Ukrayna prezidenti Vladimir Zelenski Rusiya və Belarusun 200 müdafiə müəssisəsinə qarşı ikinci sanksiyalar paketini təsdiqləyib.

APA xəbər verir ki, fərmana görə sanksiya siyahısına düşən təşkilatlar arasında elmi-tədqiqat müəssisələri də var.

Belarusun 17 müəssisəsi, o cümlədən Qomselmaş, Qomel Tökmə Zavodu və Mogilyovv Vaqon Zavodu da sanksiyaya məruz qalıb.

Sanksiyalar 10 il müddətinə tətbiq edilib.

Türkiyədə prezident seçkiləri yaxınlaşdıqca bu ölkənin aktiv rol oynadığı dövlətlərdə bununla bağlı müzakirələr artır.

Belə ölkələrdən biri də, Ukraynadır. Ukraynanın keçmiş prezidenti Viktor Yuşşenko bildirib ki, Türkiyə ilə bağlı ən cəsarətli qərarları Rəcəb Tayyib Ərdoğan qəbul edib.

“Ərdoğan ölkəsini ən yüksək beynəlxalq səviyyəyə qaldırıb”, - deyə V.Yuşşenko qeyd edib.
Daha ətraflı Baku TV-nin süjetində:

Seçicilərlə görüşünü davam etdirən Türkiyə Prezident Rəcəb Tayyib Ərdoğan Sincanda mühüm açıqlamalar verib.

Məmləkət Partiyasının sədri Məhərrəm İncənin prezidentliyə namizədliyindən geri çəkilməsi ilə bağlı yenidən danışan Prezident Ərdoğan onun belə bir addım atmağa məcbur edildiyini bəyan edib.

Buna görə "Millət ittifaqı"nın namizədi Kamal Kılıçdaroğlunu FETÖ ilə işbirliyində ittiham edib: "Bay-bay Kamal kasetlə gəldi. İndi də prezidentliyə namizədlərdən birini seçimdən kənarda buraxdı. Bunu hansı yolla etdiyi sabah və ya biri gün bəlli olacaq. Çünki onların bütün işləri fırıldaqdan ibarətdi. Dünən onu kasetle partiya sədrliyinə gətirənlər bu gün eyni üsulla prezident postuna oturtmağa çalışırlar. Bu məqsədlə hansısa yolla prezidentliyə namizədi geri çəkilməyə məcbur etdilər. Görünür, FETÖ üsulları yenidən işə başındadır. Ölkəmizdə siyasətin bu qədər aşağı səviyyəyə endirilməsinə razı ola bilmərik. Bay-bay Kemal senin kasetlə gəldiyini bilirik. Ancaq bu dəfə millət sənin kasetle bir yerlere gətirilməyinə imkan verməyəcək!"

“Namizədliyini geri götürən İncənin səsləri Ərdoğanla Kılıçdaroğlu arasında bölünəcək”.

Teleqraf.com xəbər verir ki, bunu politoloq Elxan Şahinoğlu deyib.

“Məhərrəm İncənin prezidentliyə namizədlikdən geri çəkilməsi seçkidə yeni durum yarada bilər. İncə 2018-ci ildə Rəcəb Tayyib Ərdoğanla uğurlu mübarizə aparmış, 31 faiz səs toplamışdı. İncə son aylardakı çıxışlarıyla ilk dəfə səs verəcək gənclərin diqqətini cəlb etmişdi. Müxtəlif sorğulara görə, İncənin ikinci tura keçidi mümkün olmasa da, seçkidə 3-7 faiz arasında səs toplaya bilərdi.

İndi əsas sual budur: namizədlikdən geri çəkilən İncənin səsləri hansı namizədə gedəcək?

İncənin özü çıxışında tərəfdarlarına kimə səs verməsi çağırışını etmədi, konkret ünvan göstərmədi. O, seçki kampaniyasında həm hazırkı Prezident Rəcəb Tayyib Ərdoğanı, həm də ana müxalifət lideri Kamal Kılıçdaroğlunu tənqid edirdi, bəlkə də müxalifətə daha çox yüklənirdi. Fikrimcə, İncənin səsləri Ərdoğanla Kılıçdaroğlu arasında bölünəcək”, - ekspert bildirib.

Elxan Şahinoğlu başqa bir ehtimala da diqqət çəkib:

“Kılıçdaroğlunun geri çəkilən İncənin səslərinə ehtiyacı var. Kılıçdaroğlu bu məqsədlə İncə ilə görüşməyə çalışacaq. İncə 2018-ci il prezident seçkisindən sonra üzvü olduğu Cumhuriyyət Xalq Partiyasından (CHP) küsdü, ona dəstək verilməməsindən şikayətləndi. CHP-dən ayrılaraq Məmləkət Partiyasını qurdu.

