 |
|
|
Xalqdan oğurlanan milyardların izi ilə...
Zəfər bayramından sonra cənab Prezident İlham Əliyev çox maraqlı bir açıqlama verdi: “ Mən neçə illərdir bütün diqqətimi, fikrimi Qarabağın azad edilməsinə yönəltmişdim”.
Bəs, görəsən, bu illər ərzində məmurların, icra başçılarının, nazirlərin, komitə sədrlərinin fikri hara yönəlmişdi?
Bəli, torpaqlarımız azad ediləndən sonra cənab Prezidentin əsas diqqəti rüşvətxor, korrupsioner, sadə dillə desək, harınlamış məmurlardan hesabat tələb etmək oldu. Və son dövrdə icra başçılarının, nazirlərin ard-arda həbs olunması bir daha onu göstərir ki, möhtərəm Prezidentimiz xalqa yuxarıdan aşağı baxan, dövlətin pullarını göyə sovuran məmurlar üçün sözün həqiqi mənasında ƏDALƏT MÜHAKİMƏSİ quracaq. Hər kəs etdiyi əməllərə görə cavab verməlidir. Məmurlar milyonları, milyardaları hara xərcləyib ?
Əlbəttə, bütün bunları araşdırmaq hüquq-mühafizə orqanlarının işidir.
Biz isə bir media orqanı olaraq bu məsələdə obyektiv dəstək verə bilərik.
Bizə elə gəlir ki, oğurlanan milyonların axtarışına çıxmaq üçün Nərimanov rayonu ərazisindəki köhnə qəbristanlığa başmaq seyrinə çıxmaq yetər.
Adam bu ərazidə salınmış TƏZƏ ŞƏHƏR-də sözün həqiqi mənasında azır, çaşıb qalır. Başı göyə dəyən binalar, mülklər, villalar, ofislər və daha nələr, nələr. Yəni köhnə qəbristanlıqda az qala bir dövlətin büdcəsi qədər pul hesablamaq olar.
Təkcə Prezidentin sabiq köməkçisi Əli Həsənovun bu ərazidəki mülklərini, KASPİ-nin ofislərini, obyektlərini saymaqla qurtarmaq olmaz.
Digər məmurların mülkləri də Əli Həsənovun varidatından geri qalan deyil.
Sözümüzün canı odur ki, hüquq-mühafizə orqanları niyə uzağa gedir ki ?
Şəkililər demişkən, elə ağzınızın içindədir dəə...
Hər milyonluq obyektin altından bir məmur çıxır.
Hər biri üçün də Nərimanov icra hakimiyyətindən daşdan keçən kağız alınıb. Kağızın qiymətini isə səlahiyyəti olanlar müəyyən edir. Deyəsən yeni həbslərin konkret məkanını göstərdik. Di haydı.
Əhmədli qəsəbəsi, Aşıq Ələsgər küçəsi, ev 17 ünvanında yerləşən sakinlər "Hürriyyət"ə müraciət edərək, yaşadıqları binanı inşa edənlərdən və əsas mülkiyyətçilərdən şikayətçidirlər. Bu bina Bakıda ən böyük poliqrafiya və nəşriyyat olan "Şərq-Qərb" ASC-nin ərazisində inşa edilib.
Öncə adını çəkdiyimiz ASC-nin tarixi barədə araşdırma apardıq. “Şərq-Qərb” ASC 1986-cı ildə 4 nömrəli Bakı kitab mətbəəsi kimi fəaliyyətə başlayıb.
2001-ci ildə “Şərq-Qərb” özəlləşdirmə nəticəsində səhmdar cəmiyyətinə çevrilib. Əsas fəaliyyət növü nəşr və çap işləri olan “Şərq-Qərb” ASC-nin tərkibində Nəşriyyat Departamenti·və mətbəə fəaliyyət göstərir.
Lakin mətbəənin ərazisi və mətbəənin özü bir zamanlar Prezident Adminstrasiyasının rəhbəri işləmiş Ramiz Mehdiyev tərəfindən ələ keçirilib.
Sovetlər dönəmindən qalan bu əmlakın idarəedilməsi uzun illər PA-da humanitar şöbənin rəhbəri olmuş Fatma Abdullazadənin həyat yoldaşına həvalə edilib. Bundan sonra isə Ramiz Mehdiyevin həm pulsilən obyekti, həm də gəlir gətirən əsas qazanc yerlərindən birinə çevrilib.
"Hürriyyət"ə danışan Sahib Vəlizadə Zəngilan sakinidir. Aşıq Ələsgər küçəsi, 17 C ünvanında yerləşən binanın D blokunda birotaqlı mənzildə yaşayır.
Sahib Vəlizadə bildirir ki, binanın 2013-cü ildə inşa edilməsi üçün rəsmi icazə alınıb. İlkin olaraq Bakı Şəhər İcra Hakimiyyəti Şəhərsalma və Arxitektura İdarəsi ilə razılaşdırılıb. Bundan sonra inşa edilib. Lakin layihədə nəzərdə tutulan eskiz sərhədlər pozulub.
"Binanın ərazisi faktiki olaraq "Şərq-Qərb" mətbəəsinin ərazisində qalır. Yəni bina üçün nəzərdə tutulan istirahət-əyləncə yerləri olmalı idi. Lakin bina inşa edilən zaman layihə icra edilməyib. Bundan başqa, su anbarının yeri də layihə-eskizdə göstərildiyi kimi əks olunmayıb. Su anbarı tamam başqa səmtdə inşa edilib. Ona görə də binanın birinci mərtəbəsi və zirzəmisində su yığılır", - deyə həmsöhbətimiz bildirdi.
Sahib Vəlizadə qeyd edir ki, bu yaxınlarda bina sakinlərindən başqa-başqa adlar altında çıxarışlar (kupçalar) toplanıb. "Bundan sonra isə guya bina sakinlərinin adından bina Ədliyyə Nazirliyindən qeydiyyatdan keçirilərək, sakinlərin yaratdığı hüquqi şəxsin idarəedilməsinə verilib. Hansı ki, sakinlərin bundan xəbəri belə olmayıb", - deyə həmsöhbətim əlavə etdi.
