www.dunyapress.info - Diqqət mərkəzi

Vəzifədə olmasa da, tender bazarında payı var... - BU DA FAKT!!!

Yaradılıb 08.05.2023 09:24 | Baxış sayı: 73

DİA.AZ: - İcbari Tibbi Sığorta Agentliyi ““Ana və uşaqların sağlamlığının yaxşılaşdırılmasına dair Dövlət Proqramı” üzrə sərfiyyat mallarının satın alınması ilə bağlı tenderinə yekun vurub.

DİA.AZ xəbər verir ki, qalib "Arash Medical Company" MMC (VÖEN: 1402018961) olub.
Qalib şirkətə 704 784 manat ödəniləcək.

"Arash Medical Company" MMC daha öncə də həmin agentliyin 265 289 manat dəyərindəki "Agentliyi “Maqnit Rezonans Tomoqrafiya (MRT) aparatları üçün maye halında helium qazının və dolum xidmətləri”nin satın alınması ilə bağlı tenderinin qalibi seçilib (22.02.2023).

DİA.AZ xatırladır ki, "Arash Medical Company" MMC heç də sıradan bir şirkət deyil və yerli KİV-də bununla bağlı ilginc faktlar açıqlanıb və aydın olur ki, "Arash Medical Company" MMC-yə dövlət qurumlarının ÖZƏL MÜNASİBƏTİ SƏBƏBSİZ DEYİL.

Azərbaycanda hər sahənin öz “tender kralı”nın olduğu heç kimə sirr deyil. Həmin “krallar”ın isə bu və ya digər formada hansısa məmur-oliqarxa bağlı olduğunu da bilməyən yoxdur. Həmçinin, Azərbaycanda büdcə vəsaitlərinin mənimsənilməsinə dair ən böyük şübhələrin məhz dövlət satınalmaları və tenderlərlə bağlı olduğunu da mütəxəssislər dəfələrlə səsləndiriblər. Amma nə faydası, yenə “köhnə hamam, köhnə tas…”

Hər sahənin öz “sahibi” olduğu kimi, son 12 ildən artıq müddətin nəticələri göstərir ki, tibbi ləvazimatların təchizatı, avadanlıqların satınalınması başda olmaqla, səhiyyə sisteminin də favoriti “Arash Medical Company” MMC-dir.

Qeyd edək ki, “Arash Medical Company” ləğv olunan “Araş Medikal” MMC-nin aktivləri əsasında təsis edilib. Şirkətin 2011-ci ildə yaradıldığı deyilir, amma hələ 2010-cu ilin müsabiqə reyestrlərinə əsasən, Tibb Unversiteti yeni adı ilə ondan 917 173,54 manatlıq tibbi avadanlıqlar satın alıb.

Ümumilikdə isə “Araş Medikal” MMC və “Arash Medical Company” təkcə həmin yarandığı il xüsusilə Səhiyyə Nazirliyi və digər qurumlardan 13 398 507,06 manat dəyərində 46 tender qazanıb. Təkcə bir ildə İnnovasiya və Təchizat Mərkəzinin xəttilə 7 399 455,98 manatlıq tender “udub”. Azərbaycan Tibb Universiteti də 2010-cu ildə “Arash Medikal Production LTD” adlı şirkətdən 8 099 515,79 manatlıq Tədris-Terapevtik Klinikasının inventarlarını satın alıb.

“Araş Medical Company MMC” son 12 il ərzində əksəriyyəti Səhiyyə Nazirliyindən olmaqla ümumi dəyəri 250 milyon manatdan yuxarı dövlət satınalması əldə edib. Bu, olduqca böyük məbləğdir və ona görə də bu qədər tenderin bir şirkətə verilməsi təsadüfi sayılmır. Belə ki, sözügedən şirkətin sabiq spiker Oqtay Əsədovun qardaşı oğlu Cavid Əsədova məxsus olduğu bildirilir və qeyd olunur ki, bu şirkətin səhiyyə sisteminin “favorit”inə çevrilməsində Oqtay Əsədovla keçmiş Səhiyyə naziri Oqtay Şirəliyevin münasibətlərinin xüsusi rolu var. Hələlik mətbuatda bu iddianı təkzib edən məlumat dərc olunmayıb.

Maraqlıdır ki, Oqtay Əsədov artıq xeyli vaxtdır vəzifəsilə vidalaşsa da, hətta Oqtay Şirəliyev də görəvdən alınsa da, sözügedən şirkətin səhiyyə tenderlərilə bağlı işləri yenə öz qaydasında gedir. Bir daha xatırladaq ki, mətbuatda dərc edilən rəsmi statistik göstəricilərə görə, son 12 ildə sözügedən şirkət 300 milyon manatdan artıq dəyərdə tenderin qalibi olub…

Məsələ ilə bağlı dia.az olaraq qarşı tərəfi də dinləməyə hazırıq...

Goranboyda Qarabağ Qazisi əkməyə torpaq tapmır... - MÜRACİƏT

Yaradılıb 08.05.2023 09:08 | Baxış sayı: 69

Goranboy rayon sakini, İkinci Qarabağ savaşı qazisi Eminov Aqil bildirir ki, o Goranboy rayon Qizilhacılı bələdiyyəsinə və aidiyyatı qurumlara torpaq almaq üçün müraciət edib və ona bələdiyyə tərəfindən torpaq sahəsi verilib.

Vətəndaşın sözlərinə görə qurumlar tərəfindən ona müvafiq sənədlər verilib və bələdiyyədən ona iqtisadiyyat nazirinin rəyindən sonra əkinə baslaya biləcəyini qeyd ediblər.

