 |
|
|
Yaxud, Azəriqaz rəhbərliyinin daha hansı sahədə müşavirə( bilgiyə) ehtiyacı var?
Apardığımız müşahidələr təsdiq edir ki, SOCAR hər hansı quruma müavin,müşavir göndərirsə ,bir müddət sonra("təcrübə" keçdikdən sonra) həmin şəxs, yüksək vəzifəyə təyin olunur. İndiki halda SOCAR-ın 28.01.2025-ci il tarixli 14-2/3-11-1232/2025 nömrəli məktubu, və № 14-2-2/3-1K-191/2025 saylı əmrə əsasən
Fərhad Mədətov Azəriqaz" İstehsalat Birliyinin Baş Direktorun müşaviri( 17 -ci dərəcə) təyin olunub. Müqavilənin tarixi: 28.02.2025-ci il. Tərəflərin qarşılıqlı razılığı ilə işçiyə natamam iş günü (saat 09:00-dan 13:00-dək) müəyyən edilir
Qeyd: ARƏM maddə 94 .3. Natamam iş vaxtı
3. İşçinin səhhəti və fizioloji vəziyyəti (hamiləlik, əlillik, o cümlədən 18 yaşınadək sağlamlıq imkanlarının məhdudluğu), habelə xroniki xəstəliyi olan uşağının və digər ailə üzvünün səhhəti müvafiq tibbi rəyə görə əmək funksiyasının natamam iş vaxtında yerinə yetirilməsini tələb edərsə, habelə on dörd yaşına çatmamış, yaxud 18 yaşınadək əlilliyi müəyyən edilmiş uşağı olan qadınlara ərizələrilə işəgötürən natamam iş vaxtı (iş günü, yaxud iş həftəsi) müəyyən etməlidir.
Bir müddətdən sonra RQİİ yaxud XS-rəislərinə də müşavir təyin olunsa təccüblənmərəm.
Mirvari Gahramanli
TEREF
Bu günlərdə daha bir gənc xanımın xəstəxanada komaya düşməsi və ölümü xəbəri ölkədə həkim səhlənkarlığı və səhiyyə xidmətinin vəziyyəti ilə bağlı müzakirələri yenidən aktuallaşdırdı. Söhbət əlindəki ziyili götürmək üçün Gəncə Beynəlxalq Xəstəxanasına müraciət edən Türkan Balakişizadədən gedir.
Gənc qız əməliyyat öncəsi narkozdan sonra allergik şok keçirib və komaya düşüb. 10 gün sonra isə xəstəxanada həyatını itirib.
Azərbaycan Beynəlxalq Bankının (ABB) işçisi olan Türkan nişanlı imiş və gələn ay toyu olacaqmış.
Valideynlərinin sözlərinə görə, qızları xəstəxanaya sağlam göndərilib. Heç bir yanaşı xəstəliyi və əməliyyat öncəsi verdiyi analizlərində problem olmayıb.
Beləliklə, adi bir ziyilə görə gənc qız həyatından oldu, bir ailənin işığı söndü…
Bəs, hadisə necə baş verib? Necə olub ki, Türkan narkozdan allergik şok keçirib? Ümumiyyətlə, ona narkoz verilməli imişmi? Əməliyyatdan öncə bütün lazımı analizlər aparılbsa, necə olub ki, allergik şok ehtimalı nəzərə alınmayıb?
Düşündürücü suallardır. Maraqlısı isə odur ki, xəstəxana rəhbərliyi bu suallara doğru-düzgün cavab vermək əvəzinə daha çox digər məqamları qabardır. “Xəstə yaxınlarının aidiyyəti qurumlara heç bir şikayəti yoxdur”, “Xəstə narkozu özü istəyib”,
“Ölümün səbəbi narkozun çox və ya az verilməsi deyil”, “Xəstənin müraciət səbəbi nə ziyil, nə də törəmə deyil” və s. kimi absurd, məsələnin mahiyyətinə heç bir dəxli olmayan cavablar…
Bu səbəbdən Bakupost.az olaraq, məsələyə aydınlıq gətirmək üçün Gəncə Beynəlxalq Xəstəxanasına rəsmi sorğu ünvanladıq. Sorğunun verilməsindən 3 iş günü keçməsinə baxmayaraq, hələ də rəsmi cavab yoxdur. Bu səbəbdən yenidən Gəncə Beynəlxalq Xəstəxanasının İctimaiyyətlə əlaqələr üzrə şöbə rəhbəri Leyla Məmmədova ilə əlaqə saxladıq. O, yenə də suallarımıza cavab vermək əvəzinə “Xəstənin yaxınlarının şikayəti yoxdur”, “Xəstə ilə bağlı məlumatları açıqlamağa ixtiyarımız yoxdur” kimi cavablarla kifayətləndi. Son sözü isə bu oldu ki, “məsələ ilə bağlı aidiyyəti orqanlar tərəfindən araşdırma aparılır, müvafiq ekspertizanın rəyi hazır olduqdan sonra sorğunuza cavab veriləcək, gözləyin”.