Maraqlıdır ki, bina 2013-cü ildə ilkin olaraq layihələndirildikdən sonra məhz Ramiz Mehdiyevin PA-da rəhbər işlədiyi dönəmlərdə Fövqəladə Hallar Nazirliyi tərəfindən 2018-ci ildə istismara qəbul edilib. Bundan sonra da çıxarışlar verilməyə başlayıb. Nəticədə R.Mehdiyevin oğlu fövqəladı hallar nazirinin müavini general Teymur Mehdiyev tərəfindən istismara qəbul edilib. Yəni ata və oğlu sürətli şəkildə binanı inşa edib və dövlət reyestrinə qəbul etdirə biliblər. Hansı ki, 2018-ci ildən sonra artıq Ramiz Mehdiyevin "Şərq-qərb" mətbəəsi vasitəsilə pozuntulara yol verdiyi, AMEA prezidenti olduğu zamanlarda tender və 10 milyonlarla çap sifarişləri ilə bağlı artıq 2020-ci ildə yeyintilər aşkarlanmışdı. Məhz Hesablama Palatasının apardığı yoxlamalardan sonra bu faktlar ortaya çıxmışdı.
Bu faktları təsadüfən qeyd etmədik. R.Mehdiyevin qılıncının dalı da qabağı da kəsəndə qeyd edilən binanı necə istəyib elə də inşa etdirib və oğlunun vasitəsilə istismara qəbul etdirə bilib.
Apardığımız araşdırmalar zamanı məlum olub ki, Əhmədli qəsəbəsi Aşıq Ələsgər küçəsi, 17 ünvanında yerləşən nəşriyyatın ərazisində dördbloklu 16 mərtəbəli və 2 bloklu yaşayış binaları tikilib. Binaları “Şərq-Qərb Mülk” MMC inşa edib. Bu tikinti şirkəti yaxınlıqda daha bir 16 mərtəbəli yaşayış binası da tikib.
Nəzərə alsaq ki, ASC AMEA prezidentinin nəzarətindədir, o zaman bu məsələnin akademik üçün ciddi başağrısına çevriləcəyini söyləmək olar. Ramiz Mehdiyev 23 oktyabr 2019-cu il tarixdən AMEA-nın prezidenti seçilmişdi.
Binanın sakinlərin idarəsinə verilməsinə dair məlumatlarla bağlı sənədlərə diqqət edərkən məlum oldu ki, "Xəzər-35" MMC kimi yaradılan quruma Dina Bədəlova təyin edilib. Lakin Dina xanım "Hürriyyət"ə açıqlamasında deyib ki, onun baş verənlərdən xəbəri olmayıb.
“Xətai-35” mənzil mülkiyyətçilərinin müştərək cəmiyyətinin sədri Dina Bədəlova qızı “Hürriyyət”ə verdiyi müsahibəsində cəmiyyətin yaradılması ilə alaqədar sakinlərin kütləvi halda keçirilən iclasında iştirak etmədiyini bildirib.
Dina Bədəlova cəmiyyətin sədri vəzifəsinə necə gəlməsinə də aydınlıq gətirib: "İcraçı direktor Elxan İsmayılov dedi ki, bizim kommunal yığmağa ixtiyarımız yoxdur. Ona görə də cəmiyyət ayrılmalıdır. Bunun üçün də təhvil-təslim olmaq üçün 1 sakinin adına keçməli idi. Həmin sakinin də çıxarışı olmalıdır. Mənim çıxarış sənədim olduğuna görə, dedilər ki, sizin adınıza keçirib, təhvil-təslim edəcəyik, bütün problemləri həll edəndən sonra sizi sədr vəzifəsindən ayıracağıq. Razılaşıb, çıxarışımın kopyasını vedim və mənim kimi bəzi sakinlər də belə etdi. Bundan əlavə heç nə bilmirəm. 62 sakinlə birgə mən də çıxarış sənədimi vermişəm”.
“Cəmiyyətin yaradılması ilə bağlı xəbəri binanın komendantı Fuad Məmmədovdan almışam”
Dina Bədəlova cəmiyyətin yaradılması ilə əlaqədar sənədlərin yığılması prosesində iştirak etmədiyini bildirdi: “Sənədlərin toplanmasını, bizim komendantımız və ofisdə Fəridə xanım adında bir qadın var idi, onların yığdığını düşünürəm. Şəxsən mən mənzilin çıxarışını Fuad bəyə vermişəm. Mən nə sənəd aparmamışam, nə də heç kəsdən imza toplamamışam. Bütün binanın sakinləri necə, mən də elə.
Onu da nəzərinizə çatdırım ki, hardasa 3 ay kecdikdən sonra mənə ofisdən Rauf bəy zəng edib dedi ki, Ədliyyə Nazirliyinə gedin, orada sənəd var, onu götürmək lazımdır. Dedi ki, Nərmin Zamanova adlı xanıma yaxınlaşıb, sənədi götürün. Mən də tək getməmək üçün qonşumuz Sahib bəylə getdim. İlk dəfə idi ki, mən Ədliyyə Nazirliyinin Notariat xidmətinə gedirdim. Aşağıdan həmin xanıma xəbər etdilər və o, bir bəylə yanımıza gəldi və sənədi imzalamaq üçün mənə verdi. İmzalayıb sənədi götürəndən sonra orada mənə dedilər ki, artıq siz cəmiyyətdən ayrılmısız, artıq ayın 1-dən fəaliyyətdəsiz. Sual verdim ki, necə yəni, təhvil-təslim olmalı idi, binanın problemləri həll olunmalı idi? Dedilər xeyr, siz artıq ayın 1-dən fəaliyyətdəsiz. Mən heç yerə getmədim, “peçat” da almadım, fəaliyyətə də başlamadım. Çünki mən belə bir məsuliyyətin altına girə bilməzdim. Yəni razılaşmadım. İradımı bildirdikdə isə mənə dedilər ki, bundan sonra heç bir təhvil-təslim olmayacaq, binanın problemləri necə var yarımcıq qalacaq. Sonra nə vaxtsa düzələcəyini desələr də buna əməl etmədilər. Mən isə fikirləşirəm ki, imzaları toplayım və ləğv edim. Mən belə bir məsulliyyətin altına girə bilmərəm”.
Bütün bunlarla yanaşı, “Şərq-Qərb Mülk” MMC-nin icraçı direktoru Elxan İsmayılov “Hürriyyət”ə açıqlamasında bildirdi ki, bina 2013-cü ildə tikilməyə başlayıb, 2018-ci ildə texniki istismar rəyi alıb. "Bina hazır olmasa dövlət qurumları bu rəyi bizə verməzdilər. Belə çıxır ki, şikayət tək bizdən deyil, həmçinin dövlət qurumlarındandır. Bina hazır olmasa 5-6 qurumun imzası, möhürü olmazdı. Fövqəladə Hallar Nazirliyi, Bakı Şəhər İcra Hakimiyyəti və bir neçə qurumun təsdiqi ilə bina istismardan keçib.
