 |
|
|
Azərbaycan Prezidenti İlham Əliyev sosial media hesabında Novruz bayramı ilə bağlı paylaşım edib.
Paylaşımda deyilir:
"Hörmətli həmvətənlər! Sizi Novruz bayramı münasibətilə ürəkdən təbrik edir, hər birinizə bahar əhval‑ruhiyyəsi, cansağlığı və uğurlar arzulayıram".
Azərbaycan Respublikasının Qida Təhlükəsizliyi Agentliyinin (AQTA) həyata keçirdiyi nəzarət tədbirləri çərçivəsində “Allbuy” MMC və “Şamaxı Dairy Farm” MMC tərəfindən istehsal olunan kərə yağı məhsullarından nümunələr götürülüb.
Bu barədə AQTA məlumat yayıb.
Bildirilib ki, nümunələrin sınaq nəticələrinə əsasən, kərə yağı adı ilə satılan məhsul partiyalarında bitki sterinləri − “Kampesterin” və “Beta-sitosterin” (bitki yağı) ilə yanaşı, yağ turşuları üzrə də uyğunsuzluq (Palmitin, Olein yağ turşuları) aşkarlanıb.
Agentlik tərəfindən sözügedən məhsul partiyalarının dövriyyədən çıxarılması və ticarət şəbəkələrindən geri çağırılması barədə məhdudlaşdırıcı qərar qəbul edilib. Həmçinin sahibkarlar barəsində inzibati tədbir görülüb, aşkar edilən nöqsanların aradan qaldırılması ilə bağlı icrası məcburi göstərişlər verilib.
Qeyd edək ki, aşkarlanan uyğunsuzluqlar qida məhsulunun təhlükəsizlik göstəriciləri ilə bağlı olmasa da, istehsalçı tərəfindən qanunvericiliyə zidd şəkildə istehlakçıların aldadılması və hüquqlarının pozulması hesab olunur. Belə ki, kərə yağı məhsullarının üzərində təbii inək südündən alınmış, pasterizə edilmiş qaymaqdan istifadə edilməsi bəyan edilsə də, yoxlama zamanı məhsulun faktiki tərkibinə bitki yağının qatılması halı aşkar edilib.
Uyğunsuzluq aşkarlanan məhsul partiyaları aşağıdakılardır:
№ Məhsulun adı İstehsal və son istifadə tarixləri İstehsalçı
1. “Rossiyskoe” əmtəə nişanlı 82,5% yağlılıqda təbii kərə yağı 23.12.2024-23.12.2025 “Allbuy” MMC
2. “Belaruskoe” əmtəə nişanlı 82,5% yağlılıqda təbii kərə yağı 17.01.2025-17.01.2026 “Allbuy” MMC
3. “Milk World” əmtəə nişanlı 82,5% yağlılıqda təbii kərə yağı 05.12.2024-05.12.2025 “Allbuy” MMC
4. “Golden Farm” əmtəə nişanlı 82,5% yağlılıqda kərə yağı 02.12.2024-02.06.2025 “Şamaxı Dairy Farm” MMC
Əmək və Əhalinin Sosial Müdafiəsi Nazirliyi yeni tenderinin nəticəsini elan edib. Tribunainfo.az xəbər verir ki, bu barədə açıq mənbələrdə məlumat yayılıb.
Bildirilir ki, tender Əmək və Əhalinin Sosial Müdafiəsi Nazirliyin inzibati binasının əsaslı təmir işlərinin satın alınması məqsədi ilə keçirilib. Bununla əlaqədar “KRİPTONİT İNŞAAT” QSC ilə 72 min 863 manat dəyərində müqavilə imzalanıb.
Tribunainfo.az-ın bununla bağlı apardığı araşdırma zamanı bəlli olub ki, “KRİPTONİT İNŞAAT” QSC son bir ildə cəmi iki tenderin qalibi olub. Həmin tenderlərin hər ikisi də ƏƏSMN-nin olub. Belə ki, ötən il ƏƏSMN-in tabeliyində olan DOST Mərkəzi 6 saylı DOST Mərkəzində tamburların quraşdırılması işlərinin satınalınmasını “KRİPTONİT İNŞAAT” ahəvalə edib. Bunun müqabilində isə 33 min 659 manat pul ödəyib.
Lakin daha əhatəli araşdırmalardan sonra məlum olub ki, bu, DOST-la “Kriptonit İnşaat” QSC arasında nə ilk, nə də sonuncu razılaşmadır. Ötən ilin aprelində də DOST Mərkəzi “Kriptonit İnşaat” və “Mac Construction” QSC-yə Sabirabad DOST Mərkəzinin binasının inşası üzrə söküntü, tikinti və müxtəlif təchizat işlərini həvalə edib. Həmin müqavilənin dəyəri isə 9 594 997 manat təşkil edib.
