2024-cü ildə Almaniyada keçiriləcək Avropa çempionatını qazanan komanda 34 milyon dollar mükafat alacaq.
Offsideplus.az xəbər verir ki, FIFA ümumilikdə 371 milyon avro mükafat məbləği təyin edib. Turnirə qatılan hər bir ölkə 9,25 milyon avro qazanacaq. Qrupdakı hər qalibiyyət 1,5 milyon avro, hər heç-heçə isə 750 000 avro ilə mükafatlandırılacaq. 1/8 finala çıxan komandalar 2 milyon avro, 1/4 finala yüksələnlər isə 3,25 milyon avro ödəniş olunacaq.
FIFA yarımfinala çıxan komandaların hər birinə 5 milyon avro, çempion komandaya 10 milyon, finalistə isə 7 milyon avro ödəyəcək. Bu rəqəmlərə əsasən, qrupunda bütün oyunları qazanıb, finala çıxan ölkə ümumilikdə 34 milyon avro qazanc əldə edə bilər.
Qeyd edək ki, Avropa çempionatı 14 iyundan 14 iyul tarixinədək davam edəcək.

Azərbaycan Dövlət Televiziyasının (AzTV) əməkdaşları Xankəndi stadionunda futbol oynayıblar.

Stadiondan hazırlanan süjetdə qeyd olunub ki, növbəti mövsümdən etibarən Azərbaycan Premyer Liqasının oyunlarını bu arenada izləmək mümkün olacaq.

Bildirilib ki, təxminən 15 min tamaşaçı tutumuna malik olan sözügedən stadion SSRİ dövründə Azərbaycanın “Qarabağ” futbol klubunun oyunlarına ev sahibliyi edib.

Hazırda isə stadionda bərpa və yenidənqurma işləri görülür.
Xatırladaq ki, Xankəndi şəhər stadionunun təməli 1955-ci ildə qoyulub. Futbol meydançası 1956-cı ildə istifadəyə verilib.

Ətraflı süjetdə:

Bu gün kişi voleybolçular arasında Azərbaycan çempionatında növbəti oyun keçirilib.

Gənclər və İdman Nazirliyinin Voleybol Mərkəzində baş tutan qarşılaşmada MOİK son ölkə çempionatının bürünc medalçısı “Neftçi” ilə üz-üzə gəlib.

Matçın qalibi üç setdə bəlli olub. Pərviz Səmədovun rəhbərlik etdiyi “Neftçi” 3:0 (25:11, 25:13, 25:15) hesablı qələbə ilə çempionatda ilk xallarını qazanıb.

ABŞ-nin “İnter Mayami” futbol klubu ilə Səudiyyə Ərəbistanının “Ən Nəsr” klubu arasında görüş 2024-cü ilin fevralında Riyad Mövsüm Kuboku yoldaşlıq turniri çərçivəsində keçiriləcək.

Bu barədə Səudiyyə Ərəbistanının Əyləncə Baş İdarəsinin sədri Turki Əl-Şeyx “X” (keçmiş “Twitter”) səhifəsində məlumat verib.

“Bu, futbol nəhənglərinin “son rəqs”idir. Messi və Ronaldu meydanda qarşılaşacaqlar”, - Əl-Şeyx yazıb.
Qeyd edək ki, Messi və Ronaldunun bir-birinə qarşı oynadığı son görüş 2023-cü ilin yanvarında baş tutub. Messinin forma geyindiyi Fransanın PSJ klubu “Ən Nəsr" və “Əl Hilal” klublarının futbolçularından təşkil olunmuş Ər-Riyad millisi ilə yoldaşlıq oyunu keçirib. Yekunda PSJ 5:4 hesabı ilə qalib gəlib. Matçda Messi bir, Ronaldu isə iki qola imza atıb.

Belçika – Azərbaycan matçından əvvəl Brüsseldəki himn biabırçılığı oyuna damğa vurdu.

