"Araz Supermarket" MMC-nin sədri Rəşad İbrahimov məhkəməlik oldu - SƏBƏBİ...
23:48 2024-10-24
“Araz Supermarket MMC” nin İcraçı direktoru və İdarə Heyətinin rəhbəri Rəşad İbrahimov barəsində protokol hazılanıb.

32gun.az-ın əldə etdiyi məlumata görə, İnzibati Xətalar Məcəlləsinin 192.4-cü maddəsi ilə (Siyasi, Sosial və Əmək Hüquqları əleyhinə olan İnzibati Xətalar) protokol Nəsimi rayon Məhkəməsinə təqdim olunub.

Məhkəmə prosesi Hakim Anar İbadzadənin sədrliyi ilə baş tutacaq.

"ARAZ SUPERMARKET" MMC 06.01.2011-ci ildə dövlət qeydiyyatına alınan şikrətin hüquqi ünvanı Bakı şəhəri Nəsimi rayonu, Mərdanov Qardaşları, ev 137-dir.

Xatırladaq ki "Araz supermarketlər əbəkəsi Veysəloğlu Şirkətlər Qrupuna daxildir. "Veysəloğlu" distribütor şirkətinin qurucuları Aydın Veysəloğlu, İlqar Talıbov və Bəxtiyar Allahverdidir.

"Veysəloğlu" Şirkətlər Qrupunun prezidenti Aydın Veysəl oğlu Talıbovdur.

"Svit Haus" Məhdud Məsuliyyətli Cəmiyyətinin (MMC) külli miqdarda vergi borcu yığılıb.

İqtisadiyyat.az-ın əldə etdiyi məlumata görə, şirkətin hazırda vergi borcu 12 374 585,71 manat təşkil edir.

Şirkətin bu qədər vergi borcunun yaranması təəccüb doğurur. MMC-nin uzun müddətdir vergi borcunu ödəməməsinin səbəbi isə məlum deyil.

Nəzərə alaq ki, Vergi Məcəlləsinin 23-cü maddəsinə əsasən vergi borcunun gecikdirilməsinə görə sanksiyalar nəzərdə tutulub.

Xatırladaq ki, "Svit Haus" MMC-nin adı mətbuatda qalmaqallarla yadda qalıb. Şirkət çoxmərtəbəli yaşayış binaların tikintisi ilə məşğul olur. "Svit Haus" MMC 2006-cı ildə dövlət qeydiyyatına alınıb. Nizamnamə kapitalı 17790 manat olan şirkətin qanuni təmsilçisi İmdad Dursunovdur.

Mətbuatda yayılan məlumatlara görə, şirkət "Bakı Toxucu Tikiş” ASC-nin sədri Cavanşir Xəlilova aiddir. Lakin "Svit Haus”un C.Xəlilovun qardaşı, Rusiyada yaşayan məşhur milyarder İsgəndər Xəlilova məxsus olduğu bildirilir.

