ABŞ administrasiyası Rusiya Prezidenti Vladimir Putinin nüvə silahı ilə bağlı açıqlamalarına çox ciddi yanaşır, lakin öz nüvə qüvvələrinin hazırlıq səviyyəsinin artırılmasına ehtiyac görmür.

Axar.az xəbər verir ki, bu sözləri Ağ Evin mətbuat katibi Karin Jan-Pyer deyib.

"Biz, əlbəttə ki, bu təhdidləri çox ciddi qəbul edirik. Lakin hazırda öz nüvə hazırlığı səviyyəmizi dəyişmək üçün heç bir səbəb görmürük", - sözçü bildirib.

Qeyd edək ki, Rusiya Prezidenti Vladimir Putin ərazi bütövlüyünə təhdid yaranacağı təqdirdə nüvə silahından istifadə ediləcəyini söyləmişdi.

“ABŞ-ın Ermənistandakı Səfirliyini birtərəfli bəyanatlardan çəkinməyə çağırırıq”.

Bu barədə Azərbaycan Xarici İşlər Nazirliyinin Mətbuat xidməti idarəsinin ABŞ-ın Ermənistandakı Səfirliyinin 23 sentyabr 2022-ci il tarixli açıqlaması ilə bağlı şərhində bildirilir.

“Amerika Birləşmiş Ştatlarının Ermənistandakı səfirliyinin bu ilin 23 sentyabr tarixində ölkənin ictimai televiziyasına verdiyi birtərəfli və real vəziyyəti təhrif edən açıqlaması ciddi təəssüf doğurur”, – şərhdə deyilir.

XİN ABŞ səfirliyini bu kimi həssas məsələlərdə məsuliyyətli mövqe nümayiş etdirməyə çağırıb:

“Bu qəbildən olan yanaşma regionda sülh gündəliyinin irəli aparılmasına xidmət etmir, əksinə Ermənistandakı revanşist və separatist meylli dairələrin həvəslənməsinə və beləliklə də bölgədə gərginliyin artmasına səbəb olur. Eyni zamanda, bu kimi mövqe Ermənistan və Azərbaycan arasında normallaşma prosesində rol oynamağa çalışan ABŞ-ın neytrallığına və qərəzsizliyinə kölgə salır”.

Nyu-Yorkda Ermənistanın baş naziri Nikol Paşinyan İran Prezidenti İbrahim Rəisi ilə görüşüb.

APA xəbər verir ki, görüş BMT Baş Assambleyasının 77-ci sessiyası çərçivəsində baş tutub.

Görüş zamanı İran prezidenti bildirib ki, ölkəsi regionda sülhə töfhə verməyə hazırdır.

Türkiyənin “Haber Global” kanalı ölkə prezidenti Rəcəb Tayyib Ərdoğanın ABŞ Konqresi Nümayəndələr Palatasının sədri Nensi Pelosinin Ermənistana səfərilə bağlı verdiyi şərhə diqqət çəkib.

Bununla bağlı telekanalın efirində yayımlananın videomaterialda Ərdoğanın Azərbaycan Prezidenti İlham Əliyevlə danışdıqdan sonra məsələ ilə bağlı addımlar atılacağını bildirdiyi vurğulanıb.

Həmçinin, Türkiyə Prezidentinin açıqlamalarına əsasən, qeyd olunub ki, dövlət başçısının Praqada keçirilən Avropa Siyasi Birliyinin Sammiti çərçivəsində Ermənistanın baş naziri Nikol Paşinyanla görüşü baş tuta bilər.

Daha ətraflı “Haber Global”ın videomaterialında:

Rusiya və Ukrayna sülhü təşviq etmək üçün ilkin şərt olmadan dialoqu bərpa etməlidir.

TASS xəbər verir ki, bu barədə Çinin xarici işlər naziri Van Yi BMT Təhlükəsizlik Şurasının nazirlər səviyyəsində Ukrayna üzrə iclasında bildirib.

“Tərəflər üçün əsas prioritet ilkin şərt olmadan dialoqu bərpa etməkdir”, - çinli diplomat deyib.