Xəstəxananın direktoru ilə əlaqə saxlamaq istədikdə isə L.Məmmədova onun adını açıqlamaq və əlaqə nömrələrini verməkdən imtina etdi.
Biz isə Araşdırmalarımız zamanı Gəncə Beynəlxalq Xəstəxanası və onun rəhbərliyi ilə bağlı ilginc məlumatlar əldə etdik.
Aydın oldu ki, vaxtilə mərhum Vergilər naziri Fazil Məmmədova məxsus olan həmin xəstəxananı hazırda faktiki olaraq İcbari Tibbi Sığorta üzrə Dövlət Agentliyinin departament rəhbəri, professor Hikmət İbrahimli işlədir.
Bakupost.az -ın əldə etdiyi məlumata görə, hətta Hikmət İbrahimli həmin xəstənaya öz bacısı qızını direktor təyin etdirib. Gülnara adlı həmin xanım xəstəxananın direktoru olsa da, faktiki olaraq, işə çıxmır, distant qaydada fəaliyyət göstərir. Xəstəxananın idarçiliyini baş həkim Tural Əfəndiyev və Leyla Məmmədova həyata keçirirlər.
Onu da qeyd edək ki, Hikmət İbrahimlinin bölgə xəstəxanalarında rəhbər postlara təyinatlar məsələsində əsas söz sahiblərindən biri olduğu da bildirilir. Hətta iddia olunur ki, o, Hacıqabuldan Şəmkirə qədər TƏBİB-in tabeliyində olan bütün xəstəxanalara öz adamlarını direktor təyin etdirib.
Həmin direktorlara təsir imkanları olan Hikmət İbrahimli bölgələrdəki bütün ağır xəstələri onların vasitəsilə Gəncə Beynəlxaq Xəstəxanasına yönəldir.
O da qeyd olunur ki, Hikmət İbrahimli təkcə regionlarda deyil, Bakıda da böyük imkanlara sahibdir. Belə ki, o, paytaxtda bir neçə özəl klinikalara şəriklik edir, eyni zamanda bəzi dövlət xəstəxanalarının texniki təchizatını həyata keçirir…
Keçən günlərdə az qala bütün xidmətlərində taarifləri bahalaşdıran və özünü davamlı olaraq "ölkənin bir nömrəli", "ölkənin ən böyük" ünvanları ilə təqdim etməyə çalışan "Azercel" mobil operatoru yenə də müştərilərini incik salmaqdadır ki, bu da yekunda sözügedən şəbəkənin abunəçilərinin sıralarının ciddi şəkildə seyrəlməsinə gətirib çıxarır. "DİA-AZ" xəbər verir ki, hər halda bunu elə sosiaş şəbəkələrdən müşahidə olunan ictimai rəylərdən, giley bolluğundan da sezmək mümkündür.
Bu dəfə şikayətçi "Azercell"daxili transfer zamanı ondan yersiz tutulan vəsaitdən narazılıq edir.
Şahin Həsənli adlı sosial şəbəkə istifadəçisi "Müştəriyəm Şikayəm Var" qrupoundakı paylaşımında narazılığınıl belə ifadə edir:
"9 manatlıq gəncol paketindən Azercellum tarifinə keçəndə 6 manat pulumu tutan "Azercell"!..
Nəsimi rayonu Elman Ovçuyev küçəsindəki bir bina söküləcək. Buna səbəb ərazidə park sahəsinin genişləndirilməsidir.