O ki qaldı 1-ci mərtəbədə yerləşən obyektlərin satışına, obyektlərin satışı sakinləri narahat etməməlidir. Sahibkar həmin obyektlərin satışını, icarəsini özü bilər necə edəcək, hansı qərar verəcək. Kupçaların yığılıb sakinlərdən xəbərsiz “Xətai-35” mənzil mülkiyyətçilərin müştərək cəmiyyəti yaranması haqqında olan fikirləri tamamilə yanlışdır. Necə ola bilər ki, mülkiyyətçinin özü olmadan belə bir cəmiyyət yaradılsın?
O ki qaldı su çəninin yerinin dəyişməsinə, ilkin layihədə ola bilər ki, fərqli qeyd edilsin. Axı, mənzillərin tikilmə prosesi gedən zaman layihələr bir neçə dəfə dəyişdirilə bilər. Su çəninin yerini Fövqəladə Hallar Nazirliyinin Yanğından Mühafizə İdarəsi gəlib özü göstərir ki, burda tikilə bilər, ya yox. Yəni biz su çəninin yerini seçmirik. Bir daha nəzərinizə çatdırım ki, sizdəki ilkin layihədir. Mənzillərin tikilişi zamanı layihələr dəfələrlə dəyişdirilə bilər. Hətta imkan dairəsində mən sizdən xahiş edərdim ki, gəlib başqa sakinləri də dindirəsiz və elə bir nəticəyə gələsiniz. Bina tam hazır vəziyyətdə sakinlərə təqdim olunub. Onları nə qane etmir, onu bilmirəm. Orada hazır olmayan bir tək obyektlərdir", - deyə E.İsmayılov bildirdi.
“Hürriyyət”
“Hüquqları Pozulmuş Məhkumların Müdafiəsi” İctimai Birliyinin təsisçiləri B.Abdullayev, M.Səlimov və Ə.Rüstəmov tərəfindən “Hürriyyət” qəzetinin elektron poçtuna şikayət məktubu daxil olub. Saytımız vasitəsilə Prezident İlham Əliyevə, DTX rəisi Əli Nağıyev, Baş prokuror Kamran Əliyevə, Penitensiar Xidmətin rəisi Ceyhun Həsənova müraciət edən şikayətçilərin məktubunu olduğu kimi dərc edirik:
“Hörmətli Prezident!
Sizin fəaliyyətiniz müddətində korrupsiyaya qarşı apardığınız mübarizənin dövlət siyasətinin tərkib hissəsi olduğu, ictimaiyyətin bu işlərə fəal qoşulması, hər bir vətəndaşın neqativ hallara biganə qalmaması barədə çağırış etməyiniz, proqram xarakterli tapşırıqlar və tövsiyyələr verməyiniz bizləri çağrışınıza qoşulmağa sövq etmişdir. Bu amalla da “Hüquqları Pozulmuş Məhkumların Müdafiəsi“ İctimai Birliyini təsis etmişşik. Bildiririk ki, İctimai Birliyin təsis sənədlərini qeydiyyatdan keçrmək üçün Ədliyyə Nazirliyinə 4-cü dəfədir təqdim etmişik. Ümid edirik ki, İctimai Birlik tezliklə Ədliyyə naziri cənab Fikrət Məmmədovun təşəbbüsü ilə Qeydiyyat İdarəsi tərəfindən qeydiyyatdan keçriləcəkdir.
Cənab Prezident!
Aidiyyəti dövlət qurumlarına, o cümlədən də Ədliyyə Nazirliyinin rəhbərliyinə israrla bildirmişik ki, İctimai Birliyin qeydiyyatdan keçirilib-keçrilməməsi bizim cənab Prezidentin çağrışına qoşulmağımıza, korrupsioner və rüşvətxor məmurlara qarşı mübarizə aparmağımıza xidmət edir. Odur ki, kimsə İctimai Birliyin fəaliyyətinə maneəçilik törədə və bizləri amalımızdan çəkindirə bilməyəcəkdir.
Amma onu da bildirmişik ki, İctimai Birliyin qeydiyyatdan keçməsinin qarşısını o kəslər ala bilər ki, onlar tutduqları vəzifələrindən, dinindən, dilindən asılı olmayaraq Prezidentin siyasi kursuna qarşı çıxan xəyanətkarlardır. Və biz bu gün də, gələcəkdə də onların xəyanətkar olduqlarını ilk öncə cənab Prezidentə, sonra da bütün ictimayətin diqqətinə çatdıracağıq.
Hörmətli Prezident!
İctimai Birliyin nizamnaməsində qeyd edilmişdir ki, Birliyin məqsədi “Hüquqları Pozulmuş Məhkumların Müdafiəsini” təşkil etmək üçün Ədliyyə Nazirliyinin razılığı əsasında Penitensiar Xidmətin strukturuna daxil olan qurumların iş rejimini pozmadan və birmənalı şəkildə məhkumların pozulmuş hüquqlarını müdafiə etməkdən ibarətdir. Elə bu məqsədlə də İctimai Birlik qarşısına məqsəd qoyduğu ilk gündən, dayanmadan Ədliyyə Nazirliyi Penitensiar Xidmətin tabeçiliyində olan cəzaçəkmə müəssisələrində (CÇM) tüğyan edən körrupsiya və rüşvətxorluq hallarını araşdırmış və bu gün də araşdırmanı davam etdirməkdədir. Eyni zamanda, cəzaçəkmə müəssisələrində korrupsiyanın, rüşvətxorluğun qarşısının alınması, məmur özbaşınalığına son qoyulması və aradan qaldırılması yonümündə bir çox təkliflər hazırlamışdır.
İctimayi Birliyə daxil olan məlumatlar əsasında 11, 6, 2, 17, 15 və 7 saylı cəzaçəkmə müəssisələrində baş verən korrupsiya və rüşvətxorluq halları barədə araşdırmalar aparmışıq.
Ədliyyə Nazirliyinin 11 saylı cəzacəkmə müəssisəsində korrupsiya, rüşvətxorluq halları dözülməz həddə çatmışdır.
Cənab Prezident!