Lakin, 1 ildir ki, iqtisadiyyat nazirliyindən rəy ala bilmədiyi üçün tirpaq sahəsindən faydalana bilmir. Şikayətçi kanalımız vasitəsilə aidiyyəti qurumlara müraciət edərək onun işinə baxılaraq köməklik göstərilməsini xahiş edir. //kanal13//

Daha ətraflı aşağıdakı videoda:

Bakı Apellyasiya Məhkəməsinin Cinayət Kollegiyasının növbəti hoqqabazlığı

Yaradılıb 08.05.2023 08:49 | Baxış sayı: 57

Bakı Apellyasiya Məhkəməsinin Cinayət Kollegiyasının növbəti hoqqabazlığı
İşgəncəgörən 1-ci dərəcəli Qarabağ qazisi “şübhəli şəxs” kimi “məhkəmə şousu”na çağırılır

1-ci dərəcəli Qarabağ əlilinin evindən 3 maşın polisin zoru ilə Nizami RPİ-nin 24-cü Polis Şöbəsində qollarının arxadan qandallanıb işgəncəyə uğradılmasında , 9 qabırğasının sındırılmasında, tibbi yardıma da qadağa qoyub , iki sutka yaralı durumda istintaq -işgəncə kamerasında həbs edilməsində insan hüquqları üzrə müvəkkil (ombudsman ) cinayət tərkibinin olmadığını prokurorluğa istinadla bildirir. Bəs prokurorluq, bəs məhkəmə? İnandırıcı deyil, amma prokurorluq və məhkəmə cinayəti nəinki ört-basdır edir, həm də cinayəti açıq şəkildə müdafiə edirlər.

Nizami rayon prokuroru Pərviz İbayev insanın qanunsuz olaraq azadlıqdan məhrum edildiyinə görə Azərbaycan Respublikası Cinayət Prosessual Məcəlləsinin 209.2.7 maddəsinə əsasən anında cinayət işi başlamalı olduğu halda , məhkəmənin qərarı olmadan həbsdə saxlanılan 1-ci dərəcəli Qarabağ əlilinin evində axtarış aparılmasına müstəntiq Qalib Kərimlinin vəsatəti əsasında təqdimat yazıb. (?) İnanmırsınızsa, Nizami məhkəməsinin hakimi Nigar Qədirlinin adından dələduz icra məmurlarının 05.09.2022-ci il tarixinə 14.10.2022-ci ildə tərtib etdiyi 5 (007)-422 /2022 saylı qərara baxa bilərsiniz. Qərarın ikinci abzasında yazılıb : “...03.09.2022-ci ildə Azərbaycan Respublikası Cinayət Məcəlləsinin 320.1 -ci maddəsi ilə şübhəli şəxs qismində tutulmuşdur , HAL -HAZIRDA NİZAMİ RPİ-NİN MSY-DƏ (MÜVƏQQƏTİ SAXLAMA YERİNDƏ) SAXLANILIR”. İstənilən prokuror, istənilən məhkəmə “CM-in 320.1-ci maddəsi ilə şübhəli şəxs qismində tutulma” absurdluğunu , özbaşınalığını bir qırağa qoyaq, MƏHKƏMƏ QƏRARI OLMADAN HƏBSDƏ SAXLANILMANI BİLƏN KİMİ CİNAYƏT PROSESSUAL MƏCƏLLƏNİN 209.2.7 MADDƏSİNƏ UYĞUN ANINDA CİNAYƏT İŞİ BAŞLAMALI DEYİLMİ? Yox, bizim məhkəmə hüquq sisteminin yazılmamış qanunları var axı! Hakim Nigar Qədirli Azərbaycan Respublikasının Cinayət Prosessual Məcəlləsinə istinad edib. Görün, necə: “ CİNAYƏT PROSESSUAL QANUNVERİCİLİYİNDƏ NƏZƏRDƏ TUTULMUŞDUR Kİ, (ŞƏXSİ MƏHKƏMƏ QƏRARI OLMADAN HƏBSDƏ SAXLAYIB) , YAŞADIĞI ÜNVANDA BAXIŞ, AXTARIŞ VƏ GÖTÜRMƏ İSTİNTAQ HƏRƏKƏTİ APARILMASI ZƏRURİDİR.”

05.09.2022-ci il tarixli bu geydirmə qərardan , verildiyi 14.10.2022-ci ildə apellyasiya şikayəti verilsə də, Bakı Apellyasiya Məhkəməsinin Cinayət Kollegiyası 8 aydır şikayətin məhkəməyə daxil olmadığını bildirib, cinayəti ört-basdır etməklə məşğuldu. Axırı, 05.05.2023-cü ildə hakim İlqar Murquzov 1-ci dərəcəli Qarabağ əlilini “şübhəli şəxs” kimi məhkəmə -məzhəkə şousuna çağırıb. Gerçəkdə bu çağırış eldə deyildiyi kimi, toydan sonra nağara yetkisi bağışlayır . 3 günə baxılmalı olan işə evin quldurluqla yağmalanmasından 8 ay sonra baxılmasından nəsə gözləməyə dəyər? Hələ bir “toydan sonra nağara” şousuna “şübhəli şəxs” qismində çağırılmağa baxın. Bəyəm məhkəmə bilmir ki, 8 ay “şübhəli şəxs” statusuna məhkum edilmək CPM-də nəzərdə tutulmur? Bir də onsuz da qərarın qüvvədə saxlanılacağı CPM -ə uyğun(suz) olacaq.

Azərbaycan reallığı : polis əlili, qocanı, uşağı, qadını, xanımı “şübhəli şəxs” kimi oğurlayıb işgəncə verib qoluqandallı həbs edir , prokuror evində axtarışa təqdimat verir, məhkəmə də təqdimatı təmin edir. “Şübhəli şəxs”in nə müdafiə hüququ var, nə də şikayət hüququ..Yalnız işgəncə görmək, qeyri – prosessual məcburiyyət tədbirinə uğramaq “hüququ” saxlanılır.

