onun dəstəsinin əlinə baxır… Bütün bunlardan əlavə Əbülfəz Məlikov saxta şirkətlər vasitəsilə dövlət büdcəsinə 100 milyonlarla ziyan vurub.
Təsəvvür edirsiniz, Əbülfəz Məlkov Azərbaycan dövlətindən oğurladığı pulların hesabına milyonçu deyil ee, milyarderdir. Bu gün Əbülfəz Məlkovun milyardını Avopada, Amerikada, Kanadada Anar adlı qohumu fırladır. Biz hələ Əbülfəz Məlkovun Azərbaycana külli miqdarda ziyan vuran və sonra ölkədən qaçan Royal Bankın sahibi Əli Cemlə biznes ortağı olmasını, çirkli pulların yuyulmasında iştirakını demirik. Biz hələ Əbülfəz Məlikovun oğlu Murad Məlikovun məşhur PAPA JOHN’S PİZZA şəbəkəsini demirik.
Sözün qısası, atalar demiş, su sənəyi suda sınar. Və bir neçə ay öncə “Broker” MMC-nin rəhbəri Əbülfəz Məlikov Dövlət Təhlükəsizliyi Xidmətində Dövlət Gömrük Komitəsinin yüksək vəzifəli şəxsləri barəsində davam edən cinayət işi çərçivəsində saxlanıldı. O, külli miqdarda dövlət büdcəsinə milyonlarla manat vergi və gömrük ödəmələrindən yayınmaqda və vəzifə saxtakarlıqlarında ittiham olunur. Səbail Rayon Məhkəməsi isə onun barəsində verilən təqdimata baxaraq barəsində həbs qətimkan tədbiri seçdi. Oktyabrın 10-da isə Əbülfəz Məlikovun həbs müddəti 2 ay uzadılıb. Yəni 2 aylıq müddətin başa çatmasına az qalıb.
Redaksiyamıza daxil olan məlumata görə, Əbülfəz Məlkovun yaxınları onu həbsdən azad etdirməyə çalışır və bunun üçün yüz milyonlar xərcləyirlər.
Bəli, bir zamanlar Dövlət Gömrük Komitəsinin sədri olmaq istəyən Əbülfəz Məlikovun səsi indi həbsxanadan gəlir. Bəlkə, dostları onu həbsdən azad etdirib DGK sədri də qoydurmaq istəyirlər…? Məlumat üçün onu da qeyd edək ki, Əbülfəz Məlikov Cinayət Məcəlləsinin 209.3 (gömrük ödənişlərinin ödənilməsindən yayınma, xüsusilə külli miqdarda törətdikdə), 213.3 (vergiləri ödəməkdən yayınma - xüsusilə külli miqdarda törədildikdə) və 313 (vəzifə saxtakarlığı) maddələri ilə cinayət əməli törətməkdə şübhəli bilinir.
Bəli, məlumatda o da qeyd olunur ki, Əbülfəz Məlikovun həbsdən azad olmasının yeganə çıxış yolu Əliyar adlı şərikinin həbsi ilə bağlıdır. Hətta məlumatlı şəxs onu da bildirdi ki, Əbülfəz Məlikovun şəriki Əliyar adlı şəxs həmişə müxalifət yönlü çıxışları ilə yadda qalıb və Yalama hadisələri ilə bağlı çıxışı isə Hüquq Mühafizə Orqanlarının gözündən yayınmamalıdır.
Ətraflı növbəti sayımızda...
P.S. Bəzi şəxslərin nəzərinə çatdırıram ki, burunlarını hər yerə soxmasınlar.
“Optika-Mexanika” İstehsalat Birliyinində baş verən özbaşnalıqla haqda şikayəti sizə təqdim edirik.
“Müdafiə Sənaye Nazirliyininin nəznində fəaliyyət göstərən “Optika-Mexanika” İstehsalat Birliyinin tabeliyində olan “Alov” zavod MMC və “Azon” zavod MMC-nin işçiləri 4 aydır ki,əmək haqqı almayırıq.
Qeyd edək ki, “Optika-Mexanika İstehsalat Birliyi” MMC 2006-cı ildən dövlət qeydiyyatına alınıb, “Alov” zavodu isə 1995-ci ildən fəaliyyətdədir. İskra zavodu 1975-ci ildə SSRİ müdafiə sənayesi nazirinin əmrinə əsasən Azov Optika-mexaniki zavodun filialı kimi yaradılmış və 1978-ci ildən fəaliyyətə başlamışdır. 1993-cü ildən Azərbaycan Respublikası Prezidentinin Sərəncamına əsasən İskra zavodu Azərbaycan Respublikası Dövlət Xüsusi Maşınqayırma və Konversiya Komitəsinin tərkibində fəaliyyətini davam etdirmişdir. 2006-cı ildən İskra zavodu Müdafiə Sənayesi Nazirliyinin tabeliyinə verilmişdir. 2008-ci ildən Alov zavodu adı altında fəaliyyət göstərir.
Birliyin direktoru Sabir Rzayevin yarıtmaz və pulları mənimsəməsi nəticəsində iki zavodun işçiləri 4 aydır ki,əmək haqlarını ala bilməyir. Onuda bildirik ki, “Optika-Mexanika” İstehsalat Birliyinin direktoru Sabir Rızayevin oğlu Müdafiə Sənaye naziri Mədət Quluyevin müşaviridir.
