 |
|
|
Hazırda Moskva və Vaşinqton arasında xüsusi münasibət yoxdur.
Teref.az APA-ya istinadən xəbər verir ki, bunu Rusiya xarici işlər naziri Sergey Lavrov bildirib.
Onun sözlərinə görə, ABŞ Rusiyaya qarşı səlib yürüşü elan edib.
"Hazırda bizim Amerika ilə heç bir xüsusi münasibətimiz yoxdur. Biz yalnız səfirliklərimizin fəaliyyətində yaranan problemləri və amerikalıların BMT-yə ev sahibliyi edən ölkə kimi öz hüquqlarından sui-istifadə etmələrini müzakirə edirik", - deyə Rusiya XİN başçısı vurğulayıb.
Rusiya Federasiyası Dövlət Dumasının İnformasiya siyasəti, informasiya texnologiyaları və rabitə komitəsinin sədr müavini Oleq Matveyçevin “RUSARMİNFO” erməni xəbər agentliyinin efirində səsləndirdiyi yolverilməz bəyanatları ilə əlaqədar Səfirlik tərəfindən Rusiya XİN-ə etiraz notası göndərilib.
APA-nın Moskva müxbiri xəbər verir ki, bu barədə Azərbaycanın Rusiyadakı Səfirliyi məlumat yayıb:
“Vahid Rusiya” partiyasından olan deputatın Azərbaycan və Türkiyəyə qarşı fikirləri qəbuledilməz olduğu vurğulanmış, onların regionda sabitliyi pozmağa yönəldiyi və Ermənistan cəmiyyətində revanşist qüvvələrin keçmişdə qalmış münaqişəni yenidən alovlandırmağa təhriki kimi qiymətləndirilib.
Ətraflı
İşğaldan azad edilmiş ərazilərdə fəal şəkildə aparılan yenidənqurma işləri fonunda “Azərbaycan tərəfindən münaqişənin qızışdırılması” ilə bağlı bəyanatların cəfəngiyat olduğu qeyd olunub.
Bildirilib ki, 30 illik işğalın ağır nəticələrinə baxmayaraq, ilk olaraq Ermənistanla dövlətlərarası münasibətlərin normallaşdırılması prosesinə təşəbbüs göstərən, dövlətlərin ərazi bütövlüyü və suverenlik prinsipləri əsasında sülh müqaviləsinin imzalanmasını nəzərdə tutan sülh gündəliyinin təşviqini davam edən məhz Azərbaycan olub.
Azərbaycan tərəfi Rusiyanın hakim partiyasının nümayəndəsinin bu cür bəyanatlarının Azərbaycanın ərazi bütövlüyünü dəstəkləyən və Azərbaycan-Ermənistan münasibətlərinin normallaşması üçün səylər göstərən Rusiyanın vasitəçiliyinə kölgə saldığını bildirib. Oleq Matveyçev iki ölkə arasında 2022-ci ilin fevralında imzalanmış müttəfiqlik qarşılıqlı fəaliyyəti haqqında Bəyannamə barədə xəbərsiz ola bilməz və onun bu cür bəyanatları həmin sənədin müddəalarının pozulması deməkdir. Hakim partiyanın nümayəndəsi olan deputat öz bəyanatlarında məsuliyyətli olmalı və Rusiya Federasiyasının rəsmi mövqeyini rəhbər tutmalıdır.
Rusiya parlamentində informasiya siyasətinə cavabdeh deputatın Azərbaycana qarşı hücumlar üçün informasiya platforması olan, Rusiyada etnik zəmində millətlərarası düşmənçiliyi qızışdıran erməni saytına müsahibəsi onun sifarişli və imperativ xarakter daşımasından xəbər verir", - deyə qeyd olunub.
Azərbaycan Prezidenti İlham Əliyevin sonuncu müsahibəsi İrəvanda növbəti isterikaya səbəb olub. Belə ki, Ermənistan Xarici İşlər Nazirliyi (XİN) bəyanat yayaraq, Azərbaycan liderini “Cənubi Qafqazda sülhün bərqərar olması üçün İrəvanın və beynəlxalq ictimaiyyətin səylərini torpeda etmək” niyyətində ittiham etməyə tələsdi.
