Çox uzaq yox, elə keçən ilin noyabr ayının 7-də açılışı baş tutan Çex Respublikasının paytaxtı Praqa şəhərindəki "Azərbaycan Evi" ilə bağlı ilginc iddialar səsləndirilib. "DİA-AZ" xəbər verir ki, səslənən iddialar oldquca ilginc mənzərəni ortaya çıxarır və eyni zamanda gərəkən dövlət qurumlarımızın təcili müdaxiləsini zəruri edir. İddialardan belə aydın olur ki, adı "Azərbaycan Evi" olan bu qurum əslində Rusiyanın xüsusi xidmət orqanlarına bağldır.

Amma fakt budur ki, sözügedən təsisat rəsmən Azərbaycan dövlətinə aiddir. Lakin iddialar belə zəmin yaradır ki, açılışı da köhnə Böyük Oktyabr Sosialist İnqilabının (BOSİ) ildönümünə (7 noyabr) təsadüf edən bu "Azəırbaycan Evi"ndə təsadüfi işlər yox, qaranlıq oyunlar həyata keçirlir.

Qeyd edək ki, bu vaxta qədər Azərbaycanın Diasporla İş üzrə Dövlət Komitəsi tərəfindən dünyanın 17 ölkəsində Azərbaycan Evi açılıb və Praqdakı ünvan da onlardan biridir. Amma səslənən iddialardan belə aydın olur ki, sən demə, altında rəsmi Azərbaycan dövlətinin imzası olan və açılışnda Çexiyada yaşayan soydaşlarımızla yanaşı, yerli ictimaiyyətin nümayəndələri, diplomatik korpusların təmsilçilərinin də iştirak etdiyi və səfirimiz Adış Məmmədovla yanaşı Diasporla İş üzrə Dövlət Komitəsini sədri Fuad Muradovun da ağız dolusu tərif etdiyi Çexiyadakı "Azərbaycan Evi" hal hazırda qeyd olunan məram və məqsədə xidmət etmir.


"DİA-AZ" olaraq hazırda Çexiyada yaşayan Zamiq Məmmədli adlı ictimai fəalın iddialarını təqdim edir və eyni zamanda bu məsələ ilə bağlı aidiyyatı dairələrin gərəkən izahatı verəcəyinə ümid edirik.

Beləliklə, Z.Məmmədli bildirir:

"Praqada “Azərbaycan Evi” yoxsa Rusiya agentura şəbəkəsi?

Azərbaycan vergiödəyicilərinin pulu ilə Praqada “Azərbaycan Mədəniyyət Evi” (“Ázerbájdžánsky kulturní dům”) adlı, Çexiyada rəsmi qeydiyyatı olmayan qondarma propaganda mərkəzi açılıb. Lakin ora Çexiyada yaşayan rusların görüş yerinə çevrilib.

Leyla Begim (Cəfərova) adlı Çexiyada daşınmaz əmlak, maklerlik şirkətinin (Natavan Society LTD) rəsmi sahibi olan qadın da rəhbər təyin edilib.
Maliyyə birbaşa bu əmlak şirkəti vasitəsi ilə ötürülür.

Çexiyada yaşayan azərbaycanlılara bir faydası olmayan bu landromatda “rus gecələri” təşkil edilir.

Ministerstvo vnitra Národní bezpečnostní úřad Bezpečnostní informační služba (Çexiya Daxili İşlər Nazirliyi və Təhlükəsizlik İnformasiya Xidməti ) yəqin ki, yaxın vaxtlarda bu casus yuvasını araşdıracaq.

Azərbaycan hökuməti casusluqda ittiham edib bağladığı Bakıdakı “Rus Evi” Русский дом в Баку ilə praktiki olaraq, analoji mərkəzə çevrilməkdə olan Praqadakı “Ázerbájdžánsky kulturní dům” haqqında nə düşünür görəsən?

Azərbaycan dövlət büdcəsindən, vətəndaşların vergiləri, amansız cərimələri ilə xaricdə Kremlin casus şəbəbəkəsinimi maliyyələşdirir? Azərbaycan Respublikasının Diasporla İş üzrə Dövlət Komitəsinə müraciət edirəm: cavab verin! Suallar çoxdur…"

Məsələ diqqətimizdədir...