Məğrur BƏDƏLSOY

P. S. 8 aydan sonra da olsa, Bakı Apellyasiya Məhkəməsi işi “tapdı”. Nizami prokuroru Pərviz İbayevin 06.10.2022-ci il tarixli cinayət işinin başlanmasından imtina barədə qərarını isə 7 aydır Baş prokuror Kamran Əliyev, Bakı şəhər prokuroru Elşən Abbasov , Ombudsman “tapa bilmir”. Dövlət hesabına vəkil də yoxdur ki, “tapıntı sorğusu” versin.
/hurriyyet.az/

Facebook-da paylaş

`Azəriqaz`ın SAYĞAC BİZNESİ... - CAMAAT CANA DOYUB...

Yaradılıb 06.05.2023 11:06 | Baxış sayı: 72

Azərbaycanda smart tipli sayğacların dövriyyədən çıxarılması və mexaniki sayğaclanma əvəzlənməsi prosesi davam edir.

Artıq pilot layihə çərçivəsində 40 min abonentin mənzilinə yeni nəsil sayğac quraşdırılıb. Bu cür sayğacların quraşdırılması prosesinə mənzil-tikinti kooperativlərindən (MTK) başlayıb. Quraşdırılan yeni nəsil sayğaclar “Azəriqaz” İB-nin öz maddi hesabına həyata keçirilir. “Azəriqaz” İstehsalat Birliyinin mətbuat katibi Eldəniz Vəliyev bildirib ki, fərdi yaşayış evləri də xüsusi cihazlarla təchiz olunmuş sayğaclara keçəndən sonra mərhələli şəkildə köhnə smart tipli sayğaclar dövriyyədən çıxacaq.

Bu sayğacları hər dəfə dəyişməkdə məqsəd nədir?

DİA.AZ-ın məlumatına görə, Cebhe.info-ya açıqlamasında iqtisadçı ekspert Akif Nəsirli bildirib ki, smart tipli sayğacların 27 il istifadəsi mümkün olsa da, tez-tez dəyişdirilir:

“2009-cu ildən sonra Bakı şəhərində smart sayğaclar quraşdırıldı. Həmin sayğacların istifadə müddəti öz texniki pasportunda 27 ildir. Yəni hər 9 ildən bir içindəki elementi dəyişməklə, həmçinin 5 illik yoxlamadan keçirməklə, bu sayğacların istifadəsi mümkündür. Avropada quraşdırılan smart tipli sayğaclar 30 ildən çox istifadə edilib. Yəni təcrübə var. Digər tərəfdən, sayğacların uzun müddət istifadəsi dövlət büdcəsinə qənaətdir.

Çox təəssüf ki, “Azəriqaz”, “Azərişıq” bu sayğacların tez-tez dəyişdirilməsində maraqlıdır. Çünki sayğacların yenilənməsi layihələrində bu qurumların “qara qazanc”ı olur. Daha doğrusu, korrupsiyaya uğradılan külli miqdarda məbləğ var. Həmin məbləğin mənimsənilməsi üçün bir neçə ildən bir sayğacların yenisi ilə əvəzlənməsi prosesi gedir. Smart tipli sayğacların mexaniki sayğaclarla əvəz edilməsinin əleyhinəyəm”.

O bildirib ki, bu yolla xərc həm də əhaliyə yüklənir:

“Bu üsulla mexaniki sayğaca keçid etməklə, həm layihələrdən “qara yolla” pul qazanırlar, həm də mexaniki sayğaclarla əhalini daha çox yükləmək olur. Rayonlarda daha çox mexaniki sayğaclardır. Qaz itkisini həmin mexaniki sağacı olan abonentlərin üstünə yazırlar. Bununla da öz qaz itkilərini aradan qaldırırlar. Halbuki qaz itkisi qurumun öz səhlənkarlığı ucbatından itib. Hesab edirəm ki, bu, yalnız korrupsiya layihələrdir, korrupsiyaya hesablanmış məsələlərdir”.

Leyla Əliyeva Ulu Öndərin 100 illiyinə həsr edilən ekoloji aksiyalarda - FOTOLAR

Yaradılıb 06.05.2023 09:49 | Baxış sayı: 69

Yaşıllıqların artırılmasına, ətraf mühitin sağlamlaşdırılmasına hər zaman böyük önəm vermiş Ümummilli Lider Heydər Əliyevin anadan olmasının 100-cü ildönümü ilə əlaqədar mayın 5-də Lənkəran rayonunda silsilə ekoloji aksiyalar keçirilib.

İlk olaraq, Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva, ekologiya və təbii sərvətlər naziri Muxtar Babayev və gənc könüllülərin iştirakı ilə Lənkəran rayonunun meşə fondu ərazisində ağacəkmə tədbiri keçirilib. Meşəbərpa məqsədilə keçirilən tədbirdə adı Azərbaycanın “Qırmızı kitabı”na düşmüş dəmirağac əkilib.
Sonra Hirkan Milli Parkında turistlərin rahat hərəkət etməsi üçün ekoturizm cığırının “çex modeli” üzrə nişanlanması həyata keçirilib. Sözügedən üsulun ölkəmizdə ekoturizmin inkişafına təkan verməsi məqsədilə xüsusi mühafizə olunan təbiət ərazilərində geniş tətbiq edilməsi nəzərdə tutulur.

Tədbirin davamı olaraq, IDEA İctimai Birliyi və Ekologiya və Təbii Sərvətlər Nazirliyinin birgə təşkilatçılığı ilə Azərbaycanın daxili su hövzələrində balıq populyasiyasının mühafizəsinə və artırılmasına yönəlmiş “Zəngin hövzələr” layihəsi çərçivəsində Xanbulan gölünə balıq körpələrinin buraxılışı həyata keçirilib. Belə ki, sözügedən gölə ümumilikdə 50 000 ədəd çəki körpəsi buraxılıb.