Bundan əlavə, Ermənistan XİN hesab edib ki, İlham Əliyev “Dağlıq Qarabağ əhalisini etnik təmizləməyə məruz qoymaq niyyətini gizlətmədən, Ermənistan ərazilərinin əvvəlcədən planlaşdırılan təcavüzü və işğalı faktını açıq şəkildə tanıyıb”.
Ermənistan XİN-in məlumatına görə, Əliyev “öz bəyanatları ilə Azərbaycanın Ermənistanın ərazi bütövlüyünü tanıdığı, Alma-Ata Bəyannaməsi əsasında Ermənistan Respublikası və Azərbaycan Respublikası arsında sərhədlərin demarkasiyası ilə bağlı bir sıra öhdəliklər götürdüyü beynəlxalq tərəfdaşlara açıq hörmətsizlik nümayiş etdirir”.
Azərbaycana qarşı belə savadsız ittihamın müəllifləri ilk növbədə Ermənistanın qanunvericiliyi ilə tanış olmalıdırlar. 1991-ci il Alma-Ata Bəyannaməsi Ermənistan parlamenti tərəfindən Qarabağın Azərbaycanın tərkibində olmaması şərti ilə ratifikasiya edilib.
Bədbəxt erməni ekspertləri 1991-ci il dekabrın 21-də Alma-Ata Bəyannaməsinin qəbul edilməsinə və dekabrın 10-da “DQR-in müstəqilliyi haqqında referendumun” keçirilməsinə istinad edərək bildirirlər ki, o vaxt Qarabağ “artıq Azərbaycanın tərkibində olmayıb”. Ermənistan parlamentinin Alma-Ata Bəyannaməsini yuxarıda qeyd edilən qeyd-şərtlə ratifikasiya etməsi faktını da nəzərə alaraq, onlar hesab edirlər ki, İrəvan 1991-ci ildə Azərbaycanın ərazi bütövlüyünü Qarabağsız təsdiqləyib.
Bu, o deməkdir ki, Ermənistanın Qarabağı Azərbaycanın tərkib hissəsi kimi tanıdığı heç bir hüquqi sənəd yoxdur. Üstəlik, Ermənistan parlamentinin 1990-cı il avqustun 23-də qəbul etdiyi İstiqlal Bəyannaməsinə əsasən, Dağlıq Qarabağ Ermənistana “birləşdi”. Bu müddəa 1995-ci il Ermənistan Konstitusiyasında öz əksini tapıb.
Beləliklə, Ermənistan qanunvericilik səviyyəsində Azərbaycanın Qarabağ bölgəsinin ilhaqını elan edib. 1992-ci il iyulun 8-də isə Ermənistan Ali Soveti Dağlıq Qarabağ regionunun Azərbaycanın tərkibində göstərildiyi hər hansı beynəlxalq və ya daxili sənədlərin istifadəsinin yolverilməzliyi haqqında qərar qəbul edib.
Ermənistan Azərbaycanın Qazax rayonunun 7 yaşayış məntəqəsini və Naxçıvan Muxtar Respublikasının Kərki kəndini hələ də işğal altında saxlayır. Üstəlik, Kərki ümumiyyətlə, Qarabağ bölgəsində yerləşməsə də, 1990-cı ilin yanvarında 1921-ci il Qars müqaviləsinin bəndlərinə zidd olaraq işğal olunub. Daha sonra Ermənistandakı digər Azərbaycan anklavları - Yuxar Əskipara (8 iyun 1992) və Bərxudarlı (27 aprel 1992) ələ keçirilib.
Bundan sonra İrəvanda hələ də Azərbaycanın “Ermənistan ərazilərinin işğalı və təcavüzü faktlarını” bəyan etməyə cəsarət edirlər?
Bundan əlavə, Ermənistan Xarici İşlər Nazirliyi qeyd edir ki, Azərbaycan guya “Dağlıq Qarabağ əhalisi üçün hüquq və təhlükəsizlik təminatları məsələlərini həll etmək üçün beynəlxalq mexanizm yaratmağı öhdəsinə götürüb”.
Ararat Mirzoyanın tabeliyində olanların nəinki yerli qanunvericiliyi öyrənməsinin, həm də müvafiq ixtisasa malik həkimlər tərəfindən yoxlamadan keçirilməsinin vaxtı çatıb. Baharın gəlişi ilə onlarda xəstə bir təsəvvür yaranmışdı ki, hətta, bugünlərdə itkin düşən Azərbaycan əsgərini Ermənistan vətəndaşını qəsdən öldürməkdə ittiham etməyə cürət ediblər.
