“Qalatasaray” UEFA Avropa Liqasının son 16-cı pley-off mərhələsində “Sparta Praqa” ilə matçın hazırlıqlarına başlayıb.

Komanda sabah keçirəcəyi son məşqi ilə “Sparta Praqa” matçının hazırlıqlarını tamamlayacaq.

Məşqdən əvvəl isə “Qalatasaray” komandanın argentinalı hücumçusu Mauro İkardinin doğum gününü qeyd edib.

Bu barədə klubun rəsmi “X” hesabında paylaşım edilib və fotolar yayımlanıb.

Baş məşqçi Okan Buruk və komanda yoldaşları tort kəsərək İkardini təbrik ediblər.

Almaniya Bundesliqasının 22-ci turunda “Bohum” uduzan (2:3) “Bavariya” ardıcıl 3 rəsmi matçda xalsız qalıb.

Qol.az xəbər verir ki, Tomas Tuhelin komandası bundan əvvəl Bundesliqada “Bayer”ə, Çempionlar Liqasının 1/8 final mərhələsində isə “Latsio”ya məğlub olmuşdu.

“Bavariya” sonuncu dəfə 2015-ci ildə 3 ardıcıl rəsmi matçda məğlubiyyətlə üzləşib.

Qeyd edək ki, “Bavariya” hazırda Bundesliqada 50 xalla 2-ci pillədədədir. Siyahıya 58 xalla “Bayer” başçılıq edir.

Premyer Liqanın 25-ci turunun “Luton Taun”la səfər oyunu “Mançester Yinayted”in mərkəz hücumçusu Rasmus Höylund üçün əlamətdar olub.

Arena.az xəbər verir ki, “qırmızı şeytanlar”ın 2:1 hesablı qələbə qazandığı oyunda hər iki qolun müəllifi olmuş danimarkalı futbolçu rekorda imza atıb.

Belə ki, Höylund Premyer Liqa tarixində ardıcıl altı oyunda qol vurmağı bacarmış ən gənc futbolçu kimi tarixə düşüb.

Rasmus buna qədər “Aston Villa” (3:2 və 2:1), “Tottenhem” (2:2), “Vulverhempton” (4:3) və “Vest Hem”in (3:0) qapısına yol tapmışdı. Bu göstəriciyə görə danimarkalı hücumçu “Nyukasl”ın ingiltərəli mərkəz yarımmüdafiəçisi Co Uilloku və “Mançester Siti”nin norveçli mərkəz hücumçusu Erlinq Halandı qabaqlayıb. Hazırda Rasmus 21 yaş 14 günlüyündədir.

Höylund “Hörsholm Usseröd” klubunda futbola qədəm qoyub. Ardınca “Brondbü”, “Kopenhagen”, “Şturm” (Qrats) və “Atalanta”da çıxış edib.

“Mançester Yunayted” Höylundu 2023-cü ilin avqustunda 73,9 milyon avro müqabilində “Atalanta”dan heyətinə qatıb. Danimarkalı hücumçunun İngiltərə nəhəngi ilə müqaviləsi 2028-ci ilin iyun ayının sonuna qədər qüvvədədir.

Cari mövsümdə Höylund “qırmızı şeytanlar”ın heyətində bütün yarışlarda 30 oyun keçirib, 13 qol vurub, 2 məhsudlar ötürmə verib.

Rasmus Höylundun qənimətlər muzeyində “Kopenhagen”lə Danimarka çempionluğu (2021/2022) və “Şturm”la Avstriya Kuboku (2022/2023) var.

Rasmus Höylund 2022-ci ilin sentyabrında debüt etdiyi Danimarka yığmasının heyətində 10 oyuna 7 qol, 1 məhsuldar ötürmə ilə fərqlənib.

“Transfermarkt” internet-portalı 21 yaşlı hücumçunun transfer dəyərini 65 milyon avro məbləğində qiymətləndirir.

Azərbaycanın daha dörd sərbəst güləşçisi Rumıniyanın paytaxtı Buxarestdə keçirilən Avropa çempionatında bürünc medal qazanıb.

“Cebhe.info” xəbər verir ki, yarışın sonuncu günündə Nurəddin Novruzov (61 kq), Turan Bayramov (74 kq), Arseni Cioyev (86 kq) və Georgi Meşvildişvili (125 kq) üçüncü yeri tutublar.

Qeyd edək ki, Azərbaycan millisi hazırkı Avropa çempionatında indiyədək ümumilikdə 16 medal qazanıb.

"Barselona"nın keçmiş hücumçusu, hazırda Səudiyyə Ərəbistanının "Əl-Hilal" klubunda çıxış edən Neymar bu qış "Əş-Şabab"a keçən "Barsa"nın sabiq yarımmüdafiəçisi İvan Rakitiçlə fotosunu sosial şəbəkədə yerləşdirib.

Offsideplus.az xəbər verir ki, brazilyalı forvard: “Səninlə görüşmək necə də xoşdur, qardaş! Belə şanslı fürsəti heç vaxt qaçırmayın! Gəlin birlikdə yeni futbol evimizdən həzz alaq!” - deyə şəkilin altında qeyd edib.