"DogruXeber.az" Xezerxeber.az xəbər verir ki, sakinlər isə təklif edilən şərtlərlə razı deyillər.
Sakinlər bildirirlər ki, onlara hər kvdartametrə görə əraziyə uyğun olmayan, çox az məbləğ təklif edilir.
Sakinlərinə sözlərinə görə, burda yaşayanlardan yalnız 5 mənzil sahibini razı sala biliblər. Sakinlər mənzil sahələrinin də olduğundan az yazıldığını iddia edirlər.
Məsələ ilə əlaqədar Nəsimi rayon İcra Hakimiyyətindən “Xəzər Xəbər”ə bildirildi ki, həmin ərazidə park sahəsinin genişləndirilməsi nəzərdə tutulub. Bununla əlaqədar Bakı şəhər İH.nin sərəncamı var. Sərəncam əsasında köçürmə komissiyası yaradılıb. Vətəndaşlarla hazırda görüşlər keçirilir. Park ərazisi olduğuna görə aidiyyəti qurumlar tərəfindən yerində ölçmə işləri aparılıb, aktlar tərtib olunub, məbləğlər təyin edilib. Dövlət layihəsi olduğu üçün, vəsait də dövlət tərəfindən ödənilir. O da bildirildi ki, park salınmasıyla əlaqədar ümumilikdə 134 ailədən 80 yaxın ailə ilə 4 gün ərzində razılaşma aparılıb, müqavilə bağlanıb.
Xezerxeber.az mövzu ilə bağlı daha ətraflı videomaterialı təqdim edir.
Bakı Ağır Cinayətlər Məhkəməsində hakim Aytən Əliyevanın sədrliyi ilə AzTV-nin sabiq sədri Arif Alışanovun qardaşı oğlu Nizami Akif oğlu Alışanın cinayət işi üzrə məhkəmə prosesi davam etdirilib.
Açıq elan olunan məhkəmə prosesi heç bir əsas göstərilmədən qapalı keçirilib. Məhkəmə zalında olan media mənsubları zaldan çıxarılıblar. Hakim jurnalistlərin məhkəmə zalından çıxarılmasının iş üzrə zərərçəkənlərin istəyinə və ya digər bir səbəbə əsaslandığını açıqlamayıb.
Musavat.com-un xəbərinə görə, prosesdə cinayət işi üzrə zərərçəkən Babək Məmmədzadə ifadə verib.
İş üzrə ən çox pul itirən şəxs də elə Babək Məmmədzadədir. B.Məmmədzadə “Aztelekom” MMC-nin sabiq baş direktoru Məhəmməd Məmmədovun oğludur.
Məhəmməd Məmmədov 2015-ci ildə Rabitə və Yüksək Texnologiyalar Nazirliyinin sabiq aparat rəhbəri Vidadi Zeynalovla birgə həbs edilmişdi. Milyonlarla mənimsəmədə ittiham edilən Məhəmməd Məmmədov şərti cəzaya məhkum edilərək məhkəmə zalından azadlığa buraxılmışdı.
Nizami Alışan investisiya fəaliyyətilə məşğul olan platformada valyuta alqı-satqısı ilə gəlir əldə etmək istəyən 3 şəxsə qarşı külli miqdarda dələduzluqda ittiham olunur.
Ötən proseslərdən birində dövlət ittihamçısı Elgün Qafarov ittiham aktını elan etmişdi. Müttəhim Nizami Alışan ittiham üzrə özünü təqsirli bilməyib. Məhkəmənin aparılması qaydası müəyyən olunarkən Nizami Alışanın vəkili Samir İsayev zərərçəkmişlərin, daha sonra təqsirləndirilən şəxsin dindirilməsini istəyib. Bildirib ki, müvəkkili zərərçəkmişlərdən sonra ifadə vermək istəyir.
Hakimlər məhkəmənin bu qaydada aparılması barədə qərar qəbul ediblər. Samir İsayevin digər vəsatəti müdafiə etdiyi şəxsin istifadəsində olan telefonun anten məlumatlarının əldə olunması ilə bağlı mobil operatora sorğu göndərilməsiylə bağlı olub. Vəkil müvəkkilinin 2024-cü ilin aprelin 9-dan 17-dək olan müddətdə telefon danışığı, SMS yazışmaları götürülməsini xahiş edib.