Hələ bu ilin fevralında Münhendə danışıqlar zamanı Azərbaycan Prezidenti Ermənistana dövlətlərarası sərhəddə keçid məntəqələri yaratmağı təklif etmişdi. “Yaxşı olardı ki, Ermənistan və Azərbaycan tərəfləri öz keçid məntəqələrini yaratsınlar. Məntəqələr Ermənistanla sərhəddə Laçında və Zəngəzur dəhlizinin hər iki tərəfində olmalıdır. Bunun zərurətindən əvvəl də danışmışdıq, amma bu gün mən Blinkenin iştirakı ilə keçirilən görüşdə bunu rəsmən elan etdim və Ermənistan tərəfdən rəsmi cavab gözləyəcəyik. Bizim bu mövqeyimiz həm Avropada, həm də Amerikada məntiqli qəbul edilir”, - deyə Azərbaycan rəhbəri ABŞ dövlət katibi Entoni Blinkenin vasitəçiliyi ilə Nikol Paşinyanla danışıqlardan dərhal sonra azərbaycanlı jurnalistlərə müsahibəsində vurğulamışdı.
Lakin Ermənistan hakimiyyəti bu təklifi rədd edib. İndi də bu ölkənin Xarici İşlər Nazirliyi Azərbaycanı sərhədin demarkasiyası da daxil olmaqla, üzərinə götürdüyü öhdəlikləri yerinə yetirməməkdə ittiham edir. Doğrudan da, erməni məntiqini ancaq ermənilərin özləri başa düşə bilər... //AYNA//
Azərbaycan Respublikasının Prezidenti cənab İlham Əliyevin 18 aprel 2023-cü il tarixində müsahibəsinə istinadən Ermənistan Xarici İşlər Nazirliyinin növbəti dəfə təhrif dolu bəyanatını qətiyyətlə rədd edirik.
30 ilə yaxın işğal dövründə 9 şəhər və yüzlərlə kəndi talan edən, 1 milyona yaxın azərbaycanlıya qarşı etnik təmizləmə həyata keçirən, onları öz evlərinə qayıtmaq hüququndan məhrum edən, Azərbaycan torpaqlarının işğalına son qoyulması barədə beynəlxalq təşkilatların və tərəfdaşların çağırışlarına məhəl qoymayan Ermənistanın özünü sülhpərvər tərəf kimi göstərməsi və Azərbaycanı etnik təmizləmədə ittiham etməsi riyakarlıq və saxtakarlıq nümunəsidir.
Beynəlxalq öhdəliklərə və hətta Beynəlxalq Ədalət Məhkəməsinin qərarına baxmayaraq, sonuncu dəfə Avropa ağırılıqqaldırma çempionatında Azərbaycan bayrağının yandırılmasından da göründüyü kimi, Azərbaycana qarşı nifrət zəminində irqi ədavətin təşviq edilməsini davam etdirən, nifrət zəminində hərəkət edən şəxslərin və etnik-milliyyətçi qrupların fəaliyyətini alqışlayan və belə hərəkətlərə görə cəza verməyən, Azərbaycan əsirlərinə qarşı vəhşiliklər törədən, kütləvi qırğınlar törədən Ermənistanın Azərbaycanın nifrət zəminində hərəkətlər etdiyi iddiasının heç bir əsası yoxdur.
Azərbaycan tərəfi Azərbaycan ərazisində yaşayan erməni sakinlərin reinteqrasiyası prosesində qərarlıdır. Ermənistan tərəfi bu prosesə müdaxilədən əl çəkməlidir. Azərbaycan ərazisində, Azərbaycan qanunları çərçivəsində yaşamaq istəyən hər bir şəxsin hüquq və azadlıqlarının təmin olunmasına zəmanət verilir.
