Şirvan şəhər icra başçısının I müavin postu hələ də boşdur. Nə sirri-xudadırsa, indiyədək İH rəhbərinin 1-ci müavini təyin olunmayıb.

Teref.az Reportyor.info-ya istinadən məlumat verir ki, icra başçısı İlqar Abbasov birinci müavin vəzifəsinə təyinata ehtiyac hiss etmir. Çünki onun əsas işlərini köməkçisi Etibar Yolçiyev icra edir. Başçının sağ əli adlanan Yolçiyevi Abbasov özüylə Suraxanı rayonundan gətirib. Onlar bacanaqdırlar. Suraxanı İH-də də bütün işləri şərik görürdülər. İndisə Şirvanda ortaqlıq davam edir. İki bacanaq Şirvanı idarə edirlər. Ona görə də başçı birinci müavin vəzifəsinə təyinata hələlik zərurət görmür.

“Abituryent” jurnalının elektron versiyasının Dövlət İmtahan Mərkəzinin (DİM) saytından silinməsi etirazlara səbəb olub.

Belə ki, abituryentlər bu vəziyyətə etiraz ediblər. Abituryent valideynlərdən olan Eyyub Kərimli Cebhe.info-ya bununla bağlı şikayət ünvanlayıb. O, hazırda qəbul imtahanları getdiyi üçün jurnalın tapılmamasının süni ajiotaja səbəb olduğunu deyib:

“Bütün abituriyentlərin emossional vəziyyəti onsuz da gərgindir. Dövlət İmtahan Mərkəzinin (DİM) “Abituryent” jurnallarındakı məlumatlar quruma məxsus abituryent.az saytında da elektron versiada olurdu. Müəyyən ödəniş edərək oradan yükləmək olurdu. Amma 2 aydır ki, bu funksiya bağlanıb. Zəng də edəndə deyirlər ki, jurnal üçün köşkə yaxınlaşın.

Amma köşkə də gedəndə görürsən ki, satışda yoxdur. Onlar da, nəşriyyatdan almağı məsləhət görürlər, ancaq orada da yoxdur. Buna rəğmən, əlaltından baha qiymətlərə, yəni 25-30 manata satırlar. Çünki ona tələbat çoxdur. Bu da abituryentlər üçün problemlərə yol açır”.

Şikayətçi zənglərinə əhatəli cavab verilmədiyini bildirib:

“Dəfələrlə qaynar xəttə də zəng etsəm də, səbəbini bilmirlər. İndi hansı zəmanədir ki, jurnalın elektron versiyasını endirmək olmur? Daha artıq pul qazanmaq üçün süni ajiotaj yaradılır. Onsuz da imtahanlara görə gərgin olan abituryentlər belə çətin vəziyyətlə də qarşılaşırlar. Abituryentlər məlumat əldə etmək istəsələr də jurnalı tapa bilmirlər. “Onlayn satışda yoxdur” ifadəsini anlaya bilmirəm. Başa düşmürəm, bu, onlayn satışda necə qurtarır? Hansı səbəbə əsasən satışda yoxdur?”

Valideynin şikayəti ilə bağlı Dövlət İmtahan Mərkəzinə (DİM) müraciət etdik. Qurumdan məsələnin araşdırılacağını bildirdilər. //Cebhe.info//

Azərbaycan neftinin Avropada satışı ilə məşğul olan Adnan Əhmədzadə hər kəsi təəccübləndirən addım atıb.

Gununsesi.info-nun xəbərinə görə, iş adamı özünün instagram hesabında yeni həyat yoldaşı ilə foto və video paylaşıb.

Gununsesi.info-nu bilgiləndirən mənbənin sözlərinə görə, Adnan Əhmədzadə birinci ailəsindən 4 il əvvəl ayrılıb. Bu ayrılığa görə keçmiş xanımına bir neçə milyon dollar pul və əmlaklar verməli olub.

Qeyd edək ki, onun paylaşımlarının bəziləri Kann festifalında bəziləri isə Fransanın müxtəlif istirahət mərkəzlərində çəkilib.

