Azərbaycan Prezidenti İlham Əliyev qardaşım mənə zəng edərək, Türkiyəyə səfər etməyə hazır olduğunu bildirib.

APA-nın verdiyi xəbərə görə, Cümhur İttifaqının namizədi Rəcəb Tayyib Ərdoğan İstanbulda çıxışı zamanı bildirib.

O qeyd edib ki, Azərbaycan, Özbəkistan, Liviya və digər ölkə başçıları qələbəni Türkiyə lideri ilə birlikdə qeyd etməyə hazır olduqlarını vurğulayıblar.

“Demokratiya uğrunda mübarizəmizi davam etdirəcəyik”.

“Qafqazinfo” Türkiyə mediasına istinadən xəbər verir ki, bunu prezident seçkilərinə namizəd olan, CHP lideri Kamal Kılıçdaroğlu mətbuat konfransı zamanı bildirib.

“Nəticələrə görə, mayın 28-də keçirilən prezident seçkilərində Rəcəb Tayyib Ərdoğan 52,10 faiz səslə qalib gəlib. Demokratiya uğrunda mübarizəmizi davam etdirəcəyik. Mən qardaşam, dostam, oğulam, dayıyam, ilk növbədə bu torpağın adamıyam. Qanun uğrunda hər zaman mübarizə aparmışam ki, heç kim bir-birindən inciməsin.

Sizdən bir xahişim var. Özünüz, övladlarınız, təqaüdçüləriniz, analarınız, atalarınız, əkinçiləriniz, biznesmenləriniz üçün demokratiya uğrunda mübarizəyə dəstək olun. Bütün vətəndaşlarıma ürəkdən təşəkkürümü bildirirəm. Hamınıza hörmətim var. Burdayam, yoluma davam edirəm və mübarizədən imtina etməyəcəm”, - deyə Kılıçdaroğlu bildirib.

Qeyd edək ki, bu gün Türkiyədə keçirilən prezident seçkilərinin ikinci turunun hazırda olan nəticələrinə əsasən Rəcəb Tayyib Ərdoğan qalibdir.

“Azərbaycan dövlətinin Ermənistana qarşı ərazi iddialarının olması ilə əlaqədar ittihamlar absurddur. Azərbaycanın bu cür iddiaları yoxdur. Bunu təsəvvür etmək üçün güclü fantaziyaya malik olmaq lazımdır”.

Bu fikirləri Prezident İlham Əliyevin 25 may tarixində Moskvada Ali Avrasiya İqtisadi Şurasının geniş tərkibdə iclasında Ermənistanın Baş naziri Nikol Paşinyanın absurd ittihamlarına cavab verərkən deyib. Bununla da, Prezident İlham Əliyev bir daha rəsmi İrəvanı reallıqla üz-üzə qoyub. Prezident İlham Əliyev sözün əsl mənasında Paşinyana siyasət dərsi keçib. Ermənistanın Baş naziri Azərbaycan liderinin haqlı sözləri qarşısında deməyə söz tapmayıb.

TEREF.AZ-ın məlumatına görə, Milli Məclisin deputatı Elman Nəsirov Cebhe.info-ya açıqlamasında bildirib ki, Azərbaycan Prezidenti təkzibedilməz arqumentləri ilə Ermənistanın Baş nazirini tərksilah etdi:

“Məlum olduğu kimi, Rusiyanın paytaxtında Vladimir Putinin təşəbbüsü ilə Azərbaycan və Ermənistan liderlərinin görüşü keçirildi. Bu görüş çərçivəsində postmüharibə dövrünün fundamental məsələləri ilə bağlı fikirlər səsləndirildi və mövqelər açıqlandı. Azərbaycanın prinspial və qətiyyətli mövqeyi də bəllidir. Həmin mövqeyin müəllifi də Azərbaycan Prezidenti cənab İlham Əliyevdir.