Avropanın “göbəyində”, onminlərlə azarkeşin, milyonlarla izləyicinin gözləri önündə Azərbaycanın dövlət himninin əvəzinə İsveçin himninin səsləndirilməsi “Kral Boduen”də bir neçə dəqiqəlik çaxnaşmaya səbəb oldu.

Bizimkilərin israrından və təxminən 4 dəqiqəlik aradan sonra qüsur aradan qaldırıldı və Azərbaycan dövlət himni çalındı.

Kaş çalınmazdı. Çünki bu dəfə də növbəti, ənənəvi biabırçılıq qaçılmaz oldu.

İllərdir millinin formasını geyinən “azərbaycanlılar”dan 4-ü – Eddi İsrafilov, Renat Dadaşov, Aleksey İsayev və Höccət Haqverdi sözlərini bilmədiklərini himnimizi oxumadılar.

Əvəzində, dağıstanlı Şahruddin Məhəmmədəliyevlə ukraynalı Anton Krivotsyuk azərbaycanlı futbolçularla birlikdə dövlət himnimizi ürəklə oxumaqla diqqət çəkdi.

Dəyərli AFFA rəhbərliyi, “geydirmə azərbaycanlılara” verdiyiniz saxta pasportların nəticəsi baxın budur.

Milli forması ilə özlərinə reytinq qazanıb, mükafatların hesabına şəxsi büdcələrini zənginləşdirən “dostlarınız” 2-3 saat vaxt ayırıb himnimizin sözlərini öyrənməyi özlərinə borc bilmirlər.

Himnə vaxt ayırmayan futbolçu geyindiyi formaya hansı hörməti qoyacaq?

Videoda acı mənzərə ilə bir daha tanış ola bilərsiniz.

HƏBİB / SPORTİNFO.AZ

"Bu gün 10 nəfərlə oynamaq çətin idi. Uşaqlar bundan artığını edə bilməzdilər".

"Report"un Brüsselə ezam olunmuş əməkdaşının məlumatına görə, bunu Azərbaycan millisinin baş məşqçisi Canni De Byazi səfərdə Belçikaya 0:5 hesabı ilə uduzduqları AVRO-2024-ün seçmə mərhələsinin sonuncu tur matçından sonra mətbuat konfransında deyib.

67 yaşlı mütəxəssis qarşılaşmanın çox ağır alındığını vurğulayıb: "Güclü rəqibə qarşı mübarizə apardıq. Qrupda yalnız bir heç-heçələri var idi. O da məlum səbəblərə görə yarımçıq dayandırılmış görüşdür. Üç gündən bir oynamaq bizə çətindir. Seçmə mərhələdə az xal yığsaq da, sonadək mübarizə apardıq".

İtaliyalı baş məşqçi Eddi İsrafilova start heyətdə şans verməsinə toxunub: "Fiziki baxımdan bunu nəzərə almalıyıq. Özümüz də uşaqlarla danışırıq. Eddi İsveçə qarşı yaxşı oyun sərgiləmişdi. Planımız fasilədə onu Coşqun Diniyevlə əvəzləmək idi. Amma alınmadı. İkinci hissədən daha çox razı qaldım. Birinci hissəyə yaxşı başlamamışdıq. Mənim komandalarım heç vaxt təslim olmamalıdır. 8 nəfərlə qalsaq da, sonadək döyüşməliyik".

Mütəxəssis yığmadan ayrılacağı təqdirdə yerli jurnalistlərin suallarından darıxmayacağını söyləyib: "Karyeramda ilk dəfə belə halla rastlaşıram. Mənim günahım deyil. Burada işləyirəm və sizinlə görüşməyə məcburam. Bizim inkişafımızı görmək istəmirsiz. Qat-qat çox iş görmüşük. Mentaliteti dəyişirik”.

De Byazi suallardan əsəbiləşərək, konfransı yarımçıq tərk edib.

Fransanın Azərbaycandakı səfiri Ann Buayon futbol üzrə Azərbaycan milli komandasının üzvü Emin Mahmudovla Fransa yığmasının futbolçusu Kilian Mbappenin qollarını müqayisə edib.