Maraqlıdır ki, ƏƏSMN-lə bu şirkət arasında münasibətlər 2020-ci ilə gedib çıxır. Keçmiş nazir Sahil Babayevin vaxtında “Kriptonit İnşaat” MMC nazirliyin 360 min manatlıq tenderlərini, 2021-ci ildə isə 6,25 milyon manatlıq tenderini udub.
Bildirək ki, “Kriptonit İnşaat” MMC şirkət 16 sentyabr 2020-ci il tarixdə qeydiyyata alınıb. Hüquqi ünvanı İmişli rayonu, Mürsəlli, ev 1, mənzil 1-də yerləşən şirkətin nizamnamə kapitalı 10 AZN-dir. MMC-nin qanuni təmsilçisi isə Səfərli Seyran Eldar oğludur.
Bu şirkətlə ƏƏSMN arasında hansı bağlantı və ya yaxınlıq var, bəlli deyil. Yazıda adı keçən qurumların və şirkətin də mövqeyini dərc etməyə hazırıq.
Azərbaycanın sabiq baş prokuroru Zakir Qaralov haqda yeni iddialar yayılıb. 5 ildir vəzifəsindən uzaqlaşdırılan sabiq baş prokurorun hazırda nə ilə məşğul olması haqda Azpolitika.info məlumat yayıb. Z.Qaralovu diqqətə gətirən isə vaxtilə məşhur “Akkord” şirkətində Zakir Qaralovun şəriki olduğu iddia edilən İlqar Hacıyevə qarşı cinayət işi başlanması barədə məlumatlardır. Qeyd olunur ki, Qaralovun şəriki olduğu iddia edilən “Akkord”un keçmiş sahibi İlqar Hacıyevi ölkəyə gətirib istintaqa cəlb etmək mümkün olsa, onun da sabiq baş prokuror barədə kifayət qədər şok ifadələr verə biləcəyi şübhə doğurmur...
Zakir Qaralov 1956-cı il yanvarın 13-də Gürcüstan Respublikasının Dmanisi rayonunun Ormeşən kəndində anadan olub. 1979-cu ildə Bakı Dövlət Universitetinin Hüquq fakültəsini bitirdikdən sonra prokurorluq orqanlarına işə qəbul edilib. 1981-ci ilədək Bakı şəhəri Səbayel rayon prokurorunun köməkçisi, 1981-2000-ci illərdə Baş Prokurorluğun Ümumi nəzarət şöbəsinin prokuroru, böyük prokuroru, Bakı şəhəri Nəsimi rayon prokurorunun müavini, Nəsimi rayon prokuroru, Baş Prokurorluğun Milli təhlükəsizlik orqanlarında istintaqa nəzarət şöbəsinin, Ümumi nəzarət idarəsinin prokuroru və böyük prokuroru, Sabunçu rayon prokuroru, Gəncə şəhər prokuroru vəzifələrində işləyib.
25 aprel 2000-ci il tarixdə Azərbaycanın baş prokuroru vəzifəsinə təyin edilib. Ona I dərəcəli dövlət ədliyyə müşaviri ali xüsusi rütbəsi verilib. 2020-ci il mayın 1-də Zakir Qaralov düz 20 il sürən baş prokuror vəzifəsini itirdi.
Azpolitika.info yada salır ki, Zakir Qaralovun dövründə Azərbaycanda bir sıra səs-küylü hadisələr baş verib: “Sözsüz ki, onların sırasında 2004-cü il martın 2-də jurnalist Elmar Hüseynovun qətlə yetirilməsi, 2009-cu il aprelin 30-da ADNA-da 13 nəfərin həlak olması ilə nəticələnən terror aktı, 2015-ci ilin 19 mayında Binəqədi rayonunda dördü uşaq olmaqla, 15 nəfərin öldüyü, 64 nəfərin yaralandığı yanğın hadisəsi, 2015-ci ilin oktyabrında Rabitə Nazirliyi və Milli Təhlükəsizlik Nazirliyində (MTN) aparılan əməliyyatlar ilk sırada gəlir. Həmçinin "Hacı Məmmədovun işi", general Rail Rzayevin qətli (üstü hələ də açılmayıb), hərbçilərimizə kütləvi işgəncələrin verilməsi nəticəsində 10-dan artıq insanın vəfat etməsi ilə bağlı istintaq araşdırmaları yenilənən “Tərtər işi” də (2017-ci il) Qaralovun baş prokuror olduğu dövrə təsadüf edir".