Ali Məhkəmə Plenumunun 09 oktyabr 2024-cü il tarixli 9 nömrəli qərarı ilə
“İnzibati və mülki hüquq münasibətlərindən irəli gələn mübahisələrin
məhkəmə aidiyyətinə dair” Azərbaycan Pespublikası Ali Məhkəməsi
Plenumunun 10.04.2015-ci il tarixli 4 nömrəli qərarına əlavə və dəyişiklərin
qəbul edilməsinin önəmindən hüquqçuların, özəlliklə, vəkillərin şərhləri
mediada yayılıb. Düzü, peşəkar yanaşmadır, izahdır , heç bir söz ola
bilməz. Di gəl...
Problem budur ki, bizdə hakimlər heç Konstitusiyaya, qanunlara əməl ,
istinad etmirlər, heç Konstitusiya Məhkəməsi Plenumunun qərarlarını
tətbiq etmirlər, onda qala Ali Məhkəmə Plenumunun qərarı ola. Elə
haqqında danışılan 10.04.2015 tarixli 4 nömrəli qərarı bəyəm məhkəmələr
düzgün qavrayır(dı) ? Konkret fakt: İllərdir müqavilə öhdəliyini, texniki
şərti qanunsuz ödəniş tələb edib icra etməyən təbii inhisar subyektinə
qarşı istehlakçı hüququnun müdafiəsi ilə bağlı verilən iddianı Sabunçu
məhkəməsi bir il gizlədib, şəxsi kabinetdən verilən ərizəni 10 günlük
“itirəndən” sonra Məhkəmə Hüquq Şurasının təpkisi ilə icraata götürməyə
məcbur olub. Hakim Adilə Paşayeva cavabdeh işıq idarəsinin qeyri-
prosessual sifarişi ilə icraata xitam verib ki, mübahisə inzibati məhkəməyə
aiddir. “Əsas” kimi Ali Məhkəmə Plenumunun sözügedən 10.04.2015 tarixli
4 nömrəli qərarının 14-cü bəndi götürülüb. Guya istehlakçı ilə təbii
inhisarçı xidməti qurumu arasında texniki şərtin rüşvət tələb edib icra
edilməməsindən yaranan mübahisə ümumi (publik) hüquq sahəsinə
aiddir. (?) Bakı Apellyasiya Məhkəməsinin 3-ü qanuni (Günay Axundova,
Fuad Babayev, Cəmilə Musayeva) , 3-ü qanunsuz ( Fuad Abdıyev,
Fərrux Qasımov, Anar Tanrıverdiyev- bunlar heç Mülki Kollegiyanın
üzvləri də deyillər (?) 6 hakimi də aşağı instansiyanın qərardadını
qüvvədə saxlayıb və kassasiya şikayətinə də şikayəti Ali Məhkəməyə
göndərməkdən imtina etməklə qadağa qoyublar. Görəsən, 1,5 il keçəndən
sonra da olsa, Ali Məhkəmə Plenumunun 15 gün qabaqkı 10.04.2015 tarixli
4 nömrəli qərarına edilən əlavə və dəyişiklik tətbiq olunacaq? Çətin
məhkəmələr qanunu, qərarı ciblərindən üstün tutsunlar. Ali Məhkəmənin
sədri İnam Kərimovun imzaladığı 09.10.2024 tarixli 9 nömrəli qərarla
sözügedən 14-cü bənd yeni redaksiyada verilib və mübahisənin aidiyyəti
konkretləşdirilib: “ Təbii inhisar subyektlərinin təsərrüfat subyektləri
və istehlakçılarla daxil olduqları münasibətlər ( ...şəbəkələrə
qoşulma, texniki şərtlərin verilməsi, məhsulun satışına dair
müqavilə bağlanması və s.) ... məhsulun satışı və xidmətlərin
göstərilməsinə yönəlmiş iqtisadi fəaliyyət olmaqla son nəticədə
mülki-hüquqi xarakter daşıyır. Həmin münasibətlər xüsusi hüquq
rejiminə tabe edildiyinə görə, bununla bağlı yaranmış mübahisələr
inzibati hüquq sahəsində yaranmış münasibətlər kimi
qiymətləndirilə bilməz. Bu qəbildən olan işlərə MÜLKİ MÜHAKİMƏ
İCRAATI qaydasında KOMMERSİYA və ya ÜMUMİ MƏHKƏMƏLƏRDƏ
BAXILMALIDIR”. İndi qərarı Ali Məhkəmənin, Məhkəmə Hüquq Şurasının
sədri özü versin, Ali Məhkəmə Plenumunun qərarını kənardan sifarişdən
aşağıda tutanlar hakim adına ləkədirlər, ya yox?
Ali Məhkəmə Plenumunun qərarlarını hətta Ali Məhkəmə hakimlərinin də
qıraqdan sifarişdən aşağıda tutduğu faktlar var. Halbuki bütün Ali
Məhkəmə hakimləri Plenumun üzvləridir və təbii ki, qərarların qəbul
edilməsində iştirak edirlər. Bəs onları öz qərarlarını görməzliyə vurmağa nə
vadar edir? Aydındır ki, qıraqdan sifariş. Yoxsa Şəki İnzibati İqtisadi