Vəkil əlavə edib ki, vəsaitlər İnvest.az saytı üzərindən götürülüb, buna görə də həmin saytın nümayəndəsi məhkəməyə şahid qismində çağırılmalıdır.
Hakimlər qaldırılan məsələlərin sənədlərin tədqiqi mərhələsinə aid olduğunu, vəsatətlərə həmin mərhələdə baxılacağını açıqlayıblar. Buna görə vəsatətlər baxılmamış saxlanılıb.
İttihama görə, investisiya fəaliyyəti ilə məşğul olan platformada valyuta alqı-satqısı həyata keçirməklə gəlir əldə etmək istəyən 3 nəfərin 3 milyon dollara yaxın pulu ələ keçirilib. Nizami Akif oğlu Alışan pul qazanmaq istəyən zərərçəkənlərə özünü səhm və valyuta alqı-satqısı ilə məşğul olan mütəxəssis kimi təqdim edib.
Nizami Alışanı sosial şəbəkədən tanıyıb ona aldananlar Zeynal Mütəllim oğlu Usubov, Babək Məhəmməd oğlu Məmmədzadə və Yadigar Şibi oğlu İsrafilovdur.
İttihama görə, Nizami Alışan Babək Məmmədzadənin 1 milyon 300 min, Zeynal Usubovun 945 min, Yadigar İsrafilovun isə 200 min dollar pulunu yuxarıda qeyd edilən vasitə ilə dələduzluq edərək ələ keçirib. Hazırda fərdi sahibkar kimi fəaliyyət göstərən zərərçəkənlərə dəymiş ziyan ümumilikdə 2 milyon 445 min dollar edir.
Bu cinayətin üstü Daxili İşlər Nazirliyinin (DİN) Kibercinayətkarlıqla Mübarizə Baş İdarəsi tərəfindən açılıb. Müştərilərinin xüsusilə külli miqdarda pulunu ələ keçirən Alışan Nizami Akif oğlu cinayət məsuliyyətinə cəlb edilib.
İşin ağırlığı nəzərə alınaraq onun barəsində bir müddət əvvəl həbs qətimkan tədbiri seçilib. İbtidai istintaq dövründə zərərçəkmişlərin hamısı Alışanla üzləşdirilib, əməlini üzünə deyərək onu ifşa ediblər.
Digər zərərçəkmişlərdən biri isə “Aztelekom” MMC-nin sabiq baş direktoru Məhəmməd Məmmədovun oğlu Babək Məmmədzadədir. Zeynal Usubov əvvəllər prokurorluq orqanlarında işləyib, Nərimanov rayon prokurorunun müavini olub. O, 2023-cü ilin aprelində prokurorluq orqanlarından xaric edilib.
Xatırladaq ki, ötən ilin yayında Zeynal Usubovun Bakıda yerləşən “Hollivud” restoranında bıçaqlanması barədə məlumatlar yayılmışdı. Zeynal Usubov məsələ ilə bağlı verdiyi açıqlamada həmin xəbərlərin yalan olduğunu bildirmişdi.
Qeyd edək ki, Nizami Alışan AzTV-nin keçmiş sədri Arif Alışanovun qardaşı oğludur. Onun 4 il əvvəl vəfat etmiş atası Akif Alışanov da yüksək vəzifələrdə çalışıb. O, uzun illər polkovnik rütbəsi ilə Sumqayıt Mühafizə İdarəsinin rəisi işləyib. Sonuncu dəfə Müdafiə Sənayesi Nazirliyinin Mühafizə və təhlükəsizlik şöbəsinin rəisi kimi fəaliyyət göstərib. Nizaminin qayınatası isə hazırda Amerikada yaşayan müğənni Elariz Məmmədoğludur. O, 2014-cü ildə müğənninin qızı Günellə evlənib.
Hazırda ağır cinayətə görə mühakimə edilən Nizami Alışan 2018-2019-cu illərdə elə əmisinin yanında - AzTV-nin İnformasiya və Texnologiya şöbəsinin müdir müavini işləyib.