11 saylı cəzaçəkmə müəssisəsində məhkumların hüquqlarının köbudcasına pozulması faktları ilə bağlı müəyyənləşdirdiyimiz aşağıdakı korrupsiya faktlar barədə Sizə məlumat verməyi İctimai Birlik olaraq özümüzə borcu bildik. Hesab edirik ki, məhkumların hüquqlarının pozulmasında əsas səbəb və başlıca faktorun kökündə korrupsiya amili dayanır. Korrupsiya, rüşvətxorluq amilinin kökündə isə, tayfabazlığın, qohumbazlığın dayandığı şübhəsizdir. Bununla da ilk öncə 11 saylı cəzaçəkmə müəssisəsində gündəlik mövcud olan və bu gün də müəssisənin rəisi Şakir Qəniyev tərəfindən davam etdirilən aşağıdakı korrupsiya faktlarını diqqətinizə çatdırırıq.
Cəzaçəkmə müəssisəsinin rəisi Şakir Qəniyevin hansı tayfabazlardan və hansı qohumbazlardan olması və hansı məsləkə xidmət göstərməsi barədə də gələcəkdə məlumat vermək məsuliyyətini üzərimizdə saxlayırıq.
Aşağıdakı korrupsiya ocaqları (obyektləri) fakt və heç bir subuta ehtiyacı olmayan aksiomadır.
Hörmətli Prezident!
11 saylı cəzaçəkmə müəssisəsində mövcud olan korrupsiya ocaqlarının (obyektlərinin) siyahısını Sizə təqdim edirik. Siyahıda göstərdiyimiz korrupsiya faktları barədə, sıra nömrəsi ilə, gələcəkdə tam təfsilatlı açıqlama verəcəyik. Çünki 11 saylı cəzaçəkmə müəssisəsində saxlanılan məhkumlar “təbil siqnalı” çalırlar. 1300-ə yaxın məhkumun taleyi bizləri susmamağa məcbur edir.
Beləliklə, 11 saylı cəzacəkmə müəssisəsində 1 ayda qanunsuz olaraq yığılan rüşvətin (pulun) məbləği və korrupsiya obyektlərinin SİYAHISI:
1. Qeydiyyat (buraxılış vərəqəsi) vərəqəsi yazan mülki şəxs tərəfindən yığılan pullar – 6 000 manat.
2. Ailə üzləri olmayan kənar şəxslərdən (ailə üzvləri istisna olmaqla) – 9 000 manat.
3. Üst-başa, sovqata görə və axtarış-baxış zamanı yığılan pul - 48.000 manat.
4. Üzbəüz görüş üçün yığılan pullar - 45.000 manat.
5. Görüşə gələnlərə satılan çaydan yığılan pul - 12.000 manat.
6. Karantin adı ilə yığılan pullar - 30.000 manat.
7. Üzunmüddətli (3-günlük) görüşdən yığılan pullar - 15.750 manat.
8. Çarpayı, “kutok” adı ilə yığılan pullar - 9.000 manat.
9. Xolodelnik üçün alınan pullar - 6.500 manat.
10. Xolodelnik+”kutok” adı ilə aylq pullar - 9.500 manat.
11. Dönərxanadan yığılan pullar - 12.000 manat.
12. Maqazin-dükan pulu - 100.000 manat.
13. 1 nömrəli kafedən alınan icarə pulu aylıq - 2.000 manat.
14. 2 nömrəli kafedən alınan icarə pulu - 3.000 manat.
15. 3 nömrəli kafedən alınan icarə pulu - 1.000 manat.
16. Yaşayış massivindəki çayxanadan alınan icarə pulu - 800 manat.
17. Hamamdan yığılan “hamam pulu” - 4.000 manat.
18. Paltar dükanından alınan icarə pulu - 2.500 manat.
19. Danışq məntəqəsindən yığılan telfon pulları - 46.800 manat.
20. Məhkumlardan yığılan aylıq telefon pulu - 30.000 manat.
21. “Besetka” tikmək üçün satılan torpaq pulu - 210.000 manat.
22. Xüsusi şəraitli qtaqlara giriş üçün yığılan pul - 157.5000 manat.
23. Aylıq otaq pulları - 6.300 manat.
24. “Sançast”a giriş üçün ilkin ödəniş pulu - 216.000 manat.
25. “Sançast”da aylıq yığılan pullar - 28.600 manat.
26. İstehsalatda işləyən məhkumlardan icarə pulu - 37.500 manat.
27. İstehsaldan rəisə çatan 60%-lik haqq - 72.000 manat.
28. Məhkumlara ayrılan puldan tutulan 20% “haqq” - 40.000 manat.
29. “Pekarnı pulu” - 21.000 manat.
30. Toyuq, yumurta satışından yığılan pullar - 12.000 manat
31. Bərbərxanadan alınan icarə haqqı - 800 manat.
32. Dərzidən alınan icarə haqqı - 300 manat.
33. Ayaqqabı təmirindən alınan icarə haqqı - 300 manat.
34. Camaşırxanadan alınan icarə haqqı - 3.500 manat.
35. Məhkumun rejiminin dəyişdirilməsinə görə ödənilən pul - 50.000 manat.
36. Cəzasının ¾ hissəsini cəkən məhkumlardan - 200.000 manat.
37. Ekspertiza pulları - 96.000 manat.
38. “Təşəkkürnamə pulları” ayda - 10.000 manat.
39. Xasiyyətnamə pullarə ildə - 100.000 manat.
40. Kars pulları ayda - 60.000 manat.
41. Digər xərclər (kino, su, və sairə) - 28.000 manat.
42. “Vozvrat” satılan çörəyin pulları - 15.750 manat.
Yekun korrupsiyan məbləği: - 1.728.400 manat.
Qeyd: Yuxarıda məlumat verdiyimiz korrupsiya, rüşvətxorluq ocaqları -obyektləri barədə sıralama sayını göstərməklə, əgər bilərəkdən və yaxud da bilməyərəkdən, verilən məlumatlar həqiqəti əkis etdirmirsə, Ədliyyə Nazirliyi tərəfindən TƏKZİB veriləcəyinə inanırıq.
Əlavə faktları da təqdim edəcəyik”.
Hurriyyet.az
Redaksiyadan: Qeyd olunan faktlarla bağlı qarşı tərəfin mövqeyini dərc etməyə hazırıq.