Naxçıvanda ticarət obyektlərinin sahibləri bundan sonra “oğurluğun qarşısını almaq” xidməti üçün polisə aylıq ödəniş etməli olacaqlar. Sahibkarların bildirdiyinə görə, bu məcburi xidmət üçün onlardan aylıq 200 manat tələb olunur. Bundan əlavə, obyekt sahibləri öz hesablarına siqnalizasiya quraşdırmalıdırlar ki, oğurluq zamanı polis bundan xəbər tuta bilsin.
Sahibkarların “Gündəlik Naxçıvan”a verdiyi məlumata görə, artıq bu barədə onlara rəsmi xəbərdarlıq olunub.
Bundan əvvəl isə sahibkarlar yanğından mühafizə adı altında quraşdırılmış siqnalizasiya üçün FHN-ə 500 manat ödəməyə məcbur olmuşdular.
Sahibkarlardan V. Mahmudov bildirir ki, bu xidmətdən imtina edənlər həbslə hədələnir:
"Deyirlər ki, hər hansı təhlükə və ya oğurluq baş verdikdə siqnalizasiya işə düşəcək və dərhal mərkəzə məlumat ötürüləcək. Bu zaman polis hadisəyə müdaxilə edəcək. Gözəl təşəbbüsdür, amma bu, onların vəzifə borcudur. Lakin bizdən bu xidmət üçün aylıq pul – nə az, nə çox, düz 200 manat tələb olunur. İmtina etmək mümkün deyil. Bir söz deyirsən, cavab verirlər ki, 'Aparıb basarıq içəri'. Onsuz da sahə müvəkkili və FHN əməkdaşları hər ay gəlib öz 'taslarını' yığıb gedirlər. Ara-sıra abadlaşdırmaya da pul veririk. Vergi də öz yerində. Vergini ödəməklə yanaşı, ildə bir-iki dəfə müxtəlif adlarla bizdən əlavə pul yığırlar. Belə olmaz! Biz nə qazanırıq ki, bu qədər də pul ödəyək? Dükana gələn gəlir sadəcə öz xərclərimizə və borclarımızın ödənilməsinə güclə çatır. Hamımızın banklara borcu var.”
Digər sahibkar C. Cabbarov da sahə müvəkkilinin onu hədələdiyini bildirir:
"Şəhərdə 40 kvadratmetrlik dükanım var. İmkan vermirlər işləyək. Hər gün yeni bir qayda çıxarıb sahibkarları soymaqla məşğuldurlar. Sahə müvəkkili gəlib xəbərdarlıq etdi ki, ‘Mütləq təhlükəsizlik üçün siqnalizasiya qoyulmalıdır. Polis mağazanın təhlükəsizliyini təmin edəcək və siz hər ay 200 manat ödəyəcəksiniz.’ Etiraz etdim, cavab verdi ki, 'Sonrası pis olar sənin üçün.' Razılaşmayanda sahibkarlara dərhal problem yaradılır. Ona görə də məcbur razılaşdım. Əvvəllər sahə müvəkkilinə 20-30 manat verib yola salırdıq. İndi siqnalizasiya quraşdırıldıqdan sonra hər ay əlavə 200 manat da verməli olacağam.”