Yeri gəlmişkən, görüş bir polemika ilə də yadda qaldı. Həmin polemikada Azərbaycan Prezidenti təkzibedilməz arqumentləri ilə Ermənistanın Baş nazirini tərk-silah etdi. Nikol Paşinyan isə yenə də beynəlxalq ictimai fikrin gözünə kül üfürərək qeyd etdi ki, guya Azərbaycan Ermənistanın ərazi bütövlüyünü pozub və ona qarşı ərazi iddialarından çıxış edir.

Yəni o, əsassız iddialar ortaya qoydu. Azərbaycan Prezideti İlham Əliyev isə haqlı olaraq dedi ki, Ermənistanın Baş naziri fantaziyalardan danışır və Azərbaycanın Ermənistana qarşı ərazi iddiası yoxdur. Ermənistanın Baş naziri Qarabağ da daxil olmaqla Azərbaycanın ərazi bütövlüyünü 86,6 min kvadrat kilometr olaraq tanıyıb. Ancaq rəsmi İrəvan bir sıra məsələlərdə yenə də siyasi cığallıq yolunu seçib”.

Millət vəkili vurğulayıb ki, rəsmi İrəvan xüsusilə də dəhliz məsələlərindən manipulyasiya kimi istifadə etməyə çalışır:

“Paşinyan həmçinin, Azərbaycanı ittiham edirdi ki, guya biz qeyri-qanuni olaraq Ermənistanla sərhəddə nəzarət-buraxılış məntəqəsi qurmuşuq. Ölkə başçısı da ona cavab olaraq bir daha vurğuladı ki, Azərbaycanın heç kimin torpağında gözü yoxdur və bizim atdığımız addımlar beynəlxalq hüquqa söykənir, onun norma və prinsiplərinə əsaslanır.

İlham Əliyev vurğuladı ki, biz Ermənistanla sərhəddə, daha dəqiq desək, Rusiya sülhməramlılarının yerləşdiyi məntəqənin 20 metrliyində öz nəzarət-buraxılış məntəqəmizi qurmuşuq və o, tam qanun çərçivəsində fəaliyyət göstərir. Orada mülki şəxslərin heç bir çətinlik çəkmədən keçidi təmin olunur. Ona görə də Ermənistan tərəfinin bu məsələdəki yanaşması da tamamilə təhrif edilmiş yanaşmadır.

Hesab edirəm ki, Moskva görüşündə Azərbaycanın əsaslı mövqeyi səsləndi. Bu mövqeyin kifayət qədər güclü olduğu və konkret olaraq beynəlxalq hüququn norma və prinsiplərinə söykəndiyi ortalığa qoyuldu. Ermənistan isə yenə də öz köhnə apluasında idi. Ermənistanın Baş naziri yenə də təhrif edilmiş məlumatlar əsasında ictimai fikri çaşdırmağa çalışırdı. Amma bu da alınmadı”.

İran və Misir arasında səfir mübadiləsi gözlənilir.

Bu barədə Misir rəsmiləri bildiriblər.

Məlumata görə, Misir Prezidenti Əbdülfəttah əs-Sisi ilə İran Prezidenti İbrahim Rəisinin görüşü ilə bağlı ümumi razılıq əldə olunub. Görüşün ilin sonuna kimi baş tutacağı gözlənilir.

Mənbə həmçinin Misir və İranın bu il səfir mübadiləsi edəcəyini də bildirib. Son 40 ildən artıq müddətdə ilk dəfə olaraq iki ölkə tam diplomatik nümayəndəliyə malik olacaq.

Tehranın Qahirə ilə münasibətləri 1979-cu il İslam inqilabından sonra gərginləşib.

Misirin İranın sonuncu şahı Məhəmməd Rza Pəhləviyə sığınacaq verməsindən sonra 1980-ci ildə iki ölkə arasında diplomatik əlaqələr kəsilib.

Misir İslam inqilabından bəri İranda diplomatik nümayəndəliyini qoruyub saxlayır. Lakin onun Tehrandakı missiyasını idarə edən yalnız müvəqqəti işlər vəkilidir.