Daha sonra Bakı Zooloji Parkı tərəfindən Azərbaycanın nadir və nəsli kəsilməkdə olan fauna növlərinin çoxaldılması üzrə IDEA İctimai Birliyi ilə əməkdaşlığı çərçivəsində təqdim edilən 7 baş tirəndaz (oxlu kirpi) Hirkan Milli Parkının ərazisinə buraxılıb.

Lənkəranda keçirilən ekoloji aksiyaların təşkilatçıları ölkə ictimaiyyətini Azərbaycanın zəngin və həssas biomüxtəlifliyinin mühafizə edilməsi, yaşıllıqların artırılması, bərpası və ətraf mühit naminə görülən digər səylərdə fəal iştirak etməyə çağırır.

XalqXeber.Az

“50 qəpik”i “Stolovaya” çevirən “Cakı” indi də yol kəsir… - VİDEO

Yaradılıb 06.05.2023 09:41 | Baxış sayı: 65

Metronun “Xətai” stansiyasının yaxınlığında fəaliyyət göstərən “Stalovaya” ( əvvəlki adı “50 qəpik” olub-red) adlı restoranın “Cakı” ləqəbli sahibi qanunlara məhəl qoymayaraq, özünə aid olmayan, yol infrastruktunun ərazisini zəbt edib. Çox maraqlıdır ki, bütün bu özbaşınalıq Xətai Rayon İcra Hakimiyyətinin inzibati binasının cəmi bir neçə addımlığında baş verir. Azinforum.az həmin ərazidən çəkilən videonu təqdim edir və ümidvar olduğunu bildirir ki, əlaqədar dövlət qurumları bu özbaşınalığın qarşısını alacaq. Mövzu diqqətimizdədir.

Azinforum.az

İnam Kərimov necə nazir idisə... elə də hakimlik edir... - FAKT BUDUR!

Yaradılıb 06.05.2023 09:24 | Baxış sayı: 92

DİA.AZ: - "Bakı İnzibati Məhkəməsinin 2-1 (81)-1095/16 saylı, 20.06.2016-cı il tarixli qərarının icrasını təmin etməkdən imtinasından ali dövlət hakimiyyəti orqanlarına, hüquq mühafizə orqanlarına şikayətlər heç bir sonuc vermir. Məhkəmə nəinki İnzibati Prosessual Məcəllənin (İPM) 116.2 maddəsinə, Ali Məhkəmə Plenumunun “İnzibati mübahisələrə dair işlər üzrə məhkəmə qərarlarının icrasının təmin edilməsi haqqında” 19.11.2021-ci il tarixli qərarına uyğun olaraq birinci instansiya məhkəməsi kimi çıxardığı qərarın icrasını təmin edir, heç tələbkar 1-ci dərəcəli Qarabağ əlilinin verdiyi ərizələrə belə baxmır". Bu barədə DİA.AZ-a göndərilən məqalədə deyilir.

Məqalədə daha sonra bildirilir: "Halbuki məhkəməyə daxil olan istənilən ərizəyə prosessual hüquq normalarına uyğun olaraq (məhkəmə aktı ilə) cavab verilməlidir. Bakı İnzibati Məhkəməsi , yəqin borclu ƏƏSMN Dövlət Sosial Təminat Xidmətinin, hazırda ƏƏSMN tabeliyində Sosial Xidmətlər Agentliyinin qeyri-prosessual basqısından çəkinir. Yoxsa, məhkəmə qərarının 7 ildə icrasını təmin etmək nə çətin işdir ki?
Sosial Xidmətlər Agentliyinin sədri Vüqar Behbudov elə “sosial xidmət” göstərir ki, dövlətin adından çıxarılan məhkəmə qərarının icrasına qadağa qoyub , hətta dövlətin 1-ci şəxslərinin tapşırığına belə cavab verməyi müavini Zaur İbrahimova tapşırıb. Bu müavin də 1-ci vitse-prezidentdən daxil olan müraciətlərə altı aydan bir şablon cavab yazır ki, sərəncam belə gəldi, fərman elə getdi, 2009-cu ildə Nərimanov rayonunda on nəfərlik ailəyə 38 kvadratmetrlik ikiotaqlı mənzil elə - belə getdi. Tələbkar 1-ci dərəcəli Qarabağ qazisi qanunla, Konstitusiya ilə doğrulanan hüququnu, dövlətin adından çıxarılan məhkəmə qərarının icrasını tələb edir, borclu nağıl danışır. DÖVLƏTİN ADINDAN ÇIXARILAN MƏHKƏMƏ QƏRARININ İCRASI MƏCBURİDİR. MƏHKƏMƏ QƏRARLARININ İCRA OLUNMAMASI QANUNLA NƏZƏRDƏ TUTULMUŞ MƏSULİYYƏTƏ SƏBƏB OLUR. Nağıl danışmaqla məsuliyyətdən yayınmaq olar? Prezident dəfələrlə bildirib ki, məmur xalqa xidmət etməlidir və 1 nömrəli xidmətçi də özüdür! Bəs Sosial Xidmətlər Agentliyi niyə Qarabağ qazilərinə xidmətdən, görəv borcuna baxmayaraq imtina edir?
Sosial Xidmətlər Agentliyi Ədliyyə Nazirliyinin yanında “toya getməlidir”. 1-ci vitse-prezidentin, DTX -nın, Konstitusiya Məhkəməsinin, Milli Məclisin sorğularına icra baş idarəsinin məsləhətçiləri (Akif Qurbanov, Mirnağı Seyidov və s.) “topdan “yox” cavabı verir. Ədliyyə Nazirliyinin məsləhətçilərinin nağılı lap uydurma, əfsanə janrına uyğundur. Təsəvvür edin, borclu məhkəmə qərarını icra etmədiyini nağıllarla izah edir, Ədliyyə Nazirliyinin məsləhətçiləri isə Bakı İnzibati Məhkəməsinin “məsləhətçi (Tural Kərimov) uydurması” ilə icranın məlumat əsasında təmin edildiyini, icra sənədi üzrə icraata Yasamal icra şöbəsində 26.12. 2017-ci ildə xitam verildiyini bildirir. (?) Belə nağıla, uydurmaya kim inansa da, 10 ildir mənzil növbəsində olan , qanunla 1-ci dərəcəli Qarabağ əlili kimi növbədənkənar mənzil təminatı hüququnu 7 ildir məhkəmə qərarı ilə doğruldan , amma mənzilsiz qalan 10 nəfərlik tələbkar ailəsi necə inana bilər? Bəyəm mənzil təminatı nağılla gerçəkləşir?
Ali Məhkəmə sədrinə Bakı İnzibati Məhkəməsinin 7 ildir qərarının icrasını təmin etməkdən imtinasından şikayət edən tələbkara sənədlərlə və vətəndaşların müraciətləri ilə iş şöbəsinin müdir müavini Vəsilə Əsədova cavab verib ki, İPM-in 116.2 maddəsinə görə, məhkəmə qərarlarının icrasını birinci instansiya məhkəməsi təmin etməlidir. Ona görə də Bakı İnzibati Məhkəməsinə müraciət etməyi məsləhət görən Ali Məhkəmə məmuru, deyəsən, şikayəti yaxşı oxumayıb. Nədən vətəndaş tələbkar elə birinci instansiya məhkəməsinin 7 ildir dövlətin adından çıxardığı qərarını icra etməkdən imtinasından şikayət edir. ..
Məsləhətlə “don genəlməsi” gerçəkləşə bilər , məhkəmə qərarının icrası yox..."

