Paytaxt sakinlərinin rastlaşdığı problemlərdən biri də səkilərlə bağlıdır.

Bu problem hazırda Bakı küçələrinin bir çoxunda müşahidə edilir. Belə ki, küçələrdə səkilərin əksəriyyəti ya avtomobillər, ya da ofislər tərəfindən zəbt edilib. Bu gün Bakı küçələrində hər addımda nəinki yol kənarları boyunca düzülən, həmçinin bununla kifayətlənməyib, səkilərə “dırmaşan” avtomobilləri görmək mümkündür.

Əgər hansısa bir avtomobilin sahibindən niyə məhz səkidə saxladığını soruşsaq, ya evinin, ya da sahib olduğu obyektin, dükanın, ofisinin qarşısı olduğunu deyir. Sürücülər üçün məhz onun maşınının rahat, toxunulmaz bir yerdə dayanması daha önəmlidir, nəinki piyadaların rahat hərəkəti. Eləcə də yol kənarındakı obyektin sahibləri səkinin üzərində pilləkanlar quraşdıraraq vətəndaşların səkidə hərəkətinə mane olurlar.

Beləliklə, hərəkət etməyə səki tapa bilməyən sakinlər avtomobil yolu ilə hərəkət etmək məcburiyyətində qalırlar ki, nəticədə həyatlarını təhlükə qarşısında qoyurlar. Yol qəzalarının bir qismi də məhz yolda hərəkət edən piyadaların vurulması ilə nəticələnir. Səkilərin zəbt edilməsi ilə bağlı problemə dəfələrlə toxunulmasına baxmayaraq, bu problem nəinki həllini tapmır, daha da genişlənir.

Problemi necə həlli etmək olar? Ümumiyyətlə, səkilərə hansı qurum nəzarət edir? Məsələ ilə bağlı Bakı Şəhər İcra Hakimiyyətindən “Cebheinfo.az”-a bildirilib ki, bununla bağlı digər qurumlara müraciət etmək lazımdır. Yəni səkilərlə bağlı vəziyyətə Azərbaycan Yerüstü Nəqliyyat Agentliyi (AYNA), yerli icra hakimiyyətləri nəzarət edir.

Azərbaycan Yerüstü Nəqliyyat Agentliyinə müraciət etdikdə isə bildirilib ki, bu, Prezident İlham Əliyevin sərəncamı ilə təsdiqlənən “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramı”nda öz əksini tapıb.

Sənəddə göstərilir ki, Bakı şəhərində piyadaların maneəsiz hərəkətinin təmin edilməsi məqsədilə küçə və prospektlər üzrə səkilərin mövcud vəziyyətinin araşdırılması, normativ sənədlərin tələblərinə uyğun səkilərin (panduslarla birgə) inşası, o cümlədən mövcud səki hissələrinin zəbt edilməsi hallarının qarşısının alınması üçün zəruri tədbirlər görülməlidir.

Dövlət Proqramına əsasən, Bakı Şəhər İcra Hakimiyyəti (BŞİH), Rəqəmsal İnkişaf və Nəqliyyat Nazirliyi (RİNN), Maliyyə Nazirliyi (MN), Əmək və Əhalinin Sosial Müdafəsi Nazirliyi (ƏƏSMN), Daxili İşlər Nazirliyi (DİN), Dövlət Şəhərsalma və Arxitektura Komitəsi (DŞAK), Azərbaycan Avtomobil Yolları Dövlət Agentliyi (AAYDA), NƏŞ birlikdə 2025-2026-cı illərdə Tədbirlər Planının icrasını təmin etməlidir. Görünən odur ki, səkilərlə bağlı problem hələ də davam edir. Məsələnin Dövlət Proqramında əksini tapmasına baxmayaraq, burada adıçəkilən qurumların nə mövcud problemdən, nə də Dövlət Proqramı ilə üzərlərinə düşən vəzifədən xəbəri var.

“Azərenerji” ASC sədrinin oğlu Fuad Rzayev Bakı şəhəri, Xəzər rayonu, Mərdəkan qəsəbəsi,Mərdəkan prospekti, giriş 156 ünvanda yeni ticarət obyekti inşa edir...
Fuad Rzayevə qeyri-yaşayış binasının tikintisi üçün icazə bu gün, 17.02.2025-ci ildə verilib. Ticarət obyektinin yerləşəcəyi bina yaşayış məntəqələri torpaqlarında inşa ediləcək. Torpağın ümumi sahəsi 1068.44 m2, tikinti sahəsi isə 419.05 m2 olacaq. Ticarət obyekti 2 mərtəbədən və zirzəmidən ibarət olacaq.

