 |
|
|
Argentina millisinin kapitanı Lionel Messi DÇ-2026-nın seçmə mərhələsi çərçivəsində Uruqvay seçməsinə qarşı keçirdikləri ev oyununda (0:2) rəqib futbolçu ilə əlbəyaxa olub.
Fanat.Az xəbər verir ki, 36 yaşlı superulduz "Bombonere"dəki qarşılaşmanın ikinci yarısında rəqib müdafiəçi Matias Olivera ilə insident yaşayıb.
Matiası öncə itələyən Messi ardından onun boğazından tutsa da, hakim bu hərəkətə görə təcrübəli oyunçuya vərəqə göstərməyib. İnsidentdə hər tərəfdən daha bir neçə oyunçu iştirak edib.
İtaliya futbolunun canlı əfsanəsi Paolo Maldini İngiltərə nəhəngində işləyə bilər.
Fanat.az xəbər verir ki, məlumatı “The Telegraph” yayıb.
Xəbərə gőrə, “Mançester Yunayted” Cim Retkliffə satılacaĝı halda, klubda əsaslı dəyişikliklər aparılacaq və Maldiniyə idman direktoru postu təklif ediləcək.
Qeyd edək ki, 55 yaşlı Maldini bűtűn karyerasını “Milan”da keçirib. O, 2018-ci ildən bu ilin yayına qədər məhz “Milan”da işləyib.
Xəbər verdiyimiz kimi, Azərbaycan milli komandası Avro-2024-ün seçmə mərhələsi çərçivəsində doğma meydanda İsveçi 3:0 hesabı ilə məğlub edib.
Bakupost.az -ın “Qafqazinfo”ya istinadən məlumatına görə, yığmamızın baş məşqçisi
Canni De Byazi millimizin üçüncü qolunu köməkçisi Arif Əsədova təpik vuraraq qeyd edib.
İtaliyalı çalışdırıcı həmin anı belə şərh edib:
“Ariflə münasibətimiz əladır. Dəyişiklikər zamanı müzakirə edirdik. Futbolda da 60 yaşlı kişilər özünü uşaq kimi aparır. Sadəcə sevincli alındı”.
Həmin anın videosunu təqdim edirik:
"Bu gün meydanda ürəyimizi qoyduq".
"Report"un məlumatına görə, bunu Azərbaycan millisinin baş məşqçisi Canni De Byazi İsveçə 3:0 hesabı ilə qalib gəldikləri AVRO-2024-ün seçmə mərhələ oyunundan sonra mətbuat konfransında deyib.
67 yaşlı mütəxəssis matça çox yaxşı başladıqlarını bildirib: "İlk yarıda çox riskə getmədik. İkinci hissədə özümüzü bir az çətinliyə saldıq. Futbolçular alqışa və bundan çoxuna layiqdirlər. Milli komanda uduzanda da stadionda ona tam dəstək olmalıdır. Hər görüşdə tam gücümüzü meydanda qoyuruq. Yığmamız yaxşı oyunçulardan ibarətdir. 10 nəfərlə qalanda da sonadək mübarizə apardıq və vuruşduq".
İtaliyalı baş məşqçi bu gün yaratdıqlarını qol şanslarından istifadə etdiklərini vurğulayıb: "Avstriya ilə oyunda bunu bacarmadıq. Komanda inkişaf edib. Bu, göz önündədir. Bazar günü Belçikaya qarşı ağır qarşılaşmamız olacaq. Bu matça da yaxşı hazırlaşacağıq".
Əfsanəvi kəşfiyyatçı, şəhid polkovnik-leytenant Raquf Orucovun və torpaqlarımızın azadlığı uğrunda canını qurban verən hərbçilərimizin xatirəsinə həsr olunan beynəlxalq cüdo turniri 4 illik fasilədən sonra bərpa edilir. Ənənəvi turnirdə bu dəfə 20 yaşadək gənclər (U-20) qüvvələrini sınayacaqlar. Turnirin təşkilatçısı, “Azman Holdinq”in tərkibinə daxil olan “Judo Club 2012” idman klubunun direktoru Mübariz Cəfərov yeni formatda keçiriləcək turnir barədə məlumat verərkən deyib:
- Möhtərəm Prezident, Müzəffər Ali Baş Komandan cənab İlham Əliyevin rəhbərliyi ilə rəşadətli Ordumuzun qazandığı möhtəşəm qələbələr, ölkəmizin ərazi bütövlüyünün və dövlət suverenliyinin tam bərpa edilməsi cəmiyyətimizdə böyük fərəh və qürur hissi doğurub. “Raquf Orucov Kuboku” beynəlxalq cüdo turniri məhz belə əlamətdar bir dövrdə bərpa edilir. Azərbaycan Respublikası Gənclər və İdman Nazirliyinin, Azərbaycan Cüdo Federasiyasının dəstəyi ilə noyabrın 16-17-də Bakı İdman Sarayında keçiriləcək turnirdə ölkəmizin idmançıları ilə yanaşı, Türkiyə, Gürcüstan, Qazaxıstan, Tacikistan, Dağıstan (Rusiya) və Çexiyanı təmsil edən 200-ə yaxın cüdoçu iştirak edəcək. Turnir Azərbaycan Cüdo Federasiyası İcraiyyə Komitəsinin üzvü “Judo Club 2012” idman klubunun təsisçisi, Azərbaycan Cüdo Veteranları Assosiasiyasının prezidenti, usta cüdoçular arasında dünya və Avropa çempionatlarının dəfələrlə qalib və mükafatçısı olan Azər Əsgərovun təşəbbüsü ilə 2017-ci ildən keçirilir. Həmin ildə və 2018-2019-cu illərdə turnir U-20 yaş qrupu üzrə komanda yarışı kimi təşkil olunub. Koronavirus pandemiyası ilə əlaqədar olaraq yaranan dörd illik fasilədən sonra isə turnirin, Azərbaycan Cüdo Federasiyasının tövsiyəsi ilə, eyni yaş qrupunda fərdi qaydada keçirilməsi qərara alındı.