Cənab Prezident tərəfindən qeyd edildiyi kimi, ərazilərinin 30 il ərzində işğal altında saxlanmasına baxmayaraq, məhz Azərbaycan tərəfi Ermənistanla ərazi bütövlüyü və suverenlik prinsipləri əsasında sülh müqaviləsinin imzalanması üzrə təklifin təşəbbüskarı olub. Bunun əksinə, Ermənistan tərəfi nəinki danışıqlar prosesinə müxtəlif bəhanələrlə mane olur, sülh müqaviləsinin mətninə beynəlxalq hüquq prinsipləri ilə birbaşa ziddiyyət təşkil edən məsələləri daxil etməyə cəhd edir, bununla da prosesi uzadır. Ermənistanın sülh müqaviləsi üzrə Azərbaycanın təkliflərinə son 43 gün ərzində heç bir şərh verməməsi də, bu ölkənin nəticə yönümlü danışlıqlarda maraqlı olmamasının nümunəsidir.
Əlverişsiz hava şəraitində Ermənistan ərazisinə keçən və əsir kötürülmüş, beynəlxalq humanitar hüquq prinsiplərinə zidd olaraq qeyri-insani zorakılığa məruz qalmış Azərbaycan hərbçilərinin heç bir hüquqi əsas olmadan, Ermənistan Xarici İşlər Nazirliyi tərəfindən insan öldürülməsində ittiham olunması hüququn bütün norma və prinsiplərinə ziddir. Ermənistan XİN-nə məlum olmalıdır ki, cinayətin törədilməsində təqsirləndirilən hər hansı bir şəxsin təqsiri qanunla nəzərdə tutulan qaydada sübuta yetirilməyibsə və bu barədə məhkəmənin əsaslı və qanuni qüvvəyə minmiş hökmü yoxdursa həmin şəxs təqsirsiz sayılır. Görünür ki, hüququn aliliyindən bəhs edən Ermənistan tərəfinin hüququn elementar prinsiplərindən belə xəbəri yoxdur. Bununla yanaşı, Ermənistanın sözügedən addımı göstərir ki, 30 illik işğala son qoyulandan sonra, Azərbaycan sərhədini azaraq keçən erməni hərbçilərinin dərhal Azərbaycan tərəfindən geri qaytarılması kimi etimad quruculuğu tədbirinə qarşılıq vermək niyyəti yoxdur və bu hərəkət qətiyyətlə pislənməlidir.
Hər hansı bir sülhpərvər mesaj kimi təqdim olunan çağırışlar heç bir əməli addımlarla müşayiət olunmursa, əksinə Ermənistan tərəfindən bu kimi saxta mesajlar səslənərkən eyni zamanda, Azərbaycanın ərazi bütövlüyü və suverenliyinə qarşı iddialara yer verilirsə, 10000 civarında silahlı qüvvələrini Azərbaycan ərazilərindən çıxarmaqdan imtina edirsə, Azərbaycanın işğal altında olan 8 kəndini azad etmirsə, Azərbaycan ərazilərində hərbi və siyasi təxribatlarını davam etdirirsə, Ermənistan bu kimi çağırışlarının heç bir əsası yoxdur.
Azərbaycan tərəfi ilk təşəbbüsü irəli sürən tərəf kimi, ərazi bütövlüyü və suverenlik prinsipləri əsasında Ermənistanla sülh sazişini imzalamağa hazırdır. Bunun üçün, Ermənistan tərəfi Azərbaycana qarşı ərazi iddialarından əl çəkməli və birmənalı olaraq Qarabağın Azərbaycan ərazisi olduğunu qəbul etməlidir.
Rusiya Xarici İşlər Nazirliyinə çağırılan ABŞ səfirinə dövlətə xəyanətdə təqsirli bilinən Kara-Murzaya dəstək bildirdiyinə görə sərt etiraz bildirilib.
Bu barədə Rusiya XİN məlumat yayıb.
Bildirilib ki, bu cür bəyanatlar Rusiyanın daxili işlərinə açıq-aşkar müdaxilədir və ikiüzlü və gülünc görünür.
Vurğulanıb ki, Vaşinqtonun Rusiya cəmiyyətində nifaq və düşmənçiliyi qızışdırmağa yönəlmiş istənilən addımının qarşısı ciddi şəkildə alınacaq
İran Xarici İşlər Nazirliyinin rəsmi nümayəndəsi Naser Kanani yenidən İsraili Tehranla Bakı arasında münasibətlərin pisləşməsində ittiham edib.
O, bazar ertəsi Tehranda keçirilən brifinqdə deyib: “İran İslam Respublikasının və Azərbaycanın düşmənləri var. Sionist rejim ikitərəfli münasibətlərin məlum düşmənlərindən biridir”.