Zaqatala rayon ərazisindən bir neçə iri dağ çayı axır. Onlardan da ən uzun və təhlükəlisinin tarixi adı Muxax, yeni adı Böyük çaydır. Tarixən bu çayın adı Zaqatalanın ən iri kəndlərindən olan Muxax yaşayış məntəqəsinin adı ilə bağlıdır. Təəssüflər ki, yol tikintisi zamanı çayın adı dəyişdirilib.

Bizim.Media-nın yerli bürosu xəbər verir ki, Qax-Zaqatala yolundan keçən bu çayın üzərində inşa edilən körpü yeddi aşırımlıdır.

Sel-sular həmin aşırımlardan ikisinin beton özülünü yuyub aparıb. Sakinlər hər an körpüdə qəza baş verə biləcəyini bildirir. Dəfələrlə müraciət etmələrinə baxmayaraq hələlik onları eşidən, dinləyən yoxdur.

Muxax kənd sakini İslam Şabanovun sözlərinə görə, bu körpü 15-17 il qabaq istifadəyə verilib:

“Yevlax-Zaqatala Gürgüstan magistralı qəzalı olduğundan hazırda bütün yük “TIR”-ları bu yoldan istifadə edir. Bu səbəbdən körpünün yükü artıb”.

Kənd sakini deyir ki, körpünün dayaqlarında betonlaşma zəif olduğundan müəyyən hissələri üzə çıxıb, qəzalı vəziyyətə düşüb. Mənbəyini 2800 metr yüksəklikdən götürən, sululuğuna və təhlükəliliyinə görə ən qorxulu çaylardan olan Muxax çayda hər zaman daşqınlar əmələ gəlir.

Sakin İkram Ramazanov bu körpünün altından böyük bir çayın keçdiyini bildirir:

“Əslində körpünün dayaqları ən azından 3-4 metr dərində olmalıdır. Altında dayananda təhlükə daha geniş şəkildə hiss olunur. Fikir verdinizsə bunun özülündə çay daşları qoyublar, bu elə olmalı deyildi. Seçilmiş inşaat materialı, şebel, çınqıl və yüksək keyfiyyətli sement olmalıdır. Biz bu barədə aidiyyatı qurumlara xəbər vermişik, lakin hələlik bir nəticə yoxdur”.

Muxaxçay niyə Böyükçay oldu?

Əslində bu ad, yəni çayın indiki adının hardan və necə qaynaqlanması sakinlərin marağına səbəb olub. Və bu adı kim, hardan, hansı mənbəyə istinadən yazıb bax bu sakinləri düşündürən əsas məsələdir. Sakinlərin ciddi narazılığına səbəb olan məsələlərdən biri də Muxax çayın adının Böyük çay kimi yazılmasıdır.

Kənd sakini Məmmədemin Əliyev Azərbaycan sovet ensklopediyasında və Azərbaycan toponimləri kitablarında çayın adının Muxax kimi göstərildiyini deyir:

“Bu çayın adını dəyişdirib Böyük çay qoyublar. Dəfələrlə biz Azərbaycan Avtomobil Yollarına müraciət etsək də müraciətimizə baxmırlar. Çayın köhnə adını bərpa etmirlər. Amma mübarizəni sona kimi davam etdirəcəyik”.

Məsələ ilə əlaqədar Azərbaycan Avtomobil Yolları Dövlət Agentliyindən bildirildi ki, qeyd olunan körpüdə hər hansı təhlükə yoxdur, vətəndaşlar rahatlıqla istifadə edə bilər.

Həmin körpünün dayaqları 18 metr dərinliyə malik, dəmir-beton suvaylar üzərində inşa olunub. Dayaqlar tam sağlamdır.

Çayın adının dəyişdiriliməsinə gəldikdə isə Dövlət Agentliyinin nümayəndəsi qeyd edib ki, ərazi üzrə icra sturukturları tərəfindən əsaslandırılan müraciət rəsmi olaraq onlara ünvanlasın. Belə olan halda adların yenilənməsinə baxıla bilər.

Hamı təhsilə görə Elm və Təhsil naziri Emin Əmrullayevi qınayır, amma heç kəs dönüb özünə baxmır.