Yazıda o cümlədən Eldar Mahmudovun ləğv olunmuş MTN-ə rəhbərlik etdiyi dövrdə sahibkarlara necə divan tutulmasında Baş Prokurorluğun da iştirakı xatırlanır: “Həmin dövrdə MTN-də sahibkarlara qarşı düzülüb-qoşulmuş cinayət əməllərinin qondarma ittiham aktlarının hamısı Baş Prokurorluq tərəfindən imzalanıb. Yəni bu sənədlərdə Zakir Qaralovun və onun birinci müavini, hazırda təqaüddə olan Rüstəm Usubovun imzaları var. Amma MTN ləğv olunduqdan sonra adıçəkilən generallar və digərləri cəzalandırılsalar da, Qaralov və Usubov məsuliyyətdən yayına bildilər. Onlardan bu saxta ittiham işlərini niyə imzaladıqları rəsmən soruşulmadı”.
O da bildirilir ki, “Tərtər işi” üzrə yenilənən istintaq araşdırması zamanı işgəncə ilə öldürülmüş hərbçilər, habelə həbs edilənlərin bir qismi bəraət alıb, həbsdən azad ediliblər. Hərbçilərə işgəncə verənlər arasında da məsuliyyətə cəlb edilənlər var. Amma həmin dövrdə istintaqa rəhbərlik etmiş şəxslərdən məsuliyyət daşıyanlar qanun qarşısında cavab verməyiblər.
Saytın iddiasına görə, işdən çıxarılandan bir müddət sonra Zakir Qaralovun ölkədən çıxışına qadağa qoyulub. Amma o, hakimiyyətdəki əlaqələri və bir sabiq nazir vasitəsilə qadağanın ləğvinə nail olub. Bundan sonra bir neçə dəfə ölkə xaricinə, xüsusən Gürcüstana səfərlər edib.
Keçmiş baş prokuror vəzifədə olduğu dövrdən tikinti sektoruna böyük yatırımlar qoyub və etibar etdiyi bir şəxs vasitəsilə hazırda da onları idarə edir. Mənbələr bildirir ki, Qaralov hazırda tikinti sektorunda fəaliyyətini davam etdirir, yaşayış binaları tikir. Onun dərman biznesindən tutmuş, mebel və bir sıra xarici məhsulların idxalına qədər gedib çıxdığı barədə məlumatlar yayılıb.
Baş prokurorun keçmiş birinci müavini Rüstəm Usubovun da təqaüddə əsas məşğuliyyəti tikinti sektorudur. Onun bu sahədə bir neçə şirkəti olduğu, Bakıda və bölgələrdə binalar tikdiyi, ticarət obyektlərini idarə etdiyi qeyd olunur.
Prezident İlham Əliyev Novruz bayramı münasibətilə Azərbaycan xalqını təbrik edib.
Təbrikdə deyilir:
"Hörmətli həmvətənlər!
Sizi Novruz bayramı münasibətilə ürəkdən təbrik edir, hər birinizə bahar əhval‑ruhiyyəsi, cansağlığı və uğurlar arzulayıram.
Ulu əcdadlarımızın müqəddəs yadigarı olan Novruz bayramı müdrik Azərbaycan xalqının zəngin həyat fəlsəfəsini və nikbin dünyagörüşünü günümüzədək yaşadaraq milli-mənəvi varisliyin bariz nümunəsinə çevrilmişdir. Bu böyük el bayramı təbiətə məhəbbətin, ruhi paklıq və gözəlliyin, mərhəmət və xeyirxahlığın yüksək təntənəsidir. Ali ümumbəşəri dəyərlərin daşıyıcısı olduğu üçün o, dünya mədəni irsinin qiymətli nümunələri sırasında layiqli yer tutur.
Novruz bayramı milli təfəkkürümüzün ayrılmaz parçası kimi ənənəvi dəyərlərimizin formalaşmasında müstəsna rol oynamışdır. Ölkəmizi sivilizasiyaların qovuşuğundakı qədim mərkəzlərdən biri olaraq tanıtmış misilsiz mənəviyyat xəzinəmizdə Novruz mərasimləri xüsusi mövqeyə malikdir. Baharın gəlişinin əsrlərin yaddaşında iz qoymuş adətlərə uyğun şəkildə bu gün də rəngarəng el şənlikləri ilə Vətənimizin hər bir guşəsində geniş qeyd edilməsi tarixi-mədəni irsə bağlılığımızın parlaq ifadəsidir.
Cəmiyyətdə ünsiyyəti, qarşılıqlı səmimi münasibətləri dərinləşdirən və bizi azərbaycançılıq məfkurəsi işığında sıx birləşdirən Novruz bayramı milli həmrəyliyimizi getdikcə daha da möhkəmləndirir. Əminəm ki, bu həmrəylik duyğusu yaz fəslinin yeniləşdirici ab-havası və beşinci ildönümünə hazırlaşdığımız şanlı Zəfərin verdiyi mənəvi güclə vəhdətdə ümumxalq əhəmiyyətli bütün işlərimizin lazımi səviyyədə icrasını təmin edəcəkdir. Bayram sevincini işğaldan azad olunmuş əzəli torpaqlarımızda yaşayan soydaşlarımız əbədi qayıtdıqları öz dədə-baba yurdlarında aydın səma altında əmin-amanlıq içində daim şövqlə qurub yaradacaqlar.