"Lisenziya olmadan özəl tibbi fəaliyyətlə və ya əczaçılıqla məşğul olma hallarına görə İnzibatı Xətalar Məcəlləsinə əsasən cərimələr tətbiq olunur. Lisenziya olmadan özəl tibbi fəaliyyətlə və ya əczaçılıqla məşğul olmağa görə fiziki şəxslərin 2 min manatdan 3 min manata qədər, vəzifəli şəxslərin 5 min manatdan 10 min manata qədər, hüquqi şəxslərin 20 min manatdan 30 min manata qədər cərimə edilməsini nəzərdə tutur". Bu barədə Sputnik Azərbaycan-ın sorğusuna Səhiyyə Nazirliyinin Analitik Ekspertiza Mərkəzindən verilmiş cavabda bildirilib.
Qeyd edək ki, bəzi plastik cərrahların lisenziyasının ləğv olunmasından sonra stomatologiya sahəsində də qanunsuz fəaliyyət göstərənlərin olduğu barədə məlumatlar yayılır. Hətta bu tip şikayətləri edənlərin çoxu elə stomatoloqlardır. Onlar bildirir ki, dəfələrlə diplomsuz diş həkimləri tərəfindən zərərçəkmiş şəxslər müəyyən ağırlaşmalarla onlara müracət edirlər.
Diş texniklərinin diş həkimi işləməsinijn qarşısı alımalıdır!
Uzun illər Türkiyədə çalışmış stomatoloq Fuad Nağızadə öz sosial şəbəkə hesabında saxta stomatoloqlar barədə paylaşım edib. Həkim bildirib ki, diş həkimliyi təhsili olmayan və ya diş texnikliyini oxuyub "diş həkimi"kimi işləyənlərin qarşısı qəti sürətdə alınmalıdır.
F.Nağızadə Sputnik Azərbaycan-a müsahibəsində bildirib ki, bu gün şou biznesdə məşhurların bir çoxunun dişlərini düzəldən həkimlərin diplomu yoxdur. Həkim bildirib ki, saxta həkim fəaliyyəti göstərən şəxslər Türkiyədə həbs olunur və onların işlədiyi yer bağlanır.
"Diş texnikləri işin görünən tərəfini bilirlər. Onlar insan anatomiyasını və fiziologiyasını bilmirlər. Böyrək çatışmazlığı xəstəsi diş müalicəsi üçün müraciət etdikdə onu öz nefroloquna yönləndirib konsultasiya alınmalıdır. Çünki, həkim iki gün əvvəldən xəstəyə antibiotik təyin edir. Şəkər xəstələrinə implant qoymazdan öncə xəstənin analizlərinin cavablarına baxılmalıdır. Əgər 3 aylıq qan şəkər ortalaması 7-dən yüksəkdirsə, belə şəxslərə implant əks göstəriş ola bilər. Ona görə pasiyent endokrinoloquna yönləndirilib ilk növbədə şəkəri normaya salınmalıdır. Bəzi texniklər kanal müalicəsi etmədən ştift qoyurlar. Amma halbuki, dişin tac hissəsi olmadıqda ştift qoymazdan əvvəl kanal müalicəsi aparılmalıdır. Nəticədə pasiyentlər ağırlaşmalarla bizə üz tuturlar", - deyə F.Nağızadə bildirib.

Müsahibimiz deyir ki, stomatoloq kimi fəaliyyət göstərən şəxslərin bütün xəstəliklərdən xəbəri olmalıdır və müayinədən öncə mütləq bütün xəstələrdən anamnez (yəni xəstəlik tarixi və özü haqqında ümumi məlumat) alınmalıdır. Ona uyğun müalicə edilib edilməyəcəyi və ya istifadə olunacaq dərmanlar təyin olunmalıdır.