O qeyd edib ki, münaqişə tərəfləri danışıqlarda əsaslı narahatlıqlarını müzakirə və həll üçün mümkün variantları təklif etməlidirlər ki, dialoq yekunda nəticə verə və sülhə gətirib çıxara bilsin.

Avropa Komissiyası Rusiyaya qarşı yeni sanksiyalar təklifi hazırlayır.

Xarici KİV-də yayılan məlumata görə, yeni məhdudiyyətlər paketi cümə günü Aİ-nin daimi nümayəndələri ilə müzakirə edilə bilər.

Məlumata görə, yeni sanksiyalar fiziki şəxslərə qarşı tədbirləri, eləcə də Rusiya brilyantlarının və dəbdəbəli məhsulların idxalına qadağaları əhatə edə bilər.

Həmçinin, Rusiya neftinə qiymət limitinin tətbiqi məsələsinin də müzakirə olunacağı gözlənilir.

“NATO Rusiyaya birləşmək üçün keçiriləcək referendumları qanunsuz hesab edəcək”.

“Report” xəbər verir ki, bunu NATO-nun Baş katibi Yens Stoltenberq bildirib.

Onun sözlərinə görə, bu, növbəti eskalasiyadır.

Y. Stoltenberq həmçinin qeyd edib ki, dünya ictimaiyyəti beynəlxalq hüququn bu kobud şəkildə pozulmasını pisləməli və Ukraynaya dəstəyi artırmalıdır.

Ermənistan və Azərbaycan xarici işlər nazirlərinə bu görüş üçün təşəkkür edirəm. Mən son toqquşma zamanı həlak olanların doğmalarına və dostlarına səmimi başsağlığı verirəm.

APA-nın xəbərinə görə, bunu ABŞ dövlət katibi Entoni Blinken üçtərəfli görüşdən sonra bildirib.

Blinken daha sonra qeyd edib: “Hər iki liderlə, Azərbaycan Prezidenti İlham Əliyev və Ermənistan Baş naziri Nikol Paşinyanla telefon danışığımda onlar sülh üçün hazır olduqlarını bəyan ediblər.

Güclü, davamlı diplomatik çərçivədə işləmək hamı üçün ən yaxşı yoldur. Ermənistan və Azərbaycan arasında fikir ayrılıqlarının hərbi yolla həlli yoxdur, lakin fikir ayrılıqlarını diplomatiya yolu ilə həll edən davamlı sülhə aparan yol var”.

00:29

Nyu-Yorkda Ermənistan və Azərbaycanın xarici işlər nazirləri Ararat Mirzoyan və Ceyhun Bayramov, eləcə də ABŞ dövlət katibi Entoni Blinkenin iştirakı ilə üçtərəfli görüş başlayıb.

Bu barədə Ermənistan Xarici İşlər Nazirliyinin mətbuat katibi Vaan Hunanyan məlumat verib.

17:05

Azərbaycan xarici işlər naziri Ceyhun Bayramov, Ermənistan xarici işlər naziri Ararat Mirzoyan və ABŞ dövlət katibi Entoni Blinken arasında üçtərəfli görüş olacaq.

Bu barədə Ermənistan Xarici İşlər Nazirliyi məlumat yayıb.

Qeyd edilir ki, sentyabrın 19-da baş tutacaq görüş rəsmi Vaşinqtonun təşəbbüsü ilə ABŞ-ın Nyu-York şəhərində keçiriləcək.

Ermənistan-Azərbaycan sərhədindəki vəziyyət müzakirə edilib

Kollektiv Təhlükəsizlik Müqaviləsi Təşkilatının monitorinq qrupunun Ermənistandakı missiyası başa çatıb.

AYNA xəbər verir ki, KTMT-nin katibliyinə istinadla xəbər verir ki, təşkilatın Birləşmiş Qərargahının rəisi, general-polkovnik Anatoli Sidorov Ermənistanın Müdafiə naziri Suren Papikyanla görüşüb. Tərəflər Ermənistan-Azərbaycan sərhədindəki vəziyyəti müzakirə ediblər.

Görüşdən sonra monitorinq qrupu Moskvaya yola düşüb.