Məhkəməsinin 15.02.2019-cu il tarixli iddianın mümkün sayılmaması
haqqında qərardadının, saxtalığı bir yana, preyudisial akt kimi 6-cı ildir
məhkəmə hüquq sistemində “ƏSAS QANUN” qüvvəsində tətbiq
edilməsini , daha düzü olduğu kimi məhkəmə aktlarına köçürülməsini nə
ilə izah etmək olar? “İnzibati məhkəmə icraatında iddianın
mümkünlüyünə dair” Ali Məhkəmə Plenumunun 10.04.2015 tarixli
5 nömrəli Qərarının 8-ci bəndini qeyri-prosessual sifarişi Ali
Məhkəmə Plenumunun qərarından aşağıda tutan , andını, adını
rüşvətlə ləkələyən hakimlərin diqqətinə çatdırırıq: “İddianın mümkün
sayılmaması haqqında qərardad məzmun baxımından MÜBAHİSƏ
PREDMETİNƏ TOXUNMUR və yalnız İDDİANIN MAHİYYƏTİ üzrə
QƏRAR çıxarmaq üçün ŞƏRTİN MÖVCUD OLMADIĞINI müəyyən
edir. (8.2). Buna görə də, İDDİANIN MÜMKÜN SAYILMAMASI
HAQQINDA QƏRARDAD yenidən mümkünlük şərtlərinə əməl
etməklə EYNİ PREDMET ÜZRƏ İDDİA QALDIRMAQ İMKANINI
İSTİSNA ETMİR. (8.3)” Ali Məhkəmə Plenumunun bu qərarı, bu bəndi o
qədər KONKRETDİR , o qədər ANLAŞILAN və DƏQİQDİR ki, anlamaz
hakimlərə, vəkillərə anlatmaqdan yana əlavə və dəyişikliklərə də
ehtiyac yoxdur. Bəlkə Ali Məhkəmə sədri Plenumun iclasında PLENUM
QƏRARLARINI cibindən aşağıda tutanlara Konstitusiyadan, qanunlardan
dərs keçsin?! Axı hələ də VK-nın intizam komissiyasının üzvü Əlirza
Həbilovun Şəki İİM-in adından tərtib etdiyi 15.02.2019-cu il tarixli qərardad
Azərbaycanın məhkəmə hüquq sistemində qanuni qüvvəyə minmiş
QƏTNAMƏ , KONSTİTUSİYA AKTI qüvvəsindədir. Qeyri-prosessuallıq,
rüşvətdən savadsızlıq elə ağlasığmaz özbaşınalığa gətirib ki, mülki
məhkəmə icraatında da Şəki İİM-in saxta qərardadı preyudusial akt,
Konstitusiya qərarı kimi saxta qətnamələrə köçürülür. Nərimanov
məhkəməsinin hakimi Ramin Quliyev hətta iş materiallarında
olmayan qərardadı preyudisial akt kimi qıraqdan aldığı rüşvət
sifarişi ilə üzdəniraq qətnaməsinə köçürüb. Lap tutaq ki, bu qərardad
preyudisial akt qüvvəsində olan qətnamədir, bəyəm olduğu kimi
qətnaməyə köçürülməlidir, harda yazılıb bu? Bəlkə Ali Məhkəmənin sədri
plenumun iclasını çağırıb preyudisiallıq haqqında da anlatma, qandırma
qərarı versin?!
“Hakimə (məhkəmə tərkibinə) etiraz etmə barədə qanunvericiliyin tətbiqi
təcrübəsi haqqında” 24.11.2005 tarixli, “ İnzibati mübahisələrə dair işlər
üzrə məhkəmə qərarlarının icrasının təmin edilməsi haqqında” 19.11.2021
tarixli Ali Məhkəmə Plenumunun qərarlarını da məhkəmə hakimlər
görməzliyə vurur. Elə bil bu qərarlar məhkəmələr üçün nəzərdə tutulmayıb.
Nə hakimlərə ( məhkəmə tərkibinə) etiraza baxılır, nə də məhkəmə
qərarlarının icrası təmin olunur. Bakı İnzibati Məhkəməsi 9-cu ildir ƏƏSMN
tabeliyində SXA-nı 20.06.2016 tarixli, 2-1(81)-1095/16 saylı qərarın
icrasına məcbur etdirmir, əksinə, rüşvətini alıb, icraya belə yönəltməyib.
Eləcə də 05.07.2017 tarixli, 2-1(81)-1889/17 qərarın 7 ildən sonra borclu
DSMF-in Xüsusi Şərtlərlə Təyinat üzrə Mərkəzi Filialının özbaşınalıqla ləğv
etməsinə qiymət verilmir. Halbuki Ali Məhkəmə Plenumunun 19.11.2021
tarixli qərarının 6-cı bəndində yazılıb ki, inzibati məhkəmə qərarlarının
icrasını MƏHZ birinci instansiya məhkəməsi qismində işə baxan
məhkəmə təmin edir; tələbkar ərizə vermədikdə belə icra
haqqında qərardad qəbul etmək və icranı təmin etmək
məhkəmənin VƏZİFƏ ( ex-officio) borcudur. Bakı İnzibati Məhkəməsi
isə qərara əməl etmək yerinə nağıl danışır ( h. Aygün Abdullayeva),
hətta tələbka