İddia olunanlarla bağlı dia.az olaraq bütün maraqlı tərəfləri dinləməyə hazırıq...

Neftçalada 100-ə yaxın fermerin BİR DƏRDİ VAR... - Amma bir dənləyənləri yoxdur...

Yaradılıb 06.05.2023 09:20 | Baxış sayı: 70

Neftçalalı fermerlər su qıtlığından əziyyət çəkirlər. Belə ki, yerli təsərrüfat sahibləri əkinlərini suvara bilmədiklərini deyirlər. Problemin əsas səbəblərindən biri isə su kanallarının baxımsız vəziyyətdə olmasıdır.

Təsərrüfat sahibləri deyirlər ki, su kanallarını qurunt suları basdığı üçün əkinləri su altında qalıb məhv olur.

Yerli fermer Sərxan Fərəcov bildirir ki, neçə illərdir əkin sahələrinə çəkilmiş su kanalları alaqdan və kol-koslardan təmizlənmir.

“Ona görə də su bol olanda sürətli axa bilmədiyindən sahələrə dolur. Nəticədə isə əkinimiz məhv olur. Dəfələrlə Bulat müəllimə ərizə yollamışam. Yazmışam ki, sizin kanalların lili mənim sahəmə vurur. Keçən il pambıq zavodu ilə müqavilə bağlamışdım. 3 hektar sahəyə iki min manatlıq çiyit səpmişdim. Su basması nəticəsində həmin çiyitlər də məhv oldu”.

Fermerin bildirdiyinə görə, artıq illərdir ki, oxşar problemi yaşayırlar.

Sərxan Fərəcov əkin üçün 10 min manata yaxın borc pul aldığını, lakin məhsul əldə edə bilmədiyi üçün həmin pulu qaytara bilmədiyini də qeyd edib.

Digər müsahibimiz, Sərxan Fərəcovun həmkəndlisi Telman Orucovun da sahəsi onun əkin sahəsi ilə yanaşıdır. Telman Orucov 4 hektar taxıl sahəsinin yarısının suyun altında qaldığını bildirib.

Onun sözlərinə görə, su kanalının ətrafında əraziləri olan 100-ə yaxın fermer oxşar problemdən əziyyət çəkir.

Təsərrüfat sahibləri dəfələrlə müvafiq qurumlara, kənd bələdiyyəsinə, icra nümayəndəliyinə müraciət etsələr də tədbir görən olmayıb.

Adıçəkilən Bulat müəllimin Salyan Suvarma Sistemləri İdarəsinin rəisi olduğunu öyrəndik. Araşdırmalardan məlum oldu ki, əkin sahələri Neftçala rayonunun inzibati ərazisinə aid olsa da əkin sahəsinin yanından keçən su kanalları Salyan Suvarma Sistemləri İdarəsinin balansındadır. Yəni, su kanallarını sözügedən idarə təmizləməlidir ki, suvarma suyu vaxtında itkisiz təyin olunmuş məntəqələrə çatsın.

Məsələ ilə bağlı Salyan Suvarma Sistemləri İdarəsinə müraciət edib əkinçilərin haqlı sualı ilə quruma müraciət etdik. Qurumdan bildirdilər ki, fermerlərin müraciətləri nəzərə alınacaq və su kanalları alaqdan və lildən təmizlənəcək. //bizim.media//

Ruhinin "deputat" arzuları - 5 ci kolon hücumda

Yaradılıb 06.05.2023 08:59 | Baxış sayı: 61

Teref az yazır ki, deyəsən Azərbaytcanın siyasi sferasında daha bir ulduz parılamaq həvəsindədir.
Müğənni, aparıcı, biznes-ledi Ruhinin (Ruhiyyə Əliyeva) həyatında yeni bir səhifə açılmaq ərəfəsindədir.
Bir çox insanın müğənni, aparıcı kimi tanıdığı Ruhi....
Bəs bu Ruhi kimdir ki, onun belə PR kompaniyasına start verilib. Sosial şəbəkələrdən və mediada əldə etdiyimiz məlumata görə:
Ruhi Əliyeva 1977-ci il martın 8-də Tovuzda dünyaya gəlib. Ali təhsili barədə heç bir məlumat yoxdur. Peşəkar səhnəyə 2007-ci ildə gəlib. :