Nə desin nazir? Desin ki, uzun illər rüşvətə dadanmış nataraz direktorlar, rüşvət verib cəmiyyəti pozan valideynlər və s. həbs olunsunlar? Problemin nüvəsini dilə gətirmək imkan xaricindədirsə, bir nazir nə etməlidir? Əlbəttə, şaftalı sözünü düz yaza bilməyən müəllimi qınamalı, ya dərslərin filan vaxt başlanmasını gündəm etməli və ya bu kimi 4-cü, 5-ci məsələlərdən danışıb yola verməlidir də. Başqa nə edə bilər bizimlə?! Rüşvətin istila etdiyi xəstə mühitdə xəstə başlarla nəsə etmək olarmı?! Bir deyil, iki deyil, 10 deyil, 100 deyil….

Eyyuhənnas (ey camaat)! Bilin və agah olun: Təhsildəki problemin əlifbası rüşvətdir! Bu üzüqara əlifbanı dəyişməyincə biz dəyişməyəcəyik, vəssalam. Qalanları palavra! Özümüzü, düşüncəmizi bədnam əlifbanı dəyişmək istiqamətində səfərbər etməsək, yüz nazir dəyişsək də, təhsilimizin marşrutu dəyişməyəcək!

Şəxsən tanımasam da, camaatın münasibətindən belə başa düşürəm ki, E.Əmrullayev “səriştəsiz” nazirdir, deyilmi? Məsələn, bəzi “çoxbilmiş” sələfləri, nazirlər, rektorlar, direktorlar, akademik-alimlər kimi rüşvət, sövdələşmə, “yaxşılıq etmə”, altdan-altdan iş görmə vərdişləri ilə xalqı eyforiyaya, yaxud sakit ölümə qapdıra bilmir. Görünür, bu işdə son dərəcə təcrübəli sələflərinin üsul və üslubunu mənimsəməyib. Bu 3-4 ildə təhsil cəbhəsindən xalqın anasını ağlatmağın incə metodologiyasına yiyələnə bilməyibsə, deməli, zəif nazirdir, deyilmi?!

“Adam o boyda elm və təhsilin başçısıdır, di gəl ki, villaları, biznes şəbəkələri, pulla, peşkəşlə saxladığı jurnalist ordusu, qoruyucu trolları və s. yoxdur. Belə şeymi olar, ay qardaş?!”

Təhsili təkcə cibgir, büdcəgir nazirlər, nazirliyin milyonçu aparat işçiləri, oğru-rüşvətxor şöbə müdirləri və bu qəbildən olanlar deyil, həmçinin əyriliyə səcdə edən bizlər bu günə qoymuşuq: məktəb partalarından tutmuş universitet auditoriyalarına qədər. Təhsildəki bərbad vəziyyət xalq olaraq bizim sifarişimizin məhsuludur.
Deməli, təhsili düzəltmək istəyiriksə, ilk növbədə özümüzü düzəltməliyik.

İdris Abbasov, professor

Abşeron rayon İcra Hakimiyyətinin başçısı Abdin Fərzəliyevin həmyerlisi Masazır bələdiyyəsinin yeni sədri seçilibmiş.

Qaynarinfo-nun əldə etdiyi məlumata görə, Masazır bələdiyyəsinin üzvlərinin keçirdiyi yığıncaqda sədr Fətullayev Rüfət Səyavuş oğlu vəzifəsindən kənarlaşdırılıb.

Masazır bələdiyyəsinin yeni sədri isə 1991-ci il təvəllüdlü, əslən Naxçıvan Muxtar Respublikasından olan Quliyev Azər İlham oğlu seçilib.

Azər Quliyev həmçinin 45 saylı Abşeron Dairə Seçki Komissiyasının sədri Abbasova Dilşad Salman qızının yaxın qohumudur.

Qeyd edək ki, bir müddət əvvəl Masazır bələdiyyəsinin sədri dəyişsə də, bu barədə ictimaiətə məlumat verilməyib. Qəsəbə sakinlərinin əksəriyyəti hələ də bələdiyyə sədrinin Rüfət Fətullayev olduğunu düşünürlər.