Nizami Alışana qarşı Cinayət Məcəlləsinin 178.4-cü (xüsusilə külli miqdarda ziyan vurmaqla dələduzluq) maddəsi ilə ittiham irəli sürülüb. İttiham təsdiqini taparsa, 10-14 il müddətinə azadlıqdan məhrum oluna bilər.
Xatırladaq ki, Arif Alışanov 2019-cu ilin yanvarında Prezidentin sərəncamı ilə “Azərbaycan Televiziya və Radio Verilişləri” Qapalı Səhmdar Cəmiyyətinin sədri vəzifəsindən azad edilib.
E.MƏMMƏDƏLİYEV,
Musavat.com
“Azərbaycan Dəmir Yolları” (ADY) QSC-nin Kommunikasiya departamentinin rəhbəri vəzifəsindən nöqsanlara görə azad edilən Aybəniz Rafik qızı İsmayılovanın ADY-də hələ də çalışan ona yaxın olanların və qohumlarının siyahısı məlum olub.
Pravda.az-ın əldə etdiyi məlumata görə, bu şəxslər qurumda yüksək vəzifə tuturlar.
Siyahını təqdim edirik:
1. Ceyhun Nağıyev – QSC-nin İnsan resursları departamentinin müdiri (əvvəllər “OBA” marketlər şəbəkəsində çalışıb),
2. Azər Fərəcov - Sərnişindaşıma departamentinin müdiri (“Atasığorta” ASC-də çalışıb, daha sonra kənarlaşdırılıb),
3. Emil İsmayılov - Sərnişindaşıma xidmətinin rəisi (Sığorta şirkətlərinin birində çalışıb),
4. Fərəh Mirili - PR Departmentinin baş mütəxəssisi, satınalma və tədbirlərin təşkilinə cavabdeh şəxs (Aybəniz İsmayılovanın nöqsanları əsasən F.Mirilinin sorğu-sual edilməsi əsasında üzə çıxıb),
5. Anar İmanverdiyev – Rəqəmsallaşma departamentinin müdir müavini (Ceyhun Nağıyevin kirvəsidir),
6. Daşqın Rəcəbli – Kommunikasiya departamentinin rəhbərinin müavini (Aybəniz İsmayılovanın dostu),
7. Nigar İzmayılova - Cüdo Federsiyasında sponsorluq layihələri üzrə müşavir.
Qeyd: Hazırda A.İsmayılovanın vəzifədə olduğu dövr üzrə yoxlamaların aparıldığı bildirilir.
Azərbaycanda tender sahəsində əksər dövlət qurumlarının iştirakında qəribə bir şey yoxdur. Qanunla bütün dövlət qurumları öz ehtiyaclarını qarşılamaq üçün dövlət satınalmaları yolu ilə bunu həyata keçirməlidirlər. Tribunainfo.az xəbər verir ki, Nəqliyyat, Rabitə və Yüksək Texnologiyalar Nazirliyi önəmli strukturlarından biri olan “Azərpoçt” MMC də bu sahədə mövcud olan qurumlardandır.
Açıq mənbələrdə qeyd edilir ki, “Azərpoçt” MMC ötən il toplam 16 tender keçirib. Bu tenderlər üzrə bağlanan satınalma müqavilələrinin dəyəri isə 2 milyon 609 min 917 manat təşkil edib.
MMC-nin həyata keçirdiyi tenderlərin ¼-i bir şikətə verilib. Söhbət “AZNEXT” MMC-dən gedir. Belə ki, “Azərpoçt” ötən il bu şirkətlər iki satınalma müqaviləsi imzalayıb. Kommutatorların satın alınması müqaviləsinin dəyəri 230 min 592 manat, aktiv şəbəkə avadanlıqlarının satın alınması isə 323 min 746 manata başa gəlib. Yəni, toplam 554 min manatlıq alış-veriş olub.
Araşdırma zamanı məlum olub ki, tender sektoruna yad olmayan bu şirkətin rəhbəri Səməd Abbasovdur. Bu şəxs haqqında açıq mənbələrdə məlumat olmasa da, rəhbəri olduğu şirkətin Covid 19 pandemiyası vaxtı dövlətdən maliyyə dəstəyi alması Dövlət Vergilər Xidmətinin rəsmi saytında yer alıb.