Sosial şəbəkələrdə silah satışı ilə məşğul olan şəxslər var. TikTok"da səhifə yaradan bu şəxslər satdıqları məhsulun keyfiyyətini göstərmək üçün video çəkərək paylaşıblar.

Ölkə.Az xəbər verir ki, səhifə (adı müəyyən səbəblərdən qeyd olunmur) əsasən qazla işləyən airsoft tapança satışı ilə məşğul olur və qiymətlər 700-850 AZN aralığında dəyişir.

100 metr məsafədən atış etmək mümkün olan bu silahların 1-1.2 kq çəkidə, gülləsinin isə 6 mm-lik xüsusi qırılmayan plastik şariklərdən ibarət olduğu bildirilir.

Həmçinin qeyd olunub ki, silahlar pnevmat və travmat deyil və "strikeball" üçün nəzərdə tutulub.

Silahı satan şəxslər bildiriblər ki, bunun üçün hər hansı icazə sənədi tələb olunmur.

Bəs qanun nə deyir?

Məsələ ilə bağlı Daxili İşlər Nazirliyinin (DİN) Baş İctimai Təhlükəsizlik İdarəsi daha əvvəl bununla bağlı məlumat yayıb.

"Respublikamızda 18 yaşına çatmış hər bir vətəndaşın mülki silah əldə etmək hüququ var. Mülki silah - özünümüdafiə, ov və idmanla məşğul olma üçün nəzərdə tutulmuş silahdır. Özünümüdafiə silahı - yalnız hücumu dəf etmək təyinatına malik olan gözyaşardıcı, qıcıqlandırıcı və ya qısa müddətə sinir-iflicedici maddələrlə təchiz edilmiş tapança (revolver), mexaniki-püsgürdücü və ya aerozol qurğulu qaz silahı; idman silahı - idman yarışlarında istifadə üçün nəzərdə tutulmuş odlu, soyuq, o cümlədən soyuq atıcı və pnevmatik silah, ov silahı isə vəhşi heyvanların və quşların ovlanması üçün nəzərdə tutulmuş yivli və ya yivsiz lüləli odlu, soyuq, o cümlədən soyuq atıcı və pnevmatik silahdır.

Mülki silah əldə etmək istəyən vətəndaş ərazi polis orqanına və ya DİN-in Baş İctimai Təhlükəsizlik İdarəsinə müraciət etməlidir. Bu zaman ondan ərizə, şəxsiyyət vəsiqəsi, ruhi-əsəb xəstəlikləri, narkomanlıq və alkoqolizmə düçar olub-olmaması, habelə görmə qabiliyyəti barədə müvafiq tibb müəssisəsindən arayış, iki ədəd fotoşəkil tələb olunur. Ərizə ilə müraciət etmiş şəxslərin məhkumluğunun olub-olmaması da DİN-in müvafiq idarəsi tərəfindən yoxlanılır.

Pnevmatik silahın və ya aerozol qurğularının əldə edilməsi üçün xüsusi icazə tələb olunmur. Pnevmatik və özünümüdafiə silahını (aerozol qurğuları daxil olmaqla) ticarət müəssisələri yalnız 18 yaşına çatmış vətəndaşlara onların şəxsiyyət vəsiqəsi əsasında satır və bu barədə müvafiq qeydlər aparır".