“Report” xəbər verir ki, bu barədə diplomat AVRO-2024-ün sosial şəbəkə səhifəsindəki “Ən yaxşı qol” səsverməsinə münasibət bildirərkən yazıb.

“Seçmək çətindir! Mahmudovun qolu Mbappenin qoluna çox bənzəyir!”, – səfir vurğulayıb.

Qeyd edək ki, “Neftçi”nin yarımmüdafiəçisi Emin Mahmudov FIFA reytinqində 23-cü pillədəki İsveçə, PSJ-nin hücumçusu Kilian Mbappe 198-ci yerdə qərarlaşan Cəbəllütariqə qol vurub. Hər iki oyunçu mərkəzdən dəqiq zərbə ilə fərqlənib.

AVRO-2024-ün seçmə mərhələsində IX tura yekun vurulub.

Oxu.Az xəbər verir ki, daha 3 qrupda ümumilikdə 7 oyun keçirilib.

B qrupunda Niderland evdə İrlandiyanı məğlub etdiyi üçün final mərhələsinə yüksəlib. Fransa isə Cəbəllütariqi 14 cavabsız qolla darmadağın edib.

D qrupundakı matçlardan sonra ikinci vəsiqənin sahibinə sonuncu turda aydınlıq gələcək.

I qrupunda isə Rumıniya İsraili məğlub edib, beləliklə, digər qarşılaşmaların nəticəsindən asılı olmayaraq, Rumıniya və İsveçrə Almaniyada keçiriləcək qitə birinciliyinə vəsiqə qazanıb.

Qeyd edək ki, Fransa və Türkiyə final mərhələsinə vəsiqəni öncədən təmin ediblər.

AVRO-2024, seçmə mərhələ
18 noyabr

B qrupu
Fransa – Cəbəllütariq 14:0

Niderland – İrlandiya 1:0
Xal durumu: Fransa – 21, Niderland – 15, Yunanıstan – 12, İrlandiya – 6, Cəbəllütariq – 0.

D qrupu
Ermənistan – Uels 1:1
Latviya – Xorvatiya 0:2
Xal durumu: Türkiyə -16, Xorvatiya – 13, Uels – 11, Ermənistan – 8, Latviya – 3.

İ qrupu
Belarus – Andorra 1:0
İsrail – Rumıniya 1:2
İsveçrə - Kosovo 1:1
Xal durumu: Rumıniya – 19, İsveçrə - 17, İsrail – 12, Kosovo – 11, Belarus – 9, Andorra - 2.
23:15

Xorvatiya yığması AVRO-2024-ün seçmə mərhələsinin 9-cu turu çərçivəsində səfərdə Latviya yığması üzərində qələbə qazanıb - 2:0.

Hesabı yeddinci dəqiqədə Lovro Mayer açıb. Doqquz dəqiqədən sonra Andrey Kramaraç xorvatların üstünlüyünü iki topa çatdırıb.

Bu nəticə ilə Xorvatiya D qrupunda xalını 13-ə çatdıraraq turnir cədvəlində ikinci yerə yüksəlib. Latviya üç xalla sonuncudur.

I qrupunda Belarus Andorraya minimal hesabla qalib gəlib - 1:0. Bu nəticə ilə Belarus xalını doqquza çatdıraraq beşinci pillədə qərarlaşıb. Andorra isə iki xalla sonuncudur.

20:19

AVRO-2024-ün seçmə mərhələsinin 9-cu turu çərçivəsində Ermənistan yığması öz meydanında Uelslə heç-heçə edib – 1:1.

Hesabı beşinci dəqiqədə ev sahiblərinin yarımmüdafiəçisi Lukas Selarrayyan açıb. Uels 45-ci dəqiqədə hesabı bərabərləşdirib. Nair Tiknizyan avtoqola imza atıb.

Ermənistan səkkiz xalla D qrupunda dördüncü yerdədir. Uelsl isə 11 xalla ikinci yerdə qərarlaşıb. Qrupa 16 xalla Türkiyə liderlik edir.