İşçilər əmək haqlarını tələb etdikdə birlik drektoru Sabir Rızayev “oğlum nazirin müşaviridir,qohumum Prezident Administrasiyasında işləyir” deyərək ona heç kim heçnə edə bilmədiyini bildirir. Dəfələrlə Birlik direktorlarının özbaşınalığına və əmək haqqlarının gecikdiməsinə görə işçilər şikayətlər edib, fəhlələr əmək haqqına görə işləri dayandırıb,ya birlik drektoru dəyişib yada yalançı vədlər verərək işçiləri sakitləşdiriblər.
Dövlət proqramlarından ayrılan pulları mənimsəyən birlik drektorları neçə illərdir ki işçilərəin əmək haqqlarıdan başqa sosial və vergi ödənişlərini ödəmirlər. Birliyə köçürülən pulları birlik drektoru 72 yaşlı Sabir Rzayev işçilərə “pul yoxdur” deyib istədiyi kimi idarə edir. İşçilər dövlətin zavodlara verdiyi proqramları yerinə yetirib bitirib, lakin birlik direktoru Sabir Rzayev büdcədə pul olmadığını bildirir. 4-5 ay əmək haqqı verməyən Birlik direktoru Sabir Rızayev fəhlələr tətil elan edən kimi əmək haqqlarını köçürür. Onuda bildirmək lazımdır ki, bundan əvvəl işləyən sabiq birlik direktoru Həbib Məmmədovun rəhbərliyi dövürdə işçilərin əmək haqqlarını 4-5 ayda bir verməsi işçilər tərəfindən kütləvi tətil elan edilərək Müdafiə Sənaye nazirliyin qarşısında etiraz etmişdilər.amma həmən işçilər işindən azad edilmişdi.
Sabiq direktor Həbib Məmmədovdan sonra “Optika-Mexanika” İstehsalat Birliyinin direktoru Sabir Rzayev təyinat almışdır. Birlik drektoru Sabir Rızayev “Alov” zavodu MMC və “Azon” zavodu MMC bərbad və iflic günə qoyub. Dövlət proqramı üçün ayrılan 30% pulları mənimsəmiş hətta 4-5 aylarla işçilərin əmək haqqını verməyir. Onuda bildirmək lazımdır ki, “Azon” zavodunu ərazisi 7 ha olmişdur lakin, Birlik direktoru Sabir Rzayev “Azon” zavodu MMC-nin 3,5 ha ərazisini zavodun yaxınlığında tikinti aparan şirkətin balansına keçməsinə köməklik göstərib. Zavodun işçiləri bildirir ki, neçə direktorlar gəlib evlər maşınlar alıb gedib,amma əmək haqlarımızı kəsərək gecikdiriblər.
Neçə birlik drektorları işləyib heç biri “Azon” və “Alov” zavodlarının direktorlarının işləməyə qoymayıb. Elə buna görədə “Alov” zavod MMC-nin neçə aylardır ki,direktoru yoxdur və heç kəs işləmək istəmir.
Yaşı tamam olub çıxan işçilər heç elə bil 30-40 il bu zavodda işləməyib,əksəriyyəti minimum pensiyanı alır. Neçə illərdi”Optika-Mexanika” İstehsalat Birliyində bu problem yaşanır,lakin axrıncı gələn bu direktor zavodları tamami ilə çökdürüb. Özbaşınalıq höküm sürür. İstehsal olunan məhsulu Müdafiə Nazirliyinin sifarişçi nümayəndəsi İlham Qurbanov tərəfindən iradlar tutulur və sifarişlərin vaxtında getməsinə işlərin gecikməsinə səbəb olur.
“Optika-Mexanika” İstehsalat Birliyinin balansına köçən puldan birlik direktoru rüşvət alaraq məsulun istehsalını təsdiqləyir. Çox maraqlıdır ki,bu barədə Müdafiə Sənaye Naziri Mədət Quluyev heç bir tədbir görmür. Birlik direktorları də istədiyi özbaşnalığı edir.
Buna görə də zavod işçiləri olaraq Cənab Prezidentdən xahiş edirik bizə kömək etsin. Heç kim 3-4 ay əmək haqsız dolana bilməz. İşləyənlər hamsı ailə sahibidir. Zavod əmək haqqını vermədiyinə görə çox işçilər ödənşli məzuniyyət götürərək fəhləliklə məşğul olurlar.
Cənab Prezident,xahiş edirik bu özbaşınalığa son qoyasıznız.Ümüdümüz sizdədir”. //Turantv.az//
Naxçıvan “sehirbazları”nı tanıyaq rubrikasının bugünkü qonağı general mayor Səxavət İbrahim oğlu Salmanovdur.
Səxavət Salmanov 1961-ci ildə anadan olub. 1980-ci illərdə Almaniyada sovet ordusu sıralarında gizir rütbəsində çalışıb və yük deposunda anbardar işləyib.