Ermənistan Baş naziri Nikol Paşinyan Rusiyaya səfər edib.
“Sputnik Armenia”ya xəbər verir ki, Paşinyan mayın 25-də Moskvada Avrasiya İqtisadi Şurasının növbəti sessiyasında iştirak edəcək.
Həmçinin, səfər çərçivəsində Paşinyan və Rusiya Prezidenti Vladimir Putin arasında görüş keçiriləcək.
Qeyd edək ki, Azərbaycan, Rusiya və Ermənistan liderlərinin üçtərəfli görüşü də nəzərdə tutulub.

"Putinin "mini-NATO-su dağılır, Paşinyan və KTMT-nin digər ölkə liderləri kimə tərəf üz tutacaq?.."

"Mənim qəddar düşmənlərim olan Türkiyə ilə Azərbaycan arasında oyun oynayan, Dağlıq Qarabağ savaşında heç nə etməyən və məni pis vəziyyətdə qoyan Putin nəyimə lazımdır ki?.."

"Çin aktiv hərəkətə keçib və Rusiyanın ənənəvi təsir zonası olan Mərkəzi Asiya ilə yeni müdafiə qurumu Putin üçün qara işarədir..."

Ermənistanın baş naziri Nikol Paşinyan bəyan edib ki, İrəvan Moskvanın kuratorluq etdiyi Kollektiv Təhlükəsizlik Müqaviləsi Təşkilatından (KTMT) çıxa bilər.

Moderator.az xəbər verir ki, bu barədə Amerikanın "Newsweek" jurnalı məlumat verib və erməni liderinin getdikcə Kremldən daha da uzaqlaşdığını vurğulayıb.

"Mən Ermənistanın KTMT-dən de-yure çıxması və ya onun üzvlüyünün dondurulması imkanını istisna etmirəm", - Paşinyan bəyan edib.

"KTMT altı ölkənin hərbi ittifaqıdır və NATO-nun qısaldılmış versiyası ilə müqayisə edilir. Bu yaxınlarda bu blokun gələcəyi barəsində Paşinyanın dedikləri Rusiya prezidentinə ictimai narazılığı ifadə edib", - jurnal yazıb.

Ermənistanla Rusiya uzun müddətdir ki, müttəfiq olub. Son zamanlar ölkələr arasında yaranan gərginliyi izah edərkən Paşinyan qonşu Azərbaycanla davam edən münaqişədə Putin tərəfindən dəstəyin olmadığına istinad edib.

"Newsweek" xatırladıb ki, 2020-ci ildə bir neçə həftə davam edən müharibədən sonra 2021-ci ildə Ermənistan Azərbaycanı qoşunlarının, guya, onun ərazisinə keçməsində ittiham edib və KTMT tərəfindən bunun pislənilməsini uğursuzcasına tələb edib.

Ukraynalı hərbi ekspert Aleksey Arestoviç rusiyalı hüquq müdafiəçisi Mark Feyqinlə söhbətində əmin edib ki, Ermənistanın və KTMT-nin digər ölkələrinin tənqidi, əslində, Çinlə bağlıdır.

Arestoviç bəyan edib ki, Qazaxıstan, Qırğızıstan, Tacikistan, Türkmənistan və Özbəkistan liderlərinin ötən həftə Pekində keçirilən "Çin-Mərkəzi Asiya" sammitinə səfərləri gedişində iqtisadi məsələlərlə yanaşı, Çinin Mərkəzi Asiya ölkələri ilə yeni müdafiə qurumunun yaradılması imkanı da müzakirə edilib.

"Paşinyan söhbətin nədən getdiyini gözəl anlayır. O, görür ki, Çin təkcə yumşaq güclə hərəkət etməyə deyil, həm də özünün iqtisadi və siyasi təsirini hərbi yolla təmin etməyə hazırdır (müharibə etməklə deyil, yeni müdafiə qurumları yaratmaqla)", - Arestoviç izah edib.

Onun sözlərinə görə, Paşinyan məntiqlə düşünür": "Mənim qəddar düşmənlərim olan Türkiyə ilə Azərbaycan arasında oyun oynayan, Dağlıq Qarabağ savaşınsa heç nə etməyən və məni pis vəziyyətə salan Putin nəyimə lazımdır ki?..".