Məlumat üçün bildirək ki, “Azərenerji” ASC sədri Baba Rzayev ölkədə geniş biznes şəbəkəsinə sahib olan və bu statusunu qoruya bilən çox az məmurlardan biri hesab olunur. Baba Rzayevin oğlu və digər ailə üzvləri ölkədə geniş biznes fəaliyyəti ilə məşğuldurlar.
Yerli mətbuatın yazdığına görə “GBS” (“General Boards System”) QSC (VÖEN -1500855231) adlı şirkət Baba Rzayevin oğlu və qardaşı – Fuad Rzayev və Emin Rzayev tərəfindən 2003-cü ildə təsis edilib. Şirkət elektrik avadanlıqları istehsalı ilə məşğuldur.
“GBS” QSC-nin yerləşdiyi hüquqi ünvanda – Nərimanov rayonu, Ziya Bünyadov, ev 2071-ci məhəllədə “Azərenerji” ASC-nin prezienti Balababa (Baba) Rzayevin ailə üzvlərinə məxsus şirkətlər yerləşir.
Belə şirkətlərdən biri də 1 mart 2016-cı il tarixində dövlət qeydiyyatına alınan “Zirə Aqropark” MMC-dir (VÖEN – 1503134451). Bu şirkətin qanuni təmsilçisi Baba Rzayevin kürəkəni Fərid Fərhadzadə olub.
Fərid Fərhadzadə Fövqəladə Hallar Nazirliyi yanında Kiçikhəcmli Gəmilərə Nəzarət və Sularda Xilasetmə Dövlət Xidmətinin rəisi olan general-mayor Rüfət Fərhadovun oğludur. Baba Rzayevin kürəkəni mətbuatda “Göknur Bakı Ltd” MMC-nin (VÖEN – 1500023181) müdiri kimi təqdim olunur. Bu şirkətin qanuni təmsilçisi isə Baba Rzayevin qardaşı Rahib Rzayevdir.
“GBS” QSC-yə məxsus obyektlər də Zirədəki zeytun zavodu ilə eyni ərazidədir. Həmçinin “GBS” adı ilə başlayan başqa bir şirkətə – “GBS Constrasion Electro Mechanical Systems” MMC-yə (VÖEN – 1501472741 ) Baba Rzayevin digər qardaşı Emin Rzayev rəhbərlik edir.
2018-ci ildə Ziya Bünyadov, ev 2071-ci məhəllədə “Electro Service” QSC (VÖEN – 1504224741) adlı daha bir şirkət qeydiyyata alınıb. Hazırda hüquqi ünvanı Nərimanov rayonu Heydər Əliyev pr., ev 187B-də yerləşən QSC-nin qanuni təmsilçisi Babayev Tural Əli oğludur.
Ölkənin aparıcı şirkətlərindən biri olan “Santral Elektrik LTD” MMC-nin (VÖEN – 1500023051) yerləşdiyi ünvan kimi də Ziya Bünyadov, ev 2071-ci məhəllə göstərilib. Bu şirkətin qanuni təmsilçisi isə Baba Rzayevin qaynı Həsənov İlham Ağaməsim oğludur.
Son iki ildə aparılan araşdırmalar üzə çıxarıb ki, Baba Rzayevin ailəsi enerji ixracından külli miqdarda qazanıb. Bu biznesə “Azərenerji”nin keçmiş prezidenti Etibar Pirverdiyevin ailə üzvləri, həmçinin indiki prezidenti Balababa Rzayevin öz ailə üzvləri - kürəkəni və oğlu daxildir. Musavat.com saytı ötən ilin noyabr ayında yazıb ki, Gürcüstanda Azərbaycandan enerji ixracını inhisarda saxlayan E.Pirverdiyevin ailə üzvlərinin və Baba Razeyin oğlunun çoxsaylı ortaq biznesləri fəaliyyət göstərir. Məhz həmin şəxsin nəzarətində olan şirkətlər Azərbaycandan enerjini alaraq Türkiyəyə sataraq yüz milyonlarla dollar gəlir əldə edilibb.
Əvəzində B.Rzayevin oğlu Fuad Rzayevin Gürcüstandakı biznes fəaliyyətinə əlverişli şərtlər təmin olunub. O, qonşu ölkədə elektrik avadanlıqlarının idxalından tutmuş daşınmaz əmlak sahəsinə qədər çoxsaylı sahələrdə çalışan şirkətlərin yaradıcısı, yaxud payçısına çevrilib.(poliqon)