Sovet hakimiyyətinin dağılması ilə Səxavət Salmanovun həyatında yeni mərhələ başlayıb. O, Naxçıvana qayıdaraq Səfərbərlik Komitəsinin müxtəlif şöbələrində işləyib. 2000-ci ildə 40 yaşında “Perevod” İsanın rektorluk etdiyi Naxçıvan Dövlət Universitetinin Əmək müəllimi fakültəsindən məzun olub. Özü də əyani təhsil alıb. Yəni işləyə-işləyə oxuyub.
20012-ci ildə xan həzrətlərinin fərmanı ilə Naxçıvan MR Səfərbərlik və Çağırışlarçılarla iş üzrə müvafiq idarənin rəisi vəzifəsinə gətirilib. 2015-ci ildə general rütbəsi alıb. 2019-cu ildə işdən qovulub.
Gizirlikdən generallığa yüksələn və heç bir hərbi savadı olmayan, sadəcə Perevod İsanın imzası ilə əmək müəllimi diplomuna layiq görülən Səxavət Salmanovun bu reaktiv yüksəlişi, sonra isə birdən-birə “qəzaya uğraması” “xan”la qudalığı ilə əlaqələndirilir. Maraqlıdır ki, əslində Səxavət müəllimin özü yox, qardaşı Ədalət “xan”la quda olub. Özü isə Naxçıvan iqtisadiyyatını darmadağın edib aldığı şapkalarla iş adamlarını batıran sabiq İqtisadi inkişaf naziri Famil Seyidovla qudadır.
Xanla qohumluğun sayəsində Ədalət həkim Naxçıvan Təcili Tibbi Yardım Mərkəzinə baş həkim, onun qardaşı Səxavət isə Naxçıvan Səfərbərlik və Hərbi Xidmətə Çağırış üzrə Dövlət Xidmətinin rəisi təyin olunur. Daha sonra qudalıq pozulunca həm Ədalət, həm də Səxavət işdən çıxarılır.
Səxavət Salmanovun hazırda Bakının milyonçular məhəlləsində 6 milyon manat dəyərində 3 mərtəbəli bir villasının olduğu bildirilir. Bakıda və Naxçıvanda çoxsaylı obyektləri, iş yerləri var. Təbii ki, bütün bu sərvətlərin hamısı Naxçıvan MR Səfərbərlik və Hərbi Xidmətə Çağırış üzrə Dövlət Xidmətinin rəisi vəzifəsinin ona qazandırdığı ilkin kapital sayəsində meydana gəlib.
Naxçıvanda əsgərlikdən yayınmanın “şirinliyi”nin məhz Səxavət Salmanov tərəfindən artırıldığı qeyd olunur. Onun miras qoyduğu çağırışçılar tarifi indi də davam edir: Həqiqi xəstədən 4 min, sağlamdan isə 8 min manat.
Səxavət Salmanov həm də istefada olan general kimi yaxşı pensiya alır. Sağlığına qismət, dövlət ona yaxşı "ixtira"larına görə ayda 4000 manata yaxın təqaüd verir.
Heydır Oğuz
Teref.az
Naxçıvanın ən gəlirli sahəsi sahəsi “Gestapo” sektorudur. Naxçıvanlı iş adamlarını soğan kimi soyan, sahibkarlığı qəsdən məhv edən Gestapo rejimi yerli rəsmi büdcənin formalaşmasında da özünəməxsus rol oynayıb.
Ovqat.com-un ələ etdiyi rəsmi sənədlərə görə, Muxtar Respublikada cərimə və xüsusi vəsaitlər üzrə daxilolmalar 889 min 236 manat olub.
Naxçıvan Muxtar Respublikası Maliyyə Nazirliyinin 2022-ci ilin may ayı ərzində fəaliyyəti barədə Ali Məclisin sədri Vasif Talıbova təqdim etdiyi hesabatda bildirilir:
“Naxçıvan Muxtar Respublikasının Maliyyə Nazirliyi qanunvericiliyə və öz Əsasnaməsinə uyğun olaraq fəaliyyətini 2022-ci ilin may ayı ərzində də davam etdirmişdir.
May ayında dövlət büdcəsinin gəlirləri 13 milyon 338 min 754 manat olmuş, vergi daxilolmaları 9 milyon 336 min 544 manat, gömrük daxilolmaları 3 milyon 112 min 974 manat, cərimə və xüsusi vəsaitlər üzrə daxilolmalar 889 min 236 manat təşkil etmişdir.
2022-ci ilin may ayı ərzində dövlət büdcəsinin xərcləri 65 milyon 35 min 100 manat təşkil etmişdir.
Naxçıvan Muxtar Respublikasının Ali Məclisi və Nazirlər Kabinetinin 2022-ci ilin may ayı ərzində qəbul etdiyi qərar və sərəncamlar icra üçün rəhbərliyə alınmış, aidiyyəti tədbirlər həyata keçirilmişdir.
Cari ilin may ayında Naxçıvan Muxtar Respublikası Maliyyə Nazirliyinin Dövlət Maliyyə Nəzarəti İdarəsi tərəfindən 2 büdcə və 2 qeyri-büdcə təşkilatında nəzarət-təftiş tədbirləri aparılmasına başlanılmış və əvvəlki dövrlərdə nəzarət tədbirləri aparılmış təşkilatların xərc sənədlərində, yoxlama materiallarında aşkar edilmiş qanunsuz və ya səhv hesablama nəticəsində artıq ödəmə hallarının günahkar şəxslər hesabına dövlət büdcəsinə bərpa edilməsi istiqamətində işlər icraata alınmışdır.