"Rusiya Putin dönəmində çox sürətlə zəifləyir. Və Çin aktiv hərəkətə keçib. Rusiyanın ənənəvi təsir zonası olan Mərkəzi Asiya ilə yeni müdafiə qurumu Putin üçün qara işarədir", - Arestoviç vurğulaylıb.

Prezident və parlament seçkilərinə görə qurulan ATA İttifaqının artıq ömrünü başa vurduğu iddia edilir. Belə ki, mediada yayılan xəbərə görə, bu ittifaqdakı partiyalardan biri – Ədalət Partiyasının rəhbəri Vecdət Öz ittifaqın başa çatdığını, 28 mayda keçiriləcək prezident seçkilərinin ikinci turunda “Altılı masa”nın namizədi Kamal Kılıçdaroğlunu dəstəkləyəcəyini bildirib.

ATA İttifaqına daxil olan (ATA İttifaqına Zəfər, Ədalət, Ölkəm və Türkiyə İttifaqı partiyaları daxil olsa da, əsas güc Zəfər Partiyasıdır – red.) Zəfər Partiyasının sədri Ümid Özdağın Kılıçdaroğlu ilə görüşünü əsas götürənlər, onun bu gün “Altılı masa”nın namizədinə dəstək verəcəyini iddia edir. Ehtimallar da bu yöndədir, Ümid Özdağın AKP iqtidarının əsas simalarından olan Süleyman Soylu ilə ciddi konfliktdə olduğu bildirilir.

ATA İttifaqının prezidentliyə namizədi Sinan Oğanın isə Cünhur İttifaqına dəstək verəcəyi deyilir - Oğan da öz qərarını bu gün açıqlayacaq.

Mövzu ilə bağlı Axar.az-a danışan türkiyəli jurnalist və siyasi müşahidəçi Həsən Barın bildirib ki, Zəfər Partiyasının başqanı sayın Ümid Özdağın Kılıçdaroğlu ilə anlaşmaya yaxın olduğu ilə ilgili bəzi xəbərlər həqiqətən paylaşılmaqdadır.

“Öncəliklə bunu deməliyik: Dünyagörüş və düşüncə olaraq Ümid Özdağ Millət İttifaqına (Kılıçdaroğlu), Sinan Oğan isə Cümhur İttifaqına (Ərdoğan) yaxındır. Sinan Oğanı da MHP başqanı Baxçalı Cümhur İttifaqında istəməz.

Sinan Oğan namizədi olduğu ATA İttifaqından daha çox səs aldı: ATA İttifaqının əsas partiyası – Zəfər Partiyası 14 may seçimində 2,2% səs qazandı, Oğan isə bundan iki dəfədən də çox (5,17%) səs topladı.

Görüşmələr Ümid Özdağ yönətimində keçir. Bu da Türkiyə millətçilərinin gözündən qaçmır”, - o bildirib.

Həsən Barının fikrincə, Oğanın aldığı səslərin bir hissəsi Məmləkət Partiyasının sədri, seçkiyə 2 gün qalmış namizədliyini geri götürən Məhərrəm İncəyə gedəcək səslərdir:

“Yəni CHP-nin elektoratıdır, HDP “Altılı masa”ya dəstək verdiyi üçün Kamal Kılıçdaroğluya səs vermədilər. Burdan belə anlaşılır ki, Oğanın səsi Zəfər Partiyasının səsi qədərdir.

Məsələ budur ki, Oğana səs verənlər milliyyətçi, intellektual, yüksək təhsilli, analiz qabiliyyəti olan insanlardır. Onlar Oğanın və yaxud Özdağın çağırışı ilə seçim etməzlər.

Millətçiliyi yönləndirən MHP-dir. Buna görə də Oğanın səslərinin bir qismi - ən azı 1%-i MHP-yə, yəni Ərdoğana gedəcək. Qalan səslərin necə olmasının artıq əhəmiyyəti qalmayacaq, bu bir faiz ikinci turun taleyini həll edəcək. Çünki birinci turda Ərdoğan 49,5%-in üzərində səs alıb”.