Şəhidlərimizin xatirəsinə hörmət və ehtiram əlaməti olaraq təşkil olunan ənənəvi turnirin məqsədi vətənpərvərlik hissinin və döyüş ruhunun gənclərə aşılanması, onların Vətənin müdafiəsinə hazırlıq səviyyəsinin artırılması, idmançılar arasında dostluq və yoldaşlıq münasibətlərinin möhkəmləndirilməsidir.
Qeyd edim ki, istər şəhidlərimizin əziz xatirəsinə ehtiram göstərilməsinə, istərsə də gənc nəslin hərbi-vətənpərvərlik tərbiyəsinə dəstək verilməsinə Azər müəllim xüsusi həssaslıqla yanaşır. “Raquf Orucov Kuboku” beynəlxalq cüdo turnirinin təşəbbüskarı olmaqla yanaşı o, Qusarda Azərbaycanın Milli Qəhrəmanı Çingiz Qurbanovun xatirəsinə həsr olunmuş kikboksinq turnirinin keçirilməsinə də öz töhfəsini verib, həmçinin 44 günlük Vətən müharibəsi dövründə hərbçilərimizə maddi-mənəvi dəstək tədbirlərində şəxsən fəal iştirak edib.
“Raquf Orucov Kuboku” turnirinin bərpası klubumuz və onun təsisçisi üçün çox əlamətdar hadisədir. Əvvəlki üç turnir kimi bu dəfə də yarışların yüksək səviyyədə keçirilməsi üçün bütün zəruri tədbirlər görülüb. İnanırıq ki, turnir yenə də ölkəmizdə və onun hüdudlarından kənarda böyük maraq doğurmaqla yanaşı, gənc cüdoçulara yarış təcrübəsi qazanmaq, öz döyüş ustalığını təkmilləşdirmək imkanı yaradacaq.
Turnirin açılış mərasimi noyabrın 16-da saat 15:00-da Bakı İdman Sarayında keçiriləcək. Yarışın media dəstəkçisi İdman TV və ASAN Radiodur. Turnirin açılış və mükafatlandırma mərasimində dövlət və hökumət nümayəndələrinin, parlament üzvlərinin, tanınmış idmançıların, şəhid ailələrinin, Qarabağ müharibəsi veteranlarının iştirakı gözlənilir.
Xatırlatmaq istərdim ki, 2016-cı ilin Aprel döyüşləri müasir hərb tariximizin şanlı səhifəsidir. Qarabağda böyük zəfərimizin başlanğıcı olan bu döyüşlərdə şəhidlik zirvəsinə ucalan əfsanəvi kəşfiyyatçı, polkovnik-leytenant Raquf Orucovun və torpaqlarmızın azadlığı uğrunda canını qurban verən bütün qəhrəmanlarımızın xatirəsi xalqımızın qəlbində və yaddaşında əbədi yaşayacaqdır.
İngiltərənin nüfuzlu “FourFourTwo” nəşri “Liverpul” tarixinin ən yaxşı transferlərinin siyahısını dərc edib.
Qol.az xəbər verir ki, siyahıda 1-ci yeri 1977-ci ildə “Seltik”dən “mersisaydlılar”a keçən Kenni Dalqliş tutur. Məhəmməd Salah 2-ci, İan Raş isə 3-cüdür.