– ilk klipi çıxıb;

– 2009-da yeni albomu təqdim olunub;

– teleaparıcılıq edib.
Amma bu xanımın bu gün tələbləri daha böyük,daha iddialıdır.. Şou biznesdə RF-nin prezidenti Putininn dostu, milyardlara sahib olan professor İlham Rəhimovla evlilik müqaviləsi bağlayandan sonra Ruhi Əliyevanın ulduzu daha güclü parladı.
Bəli səhnədə həyat yoldaşını bu xanımın yanında görməsəkdə, pərdəarxasında güclü bir əlin bu xanımın irəliləməsində dəstək olduğunu görmək olurdu. Təbii bütün bu manipulyasiyalar qeyd etdiyimiz kimi, RF-nin prezidenti Putininn dostu, milyardlara sahib olan və Ruhu xanımın həyat yoldaşı professor İlham Rəhimova məxsusdur. Ruhinin həyatı çox təlatümlər görüb. Həyatının ən parlaq dövrünü həmyerlisi, milyarder, dövrümüzün ən güclü siyasi fiqurlarından olan RF prezidenti Putinin dostu İ.Rəhimovla evlənəndən sonra başlayıb. O professorla uzun müddət vətəndaş nikahında yaşayıb. Böyük sərvət, bahalı həyat, dünyanın ən füsünkar guşələrinə səyahət... və s.

Ancaq bütün bu dəbdəbəli, lüks həyat tərzi müğənni ilə milyarderi heç cür tam şəkildə xoşbəxt edə bilmir. Səbəb cütlüklərin övladlarının olmamasıdır.
Cütlük övlad sahibi olmaq üçün dünyanın hər yerində şəfa axtarır. Hər dəfə də ümidsiz, üzücü xəbərlər alırlar.

İllər sonra gözlənilmədən Ruhi hamilə qalır. Bu xəbər onları şoka salmaya bilməzdi.

Amma elə gözlənilmədən də Ruhi bu şad xəbərin mükafatını ala bilmir. Cəmi iki ay sonra müğənni ilə milyarderin yolları ayrılır.

Qeyri-müəyyən səbəbdən İ.Rəhimov Ruhinin hamiləliyinə inanmır.

Hətta onlar ayrılandan sonra professora yaxın çevrədən mətbuata ötürülməsi şübhə doğurmayan məlumatlarda Ruhinin uşağa qalmasının mümkün olmadığı bildirilirdi. Amma bu informasiyalar özünü doğrultmur və Ruhi əkiz oğlan dünyaya gətirir.

Həmin ərəfədə İ.Rəhimovun onu tək qoyması, Ruhiyə qarşı hətta düşmən mövqeyində dayanması, bu azmış kimi, o dövrün ciddi siyasi fiqurlarından olan deputat Rəbiyyət Aslanova ilə rəsmən evlənməsi müğənnini çox ciddi çətinliklərlə üzləşdirir.

Mətbuatda gedən yazılar, ətrafın münasibətindən o, həyatının və doğulacaq körpələrinin təhlükədə olduğu qənaətinə gəlir. Buna görə də Türkiyəyə gedərək, heç kimin bilmədiyi bir ünvanda yaşayır və uşaqlarını orada dünyaya gətirir.
Ən maraqlısı isə belə bir məqamda müğənninin uşaqlarına ata babalarının adını qoymasıdır.

Belə ki, İ.Rəhimovun atasının adı Məhəmmədhəsən olub və hazırda əkizlərdən biri Məhəmməd, digəri Həsən adını daşıyır.
Mətbuatda qeyd edilən məlumatlara görə İ.Rəhimovla R. Aslanovanın evliliyi siyasi gediş idi.
Ancaq bu işdə ən müəmmalı və sirr pərdəsi hələ də açılmayan məqam İ.Rəhimovun R.Aslanova ilə niyə evlənib, niyə tez bir zamanda boşanmasıdır.
Yəni, Putinin dostu oğlu Prezident Administrasiyasında şöbə müdiri olan R.Aslanova ilə siyasi məqsədlərə çatmaq üçün evlənir.

Amma çox keçmədi ki, Nurçu qalmaqalı işində "vurulan" Elnur Aslanov vəzifədən getdi və ümumilikdə Aslanovlar çökdü və... həm də İ.Rəhimov Aslanovlarla vidalaşdı.