Saxta stomatoloqların siyahısı
Qeyd edək ki, *instaqram sosial şəbəkəsində hətta "saxta_stomatoloq1" adlı səhifədə çoxlu sayda stomatoloqun "saxta" olduğu barədə guya ifşaedici məlumatlar da dərc edilib.
Onları hansı cəza gözləyir?
Səhiyyə Nazirliyi Analitik Ekspertiza Mərkəzindən isə bildirilib ki, qanunvericiliklə müəyyən edilmiş qaydada verilən diplom və ya xüsusi icazə olmadan xalq təbabəti ilə məşğul olan şəxsləri isə 400 manatdan 600 manatadək maliyyə sanksiyası gözləyir:
""Özəl tibb fəaliyyəti haqqında" Azərbaycan Respublikasının Qanununa uyğun olaraq, qanunvericiliklə müəyyən olunan qaydada hüquqi şəxs yaratmaqla özəl tibb fəaliyyəti, həmçinin, ali tibb təhsili olan (ixtisasca həkim-stomatoloq) şəxslər tərəfindən hüquqi şəxs yaratmadan, fiziki şəxs olaraq, qanunvericiliklə müəyyən olunan qaydada özəl tibbi praktika üzrə fəaliyyət həyata keçirilə bilər. Stomatoloji ixtisas üzrə terapevtik stomatoloji, ortopedik stomatoloji, ortodontik stomatoloji, cərrahi stomatoloji və diş texniki üzrə lisenziya tələb olunduğundan, uyğun işlər üzrə tibbi praktiki fəaliyyət dövlət sertifikasiya şəhadətnaməsi və lisenziya əsasında həyata keçirilə bilər. Cərrahi stomatoloji iş üzrə lisenziya icazəsi olmayan şəxslər dişlərin çəkilməsi, ağız boşluğuna uyğun implantların yeridilməsi kimi əməliyyatları icra edə bilməz. Diplomsuz və ya diplomu təsdiq edilməyən stomatoloqların fəaliyyət göstərməsi ilə bağlı vətəndaş şikayətləri və yerli dövlət özünüidarəetmə orqanları tərəfindən daxil olan müraciətlər əsasında aidiyyəti sahibkar subyektlərində qanunvericiliklə müəyyən olunan qaydada xidməti yoxlamalar keçirilir. Keçirilən yoxlamalar zamanı sahibkar subyektlərində aşkar edilən qanunsuz tibbi praktiki fəaliyyət ilə məşğul olma faktı İnzibati Xəta Məcəlləsinin müvafiq maddələri ilə inzibati qaydada tənbeh olunur".
Diş həkiminə gedəndə diplomunu tələb edin!
Qurumdan bildirilib ki, mövcud stomatoloq fəaliyyəti ilə məşğul olan şəxslərin heç də hamısı, dövlət qeydiyyatından keçməyiblər və yaxud onların sənədləri uyğun olmadığı üçün Dövlət Səhiyyə Sistemi tərəfindən qəbul olunmur:
"Lakin buna baxmayaraq, qeyri qanuni fəaliyyət göstərənlər var. Xüsusilə də regionlarda. Yuxarıda qeyd etdiyimiz kimi, vətəndaş şikayətləri və yerli dövlət özünüidarəetmə orqanları tərəfindən daxil olan müraciətlər əsasında, aidiyyəti sahibkar subyektlərində qanunvericiliklə müəyyən olunan qaydada xidməti yoxlamalar keçirilir və barələrində qanunamüvafiq tədbirlər görülür. Belə şəxslər ilkin olaraq hüquq-mühafizə orqanları tərəfindən aşkarlanır, daha sonra fəaliyyətlərinin tibbi olub-olmamasının müəyyənləşdirilməsi üçün bizə müraciət daxil olur. Bundan sonra məsələ ətraflı araşdırılaraq, barələrində tədbir görülür və növbəti icraata göndərilir".

Mərkəzdən o da bildirilib ki, hər bir vətəndaşın tibbi xidmət göstərən müəssisənin lisenziyası barədə, həmçinin də praktiki tibbi fəaliyyət ilə məşğul olan ixtisaslı həkim mütəxəssisin sertifikasiyası barədə müəssisə rəhbərindən məlumat əldə etmək hüququna malikdir. Sənəd tələb edilmədikdə aidiyyəti orqanlara – Səhiyyə Nazirliyinin müvafiq qurumlarına və hüquq mühafizə orqanlarına rəsmi müraciət edə bilər. Qurumdan o da bildirilib ki, zərər çəkən şəxslər mütləq qaydada hüquq- mühafizə orqanlarına müraciət edərək, məhkəmə tibbi ekspertizanın rəyini əldə etsinlər.
AEM-dən Sputnik-ə verilən məlumata görə, 2024-cü il ərzində vətəndaş şikayətləri, dövlət və yerli özünüidarə orqanları tərəfindən müraciət və KİV-də yayılan məlumatlar əsasında Səhiyyə Nazirliyi Analitik Ekspertiza Mərkəzi (AEM) tərəfindən planlı və plandankənar yoxlamalar aparılıb. Bu müddət ərzində AEM tərəfindən ölkənin 44 regionunda 163 planlı yoxlama keçirilib, nəticədə müxtəlif qanun pozuntuları aşkarlanıb və 55 protokol tərtib edilərək, növbəti icraata göndərilib. Eyni müddətdə ölkənin 29 regionunda 151 plandankənar yoxlama keçirilib, müxtəlif qanun pozuntularına görə 67 protokol tərtib edilərək, növbəti icraata göndərilib.
Xatırladaq ki, bu günlərdə plastik cərrahların praktik tibb fəaliyyəti ilə məşğul olmasına icazə verən sertifikat olmadan Azərbaycanda 10-a yaxın plastik cərrahın lisenziyası ləğv edildiyinə dair xəbərlər yayılıb.