Son illərdə CHP-ni və keçmiş liderini tənqid edirdi. Ancaq bunlar indi geridə qalıb və mərhum dövlət başçısı Süleyman Dəmirəlin sözü olmasın, siyasətdə 24 saat böyük müddətdir. Yəni siyasətçi dünən dediyinin əksinə olaraq, bu gün mövqeyində dəyişiklik etmək və bunu izahını vermək bacarığına malik olmalıdır. Ona görə də Kılıçdaroğlu mümkün gələcək kabinetində İncəyə nəsə vəd etsə, anlaşa da bilərlər”.

“Metropoll” Araşdırma Şirkəti seçicilərə “Məhərrəm İncə namizədlikdən geri çəkilsə, kimə səs verərdiniz” sualını verib.

Verilən cavab aşağıdakı kimidir:

Kamal Kılıçdaroğlu – 30.5 faiz

Rəcəb Tayyib Ərdoğan – 23.4 faiz

Sinan Oğan – 24.3 faiz

2 610 nəfər – respondetlərin 16.5 faizi isə etiraz olaraq səs verməyəcəyini bildirib.

Sorğu 1-3 may tarixlərində keçirilib.

Rusiya prezidenti Vladimir Putin Dövlət Dumasına Avropada Adi Silahlı Qüvvələr haqqında Müqavilənin denonsasiyası haqqında qanun layihəsi təqdim edib. Müvafiq sənəd çərşənbə günü Dövlət Dumasının məlumat bazasında dərc olunub.

Qanun layihəsinə izahat qeydində bildirilir ki, müqavilə “Avropa təhlükəsizliyinin möhkəmləndirilməsi aləti kimi 1990-cı illərin əvvəlləri üçün kifayət qədər səmərəli və təsirli olub”.

“90-cı illərin əvvəllərindən başlayaraq, ilk növbədə NATO-nun genişlənməsi ilə bağlı olan genişmiqyaslı hərbi-siyasi dəyişikliklərin təsiri altında o, xeyli dərəcədə köhnəlib və reallıqla əlaqəsini itirib. Qərb ölkələrini bu məsələyə münasibətini dəyişməyə sövq etmək üçün Rusiya Federasiyası müqavilədə iştirakını dayandırır. Belə ki, 2007-ci ildən Avropada adi silahlar sahəsində vəziyyət nəzərəçarpacaq dərəcədə pisləşib”, - sənəddə deyilir.

Qeyd olunur ki, “ABŞ və onun müttəfiqləri Rusiya ilə fəlakətli nəticələrlə dolu hərbi qarşıdurma xəttini davam etdirirlər”.

“İşlərin hazırkı vəziyyəti müqavilənin denonsasiyası üçün tədbirlərin görülməsini və Rusiya Federasiyasının sazişdən çıxması üçün dövlətdaxili prosedurların başlanmasını tələb edir. Proses başa çatdıqdan sonra digər iştirakçı dövlətlərə müvafiq bildiriş göndəriləcək”, - izahatda vurğulanır. (Mənbə: TASS)

NATO-nun bütün üzvləri Ukraynanın Alyansa qatılmasını dəstəkləyir.

Axar.az xəbər verir ki, bunu NATO baş katibi Yens Stoltenberq deyib.

Onun sözlərinə görə, əsas məsələ vaxtdır, ona görə də tam üzvlüyün vaxtı məlum deyil:

“NATO-ya üzv dövlətlər Ukraynaya blokun qüvvələri ilə qarşılıqlı fəaliyyətin təmin edilməsində, müdafiə və təhlükəsizlik institutlarında islahatların aparılmasında və təkmilləşdirilməsində kömək edirlər. NATO-nun qapıları hər zaman açıqdır”.

Avropa İttifaqı Şurası Cənubi Qafqazda sülh prosesi çərçivəsində aparılan Ermənistan - Azərbaycan danışıqlarına dair bəyanat yayıb.

Sənəddə bildirilir ki, Şuranın prezidenti Şarl Mişel Aİ-nin Cənubi Qafqazda sabitliyi və iki ölkə arasında normallaşmanı təşviq etmək səylərini davam etdirmək üçün Ermənistan və Azərbaycan liderləri ilə daim sıx əlaqə saxlayır.

Qeyd olunur ki, liderlər 2023-cü il mayın 14-də Brüsseldə üçtərəfli görüş formatında yenidən toplanmağa razılaşıblar.

“Müzakirələr həmçinin 1 iyun 2023-cü ildə Kişineuda keçiriləcək Avropa Siyasi Birliyinin sammiti çərçivəsində Fransa Prezidenti Emmanuel Makron və Almaniya kansleri Olaf Şolts ilə görüşlərlə də davam etdiriləcək. Liderlər həmçinin Brüssel görüşlərini zəruri olduğu qədər tez-tez davam etdirməyə razılaşıblar”, - deyə bəyanatda vurğulanır.

Bundan əlavə, bəyanatda prezident Mişelin 2023-cü ilin oktyabrında Qranadada keçiriləcək növbəti Avropa Siyasi Birliyi sammiti çərçivəsində Ermənistan, Azərbaycan, Fransa və Almaniya liderlərini ikinci dəfə görüşməyə dəvət etmək niyyətində olduğu ifadə edilir.