Qaçqınların və Məcburi Köçkünləri İşləri üzrə Dövlət Komitəsi mərkəzi aparatda və yerli bölmələrdə aparılacaq cari təmir işləri ilə bağlı tenderə yekun vurub.

Qaynarinfo xəbər verir ki, tenderin qalibi “Simmetriya” MMC olub. Komitə ilə şirkət arasında bağlanacaq satınalma müqaviləsinin maliyyə dəyəri 97 526,33 AZN təşkil edir.

İqtisadiyyat Nazirliyi yanında Dövlət Vergi Xidmətinin reyestr məlumatlarında göstərilir ki, “Simmetriya” MMC 18 noyabr 2002-ci ildə qeydiyyata alınıb. Nizamnamə kapitalı 6 AZN olan şirkətin hüquqi ünvanı Şəmkir rayonu, Dəllər qəsəbəsində yerləşir. MMC-nin qanuni təmsilçisi Ağayev Ağa Xəqani oğludur.

“Simmetriya” MMC 21 ildir fəaliyyət göstərməsinə baxmayaraq, açıq mənbələrdə barəsində heç bir məlumata rast gəlinmir. Ağa Ağayev də populyar sahibkar deyil. Onun haqqında heç bir məlumat yoxdur.

Buna baxmayaraq, Məcburi Köçkünlərin və Qaçqınların İşləri üzrə Dövlət Komitəsi vaxtaşırı bu şirkətlə satınalma müqaviləsi imzalayır. Təkcə 2022-ci ildə qurumla şirkət arasında imzalanan müqavilələrin maliyyə dəyəri 821 043, 38 AZN təşkil edir.

6 manatlıq və adına heç bir yerdə rast gəlinməyən şirkətin iri məbləğli tenderləri qazanması bir qədər şübhəli görünür. Üstəlik Məcburi Köçkünlərin və Qaçqınların İşləri üzrə Dövlət Komitəsinin keçirdiyi tenderlərin qeyri-şəffaflığı haqqında mediada kifayət qədər faktlara rast gəlinir. Bu isə “Simmetriya” MMC tender əməliyyatlarında iştirak üçün təsis edildiyi qənaətini yaradır.

Məcburi Köşkünlərin və Qaçqınların İşləri zürə Dövlət Komitəsinin sədri Rövşən Rzayevdir. O, 2018-ci ildən bu vəzifədədir.

Xətai rayonunda yaşıllıqların məhv edilməsi prosesi davam etdirilir.

Bu acınacaqlı hadisə ilə bağlı redaksiyamıza yeni faktlar daxil olub.

Təqdim edilən fotolardan aydın olur ki, ağaclar kütləvi və fərdi qaydada məhv edilir. Kütləvi məhv edilən ağaclar əvvəlcə hündür hasara alınır.

Sonra bir gecənin içində ağaclar kəsilib, ərazidən daşınır. Fərdi qaydada isə ağaclar ya tikinti altına salınır, ya da ki, onların quruması üçün ağılagəlməz addımlar atılır. Məsələn, Əhmədli yaşayış massivində Məhəmməd Hadi küçəsi 103 ünvanda qocaman ağac bir gecənin içində kəsilib. Ağac qatilləri öz bəd əməllərindən sığortalanmaq üçün əraziyə fidanlar basdırıb.

Təqdim edilən başqa bir görüntü isə “Bakı” kinoteatrının yaxınlığında çəkilib. Deməli, burdakı Natariot kontorunun sahibi öz ofisini genişləndirmək üçün neçə illərin ağacını tikilinin içinə salıb.

Bura yaxın digər ərazidə isə ağaclar daş və dəmir çərçivəyə alınaraq aqrotexniki qulluqdan məhrum edilib.

Belə vəziyyətdə isə ağaclar qurumağa məhkum olur. Nəticədə bir müddət sonra quruyan ağacın kəsilməsi “zərurəti yaranır”. Beləcə, yaşıllıqlar işbazların fərdi maraqları və müvafiq qurumların laqeyidlikləri ucbatından yavaş-yavaş məhv edilir.

Bəs, belə qanunsuzluqlara nə zaman “dur” deyiləcək?




//bizim.media//

Bakıda fəaliyyət göstərən QuestNet (QNET) şirkəti 5 ailənin kabusuna çevrilib.

TEREF.AZ bildirir ki, bu barədə Qaynarinfo-ya müraciət edən həmin ailələr bildirir ki, QNET şirkətinin biznes təklifinə aldanaraq dələduzluğa məruz qalıblar.