TEREF poçtuna daxil olan şikayət məktubunu təqdim edir:
Göyçay rayonu 1-ci Ərəbcəbirli kənd sakini Vətən müharibəsi veteranı Hümbətov Bəhram Əzizağa oğlu tərəfindən

ŞİKAYƏT ƏRİZƏSİ

Bildirmək istəyirəm ki, mən Hümbətov Bəhram Əzizağa oğlu Vətən müharibəsi veteranıyam. Ötən il işsizliklə əlaqədar Göyçay Rayon İcra Hakimiyyəti yanında Şəhər Təsərrüfatı Birliyinə müraciət etmişdim. ŞTB-nın sədri Murtuz Salahov da öz növbəsində məni "İttutan" vəzifəsi ilə şərəfləndirmişdi. Belə ki, mən şəhəri gəzib-dolaşırdım, camaatın gözü önündə rastlaşdığım sahibsiz küçə itlərini qovub tutaraq köhnə avtomobilimin baqajına salırdım, sonra da həmin itləri dağlıq ərazidə yerləşən it sığınacağına buraxırdım. 44 günlük Vətən müharibəsində silah əlimdə düşmənin arxasınca onları iti qovan kimi qovalayan döyüşçü, indi gəlib Göyçayda bir tikə çörək naminə əlimdə zəncir sahibsiz itləri qovmaqla məşğul idim. Mənə tutduğum itlərin sayına görə pul verirdilər. Demək olar ki, 6 ay müddətinə sözügedən birlikdə qeyri-rəsmi eyni vəzifəni yerinə yetirdim, lakin təkidlə tələb etməyimə baxmayaraq mənimlə əmək müqaviləsi bağlamadılar. Doğrusu çox çarəsizəm, maddi dururum heç də yaxşı deyil. Çünki, yenicə ailə həyatı qurmuşam. Veteranlığa görə 80 (səksən) manat təqaüd alıram. Əlacsız şəkildə, onların mənə həvalə etdiyi "İttutan" işində çalışırdım. Beləliklə 6 ay müddətində əmək müqaviləsi olmadan işlədim. Sonra it sığınacağı ləğv olundu, bütün itlər yenidən şəhərə qaçdılar. Göyçay Şəhər Təsərrüfatı Birliyi isə mənə 170 (yüz yetmiş) manat borclu qaldı. Hər dəfə haqqımı tələb edirəm, müxtəlif bəhanələr gətirirlər. Hansıki, veteranların incidilməməsi, onlara köməklik göstərilməsi istiqamətində cənab Prezidentin göstərişi var.
Nəzərinizə çatdırım ki, Əmək Məcəlləsinin tələblərinə əsasən, işəgötürən tərəf əmək müqaviləsi bağlamadan işlətdiyi şəxsi sağlam və təhlükəsiz əmək şəraitininin təmin olunmasından, o cümlədən onu digər haqq və hüquqlarından məhrum etmiş sayılır. Həmçinin bu hal Vergi Məcəlləsinin də tələblərinin pozulması hesab edilir.
Azərbaycan Respublikası Konstitusiyasının 35-ci maddəsinin VI-ci bəndini (Hər kəsin təhlükəsiz və sağlam şəraitdə işləmək, heç bir ayrı-seçkilik qoyulmadan öz işinə görə dövlətin müəyyənləşdirdiyi minimum əmək haqqı miqdarından az olmayan haqq almaq hüququ vardır.) rəhbər tutaraq xahiş edirəm, şikayətimin obyektiv araşdırılmasına, haqqım olan 170 (yüz yetmiş) manatın mənə verilməsinə və mənim Göyçay Rayon İcra Hakimiyyəti yanında Şəhər Təsərrüfatı Birliyində rəsmi işlə təmin olunmağıma köməklik göstərəsiniz.

“Azəri Gold” şirkətinin tabeliyində olan “Daşkəsən Dəmir Filiz” MMC geoloji kəşfiyyat və ərazilərin öyrnilməsində istifadə etdiyi dronlardan birini itirib. Tribunainfo.az xəbər verir ki, bu barədə açıq mənbələrdə məlumat yayılıb.

Məlumatda deyilir ki, DJI Matrice 300 RTK markalı dron zədələnib və onu əvəz etmək üçün yenisi alınacaq. Lakin MMC dronun hansı şəraitdə və nə zaman sıradan çıxması barədə hər hansı açıqlama verməyib.