Bakıdakı “Rus Evi”-nin bağlanması və Azərbaycan-Rusiya münasibətlərində məlum səbəblərdən yaranan gərginlik fonunda mediamızda Azərbaycandakı Rusiya şəbəkəsinə dair məlumatlar yayımlandı. Həmin məlumatlarda qeyd edilirdi ki, çox yüksək ranqlı məmurlardan ibarət olan şəbəkə üzvləri vaxtilə Bakı ətrafındakı yaşayış məntəqələrindən birində, bağda yığışaraq, yeyib-içmək məclisləri təşkil edib, toplantılar keçiriblər.

Yenixeber.org: Hətta şəbəkənin Moskvadan təyin olunmuş və tez-tez ölkəmizə gələn kəşfiyyat nümayəndəsi vasitəsilə idarə olunduğu da qeyd edilib. Şəbəkəyə Prezident Administrasiyasının keçmiş rəhbəri Ramiz Mehdiyevin rəhbərlik etdiyi, onun üzvləri arasında sabiq nazirlər Əbülfəz Qarayev, Azad Rəhimov, Elmar Məmmədyarov və keçmiş milli təhlükəsizlik naziri Eldar Mahmudovun olduğu iddia edilir.


Bu məlumatın ətrafında yaşanan müzakirələrdə önə çəkilən faktorlardan biri sözügedən şəbəkənin yalnız yuxarıda adı keçən şəxslərlə məhdudlaşmaması, daha geniş tərkibdə olmasıdır. Onun tərkibində Baş nazirin müavini Yaqub Eyyubov başda olmaqla, bir çox iri ranqlı məmurların və deputatların olduğu iddia edilir. Təbii ki, bu iddialar əsassız və məntiqsiz sayıla bilməz. Bəziləri hətta siyahıda yalnız Ramiz Mehdiyev və bir neçə sabiq nazirin adının çəkilməsini hazırda vəzifədə olan və olmayan digər şəbəkə üzvlərinin diqqətdən kənarda saxlanmasına, yayındırılmasına xidmət etdiyini iddia edirlər. Əslində, bu iddia da məntiqsiz görünmür

Hazırda vəzifədə olan, yaxud sabiq yüksək ranqlı məmurların Rusiya şəbəkəsilə əlaqələrini şərtləndirən əsas göstəricilərdən biri bu şəxslərin təkcə Rusiya elitasındakı siyasi və digər əlaqələri, Kremlin onları mükafatlandırması, orden-medal verməsi və s. deyil, həm də onların Rusiyada iri bizneslərinin, iqtisadi maraqlarının olmasıdır.

Bu baxımdan diqqət cəlb edən şəxslərdən biri də Azərbaycan parlamentinin sabiq sədri Oqtay Əsədovdur. Onun da zaman-zaman Rusiya ilə əlaqələrinə dair mediada müxtəlif iddialar yer alıb. Həmçinin, O.Əsədovun sabiq MTN naziri Eldar Mahmudovla sıx əlaəqdə olduğu, hətta onun şəxsi agentlərindən biri olduğu barədə iddialar var.


Qeyd edək ki, məhz Mahmudovun “vurulmasından” sonra Əsədovun da ulduzu sönməyə başladı və qısa müddət sonra onun da siyasi karyerası sona çatdı. Oqtay Əsədov 2005-ci il dekabrın 2-dən 2020-ci il martın 10-dək (təxminən 15 il) Milli Məclisin sədri vəzifəsini tutub. 2000-ci ildə keçirilən növbədənkənar parlament seçkisin deputat mandatı qazansa da, sədr postuna seçilməyib.

Oqtay Əsədov Yeni Azərbaycan Partiyasının 5 mart 2021-ci il tarixində keçrilən növbədənkənar VII qurultayında İdarə Heyətinə də düşməyib. Həmçinin 1 sentyabr 2024-cü il tarixli növbədənkənar parlament seçkilərində hakim partiya tərəfindən namizədliyi irəli sürülməyib.

