Vətəndaşın vergiləri və neft gəlirləri hesabına formalaşan dövlət büdcəsi müxtəlif yollarla ayrı-ayrı şəxslərin ciblərinə axıdılır.

Bu yollardan biri də dövlət qurumları üçün ofis sahəsinin icarəyə götürülməsidir. Məsələn, Əmək və Əhalinin Sosial Müdafiəsi Nazirliyinin ayrı-ayrı qurumlarının yerləşdiyi binalar özəl mülkiyyətdir. Nazirlik hər il bu ofislər (anbarlar və s.) üçün 10 milyona yaxın icarə haqqı ödəyir.
Bilirəm ki, hər kəs haqlı olaraq soruşacaq: “Bəyəm 10 milyona həmin qurumlar üçün ofis binası tikmək olmaz?”

Əlbəttə olar, amma onda həmin icarə sahiblərinin cibi boş qalacaq.

"Səhiyyəmizdən onsuzda əlimizi üzmüşük. Azərbaycan Respublikası Səhiyyə Nazirliyinin tabeliyindəki istər xəstəxanalar olsun, istərsə də digər obyektlərdə hər gün bir dərəbəylik nümunəsi ilə qarşılaşırıq. Az-çox ölkəmizdə qürurla söhbət açdığımız sabitlik qalmışdı, o da əldən gedir". DİA.AZ bildirir ki, bunu öz gileyində tanınmış jurnalist Zülfüqar Xeyirxəbərov ifadə edib.

Daha sonra narazı jurnalist yazır: "Təxminən saat 21:00 radələrində Səbael rayonu, Bibiheybət yolunda (Səbael DYP ilə üzbəüz) fəaliyyət göstərən "Gloria" Aptekə daxil olub 3 ədəd "Teraflyu" aldım. 3 manat çıxdılar. Qiymətini soruşdum, xanım qız cavab verdi ki 1 manat olub. Ötən həftə həmin yerdən eyni dərmanı səhv etmirəmsə 87 qəpiyə almışdım. Nə zaman bahalşdığını soruşdum. Məlum oldu ki, bahalaşan heç bir şey yoxdu, sadəcə müşətiləri loxlayırlar. İradımı bildirdim, dərmanın dəqiq qiymətini soruşdum. Bu dəfə də xanım qız 95 qəpik olduğunu dedi. Kassadakı bəydən bəs nəyə görə hər dərmana görə 1 manat çıxdığını soruşdum, üstümə hücum çəkdilər. 45-50 yaşlarında üst başı sıliqəsiz bir kişi üstümə şığıdı. Küçə söyüşləri ilə təhqir edib ölümlə təhdid etdi. Deyir "yaxşı edirəm, kefim istəyən qiymətə satıram, bas bayıra yoxsa təpənə bir güllə çaxıb meyitini ataram küçəyə". Səhiyyə nazirimizin canına and olsun ki, şişirdib eləmirəm, əlini cibinə salıb belə də dedi. "Bu saat təpənə bir güllə çaxaram".


Həm də maraqlı bilirsiz nədir? Peşəkar dələduzluq. Kartdan 3 manat çıxır, mən çek tələb edəndə 2.85-lik çek verir. Dövlət Vergi Xidməti yaxşı olar ki, apteklərin fəaliyyətini yoxlasın. Əkəsr apteklərdə çek vermirlər, verdikləri də belə saxtakarlıq.
Hörmətli Azərbaycan Respublikası Səhiyyə Nazirliyi, Azərbaycan Respublikasının Daxili İşlər Nazirliyi ümidvaram ki, həmin şəxsin kimliyi araşdırılacaq, o hər kimdirsə aid olduğu yerə gedəcək.
Hadisə barədə Azərbaycan Respublikası Səhiyyə Nazirliyinin qaynar xəttinə xəbər verə bilmədim, çünki qaynar xəttə heç vaxt cavab vermirlər. Azərbaycan Respublikasının Daxili İşlər Nazirliyinin 102 xidmətinə məlumat verdim. 8-ci bölməyə dəvət edib ərizəmi aldılar. Nəticəsini gözləyirəm. Ortada silahla təhdid var, ictimai yerdə söyüş-təhqir var, istehlakçı hüququnun tapdanması var, süni qiymət artımı, vergidən yaypınma var. Bunlar sıradan hadisə deyil, ölkəmiizn sabitliyinə, təhlükəsizliyinə ciddi təhdidlərdir. Bunun qarşısı vaxtında alınmalı, günahkarlar mütləq cəzalandırılmalıdır. Yoxsa hər yerindən duran xoşu gəlməyənin təpəsinə bir güllə çaxacaq".