Mövzu ilə bağlı DİN Mətbuat Xidmətinin bölmə rəisi Nurlan Əliyev bildirib ki, insanda təşviş yarada biləcək və ya qorxutmaq məqsədilə hər hansısa bir cinayət əməlində istifadə edilmə ehtimalı olan, zahiri görünüşü döyüş silahına bənzəyən xəsarət yetirmə xüsusiyyəti olan silahların satışı qadağandır:

"Sosial şəbəkələrdə açıq-aşkar belə silahların satışı ilə məşğul olan səhifələr nəzarətdə saxlanılır və həmin səhifələri idarə edən şəxslərin müəyyən olunaraq məsuliyyətə cəlb edilməsi istiqamətində mütəmadi olaraq tədbirlər keçirilir" - deyə o əlavə edib.

"Tam səmimiyyətimlə deyirəm, Kəmaləddin Heydərovla COP29-a getmək sui-qəsd kimi bir şeydi. FHN-də nə texnika qalıb, nə də kadr... Hamısı yeyilib, dağılıb, talanıb.. Yarım sutka yağış yağıb, insanlar zülm çəkir, elementar köməkliklər belə göstərilmir, zənglərə cavab verilmir, saatlardan sonra 112-yə düşürsən, açıq deyirlər ki, bizdən əlinizi üzün”. Anaxeber.info yazır ki, jurnalist Səbuhi Abbasov bu fikirləri yazıb. Onun sözlərinə görə, millətin evi su altında qalanda, milyardlara sahib olan FHN yetkililəri, çox güman, bağlarında xəngəl qonaqlığı edirdilər: “Söhbət hansısa ucqar kənddən getmir, Bakının tam mərkəzindən gedir. Ona görə nə qədər gec deyil, 80 min adam Bakıya gəlməmişdən qabaq FHN-nə ciddi əl gəzdirmək lazımdır. Hələlik bu qədər...”

Anaxeber.info

Azərbaycanda məhkəmə saxta sənədlərlə, eks-baş bankir, hazırda baş nazirin müavini olan Elman Rüstəmovun göstərişi ilə verilən kreditə görə vətəndaşa məxsus obyekti satışa çıxarmağa hazırlaşır.

Əslində, bu gün Yasamal Rayon Məhkəməsində Nizami Kərimovun iddiası əsasında aparılan məhkəmə araşdırmasının bütün Azərbaycan vətəndaşlarının, elə işə baxan hakim Ayşən Sultanova-Məmmədovanın özünün, yaxınlarının mülkiyyət hüququna birbaşa aidiyyəti var.

Hakimin verəcəyi yanlış qərar bütün vətəndaşların mülkiyyət hüquqlarını laxladıb alt-üst etmək, kökündən məhv etmək gücündədir. Sadə dillə desək, hər kəsin əmlakını ondan xəbərsiz banka girov qoymağa, götürülən krediti ödəməməklə əmlakını banka ötürməyə imkan verəcək. Bu isə böyük bir cinayətdir, Azərbaycan Konstitusiyasının 29-cu maddəsi ilə təsbit olunan mülkiyyət hüququnun zorlanmasıdır. Ən başlıcası isə Azərbaycan məhkəmələrində Elman Rüstəmovun maraqlarına uyğun qətnamə çıxarılarsa, bütünlükdə Azərbaycanda mülkiyyət sahibi olan hər bir vətəndaşın əmlakını eyni şəkildə qəsb etmək mümkün olacaq.

Məsələ burasındadır ki, Azərbaycan vətəndaşı Nizami Kərimovun əmlakı ondan xəbərsiz girov qoyulub, əvəzində 5 milyon manat kredit götürülüb. Vətəndaş bu maxinasiyadan 6 il sonra xəbər tutub. Nəsimi Rayon Məhkəməsinə müraciət edib və bu maxinasiyanın altından oliqarx-bankir Elman Rüstəmovun adı ortaya çıxıb.

Nizami Kərimovun əmlakı satın aldığı “Aqana Servis” Elman Rüstəmovun tikinti şirkətlərindən biridir. Şirkəti də oliqarx bankirin şəriki Azad Nağıyev idarə edib. Nizami Kərimov əmlakla bağlı araşdırmalarını davam etdirdikcə, pulunu verib satın aldığı əmlakı ilə bağlı böyük bir cinayətə yol verilməsi faktını müəyyən edib. Məlum olub ki, Elman Rüstəmov Mərkəzi Bankın sədri olduğu günlərdə Azad Nağıyevə tapşırıb ki, tikdikləri binada artıq satılmış, Nizami Kərimovun mülkiyyətində olan əmlakı girov qoysun və 5 milyon manat kredit götürüb ona versin. Azad Nağıyev şəriki Elman Rüstəmovun göstərişini yerinə yetirib və 5 milyon kredit götürüb, pulu oliqarx-bankirə ötürüb.

