"Private Facility Management MMC" şirkəti müqavilə əsasında ərzaq tədürük gördüyü sahibkara külli miqdarda zərər verib.

Şikayətçi Əliyev Namiq "Azərbaycan Reallığı"na müraciət edərək bildirir ki, o, bir müddət sözügedən şirkətlə çalışsa da şirkət ödənişləri vaxtı-vaxtında etmədiyi üçün onlarla bağladıqları müqaviləni ləğv etmək qərarına gəlib.

Bu barədə şirkətə rəsmi məktub ünvanlayaraq tədarükün ödəmələrinin yubadılmasına görə onlarla işləmək istəmədiklərini bildirərəm müqaviləni qarşılıqlı razılaşma ilə ləğv ediblər. Buna baxmayaraq şirkətin onlara 24.000 manat ödənməmiş borcu qalıb.

Şirkət isə sahibkara bir neçə aydır ödəmə ediləcək deyib yubadır. Sahibkar şikayətində bildirir:

Dekabrdan bəri 24.000 azn borc qalıb. Son dəfə yanvarda ödəniş etdilər, bir daha ödəmə edilmədi. Gah deyirlər sərəncamdayıq, gah deyirlər hesabda pul yoxdur, sonra dedilər bankdan pul götürüb ödəyəcəyik.

Ən son bankdan pul götürdüklərini, ödəmənin sərəncamdan çıxdığını və mart ayının 19-una qədər ödəməni edəcəklərini bildiriblər. Buna baxmayaraq martın 19-u heç bir ödəmə etməyərək bir daha əvvəlki kimi aprel ayında ödəmə edəcəklərini, şirkətin kassasında vəsait olmadığını bildirdilər."

Sahibkar şirkətin ona olan 24.000 manatı ödəməkdən boyun qaçırdığını bildirərək media vasitəsilə şirkətdən ödəməni etməsini tələb edir.

Beyləqan şəhərinin mərkəzi küçəsinin bir qrup sakini tərəfindən Hurriyyet.az saytının redaksiyasına şikayət məktubu daxil olub. Şikayətçilər iddia edirlər ki, küçələr bərbad vəziyyətdədir və İcra Hakimiyyəti bu problemlə maraqlanmır:

“Biz, sakinlər, yaşadığımız ünvan üzrə bir çox qurumlara iradımızı bildirmişik. Lakin əhəmiyyət vermirlər. Bu səbəbdən də məcbur qalıb media üzərindən səlahiyyətli qurumlara müraciət edirik.

Son vaxtlar guya, rayonda küçələrə asfalt çəkirlər. Görünən yerləri bəzəyib, görünməyən yerləri isə yarımcıq qoyurlar. Bu dediklərimizi şəkillər vasitəsilə də sübut edəcəyik.

Asfalt çəkən ustalara sual veririk ki, bu, magistral yoldur, yolun bu hissəsini niyə yarımçıq qoyursuz, deyirlər, icra başçısı Əziz Əzizov bizə belə tapşırıq verib.

Bu küçəni belə yarımçıq qoymaqla, nə etmək istəyirlər? Yaxşı olmazmı hər yer səliqəli olsun? Rayonun arxa küçələrinə - vəzifəli şəxslərin yaşadığı ərazilərə başdan-başa asfalt çəkilib. Belə çıxır ki, adi insanlar isə palçığın içərisində yaşamalıdır. Vətəndaşlara verdikləri dəyər budur.

Üstəlik, çəkdikləri asfaltı da düzgün çəkmirlər. Görünür, tək məqsədləri yeyinti etməkdir. Köhnə asfaltı qazıb, yenisi çəkilməlidir. Onlar isə onun üzərindən bir qat daha gedirlər.

Onu da qeyd edək ki, bizim küçə şəhidlər abidəsinin yaxınlığıdır. Vətəndaşların şikayətinə icra başçısı Əziz Əzizov biganə yanaşır”.

Jalə FAMİLQIZI

Redaksiyadan: Qarşı tərəfin mövqeyini dərc etməyə hazırıq.

Bu gün bir qrup Gəncə sakini Dövlət Şəhərsalma və Arxitektura Komitəsinin önündə etiraz aksiyası keçirib.