Naxçıvan Muxtar Respublikasının İqtisadiyyat Nazirliyi, Naxçıvan Muxtar Respublikasının Dövlət Şəhərsalma və Arxitektura Komitəsi ilə birgə muxtar respublikada həyata keçirilən tikinti-quraşdırma işləri ilə əlaqədar qiymət analizlərinə baxılmış və müvafiq tənzimləmələrin aparılması davam etdirilmişdir.
Maliyyə Nazirliyi tərəfindən yaradılmış “Şəkərli və şəkərsiz diabet xəstələrinin elektron informasiya sistemi” və “Dializ olunan xəstələrin elektron informasiya sistemi” vasitəsi ilə muxtar respublika ərazisində qeydiyyata alınan diabet və dializ xəstələrinin müvafiq dərman preparatları ilə təminatına nəzarətin həyata keçirilməsi üçün ümumi aylıq statistik hesabatlar alınmış və gələcəkdə müqayisəli araşdırmaların aparılması məqsədilə Maliyyə Nazirliyində hazırlanmış bazaya yerləşdirilmişdir.
Büdcə təşkilatlarında maliyyələşmənin həyata keçirilməsi üçün muxtar respublikanın mərkəzi və yerli xəzinədarlıq orqanları tərəfindən təşkilatların ilkin maliyyələşmə sənədləri müvafiq qaydada yoxlanılaraq qeydiyyata alınmış, ay ərzində xəzinə əməliyyatları aparılaraq maliyyələşmə tam həcmdə həyata keçirilmişdir.
Aparılmış maliyyələşmə sənədləri müvafiq xəzinədarlıq orqanının elektron bazasında qeydiyyata alınmış, xidmət göstərilən büdcə təşkilatlarından ay ərzində istifadə olunmuş vəsaitlər barədə hesabatlar yığılaraq icmallaşdırılmışdır.
Bankdan təqdim olunmuş sənədlər əsasında büdcə gəlirlərinin təyinatına uyğun olaraq büdcəyə daxil olunması və xərclərin vahid büdcə təsnifatına uyğun olaraq ünvanlı istifadəsinin təmin edilməsi həyata keçirilmiş, gündəlik balans sənədi hazırlanmışdır. Təqdim olunmuş sifarişlər əsasında xəzinələrarası köçürmə sərəncamları hazırlanmış, icrasına nəzarət edilmişdir.
2022-ci ilin may ayı ərzində yerli maliyyə orqanlarından, Dövlət Vergi Xidməti və Dövlət Gömrük Komitəsindən aylıq daxilolmalar barədə hesabatlar alınaraq gəlirlərin icrasına nəzarət edilmiş, icmallaşdırılaraq hesabat tərtib edilmiş və yerli gəlirləri təmin edən orqanlardan proqnozun icrasına dair məlumatların alınması təmin edilmişdir.
Xəzinədarlıq orqanları tərəfindən əməliyyatların düzgün aparılmasına aylıq nəzarət həyata keçirilmiş, müvafiq hesabat sənədləri hazırlanmışdır.
Nazirliyin aidiyyəti struktur bölmələri tərəfindən artıq ödənilmiş vergilərin və dövlət rüsumlarının qaytarılmasına dair müraciətlər qanunvericilikdə nəzərdə tutulmuş qaydada həll edilmişdir.
Mənzil və kommunal təsərrüfatı təşkilatlarından maliyyələşmə ilə bağlı sifarişlər qəbul edilmiş, daxilolmaları müvafiq qaydada təhlil olunaraq maliyyələşmə həyata keçirilmişdir.
Ay ərzində ciddi hesabat, protokol, qərar və qərardad blanklarının sifarişi və tələbat üzrə təmin edilməsi işi həyata keçirilmişdir.
Naxçıvan Muxtar Respublikası Ali Məclisinin Sədri tərəfindən təsdiq edilmiş “Naxçıvan Muxtar Respublikasının ali dövlət, məhkəmə-hüquq və icra orqanlarında qəbul günləri”nə uyğun olaraq may ayı ərzində Nazirliyə müraciət etmiş vətəndaşların müraciətləri dinlənilmiş, məsələlərin həlli istiqamətində qanunamüvafiq qaydada tədbirlər görülmüşdür.
Maliyyə Tədris Mərkəzinin tədris plan-qrafikinə uyğun olaraq 2022-ci ilin may ayında “Gələcək üçün maliyyə” layihəsi çərçivəsində 1 təlim keçirilmiş və hamiliyə verilmiş təhsil müəssisələrində tələbələrlə görüşlər təşkil edilmişdir.
Naxçıvan Muxtar Respublikasının Maliyyə Nazirliyi”
Naxçıvan Mədəniyyət Nazirliyi bu qurumda yoxlamalar aparan müfəttişləri də aldadıblar.