Halbuki, Nizami Kərimov 2010-cu ildə həmin qeyri-yaşayış sahəsini “Aqana Servis”dən – faktiki olaraq Elman Rüstəmovdan pulunu ödəməklə alıb. Elman Rüstəmovun “Aqana Servis”i də qeyri-yaşayış sahəsinin dəyərinin Nizami Kərimov tərəfindən tam ödənilməsi haqda ona 02/04 saylı maliyyə arayışı da təqdim edib.

Nəsimi Rayon Məhkəməsinin hakimi Natəvan Tağıyeva 2021-ci ilin 3 sentyabr tarixində Nizami Kərimovun iddiasını təmin edib. Çıxarılan qətnamə ilə Bakı şəhəri, Yasamal rayonu, 558-566-cı məhəllə, L.İmanov küçəsi, ev 5 ünvanında yerləşən binanın 1-ci mərtəbəsindəki qeyri-yaşayış sahəsi üzərində Azərbaycan Respublikası Mərkəzi Bankının 11 oktyabr 2013-cü il tarixli və “Premium Bank”a 24.10.2013-cü il tarixli müraciətlərinə əsasən qeydə alınmış ipoteka yüklülüklərinə xitam verilib.

Faktiki olaraq kreditin cinayət yolu ilə götürülməsi çıxarılan qətnamə ilə sübut olunub. Hətta Elman Rüstəmovun şəriki Azad Nağıyev bu cinayətə görə uzunmüddətli həbsə məhkum olunub. Buna baxmayaraq, Mərkəzi Bank və digər məhkəmə instansiyası vətəndaş Nizami Kərimovun əmlakının satışa çıxarılmasına çalışır. Nəsimi Rayon Məhkəməsi iş üzrə məlum qətnaməni çıxarana qədər Elman Rüstəmov yaxasını baş verənlərdən kənar tutub. Hətta Elman Rüstəmov Nizami Kərimovun əmlakına qəsd faktına görə şəriki Azad Nağıyevin uzunmüddətli həbsə göndərilməsinə də biganə yanaşıb. Buna qədər baş verənlərə seyrçi mövqe sərgiləyən, yaxasını kənarda tutan Elman Rüstəmov Nizami Kərimovun əmlakının girovdan çıxarılması məhkəmə qətnaməsində əks olunandan sonra üzə çıxıb və vətəndaşın mülkiyyətinin girovluqdan çıxarılmasını əngəlləməyə başlayıb.

3 ildir ki, Elman Rüstəmov Nizami Kərimovun halal əmlakının girovdan çıxarılmasına imkan vermir! Belə ki, Nizami Kərimov yenidən məhkəməyə müraciət etməklə əmlakının girovluqdan çıxarılmasını tələb edib. 1 ilə yaxındır ki, Yasamal Rayon Məhkəməsində hakim Ayşən Sultanova-Məmmədovanın sədrliyi ilə Nizami Kərimovun şikayətinə baxılır. Oliqarx-bankir Elman Rüstəmov birbaşa məhkəmədə iştirak etmir. Buna baxmayaraq, hakim Ayşən Sultanova-Məmmədova oliqarx-bankir Elman Rüstəmovun adı keçən işdə obyektivlikdən uzaq mövqe sərgiləyir, vətəndaşın iddiasını təmin etməyə də tələsmir. Ortada böyük bir cinayət var – vətəndaşın mükiyyət hüququ göz görə-görə ayaqlar altına atılıb, tapdanır!

Əmlakı Nizami Kərimovdan xəbərsiz girov qoyulub və külli miqdarda kredit götürülüb! Bu gün krediti götürən Elman Rüstəmovun şəriki Azad Nağıyev həbsdədir, oliqarx bankir isə krediti ödəmək niyyətindən uzaqdır, Nizami Kərimovun əmlakını banka ötürüb 5 milyonu qaytarmaq istəmir.