Şikayətçilərdən Natavan Ələsgərlinin sözlərinə görə, QNET şirkətinə görə banklardan 12 000 AZN kredit götürüb: "Bizi aldatdılar ki, bu çox sərfəli biznesdir. Yaxşı pul qazanacaqsınız. Bizə məhsullar təklif etdilər. İlk növbədə bu məhsulları almalı, daha sonra yeni adamları bu işə cəlb etməli və guya pul qazanmalı idik. Əgər təklif etdikləri məhsulların həqiqətən yüksək dəyəri olsaydı, dərd yarı idi. Təsəvvür edin, yoldaşım Eltural Ələsgərliyə saat satıblar. Deyiblər ki, korpusu qızıldır, içində briliant qaşlar var, mənə isə sep satıblar. Bu məhsullara görə bizdən 12 000 manat alıblar”.

Şikayətçi əlavə edib ki, sonradan aldıqları məhsulları yoxlatdıranda aldanıldıqlarını anlayıblar: "Övladımızın səhhətində problem yaranmışdı. Banklara kredit borcumuz olduğuna görə yenidən kredit götürə bilmədik. Düşündük ki, QNET-dən aldğımız məhsulları sataraq əməliyyat xərclərini ödəyə bilərik. Məlum oldu ki, bu məhsulları ucuz məhsullardır. Saat qızıl deyil, içində də briliant qaşlar yoxdur. Halbuki saatın "pasportu"nda onun qızıl olduğu qeyd edilib. Amma adi metaldır. Mənə satılan sepin də adi metaldan olduğu üzə çıxdı. Artıq aldanıldığımızı başa düşdük. Şirkətə müraciət edərək pullarımızı geri istədik. Lakin vermədilər. İndi bankalara borcumuz bir yandan, övladımızın xəstəliyi bir yandan. Bilmirik nə edək”.

QNET-in qurbanı olanlardan Elçin Əzizov isə 8000 yatırım etdiyini deyib: "Bir dənə sırğa satıblar, adi dəmirdən. Təkcə ona görə 3000 manatdan artıq pul vermişəm. Mənə dedilər ki, guya yaxşı pul qazanacaqsan. 8000 manatın müqabilində bircə dəfə 450 manat veriblər. İşin ən maraqlı tərəfi budur ki, biz məhsulları qaytara bilmirik. Çünki elə sistem qurublar ki, məhsulların qaytarmaq müddəti ötür. Heç bir divident də götürə bilmirik. Kimi cəlb edək? Kim saxta məhsula, adi dəmirə 3000-5000 pul verər? Amma bizi bura cəlb edəndə məhsulları elə tərfilədilər ki, sanki bu məhsullardan qiymətli heç nə yoxdur. İndi qalmışam bankların əlində”.

Xəyalə Haqverdiyeva adlı vətəndaş isə QNET-ə 4000 yatırım edib. Ona da adi metaldan sep satılıb. Şikayətçi deyir ki, pulu bankdan götürüb. Aldanıldığını başa düşəndə şirkətə müraciət edərək pulunu geri istəyib, lakin verməyiblər: "Ona görə də hüquq-mühafizə orqanlarına müraciət etdim. Sağ olsun Daxili İşlər Nazirliyinin Baş Mütəşəkkil Cinayətkarlığa Qarşı Mübarizə İdarəsi müraciətimə operativ reaksiya verdi. Məni dəvət etdilər, ifadəmi aldılar. Şirkətin mənə satdığı məhsulu da onlara təqdim etdim. Ümid edirəm ki, pulumun geri qaytarılmasına yardım olunacaq. Yoldaşımdan ayrılmışam, tək qadınam. Öhdəmdə övladım və yaşlı anam var. Onları dolandırmaq üçün min bir əziyyət çəkirəm. Hazırda bankın kreditini ödəyə bilmirəm, faiz də dayanmır. Artıq dözə bilmirəm. İntihar həddinə çatmışam”.

QNET-in qurbanlarından biri də Asif Əliyevdir. O, taksi sürücüsüdür. QNET-dən 2800 manatlıq məhsul alıb. Lakin məhsulun real qiyməti bundan dəfələrlə aşağıdır: "Mənə iş təklif edildi. Çətinliklə dolanıram, Sumqayıtda taksi sürüb ailəmi dolandıraram. QNET-in təklifi cəlbedici idi. Ona görə də bankdan pul götürüb şəbəkəyə qoşuldum. Sep satıblar mənə. Adi metaldandır. Amma deyirdilər ki, qızıldır. Sonradan aldanıldığımı başa düşdüm”.

Asif Əliyev də aldanıldığını başa düşəndən sonra hüquq-mühafizə orqanlarına müraciət edib: "İfadəmi vermişəm. Ümid edirəm ki, nəticəsi olacaq”.

Nicat Paşayev adlı vətəndaş isə 3927 manatlıq məhsul alıb: "Aldığım məhsul saxtadır. Konkret olaraq aldanılmışam. Pulu bankdan götürmüşəm. İndi qaytara bilmirəm. Kredit götürəndə arxayın idim. Düşünürdüm ki, iş görüb pul qazanacam, krediti bağlayacam. Amma məhsulların saxta olduğunu görəndə başa düşdüm ki, bu dələduzluqdur”.