İran ümumi maraqları nəzərə alaraq mehriban qonşuluq və dostluq münasibətlərinin qurulmasının, qarşılıqlı hörmətin vacibliyini vurğulayır.
“Bəzi qüvvələrə iki ölkə arasında fikir ayrılıqları yaratmağın sərfəli olduğunu nəzərə alaraq, İran diplomatik təşəbbüslərin köməyilə son gərginliyi aradan qaldırmağa çalışıb”, – İRNA agentliyi Kananidən sitat gətirib.(Turan)
Xocalıda baş verənləri Azərbaycan tarixinin faciəvi epizodu kimi qəbul edirik.
Gununsesi.info xəbər verir ki, bu barədə Britaniya Parlamentinin Lordlar Palatasında Lord Flaytın Xocalı faciəsinə dair hökumətə ünvanladığı şifahi sual ətrafında qısa debatında qeyd olunub.
Debatda suallar hökumət adından xarici işlər nazirinin müavini Lord Ahmad tərəfindən cavablandırılıb.
Lord Flayt Britaniya hökumətinin Xocalı faciəsinə münasibətdə mövqeyini sorğu edib, başsağlığı mesajının verilməsindən əlavə addımlar atmağa çağırıb. Lord Ahmad 1992-ci ildə Xocalıda baş verənləri Azərbaycan tarixinin faciəvi epizodu kimi qəbul etdiklərini və həmin dövrdəki Britaniya hökuməti tərəfindən baş verənlərin haqlı olaraq qınandığını vurğulayıb. O, Britaniyanın Bakıdakı səfiri tərəfindən Xocalı qurbanlarının xatirəsinə ucaldılmış “Ana harayı” abidəsinə əklil qoyulmasını Britaniya hökumətinin başsağlığı mesajı olduğunu vurğulayıb.
Rusiyanın hərbi-siyasi elitasında “qalıb gələ bilmirsənsə, heç olmasa, məğlub olma” modelini ciddi şəkildə müzakirə olunur, Kremlin düşdüyü indiki situasiyada bu, məntiqli görünür… Əgər, baş tutmasa, Rusiya “dərin dövlət”inin hərəkətə gələrək, ölkənin gələcək taleyinə müdaxilə etməsi ilk növbədə Kremldəki yüksək ranqlı məmurlar üçün ciddi təhlükədir, onların bir çoxu “günah keçisi” kimi hədəfə alınaraq, cəzalandırıla bilər…
KONKRET.az xəbər verir ki, Ukrayna savaşının nə vaxt bitəcəyi indi dünyada hər kəsi ciddi şəkildə düşündürür. Bu savaşın ucbatından milli maraqları zərbə altında qalan dövlətlər və iflas təhlükəsi ilə üzləşən nəhəng şirkətlər kifayət qədərdir. Ona görə də, Ukrayna savaşının mümkün qədər tez bir zamanda sona çatmasını və dünyanın normala dönməsini istəyirlər.
Ancaq Ukrayna savaşından faydalanan ölkələr, eləcə də müharibə fəlakətləri sayəsində çoxlu gəlir əldə edən şirkətlər, daha da varlanan biznes dairələri də olmamış deyil. Hətta beynəlxalq sanksiyalara məruz qalan Rusiyada da belə, Ukrayna savaşı başlandıqdan sonra milyarderlərin sayı azalmaq əvəzinə, daha da artıb. Bu sıraya daxil olan dövlətlər və biznes dairələri Ukrayna savaşının davam etməsində maraqlıdırlar.
Ancaq bəzi rus milyarderlər savaşı gəlir mənbəyinə çevirməyi bacarmalarından məmnun olsalar da, Rusiyanın hərbi-siyasi elitasında müharibənin dayandırılmasının vacibliyinə inananların sayı durmadan artır. Hətta Ukrayna savaşının yükünü Rusiya ordusuna paralel olaraq, çəkən özəl hərbi şirkət – “Vaqner”in rəhbəri Yevgeni Priqojin də müharibənin dayandırılmasının sıralarına qatılıb. Ancaq Putinin keçmiş aşpazı öz mövqeyini Rusiyanın Ukraynaya qarşı savaşda öz əsas hədəflərinə artıq nail olması ilə arqumentləşdirməyə çalışıb.