Gununsesi.info-nun xəbərinə görə, sakinlər onlara diqqət göstərilməməsindən narazılıq edirlər.

Onların sözlərinə görə, bir neçə ildir ki, gəlib-getsələr də, heç bir nəticəsi olmur.

Hər dəfə müxtəlif bəhanələrlə iş uzadılır.

Sakinlərin bu etirazına səbəb isə 2020-ci ildə Ermənistan Silahlı Qüvvələrinin Gəncəni raket atəşinə tutduğu zaman onların evlərinə dəyən zərərə görə kompensasiyalarını ala bilməməsidir.

Bildiririk ki, bundan bir müddət əvvəldə Gəncə şəhəri, Avtozavod qəsəbəsi, Məstan Əliyev ünvanında yaşayan Məmmədəliyev Azad Qəşəm oğlu Gununsesi.info vasitəsilə Prezident İlham Əliyevə şikayət ünvanlamışdı.

Gununsesi.info-ya danışan sakinlər bildirir ki, onlar dəfələrlə aldadılıb, hadisədən uzun illər keçməsinə baxmayaraq, hələ də aldadılırlar.

Hər bir sakinin isə ayrı-ayrı problemi var.

Onlardan birinin evi yarımçıq tikilib, birinin isə ümumiyyətlə, tikintisinə başlanılmayıb.

Sakinlərin bəziləri iddia edir ki, Komitə rəsmiləri onlara ağ sənədə imza atdıraraq, nağd şəkildə 1000 manat pul verib.

Sonradan məlum olub ki, bu mənzillər üçün büdcədən külli miqdarda vəsait silinib.

Göründüyü kimi ortada böyük bir korrupsiya cinayəti var. Ölkənin Baş Prokurorluğu və Dövlət Təhlükəsizlik Xidməti bu prosesi araşdırmalı və müvafiq tədbir görməlidir.

Məsələ ilə bağlı Dövlət Şəhərsalma və Arxitektura Komitəsinin də mövqeyini işıqlandırmağa hazırıq.

Azərbaycan Dövlət İqtisad Universitetinin Dərbənd filialının diplom ala bilməyən tələbələri hələ də çıxılmaz vəziyyətdədirlər.

Hələ iki ay əvvəl saytımıza bu şikayətlə müraciət edən tələbələr növbəti dəfə “Qafqazinfo”ya üz tutublar. Onlar artıq iki ildir ki, diplom ala bilmədiklərini, bu səbəbdən də işsiz qaldıqlarını xatırladırlar.

Məzunlar deyirlər ki, UNEC-in Dərbənd filialının Rusiya vətəndaşı olan tələbələrinin diplomları artıq 1 aydır ki, verilib. Amma Azərbaycan vətəndaşlarının diplomlarından hələ də səs-soraq yoxdur: “UNEC Azərbaycanın universiteti ola-ola öz vətəndaşının diplomunu 2 ildir ki, vermir. Artıq 2 aydan sonra 2025-ci il məzunları gəlir. Bəzi məzunlar hərbi xidmətdədirlər, əgər diplom verilməsə, 1 il 6 ay xidmət edəcəklər. Bəziləri isə işə qəbul ola bilmir. Diplom necə verilməyə bilər ki, tələbə UNEC-in Dərbənd filialında bütün dərslərində, imtahanlarında iştirak edib, həmçinin yekun dövlət attestasiyasından müvəffəqiyyətlə keçib”.

Məsələ ilə bağlı yenidən UNEC-ə sorğu ünvanladıq. Universitetdən müraciətimizə ötəndəfəkinə bənzər cavab verildi: “Elm və Təhsil Nazirliyindən diplom blanklarının təqdim olunmasını gözləyirik. Rusiya vətəndaşlarına diplomlar artıq verilib. Digər məzunlara da blanklar Elm və Təhsil Nazirliyi tərəfindən veriləndən sonra təqdim olunacaq”.

"Azəriqaz" əməkdaşlarının ehtiyatsızlığı səbəbindən evin yandığı iddia edilir.

TEREF Xəzər TV-yə istinadən məlumat verir ki, hadisə paytaxtın Binəqədi rayonu, Ağamirək İsfahani küçəsi, döngə 3 ünvanında baş verib. Həmin vaxt evdə 5 nəfər olub.