TEREF.AZ yazır ki, Ovqat.com-a bu barədə məlumat Naxçıvan MR Mədəniyyət Nazirliyi strukturlarından birində çalışan şəxs tərəfindən verilib.
Qaynağımızın bildirdiyinə görə, bir neçə gün MR Mədəniyyət Nazirliyinə də müfəttişlər gəlib. Onlar bundan sonra Naxçıvan Mədəniyyət strukturlarında “ölü canlar” sisteminə son qoyulacağını, müəllimlərə yazılan artıq dərslərin yığışdırılacağını, heç kimin maaşdan əlavə ödənişləri rəhbərliyə çatdırmayacağını və onlara yazılan dərslər qədər dərs deyəcəklərini bildirib gediblər. Amma onlar gedəndən sonra yenə “köhnə hamam, köhnə tas”rejimi davam edib.
Şikayətçi redaksiyamıza ünvanladığı məktubunda yazır:
“Bir necə gün əvvəl qaytarılan dərs saatları, yəni müəllimin üzərinə yazılan əlavə dərslər, deyilənlərə görə, müəllimlərə qaytarılıb. Amma hansı müəllimlərə? Hansı ki, özlərinə yaxın bilib “öz aramızda qalsın bir sən bil bir mən” dedikləri, “yarısı sənin yarısı mənim” prinsipi ilə işləyən, əslində isə tədris prosesində hec bir fəaliyyəti olmayan, öyrətim qabiliyyəti aşağı olan müəllimlər yenə arada yüksək dərs saatına malik olublar. Amma burda bir məsələ də var: müdirlərin bu yaxın “bacı qardaş müəllimləri” yene rəhbərliyə dəstək ola bilərlər, müdir də nazirinə. Və deyilənlərə görə, uzağı, yanvara qədər bu normallaşma prosesi sürə bilər, yanvardan sonra yenə açıq bazar olacaq. Rəhbərliyin bəzi müəllimlərə açıq şəkildə “çox öyrəşməyin bu dəyişikliyə” dedikləri iddia olunur.
Gələk əsas məsələyə. Nəyə görə bu dərslər “artıq maaşın hamısını sən alacaqsan deyilən müəllimlərə qalır? Nəyə görə digər müəllimlərə o saatlar paylanmayıb. Hələ də dərs yükü aşağı olan, yarıbayarı fərq verən dərs saatları var. Mənim və digər məğdur muəllimlərin fikrincə, aidiyatı qurumlar təkrar yoxlama aparmalı, dərs saatları balanslaşdırılmalıdır”.
Noyabrın 17-də Lerik Rayon İcra Hakimiyyəti (RİH) başçısının birinci müavini Cəlil Baxşıyev vəzifəsindən azad edildi. 62 yaşlı C.Baxşıyev uzun illər Lerik RİH-də çalışmışdı və İcra Hakimiyyətindəki “üçlük”dən (Cəlil Baxşıyev, Habil Məlkov və Əlipənah Bayramov) biri idi. O, 1995-ci ildən RİH başçısının sosial-iqtisadi məsələlər üzrə müavini, 2007-ci ilin iyun ayından isə RİH başçısının birinci müavini vəzifəsində işləyib. Əslində, leriklilərin yeni icra başçısı Əkbər Abbasovdan gözləntiləri ümumiyyətlə bütün komandanı yeniləməsi idi. Onlar düşünürlər ki, uzun illər rayonda vəzifədə çalışan korrupsioner məmurlar yeni icra başçısının dövründə də dəyişməyəcək, idarəetməyə heç bir faydalı keyfiyyət qata bilməyəcəklər. Rayon sakinləri bu addımı təqdir etsələr də, digər iki odioz məmurun hələ də vəzifədə saxlanaılmasına təəssüflənirlər. Lakin məsələ tək bu deyil. Bir neçə gün öncə mediada leriklilərin adından yayılan bir müraciətin əslində sifarişli bir yazı olduğu yazı üslubundan bəlli idi. Cəlil Baxşıyevin vəzifədən çıxarılmasından sonra birinci müavin postu uğrunda başlanmış bu savaş yazısında Habil Məlkov təriflənir, indiyə qədər ayrılan vəsaitlərə əl vurmadığı qeyd olunurdu. Halbuki uzun illərdir rayon Fövqəladə Hallar Komissiyasının sədri vəzifəsində çalışan Məlikovun rayonda heç bir faydalı iş görmədiyi, bütün sənədlərdə isə imzasının olduğu gün kimi aydındır. Əgər Əkbər Abbasov həmin sənədləri təftiş etsə, nə qədər mənimsəmə və korrupsiya faktının olduğu ortaya çıxacaq. Digər bir təbliğat kampaniyası isə “İmanovlar sülaləsi” üzərində qurulmuşdu. Lerikin “ən nüfuzlu tafyası” kimi təqdim edilən İmanovlarla bağlı yazı hava şarı kimi şişirdilmişdi. Yazıda məhz birinci müavin olmaq üçün ən ciddi kadrın rayon maliyyə idarəsinin rəisi Hafiz İmanovun olması vurğulanırdı. Leriklilər isə müraciətində əskini deyirlər, yəni indiyə qədər bu “nüfuzlu” sülalədən xəbərləri olmayıb.