Üzümüzə gələn Novruz bayramının hər evə, hər ocağa firavanlıq, səadət və bol ruzi-bərəkət gətirməsini diləyirəm.
Bayramınız mübarək olsun!"
Bakı şəhəri, Yasamal rayonu, Ş.Mehdiyev, 1054 ünvanında yerləşən, fiziki şəxs Roman Səfər oğlu Əbiyevə məxsus "Alatava" restoranında Azərbaycan Respublikasının Qida Təhlükəsizliyi Agentliyinin (AQTA) əməkdaşları tərəfindən keçirilən yoxlama zamanı ciddi nöqsanlar aşkarlanıb.
AzFakt.com xəbər verir ki, bu barədə AQTA məlumat yayıb.
Baxış zamanı obyektdə yararlılıq müddəti bitmiş "Bekon" əmtəə nişanlı ət məhsullarının istehlaka təqdim olunduğu, həmçinin istehlaka yararsız çörək, müvafiq müşayiətedici sənədləri olmayan süd məhsulları və bildirçin ətləri aşkar edilib.
Yoxlama aparılarkən restoranda qida məhsullarının saxlanılması zamanı temperatur rejiminə əməl olunmadığı, temperaturun monitorinqinin aparılmadığı müəyyən olunub. Eyni zamanda müəssisədə mal qonşuluğu prinsipinin pozulduğu, işçi heyətin tibbi müayinədən keçmədiyi və gigiyenik təlimə cəlb edilmədiyi və digər nöqsanlar aşkarlanıb.
Faktla bağlı sahibkar barəsində inzibati protokol tərtib olunub, istehlaka yararsız məhsulların dövriyyədən çıxarılmasına dair məhdudlaşdırıcı qərar qəbul edilib və nöqsanların aradan qaldırılması barədə icrası məcburi göstərişlər verilib.
Özünü "Ölkənin ən böyük mobil operatoru" adlandıran "Azercell" indi də müştərilərini rəsmən töycüyə cəlb edərək, onlardan arzu etmədikləri halda PUL ÇIXIR... Hər halda, bu fakt əlaqədar qurum və təşkilatlarıb diqqətini cəlb etməlidir.
Biz isə "DİA-AZ" olaraq növbəti vətəndaş gileyini təqdim edirik. Beləliklə, Fəxriyyə Qənbərova adlı sosial şəbəkə istifadəçisi "Müştəriyəm Şikayətim Var" qrupunda aşağıdakı ifadələri paylaşaraq "Azercell"in operatoru ilə danışığının fotosurətini də təqdim edərək etirazını ifadə edib. Narazı vətəndaş bildirir:
"İndi de "Azercell" başladı...
Mən ay ərzində 25 dəqiqə telefonla danışmıram heç!"
Dövlət Məşğulluq Agentliyi "Agro Best” Qapalı Səhmdar Cəmiyyəti (QSC) ilə satınalma müqaviləsi bağlayıb.
Qaynarinfo xəbər verir ki, müqavilədə inək, qoyun, qoç, keçi, təkə, arı ailəsi və digər malların alınması və özünüməşğulluq layihəsi çərçivəsində təchizatı nəzərdə tutulur. Müqavilənin maliyyə dəyəri 62 146 514 manatdır.
"Agro Best” QSC 2020-ci ildən fəaliyyət göstərir. Şirkətin nizamnamə kapitalı 2010 manatdır. QSC-nin qanuni təmsilçisi İsmayılov Anar Əlif oğludur.
Şirkətin hüquqi ünvanı Bakı şəhəri Nəsimi rayonu, Feyzulla Qasımzadə, ev 1, mənzil 48-də yerləşir.
Açıq mənbələrdə şirkət və qanuni təmsilçisi haqqında heç bir məlumata rast gəlinmir. 65 milyonluq sifariş alan bu şirkətin hətta veb-səhifəsi də yoxdur.
"Agro Best” şirkəti 5 ildir ki, fəaliyyət göstərməsinə baxmayaraq artıq 279 926 843,88 manatlıq satınalma müqaviləsi bağlayıb. Müqavilələrin hamısı Dövlət Məşğulluq Agentliyi ilə imzalanıb. Bu agentliyin özünüməşğulluq layihəsi çərçivəsində vətəndaşlara verdiyi mal-qara hər dəfə müzakirələrə səbəb olur.