3
Əmək və Əhalinin Sosial Müdafiəsi naziri Sahil Babayevin yerlərdə təyin etmiş olduğu kadr korpusu vətəndaşla dövlət arasında uçurm yaradır.Azərbaycan vətəndaşının maddi rifahı yaxşılaşdırılması istiqamətində aparılan “Ünvanlı dövlət sosial yardımi” siyasəti bölgələrdə ciddi narazılıqlara səbəbə olub.Hər kəs bu dövlət qurumunda baş verən özbaşınalıqlardan danışır.Belə olmasaydı bu nazirin məsuliyyətsizliyi ucbatından cayca 45 Qarabağ Qazisi nə özünü yandırmağa əl atardı nə də ki, yüzlərlə qazimiz intihara cəhd edərdi.
Dövlətimiz daha çox aztəminatlı və xüsusi diqqət tələb edən ailələrin sosial qayğılarının həllinə çalışdığı bir zamanda Əmək və Əhalinin Sosial Müdafiəsi nazirliyi Goranboy rayonun Xoylu kəndində məskunlaşan Kəlbəcərdən olan məcburi köçkün 2 azyaşlı uşaq anası, Səadət İman qızı İbrahimovanın “Ünvanlı dövlət sosial yardımi”nı dayandırıb.
Bu haqda Dünyanınsəsi.Az saytına Səadət İbrahimavanın həyat yoldaşı Tural İbrahimov tərəfindən video-şikayət daxil olub.
Şikayətçi Goranboy rayon Əhalinin Sosial Müdafiəsi Mərkəzinə (ƏƏSMM) sənədlər qovluğu təqdim edib.Ona sənədlərin qaydasında olduğunu deyib yola salıblar. Sonradan şikayətçinin yaşadığı ünvana ƏƏSMM-nin nümayəndəsi gəlib. Qardaşı Arif İbrahimova məxsus olan VAZ 2106 markalı 35 BL 503 dövlət qeydiyyatlı avtomobili həyətdə görüb deyiblər ki, bu maşın sizə məxsusdur? Həm də qardaşına məxsus olan uzunluğu 3 metr eni 2 metr olan əl damını qapılarının açılmasını da tələb ediblər.
Ərazidə qardaşı Natiq ibrahimova məxsus olan qaz, ördək və digər quş növlərini görərək deyir ki, sizin ailənizə ünvanlı sosial yardım düşmür.Tural İbrahimovda komisiya üzvülərinə bildirib ki, rüşvət gözləyirlərsə, rüşvət verməyə pulum olsaydı, hökumətdən yardım dilənməzdim.
Əmək və Əhalinin Sosial Müdafiəsi naziriliyinin vətəndaş Səadət İbrahimovaya göndərmiş olduğu imtina ilə bağlı cavabı təqdim edirik:
“Səadət İbrahimovanın ünvanlı dövlət sosial yardımla bağlı 25.10.2022-ci il tarixli müraciətinə əsasən ailənin yaşadığı ünvanda maddi-məişət şəraitinin müayinəsi həyata keçirilib. Müayinə zamanı Səadət İbrahimovanın həyətində nəqliyyat vasitəsi aşkarlanıb. O, avtomobilin qaynına məxsus olduğunu bildirsə də, heç bir sənəd təqdim edilməyib. Bundan başqa həyətyanı sahədə qapısı qıfıllı olan otaqlardan birinə baxış keçirməyə şərait yaradılmayıb və yardımçı təsərrüfat barədə məlumatın düzgün göstərilmədiyi aşkarlanıb. Bu səbəblərə görə Səadət İbrahimovanın sosial yardımla bağlı müraciətinə imtina cavabı verilib”.
Hörmətli Sahil Babayev “Dünyanınsəsi” olaraq sizə komisiyanın yalan məlumat verməsini aşağıda təqdim etdiyimiz sənədlərlə sübut edirik.Və bildiririk ki, sözegedən avtomobil təqdim etyimiz texniki posportla kimə məxsus olmasını araşdırın.
Redaksiya olaraq aprdığımız araşdırma nəticəsində məlum oldu ki, sözügedən avtomobil etibarnamə ilə Tural ibrahimovun qardaşı Arif Misir oğlu İbrahimova məxsusdur.Qaldıki nazirliyin “quş-muş” söhbətinə harda yazılıb ki, “ünvanlı sosila yardım” alan kəndli toyuq-cücə saxlaya bilməz? Kim kəndlini bu hüqudan məhrum edə bilər?
Həm də sözügedən nazirlik sistemdə özləri araşdırma aprıb dəqiqləşdirə bilmirlər ki, mübahisə predmeti olan mülk kimin adınadır?
Məlumat üçün qeyd edək ki, Tural ibrahimovlar ailəsi Kəlbəcərdən köçkün düşən vaxtdan 4 qardaş ailə üzvüləri ilə birlikdə dövlətə məxsus olan bir binada məskunlaşıblar.
Sonda Kəlbəcər sakini Əmək və Əhalinin Sosial Müdafiəsi naziri Sahil Babayevdən xahiş edir ki, ünvanlı sosial yardımla bağlı nümayəndənin doğru olmayan məlumatını təkrar komisiya tərəfindən yerindəcə araşdırılmasına göstəriş verəsiniz
Vətəndaşın Sahil Bayevə ünvanlanmış olduğu video-şikayəti təqdim edirk: //Dünyanınsəsi.Az//
Əmək Məsələləri Dövlət Xidməti Daşınmaz Əmlakın Dövlət Kadastrı və Reyestri Publik Hüquqi Şəxsdə Eldəniz Hacıyev müəmması
Hazırda respublikanın bəzi rəsmi dövlət qurumlarında məskən salmış məmurlar tərəfindən xalqı dövlətdən narazı salmaq məqsədilə fəaliyyətlər həyata keçirilir. Bilərəkdən vətəndaşları incitmə və ged – gələ salma mexanizimi yerli məmurlarda mütləq refleks halına keçib. Belə məmurlardan biri də Əmək Məsələləri Dövlət Xidməti Daşınmaz Əmlakın Dövlət Kadastrı və Reyestri Publik Hüquqi Şəxsi 7 saylı Ərazi İdarəsinin yeni rəisi Eldəniz Hacıyevdir.
Eldəniz Hacıyev əslində kimdir?
Bu şəxs gənc kadr olaraq heç bir yeniliyə imza atmayıb. Saxta özəlləşmələr, özəl şişirdilmiş rəqəmlərlə çalışan bu şəxs həm də zorakı və kobud məmurlar sırasındadı.