Yazıda bir qeyd xüsusi diqqət çəkir: “1-ci müavinliyə əsas namizəd İmanovlar kimdir?
Yeni ildən isə Lerik ən böyük dəyişikliklər və inkişaf dövrünə qədəm qoyması gözlənilir. Rayon İcra Hakimiyyətinin birinci müavin postuna maliyyə idarəsinin müdiri Hafiz İmanovun gətirilməsi gözlənilir. O, Lerikin sayılıb-seçilən, böyük nüfuza malik olan yerli tayfalarından olan İmanovlar nəslindəndir və illərlə köhnə rejimə qarşı mübarizə aparıb”.
“Harada idi bu nüfuzlu İmanovlar indiyə qədər? Bizim niyə xəbərimiz olmayıb? Lerikdə tanınmış tayfanın təmsilçiləri İmanovlar hansı gücə malikdir ki, leriklilərin bunlardan xəbəri yoxdur? Hafiz İmanov harada mübarizə aparırdı köhnə komandaya qarşı? Cəlil Baxşıyevi görəndə qabağına qaça-qaça gedən bu adamın mübarizəsini leriklilər niyə görmürdülər?”, – deyə müraciət müəllifləri qeyd ediblər.
Etiraz edən sakinlər İmanovlarla bağlı bəzi məlumatları da təqdim ediblər. Həmin məlumatlarda bir neçə məqam diqqət çəkir:
“Hafiz İmanov Rövşən Bağırovun 14 illik icra başçısı olduğu müddətdə Rayon Maliyyə idarəsinin rəisi vəzifəsində çalışıb və rayon büdcəsini bir yerdə mənimsəyən saxtakarlardır. Hafizin bir qardaşı – Əfqan, müsiqi məktəbinin direktoru işləyəndə musiqi məktəbində küllü miqdarda mənimsəməyə yol verdiyi üçün, ona cinayət işi açıldı və Əmək Məcəlləsinin 70-ci maddəsinin ç bəndi ilə işdən azad olundu. Həmin mənimsənilmiş vəsaiti qardaşı Hafiz İmanov Maliyyə idarəsinin müdiri olanda buraxmışdı. Qardaşı Əfqanın stresdən gözləri tutuldu və indi də gözdən əlildir”. “Bu gün Hafiz İmanovun doğma qardaşı Heybət İmanov Əhalinin Sosial Müdafiəsi Nazirliyində yüksək vəzifə tutduğundan Lerik rayonun icra başçısı Əkbər Abbasovdan sui-istifadə edir. Çünki Əkbər Abbasovun bir qardaşı da Şamaxıda Sosial Müdafiə Şöbəsinin müdiridir. Əfqan İmanovun oğlu Əfrail İmanovu da əmisi Heybətin göstərişi ilə rayon Məşğulluq idarəsinə müdir təyin ediblər. Əkbər Abbasov vəzifəyə gələn kimi Heybətin digər qardaşı – rayon peşə məktəbinə direktor təyin etdi. Hafizin yeznəsi Ramal Məstiyev Lerik Şəhər İnzibati Ərazi Dairəsinin rəhbəridir. Hafizin əmisi oğlu Asif İnşmanov rayon su idarəsinin müdiridir. Digər bir əmisi oğlu Akif İmanov rayon su-kanalizasiyaya idarəsinin müdiridir. Bütün bunları vəzifəyə qoyan və onlara himayədarlıq edən Heybət İmanovdur. Budurmu tanınmış və nüfuzlu tayfa? Vəzifələri qəsb etmək, bir rayonu cəhənnəmə çevirmək nə zamandan hörmət və izzətlə qarşılanıb?”, – deyə sakinlər sual edirlər. (ardı var) //JAMAZ.İNFO//
Bakı Şəhər Baş Təhsil İdarəsi ilə “Azərsu”nun borc qovğasına körpələr düşüb…
İndicə redaksiyamıza daxil olan məlumatdan bəlli olur ki, bu gün Bakı şəhərindəki bütün körpələr evi, uşaq bağçalarına verilən su kəsilib.
Təsəvvür edirsiniz, körpə balaları su ilə imtahana çəkmək vallahi heç Yezid oğlu Müaviyəyə də yaraşan hal deyil. O ki, ola “Azərsu” Açıq Səhmdar Cəmiyyəti və onun Köçərli Həsənov kimi rəhbərləri…
Deməli, bütün redaksiyamız məsələ ilə bağlı Azərsunun rəhbərliyi ilə bağlı, şəxsən qurumun sədr müavini Köçərli Həsənovla və digər rəhbər şəxslərlə nə qədər əlaqə saxlamağa cəhd etsə də bu mümkün olmadı. Nəhayət “Azərsu” Açıq Səhmdar Cəmiyyətinin Operativ idarəetmə şobəsinin rəisi Yaşar Bəşirovla əlaqə saxlaya bildik və problemlə bağlı məlumatlı olduğunu qeyd elədi. Deməli, daxil olan ilkin məlumatdan bəlli olur ki, Bakı Şəhəri üzrə Təhsil İdarəsi su borcunu vaxtında ödəmədiyi üçün “Azərsu” körpələr evinin, uşaq bağçalarının suyunu kəsib. Azərsu-nun rəhbərliyi görəsən, başa düşmür ki, söhbət böyük bir təhsil ocaqlarından, körpə uşaqların düşəcəyi durumdam gedir. Üzr istəyirik, bəlkə uşağın hansısa tualetə getmək istəyəcək, yaxud kimsə əlini yumalıdır….