“Liverpul” tarixinin ən yaxşı transferləri:
1. Kenni Dalqliş (1977-ci ildə “Seltik”dən)
2. Məhəmməd Salah (2017-ci ildə “Roma”dan)
3. İan Raş (1980-ci ildə “Çester Siti”dən)
4. Kevin Kiqan (1971-ci ildə “Skuntorp Yunayted”dən)
5. Qrem Suness (1978-ci ildə “Midlsbro”dan)
6. Con Barnes (1987-ci ildə “Uotford”dan)
7. Luis Suares (2011-ci ildə “Ayaks”dan)
8. Rocer Hant (1958-ci ildə “Stokton Hit”dən)
9. Vircil van Deyk (2018-ci ildə “Sauthempton”dan)
10. Ron Yeyts (1961-ci ildə “Dandi Yunayted”dən).
"Fənərbaxça"dan transfer olunduğu "Real Madrid"də aldığı zədə səbəbindən meydanlara çıxa bilməyən Arda Gülərin vəziyyəti İspaniyada hər gün müzakirə mövzusudur. Onun məşqdəki yaxşı forması azarkeşləri səbirsizləşdirsə də, ardıcıl zədələr azarkeşləri eyni dərəcədə üzdü.
Sherg.az xəbər verir ki, İspaniya mətbuatında olduğu kimi, sosial mediada da futbolsevərlər gənc futbolçu ilə bağlı fikirlərini bölüşür, həm istedadı, həm də aldığı zədələrlə bağlı məlumatlar paylaşırlar. Futbol yazarı Alejandro Alonso Bernabeu son məqaləsində "Real Madrid"in 18 yaşlı futbolçusundan bəhs edib.
Alejandro Alonso “Arda Gülər yeni Eden Hazard deyil” başlıqlı yazısında gənc futbolçu ilə belçikalı futbolçunu müqayisə edənlərə cavab verib. "Çelsi"dən transfer olunduğu "Real Madrid"də gözləntiləri doğrulda bilməyən Hazard böyük tənəzzülə uğradı, klubda persona-non-qrata elan edildi və futbolçu karyerası söndü.
İspan jurnalist yazısında bu sətirlərə də yer verib:
"Real Madrid" ona çox diqqətlə yanaşacaq. Sağalmasını sürətləndirmək bir yana, heç bir tələskənlik belə olmayacaq. Onun performansına heç bir şübhə yoxdur. Ardanın yaxşı olacağını bilirlər, gələcəyin ləl-cəvahiratlarından biridir”.
"Türk yarımmüdafiəçi, şübhəsiz ki, Avropa futbolunun ən böyük ləl-cəvahiratlarından biridir. Hər kəs onun üçün mübarizə aparırdı, lakin o, uğursuzluq üzündən debüt edə bilmədi. O, meniskindən zədə aldı və əzələ zədələri onu çətin vəziyyətə saldı. Onlar oyunçunun möhtəşəm keyfiyyətini bilirlər və onu tək qoymayacaqlar”.
"Madrid azarkeşləri peşman olmayacaqlar, amma bir az daha gözləməli olacaqlar. Eden Hazardla müqayisələr iyrəncdir. 100 faiz məşq etməyən və özünə diqqət yetirməyən birinin bədən quruluşunun bir futbolçunun fiziki görünüşü ilə heç bir əlaqəsi yoxdur". "Real Madrid"ə yeni gələn gənc istedaddır."
“Barselona” La Liqanın 13-cü turunun matçında “Alaves”i məğlub edib - 2:1.
Xavinin yetirmələri artıq matçın 18-ci saniyəsində qol buraxıb - hesabı Samu Omorodion açıb. Daha sonra Levandovski 53 və 78-ci dəqiqələrdə dubl edərək komandasına üç xal qazandırıb.
Bu, “Barsa”nın 21-ci əsrdə İspaniya çempionatının ev sahibliyi etdiyi oyununda ən tez buraxdığı qoldur.
Almaniya millisinin və “Bayern Münhen”in 28 yaşlı yarımmüdafiəçisi Yozua Kimmix “Barselona”nın transfer hədəfindədir.
Fanat.az xəbər verir ki, informasiyanı “Todofichajes” yayıb.
Mənbənin məlumatın görə, yarımmüdafiəçinin transferi qışda və ya cari mövsümün sonunda baş tuta bilər. Potensial transfer əməliyyatının dəyəri 80 milyon avro olaraq qiymətləndirilir.
Kimmix 2015-ci ilin yayından Münhen təmsilçisində çıxış edir. Onun hazırki müqaviləsinin müddəri 2024/2025 mövsümünün sonuna qədərdir.
Cari Bundesliqa mövsümündə Yozua “Bayern”in heyətində doqquz oyun keçirib və üç məhsuldar ötürmə edib.
“Qəbələ”nin U-19 komandasının UEFA Gənclər Liqasının II mərhələsində keçirəcəyi cavab oyununun hakimləri müəyyənləşib.
"Qırmızı-qaralar”ın Yunanıstan təmsilçisi “Olimpiakos”la səfərdəki görüşünü Şimali İrlandiyadan olan ədalət təmsilçiləri idarə edəcəklər.
Matçın baş hakimi Ceymi Robinson olacaq. Ona həmyerliləri Adam Ceffri və Endryu Neteri kömək edəcəklər.
Qeyd edək ki, noyabrın 29-da Pireydəki Georgios Karaiskakis adına stadionda baş tutacaq qarşılaşma Bakı vaxtı ilə saat 19:00-da başlanacaq.