Bu sırada ikinci yeri “YENİ POLİQRAFİST” MMC tutub. Tribunainfo.az xəbər verir ki, bu şirkətlər də “Azərpoçt” arasında iki tender olub. Ciddi hesabat qəbzləri və Poçt göndərişlərinin qeydiyyatı üçün istifadə olunan ştrix kodların satın alınması 201 min 390 manata, istismar blanklarının satın alınması isə 57 min 555 manata reallaşıb.
“YENİ POLİQRAFİST” MMC-nin hazırda Bakı, Nizami r-nu, Qara Qarayev pr. 94 ünvanında fəaliyyət göstərir. Bu şirkətlə “Azərpoçt” arasında tender əməkdaşlığının tarixçəsi isə xeyli əvvələ gedib çıxır. Hələ 2017-ci ildə Azərpoçt MMC-nin keçmiş direktoru Qəmbər Bəybalayevin (o, korrupsiya ittihamı ilə həbs olunub) dönəmində sözügedən şirkətlə bir sıra satınalma müqavilələri imzalanıbmış. O zaman Baş Prokurorluğun apardığı araşdırma zamanı məlum olubmuş ki, “Azərpoçt”la “Yeni Poliqrafist” və daha bir neçə şirkət arasında bağlanmış satınalma müqavilələrində qiymətlər bir xeyli şişirdilib. Elə bu səbəbdən də “Yeni Poliqrafist”lə “Azərpoçt” arasında bu gün də davam edən tender anlaşmaları ekspertlər tərəfindən təəccüblə qarşılanır. Çünki adı keçmiş rəhbərliyin korrupsiya işlərində hallanan bir şirkətlə yola davam etmək sağlam tenderlərin keçirilməsinə şübhələrə kifayət qədər yol açır.
Sözügedən dövlət qurumu təmir işlərinə də az pul xərcləməyib. Açıq mənbələrdən məlum olan odur ki, “Azərpoçt” Goranboy RPF-nin inzibati binasının əsaslı təmiri üçün “LİDER-LİNE” MMC ilə 233 min 398 manatlıq, Sumqayıtda iki poçt filialının binasının əsaslı təmirinə görə isə “M-HOUSE CONSTRUCTİON” MMC ilə 163 min 161 manatlıq müavilə imzalanıb.
Bu tenderlərin içində maraqlı məqamlardan biri də odur ki, “Azərpoçt” MMC ötən il balansında olan avtomobillərinə 67.225 manatlıq təkər alıb. Bu məsələdə isə “MNK TRADİNG” MMC ilə anlaşıb.
Bildirək ki, “Azərpoçt” MMC-nin hazırda baş direktoru vəzifəsi boşdur. Həmin postu Mustafayev İsi Yusif oğlu müvəqqəti icra edir. O, həmçinin İdarə heyətinin sədri vəzifəsini də müvəqqəti icra edir.
Bəzi məlumatlara görə, 1979-cu ildə Bakı şəhərində anadan olmuş İsa Mustafayev dostu və tələbə yoldaşı Əfqan Cəlilovu əvəzləyib. Bildirilir ki, Mustafayev və Cəlilov təkcə, 1995-2001-ci illərdə Azərbaycan Dövlət İqtisad Universitetində tələbə yoldaşı olmayıblar. Onlar həmçinin
005-2013-cü illərdə “AGBank”da da birlikdə işləyiblər.
Yazıda adı keçən qurumların, şirkətlərin və şəxslərin də mövqeyini dərc etməyə hazırıq.
17 ildir Qarabağ qazisnin qazdan istifadəsinə qadağa qoyulub
Bakının Nizami rayonunda 1-ci dərəcəli Qarabağ əlilinə 17 il qabaq Heydər Əliyev Fondunun dəstəyi ilə tikilən qeyri-yaşayış sahəsinin KOMBİ sistemi ilə qızdırılmasına “Azəriqaz” İB 17 ildir qanunsuz qadağa qoyub.