Azərbaycanın bir məhkəmə instansiyası vətəndaş Nizami Kərimova qarşı cinayətə yol verildiyini hökmü ilə təsdiq edib və cinayətə yol verən Azad Nağıyevi həbsə göndərib, əmlakın girov qoyulmasına yol açan saxta çıxarış da ləğv olunub!

Azərbaycanın digər instansiyası – indiki halda Yasamal Məhkəməsi isə digər məhkəmə isntansiyasının çıxardığı hökmü saya salmır, oliqarx-bankir Elman Rüstəmovun mövqeyinə uyğun mövqe sərgiləyir.

Bu cinayətdə ən ilginc məqəm isə budur ki, Azad Nağıyev cəza yerindən dəfələrlə məhkəməyə müraciət edir, Nizami Kərimovun əmlakının girov qoyulması cinayətinin təfərrüatını açıqlamaq niyyətini ortaya qoyur. Həqiqətin üzə çıxmasının tərəfdarı olmalı məhkəmə isə Azad Nağıyevin az qala ağzını tutub danışmasına, Elman Rüstəmovun cinayətə bərabər əməlinə dair bildiklərini deməsinə şərait yaratmır. Məsələ burasındadır ki, Nizami Kərimovun üzləşdiyi əmlak maxinasiyası, konkret olaraq əmlakının qanunsuz girov qoyulması, bu gün isə qanunsuz girovluqdan azad edilməməsi cinayətinə “dur” deyən də tapılmır.



“Yeni Müsavat”

Xəbər verdiyimiz kimi “Sabunçu rayonu, Asif Əsədullayev küçəsində yerləşən və yağış suları ilə dolmuş tuneldə (“Sabunçu keçidi” adlanan yer) Fövqəladə Hallar Nazirliyinin əməkdaşları tərəfindən həyata keçirilən axtarış-xilasetmə tədbirləri nəticəsində iki nəfər meyiti çıxarılıb.

Məlumatlara əsasən 1976-cı il təvəllüdlü Şirinov Elnur Fazil oğlu və 1995-ci il təvəllüdlü Abbasov Köçəri Fərman oğlunun meyitləri aidiyyəti üzrə təhvil verilib. Faktla bağlı Sabunçu Rayon Prokurorluğunda araşdırma aparılır”, – Fövqəladə Hallar Nazirliyi və Baş Prokurorluğun məlumatda deyilir.

XALQ.AZ məlumat verir ki, Sabunçu rayonu Asəf Əsədullayev küçəsində yerləşən avtomobil tunelinin “Azərbaycan Dəmir Yolları” QSC-i 2020-ci ildə inşa etdirib.

Açılışda “Azərbaycan Dəmir Yolları” QSC-nin sədr müavini Zaman Novruzov və qurumun digər rəsmi şəxsləri iştirak ediblər. Tədbirdə bildirilib ki, tunelin uzunluğu 388 metr, hündürlüyü 5,5 metr, eni isə 13,5 metrdir. Qapalı hissənin uzunluğu 68 metrdir. Burda avtomobillərlə yanaşı, piyadaların hərəkəti üçün səki də salınıb. Bu isə tuneldən piyadaların da keçid kimi istifadə edə bilməsinə imkan verəcək.

Bundan əlavə, yağış və qrunt sularının kənarlaşdırılması məqsədilə nasosxana tikilib. Bunun üçün 3 nasos, bundan əlavə də 100 kilovatlıq transformator və generator quraşdırılıb. Qeyd edək ki, Sabunçu qəsəbəsində tikinti işlərinə 2019-cu ilin avqustun 23-dən başlanılıb.

Qeyd edək ki, 2015-2022-ci illərdə “Azərbaycan Dəmir Yolları” QSC-nin sədri Cavid Qurbanov olub.

Hal hazırda isə Azərbaycanın rəqəmsal inkişaf və nəqliyyat nazirinin müavini vəzifəsində çalışır.

Həmçinin Azərbaycan Avtomobil Yolları Dövlət Agentliyi məlumatında bilrilir ki, 2022-ci ildə Sabunçu qəsəbəsində Asif Əsədullayev küçəsi əsaslı təmir edilib. Göründüyü kimi, tunelin inşa etdirən “Azərbaycan Dəmir Yolları” QSC-də ciddi yoxlama aparılması artıq dövlət qurumlarının səlahiyyətindədir.

