Artıq öyrəncəliyik, qiymətlər, kommunal ödənişlər, tariflər bir gecənin
içində qaldırılır, pensiyalar, təqaüdlər, əməkhaqqılarının ilboyu artırılacağı
söylənilir. Beləcə hansısa “eks, növbədənkənar” deputatın, hökumət
üzvünün “artım nağılları” bir il əhalinin başını qatır, medianın manşetinə
çevrilir, növbəti ilin Novruz bayramına düşən ayında “göydən 3 -5 faizlik
illik artım alması” düşür”. Sonra yenə də qiymətlər, tariflər sosial- iqtisadi
əsaslandırılmadan birdən Tarif Şurasının qərarı ilə qaldırılır, əhaliyə isə yeni
nağıllar danışılır. Köhnə nağıllarsa hələ də deputatların, məmurların dilində
dolaşır. Ən böyük nağıl 80 manatlıq veteran pulları haqqındadır. Bir də
verilməyən uşaq pulları ara-sıra gündəmə gəlir.
30 sentyabrda Milli Məclisin payız sessiyasının ilk iclasının keçiriləcəyi,
gündəliyin vəsiqələrin verilməsi və komitələrin formalaşması olması
bildirilib. Düzü, hamı kimi, bizim də yeni tərkibli qanunverici hakimiyyətdən
pozitivə doğru bir gözləntimiz yoxdur. Məclisin yeri dağ başı olsa da, özü
dağın dibindən- PA-dan idarə olunur. Dılğır bir məmurun rüşvət,
mənimsəmə qərarını qanundan aşağıda tutan, “biz neyləyə bilərik” ritorik
sualı ilə deputatlıq edən qanunverici orqandan , tərkibi köhnə olsun, yeni
olsun, nəsə gözləmək olarmı?
“Veteranlar haqqında” qanunun yalnız bir maddəsi Qarabağ veteranlarına
tətbiq edilir , onu da Tarif Şurası ləğv edib. Qanunun 11-ci maddəsinə görə,
müharibə veteranlarının istifadəsində olan dövlət bağları və
bağçılıq sahələri ƏVƏZSİZ olaraq onların (müharibə
veteranlarının) şəxsi MÜLKİYYƏTİNƏ verilir”. Bu ƏVƏZSİZ
MÜLKİYYƏT hüququnu QEYDİYYAT ÇIXARIŞI (“kupça”) ilə gerçəkləşdirməyə
borclu olan İqtisadiyyat Nazirliyi, yanındakı ƏMDX ( Əmlak Məsələləri
Dövlət Xidməti) isə sözün gerçək anlamında dələduzluqla məşğuldur.
Dələduzluq xidmətinə baxın, ƏMDX rəsmi məktublarla bildirir ki, əvəzsiz
olaraq şəxsi mülkiyyətə verilmə hüquqların dövlət qeydiyyatına
alınması demək deyildir. Tarif Şurasının 31.07.2023 tarixli qərarı ilə
daşınmaz əmlakın dövlət qeydiyyatına alınmasına dövlət
rüsumundan əlavə 236,96 manat xidmət haqqı müəyyən edilib və
bu qərar QANUNDAN DA, KONSTİTUSİYADAN DA ÜSTÜNDÜR. (?) Bu
absurdluğu bir ay DƏDKR-in rəis müavini Elvin Məmmədov, növbəti bir
ay Elşad Məmmədov bildirib. Baş prokurorluqdan, DTX-dan, Korrupsiyaya
qarşı mübarizə baş idarəsindən qanuna zidd olaraq rüşvətxorluğundan,
korrupsiyasından şikayət edilən ƏMDX-ya göndərilən müharibə
veteranlarının kollektiv şikayətini isə müavin Rüstəm Şahbazov
27.09.2024-cü il tarixli məktubla cavablandırıb. Əvvəllər də rəsmi
məktublarla “JEK”-in, ƏMDK-nın hansısa məktubunun (?),
şəhadətnaməsinin (?) , saxta-doğru “kupça”nın-qeydiyyat çıxarışının
QANUNDAN, KONSTİTUSİYADAN, MƏHKƏMƏ QƏRARINDAN
ÜSTÜNLÜYÜNÜ (?) bildirən Rüstəm Şahbazov yenə də ənənəsinə sadiq
qalıb. Bu yekəlikdə xidmətin müavini yazır ki, əvəzsiz şəxsi mülkiyyətə
verilmə hüquqların RÜSUMSUZ və XİDMƏT HAQQISIZ olaraq dövlət
qeydiyyatına alınmasına əsas vermir. Çünki “ Dövlət rüsumu
haqqında” qanunda müharibə veteranlarının bağlarının dövlət
qeydiyyatına alınmasının dövlət rüsumundan azad edilməsi yazılmayıb.
Qanunun aliliyinə, Konstitusiyanın ən yüksək qüvvəsinə saymazlığa baxın,
bəs “Dövlət rüsumu haqqında” qanunda Tarif Şurasının qərarı ilə
rüsum bəlirləmə yazılıb? Özü də bağ sahələrinə aid olmayan qərarla?
İndi söz Milli Məclisdə, qanunvericidədir. Ya bu “Veteranlar haqqında”
qanunun 11-ci maddəsini də ləğv etsin, ya da “Dövlət rüsumu haqqında”
qanuna müharibə veteranlarının bağ sahələrinin dövlət qeydiyyatına
alınmasının rüsumdan azad edilməsini əlavə etsin. Di gəl, Tarif Şurasının
qərarını Konstitusiyadan, qanundan, Prezident fərmanından, NK qərarından
üstün tutan xidmətin dələduzluğundan əl çəkəcəyi inandırıcı görünmür.
Məğrur Bədəlsoy
ЕУКУА

Naxçıvan şəhəri, Nizami küçəsi, ev 44, mənzil 27-də yaşayan ikinci qrup əlil Şahbazov Akif Cümşüd oğlu tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, Naxçıvanda hərbçi kimi fəaliyyət göstərən Murad Kərimli adlı şəxs onun pulunu mənimsəyib, aidiyyəti qurumlar şikayətinə baxmır:

“Mən, Şahbazov Akif Cümşüd oğlu, yazaraq sizdən xahiş edirəm ki, problemimi işıqlandırasınız.

Özüm xəstə adamam, problemlərim çoxdur. Naxçıvanda Kərimli Murad adlı bir hərbçiyə əmi, dayı olmuşam. O isə mənim kimi xəstə adamı aldadıb, 802 manat pulumu mənimsəmişdir.

Ərizə ilə məhkəməyə müraciət etdim. O, Bərdə Məhkəməsində boynuna alıb ki, məndən borc alıb, amma borcunun 432 manat olduğunu bildirib. Əslində isə yalan deyib, məni aldadaraq 802 manat pulumu əlimdən almışdır.

İş indi icraçının öhdəliyindədir, onun da dediyinə görə, həmin şəxsi tapa bilmir.

Kərimli Murad isə mənə xəbər göndərir ki, “mən o pulu sənə verəsi deyiləm, vermirəm, nə edəcəksən, uzağı məhkəməyə verəcəksən də”.

Səhhətimlə bağlı heç bir yerdə işləmirəm. Belə adama dəstək olan dövlət qurumuna nə deyəsən, onu bilmirəm.

İcraçı bildirir ki, polis axtarışa verib, adamı tapa bilmir. Çox gülməli söhbətdir. Adam hədə-qorxu gələcək qədər ortadadır, amma icraçı deyir ki, polis axtarır.

İlk dəfə sizin saytda şikayət gedəndən sonra sizin vasitənizlə icraçı Sadiqlə danışdım. O, mənə təklif etdi ki, barışın, bu məsələ həll olunsun. Sual verdim ki, bəs pulum dedi ödəniləcək. İcraçı o qədər səmimi danışdı ki, onun sözlərinə inanmışdım. Mənə dedi ki, biz kişiyik, barışıq ərizəsi yaz, göndər məsələni həll edək.

Öz başıma qərar vermədim. Zəng vurub Hurriyyet.az saytının baş redaktoru Vüqar Tofiqoğlu ilə məsləhətləşdim. O da dedi ki, əgər icraçı “biz kişiyik” deyirsə, barışıq ərizəsini yaz göndər, qoy pulu alıb sənə versin. Onun dediyi kimi etdim. Elə həmin gündən də icraçı zəngləri qəbul etmədi. Yəni mənim kimi yataq xəstəsini bu dəfə dövlət məmuru aldatdı.

Yenidən məhkəməyə müraciət etdim. Bu dəfə iş Məhəmmədəli adlı icraçıya tapşırıldı. Məhəmmədəli ilə də dəfələrlə danışmışam, mənə deyir ki, səbr et, gözlə. Nə qədər səbr edim, əslində, 400 manat böyük pul deyil, amma mənim o pula yaşamaq üçün ehtiyacım var. Təəssüf ki, bunu başa düşən yoxdur. Məhəmmədəli əvvəl 10 gün gözlə dedi, indi də deyir ki, 20 gün gözlə. İllərdir gözləyirəm, amma məhkəmənin qərarı icra olunmur.

Mən sizin sayt vasitəsilə səlahiyyətli qurumlara, Prezident Administrasiyasındakı vəzifəli şəxslərə müraciət edirəm. Hörmətli cənablar, şikayətimizə baxılmağı üçün hara müraciət edək? İcraçıları işlərinə yönləndirməyə Ədliyyə Nazirliyinin belə, gücü çatmır. Bəs, bu icraçılar işlərini icra etmirlərsə, nəyə lazımdırlar?!"

Məsələ ilə bağlı Məhəmmədəli adlı icraçı ilə əlaqə saxladıq. "Mənlik heç nə yoxdur, iş mənə təzə verilib. Şikayətçiyə də bildirmişəm ki, 20 gün gözlə, qanun çərçivəsində iş həll olunacaq”, - deyə bildirdi.

Sentyabrın 27-də axşam saatlarında internetdə Kiyevdə yerləşən SkyMall ticarət mərkəzinin ələ keçirilməsi ilə bağlı məlumat yayılıb. Lakin hüquq-mühafizə orqanlarının əməkdaşları bunu təkzib ediblər.

Bu barədə RBC-Ukrayna Ukrayna Milli Polisinə istinadən xəbər verir.

"Paytaxtdakı ticarət mərkəzlərindən birinin ələ keçirilməsi ilə bağlı yayılan məlumat həqiqətə uyğun deyil”, - deyə hüquq-mühafizə orqanlarından bildirilib.

Polisin məlumatına görə, Dnepr polis idarəsinə şəhərin ticarət mərkəzlərindən birinin yaxınlığında bir qrup şəxsin olması barədə məlumat daxil olub. Hadisə yerinə gələn hüquq-mühafizə orqanlarının əməkdaşları məlum olub ki, adıçəkilən şəxslər hazırkı aksiya keçiriblər və bu aksiya artıq başa çatıb və onun iştirakçıları dağılıblar. "İctimai təhlükəsizliyin və asayişin pozulması halları baş verməyib", - polis əlavə edib.

Pirallahı Rayon İcra Hakimiyyətinin başçısı Vasif İmanovun oğlu Tural Həsənzadə ilə Dövlət Əmək Müfəttişliyi Xidmətinin Bakı Şəhər İdarəsi arasında qalmaqal yaranıb. Qaynarinfo-nun məlumatına görə, qalqamalın kökündə Tural Həsənzadənin inzibati məsuliyyətə cəlb edilməsi dayanır.

İdarə icra başçısının oğlunu İnzibati Xətalar Məcəlləsinin 192.1-ci maddəsi ilə cərimələyib. Bu maddə Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsi ilə bağlıdır.

Maddədə inzibati cəza növü kimi fiziki şəxslərin 1000 manatdan 2000 manatadək, vəzifəli şəxslərin 3000 manatdan 5000 manatadək, hüquqi şəxslərin isə 20 000 manatdan 25 000 manatadək məbləğdə cərimə edilməsi nəzərdə tutulur.

Tural Həsənzadə idarənin qərarı ilə razılaşmayaraq məhkəməyə şikayət verib. Onun şikayətinə Nəsimi Rayon Məhkəməsində baxılacaq. İş hakim Anar İbadzadənin icraatındadır.

Tural Həsənzadə ləğv edilmiş “Azərsu” Açıq Səhmdar Cəmiyyətinin (ASC) keçmiş rəhbəri Qorxmaz Hüseynovun kürəkənidir. O, vaxtilə Ədliyyə Nazirliyinin ekspertiza mərkəzində rəhbər vəzifədə çalışıb.

Tural Həsənzadə 2021-ci ildə lüks avtomobili ilə sərxoş vəziyyətdə qəza törətdikdən sonra işdən çıxıb. Mediada gedən məlumatlara görə, qəzadan sonra rəhbərliklə onun arasında mübahisə yaranıb. Bundan sonra Turan Həsənzadə öz ərizəsi ilə işindən ayrılıb.

Turan Həsənzadənin atası Vasif İmanov 2013-cü ildə Pirallahının icra başçısı vəzifəsinə təyin edilib. Media onun haqqında neqativ materiallarla zəngindir. İddialara görə, Vasif İmanov və yaxınları az qala Pirallahını özəlləşdiriblər.

Xəbər verdiyimiz kimi, AzTV-nin əməkdaşı, aparıcı Həmid Əsədzadənin 2 yaşlı qızı Sədəf Əsədzadə uşaq bağçasında dünyasını dəyişib. Azyaşlının ürək problemi səbəbindən həyatını itirdiyi barədə məlumatlar yayılıb. Hadisə “Candy kids” adlı özəl uşaq bağçasında baş verib.

Bundan əlavə, uşağın ürəyində hər hansı problem olmayıb.
Bağçadakı kamera görüntülərindən isə məlum olub ki, uşaq qida qəbul edərkən yemək parçası onun nəfəs borusunda qalıb. Nəticədə, azyaşlı nəfəs ala bilməyib və həyatını itirib.
Əldə edilən digər məlumata görə isə, uşağın ölümündə bağça müəllimlərinin səhlənkarlığı da mühüm rol oynayıb.
Belə ki, onlar hadisə ilə bağlı təcili tibbi yardıma gec müraciət ediblər. Həkimlər hadisə yerinə gəldikləri zaman azyaşlının 1 saat öncə dünyasını dəyişdiyini müəyyən ediblər. Hətta uşağın həyatını itirməsi ilə bağlı xəbəri belə bağça rəhbərliyi deyil, valideynlərdən biri mərhumun ailəsinə çatdırıb.
Qeyd edək ki, faktla bağlı Səbail Rayon Prokurorluğu tərəfindən müvafiq ekspertizalar təyin olunub. Prokurorluq əməkdaşları hadisə yerinə baxış keçirib.
Faktla bağlı araşdırma aparılır.(Bizim.Media)

1-ci dərəcəli Qarabağ əlilinə işgəncəyə KM də qiymət vermir

1-ci dərəcəli Qarabağ əlilinin 03.09.2022-ci ildə 6 və 9 yaşlı körpə nəvələrinə də stress yaşatmaqla beş maşın polisin zoru ilə Nizami RPİ-nin 24-cü Polis Şöbəsinə aparılıb işgəncəyə uğradılmasına, 2 sutka məhkəmə qərarı olmadan işgəncə kamerasında yaralı durumda saxlanılmasına , evinin “protokol qaydasında” axtarış” adı ilə talan edilməsinə hələ də qiymət verilməyib. Polis rəisi Ziya Əliyev, 24 PŞ-nin rəisi Seymur Qarayev, onun müavini Natiq Hüseynov, sahə müvəkkili Elçin İslamov, müstəntiq Qalib Kərimli və 20 nəfər civarında xüsusi əməliyyat qrupu mütəşəkkil cinayətkar dəstə şəklində sifarişlə savaş qazisinin 9 qabırğasını sındırıb, ağ ciyərində hematoma əmələ gətirdib, açıq-qapalı baş beyin travması vurub, tibbi yardıma da , informasiyaya da qadağa qoyub. 2 sutkalıq həbsdən çıxan kimi şikayət edilən Nizami prokurorluğu ekspertiza təyin edib və ...aldığı rəyi indiyədək işgəncəgörən əlilə verməkdən , fakta hüquqi qiymət verməkdən imtina edir.

Rayon prokuroru Pərviz İbayev anında cinayət işi qaldırmağa borclu olduğu halda , əksinə, cinayəti ört-basdır edir, hətta müstəntiq Qalib Kərimlinin vəsatəti əsasında işgəncə kamerasında həbsdə saxlanılan 1-ci dərəcəli savaş əlilinin evində axtarış aparılmasına təqdimat verib(miş). ( Saxta məhkəmə qərarında belə yazılıb)

Bəs məhkəmə? Axı məhkəmə qərarı olmadan kiminsə həbsdə saxlanılması, evində, sahə müvəkkili Elçin İslamovun bildirdiyi kimi, “protokol qaydasında” axtarış aparılması yolverilməzdir. Məhkəməyə müraciətə cavab olaraq Nizami məhkəməsinin hakimi Nigar Qədirlinin adından 40 gün qabağa tərtib olunan 05.09.2022 tarixli “axtarış qərarı” məhkəmədən yox, statusu göstərilməyən Azad İsmayılzadə adlı şəxsin ismayilzade.azad@inbox.ru elektron poçtundan 14.10.2022-ci ildə işgəncəgörənin emailinə gəlib. Anında Bakı Apellyasiya Məhkəməsinin Cinayət Kollegiyasına həm elektron qaydada, həm məktubla şikayət edən Qarabağ qazisinin şikayəti yalnız Məhkəmə Hüquq Şurasına 7 aylıq şikayətlərdən sonra 08.05.2023-cü ildə “qiymətləndirilib”. İlqar Murquzov, Qədim Babayev, Anar Tanrıverdiyev üçlüyü məhkəmənin cinayət özbaşınalığını hələ də cinayətdə şübhəli statusunda saxladığı işgəncəgörənin boynuna qoyub ki, 3 günlük şikayətvermə müddəti ötürüldüyündən şikayətə baxıla bilməz. Özbaşınalığa baxın, birincisi, həbsdə olan şəxsdən gizlədilən, 40 gündən sonra verilən saxta qərardan köhnə tarixə 3 gün müddətində necə şikayət verilə bilər?

Anında qüvvəyə minən bu qərar da Məhkəmə Hüquq Şurasına 6 aylıq şikayətlərdən sonra 30.11.2023-cü ildə verilib və Ali Məhkəməyə şikayət mümkünsüz olduğundan 3 ay müddətində- 06.02.2024-cü ildə Konstitusiya Məhkəməsinə şikayət verilib. “Konstitusiya Məhkəməsi haqqında” qanunun 34.4.2 maddəsinə görə, Konstitusiya Məhkəməsinə şikayət ərizəçinin məhkəməyə müraciət etmək hüquququnun pozulduğu andan üç ay müddətində veriə bilər. Qanunun 34.5 maddəsində isə doğrulanıb: “ HÜQUQ və AZADLIQLARIN POZULMASI NƏTİCƏSİNDƏ ƏRİZƏÇİYƏ AĞIR və BƏRPAEDİLMƏZ ZƏRƏRİN VURULMASININ DİGƏR MƏHKƏMƏLƏR VASİTƏSİ İLƏ QARŞISININ ALINMASI MÜMKÜN OLMADIQDA ŞİKAYƏT BİLAVASİTƏ ( BİRBAŞA- M.B.) KONSTİTUSİYA MƏHKƏMƏSİNƏ VERİLƏ BİLƏR”. İşgəncəgörən Qarabağ qazisi bu maddələr , Konstitusiyanın 130-cu maddəsinin V hissəsi əsasında 06.02.2024-cü ildə Konstitusiya Məhkəməsinə şikayət verib.

Konstitusiya Məhkəməsinin palatası ( sədrlik edən və məruzəçi hakim Ceyhun Qaracayev, hakimlər Humay Əfəndiyeva, Rafael Qvaladze, İsa Nəcəfov) 7 ay 7 gündın sonra 12.09.2024 tarixli (26.09.2024-cü ildə verilib) qərardadla şikayətin Konstitusiya Məhkəməsinin icraatına qəbul edilməsindən imtina edib. “Konstitusiya Məhkəməsi haqqında” qanunun vurğuladığımız 34.4.2 və 34.5 maddələri yox, Ali Məhkəmənin qərarından 6 ay müddətində verilə bilən 34.4.1 maddəsi imtinanın əsası kimi götürülüb. Palata yalnız Ali Məhkəmənin qərarından şikayətlərə baxıla biləcəyini vurğulayıb. Bunun isə qanunsuz olduğu elə qanunun özündən görünür.

“Konstitusiya Məhkəməsi haqqında” qanunun 52.1 maddəsinə görə, şikayət 30 gün müddətində KM palatasının iclasına çıxarılır və uyğun qərar qəbul edilir. 7 ay 7 gündən sonra iclasa çıxarılma da qanunsuzluğu , qıraqdan sifarişi ortaya qoyur. Məhkəmənin qıraqdan sifariş gözləməsi isə yolverilməzdir və Konstitusiya Məhkəməsi hakiminin YÜKSƏK ADINA LƏKƏDİR. Bilməmiş olmazlar, nədən içiblər, Konstitusiya Məhkəməsi hakiminin andını anıdırıq-xatırladırıq: “ Azərbaycan Respublikası Konstitusiya Məhkəməsinin hakimi səlahiyyətlərini ŞƏRƏF və VİCDANLA yerinə yetirəcəyimə, Azərbaycan Respublikası Konstitusiyasının ALİLİYİNİ qoruyacağıma, baxdığım məsələləri MÜSTƏQİL, QƏRƏZSİZ və ƏDALƏTLƏ həll edəcəyimə AND İÇİRƏM”.

Bu andiçmə, bu da gerçəklik. Konstitusiyanın ALİLİYİ də , vətəndaşın HÜQUQ və AZADLIĞI da qıraqdan SİFARİŞLƏ, QƏRƏZLƏ, ƏDALƏTSİZLİKLƏ pozulub. Qalır Avropa İnsan Hüquqları Məhkəməsi. Ona da şikayətləri “Azərpoçt” it-bata salır, gah gömrükdən (?), gah sərhəddən (?) içiboş keçirdib geri qaytardır.

Məğrur Bədəlsoy
paralel.az

Fövqəladə Hallar Nazirliyi (FHN) Tikintidə Təhlükəsizliyə Nəzarət Dövlət Agentliyinin Tikilməkdə olan Obyektlərin Birləşmiş Müdriyyəti Ağsu şəhəri C.Cabbarlı küçəsi 4 ünvanında Rəhimov Əlyəddinə və M.Ə.Rəsulzadə küçəsi 19 ünvanında Mirzəliyev Sərkara 3 otaqlı fərdi yaşayış evinin tikintisi üzrə 23.10.2023-cü il tarixdə başladığı açıq tenderdü zərflərin açılıması tarixi 24.11.2023-cü ilə müəyyən edilib. Tikilməkdə olan Obyektlərin Birləşmiş Müdriyyəti “BAKU BUILDING” Məhdud Məsuliyyətli Cəmiyyəti ilə 163.645,9 manat məbləğində satınalma müqaviləsi bağlayıb. Amma qurumun Satınalma Komissiyası bu məlumatı nədənsə dövlət satınalmalarının vahid internet portalına 8 ay keçdikdən sonra, 24.07.2024-cü ildə yerləşdirib.

Bundan başqa Fövqəladə Hallar Nazirliyi (FHN) Tikintidə Təhlükəsizliyə Nəzarət Dövlət Agentliyinin Tikilməkdə olan Obyektlərin Birləşmiş Müdriyyətinin 25.07.2024-cü ildə dövlət satınalmalarının vahid internet portalına yerləşdirdiyi məlumatda “BAKU BUILDING” MMC ilə Bərdə rayonu, Qaraqoyunlu kəndinin sakini Quliyeva Zeynəb Hadı qızına məxsus fərdi yaşayış evində bərpa işləri üzrə keçirilmiş satınalmanın nəticəsini açıqlayıb. Elanda qeyd olunub: Qalib təchizatçının adı: “Baku Building” MMC, VÖEN-i: 1300016391, Ünvanı: Bakı şəhəri, Binəqədi rayonu, Biləcəri Ə/V, ev 37B, İmzalanması nəzərdə tutulan müqavilənin məbləği: 46 999,99 AZN, Gözləmə müddətinin sonu: 01 avqust 2024 iş gününün sonu bitir.

FHN Tikintidə Təhlükəsizliyə Nəzarət Dövlət Agentliyinin Tikilməkdə olan Obyektlərin Birləşmiş Müdriyyətinin 23.07.2024-cü ildə dövlət satınalmalarının vahid internet portalına yerləşdirdiyi məlumatda “BAKU BUILDING” MMC ilə Şəki şəhəri, B.Məmmədov küçəsi, ev 37 ünvanında yaşayan Məmmədzadə Gülnarə Lütvəli qızına məxsus fərdi yaşayış evinin təmiri və istinad divarının tikintisi üzrə keçirilmiş satınalmanın nəticəsini açıqlanıb. Elanda qeyd olunub: Qalib təchizatçının adı: “Baku Building” MMC, VÖEN-i: 1300016391, Ünvanı: Bakı şəhəri, Binəqədi rayonu, Biləcəri Ə/V, ev 37B, İmzalanması nəzərdə tutulan müqavilənin məbləği: 33.356,48 AZN, Gözləmə müddətinin sonu: 31 iyul 2024 iş gününün sonu bitir.

FHN Tikintidə Təhlükəsizliyə Nəzarət Dövlət Agentliyinin Tikilməkdə olan Obyektlərin Birləşmiş Müdriyyətinin 11.06.2024-cü ildə dövlət satınalmalarının vahid internet portalına yerləşdirdiyi məlumatda “BAKU BUILDING” MMC ilə Qusar rayonu, Kuzun kəndində 2 ədəd 3 otaqlı fərdi yaşayış evlərinin tikintisi üzrə keçirilmiş satınalmanın nəticəsini açıqlanıb. Elanda qeyd olunub: Qalib təchizatçının adı: “Baku Building” MMC, VÖEN-i: 1300016391, Ünvanı: Bakı şəhəri, Binəqədi rayonu, Biləcəri Ə/V, ev 37B, İmzalanması nəzərdə tutulan müqavilənin məbləği: 162169,27 AZN, Gözləmə müddətinin sonu: 20 iyun 2024 iş gününün sonu bitir.

Qeyd edək ki, bu son üç satınalmanın nəticəsi barədə verilən məlumatda “Baku Building” MMC -yə məxsus olduğu göstərilən VÖEN-: (1300016391) əslində “TURANBANK” Açıq Səhmdar Cəmiyyətinə aiddir. Bundan başqa satınalmalar üzrə bağlanmış müqavilələr də dövlət satınalmalarının vahid internet portalına yerləşdirilməyib.

Açıq internet axtarış sistemləri üzərindən apardığımız araşdırmada məlum oldu ki, “BAKU BUILDING” MMC (VÖEN 1005706701) Dövlət Vergi Xidmətinin Bakı şəhəri Lokal Gəlirlər Baş İdarəsində 14.01.2019-cu ildə dövlət qeydiyyatına alınıb. Nizamnamə kapitalı 10 manat olan şirkətin hüquqi ünvanı BAKI ŞƏHƏRİ BİNƏQƏDİ RAYONU, BİLƏCƏRİ Ə/V, ev 37B-də yerləşir. MMC-nin qanuni təmsilçisi Hüseynov Samir Rafiq oğludur. MMC-nin təsisçisi və ilk qanuni təmsilçisi Mirzəyev Əli Məmməd oğlu olub. Göyüşov Mahal İman oğlu da 2019-cu ilin fefral-sentyabr aylarında qanuni təmsilçisi olub.

Azərbaycan Respublikasının İqtisadiyyat Nazirliyinin Lisenziyaların və icazələrin vahid reyestri məlumatlarında MMC 26.12.2019-cu ildə tikintisinə icazə tələb olunan bina və qurğuların tikinti-quraşdırma işləri üzrə, 05.06.2020-ci ildə isə yanğından mühafizə sistemlərinin və vasitələrinin quraşdırılması, texniki xidməti və təmiri üzrə lisenziya alıb.

Lakin elektron mediada yayılan məlumatlarda “BAKU BUILDING” MMC-nin adı bir çox şübhəli satınalmalarda hallanır. Belə ki, eyni vaxtda ayrı-ayrı rayonlarda təmir tikinti işləri üzrə satınalmaların qalibi olması, MMC-nin eyni vaxtda həm Bakı şəhərində, həm Şamaxı, həm Ağsu, həm Lənkəran, həm Kürdəmir, həm Neftçala, həm də Cəlilabad rayonlarında dövlət sifarişərini yerinə yetirməyə əmək müqaviləsi ilə çalışan peşəkar işçi qüvvəsinin olması (“Müvafiq tələblərə cavab verən işçi qüvvəsinin olması” ) meyyarı üzrə (işçilərin tələb olunan sertifikatlar) xüsusi tələblərə uyğun olmadığını açıq şəkildə göstərməkdədir.

Bundan əlavə “BAKU BUILDING” MMC ilə bağlanılmış müqavilələrin FHN Tikintidə Təhlükəsizliyə Nəzarət Dövlət Agentliyinin Tikilməkdə olan Obyektlərin Birləşmiş Müdriyyəti tərəfindən dövlət satınalmalarının vahid internet portalına yerləşdirilməməsi satınalmalarda qanunsuzluqlara yol verildiyinə şübhələri daha da artırır. Bu şübhələr özünü qəzalı evlərin təımirinə, yeni fərdi yaşayış evlərinin tikintisinə ayrılan vəsaitlərdə də özünü göstərir. Məsələn Qusar rayonu, Kuzun kəndində 2 ədəd 3 otaqlı fərdi yaşayış evlərinin tikintisinə 162 169,27 manatın ayrılmasının özündə də şübhələr çoxdu. Burada qiymətlərin şişirdildiyi açıq-aydın görsənməkdədir.

Qeyd edək ki, “BAKU BUILDING” MMC -nin əsl sahibi Azərbaycanda “tender” kralı kimi tanınan iş adamı Ramazan Mirzəyevin qardaşı Əli Mirzəyevdir. MMC-nin 2019-cu ilin yanvarında yaradılmasının özü çox mətləblərdən xəbər verir. Belə ki, elektron mediada 2018-ci ildə Mirzəyev qardaşları arasında pay bölgüsü üstündə mübahisələrin yaranması barədə xəbərlər yayılıb. Məhz bundan Əli Mirzəyev öz şirkətini yaratmaq qərarına gəlib. Yaratdığı şirkət də qısa zamanda paytaxt daxil, ölkənin bir çox rayonlarında iri həcmli tenderlərin qalibi olub və olmaqda davam edir. Təbii ki, burada Əli Mirzəyevin köhnə əlaqələri də az rol oynamır. Məsələn, “BAKU BUILDING” MMC iyun ayında təkcə Mədəniyyət Nazirliyinə tabeli “Əsaslı Tikinti və Təchizat” Məhdud Məsuliyyətli Cəmiyyətinin 3 tenderinin qalibi olub və ümumi dəyəri 349 259 manat olan sifarişlər alıb. Əvvəllər də Mirzəyevlərə məxsus şirkətlərin Mədəniyyət Nazirliyinə tabeli qurumların tenderlərini udduqları barədə kifayət qədər məlumatlar var. MMC Xaçmaz rayon İcra Hakimiyyətinin çoxmənzilli yaşayış binalarının dam örtüyü və fasadın əsaslı təmiri işlərinin satınalınması üzrə 26.09.2024-cü ildə yekunlaşdırdığı tenderin də qalibi olub və tərəflər arasında 533.651,41 manat məbləğində satınalma müqaviləsinin bağlanılması planlaşdırılır.

Təbii ki, bütün bunları MMC-nin sahibi Əli Mirzəyev köhnə əlaqələrinin hesabına əldə edir. Axı o vaxtı ilə Ramazan Mirzəyevə məxsus olduğu deyilən onlarla “otkat” şirkətlərə də başçılıq edirmiş.

Aktualinfo.org

Azərbaycan Avtomobil Yolları Dövlət Agentliyi (AAYDA) balansında olan "Bakı 4 №-Li Yol İstismarı" Məhdud Məsuliyyətli Cəmiyyətinə məxsus asvalt zavoddan narazılıq var.
Redaksiyamıza daxil olan məlumatda bildirilir ki, Nərimanov rayonu, Dərnəgül qəsəbəsi ərazisində yerləşən "Bakı 4 №-Li Yol İstismarı" MMC-yə məxsus asvalt zavod işləyəndə havaya qatı və kəskin qoxulu tüstü buraxır. Ərazidə yaşayan sakinlər bildirirlər ki, çox vaxt gecələr işləyən zavodun tüstüsü evlərimizin içinə qədər gəlib çatır. Bundan başqa zavodda formalaşan çirkab sular yenə də gizli şəkildə Böyük Şor gölünə axıdılır.
Bildirək ki, havaya qatı və kəskin qoxulu tüstünün buraxılmasına görə "Bakı 4 №-Li Yol İstismarı" MMC rəhbəri Fazil Musayev bir neçə dəfə Ekologiya və Təbii Sərvətlər Nazirliyi tərəfindən xəbərdarlıq və cərimə edilib.
ETSN-nin xəbərdarlıq və cərimələrinə baxmayaraq Fazil Musayev yenə də qatı tüstü buraxan və havanı zəhərləyən asvalt zavodunu işlətməkdə davam edir.
Qeyd edək ki, "Bakı 4 №-Li Yol İstismarı" MMC rəhbəri Fazil Musayev AAYDA İdarə Heyətinin sədri Saleh Məmmədovun yaxınlığı ilə tanınır. Məhz bu yaxınlığa görə Fazil Musayev dövlət vəsaitləri hesabına istehsal olunan asfaltın satışını da həyata keçirir.
Məsələ ilə bağlı araşdırmamız davam edir.(azfakt.com)
Qarşı tərəfin mövqeyini dərc etməyə hazırıq.

Daxili İşlər Nazirliyinin (DİN) Kibercinayətkarlıqla Mübarizə İdarəsinin keçirdiyi ən böyük əməliyyatlarından biri ilə həbs edilən dəstə üzvlərinin məhkəmə istintaqı başlayıb.
“Qafqazinfo”nun məlumatına görə, cinayət işi Bakı Ağır Cinayətlər Məhkəməsində araşdırılır.
Bu iş üzrə altı nəfər müttəhim kürsüsündə əyləşir. Söhbət Bahadır və İkram Quliyev qardaşlarından, onların əmisi oğlu Fərhad Quliyev və onların işlərini görmüş Vəli Əliyev, Cavid Əzizov və Anar Əhmədovdan gedir. Onlar hamısı həbsdə mühakimə edilir.
Təqsirləndirilən şəxslər Yasamal rayonunda fəaliyyət göstərən şirkətlərində qara yolla pul köçürməklə məşğul olublar. İstintaq materiallarındakı ifadələrdən də görünür ki, müştərilər oranı “Bahadırın bankı” kimi tanıyırlar. İşlərin ən başında dayanan da elə Bahadır Quliyevdir. O, uzun illər Rusiyada yaşayıb, bütün işləri oradan idarə edib. Azərbaycandakı işlərə isə İkram nəzərət edib. Qardaşlar xarici ölkədən Azərbaycana, Azərbaycandan isə xaricə qanunsuz pul vəsaitləri köçürüblər. İstintaq müəyyən edib ki, şirkət xarici ölkələrə ümumilikdə 254 milyon 409 min 947 manat qanunsuz pul köçürüb. Bu vəsaitin 2 milyon 500 min manatı isə xidməthaqqı kimi onların özünə qalıb.
Bakı Ağır Cinayətlər Məhkəməsində keçirilən ilk baxış iclasında ittiham aktı elan edilib. Təqsirləndirilən şəxslərdən Fərhad Quliyev özünü qismən təqsirli bilsə də, digərləri təqsirsiz olduqlarını deyiblər. Onların həbs qətimkan tədbirlərinin dəyişdirilməsi ilə bağlı vəsatətləri isə rədd edilib.
Məlumat üçün bildirək ki, polis əməkdaşlarının keçirdiyi əməliyyatla İkram Qasımovun evindən xeyli miqdarda qızıl, brilyant və digər zərgərlik məmulatları aşkar edilmişdi. İttihamda deyilir ki, dəyəri 1 milyon manata yaxın-853 min 771 min manat təşkil edən zinət əşyaları ölkəyə qaçaqmalçılıq yolu ilə gətirilib. İkram Qasımovun tapşırığı ilə Dubaydan aldıqları Avstriya, İsveçrə və Belçika istehsalı olan qiymətli əşyalar Azərbaycanın gömrük nəzarətindən kənar yolla keçirilərək ona çatdırılıb. Bu işdə isə vasitəçi Vəli Əliyev olub.
İkram Qasımov məhkəmədə bu epizoda toxunub, həmin zinət əşyalarının rəsmiləşmədiyindən xəbərsiz olduğunu deyib. İddia edib ki, gətirdiyi hər şeyi ölkəyə çatanda bəyan edib. O, bunu təsdiq edən sənədin məhkəməyə təqdim edilməsi üçün şərait yaradılmasını istəyib.
Vəsatət təmin edilməyib. Bahadır Qasımov isə məhkəmədə səhhətindən gileylənib, onun vəkili müvəkkilinin müayinəyə ehtiyacı olduğunu qeyd edib.
Məhkəmə bu vəsatəti qismən təmin edib. Amma müdafiə tərəfi qərarlardan narazı qalıb, hakimlərə etiraz edəcəkləri barədə ərizə təqdim olunacağını bildiriblər.
Əvvəl qeyd etdiyimiz kimi, təqsirləndirilən Fərhad Qasımov məhkəmədə özünü qismən təqsirli bilib. Amma istintaq dövründə F.Qasımov özünü tam təqsirli bilərək hər şeyi açıq danışıb. O, əmisi oğlanlarının uzun illər qanunsuz pul köçürməsi ilə məşğul olduqlarını, özünün də işlərə nəzarət etdiyini etiraf edib.
Əmioğlunun sözlərinə görə, Bahadır və İkram fəaliyyətlərini pərdələmək üçün Yasamaldakı sözügedən ofisdə “Qozan Travel” adlı turizm şirkəti yaradıbmışlar. Oranın da ayrıca işçiləri olub. Fərhad başqa bir ifadəsində şirkətdə pul köçürülməsinin qanunsuz həyata keçirilməsindən xəbərsiz olduğunu deyib.
Sözügedən zinət əşyaları ilə birgə təqsirləndirilən şəxslərə aid yarım milyardlıq əmlaklar üzərinə həbs qoyulub. Buraya “Range Rover”, “Bentley”, “Mercedes”, BMW, “Mitsubishi” və digər markalı minik avtomobilləri, bir neçə yük maşını, motosikletlər, Bakı, Abşeron və digər bölgələrdə yerləşən çoxsaylı mənzillər, bağ evləri, qeyri-yaşayış sahələri, qayıqlar, qarajlar daxildir.
Növbəti məhkəmə iclaslarında müttəhimlər sərbəst ifadə verməlidirlər.