Başlıca qanunsuzluq sayğacla təchizatın, quraşdırılmasının məişət abonenti əlilin hesabına həyata keçirilməsi, hətta abonent razı olsa da, xidmətdən qərəzlə imtina edilməsidir. Halbuki “Qaz təchizatı haqqında” Azərbaycan Respublikası Qanununun 13-cü maddəsinin 1-ci bəndinə görə, energetika müqaviləsinə uyğun olaraq qaz paylayıcısı müqavilə ərazisində istənilən şəxsin sifarişilə onu qaz şəbəkəsinə qoşub təchiz etməlidir. Qanunun 13-cü maddəsinin 9-cu bəndində , NK-nın “Qazdan istifadə qaydaları haqqında” Qərarının 4.2-ci bəndində isə məişət qaz qurğularını istifadə edən məişət abonentləri üçün qaz sayğacının qaz paylayıcısının vəsati hesabına təchiz edilməsi, quraşdırılması və dəyişdirilməsi təsbit olunub. 08.12.2023-cü ilə kimi qüvvədə olan “Təbii inhisarlar haqqında” Qanunun 10-cu, 08.12.2023-cü ildə qəbul edilən Azərbaycan Respublikasının Rəqabət Məcəlləsinin 40-cı maddələrinə görə, təbii inhisar subyektləri xidmətdən imtina edə bilməzlər. İmtina edəndə rəqabət orqanı, rəqabət komissiyası onları elə cəzalandırır ki, bir də özbaşınalıq etmək başlarına bəla olur. Bəs niyə “Azəriqaz”ın xidmətdən imtinasına, 17 ildir Qarabağ qazisinin öz hesabına balans sərhədinə kimi çəkdiyi qaz xəttinə, hətta öz hesabına belə sayğac quraşdırılmasından imtinaya niyə qiymət verilmir, rəqabət orqanı niyə təbii inhisar subyektini- qaz xidmətçisini cərimə etmir, məhkəməyə vermir? Yəqin rəqabət orqanı da cəriməni qanundan kənar tətbiq edir, cərimə dövlətin yox, məmurun cibinə gedir. Məntiq başqa cür fikirləşməyə yer qoymur.
Məhkəməyə gəldikdə, “Azəriqaz” məhkəməni də rüşvətlə özünə vəkil edib. Ərazi aidiyyəti üzrə Nizami məhkəməsində 4-cü aydır istehlakçı Qarabağ qazisinin qaldırdığı iddia süründürməçiliyin güdazına gedib. Soyuqdan qırılmamaq üçün müvəqqəti təminat tədbiri kimi sayğacın quraşdırılmasına ərizə verən əlilin ərizəsinə baxılmaqdan imtina edilib ki, məhkəmədə iddia ərizəsi yoxdur. Halbuki MPM-də müvəqqəti təminat tədbirinin təmin olunmasına ərizənin iddia qaldırmadan öncə də verilə bilməsi yazılıb. İddia qaldıranda isə hakim Qumru Əliyeva 3 aylıq hazırlıq icraatından sonra gizlincə işi Bakı Kommersiya Məhkəməsinə göndərib və orada da anında icraata qəbul edilib. Bu zaman hospitalda canı ilə əlləşən Qarabağ əlili , xəbər tutan kimi, hər iki məhkəmədən Ali Məhkəmənin , Məhkəmə Hüquq Şurasının sədrinə şikayət edib və iş Nizami məhkəməsinə geri qaytarılıb. Qumru Əliyeva yenə prosessual hərəkətsizlik etdiyindən, hətta PA-ya şikayətdən sonra 19.12.2024-cü il tarixli qərardadla 6 saylı vəkil bürosundan ayırdığı vəkilin iştirakını təmin etmədiyindən, iddiaçı əlil də cavabdeh qaz xidmətinin soy(uqdan) qırımına uğradığından 25.02.2025-ci ildə yenidən müvəqqəti təminat tədbiri haqqında, yəni sayğacın quraşdırılmasının təmin edilməsinə ərizə verib. Ərizəyə iddiaya baxan hakim Qumru Əliyeva baxmalı olduğu halda, ərizəni alan kimi həmin gün Nizami məhkəməsinə aid olmadığı əsası ilə geri qaytarmaqda cavabdehlərə vəkil xidməti göstərən hakim Həqiqət Əhmədova “baxıb” və anında geri qaytarıb. Guya xidmətdən imtina kommersiya məhkəməsinə aiddir. Halbuki MPM-in 159-cu maddəsində müvəqqəti təminat tədbiri haqqında ərizənin hansı hallarda geri qaytarılması təsbit olunub və bu halların içində işin başqa məhkəməyə aid olması yoxdur.