Halbuki, “Vaqner”in rəhbərinin savaşın dayandırılması ilə bağlı təklifinin əsl səbəbləri onun sonrakı iddialarında gizlənib. Onun fikirincə, uzunmüddətli müharibə Rusiyanın tamamilə dağılması üçün ilkin şərt ola bilər. Çünki Rusiyanın hərbi-siyasi elitası uzunmüddətli müharibəni daha dəstəkləmir.
Y.Priqojin əmindir ki, başlanğıcda savaşı dəstəkləyənlərin mütləq əksəriyyəti indi şübhə altındadır və ya qəti şəkildə baş verənlərin əleyhinədir. Onun fikrincə, “dərin dövlət”in nümayəndələri təcili olaraq, öz normal həyatlarına, köhnə vərdişlərinə və rahatlıqlarına qayıtmaq istəyirlər. Ona görə də, Rusiya hərbi-siyasi elitası daxilindəki savaş əleyhdarları müharibənin uğurla davam etdirilməsi üçün verilən qərarlara qarşı sabotaj törədirlər.
“Vaqner”in rəhbəri Ukrayna ordusunun gözlənilən əkshücumu nəticəsində cəbhə xəttinin yarıla biləcəyi barədə də xəbərdarlıq etməyi unutmayıb. Onun fikrincə, Rusiyanın hücumu isə yalnız ordunun Polşa sərhədlərinə çıxmağa nail olacağı təqdirdə, uğurlu sayıla bilər ki, bu, o qədər də inandırıcı deyil: “Belə olan halda, həmişə özünü dünyanın ən güclülərindən biri hesab edən Rusiya ordusunda tənəzzül başlaya bilər”.
Təbii ki, Y.Priqojinin bu xəbərdarlığı Rusiyanın gələcək taleyi baxımından, böyük önəm daşıyır. Onun dediklərindən belə anlaşılır ki, Rusiyanın hərbi-siyasi elitası Ukrayna savaşında qələbə ehtimalına o qədər də inanmır. Əksinə, hərbi zəfərə inanmayan Rusiya cəmiyyətində ilkin əlamətləri artıq müşahidə olunmağa başlayan günahkar axtarışı isə sonradan ölkədə ali siyasi elitaya qarşı sosial partlayışla da nəticələnə bilər.
Ümumiyyətlə, bütün bunlardan bəzi önəmli nəticələr çıxarmaq mümkündür. Birincisi aydın olur ki, Rusiyanın hərbi-siyasi elitasında olduqca ciddi ziddiyyətlər mövcuddur və bu, hər ötən gün daha da dərinləşir. Hətta bu ziddiyyətlər Rusiya Müdafiə Nazirliyi ilə “Vaqner” arasında qarşıdurmanın timsalında açıq müstəviyə də keçib. Və belə vəziyyətdə Kremlin Ukrayna savaşında hərbi qələbəyə ümid bəsləməsi reallıq hissinin itirilməsi təsiri bağışlayır.
İkinci önəmli məqam ondan ibarətdir ki, “Vaqner”in rəhbəri hərbi-siyasi elitada sabotajçıların mövcudluğunu vurğulamaqla, xəyanətə eyham vurur. Eyni zamanda, “dərin dövlət”in Ukrayna savaşına qarşı olduğunu qabartdır. Yəni, bu, o deməkdir ki, hərbi-siyasi elitada sabotaj və xəyanət mövcuddursa, deməli, Ukrayna savaşında qələbə ehtimalı da yoxdur. “Dərin dövlət” isə Rusiyanın müharibədə biabırçı məğlubiyyətə uğrayaraq, dağılma mərhələsinə keçməsinə müşahidəçi qalmaz. Və Rusiyanın hərbi-siyasi elitasının hakimiyyətdən uzaqlaşdırılmasına yönəlik kütləvi etiraz dalğasına stimul verə bilər.
Təbii ki, Rusiya “dərin dövlət”inin hərəkətə gəlməsi və ölkənin gələcək taleyinə müdaxilə etmək qərarı verməsi ilk növbədə Kremldəki yüksək ranqlı məmurlar üçün ciddi təhlükədir. Ən azından ona görə ki, onların bir çoxunu “dərin dövlət”in “günah keçisi”nə çevirəcəyi hədəf kimi cəzalandırılma ehtimalı gözləyir. Bu mövzunun belə qabarıq şəkildə gündəmə gətirilməsi isə yaxınlaşmaqda olan təhlükənin çox dəhşətli nəticələrə yol aça biləcəyini sezdirir.