Qeyd edək ki, “Daşkəsən Dəmir Filiz” MMC bununla bağlı tender elan edib. Həmin tenderə əsasən zədələnmiş və sıradan çıxmış dornun yerinə “DJI Matrice 350 RTK” dronunun satın alacaq. Bununla bağlı MMC ilə “BUZ TECH” MMC arasında satınalma müqaviləsi də imzalanıb. Həmin anlaşmaya əsasən bir ədəd dorn “Daşkəsən Dəmir Filiz” MMC-yə 55.098,92 manata başa gələcək.

Tribunainfo.az “DJI Matrice 350 RTK” dornlarının texniki xüsusiyyəti və qiyməti ilə maralanıb. Açıq mənbələrdə qeyd edilir ki, “DJİ Matrice 350 RTK” dronları bir sıra texniki göstəricilərə malikdir və əllə idarə olunur. Dron 1080 piksel kamera ilə təchiz olunub və 20 km məsafədəki hədəfləri çəkmək imkanına malikdir. Bundan başqa, üzərindəki akkumliyatorlar sayəsində havada bir neçə saat qalır. Bir çox üstün texnoloji cəhətlərinə baxmayaraq, onun faktiki olaraq bazarda qiyməti 17951,57 manatdır. Həmin dornu asanlıqla, istənilən açıq mənbələrdəki elanlar üzərindən də almaq mümkündür. Bu dornun satışını təşkil edən xeyli sayda şirkətlər də var.

Maraqlı sual odur ki, “Daşkəsən Dəmir Filiz” MMC qiyməti 10 min manat olan dornu niyə 32 min dollara almaq istəyir?

“Bu gün təkrarən və daha açıq şəkildə səsləndirilən fikirlər hər hansı yeniliyi özündə əks etdirmir”.

Bunu Yenicag.az-a açıqlamasında Sosial Tədqiqatlar Mərkəzinin əməkdaşı, təhsil məsələləri üzrə tədqiqatçı Elmin Nuri deyib.

Mütəxəssis elm və təhsil naziri Emin Əmrullayevin müəllimlərin bəzilərinin yaxın gələcəkdə işdən azad ediləcəyi ilə bağlı söylədiyi fikirlərə münasibət bildirib.

“Elm və təhsil naziri Emin Əmirullayevin Dünya Bankının illik qlobal hesabatının təqdimat tədbirində səsləndirdiyi fikirlərdə yeni və qeyri-adi nə isə görmürəm. Hələ 4 il bundan əvvəl müəllimlərin sertifikatlaşdırılması müsabiqəsi başlayanda onun əsas məramı təhsil mühitində pedaqoji yararlılıq baxımından tələblərə tam cavab verə bilməyən, bu səbəbdən də məktəbin nüfuzuna xələl gətirən təhsilverənlərin tədris prosesindən uzaqlaşdırılması olub”.

Ekspertin sözlərinə görə, keyfiyyətin kəmiyyəti üstələməsi əsas tədris uğuru kimi dəyərləndirilir, amma, hər bir halda, nazirin qeydi xüsusi təşviş kimi qəbul olunmamalıdır:

“Müəllimlərin sertifikasiyası iki əsas missiyaya xidmət edir: ixtisas bilgiləri və pedaqoji yararlığına görə minimal hədd göstəricisini keçə bilməyən (həm də iki şansdan sonra) müəllimlərin tədrisdən uzaqlaşdırılması əsas məsələlərdəndir. İkinci vacib detal isə yüksək göstəricilərə sahiblənən və pedaqoji keyfiyyətinə görə seçilənlərin dərs saatları və bunun da müqabilində maaşlarının artırılmasıdır”.

E. Nurinin fikrincə, Müəllimlərin İşə Qəbulu (MİQ) imtahanından yüksək nəticə göstərməsinə baxmayaraq, vakant yerlərin azlığına görə illərdir namizəd kimi gözləyən gənc müəllimlər yol açmaq lazımdır:

“Biz təhsilin inkişafı adına sertifikasiyadan kəsilən müəllimlərə acımaqdansa, bu cür gənc kadrların məktəblərə yol açmasına daha maraqlı olmalıyıq. Birinci qrupa aid olan, yəni əmək müqaviləsinə xitam verən müəllimləri isə tədris prosesinə yox, məktəbdaxili texniki-təşkilati işlərə cəlb etmək olar”.