Məsələ diqqətimizdədir. İddia olunanlarla bağlı teref.az olaraq qarşı tərəfi də dinləməyə hazırıq...

Beynəlxalq qurumlara , məhkəmələrə müraciət etmək yerli qanunvericilik aktları, Azərbaycan Respublikasının Konstitusiyası ilə təminat verilən hüquq olsa da, bilərəkdən bu hüquqdan yararlanmanı , az qala , dövlətə xəyanət kimi qəbul edilməsi də söz qonusudur. Özəlliklə, xüsusi xidmət orqanları Avropa İnsan Hüquqları Məhkəməsinə şikayətləri açıq bildirməsə də , gizli şəkildə yolverilməz sayırlar və bu hüququn qarşısına çeşidli yollarla “hasar çəkirlər”. Bir döyüş dostumuz illərdir məhkəmə qərarı ilə pensiyasının artımına haqq etsə də, hələ də haqqının rəqəmlə hesablanması həyata keçirilmədiyindən çıxılmaz durumda qalıb. Çıxılmazdan çıxmağın yolu Avropa Məhkəməsidir, ona müraciət etməklə isə xüsusi xidmət orqanında işləyən yeznəsinin işdən çıxmasına nədən olmasından çəkinir. Heç nədən çəkinmədən hüququndan yararlanmağı qərara alanların da məktublarının ölkədən çıxışına elə qadağalar qoyulur ki!
05.04.2023-cü ildə Mərkəzi Poçtdan Fransanın Strasburq şəhərində yerləşən Avropa İnsan Hüquqları Məhkəməsinə göndərilən 426 qramlıq RR007197007AZ kodlu məktubun 10 gün sonra 14.04.2023-cü ildə “import gömrüyünə təqdim edilməsi” və “import gömrüyündən qaytarılması” bilgisini poçt göndərişlərinin izlənməsi yolu ilə bəlirləyən məktub yiyəsi şoka düşməsin, neyləsin? ! Axı məktubun gömrük nəzarətindən keçirilməsi nəzərdə tutulmayıb? Bəlkə gömrük adına xüsusi xidmət orqanları “dövlət maraqlarının qorunması” amacı ilə məktubu dəyişirlər? “Bəlkə” ehtimalını əminliklə də əvəz etmək olar . Nədən “Azərpoçt”un Avropa Məhkəməsinə göndərilən və sözügedən məhkəmədən daxil olan məktubları it – bata salması normaya çevrilib. Ən “yaxşı” halda, məktubun məzmununu elə hala salırlar ki, ərizəçinin şikayəti qəbuledilənlik şərtlərinə uyğun olmur.
5 il qabaq bu sətirlərin yazarının vəkilinin Avropa Məhkəməsinə göndərdiyi məktub “Azərpoçt”un “radarlarından” yoxa çıxdığından, nə qədər şikayət etsək də, axtarılmasından imtina edildi. Bilirsiniz niyə? Vəkilin özü müraciət etməyib , hüquqlarını qoruduğu müvəkkilinin şikayətinə baxıla bilməz. (?) Belə çıxır, məktubun “itirilməsi” kodla yox, məktubu imzalayanın adı ilə yoxlanılır və hüquqları pozulan şəxsin soruşmaq hüququ da yoxdur?
Bəs buna , görəsən , “Azərpoçt” nə deyir? Bəyəm məktub gömrükdən keçməlidir? Harada yazılıb? Malın , məktubun yiyəsinin iştirakı olmadan “müayinədən keçirilməsi” yolverilməz deyilmi? Əlbəttə, biz texniki vasitələrlə vizual müayinəni nəzərdə tutmuruq.Onu da elə poçt özü yola salanda yoxlayır.
Məktubun açılması isə ciddi hüquq və qanun pozuntusudur. Avropa Məhkəməsi iştirakçı dövləti buna görə cərimə edə bilər. Əlbəttə, şikayəti alsa və əlbəttə, istəsə. .
Hələ ki, şikayətin Avropa İnsan Hüquqları Məhkəməsinə çatması haqqında bilgi yoxdur. İmport gömrüyündən qaytarılması bildirilir. ..”Eksport gömrüyü”ndən keçə bilər, görən?
Məğrur Bədəlsoy