Barın xüsusilə vurğulayıb ki, Türkiyədə seçici xaos istəmir, səs verərkən də Məclis çoxluğunu ələ keçirən partiyanı dəstəkləyəcək:

“Məclis çoxluğu isə Cümhur İttifaqındadır. Qısaca desək, ATA İttifaqının kimi dəstəkləyib-dəstəkləmədiyi nəticəni dəyişməyəcək, Ərdoğanın qələbəsi qaçılmazdır!”

“Partiyası daxilində Baydenin təxminən 70, Trampın isə 62-64 faiz müsbət reytinqi mövcuddur”

ABŞ-da gələn il keçiriləcək seçkilərdə əsas yarışın Demokratlar Partiyasının namizədi olacaq hazırkı Prezident Co Baydenlə Respublikaçılar Partiyasının namizədi olacaq sabiq Prezident Donald Tramp arasında keçiriləcəyi gözlənilir. Qeyd edək ki, Respublikaçılar Partiyasında Trampın namizədliyinə qarşı olanlarla yanaşı, onu dəstəkləyənlərin də sayı kifayətdir. Tramp isə hələ ötən prezident seçkilərinin səhəri günündən yenidən ölkə başçısı olmaq iddiasını ortaya qoyub. 82 yaşlı hazırkı Prezident Co Bayden isə bu günlərdə yenidən namizədliyini irəli sürəcəyini elan edib.

“ABŞ-ın hazırkı və keçmiş prezidentləri - Co Bayden və Donald Trampın böyük anti-reytinqlərə malik olmasına baxmayaraq, çox güman ki, seçicilər sonda onların mübarizəsini görəcəklər. Siyasətçilərin praymerizdə qalib gəlmə şansları son dərəcə yüksəkdir; onların rəqibləri yalnız Tramp üçün Florida qubernatoru Ron DeSantis, Bayden üçün vəkil Robert Kennedi ola bilər”. Bu sözləri rusiyalı politoloq Malek Dudakov Bayden və Tramp arasında gözlənilən mübarizə ilə bağlı danışarkən deyib.

“İndi Bayden və Tramp ətrafında çoxlu qalmaqallar var, hər ikisinin də böyük anti-reytinqləri var. Partiyası daxilində Baydenin təxminən 70, Trampın isə 62-64 faiz müsbət reytinqi mövcuddur. Ancaq buna baxmayaraq, Tramp öz seçki bazası, onsuz da ona səs verəcək insanlar tərəfindən dəstəklənir. Əksər respublikaçılar onu dəstəkləyəcək”, - Dudakov əlavə edib.

Politoloqun sözlərinə görə, Bayden də seçicilər arasında böyük ruh yüksəkliyi yaratmır: “Lakin o, hələ də hazırkı Prezident, Demokratlar Partiyasının lideri kimi kifayət qədər nüfuza malikdir. Nəticədə, hesab edirəm ki, 2024-cü ildə keçiriləcək seçicilər yenidən Tramp və Bayden arasında qarşıdurmanı görəcəklər”.

“Tramp praymerizdə DeSantislə qarşılaşacaq, lakin onun reytinqi ən yüksək deyil, təxminən 30 faizdir. Əlbəttə, praymerizlərə hələ 8 ay var, amma mən heç bir xüsusi perspektiv görmürəm. Baydenin Kennedinin simasında rəqibi var, lakin o, cəmi 20 faiz dəstəyinə malikdir”, - analitik söyləyib.

Dudakov əlavə edib ki, ənənəvi olaraq üçüncü namizədlər çox az faiz qazanırlar: “Ona görə də Tramp və Bayden partiya daxilində ciddi rəqabət gözləməməlidir”.

Qeyd edək ki, ABŞ prezident seçkilərində namizədi müəyyənləşdirmək üçün partiyalar daxilində paymerizlər keçirilir. Daxili seçkilərlə namizədlər müəyyənləşir.
ayna.az