Prezident 2025-ci ili Konstitusia və suverenlik ili elan edib. Ən azı, bu il ölkədə ən yüksək hüquqi qüvvəyə malik olan qanunun Konstitusiyanın qüvvədə olacağına böyük ümidlər var. Bəlkə onlarla illərdir icra olunmayan məhkəmə qərarlarının icrası təmin olunar, dövlətin ali məqsədinin insan və vətəndaş hüquqlarını qorumaq, vətəndaşa layiqli həyat səviyyəsinin təmin edilməsi yada düşər, məmurlar vicdansız davranışdan, özbaşınalıqdan əl çəkər. Di gəl, hələ də qanunun , Konstitusiyanın şahlığı yerinə, məmurların şahlığı ilə üz-üzəyik.
Bu sətirlərin yazarının pensiyasına 1BİİM-in (hazırda Bakı İnzibati Məhkəməsi) 05.07.2017-ci il tarixli, 2-1(81)-1889/2017 N-li Qərarı (h. Elçin Məmmədov) ilə əlavə olunan 110 manatın verilməsini 6 il sonra 01.04.2023-cü ildən borclu DSMF-in Xüsusi Şərtlərlə Təyinat üzrə Mərkəzi Filialı (XŞTMF) özbaşına dayandırıb. 22 aydır bu yekəlikdə özbaşınalığa , dövlətə, Konstitusiyaya hörmətsizliyə icra, qanunverici, məhkəmə hakimiyyəti , prokurorluq, Ombudsman , Hesablama Palatası ... son qoymaq istəmir, hərəsi “sosial rüşvət paketini” alıb susur.
Bakı İnzibati Məhkəməsində “İnzibati mübahisə üzrə 05.07.2017-ci il tarixli, 2-1(81)-1889/17 saylı Qərarın icrasının dayandırılmasından dəyən maddi-mənəvi ziyanın ödənilməsi” tələbi ilə borclu cavabdeh XŞTMF-yə qarşı (ötən ilin sonlarında) iddia qaldırılıb. İş üzrə 10.02.2025-ci ilə hazırlıq iclası təyin olunub. Elektron kabinetdə isə tələbkar qazinin iddia tələbinə borclu cavabdehin adından DSMF-in Məhkəmə Mübahisələri ilə iş üzrə Mərkəzi Filialının (departament müdiri Yeganə Məmmədova və baş mütəxəssis Gülnar Həzizadə) 06.02.2025-ci il tarixli 7 vərəqlik iddiaya aid olmayan etirazı yerləşdirilib. Bu etiraz bir daha borclu DSMF-in pensiya filialının özbaşınalığını, vicdansız davranışını ortaya qoyur. Birincisi, cavabdeh-borclu DSMF-in Xüsusi Şərtlərlə Təyinat üzrə Mərkəzi Filialıdır, Konstitusiyaya zidd yaradılan Məhkəmə Mübahisələri ilə iş üzrə Mərkəzi Filialı- 39 saylı vəkil bürosu yox! İkincisi, tələbkar qazinin iddia tələbi “məhkəmə qərarının icrasının özbaşına dayandırılmasından dəyən maddi-mənəvi ziyanın ödənilməsi” haqqındadır, borclu bu tələbi saxtalaşdırıb “ödənilməmiş pensiya məbləğinin ödənilməsi” edib. (?) Bəyəm cavabdehin özbaşınalıqla iddiaçının tələbini dəyişdirmək, cibinə uyğunlaşdırmaq hüququ var? Vətəndaş əlil-qazi Konstitusiyanın 129-cu maddəsi ilə təminat verilən dövlətin adından çıxarılan məhkəmə qərarının məcburi icrasını tələb edir, 60, 68-ci maddə ilə təminat verilən məhkəmə müdafiəsi, özbaşınalığı istisna edən vicdanlı davranış hüququnu istəyir, məhkəmədə də özbaşınalıqla, dələduzluqla üzləşir.
ƏƏSMN-in, tabeliyindəki DSMF-in, Sosial Xidmətlər Agentliyinin hüquq doktorlarının hüquqa, məhkəməyə, dövlətə, Konstitusiyaya hörmətsizliyinə Konstitusiya və suverenlik ilində son qoyulacaqmı? Yoxsa “suveren məmurların öz cib konstitusiyaları” qüvvəsini saxlayacaq? Yaşaya bilsək, görərik...
Məğrur Bədəlsoy
Bloqumuz qarşı tərəfində mövqeyini dərc etməyə hazırdır!
TEREF