Eldəniz Hacıyev müxtəlif vəzifələrin yerinə yetirilməsi zamanı həm korrupsiya, həm vətəndaş narazılığının yaradılması, həm də vəzifəsindən şəxsi maraqları naminə istifadə iddiaları ilə gündəmə gəlib. Azad mətbu orqanları dəfələrlə bu məmur haqqında bariz sübutlarla çıxış edərək, onu ifşa edib. Lakin, neqativ əməllərinə və yarıtmaz fəaliyyətinə görə cəzasız qalan Eldəniz Hacıyev gün keçdikcə yarıtmaz fəaliyyətini daha da kəskinləşdirib.
Təəssüf ki, vətəndaşa xidmət etmək üçün təyin edilmiş Eldəniz Hacıyev burada da məlum əməllərinə davam etməkdədir. Vətəndaş Muradov Mətləb Azad oğlunun KAİM.az-a verdiyi məlumata görə sözügedən şəxs onunla şəxsi maraqlarına uyğun davranıb, hətta təhqir etməkdən belə çəkinməyib. Belə ki, M.Muradov ona məxsus qeyri-yaşayış obyekti üçün həmin idarəyə müraciət etsə də, məmurlar tərəfindən süründürməçiliyə məruz qalıb.
Baş mühəndis Vidadi bəy Eldəniz Hacıyev rəis təyin olunandan əvvəl sənədlərə dəfələrlə baxıb, bütün sənədlərin qaydasında olduğunu bildirərək deyib ki, gedin Tərtər şöbəsində ərizəni dəyişin, sabah da gəlin çıxarışı götürün. Mətləb Muradov Vidadi bəyin dediyi kimi Tərtər şöbəsinə gedərək növbəti dəfə ərizə yazıb. Şöbənin əməkdaşı ərizəni qəbul edib vətəndaşa İdarəyə getməyi tövsiyə edib. Vidadi bəy isə yeni metodla vətəndaşdan yayınmağa çalışıb. Telefonu söndürüb iş otağına girib polisə heç kimi onun yanına buraxmamağı göstəriş verib.
Uzun çəkinmədən sonra Vidadi bəylə daxili telefon vasitəsilə də olsa əlaqə saxlamaq vətəndaşa nəsib olub.
Vidadi bəy yenə də vətəndaşı başından etməkdən başqa çarə tapa bilməyib. Ged Elgün bəylə əlaqə saxla, sizin işə o baxacaq, mənlik deyil. Soruşmaq lazımdır ki, ay Vidadi bəy, bəs hansı iş sizlikdir, siz axı baş mühəndissiniz.
Elgün bəy də baş mühəndisdən heç də geri qalmır. Sanki idarənin ənənəsi vətəndaşları aldadaraq yola verməkdir.
Ötür-ötür oyununu məharətlə oynayan Vidadi – Elgün birliyi tez bir zamanda təzə rəisin etimadını qazanacaqlar.
2 aya yaxın müddətdir ki, lazım olan çıxarış vərəqəsinin Mətləb Muradova verilməsi süni səbəblərdən gecikdirilir. Bütün sənədlərin şikayətçi tərəfindən idarəyə təqdim edilməsinə baxmayaraq Eldəniz Hacıyev və onun vətəndaşlara qənim kəsilən kadrları müxtəlif bəhanələrlə işin qanunauyğun həyata keçirilməsinə maneə olur.
Ölkə başçısı əksər çıxışlarında məmurlara dəfələrlə irad bildirib ki, sahibkarlara şərait yaratmaq lazımdır, onları incitmək olmaz. Görəsən Eldəniz Hacıyevin prezidentin bu cür irad və tövsiyələrindən xəbəri varmı?
Əmək Məsələləri Dövlət Xidməti Daşınmaz Əmlakın Dövlət Kadastrı və Reyestri Publik Hüquqi Şəxsi 7 saylı Ərazi İdarəsinin yeni rəisi Eldəniz Hacıyevin süründürməçiliyindən yorulan vətəndaş prezident İlham Əliyevdən və İqtisadi İnkişaf naziri Mikayıl Cabbarovdan təcili kömək istəyir.
Əminik ki, bu müraciətdən sonra vətəndaşı incidilərək süründürməçiliyə məruz qoyan Eldəniz Hacıyevin süründürməçiliyinə son qoyulacaq, vəzifə səlahiyyətlərindən şəxsi prinsiplər əsasında məharətlə istifadə edən Yeni Rəis haqqında lazımi tədbir görüləcək.
Ordubaddan yazırlar (nöqtə-vergülünə toxunmadan yayımlayıram):
Salam. Hər vaxtınız xeyir Heydər müəllim. Naxçıvan haqqında həqiqətləri üzə çıxardığınız üçün sizə minnətdarıq. Əsas odur ki Naxçıvan insormasiya blokadasından çıxdı. Qorxu hissi aradan qalxdı. Sizə təşəkkür edirik. Ama bir məsələ də var ki yerli rayon icra hakimlərinin bəziləri hələ də özlərini ağa hesab edirlər.
TEREF.AZ yazır ki, bu cümlələr ovqat.com saytının baş redaktoru Heydər Oğuza göndərilmiş şikayət məktubundandır.Şikayət məktubunda daha sonra yazırlar:
Bu qədər tənqidlərə baxmayaraq hələ də Ordubad Rayon İcra Hakimiyyətinin başçısı Elşad Məmmədov müəllimləri və digər idarə işçilərini zorla iməclik adı altında işlədir. 27-29 noyabr tarixlərində Elşad müəllim yenə o idarə işçilərini və müəllimləri iməclik adı ilə Xanağa kəndində işlədirdi. Özü də məcbur edir ki məktəblər otbiçən almalıdır. Özü də öz vəsaitləri hesabına. Əlavə də əkin tikin alətləri olmalıdır. Sanki bu belə olmalıdır. Ümumiyyətlə harda tikinti işi var Elşad müəllim bütün yaşıllaşdırma və budama işlərini müəllimlərə və idarə işçilərinə gördürur. Çünki Tikinti İdarəsinin rəisi olan Əkrəm adlı şəxslə əlbir olub yaşıllaşdırma və abadlaşdirmaya ayrılan pulları mənimsəyir. Bu necə illərdir belədir və davam edir. Təsəvvür edin ki müəllim əlində bel, dimiriq yol təmizləyir, zibil yığır. Bu nə deməkdir? Bəs onun təhsil verdiyi şagird ona nə qiymət verər? O sabah sinifdə necə tədris apara bilər? Şagirdə oxu deyəndə cavab verir ki oxuyub sizin kimi yollarda zibil yigacam? Bax bu müəllimə əsil təhqirdir. Peyğəmbərimiz elmi, biliyi, müəllimi müqəddəs hesab etdiyi halda bu icra başçıları müəllim adını alçaldır. İdarə işçilərinə kölə kimi baxır.