İndi uşaqlar gözləməlidir ki, Bakı Şəhər Təhsil İdarəsi nə vaxt su borcunu ödəyəcək və Köçərli əmiləri ondan sonra insafa gəlib suyu verəcək. Vallahi, dünyanın heç bir məmləkətində belə rüsvayçı hal ola bilməz ee… Əgər su borcu iki dövlət qurumu arasında yaranıbsa, körpə uşaqlarının günahı nədir..?
Məşhur bir türk mahnısında deyilən kimi…Bəbələrin, cocuqların günahı nə… Bəli, valideynlər, eləcə də dövlət vaxtlı-vaxtında vəsait ayırıbsa, görəsən, Bakı Şəhər Təhsil İdarəsi nə üçün vaxtında suya olan borcunu ödəməyib..?
Görəsən, Bakı Şəhər Təhsil İdarəsinin xanım müdiri Mehriban Əliyeva bu barədə nə düşünür..?
Biz əlbəttə, Azərsuya bəraət qazandırmırıq, əksinə suyun kəsilməsinə görə, onları qınayırıq. Amma Təhsil İdarəsi də öz məsuliyyətini başa düşməlidir. Amma istənilən halda Azərsu-nun körpə balaları susuz qoyması cəmiyyət tərəfindən qınanılmalıdır. Həm də görəsən, Köçərli Həsənov məmurların restoranlarının, villalarının suyunu kəsə bilərmi..?
Heç uzağa getməyək, 1-2 həftə öncə, oktyabr ayının sonunda Yasamal rayonu ərazisindəki su borusunun partlamasını yada salın. Bunun analoqu ola bilməz ee… Şəhərin mərkəzi su borularında biri partlayır və şəhərin suyu kəsilir və üstəlik… Qəza nəticəsində ətrafdakı obyektlərə yüz minlərlə ziyan dəyir. Onlardan tək bircəsini deyəcəyik. Yasamalda magistral su xəttinin partladığı ərazidə yerləşən fitnes mərkəzinin sahibi deyir ki, səhər saatlarında, partlayış səsinə çölə çıxdım, su sel kimi binanın içinə doldu, özümü itirdim, ancaq güclə özümü bayıra atdım, ancaq heç nəyi xilas edə bilmədim, təkcə qaçış aparatının qiyməti 10 000 manatdır, 200 000 manata yaxın ziyan dəyib. Bax, Azərsu rəhbərliyindən soruşmaq lazımdır ki, vətəndaşa dəyən ziyanı ödəmisən..? Əlbəttə, yox. Bəs onda 5-10 manata görə, niyə körpə uşaqların suyunu kəsmisən, ay … . Kim nə deyir desin, bu bir millətə, bir dövlətə yaraşan hal deyil. İstəyərdik ki, hər iki qurum məsələ ilə bağlı mövqeyini açıqlasın.
Amma biz bir redaksiya olaraq, bildirmək istəyirik ki, məsələ ilə bağlı Yaşar Bəşirovla əlaqə saxladıq və məsələnin körpələrin xatirinə həll olunmasını xahiş etdik. Yaşar Bəşirovsa bildirdi ki, heç bir söhbət ola bilməz kimin deməsindən aslı olmayaraq təhsil idarəsinin müdiri Azərsu rəhbərliyinin yanına getməlidir. Məsələ orada həll olunacaq. Əgər təhsil idarəsinin müdiri Azərsu rəhbərliyinin yanına gedib məsələləri yoluna qoymasa biz bu məsələyə müdaxilə edə bilmərik. Baxın iki qurum arasında savaş gedir, amma bundan körpələr əziyyət çəkir. Görəsən kiminin gəlini, kiminin qızı, kiminin bacısı qızı, kiminin qardaşı qızı, kiminin məşuqəsi bağça müdirəsi və ya məktəb direktoru olmaq istəyirmiş ki, bunu Bakı Baş Təhsil İdarəsinin rəisi qoymayıb?
Biz bir redaksiya olaraq Ölkə Başçısına, cənab Prezidentimiz İlham Əliyevə müraciət edərək bu problemin araşdırılaraq, körpələrin xeyrinə həll olunmasını xahiş edirik.
Yeniekinci.az
İndicə redaksiyamıza daxil olan məlumatdan bəlli olur ki, bu gün Bakı şəhərindəki bütün körpələr evi, uşaq bağçalarına verilən su kəsilib.