Ev sahibi Etimad İsmayılovun sözlərinə görə, "Azəriqaz" İstehsalat Birliyinin əməkdaşları qaz xəttində olan sızıntını aradan qaldıran zaman anidən alovlanma baş verib.

Onun sözlərinə görə, hadisə zamanı anası yüngül xəsarət alıb. Yanğınla əlaqədar qurumun əməkdaşları bu gün ünvana baxış keçiriblər. Lakin verdikləri cavab ev sahibini qane etməyib.

Hadisə və dəymiş zərərin qarşılanması məsələsi ilə bağlı "Azəriqaz" İstehsalat Birliyinin mətbuat katibi Eldəniz Vəliyev bildirib ki, hazırda hadisə ilə bağlı araşdırma aparılır.

E.Vəliyev onu da qeyd edib ki, istintaq yekunlaşdıqdan sonra evin təmir-bərpası həyata keçiriləcək.

Ətraflı süjetdə:

Bakının Nərimanov rayon ərazisində yaşayış yerlərinin qeyri-yaşayış təyinatlı istifadəsi kütləvi hal almaqdadır.

"Azərbaycan Reallığı" xəbər verir ki, son olaraq rayonun Yusif Vəzir Çəmənzəminli küçəsində bu qanunsuzluğa yol verilib.

Belə ki, yaşayış binasının qarşısı kəsilərək, alt mərtəbə obyektə çevrilməkdədir. Buna isə yerli icra hakimiyyət orqanı icazə verməsə, qeyri-mümkündür. Ümumiyyətlə, Bakıda daşı daş üstə qoymaq üçün yerli icra orqanlarının “xeyir-duası” olmalıdır. Ona görə də Nərimanov rayonunda icra başçısı Elgün Həbibullayevin razılığı olmasaydı, Y. V. Çəmənzəminli küçəsində fotoda gördüyünüz obyekt tikilə bilməzdi.

Bu da tikinti normalarının və qanunların pozulmasıdır. Eyni zamanda, yada salmaq yerinə düşər ki, Türkiyədə baş verən zəlzələdən sonra Azərbaycan Prezidenti İlham Əliyevin göstərişinə əsasən, yaşayış yerlərinin qeyri-yaşayış sahəsinə çevrilməsi, belə bir təyinatlı istifadəsi və ya obyektə çevrilməsi qadağan olunub. Göründüyü kimi, Nərimanov İH rəhbəri E.Həbibullayev dövlət başçısının tapşırığını qulaqardı edərək, öz maraqlarını üstün tutub və belə bir özbaşınalığa “yaşıl işıq” yandırıb. Bildirilir ki, bu qanunsuzluğa İH-nin xəbəri olmadan yol verilibsə, o zaman E. Həbibullayevin əmri əsasında əraziyə nümayəndələr göndərilə və araşdırma aparıla bilər.

Azərbaycan Respublikası Dövlət Şəhərsalma və Arxitektura Komitəsi və digər səlahiyyətli qurumların mövqeylərini dərc etməyə hazırıq.

İstirahət özü bir mədəniyyətdir. Başqa formada desək, istirahət etməyi bacarmayan millət normal işləyə də bilməz.

Son illər paytaxt Bakıda və regionlarda xeyli sayda istirahət mərkəzləri, hotellər açılıb. Amma bunların çoxu qanunsuz yolla faəliyyət göstərirlər. Belə ki, hansısa iş adamı gedib dövlət təbiət qoruğu olan meşənin 5-6 hektar ərazisini zəbt edib orada istirahət kompleksi tikir. Yaxud hansısa məmur-biznesmen Xəzər dənizinin sahilini hasarlayıb orada restoran, hotel, istirahət mərkəzi yaradır...

Dənizin hasarlanması və digər məsələlərlə bağlı vaxtilə Ulu Öndər müşavirələrin birində çox kəskin və sərt çıxış edərək "dəniz və onun sahili xalqa məxsusdur" deyib. Amma buna baxmayaraq bir çox oliqarx məmurlar neçə illərdir ki, Xəzər dənizinin sahillərini özəlləşdirib hotellər, istirahət kompleksləri tikərək milyonlar qazanırlar.

Belə istirahət mərkəzlərindən biri də "SUNSET" istirahət mərkəzidir.