Teref.az yazır ki, şikayətçilər Heydər bəyə rayonda su idarəsində baş verən korrupsiyadan və özbaşınalırdandan şikayətlənərək yazırlar:
Rayonun su problemi başdan aşır. Çünki rayonda Vilayət adlı yalançı, fırıldaq, yaltaq bir adam su idarəsinə rəhbərlik edir. Vilayət müəllim işlədiyi müddətdə rayona toy tutdu bu dəyqə də suvarma sistemi bərbad haldadır. Prezidentin ayırdığı vəsaiti yedilər. Köhnə borularla guya rayona su çəkdilər. Bir ara Vilayət müəllim boruları satarkən də polislər tərəfindən saxlanılmışdır. Bunu eşidən oğlu Taleh birbaşa rayona gəlib məsələni həll etdi. Çünki oğlu Bakı tərəfdə yerləşən rayonların birində prokurorluq orqanında işləyir. Bundan sonra da Vilayət bu əməllərindən əl çəkmədi. Necə deyərlər kəndxudani gör kəndi çap. Axı satılan borulardan icra başçısı Elşad Məmmədovun da payı var. Ona görə də bunlara göz yumur. Əlavə də əkin vaxtı xalq əkin suyundan vaxtında istifadə edə bilmir. Çünki Elşad Məmmədov Dəstə kəndindən olan , Naxçıvan MR Ali Məclisinin deputatı Tofiq Babayevlə əlbir olub həm bələdiyyə həm də müxtəlif şəxslərə məxsus torpaqları mənimsəmişlər və orda taxıl əkini aparırlar. Ləqəbi Deputat Tofiq olan bu şəxs həm də bələdiyyə sədridir və zorla özünü deputat secdirmisdir. Daha doğrusu sifarişli seçilmişdir. Axı bilirsiz Xan həzrətləri kimi desə o deputat olmalıdır. Çünki kənar namizədin deputat seçilməyib aqibətini həmin universitet müəllimi yaşamışdır. Ona görə də hörmətli Heydər müəllim. Bu hələ Ordubad rayonunun dərslərinin az bir qismidir. Araşdırsalar nə qədər maliyyə və qanun pozuntuları olduğunu bilərlər.
Teref.az olaraq şikayət məktubunda toxunulan iddialarla bağlı qarşı tərəfin mövqeyini dəırc edə bilərik!
Teref.az
7NEWS.az xəbər verir ki, bu barədə jurnalist Arifə Əliyeva paylaşım edib:
"Aldığım məlumata görə, Goranboy rayon icra başçısı Məhərrəm Quliyevin köməkçisi Əliyev Ülvi Xasay oğlu, bir neçə gün öncə sərxoş vəziyyətdə həmkəndlisi (Goranboy rayon Qaradağlı) kənd sakini Vəliyev Hazar Ehtiram oğlunu maşınla vurub.
Hadisə zamanı Hazar hər iki ayağından ciddi xəsarət aldığından əməliyyat olunub, lakin vəziyyəti ağırdır. Hadisə, Bakı -Qazax yolunundan Dəliməmmədli şəhərinin girişinə gedən hissədə "Tac" şadlıq sarayının qarşısında baş verib. İcra başçısı Məhərrəm Quliyevin istəyi ilə hadisə gizli saxlanılıb."
Ey gidi dünya...
Yağışın-qarın altında döyüşüb, respublikanın düşmən tapdağında olan 20% torpağını düşməndən azad edib bayrağını sancan kim, kameralar qarşısında erməni bayrağını yumruqla cırıb, şou göstərən kim. Yəni cəfasını kimlər çəkdi, səfasını kimlər sürür...
Torpağı geri almaq üçün qanını tərinə qatıb döyüşən oğullara, o zamanlar övladını, kürəkənini gizlədən məmurların indi 2-3 sot haqqı olan pay torpağı verməyə əlləri gəlmir. Yaxud, ölkə başçısının bu barədəki xüsusi tapşırığına baxmayaraq, bir işlə təmin etməyə belə xəsislik edirlər.
44 günlük müharibənin fəsadları iki ildir nəinki bitmir, hələ hər gün daha da artır sanki.
Hər gün hər hansı sosial mediya, yaxud sosial şəbəkələrdə müharibə iştirakçıları ya torpaq problemindən, ya da işsizlikdən gileylənirlər.
Statistika işsizlik səviyyəsinin 5 %-ə qədər azaldığını deyir.
Bəs kimlərdir o, 95% çalışanlar?
Bütün bölgələrdən "DogruXeber.az"a, "Kanal14"ə, həmçinin digər müstəqil mediyalara işsizlikdən və rayon rəhbərliyindən narazı vətəndaşlar, Qarabağ veteranları və sair şəxslər olur. Lakin, elə vətəndaşların özlərinin verdikləri məlumatlarda aydın görünür ki, çalışan şəxslərin əksəriyyəti məmur qohumları, qalanları isə rüşvət vermək iqtidarında olan şəxslərdir.
Qazax rayon sakini Məzahir Əliyev "Kanal14"ün efirində yayımlanan "Kamalın zamanı" proqramı canlı yayımda rayonda işləmək üçün kimlərin qohumu olmağın "vacibliyini" vurğulayıb.
İşsizlik demişkən, 28.11.2022-ci il tarixində "Kamalın zamanı" proqramı ilə canlı bağlantı yaradan Daşkəsən rayon Əmirvar kənd sakini, eyni zamanda Vətən müharibəsi iştirakçısı, bir neçə medal sahibi Hüseynli Səyyab da işsizlikdən və bugünə qədər pay torpağı ala bilmədiyindən gileylənib və vurğulayıb ki, bunlara sahib olması üçün kənd İcra nümayəndəsi Rüfət Bədəlov ondan rüşvət tələb edir.
Ətraflı videoda:
Torpağı vətən edən oğulları vətəndən narazı salmaq üçün vəsifə səlahiyyətlərindən istifadə edən hər kəs bu vətənin, bu xalqın düşməni deyilmi sizcə ?!
Redaksiyamız hər kəsin söz haqqını tanıyır.