Təsəvvür edirsiniz, körpə balaları su ilə imtahana çəkmək vallahi heç Yezid oğlu Müaviyəyə də yaraşan hal deyil. O ki, ola “Azərsu” Açıq Səhmdar Cəmiyyəti və onun Köçərli Həsənov kimi rəhbərləri…
Deməli, bütün redaksiyamız məsələ ilə bağlı Azərsunun rəhbərliyi ilə bağlı, şəxsən qurumun sədr müavini Köçərli Həsənovla və digər rəhbər şəxslərlə nə qədər əlaqə saxlamağa cəhd etsə də bu mümkün olmadı. Nəhayət “Azərsu” Açıq Səhmdar Cəmiyyətinin Operativ idarəetmə şobəsinin rəisi Yaşar Bəşirovla əlaqə saxlaya bildik və problemlə bağlı məlumatlı olduğunu qeyd elədi. Deməli, daxil olan ilkin məlumatdan bəlli olur ki, Bakı Şəhəri üzrə Təhsil İdarəsi su borcunu vaxtında ödəmədiyi üçün “Azərsu” körpələr evinin, uşaq bağçalarının suyunu kəsib. Azərsu-nun rəhbərliyi görəsən, başa düşmür ki, söhbət böyük bir təhsil ocaqlarından, körpə uşaqların düşəcəyi durumdam gedir. Üzr istəyirik, bəlkə uşağın hansısa tualetə getmək istəyəcək, yaxud kimsə əlini yumalıdır….
İndi uşaqlar gözləməlidir ki, Bakı Şəhər Təhsil İdarəsi nə vaxt su borcunu ödəyəcək və Köçərli əmiləri ondan sonra insafa gəlib suyu verəcək. Vallahi, dünyanın heç bir məmləkətində belə rüsvayçı hal ola bilməz ee… Əgər su borcu iki dövlət qurumu arasında yaranıbsa, körpə uşaqlarının günahı nədir..?
Məşhur bir türk mahnısında deyilən kimi…Bəbələrin, cocuqların günahı nə… Bəli, valideynlər, eləcə də dövlət vaxtlı-vaxtında vəsait ayırıbsa, görəsən, Bakı Şəhər Təhsil İdarəsi nə üçün vaxtında suya olan borcunu ödəməyib..?
Görəsən, Bakı Şəhər Təhsil İdarəsinin xanım müdiri Mehriban Əliyeva bu barədə nə düşünür..?
Biz əlbəttə, Azərsuya bəraət qazandırmırıq, əksinə suyun kəsilməsinə görə, onları qınayırıq. Amma Təhsil İdarəsi də öz məsuliyyətini başa düşməlidir. Amma istənilən halda Azərsu-nun körpə balaları susuz qoyması cəmiyyət tərəfindən qınanılmalıdır. Həm də görəsən, Köçərli Həsənov məmurların restoranlarının, villalarının suyunu kəsə bilərmi..?
Heç uzağa getməyək, 1-2 həftə öncə, oktyabr ayının sonunda Yasamal rayonu ərazisindəki su borusunun partlamasını yada salın. Bunun analoqu ola bilməz ee… Şəhərin mərkəzi su borularında biri partlayır və şəhərin suyu kəsilir və üstəlik… Qəza nəticəsində ətrafdakı obyektlərə yüz minlərlə ziyan dəyir. Onlardan tək bircəsini deyəcəyik. Yasamalda magistral su xəttinin partladığı ərazidə yerləşən fitnes mərkəzinin sahibi deyir ki, səhər saatlarında, partlayış səsinə çölə çıxdım, su sel kimi binanın içinə doldu, özümü itirdim, ancaq güclə özümü bayıra atdım, ancaq heç nəyi xilas edə bilmədim, təkcə qaçış aparatının qiyməti 10 000 manatdır, 200 000 manata yaxın ziyan dəyib. Bax, Azərsu rəhbərliyindən soruşmaq lazımdır ki, vətəndaşa dəyən ziyanı ödəmisən..? Əlbəttə, yox. Bəs onda 5-10 manata görə, niyə körpə uşaqların suyunu kəsmisən, ay … . Kim nə deyir desin, bu bir millətə, bir dövlətə yaraşan hal deyil. İstəyərdik ki, hər iki qurum məsələ ilə bağlı mövqeyini açıqlasın.
Amma biz bir redaksiya olaraq, bildirmək istəyirik ki, məsələ ilə bağlı Yaşar Bəşirovla əlaqə saxladıq və məsələnin körpələrin xatirinə həll olunmasını xahiş etdik. Yaşar Bəşirovsa bildirdi ki, heç bir söhbət ola bilməz kimin deməsindən aslı olmayaraq təhsil idarəsinin müdiri Azərsu rəhbərliyinin yanına getməlidir. Məsələ orada həll olunacaq. Əgər təhsil idarəsinin müdiri Azərsu rəhbərliyinin yanına gedib məsələləri yoluna qoymasa biz bu məsələyə müdaxilə edə bilmərik. Baxın iki qurum arasında savaş gedir, amma bundan körpələr əziyyət çəkir. Görəsən kiminin gəlini, kiminin qızı, kiminin bacısı qızı, kiminin qardaşı qızı, kiminin məşuqəsi bağça müdirəsi və ya məktəb direktoru olmaq istəyirmiş ki, bunu Bakı Baş Təhsil İdarəsinin rəisi qoymayıb?
Biz bir redaksiya olaraq Ölkə Başçısına, cənab Prezidentimiz İlham Əliyevə müraciət edərək bu problemin araşdırılaraq, körpələrin xeyrinə həll olunmasını xahiş edirik.
Yeniekinci.az