Amma hələ də mübhəm olaraq qalır ki, İ.Rəhimov R.Aslanova ilə evlilikdə hansı siyasi amallarına çatmaq istəyirmiş.
Və Ruhunin ulduzu yenə tam gücü ilə parlamağa başladı. Artıq biz müğənni, aparıcı Ruhini yox yuxarıda qeyd etdiyimiz kimi, biznes ledi Ruhini görürük. Əsas məsələ isə bundadır ki, bu gün bütün aparıcı və aparıcı olamyan KİV-lərdə Ruhunin PR kompaniyası gedir.
Xeyriyyəçi biznes ledi Ruhi. Bir çox beynəlxalq təşkilatlar tərəfindən mükafatlandırılan, orden-medallar alan biznes ledi Ruhunin əcaba belə PR kompaniyaya nə ehtiyacı var? Amma onuda qeyd etmək istəyirik ki, bu mükafatları təqdim edən təşkilkatların özləri belə adlarına uyğun olmadıqları mediada vurğulanır. Bu mükafatlar hansılardır?
Bəzi media resurslarında qeyd edilən kimi: BMT ilə əlaqəsi olmayan agentliklər tərəfindən verilən mükafat. Avropada tanınmayan Avropanın “Şərəf” ordeni. “Liatris Holding”in rəhbəri “Gold faces of Azerbaijan – 2022” mükafatı. Türkiyənin Ankara şəhərində fəaliyyət göstərən Türk Dünyası Araşdırmaları Beynəlxalq Elmlər Akademiyası ona “Türk dünyasında ilin iş adamları” fəxri adı ilə “Altın Yıldız” medalı və sairə.
Bütün bunlar bəs deyilmiş kimi, deyəsən indidə Müdafiə Nazirliyidə Ruhinin qəhrəman obrazını yaradmaqla məşğuldur.
Deyilənlərə görə Ruhi Əliyevaya “Topçu Ruhi” də deyirlər. Müdafiə Nazirliyinin icazəsi ilə 1 dəfə Tərtərdə top atıb və buda bəıs edib ki, onun qəhrəman obrazına və PR kompanoiyasına yeni ştrixlər əlavə edilsin.
Bütün bunlar isə sadəcə Ruhi Əliyevanın deputatlıq yolunda aparılan PR kompaniyadan başqa bir şey deyil.
Bu da Putinin dostu, Rusiyada milyardlarını qazanan professorun ekiz uşaqlarının atası İ.Əliyevin deputatlıq yolunda fiaskosundan sonra siyasi arenaya qayıdış cəhdidir. Bəli 5-ci kalon, Moskvanın "təsir adamları" yenədə siyasi arenada öz sözlərini demək istəyirlər.
Lakin bəzi mənbələrin verdiyi məlumata görə Ruhi Əliyeva nazir postunada gəlməyi hədəfləyə bilər. Bu gün dövlətimizin aprıcı postlarda qadınlara daha çox yer verdiyi göz qabağındadır. Nə qədər qanunlarımzda biznes əhlinin dövlət postu tutması qadağan olsada belə halların heç də olmadığını demək olmaz.
Və Ruhu sabah deputat "seçilsə" və yaz hansısa nazir postunu tutsa bu 5-ci kalonun iş başında olduğuna işarə olacaq!!
Moskva siyasi arenanıheç də boş qoymaq fikrində olmadığı hamımıza məlumdur.
İlham Rəhimovun seçki fiaskosundan sonra, deyəsən meydana Ruhi çıxıb və uğurla xalqın qarşısında təbliğ edilir!
Teref.az

Facebook-da paylaş

İki icra başçısının arasında qalan Qarabağ Qazisi... - NƏ ETSİN?

Yaradılıb 05.05.2023 09:19 | Baxış sayı: 63

Yevlaxın Havarlı kənd sakini Əfqan İzzət oğlu Mustafayev rayonun və Mingəçevirin icra başçılarından şikayətçidir.

Vətəndaş Meydan TV-yə deyir ki, İkinci Qarabağ müharibəsindəki döyüşlərdə bədən üzvünü itirən oğlu Cavid Mustafayev üçün torpaq almaq istəyib.

Bunun üçün Yevlax Şəhər İcra Hakimiyyətinə müraciət edib, ona torpaq verilib: "Oğlum Cavid Mustafayev İkinci Qarabağ müharibəsində bir ayağını dizdən yuxarı itirib. 2021-ci ilin martında Yevlax Şəhər İcra Hakimiyyətinə müraciət etdik ki, oğluma, Xaldan-Mingəçevir yolunun sol tərəfindən, yaşadığımız kəndin ərazisindən üç sot torpaq sahəsi versinlər. Oğlum müharibədən əvvəl avto-elektrik işləyirdi. Fikirləşdim ki, həmin ərazidə maşın sexi tikib işlədər”.

Əfqan Mustafayevin sözlərinə görə, Yevlax Şəhər İcra Hakimiyyəti istədiyi yerdən ona üç sot torpaq ayırıb: "Onlar da həmin dəqiqə bizim bələdiyyəyə göstəriş verdilər ki, həmin yeri qaziyə verin. Həmin yer çökəklik idi. Hardasa üç metrdən yuxarı dərinliyi var idi. Ətrafdakı mağazalar, obyektlər zibillərini həmin əraziyə tökürdülər. Baxımsız bir yer idi. Bizə dedilər ki, çökəkliyi torpaqla doldurun, abadlaşdırın. Rayonun elektron xəritəsi iki-üç aya gələn kimi sizə çıxarış verəcəyik”.

Şikayətçi deyir ki, doqquz ay ərzində bir neçə dəfə çıxarış almaq üçün icra hakimiyyətinə gedib.

Hər dəfəsində də ona torpağın artıq ona aid olduğunu deyiblər: "2021-ci ilin sonuna kimi üç-dörd dəfə maraqlandım, soruşdum, dedilər ki, xəritə gəlməyib. Sən get, işində ol, ora sənindir. Mən də beş min manatdan çox xərc çəkib, həmin çökəkliyi torpaqla doldurdum, düzləşdirdim. Mən oranı düzəldəndən sonra kənardan yaxşı göründü. Bundan sonra Mingəçevirin icra başçısı, bələdiyyə sədri və memarı gəldilər ki, bu ərazi Mingəçevirə aiddir. Mingəçevirin icra başçısı, bələdiyyəsi və memarı mənə dedilər ki, sənin oğlun Yevlax qazisidir. Yevlaxda qeydiyyatdadırsa, get torpağı oradan da götür”.

Əfqan Mustafayev baş verənlərdən sonra Yevlaxın icra başçısı Anar Tağıyevin qəbuluna gedib.