Bu istirahət mərkəzi həm də evlərə və ofislərə birbaşa yeməklər çatdırır. Amma müştərilərin çoxu deyir ki, bunların yeməkləri çox baha, amma keyfiyyətsizdir, hətta zəhərlənmələr olması barədə sosial şəbəkələrdən kifayət qədər məlumatlara rast gəlmək olar. Yay sezonu başladıqda bu istirahət mərkəzinin özünün ödənişli çimərliyi var.

Xəzərin sahilini hasarlayaraq özlərinə şəxsi ödənişli çimərlik yaradıblar. Narazılıq bununla da bitmir. Vətəndaş bildirir ki, bu məkana öz şəxsi avtomobilinlə getdikdə mühafizəçi avtomobili saxlayaraq ödəniş etdikdən sonra buraxır. Narazılıqlar bununla da bitmir. Yay sezonu açıldıqda bu məkanda boş stol və stul götürdükdə hər saatı üçün 15-20 manat ödəməlisən. İstər dəniz girişinə, istər şəxsi avtomobilin üçün etdiyin ödəniş, istərsə də stol-stul üçün etdiyin ödənişə görə müştəriyə hər hansı çek ödənişi verilmir, hələ hovuzda üzmək, "lejanka” və s. öz qiyməti var..

Şikayətçi bildirir ki, keçən yay sezonunda olduğu kimi bu ildə istirahət etmək üçün bu məkana üz tutanların istirahəti burnundan gələcək. Tualet pulu, geyinib-soyunma otağı ayrı-ayrılıqda hər biri 50 qəpik idisə bu il daha çox ödəniş edilməsi planlaşdırılır. Əgər boş stol-sutulda dənizə bir qədər yaxın oturmaq istəsən, 20-25 manat ödəməli olacaqsan, bir qədər içəridə olan çətirli stolların qiyməti 10-15 manat olacaq. Əgər pulsuz istirahət etmək istəyirsənsə, ya dənizin kənarına ədyal salıb oturmalısan. Bundan əlavə istirahət mərkəzinin girəcəyində olan ümumi restoranda əyləşməlisən. İşbazlar burda qiymətin nisbətən ucuz olmasın planlaşdırır: Məsələn, 1 çaynik çay 3-4 manat arası, qutab 1 manat, tikə kabab (3 tikə) 7-8 manat, toyuq kababı (3 tikə) 5-6 manat, salatlar 3-4 manat kartof qızartması bir pay 3-4 manat, saciçi 20-25 manat, olması planlaşdırılır. Bu da bazar iqdisadiyyatına nəzər yetirsək qiymətlər olduğca bahadır.

Bir sözlə kasıbın istirahət hüququnu işbazlar yenə işğal edəcək.

Biz hələ burada siqaret, tum, su satanlardan danışmırıq. Bir neçə il öncə bu istirahət mərkəzinin qazanxanasında baş verən partlayış nəticəsində xeyli insan yaralanıb və ağır zədə alıb. Bir sözlə bəzi dövlət qurumları "SUNSET" istirahət mərkəzin və digər yay sezonu olan bu kimi istrahət mərkəzlərinə ciddi nəzarət etməlidirlər, xüsusən də vətəndaşlar özləri süni qiymət artımına qarşı ciddi şəkildə mübarizə aparmalıdırlar. İctimai qinaq olmadır!

/Azerbaycanrealligi.com

Belə bir ifadə var: 20 yaşınız olanda üzünüzü sizə təbiət verir. 30-da onu həyat düzəldir. 50 yaşda isə onu siz artıq özünüz qazanmalısınız. Buna görə də gəncləşmək üçün plastik cərrahlara qaçan insanların, xüsusilə də qadınların sayı durmadan artır. Təbii olaraq tələb artdıqca kosmetoloqlar və plastik cərrahlar da çoxalır. Onlar sosial şəbəkələrdə bir-birilə yarış halına girir.

TikTok-da isə son dövrlərdə yayılan bir fenomen var: plastik cərrahlar, xəstələrinin üz dəyişmə əməliyyatını canlı yayımda paylaşır, əlində cərrahi alətlər, çıxarılan dərini göstərir və bəzən hətta xəstəyə suallar verərək, "gözəl olmaq" uğrunda hər şeyin nə qədər əzablı olduğunu izah etməyə çalışırlar. Özlərini sübut etmək üçün hər yola əl atırlar. Bir izləyici olaraq bu qədər "neyronal stimulyasiya"nı sadəcə izləmək belə adamda ürək bulanmasına səbəb olur.