Xəbər verdiyimiz kimi, Sabunçuda ötən gecə tunelə yağış sularının dolması nəticəsində 2 nəfər boğularaq ölüb. Bu bədbəxt hadisədən sonra tunelin tikintisi zamanı nöqsanlara yol verilib-verilməməsi müzakirələrə səbəb olub.

TEREF Qafqazinfo-ya istinadən xəbər verir ki, Asəf Əsədullayev küçəsində yerləşən tunelin tikintisinə 2019-cu ildə başlanılıb. Tunel “Azərbaycan Dəmir Yolları”nın sifarişi əsasında tikinti işləri aparan “Körpü Bina Tikinti” MMC tərəfindən inşa olunub. Tunelin açılışı isə 2020-ci ilin martin 13-nə təsadüf edib. Açılış mərasimində qırmızı lenti isə “Azərbaycan Dəmir Yolları”nın ozamankı sədri Cavid Qurbanovun müavini Zaman Novruzov kəsib.

Qısa arayış olaraq bildirək ki, tunelin uzunluğu 388 metr, hündürlüyü 5,5 metr, eni isə 13,5 metrdir. Qapalı hissənin uzunluğu isə 68 metrə bərabərdir.

4 il əvvəl açılış mərasimində verilən məlumata görə, yağış və qrunt sularının kənarlaşdırılması məqsədilə nasosxana tikilib. Bunun üçün 3 nasos, bundan əlavə də 100 kilovatlıq transformator və generator quraşdırılıb. Amma görünən və real mənzərə onu deməyə əsas verir ki, ötən gecəki hadisə zamanı nə üç nasos, nə 100 kilovatlıq transformator, nə də generator işə yarayıb.

Ümumiyyətlə, ötən müddət ərzində onların yararlılığı yoxlanılıbmı, o da tunel kimi sual altındadır.

O ki, qaldı “Körpü Bina Tikinti”yə, bu MMC-nin rəhbəri Xəlil Göyüşovdur. Sözügedən şirkət 2001-ci ildə təsis edilib və istər Bakıda, istərsə də bölgələrdə bir sıra milyonluq layihələrin icraçısı olub.

Bu layihələrə keçmiş Şəfa stadionunun qarşısındakı yeraltı keçidi, Bakı Olimpiya Stadionundan Heydər Əliyev adına hava limanı avtomobil yoluna keçidi, Suqovuşan su anbarının təmir və bərpasını, Muğanlı-İsmayıllı-Qəbələ avtomobil yolunu, Sabunçu-Pirşağı-Sumqayıt dəmiryolu stansiyasının yenidən qurulmasını və s. misal çəkmək olar.

Maraqlıdır ki, Sabunçu rayonu ərazisində bu şirkətin daha öncə tikdiyi başqa bir tuneli də su basmış, o zaman da bir neçə avtomobil suyun altında qalaraq yararsız vəziyyətə düşmüşdü.

2019-cu ilin sentyabrında baş verən həmin hadisə zamanı nə dünənki kimi aramsız yağışlar yağmışdı, nə də başqa bir fəlakət baş vermişdi. Bakı Şəhər İcra Hakimiyyətinin başçısı Eldar Əzizov da dediyi kimi, ola bilər tikinti zamanı nöqsanlara yol verilib. Təbii ki, bunun da araşdırılması aidiyyəti qurumların üzərindədir.

Xəbər verdiyimiz kimi, ötən gündən başlayan intensiv yağış paytaxt Bakıda bir çox fəsadlar yaradıb.

İnsan iki nəfərin də öldüyü bu fəlakət paytaxtımızın bu kimi hallara hazır olmadığını bir daha gözlər önünə sərmiş oldu.

"Tv Musavat"ın aparıcısı Sevinc Telmanqızı yağışın yaratdığı fəsadlardan, məmurların işlərinin öhtəsindən gəlməmələrindən danışıb.

O, yaranmış vəziyyətə görə məmurları günahlandırıb, onları sərt tənqid edib.

Verilişdən həmin hissəni təqdim edirik: