Gəncə şəhərinin Nizami Gəncəvi prospekti və Fətullah Həsənov küçəsindən keçən avtomobil yolunun bəzi hissələrində asfalt örtüyü dağılıb, çökmələr baş verib.

TEREF Teleqraf-a istinadən xəbər verir ki, problem ötən il Gəncəçayın daşması və sel sularının yolu basmasından sonra yaranıb.

Lakin indiyədək yol bərpa olunmayıb, vaxt ötüşdükcə çökmələrin miqyası daha da böyüyür.

Sözügedən məkanda müşahidə olunan vəziyyət sakinlərin haqlı narazılığına səbəb olur. Ərazinin tam yaxınlığında isə yaşayış massivi yerləşir. Gəncə şəhər sakini Saleh Səlimov əməkdaşımızla söhbətində məlumat verib ki, aidiyyəti üzrə müraciətlər edilsə də, problem hələki həllini tapmayıb.

"Selin çaydan keçməsi nəticəsində yol tamamilə yuyulub və yol örtüyü müəyyən qədər yararsız vəziyyətə düşüb. Ərazidə yaranmış fəsadlar səbəbindən insanlar çətinliklə üzləşiblər. Dəfələrlə müraciətlər olunsa da, şikayətimizi dinləyən yoxdur. Bəlkə də nə vaxtsa əraziyə gəlib baxıblar, amma biz görməmişik. Yolda olan çatlar da nəzərəçarpacaq dərəcədə genişlənib. Yəni əvvəllər 1-sm idisə, indi 15 sm və daha artıq olub. Buradan şəhərin su və kanalizasiya xətti keçir. Növbəti dəfə, yəni bu il də sel gəlsə, ərazidəki yol infrastrukturu tamamilə sıradan çıxacaq", - deyə şəhər sakini bildirib.

Saleh Səlimovun sözügedən ərazidə yaranmış problemlə bağlı verdiyi məlumatlara münasibət öyrənməyə çalışdıq. Məsələ ilə bağlı Gəncə Şəhər İcra Hakimiyyətindən söyləyiblər ki, Fətulla Həsənov küçəsindən Nizami Gəncəvi prospektinə qədər olan 2,4 kilometrlik hissənin sol sahilindəki bəndlər şəhərə yağan aramsız yağışlar səbəbi ilə çayda sululuğun artması nəticəsində yuyulub.

"Bəndin uçma təhlükəsi yarandığına görə həmin ərazidəki asfalt örtüyündə çatlar əmələ gəlib. Yaranmış problemin aradan qaldırılması məqsədilə müvafiq tədbirlərin görülməsi üçün Gəncə Şəhər İcra Hakimiyyəti tərəfindən aidiyyəti dövlət qurumlarına rəsmi müraciət ünvanlanıb", - deyə qurumdan bildirilib.

Buzovna qayalıqlarında təmizlik aksiyası yerli sakinlər tərəfindən davam etdirilir. "DİA-AZ" xəbər verir ki, amma buna rəğmən əlaqədar qrumlar isə hələ də ortalıqda görünmür. Görünür, Xəzər rayon icra hakimiyyətinin başçısı Elşən Salahov cənabları möhkəmcə qış yuxusuna gedib. Əgər belə olmasaydı, sakinlər başçının görməli olduğu işi, vəzifəni üstlənməzdilər...
2022-ci ilin iyun ayında Prezidentin sərəncamına əsasən, qayalıqların üzərində tikilmiş qeyri-qanuni tikililər sökülməli idi, ancaq yalnız onun bir hissəsi söküldü. Hətta o tullantılar belə əlaqədar qurumlar tərəfindən təmizlənmədi.
O vaxtan etibarən həmin inşaat tullantıları yerli camaat və digər bölgələrdən gələn iştirakçılar tərəfindən təmizlənilir.
Buzovna sakinlərinin səyi nəticəsində, ETSN-nin 2 may 2024-cü il sərəncamı ilə əraziyə bölgə əhəmiyyətli tarixi abidə statusu verilib.
Lakin ərazinin xüsusi mühafizə olunan ərazi statusu almasına baxmayaraq, bu yaxınlarda orada qeyri-qanuni məskunlaşmış şəxslər tərəfindən yeni tikililərin tikilməsinə cəhd edilib. Buna baxmayaraq yerli sakinlərinin vaxtında reaksiyası nəticəsində bunun qarşısı alınıb.
Ərazinin mühafizəsi, tullantılardan təmizlənməsi və bərpa edilməsi ETSN və yerli icra hakimiyyəti orqanlarının birgə fəaliyyəti ilə baş tutmalıdır, ancaq 9 aydan çoxdur ki, heç bir dəyişiklik yoxdur.

İki il əvvəl Səfərbərlik və Hərbi Xidmətə Çağırış Dövlət Xidməti rəisi Mürsəl İbrahimov tərəfindən köməkçi vəzifəsinə götürülmüş ləğv edilmiş Milli Təhlükəsizliyi Nazirliyinin (MTN) qalmaqallı keçmiş vəzifəli şəxsi, polkovnik Tehran Babatovun vəzifəsi dəyişib.

Mia.az xəbər verir ki, xidmət rəisi Mürsəl İbrahimov 2023-cü ilin aprel ayında özünə köməkçi götürdüyü Tehran Babatovu bu dəfə Səfərbərlik və Hərbi Xidmətə Çağırış Dövlət Xidmətinin (SHXÇDX) Kadrlar Baş İdarəsinin rəisi vəzifəsinə keçirib.

Mürsəl İbrahimov digər əmri ilə daha bir diqqətçəkən keçmiş vəzifəli şəxs - Hikmət İsbatovu isə özünə yeni köməkçi götürüb.

Məlumatda Tehran Babatov və Hikmət İsbatovun vaxtilə hansı əməllərinə görə işlədikləri qurumlardan kənarlaşdırılması haqda maraqlı iddialar var. Hər halda, bu haqda müxtəlif saytlarda tirajlanan məlumatları google axtarış sistemi üzərindən tapmaq çətin deyil...

Mia.az-a verilən məlumata görə, adıçəkilən Babatov-İsbatov tandemi bu dəfə SHXÇDX-də tenderlərdən tutmuş, digər məsələlərə qədər nüfuz etməyə başlayıblar: "Son iki ildə keçirilən tenderlərdə qalib şirkətlərin kimlərə məxsus olması araşdırılsa, elə şeylər ortaya çıxacaq ki...".

Mövzuya qayıdacağıq.

Xəbər verdiyimiz kimi, Azərbaycanın keçmiş əmək və əhalinin sosial müdafiəsi naziri Sahil Babayev maliyyə naziri təyin edilib. Sahil Babayevin əvvəlki fəaliyyətində insanların haqlı və ya haqsız narazılıqlarının şahidi olurduq.

Maraqlıdır, Sahil Babayevin 7 illik fəaliyyəti necə yadda qaldı, hansı mühüm addımlar atıldı?

Globalinfo.az-a danışan Əmək və Əhalinin Sosial Müdafiəsi Nazirliyi yanında İctimai Şuranın sədri, professor Elşad Məmmədov deyib ki, Sahil Babayevin maliyyə naziri vəzifəsinə təyin edilməsi Prezidentin ona göstərdiyi etimadın nəticəsidir:

“Son 7 ilə yaxın müddətdə Sahil Babayev olduqca mürəkkəb və həssas sahəyə rəhbərlik etmişdi. Bu sahədə çox effektiv və sistemli islahatlar aparılmışdı. Həmin islahatlar nəticəsində Azərbaycanda bu illər ərzində 4 sosial paket reallaşdırılmış, 5-ci paket isə bu ildən reallaşdırılmaqdadır. Paketlərin tətbiqi ölkə əhalisinin geniş kateqoriyalarının sosial müdafiəsini özündə ehtiva etmişdi. Bu illər ərzində ölkəmiz sosial müdafiə sistemi baxımından bir çox çağırışlarla üzləşmişdi. Həm dünya iqtisadiyyatındakı struktur böhranın ölkəmizin sosial, iqtisadi müstəvisinə etdiyi təzyiqlər, həm torpaqlarımızın işğaldan azad olunmasından sonra müharibə iştirakçılarımıza sosial dəstəyin verilməsi ilə bağlı sosial müdafiə sistemi qarşısında duran çağırışlar, həm də COVİD19 pandemiyasına qarşı mübarizə ilə əlaqədar sosial tədbirlərin şəffaf, effektiv, çevik şəkildə reallaşdırılması ilə bağlı çağırışlar və s. kifayət qədər böyük və sistemli islahatların aparılmasını zəruri edirdi. Qısa müddət ərzində bu islahatlar aparıldı, şəffaflıq təmin olundu. Dövlət başçısının ciddi siyasi iradəsinə əsasən ölkə əhalisinin geniş kateqoriyalarına sosial ödənişlərin qabaqlayıcı şəkildə reallaşdırılması prosesi həyata keçirildi. Sosial xərclər, sosial istiqamətə ayrılmış vəsaitlər xeyli dərəcədə artdı. Əməkhaqqı fondu 3 dəfəyə qədər artmışdı.

Bütün iqtisadi çağırışlara baxmayaraq bu işlər reallaşdırıldı. Prosesdə Sahil Babayevin böyük rolu olmuşdu. Bu sahəyə rəhbərlik etmək, həmin çağırışlar kontekstində effektiv qərarlar vermək kifayət qədər mürəkkəb bir məsələ idi. Son 7 ilin göstəriciləri onu deməyə əsas verir ki, ölkəmiz müstəqillik əldə etdikdən sonrakı dövrdə sosial müdafiə sisteminin təşkili baxımından Sahil Babayev ölkəmizin ən effektiv və uğurlu əmək və əhalinin sosial müdafiəsi naziri olmuşdur”.

Elşad Məmmədov maliyyə naziri kimi Sahil Babayevi qarşıda nələrin gözlədiyi ilə bağlı sualımıza isə belə cavab verib:

“Ölkənin maliyyə sektoru bu gün kifayət qədər böyük çağırışlarla üz-üzədir. Çünki dünya iqtisadiyyatındakı böhran ölkə iqtisadiyyatına da istər-istəməz təsirlərini göstərir. Dünyada yeni iqtisadi gündəm formalaşır ki, buna müvafiq, adekvat olaraq ölkəmizin maliyyə sektoru, iqtisadi blok da reaksiya verməlidir. Dünya iqtisadiyyatı çox ciddi şəkildə dəyişir və maliyyə sisteminin effektiv olması milli iqtisadiyyatların idarə edilməsi nöqteyi-nəzərindən olduqca mühüm parametrdir. Bu illər ərzində iqtisadi siyasətin həyata keçirilməsində maliyyə sektorunun artan rolunun şahidi olacağıq. Sahil Babayevin peşəkar rəhbər kimi maliyyə nazirliyinə rəhbərlik etməsi Azərbaycanın maliyyə sektorunun formalaşacaq çağırışlar kontekstində effektiv şəkildə idarə olunacağına dair böyük ümidlər formalaşdırır. Maliyyə sektorunda da yaxın illərdə effektiv siyasətin, islahatların və müsbət nəticələrin şahidi olacağıq”.

Elm və Təhsil Nazirliyinin Təsərrüfat Hesablı Əsaslı Tikinti və Təchizat İdarəsi tərəfindən keçirilən tender müsabiqəsinin qalibi “TAİS-İKF” MMC (VÖEN-1400019741) olub.
Yeniavaz.com xəbər verir ki, “TAİS-İKF” MMC nazirliyin birbaşa tabeliyində olan respublikanın bir sıra təhsil müəssisələrində dövlət təminatında olan təhsilalanların 2025-ci il ərzində yeməklə təchizatını həyata keçirəcək.
Nazirlik yeməklər üçün “TAİS-İKF” MMC-yə 9 milyon 934 min 931 manat 61 qəpik ödəyəcək.
Məlumat üçün bildirək ki, “TAİS-İKF” MMC 30 iyun 1994-cü il tarixində dövlət qeydiyyatına alınıb. Nizamnamə kapitalı 10 manat olan MMC-nin hüquqi ünvanı Bakı şəhəri, Nərimanov rayonu, Ələsgər Qaibov, ev 5-də yerləşir. MMC-nin qanuni təmsilçisi Şirinov Rafail Məmməd oğludur.
Qeyd edək ki, tenderin qalibi olan “TAİS-İKF” MMC-nin adı mətbuatda bir sıra qalmaqallarda hallanıb.
2023-cü ilin aprel ayında Bakıda A.Hüseynzadə adına 20 nömrəli məktəb-liseydə kütləvi zəhərlənmə barədə məlumat yayılıb. Açıqlanan rəsmi məlumatlarda bildirilib ki, 20 nömrəli məktəb-liseyin bufetindən toyuq əti alan uşaqlarda qarın ağrısı əlamətləri müşahidə olunub. Hadisə ilə bağlı 12 aprel tarixində Azərbaycan Respublikası Qida Təhlükəsizliyi Agentliyi (AQTA) tərəfindən açıqlama verilib. Açıqlamada qeyd olunub ki, aprelin 6-da sözügedən məktəbin müxtəlif siniflərində təhsil alan 7 şagird məktəbin yeməkxanasında xidmət göstərən “TAİS İKF” MMC tərəfindən satışı həyata keçirilən toyuğun qızardılmış döş əti (nagets), 1 şagird isə dönər (şaurma) qəbul edib. Qeyd olunan hadisə ilə bağlı 20 nömrəli tam orta məktəbdə keçirilən yoxlama zamanı “TAİS İKF” MMC-nin yeməkxanada icarə müqaviləsi əsasında fəaliyyət göstərdiyi, adıçəkilən qidaların məktəbə həmin şirkət tərəfindən hazır şəkildə termobokslara yığılaraq gətirildiyi məlum olub.
“TAİS İKF” MMC ilə bağlı daha bir qalmaqallı hadisə 2022-ci ildə baş verib. Sevil Xanbabayeva adlı şəxs sosial şəbəkələrdə videomüraciət yayaraq bildirib ki, o “Bakı Metropoliteni” QSC-nin “Ulduz” stansiyasında xadimə kimi çalışır. Sevil Xanbabayeva iddia edib ki, metropolitenin işçiləri Rafail adlı şəxsin bağında qanunsuz işlədilir. Daha sonra məlum olub ki, “Bakı Metropoliten” QSC-nin təmizlik işləri ilə bağlı keçirdiyi tender müsabiqəsinin də qalibi “TAİS İKF” MMC olub.

Bu gün Azərbaycanın mərc bazarında "Azərlotoreya"nın "Misli" və "Topaz" şirkətləri insanları müxtəlif şirnikləndirici vədlərlə yoldan çıxarmağa davam edirlər. 2021-ci ilin yanvar ayında imzalanan müvafiq sərəncamla "Azərlotoreya" bu sahədə söz sahibinə çevriləndən sonra "Misli" "Topaz"ın əsas rəqibinə çevrildi. "Azərlotoreya" "Misli" vasitəsiylə mərc oyunlarıyla yanaşı, müxtəlif növ ani lotoreyaları da bazara buraxdı. Nəticədə artıq uzun müddətdir ki, sadə vətəndaşlar asan yolla pul əldə etmək üçün "Poz, qazan" kimi lotoreyalara və bir sıra fərqli mərc oyunlarına pul yatırmaqla məşğuldurlar. Xüsusilə də "Misli" insanları şirnikləşdirmək üçün müxtəlif cəlbedici, azyaşlıların da izlədiyi müxtəlif televiziya proqramlarını, futbol qarşılaşmalarını öz təbliğat maşınına çevirir.

Bəs görəsən, bu şirkətlərin insanları bəlaya, pis vərdişlərə, uçuruma aparan qumar oyunlarının təbliğatının qarşısı niyə alınmır?

Mövzu ilə bağlı iqtisadçı Pərviz Heydərov Bakıvaxtı.az-a açıqlamasında bildirib ki, qumar oyunları qeyri-leqal və çirkli biznes növüdür:

"Hər bir biznes fəaliyyəti növü daha çox gəlir əldə olunması məqsədi güdür. Hətta bunun üçün vergi və rüsumlardan yayınmaq kimi üsullara da baş vurulur. Bu məsələdə qanunvericilikdə olan boşluqlar da mühüm rol oynayır. "Topaz" və "Azərlotoreya"nın "Misli" kimi şirkətlərin qapalı qumar oyunları bazarına yol verməməsi üçün, ilk növbədə, kölgə iqtisadiyyatını aradan qaldırmaq, onun payını və təsir dairəsini azaltmaq lazımdır. Qumar oyunları, insan alveri və sair hallar yüksək iqtisadi rifah və şəffaflıq şəraitində qətiyyən çiçəklənə bilməz".

Bəzi qadağan olunmuş fəaliyyət növlərinin onlayn platformalara bilərəkdən daşındığını qeyd edən sosioloq Üzeyir Şəfiyev Bakıvaxtı.az-a açıqlamasında vurğulayıb ki, bir sıra istifadəçilər internet resurslarından istifadə edərək, real həyatdakı hüquqazidd davranışlarını virtual aləmdə həyata keçirməyə çalışırlar. Qumar oyunları da bu qəbildəndir.

Onun sözlərinə görə, əslində bu oyunlarla bağlı həm hüquqi müstəvidə, həm də sosial müstəvidə mübarizə tədbirləri həyata keçirilir. Hətta bununla bağlı hüquqi tənzimləmə metodu mövcuddur:

"İnzibati Xətalar Məcəlləsinin 401.1-ci maddəsində Azərbaycan ərazisində qumar oyunlarının təşkili və keçirilməsi ilə hüquqi məsuliyyət nəzərdə tutulub. Bu məsuliyyət fiziki, vəzifəli və hüquqi şəxslər üçün nəzərdə tutulub. Eyni zamanda ölkənin Cinayət Məcəlləsinin 244-cü maddəsində qumar oyunları ilə bağlı hüquqi məsuliyyəti özündə ehtiva edən müddəalar var. Həmçinin Cinayət Məcəlləsinin 525-ci maddəsində müvafiq müddəalar mövcuddur".

Ü.Şəfiyevin fikrincə, bəzi sosial şəbəkə istifadəçiləri qanunvericiliyi bilmədiyinə görə insanları qumar oyunlarına cəb edirlər.

"Bu məsələdə süzgəc mexanizmi tətbiq olunmayıb. Ona görə uşaq və yeniyetmələr də qumar oyunlarının qurbanına çevrilirlər. Nəticədə ailə böyük bir maliyyə itkisi ilə üzləşə bilir. Ona görə də valideynlər övladlarına maksimum diqqət etməli və sosial şəbəkələr platformalarından istifadəyə nəzarət etməlidirlər. Eyni zamanda yaxşı olar ki, sosial şəbəkələr və televiziya üzərindən sosial çarxlar vasitəsilə uşaq və yeniyetmələr bu mövzu ilə bağlı düzgün maarifləndirilsin", - deyə müsahibimiz bildirib.

Sosioloq təklif edir ki, uşaqları qumar oyunlarından uzaq tutmaq üçün orta məktəblərdə və internet resurslarında süzgəc mexanizmi tətbiq olunmalıdır. Hüquq-mühafizə orqanları da real həyatda olduğu kimi, virtual aləmdə də qumar oyunlarının təşkilatçılarına, reklamını təşkil edənlərə və təbliğatını aparan şəxslərə qarşı ciddi tədbirlər görsünlər.

Psixoloq İlahə Dadaşova isə Bakıvaxtı.az-a açıqlamasında mərc və qumar oyunlarının psixoloji təsirlərinə toxunub.

O bildirib ki, qumar asılılıqlar içərisində ən təhlükəlilərdən biridir. "Topaz", "Misli" kimi şirkətlərin fəaliyyəti isə bu asılılığın daha çox artmasına səbəb olub:

"Hazırda narkotik vasitə asılılığı olan pasiyentlərimizlə qumar asılılığı olan azyaşlı pasiyentlərimizin sayı eyni səviyyədədir və kifayət qədər çoxdur. Xüsusən də futbol oyunları üzərindən mərclərə qoşulan pasiyentlərimiz var. "Topaz", "Misli" və s bu kimi şirkətlərin fəaliyyəti vəziyyəti daha da qabardıb. Əvvəllər qumar oynamaq istəyənlər yollarını daha çətinliklə tapırdılarsa, indi daha açıq və rahat şəkildə bu oyunları oynaya bilirlər. Əvvəllər kimsə qumar oynamaq istəyəndə yer axtarışına çıxırdı və bir çox hallarda axtarış ərəfəsndə həvəsi ölürdü. Lakin indi ürəyindən qumar oynamaq keçən istənilən şəxs rahatlıqla bu oyunları tapa bilir".

İ.Dadaşovanın dediyinə görə, bəzi insanlar maddi-mənəvi sıxıntılardan qurtulmaq üçün qumara üz tutduğunu bildirir. Bəziləri isə problemi olmadan, sadəcə maraq üçün qumar oynamağa başlayır və zamanla onlarda asılılıq yaranır.

"Qumar kimi pis vərdişlərdən uzaq olmaq insanın özündən asılıdır. Bəzi insanlar elə düşünür ki, bir dəfə oynamaqla onlara heç nə olmayacaq. Halbuki mərc və qumar oyunları çox asanlıqla asılılıq yarada bilir. Xüsusən də azyaşlıları bu oyunlardan uzaq tutmaq üçün valideyn övladlarını ailə mühitind sevgiylə böyütməlidirlər. Valideyn diqqətindən, sevgisindən məhrum olan uşaqlar, həmçinin övlada aid hər şeyi valideyn özü həll etməyə çalışanda zamanla sərbəst mühitə düşən uşaq təsir altına tez düşməyə meylli olur", - deyə İlahə Dadaşova öz məsləhətlərini qeyd edib.

İctimaiyyətin də yaxından izlədiyi məhkəmə prosesi nəticələnib: “Thales” şirkətinin Azərbaycandakı nümayəndəliyinin rəhbəri, türk iş adamı Mehmet Şahan külli miqdarda mənimsəmədə təqsirli bilinərək 10 il müddətinə azadlıqdan məhrum edilib.

Türkiyəli iş adamının saxlanılması və həbs edilməsi prosesi boyunca Azərbaycan mətbuatı məsələni daim diqqət mərkəzində saxlayıb, onun həbsi ilə bağlı maraqlı detallar üzə çıxarıb.

Həbsə məhkum edildiyi ilk gündən etibarən Azərbaycan nümayəndəliyi vəzifəsini icra etdiyi şirkətdə ermənilərin rəhbərliyə gətirilməsi, həmçinin şirkətin mərkəzi ofisinin Fransada yerləşməsi, üstəlik, Şahanın Azərbaycan və Türkiyənin Fransa ilə münasibətlərinin kəskinləşdiyi dövrdə ittihamlarla üzləşməsi sual doğuran məqamlardan olub.

Prosesin gedişatına qısa nəzər

Mehmet Şahan 2021-ci ildə səbəbsiz yerə işdən çıxarılır. Şirkət buna səbəb kimi onun rəhbərliyə məlumat vermədən xarici ölkələrə səfər etməsinı göstərir. Bura qədər hər şey normal görünə bilər, lakin Mehmet Şahanı İspaniyaya dəvət edərək onunla görüş təşkil edən rəhbərlik iş adamının şəxsi telefonu ilə kompüterini zorla əlindən alaraq onu binadan çıxarıb. Ona qarşı edilən bu davranışın səbəbini anlamaqda çətinlik çəkən Mehmet Şahan yaşanan hadisə ilə bağlı öz haqqını aramaq üçün məhkəməyə müraciət edib. Qarşı tərəfə bununla bağlı bildiriş getdikdən sonra şirkət Şahanın 10 il azadlıqdan məhrum edilməsi ilə nəticələnən iddianı nədənsə məhz Azərbaycanda ortaya atıb.

Məhkəmə prosesi başladıqdan sonra isə Mehmet Şahanla çəkişməsi olan şəxslər şahidlik ediblər. Qəribəsi odur ki, ittiham olunan tərəf şahidlərin iş adamı ilə mübahisəsinin olduğunu bildirsə də, məhkəmə bu etirazı diqqətə almayıb və şahid ifadələri işə daxil edilib.

Maraqlıdır ki, şahidlər müxtəlif vaxtlarda nağdlaşdırılmış pul vəsaitlərini Mehmet Şahana verdiklərini bildiriblər, lakin müvafiq dövlət orqanının sənədlərinə əsasən, Şahanın qeyd edilən tarixlərdə Azərbaycanda olmadığı təsdiqlənib. Həmçinin ifadələrdə anlaşılan odur ki, şahid qismində dindirilən şəxslər iddia olunan vəsaiti heç bir halda Şahana birbaşa şəkildə çatdırmayıblar. Bununla belə, özləri nağdlaşdırıb, özləri pulları bankdan çəkən şahidlər “təkidlə” pul vəsaitlərinin Mehmet Şahana verildiyini bildiriblər. Şahid ifadələrində ziddiyyətli məqamların çoxluğu, onların yalan ifadə verdiklərinin başqa bir sübutudur. Həmçinin onların iddia etdikləri kimi, Mehmet Şahana vəsaitləri mənimsəmədə “yardımçı” olmaları halında həmin şəxslərin də cinayət məsuliyyətinə cəlb edilməsi zərurəti ortaya çıxır ki, məhkəmə nədənsə bunun “üzərindən keçib”.

Bundan başqa, mənimsənildiyi iddia edilən vəsaitlərlə bağlı ittiham olunan tərəfin məhkəməyə təqdim etdiyi xərc sənədləri ekspertə təqdim edilməyərək işin gedişatının dəyişdirilməsinə şərait yaradılıb.

Üstəlik, məhkəmə ekspertizasının rəyi, hətta Baş Prokurorluğun öz ekspertlərinin rəyi ilə Mehmet Şahanın nümayəndəliyə rəhbərlik etdiyi dövrdə xərclənən vəsaitin sənədlərlə təsdiqləndiyi sübuta yetirilib və hər hansı mənimsəmə faktının olmadığı üzə çıxıb.

Həm ibtidai istintaq, həm də məhkəmə istintaqı zamanı müdafiə tərəfi olaraq Mehmet Şahanın işlədiyi dövr üçün “Thales” şirkətinin illik daxili audit rəylərinin tələb olunmasına rəğmən, həmin rəylər məhkəməyə təqdim olunmayıb. Şirkət rəhbərliyində təmsil olunan Herve Damman çağırılmasına baxmayaraq, hər bir vəchlə məhkəməyə gəlməkdən imtina edib. İstintaq zamanı müstəntiq tərəfindən onlayn ifadəsi alınan Dammanın mütləq şahid qismində ifadəsini zəruri hesab edən məhkəmə sədri Kamran Muxtarov aylarla məhkəmə prosesini uzadıb. Vəkilləri tərəfindən yazılı ərizə ilə “vaxtı olmadığı” bildirilən və bu prossesdə iştirak etmək istəmədiyini qeyd edən Damman isə bu müddət ərzində Ermənistanda səfərdə olub və bədnam qonşumuza silah-sursat hədiyyə edib. Məhkəmə isə sanki onun təsirindəymiş kimi Damman üçün uyğun vaxtın gəlib yetişməsini gözləyib.

Əslində, Mehmet Şahan heç bir halda Herve Dammana tabe deyildi və onun birbaşa nəzarətində işləmirdi. Bununla yanaşı, Damman onlayn ifadəsi zamanı iddia edilən mənimsəmə hallarından xəbərsiz olduğunu vurğulayıb və hətta ifadə verərkən qarşısındakı sənədləri oxuyaraq danışdığı açıq şəkildə hiss olunurdu. Onun məhkəmə prosesi ilə qeyri-ciddi yanaşdığı, üz ifadəsində və jestlərində prosesi sanki bir tamaşa kimi izlədiyi aydın görünürdü.

Sədr tərəfindən böyük ehtiram göstərilən ermənipərəst Herve Damman məhkəmədə bir daha onlayn şəkildə ifadə verib. Şirkət tərəfindən Şahanın işdən çıxarılması və onun elektronik əşyalarının ələ keçirilməsi fonunda ofisə daxil olmasına qadağa qoyulmasından sonra iş adamının günahsızlığını daha da möhkəmləndiriləcək bir sıra sənədlərin “yoxa çıxması” “Thales” rəhbərliyinin dəlilləri məhkməyə təqdim etməkdən yayınması kimi dəyərləndirilməlidir. Belə bir beynəlxalq şirkətin mühasibatlıq sənədləri necə yoxa çıxa bilər? Cavablandırılmaıs vacib suallardan biri də budur.


Məhkəmədə ifadə verən şahidlərin anlatdıqları arasındakı ziddiyyətlər, “Thales”in istintaq və məhkəmədən bütün rəsmi sənədlərin orijinallarını gizlətməsi, həmçinin mühasibat sənədlərinin məhv edilməsi, işlə əlaqədar maliyyə sənədləri ilə bağlı verilmiş ekspert rəylərinin Mehmet Şahanın lehinə olması fonunda o nə üçün 10 il azadlıqdan məhrum edildi?

Ermənilərlə sıx əməkdaşlıqda olduğu artıq təsdiqlənən, Emrənistanın eks-prezidenti Serj Sarkisyanla yaxın dostluq münasibətləri olan Pier Matyu Mehmetin Şahanı etnik kimliyinə görə “aradan götürmə” niyyəti bu məqamda üzə çıxır. Burada təəssüflə qeyd edilməlidir ki, Matyu bunu “sapı özümüzdən olan baltalar”la həyata keçirib. Belə ki, sözügedən işdə şahid kimi dindirilən və Mehmet Şahanla mübahisəsi olan Oyrat Tağıyev və Arif Quliyev ermənipərəsət fransızların yanında yer alaraq Şahanın həbsə göndərilməsində xüsusi rol oynayıblar.

Buradan aydın olur ki, erməni lobbiçilərinin və dostlarının təsiri ilə türk iş adamını ləkələyən fransızların əli Azərbaycanın məhkəmə orqanlarına qədər uzanıb.

Hakimlərdən ikisinin Mehmet Şahanın həbs edilməsi ilə bağlı fikir birliyinə varması fonunda digər hakimin xüsusi rəy verərək, ona bəraət verilə biləcəyi qənaətində olduğunu bildirməsi dəqiq müddəalara əsaslanan hüquq sistemində bir-birinə tamamilə zidd iki ayrı qərarın verilə bilmə ehtimalını sıfırlayır.

Xüsusilə də prosesə sədrlik edən hakim Kamran Muxtarovun qərarları və mövqeyi açıq şəkildə qərəzli olub və onun ermənipərəst dairələrlə əlaqəsinin olması şübhə yaradır. O, məhkəmə prosesi zamanı müdafiə tərəfinin təqdim etdiyi sübutlara laqeyd yanaşıb, lakin ittiham tərəfinin zəif və qeyri-müəyyən dəlillərini heç bir əsas olmadan qəbul edib. Məhz Muxtarovun təkidi ilə müdafiə tərəfinin sübutlarının əksəriyyəti nəzərə alınmayıb.

Hakimin qərarlarında göstərdiyi tərəfkeşlik və konkret olaraq fransız və erməni maraqlarına xidmət edən şəxslərə verdiyi dəstək ehtimalı görünürdü. Hətta prosesin gedişində bəzi şahidlərin ifadələrində uyğunsuzluqlar ortaya çıxdığı halda, Muxtarov bunları araşdırmaq əvəzinə, onları qəbul edərək Mehmet Şahan əleyhinə istifadə etməyə üstünlük verib.

Qarşı tərəfin vəkilinin işdən çəkilməsi də ayrı bir mövzudur.

Yuxarıda qeyd edilənlərlə birlikdə bu faktın özü belə Mehmet Şahanın şərə qurban getdiyini və bu iftiranın müvafiq instansiyalar tərəfindən təsdiqləndiyini və işin yenidən hərtərəfli şəkildə araşdırılmalı olduğunu deməyə əsas verir.

Bu prosesdə ədalət prinsipinin pozulması və məhkəmənin konkret siyasi və xarici maraqlara uyğun hərəkət etməsi Azərbaycanda hüquqi sistemin müstəqilliyinə ciddi kölgə salır. (yenicag.az)

İmişli rayonu, Qulubəyli kənd sakini Ocaqov Məhəmməd Şirvan oğlu tərəfindən Hurriyyet.az satının redaksiyasına şikayət məktubu daxil olub. Saytımız vasitəsilə Ali Məhkəmənin sədri İnam Kərimova müraciət ünvanlayan şikayətçinin məktubunu olduğu kimi dərc edirik:

“Bildirirəm ki, uzun illərdir biz İmişli rayonunda ciddi haqsızlıqlarla, problemlərlə üz-üzə qalmışıq. Belə ki, dəfələrlə təhqirlərə məruz qalmış, şəxsiyyət və ləyaqətim, hüquqlarım ayaq altına atılmışdır.

İmişli rayon Qulubəyli bələdiyyəsi, Beyləqan 6 saylı Dövlət Reyestr Xidməti, İmişli rayon Polis şöbəsi, İmişli rayon Prokurorluğu və Şirvan İnzibati Məhkəməsində Azərbaycan Respublikasının qanunlarına qarşı sayğısızlıq hökm sürür. 17 ildir ki, İmişli Məhkəməsinə, Bakı Yasamal Məhkəməsinə, Beyləqan rayon Məhkəməsinə, Şirvan Apellyasiya Məhkəməsinə, Ali Məhkəməyə ayaq döysəm də, mənim işimlə bağlı araşdırma getməyib.

Bildirirəm ki, İmişli rayonu, Qulubəyli kənd Bələdiyyəsinin sədri Nağıyev Qalib Qaraseyid oğlunun 10.11.2007-ci il tarixli 13 saylı qərarı əsasında oğlum Amil Qocayeva 0.12 ha həyətyanı torpaq sahəsi, özümə isə sahibkarlıq məqsədi üçün 0.40 ha torpaq sahəsini alqı-satqı yolu ilə almışam.

Bunun üçün Qulubəyli bələdiyyəsinin sədri Nağıyev Qalib Qaraseyid oğluna 2007-ci ilin noyabr ayının əvvəlində evində 1 000 manat pul vermişəm. Həmin pulun qəbzlərini əlavə edib qeyd edirəm - 200+80+240+240=760 manat, 240 manat isə qəbzlərdə öz əksini tapmır. Lakin Qalib Nağıyev bizim aldığımız torpağı 10.11.2009-cu ildə 12 saylı qərarla Nurlan Ocaqova, sonra da 10.11.2007-ci il tarixli 12 saylı qərarla Elxan Qasımova satıb.

Aşağıda qeyd etdiyim Şirvan İnzibati-İqtisadi Məhkəməsinin qərarlarını cavabdeh Azərbaycan Respublikasının ƏMDK yanında DƏDRX-nin 6 saylı Beyləqan ərazi idarəsinin əməkdaşı Mahir Məmmədovun icraatında olmuş məhkəmə aktlarının “İcra haqqında” Qanunun tələblərini könüllü icra edən zaman vəzifəsindən sui-istifadə edərək, vəzifə saxtakarlığı, vəzifə cinayətləri törətdiyinə görə, onun barəsində müvafiq tədbir görülməlidir.

Qeyd etdiyim faktlar barədə məhkəməyə ünvanladığım iddia ərizəm əsasında Şirvan İnzibati-İqtisadi Məhkəməsinin hakimi Zaur Allahyarov 25.01.2018-ci il tarixli, 2-1(086)-369/2018 saylı qərarla iddia tələbimi təmin etmiş, lakin Beyləqan rayon İcra və Probasiya Şöbəsinin icra məmuru Alıyev Camal Vüsal oğlu vəzifə səlahiyyətlərindən sui-istifadə edərək, məhkəmə qərarını bu günədək icra etmir.

Hörmətli İnam Kərimov

Sizdən xahiş edirəm ki, aşağıda göstərdiyim faktların qanuni araşdırılmasına göstəriş verib, mənə qarşı olan haqsızlığına aradan qaldırılmasına köməklik edəsiniz:

1. 2008-ci ilin mart-aprel aylarında ödədiyim 760 manat pulun qəbzləri;

2. 04.10.2013-cü il tarixində ödədiyim 160 manat pulun çeki;

3. 30.03.2015-ci il tarixli 04 saylı qərarın surəti;

4. 10.11.2015-ci il tarixli 294 manat pulun çeki;

5. 28.11.2015-ci il tarixli çıxarış və ona əlavə olunmuş A018448 nömrəli plan ölçü sənədinin surətləri;

6. 18.04.2022-ci il tarixdə 188 manat pulun çeki;

7. 28.03.2018-ci il tarixli 2017-ci ilin qərarın icra edib Mahirin, Əmrahın, Nurlan Ocaqovun iştirakı ilə yazılan akt;

8. 02.04.2019-cu il tarixli 2018-ci ilin qərarın icra edib Astanov Əmrah Surxay oğlu, Məmmədov Mahir Kamil oğlu;

9. 29.12.2023-cü il tarixli Baş Prokurorun məktubunun surəti;

10. 19.10.2009-cu il tarixli Məhkəmə Aktı;

11. 21.02.2013-cü il tarixli icra qərarı və aktı;

12. 25.10.2013-cü il tarixli imtina məktubu;

13. 26.01.2024-cü il tarixli qeydiyyat nömrəsi olmayan plan ölçü;

14. 17.07.2012-ci il tarixli 11492 nömrəli ekspertin rəyi;

15. 11.04.2013-cü il tarixli 4989nnömrəli ekspertin rəyi;

16. 02.02.2015-ci il tarixli 776 nömrəli ekspertin rəyi;

17. 09.03.2017-ci il tarixli 3386 nömrəli ekspertin rəyi;

18. 15 03.2018-ci il tarixli 29322 nömrəli ekspertin rəyi;

19. 05.09.2019-cu il tarixli 14779 nömrəli eskpertin rəyi;

20. 05.03.2021-ci il tarixli 10/755nömrəli ekspertin rəyi.

Prezident İlham Əliyev Sahil Babayevlə bağlı daha bir Sərəncam verib.

Gundeminfo.az xəbər verir ki, dövlət başçısının imzaladığı Sərəncamla Sahil Rafiq oğlu Babayev maliyyə naziri təyin edilib.

Qeyd edək ki, 2006-cı ildən maliyyə naziri işləmiş Samir Şərifov ötən ayın əvvəli vəzifəsindən azad edilib.

Maraqlıdır, görəsən Cənab Sahil Babayev rayon maliyyə idarələrində hansı islahatlar aparacaq? Sabiq nazirin dövründə rayon maliyyə idarlərinin rəisi işləyənlərin işləri təftiş ediləcəkmi?

Məsələn Sabirabad rayon maliyyə idarəsinin rəisi Ramin Yahyayevin maliyyə üzrə ali təhsili, bu sahədə bilik və bacarıqları təftiş ediləcəkmi? Özəl Univeritetdə təhsil alıb və heç bir maliyyə bilikləri yoxdur. Amma 180 min nəfərlik bir rayonun maliyyə işlərinə cavabdehdir.

Bu mövzu ilə bağlı daha ətraflı Maliyyə Nazilriyinin rəsmi mövqeyini öyrəndikdən sonra materialı sizlərə təqdim edəcəyik.