Vətəndaş deyir ki, eyni sözləri – torpağı Mingəçevir ərazisində olmasını Yevlaxın icra başçısı da ona etiraf edib: "Başçı mənə dedi ki, qanuna əsasən, ərazilərin dövlət reyesterinə daxil edilməsi və onlara şəhadətnamənin verilməsi Milli Məclis tərəfindən həyata keçirilir. Həmin ərazi də 2018-ci ildə Milli Məclisin sədrinin imzası ilə Mingəçevirə verilib. Başçıdan soruşdum ki, əgər ərazi 2018-ci ildə Mingəçevirə verilmişdisə, 2021-ci ildə niyə məni bu qədər ziyana, əziyyətə salırdınız? Mən həmin ərazidə dörd-beş ay iş görmüşəm. Xeyli pul xərcləmişəm. Başçı dedi ki, ərazinin Mingəçevirə aid olduğunu bilməmişik. Dedim ki, necə yəni bilməmisiniz. Siz rayon təhvil götürmüsünüz, rayonun icra başçısısınız. Siz bilmirsiniz ki, rayon hardan başlayır, harada qurtarır? Cavabında dedi ki, biz sənin oğluna yaxşılıq etmək istəyirdik, alınmadı".

Əfqan Mustafayev qeyd edib ki, həmin hadisədən sonra Yevlax Şəhər İcra Hakimiyyəti ona rəsmi məktub ünvanlayıb: "Məktubda qeyd olunub ki, həmin ərazi 2018-ci il Milli Məclisin sədrinin imzası ilə Mingəçevirə verilib. Əlavə olunurdu ki, həmin torpaq sahəsinin sənədləşdirilməsi üçün Mingəçevir şəhər bələdiyyəsinə müraciət etməliyəm. Məktubdakı reyester nömrəsinə əsasən Mən Milli Məclisə sorğu göndərdim. Sorğuya cavab gəldi ki, 1979-cu ildə tərtib edilmiş Azərbaycan SSRİ-nin inzibati bölgüsünə əsasən, Havarlı kənd sovetinin tərkibindəki Havarlı kəndi Yevlax rayonunun inzibati ərazi bölgüsünə daxil edilib”.

"2018-ci ildə Havarlı kənd Azərbaycan Respublikasının ərazi vahidlərinin Dövlət reyestrinə daxil edilib. Məktubda daha sonra bildirilir ki, Havarlı kəndinin iki hissəyə bölünərək, Mingəçevir şəhərinin ərazisinə verilməsi barədə Milli Məclisinin qanunvericilik bazasında heç bir məlumat yoxdur”, - deyə o əlavə edib.

Vətəndaş bildirir ki, Milli Məclisdən aldığı məktubu Yevlax Şəhər İcra Hakimiyyətinə təqdim edib: "İcra hakimiyyətində mənə dedilər ki, ərazinin Mingəçevirə aid edilməsi ilə əlaqədar sənəd ola bilsin, Milli Məclisdə yoxdur. Dedim ki, siz nə danışırsınız? Milli Məclisin imzası ilə olan sənəd qanunvericilik bazasında necə olmaya bilər. Milli Məclisin məktubunu Yevlax Şəhər İcra Hakimiyyətinə təqdim edəndən sonra onlardan mənə cavab gəldi ki, 17 saylı Yevlax Ərazi İdarəsinin elektron məlumat bazasında torpağın Mingəçevirə aid kənd təsərrüfatı təyinatlı örüş torpaq sahəsi olmasına dair məlumat var. Ərazi də Yevlax bələdiyyəsinin sərhədlərindən də kənarda yerləşir”.

Şikayətçi Yevlax Rayon Prokurorluğuna da müraciət etdiyini bildirib.

Ona məhkəməyə müraciət etməyi tövsiyə ediblər: "Deyirlər ki, məhkəməyə müraciət et, niyə sənədsiz torpaq götürmüsən, çiy iş görmüsən? Dedim ki, hər yoldan ötənə inanmamışam. Mən Prezident İlham Əliyevin etimad göstərib, rayona başçı təyin etdiyi adamın sözünə inanmışam. Bu, yalançıdırsa, məni də aldadırsa, deməli, prezidenti də aldadır”.

"Mənə başqa bir yerdən torpaq təklif edirlər. Müqayisə edim, elə bil, mənə deyir ki, "İçərişəhər”də ikiotaqlı təmirli evini Lökbatandakı ikiotaqlı təmirsiz evə dəyiş. Mənə neçə kilometr kənarda yenə çökəklikdə olan bir sahəni verir. Mən elə Mingəçevir-Xaldan yolunun qırağındakı çökəklikləri doldura-doldura getməliyəm? Elə bura xərc çəkmişəm də. İstədiyim ərazidə neft, qızıl yataqları, hərbi obyekt yoxdur. Kommunikasiya xətti keçmir. Torpağı bizə vermirlər, başımıza oyun açırlar”, - deyə o söyləyib.

Yevlax Şəhər İcra hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiri Xaliq Əliyev Meydan TV-yə bildirib ki, Ceyhun Mustafayev həmin ərazidə icazəsiz abadlıq işləri aparıb: "Qazimizə Havarlı bələdiyyəsindən torpaq təklif olunub. Lakin həmin torpaqdan imtina edib. Özü gedib, hazırda söhbət gedən yerdə abadlıq işləri aparıb. Sonradan da sənədləşmə məsələsi ortaya çıxandan sonra inzibati ərazinin Mingəçevir şəhərinə aid olması məlum olub. Mingəçevir Şəhər İcra Hakimiyyəti onlara dəfələrlə rəsmi və şifahi şəkildə bildirib ki, Mingəçevirin giriş qapısının ərazisinə yaxın olduğuna görə – orada park yaradacaqlar- həmin torpağın onlara verilməsi mümkün deyil”.

Şöbə müdiri həmçinin əlavə edib ki, Havarlı bələdiyyəsi Cavid Mustafayevə sahibkarlıqla məşğul olmaq üçün kənd ərazisindən alternativ yer təklif edib. Lakin vətəndaş bundan imtina edib: "Qazimiz razılaşmır. Deyir ki, sırf iddia etdiyim yeri istəyirəm”.

Mingəçevir Şəhər İcra Hakimiyyəti və 17 saylı Yevlax Ərazi İdarəsi məsələyə münasibət bildirməyib.

200 -dən səhifə 298