Lakin Əsədov Azərbaycanın siyasi elitasından uzaqlaşdırılsa da, böyük biznesləri, xüsusilə də Rusiyadakı biznesi, iqtisadi maraqları qalmaqdadır. Məlum olduğu kimi, Rusiyada Oqtay Əsədovun xanımı Zemfira Əsədovanın adına “Arizarum Qrup” adlı şirkət var. 3 il əvvəl mətbuatda gedən məlumatlardan aydın oldu ki, Zemfira Əsədova həm də Moskvanın Bakı küçəsində yerləşən striptiz kluba sahibdir. Hətta Moskva polisinin “Kapriz” adlı həmin klubda narkotik alverinə qarşı xüsusi əməliyyat keçirdiyi də bildirildi. Bu klub Z.Əsədovanın adına olan “Arizarum Qrup”-un balansında olub.


Rəsmi mənbələrdə Rusiyada fəaliyyət göstərən "Arizarum Qrup” şirkətinin (ООО "АРИЗАРУМ ГРУПП" – 7705176856) təkcə 2023-cü ildə əldə etdiyi gəlir 14 milyon 270 min rubl (260 min manat) göstərilir. Təbii ki, Rusiyadakı Azərbaycandan heç də geri qalmayan iqtisadi mühiti, korrupsiyalaşma səviyyəsini nəzərə alsaq, rəsmi gəlirlər real gəlirlərdən dəfələrlə az göstərilə bilər. Bu baxımdan təbii ki, Əsədovun Rusiyadakı iqtisadi maraqları, mülkiyyəti və gəlirləri rəsmi rəqəmlərdə qeyd olunanlardan qat-qat artıq ola bilər.


Ya da olsun hazırkı Baş nazirin müavini Yaqub Eyyubov. Hələ 2014-cü ildə onun Azərbaycan-Rusiya Hökumətlərarası İqtisadi Əməkdaşlıq Komissiyasının Bakıda keçirilən iclasındakı çıxışını xatırladaq: “Yeni sanksiyalar Rusiyanı sındıra bilməyəcək, əksinə, onu möhkəmləndirəcək… Heç kim Rusiyanı sındıra bilməz, o, heç vaxt diz çökməyəcək, əksinə, sanksiyalar onu daha da möhkəmləndirəcək”.


Bunu hansısa rəsmi Kreml təbliğatçısı yox, 25 ildir Azərbaycanın Baş nazirinin müavini vəzifəsini tutan şəxs deyir. Bununla yanaşı, Eyyubovun bir çox dünya ölkələrində, o cümlədən Rusiyada biznesi və iqtisadi maraqlarının olması barədə mediada məlumatlar dərc edilib. Rusiyanın “Proyekt” nəşri Rusiya Xarici Kəşfiyyat Xidmətinin direktoru Serqey Narışkinin Yaqub Eyyubovla şəxsi əlaqələrinə dair araşdırma da dərc edib. Həmin materialda Narışkinin Eyyubovun Moskvada iri biznesi olan qudası - iş adamı Elman Bayramovla dostluq münasibətindən söz açılır…


Ümumiyyətlə, bir iri Azərbaycan məmurunun, hətta parlament sədri kimi yüksək strateji post tutan şəxsin xarici ölkədə, xüsusilə də Rusiya kimi bir ölkədə böyük biznesə sahib olması normal dövlətin təhlükəsizliyi üçün qəbuledilməzdir, nonsensdir. Məsələn, təsəvvür etmək olarmı ki, Türkiyə parlamentinin sədrinin Fransada, yaxud Yunanıstanda böyük biznesi olsun? Əlbəttə ki, yox!

Ancaq təəssüf ki, Azərbaycan reallıqları, Eldar Mahmudov kimisinin zamanında ölkəmizin milli təhlükəsizliyinə rəhbərlik etməsi fonunda bu cür anormal faktlar adi hal alıb.

Bir sözlə, ölkəmizdəki Rusiya şəbəkəsi, rus yumşaq gücü, təsir agenturası və s. əlbəttə ki, bir Ramiz Mehdiyev və bir neçə sabiq nazirlə məhdudlaşmır.


Onu da qeyd edək ki, elə indinin özündə də nəinki sabiq, hətta hazırda vəzifədə olan və Rusiyada böyük bizneslərə malik çoxlu sayda məmur və depuatat olmamış deyil. Bu isə həmin şəxsləri avtomatik olaraq Rusiya xüsusi xidmət orqanlarının “yeminə” və Azərbaycandakı Rusiya şəbəkəsinin potensial üzvünə çevirir. Onların Rusiyadakı iqtisadi maraqları və digər əlaqələrinə son qoyulmayınca, bu təhlükə qalacaq…(Azpolitika)

C.Məmmədov

“Gədəbəy Mineral Suları” MMC-nin dövlətə külli miqdarda vergi borcu üzə çıxıb.