DogruXeber.az
Redaksiyamıza daxil olmuş məlumata görə, 3 saylı məktəbdə birinci siniflər 28 nəfər şagirddən komplektləşdirilməli olduğu halda, Mətanət müəllimənin sinfində adı başqa siniflərdə gedənlərlə birgə 40-a yaxın şagird oturur. Bütün yaxşı hesab olunan müəllimlərin siniflərində vəziyyət belədir. Zəif hesab edilən müəllimlərin siniflərində isə orta hesabla 15 şagird olur, digərlərinin adları bir sinifin jurnalında getsə də, özləri başqa sinifdə “yaxşı müəllimdən” dərs alırlar. Məlumatda qeyd olunur ki, valideyn öz uşağına belə imtiyaz qazandırmaq üçün məktəbin direktor əvəzi Xəyalə Hacıyevaya 300 manat pul verməlidir.
"Azərbaycan Reallığı"na Etibarlı mənbə bildirir ki, “Təşkilatçı işləyən Məleykə xanım heç bir pedaqoji ixtisası olmadığı halda iki sinifin qeyri — qanunu sinif rəhbəridir. Direktor müavinlərinin də hərəsi iki sinifin qeyri — qanuni sinif rəhbəridirlər. Kitabxana müdiri Vəfa xanım kitabları pulla satır. Deyir “mən yetim uşaq böyüdürəm, əcəb eyləyirəm”. Direktor müavini Əhmədova Fəxrənisə hamıdan tələb edir ki, kim dərslərinin cədvəldə ardıcıl düşməsini istəyirsə, 100 (bir yüz) manat verməlidir.
Acınacaqlı vəziyət odur ki, bunu pedeqoji şurada direktorun yanında acıq aydın elan edib. Heç nədən utanmadan, cəkinmədən məktəbi bazara döndərib. Kitabxanaçıya, laboranta, bir necə texniki işcilərə də sinif rəhbərliyi verilib, müəllimlərin adına yazılır. Qeyri-qanuni pulları Fəxrənisə yıgır, imtiyazları, vəzifələri paylayır. Bütün dərslər pulla satılıb.
Xəyalə xanım dərs ilinin sonunda bütün XI sinif şagirdlərindən 200 manat pul yıgdı. Hələ attestatı yazmaq ucun yığılan pullar bir yana. Evdə təhsilə laborant göndərilir, pul müəllimə yazılır, alınıb laborantla bölünür. Kecən tədris ilində dəfələrlə direktor müavinləri arasında düşən davaya görə Daxili İşlər Nazirliyinin “102” xidmətinə məlumat gedib. Hələ də işi məhkəmədə olan direktor müavini var. Bəzi texniki işcilər evdə oturub, maaş kartları Xəyalə xanımdadır.
Nəzarətsiz məktəb kimi ətrafda Masazır 3 nömrəli məktəbin reytinqi çox aşagı düşüb. Direktor yalnız direktor müavinləri ilə kabinetində cay icməklə məşguldur. 15 sentyabrda nazirin əmri ilə “Əlifba bayramı” tədbirləri yasaqlansa da, bu məktəbdə birinci siniflərin sinif rəhbərlərinə süfrə açdırıb yeyib — içiblər, direktor başda olmaqla. Heç şəhidlərimizin ruhundan utanmayıblar, bütöv Azərbaycan ağlayır, bunlar isə məktəbdə qonaqlıq edir, tort yeyirlər”.
Redaksiyamıza həmçinin direktor müavini Fəxrənsə Əhmədovanın direktorun müəllimlərdən 50 manat pul tələbini çatdırdığı vatsap səs yazısı da təqdim olunub.
SƏS YAZISIN TƏQDİM EDİRİK:
"Azərbaycan Reallığı"
"Azərbaycan Reallığı"na Etibarlı mənbə bildirir ki, “Təşkilatçı işləyən Məleykə xanım heç bir pedaqoji ixtisası olmadığı halda iki sinifin qeyri — qanunu sinif rəhbəridir. Direktor müavinlərinin də hərəsi iki sinifin qeyri — qanuni sinif rəhbəridirlər. Kitabxana müdiri Vəfa xanım kitabları pulla satır. Deyir “mən yetim uşaq böyüdürəm, əcəb eyləyirəm”. Direktor müavini Əhmədova Fəxrənisə hamıdan tələb edir ki, kim dərslərinin cədvəldə ardıcıl düşməsini istəyirsə, 100 (bir yüz) manat verməlidir.
Acınacaqlı vəziyət odur ki, bunu pedeqoji şurada direktorun yanında acıq aydın elan edib. Heç nədən utanmadan, cəkinmədən məktəbi bazara döndərib. Kitabxanaçıya, laboranta, bir necə texniki işcilərə də sinif rəhbərliyi verilib, müəllimlərin adına yazılır. Qeyri-qanuni pulları Fəxrənisə yıgır, imtiyazları, vəzifələri paylayır. Bütün dərslər pulla satılıb.
Xəyalə xanım dərs ilinin sonunda bütün XI sinif şagirdlərindən 200 manat pul yıgdı. Hələ attestatı yazmaq ucun yığılan pullar bir yana. Evdə təhsilə laborant göndərilir, pul müəllimə yazılır, alınıb laborantla bölünür. Kecən tədris ilində dəfələrlə direktor müavinləri arasında düşən davaya görə Daxili İşlər Nazirliyinin “102” xidmətinə məlumat gedib. Hələ də işi məhkəmədə olan direktor müavini var. Bəzi texniki işcilər evdə oturub, maaş kartları Xəyalə xanımdadır.
Nəzarətsiz məktəb kimi ətrafda Masazır 3 nömrəli məktəbin reytinqi çox aşagı düşüb. Direktor yalnız direktor müavinləri ilə kabinetində cay icməklə məşguldur. 15 sentyabrda nazirin əmri ilə “Əlifba bayramı” tədbirləri yasaqlansa da, bu məktəbdə birinci siniflərin sinif rəhbərlərinə süfrə açdırıb yeyib — içiblər, direktor başda olmaqla. Heç şəhidlərimizin ruhundan utanmayıblar, bütöv Azərbaycan ağlayır, bunlar isə məktəbdə qonaqlıq edir, tort yeyirlər”.
Redaksiyamıza həmçinin direktor müavini Fəxrənsə Əhmədovanın direktorun müəllimlərdən 50 manat pul tələbini çatdırdığı vatsap səs yazısı da təqdim olunub.
SƏS YAZISIN TƏQDİM EDİRİK:
"Azərbaycan Reallığı"