Özbaşınalığa baxın, vətəndaş əlil-qazi öz hesabına evini KOMBİ sistemi ilə qızdırmaq üçün, soyuqdan ölməmək üçün 17 ildir təbii inhisar subyektinin xidmətə məcbur edilməsinə nail ola bilmir. Nə qaz nəzarəti, antiinhisar-rəqabət orqanı, nə icra, nə qanunverici, nə məhkəmə hakimiyyəti orqanı xidmətdən imtinaya - “Azəriqaz”ın SOY(uqdan) QIRIMINA qiymət verir. Məhkəmə soy(uqdan) qırıma vəkillik edir, vəkil bürosu məhkəməyə.
Rəqabət Məcəlləsinin tələbinə görə, media qurumlarının məlumatı rəqabət orqanının araşdırması, tədbir görməsi üçün əsasdır. Elə hüquq mühafizə orqanları da mətbuatda dərc olunan hüquq pozuntuları barədə məlumatları yoxlamağa borcludurlar. Ona görə yazdıq. Di gəl, 17 ildir “qaz soyqırımından” isti-soyuq bilmədən yazılanlara baxan da yoxdur...
Məğrur BƏDƏLSOY
hurriyyet.az
“Zeyd” restoranı səkinin əsas hissəsini zəbt edib.
Musavat.com xəbər verir ki, Nərimanov rayonu, Təbriz küçəsində yerləşən “Zeyd” restoranı piyadalar üçün nəzərə tutulan səkinin böyük hissəsini zəbt edib.
Bu, həm piyadaların hərəkətində çətinlik yaradır, həm də ərazidə yaşayan sakinlərin narazılığına səbəb olur.
Yay aylarında müştəri sayı çox olduğundan hərəkət daha da çətinləşir. Bir sözlə, yola davam edən piyadalar restoranın içərisindən keçməli olur.
Sakinlər bildirir ki, səkini zəbt edən restoran çöldəki fəaliyyətini əsasən isti aylarda bərpa edirmiş. İndi isə əlavə şüşə arakəsmələr gətirilib və restoranın səkidə olan qanunsuz hissəsində əlavə işlər görülür ki, indi də fəaliyyət göstərə bilsinlər.
“Bravo” supermarketlər şəbəkəsinin rəsmi “İnstaqram” hesabında paylaşdığı vakansiya elanına gələn şərhlər diqqət çəkib.
"DogruXeber.az" Pravda.az-a istinadən xəbər verir ki, şirkətin elanda qeyd etdiyinə görə, mal qəbulçusu, qəssab və çörəkçi işləyənlər 6 ay sonra müdir müavini, şöbə başçısı, 1 il sonra isə mağaza müdiri ola bilərlər.
“Bravo”nun bu vədi uzun müddətdir, bu marketlər şəbəkəsində çalışan işçilərin etirazına səbəb olub.
Yazılan şərhləri təqdim edirik:
“4 illik işçinizi niyə vəzifə ilə təmin etmirsiniz? Olduğu mağazada yer açıldığı halda başqa mağazadan adam gətirirsiniz, ancaq 4 ildir, işləyən universal işçinizi olduğu mağazada vəzifəsini artırmırsınız. Niyə hər kəs öz yaxın qohumlarını vəzifə ilə təmin edir? Niyə mağaza müdiri bölgə müdiri ilə dostdur deyə istədiyi işçiyə istədiyi kimi davranıb, “mobbing” tətbiq edir?”
“Bir çox böyük şəbəkələrdə işlədim və sonda “Bravo” həyatımın ən böyük səhvi oldu. Hələ məni stajlı işçi olaraq götürmüşdülər. Bir sözlə, işçiyə dəyər verməyən yeganə şəbəkədir “Bravo”. Başqa marketlərdə də işləmişəm, “Bravo”da bu iş sıfırdır”.
Elandakı maaşlara da etiraz edənlə rolub: “Adi fəhlə 900 AZN alır, 500-600 manat nə puldur? Satıcılara minimum 800 AZN versəniz, doğru olar”.
“Bravo” şərhlərə heç bir mövqe bildirməyib.