Nəsimi Paşayev adlı şikayətçi isə deyib ki, ona 2830 manata saxta məhsul satılıb: "Bankdan kredit götürüb almışam. Deyirdilər ki, yaxşı biznesdir, hər şey qanunidir. Amma sonradan anladım ki, aldadırlar. Pulumu da geri ala bilmirəm”.

QNET tərəfindən aldadıqlarını deyən vətəndaşlar baş verənlərdə əsasən Səbinə adlı xanımın adını hallandırırlar. Onların sözlərinə görə, məhz bu xanıma inanaraq bu işə qoşulublar. "Amma indi zənglərimizə cavab vermir. Nömrələrimiz bloka atıb. Hətta bəzilərimizi hədələyib. Elə danışır, sanki arxasında hansısa qüvvələr dayanır. Amma biz hüquqi dövlətdə yaşayırıq və inanırıq ki, başımıza bu oyunu gətirənlər məsuliyyətdən kənarda qalmayacaq”.

Şikayətçilər bizim söhbət edərkən Səbinə xanıma ayrı-ayrı nömrələrdən də zəng vurub. Lakin o, telefonu açmayıb.

Baş verənlərlər bağlı hələ ki, hüquq-mühafizə orqanlarına şikayət etməyən vətəndaşların sözlərinə görə, şirkət rəhbərliyinin pullarını geri qaytaracağına inanıblar: "Düşündük ki, məhsulları geri alıb pullarımız geri qaytararlar. Səbr etdik, gözlədik. Amma artıq gözləyə bilmirik. Ona görə biz də şikayət edəcəyik”.

Şikayətçilər sonda deyiblər ki, baş verənləri ictimailəşdirməkdə məqsədləri həm də digər vətəndaşların bu tora düşməmələri üçündür.

Araşdırmalarımız zamanı bəlli olub ki, QNET şirkəti tərəfindən aldadılanların sayı çoxdur. Mediada bu barədə ayrı-ayrı vətəndaşların şikayətlərinə rast gəlinir. Hətta bu işlə bağlı Bakı Ağır Cinayətlər Məhkəməsində bir neçə nəfər mühakimə olunub.

Məsələ ilə bağlı QNET şirkətinin də mövqeyini öyrənməyə çalışdıq. Lakin şirkətin nə ünvanını, nə də əlaqə telefonlarını tapa bildik. Şikayətçilər deyir ki, şirkət vaxtaşırı ünvanını dəyişir.

“Bazarstore” supermarket şəbəkələrində satılan “Çil-Çil” adı altında istehsal olunan yumurtalar xarab çıxıb.
TEREF.AZ bildirir ki, bu barədə Kommersant.az-ın redaksiyasına müştəri tərəfindən şikayət daxil olub.

Həmin şəxs bildirb ki, bu gün həmin marketdən aldığı bağlamanın içində olan yumurtadan 4-ü xarab çıxdığına görə, digərlərini də atmalı olub:

“Yumurtaları qırmaq istədim, içindən qara su axdı və çox kəskin qoxu gəldi, digər yumurtaların sarısı da çox köhnəlmiş, bişmiş vəziyyətdə idi, iy gəlirdi”.

Yumurta qutusunun üstündə isə istehsal tarixi 17 aprel 2023-cü il qeyd olunsa da , son istifadə tarixi qeyd edilməyib.

Həmin fotoları təqdim edirik:

Paytaxtın Binəqədi rayonu, Cəfər Xəndan və Ənvər Əlixanov küçələrində yerləşən malikanə tipli fərdi yaşayış evlərində həyatı rəngarəng yaşamaq üçün hər bir şərait mövcuddur. Bu malikanələrin sahibləri isə çox təəssüf ki, bu rəngarənliyi fərdi yaşayış evlərinin qaz sayğaclarına da şamil ediblər. Özü də rəngi qara olan işlər sayəsində.

Daha dəqiq hər iki fərdi yaşayış evinin qaz sayğacının daxilinə edilən qanunsuz müdaxilə nəticəsində istehlak edilən qazın sərfiyyatı qeydə alınmayıb. Kənar müdaxiləyə məruz qalan hər 2 malikanə tipli fərdi yaşayış evinin sayğacları laboratoriyada yoxlanılması üçün Birliyin Metrologiya Departamentinə gətirilib. Abonentlərin razılığı ilə əvvəlcə vizual sonra kamera vasitəsi ilə sayğacın daxilinə baxış keçirilərək qanunsuz müdaxilə halı öz təsdiqini tapıb.

Bir daha abonentləri qaz sayğaclarına edilən qanunsuz kənar müdaxilələrdən uzaq durmağa çağırırıq. Əks halda qanun çərçivəsində tədbirlər görüləcək.