Ancaq bundan hələlik yayınmaq da mümkündür. Bu baxımdan, “Vaqner”in rəhbəri Rusiyanın hərbi-siyasi elitasına “qalıb gələ bilmirsənsə, heç olmasa, məğlub olma” modelini təklif edir. Yəni, Kremlə Ukrayna savaşının dayandırılması variantı üzərində daha ciddi düşünmək tövsiyyə olunur. Hər halda, bu təklif Rusiyanın maraqları baxımından, müəyyən mənada, məntiqli görünür.
Məsələ ondadır ki, Ukrayna əks-hücuma hələ başlamayıb. Rusiya isə Donbasın timsalında Ukraynanın bir hissəsini ələ keçirib, ilhaq etdiyi Krım yarımadasına quru yolunu təmin edib. Kreml belə vəziyyətdə və indiki şərtlər altında Ukrayna savaşından çıxmağa nail olarsa, bu, Rusiya üçün planlaşdırılmış tam hərbi zəfər olmasa da, hər halda, uduşlu situasiyadır. Və Avropa Birliyi daxilində Ukrayna savaşına münasibətdə müşahidə olunan çatlarsa, Rusiyanın bu variantı reallaşdırmasına əlavə dəstək rolunu oynaya bilər.
Ancaq Rusiyanın Ukrayna savaşında ələ keçirdiyi “hərbi qənimətləri” də götürüb, kənara çəkilməsinə əngəl törədə biləcək önəmli faktorlar da mövcuddur. Belə ki, Ukrayna savaşının sona çatacağı vaxt Rusiya və Avropa Birliyində müəyyən edilmir. Bunun baş verməsi üçün ilk növbədə ABŞ və Böyük Britaniya savaşın dayandırılmasına razılıq verməlidir. ABŞ və Böyük Britaniyanın isə indiki həlledici məqamda Kremlə Rusiyanı xilas etmək şansı tanıyacağı qətiyyən inandırıcı görünmür. Və bu, o deməkdir ki, Rusiya “dərin dövləti” istənilən halda, Kremldəkilərin gələcək taleyini müəyyən etmək məcburiyyətində qalacaq.//YeniMusavat
Ermənistanın baş naziri Nikol Paşinyan Qarabağı Azərbaycanın bir hissəsi kimi tanıdığını bildirib və bunu Madrid prinsipləri ilə əsaslandırıb. Yəni haqqın yolunu tapıb.
Məsələnin əmması ondan ibarətdir ki, hər zaman ikili oynayan Ermənistan hökuməti bu dəfə də ənənəsinə sadiq qalır. Bir tərəfdən özlərini sülh tərəfdarı kimi göstərir, digər tərəfdən isə rəsmi Bakının sərt reaksiyasına səbəb ola biləcək təxribatçı addımlarından da əl çəkmir.
Maraqlıdır, N.Paşinyanın budəfəki oyunu nəyə hesablanıb?
Avropa İttifaqının bir gün əvvəlki bəyanatına istinad edən Baş nazirin delimitasiya üçün 1991-ci il sərhəd xəttinin əsas götürülməsi ideyasını təkrarlaması bir sıra qərəzli məqamları ehtiva edir.
Bu barədə Xarici İşlər Nazirliyinin mətbuat katibi Ayxan Hacızadənin Ermənistan baş naziri Paşinyanın 13 aprel tarixində hökumət iclasında çıxışı zamanı səsləndirdiyi iddialarla bağlı şərhində deyilir.
“Belə ki, Ermənistan Baş nazirinə xatırlatmaq istərdik ki, Ermənistan tərəfindən Azərbaycana qarşı başladılan işğal siyasəti nəticəsində, 1990-cı ildə Kərki və Bağanis Ayrım kəndləri Ermənistan tərəfindən işğal edilib. Bununla yanaşı, Ermənistanın Üçtərəfli bəyanata zidd olaraq, Azərbaycan ərazilərindən hələ də erməni silahlı qüvvələrinin çıxırmaması, 8 Azərbaycan kəndini işğal altında saxlaması məlumdur. Bu xüsusda, Baş nazir ilk öncə 1991-ci il sərhədləri dedikdə nə nəzərdə tutulduğu məsələsinə aydınlıq gətirməlidir”, - Ayxan Hacızadə qeyd edib.