Belə həkimlərdən biri də “Tuana estetic centre”də çalışan Esmira (soyadını qeyd etməyiblər) doktordur. Deməli cərrah yerli keyitmə ilə icra etdiyi əməliyyatda normal bir halmış kimi, pasientin üz dərisini əlində tutur, xəstəyə suallar verir. Deyir ki, bu əməliyyat xaricdə yox, məhz Azərbaycanda bu həkim tərəfindən edilir. Pasient də görünür qorxudandır nədir özünü təhlükəyə atdığı bəs deyilmiş kimi deyir heç ruhu da inciməyib.

Üzgərmə əməliyyatı ümumi narkoz altında keçirilir. Keçirilmə müddəti gərilmənin növündən asılı olur. 30 dəqiqədən 7 saatadək sürə bilər. Yəni olduqca kritik bir əməliyyatdır. Daha sonra 24 saat stasionarda tibbi personal nəzarətində qalmaq tövsiyə edilir. Bu əməliyyatdan sonra xanım pasiyentlər görünüşcə 10-15 yaş "cavanlaşırlar".

Həkim etikası pozulur

Belə ki, cərrahın kamera qarşısında etdiyi hər hərəkət, sosial medianın bir parçası halına gəlir, amma bu, hələ bir tərəfidir. Digər tərəfdən, hər şeyin "gözəl" olması üçün insanların özlərini necə təhlükəyə atdıqlarını və bu görüntülərin cəmiyyətə necə təsir etdiyini düşünmək lazımdır.

Estetik cərrahiyyənin güclü reklamı ilə müşayiət edilən bu görüntülər, heç şübhəsiz ki, izləyicilərin psixologiyasını və sosial münasibətlərini ciddi şəkildə təsirləndirir.

Bəs, bu videoların psixoloji və sosial təsirləri nədir? Həkimlərin bu davranışı nə dərəcədə doğrudur?

Mövzu ilə bağlı Bizim.Media-ya danışan psixoloq Fərqanə Mehmanqızı bildirib ki, belə davranışlar insanlarda aqressiya yaradır.

“Biz kütlə olaraq buna icazə verdikcə vəziyyət daha da bərbadlaşır. Etik olmayan bu məhrəm görüntülər insanlarda aqressiya yarada bilir. Ən əsası insanın dəyəri itir. Hər kəs plastik əməliyyat edə bilər. Bu, insanın iradəsinə xas davranışdır. Lakin bu cəmiyyətin qaydalarını pozmağa gətirib çıxarır. Eyni zamanda belə halların yaşanması müəyyən problemlərə də səbəb olur. Bunun fərdiliyi barədə danışmayacağıq. Çünki hər kəs hadisəni müxtəlif şəkildə qəbul edir.

Ümumi olaraq isə psixologiyamız dəyişir, təsir edir. Cərrahlar hər preseduru ictimailəşdirsə, o zaman həkimə inam qalacaqmı? Hər hansı bir sağlamlıq problemimiz olduğu zaman bir həkimə müraciət etdiyimizdə içimizdə xof yaranacaq. Birdən kamera çəkər, başıma nə gələr və s. Bu, doğru deyil. Etik dəyərlərə ziddir və qarşısı təcili olaraq alınmalıdır. Bu gün plastik cərrahlara, ginekoloqlara, kosmetoloqlara və lazeroloqlara loru dildə özünüzü yığışdırın demək lazımdır. Ya yığışdırmalıdırlar, ya da ciddi şəkildə töhmət verilməlidir. Çünki onlar həkim etikasını birmənalı olaraq pozurlar”, - deyə psixoloq fikrini yekunlaşdırıb.

Etik hesab etmədiyimiz üçün videogörüntünü açıq şəkildə paylaşmırıq.

Ümid edirik, aidiyyəti qurumlar “Tuana estetic centre”i və onun cərrahlarını da təftiş edəcəklər.

Mövzunu diqqətdə saxlayacağıq...