32gun.az-ın əldə etdiyi məlumata görə sözügedən MMC-nin hazırki vergi borcu 7.6 milyon manatdan çoxdur (7663266.39 AZN).

Bildirək ki, nizamnamə kapitalı 100 AZN olan “Gədəbəy Mineral Suları” MMC-nin qanuni təmsilçisi Ramil Fərzəliyev Calal Oğludur.

Gədəbəy Mineral Suları MMC-nin baş direktoru Adil Haqverdiyevdir.

Qeyd edək ki, şirkətlə bağlı məlumatda “2004-cu ildə təsis edilmiş “Gədəbəy Mineral Suları” şirkəti Gədəbəy dağlarının təbii bulaqlarından əldə olunan suyun istehsalı və satışı ilə məşğul olur. İlk dəfə Slavyanka kəndində yerləşən “Novlu” bulağın suyu “Gədəbəy” və “Slavyanka” markaları ilə istehlakçılara təqdim olunub, daha sonra digər bulaqlardan istifadə edilməyə başlanılıb” deyə bildirilib.

Metronun Qara Qarayev stansiyasının yaxınlığında sakinlər ilə MTK razılığa gələ bilmirlər.

Tribunainfo.az xəbər verr ki, söhbət paytaxtın Nizami rayonu, Kamil Balakişiyev küçəsindən gedir.

Ümumilikdə binada 100-dən artıq ailə yaşayır. Onların əksəriyyəti ilə razılıq əldə edilsə də, 15-ə yaxın əmlak sahibi istəklərinin təmin edilmədiyini bildirir.

Məlum olduki, həmin ərazidə 4 küçənin kəsişməsində “Orbita” MTK, 7 ədəd, 15 mərtəbəli yaşayış binasını tikilir.

Şirkətin tikinti direktoru Qulu Cəfərov bildirdi i, artıq 32 ailə köçürülüb, 80-a yaxın ailə ilə razılıq əldə edilsə də, 15 ailəni razı sala bilmirlər. O hazırda bu istiqamətdə işin getdiyini bildirdi.

Qulu Cəfərov sakinlər ola-ola binanın sökülməsi məsələsinə də aydınlıq gətirdi.

"Elm və təhsil naziri Emin Əmrullayevin təhsillə heç bir əlaqəsi olmayan adamlara yüksək vəzifələr paylaması barədə yazım geniş rezonansa səbəb oldu. İki faktı yazmışdım: E. Əmrullayev Məktəbəqədər və Ümumtəhsil üzrə Dövlət Agentliyində ümumtəhsil şöbəsinin müdiri vəzifəsinə (sonra Agentliyin rəhbərinin müavini oldu) "Azərşəkər" MMC də satış meneceri işləmiş Arslan Hacıyevi, Ümumtəhsil siyasəti şöbəsinə isə Bakı Beynəlxalq Dəniz Ticarət Limanının əməkdaşı olmuş Çapay Məmmədovu təyin edib".

Mia.az-ın məlumatlına görə, bu sözləri sabiq deputat, tanınmış ekspert Etibar Əliyev sosial media səhifəsində yazıb.

Sabiq deputat deyir ki, bu, hələ harasıdır:

"Təyinat məsələlərində şəkər varsa, onda araq və çay niyə olmasın? Emin Əmrullayev Elm və təhsil nazirliyində təhsilin iqtisadiyyatı şöbəsinə müdir vəzifəsinə təyin etdiyi İlqar Bayramlı Ağsu rayonunda "Azgranata" MMC-də Maliyyə departamentinin direktoru vəzifəsində işləyib. Bəs bunlar ağzıdolusu təhsilin iqtisadiyyatından danışanda inanmırdınız ki, "Azgranata” nəzərdə tutulur?

Təhsil institutuna direktor müavini təyin olunan Kənan Kərimli "Astaraçay" MMC-də şöbə müdiri vəzifəsində işləyib.

Təhsil İnstitunda Qiymətləndirmə, Təhlil və Monitorinq Mərkəzinə dirktor təyin olunan İbrahim Baxışlı "Azgranata" MMC-də Proqnozlaşdırma və təhlil şöbəsinin müdiri vəzifəsindən təhsil sisteminə adlayıb.

Riyaziyyatçı - alim, mərhum Bayram Heydərov min bir əziyyətlə, sağlamlığını qurban verərək mükəmməl təhsil müəssisəsi olan “Zəngi” liseyini yaratmışdı. Bayram Heydərov vəfat etdikdən sonra Əmrullayev bilərəkdən həmin liseydə təhsil mühitini dağıtmaq üçün ora qrant layihələrində ortağı olan Almaz adlı bir qadını təyin etdirdi. Və məqsədlərinə çatdılar. İndi həmin liseyin adı heç yerdə çəkilmir…".

Sabiq deputatın bu iddialarına Elm və Təhsil Nazirliyinin mövqeyni əlavə etməyə hazırıq .

Azərbaycan Demokrat Partiyasının (ADP) sədri Sərdar Cəlaloğlu Reaksiya TV-də çıxışında olduqca maraqlı və sensasion sayıla bilən iddialarla çıxış edib.
O, Bakıda fəaliyyət göstərən “Rus evi”nin bu yaxınlarda bağlanması məsələsinə toxunub. O cümlədən, rus dilində təhsilin Azərbaycana ciddi təhlükə yaratdığını bildirib.

Sərdar Cəlaloğlu aktyor Bəhram Bağırzadə barədə də danışıb. Onun sözlərinə görə, Bəhram Bağırzadə Azərbaycanda rus dilində təhsilin müdafiəçisi kimi çıxış edir. Sərdar Cəlaloğlu aktyorun bu mövqeyini sərt dillə tənqid etməklə yanaşı, Bəhram Bağırzadəni Rusiyanın “təsir agenti” adlandırıb.

Daha ətraflı videoda:

Ölkədə bələdiyyələrin fəaliyyəti elə də ürəkaçan deyil. Zaman-zaman bu orqanların təsir mexanizmlərinin sıfıra bərabər olduğu bildirilir, hətta ləğv edilməsi istiqamətində fikirlər səsləndirilir. Qeyd olunur ki, bu gün bələdiyyələr icra başçısının icazəsi olmadan heç nə etmirlər.

Digər tərəfdən dünən Mərkəzi Seçki Komissiyası (MSK) bələdiyyə seçkilərinin yekunları ilə bağlı qərar qəbul edib. Yeni dövrə ümid edənlər də var, vəziyyətin dəyişməyəcəyini düşünənlər də…

Bələdiyyələrlə bağlı hansı dəyişikliklər edilməlidir? Növbəti mərhələ necə olacaq?

Globalinfo.az-a danışan REAL partiyasının sədri Natiq Cəfərli deyib ki, yerli özünüidarəetmə oqranlarının, bələdiyyələrin səlahiyyətləri və məsuliyyəti artırılmalıdır:

“Bunun yeganə yolu icra hakimiyyəti institutunun ləğvi, bütün səaliyyətlərin bələdiyyələrə ötürülməsidir. Bu baş verməsə, bələdiyyə arabanın beşinci təkəri kimi qalacaq. Ona görə də ümid edirik ki, yaxın zamanlarda Konstitusiya dəyişiklikləri yolu ilə Azərbaycanda yerli özünüidarətmə orqanlarının güclənməsinin şahidi olacağıq”.

Deputat Naqif Həmzəyev isə bildirib ki, xarici dövlətlərlə müqayisədə ölkəmizdə bələdiyyələrin sayı çoxdur:

“Sonuncu seçkilərdə əldə edilmiş say onu deməyə imkan verir ki, növbəti dönəm üçün bələdiyyələrin fəaliyyətində böyük dönüşün şahidi olacağıq. Bilirsiniz, bələdiyyə üzvləri də təsdiqləndi, yəqin yaxın günlərdə sədr və müavinlərin seçimlərini, həm gənclərin, həm də xanımların rəhbər vəzifədə təmsil olunmasını görəcəyik. Bələdiyyələrin qarşısında duran bir çox problemli məsələlər var. Ümid edirəm, onların həllinə bu dönəmdə nail ola biləcəyik. Xüsusilə növbəti illərdə bələdiyyələrə verilən səlahiyyətlərin düzgün istifadəsi mümkün olacaq. Həmçinin inanırıq ki, mövcud boşluqların dolması, vətəndaşlar və bələdiyyələr arasında koordinasiyalı fəaliyyət mümkün olacaq. Bələdiyyə universitetləri, avtobusları kimi bir çox məsələlərin hələ də həyata keçirilmədiyini görürük. Bu sahədə yeni yanaşmalar vacibdir”.