Xatırladaq ki, Neymar və Rakitiç 2014-2017-ci illərdə Kataloniya klubunda birgə çıxış ediblər. Bu müddət ərzində onlar 2 dəfə İspaniya çempionu olub, 3 dəfə İspaniya kubokunun qalibi olub, həmçinin 1 dəfə Çempionlar Liqasının qalibi olublar.

Avropa Liqasının pley-off mərhələsində “Qarabağ” səfərdə “Braqa”nı 4:2 hesabı ilə məğlub etdi.

Offsideplus.az xəbər verir ki, bu mərhələdə qələbəyə görə klubun şəxsi balansına xallar gəlmədi. Hesabında 31,000 əmsal olan “köhlən atlar” UEFA-nın klub sıralamasında 60-cı sırada qərarlaşıb.

Ağdam təmsilçisi ölkəmizin xeyrinə iki və ya 0,5 əmsal əlavə etdi. Bununla da, hesabında 19,625 əmsal olan Azərbaycan Slovakiyanı geridə qoyaraq 27-ci sıraya yüksəldi.
Maliyyə olaraq bu qələbəyə görə hələlik heç nə əldə edilmədi. Lakin mərhələni keçsə, 1,2 milyon avro (2 milyon 194 min 800 manat) qazanacaq. Bundan əlavə, TV gəliri də əldə edəcək.

Facebook Twitter LinkedIn Tumblr Pinterest Reddit VKontakte Odnoklassniki Pocket

“Arsenal”ın baş məşqçisi Mikel Arteta London klubunun bu yay PSJ-ni tərk edəcək Kilian Mbappeni almalı olduğunu bildirib.

Fanat.az xəbər verir ki, RTE ispan mütəxəssisin dediklərini belə çatdırıb.

“Arsenal” Mbappeni almalıdırmı? Əlbəttə! Niyə də yox? Ən yaxşı komanda olmaq istəyiriksə, mütləq ən yaxşı istedada və ən yaxşı oyunçulara ehtiyacımız olacaq. Bazarda keyfiyyətli oyunçu olduqda, biz həmişə dialoqda olmalıyıq. Lakin belə görünür, Mbappe gələcəyini fərqli qurmağı düşünür”.
Qeyd edək ki, 24 oyuna 52 xal toplayan “Arsenal” İngiltərə Premyer Liqasının turnir cədvəlində 3-cü pillədə mövqe tutub.

Portuqaliyanın “Braqa” klubunun prezidenti Antonio Salvador UEFA Avropa Liqasının pley-off mərhələsinin ilk oyununda evdə “Qarabağ”a 2:4 hesablı məğlubiyyətdən sonra futbolçularla təcili iclas keçirmək üçün paltardəyişmə otağına gedib.
Tribunainfo.az Portuqaliya mətbuatına istinadən xəbər verir ki, funksioner komandanın son dövrlərdəki çıxışından, eləcə də Ağdam klubu ilə matçdakı nəticədən narazı qaldığını bildirib. O, məşqçilər heyətinə və futbolçulara qısa zamanda vəziyyəti düzəltmək üçün tapşırıq verib.
Hətta “Braqa”nın baş məşqçisi Artur Jorjenin iclasa görə mətbuat konfransına gecikdiyi iddia olunur.
Qeyd edək ki, komandalar arasında cavab görüşü fevralın 22-də Bakıda keçiriləcək.

Rusiyanın “Spartak” klubunun Niderlandda mühakimə olunan futbolçusu Kvinsi Promes beynəlxalq axtarışa verilib.

Bu barədə Amsterdam Prokurorluğunun mətbuat katibi Franklin Uottimena məlumat verib.

“Məhkum edilmiş futbolçu beynəlxalq axtarışa verilib. Prokurorluq onu Amsterdama aparmağa çalışıb və bunun üçün tədbirlər görüb. Lakin bu, hələ ki, onun ekstradisiyasına gətirib çıxarmayıb”, - deyə Uottimena bildirib.

O, həmçinin qeyd edib ki, Niderland bu məsələdə başqa ölkələrdən asılı olduğundan buna təsir edə bilməz.

Mənbə: “RIA Novosti” “Telegram” kanalı

“Qarabağ” bu gün UEFA Avropa Liqasının pley-off mərhələsində ilk oyununu keçirib.
Qurban Qurbanovun baş məşqçisi olduğu komanda Portuqaliyada “Braqa”nın qonağı olub.
Oyunda 6 qol vurulub. “Qarabağ” çətin Portuqaliya səfərində 4:2 hesablı qələbə qazanaraq tarixi uğura imza atıb.
Avropa Liqası
Pley-off mərhələsi
İlk oyun
15 fevral
Braqa (Portuqaliya) – Qarabağ (Azərbaycan) 2:4
Qollar: Simon Banza, 44 – Marko Yankoviç, 21-pen. Abdullah Zubir, 54; 69. Juninyo, 67.

Braqa: 1. Mateus, 2. Viktor Qomes, 15. Paulo Oliveyra, 4. Siku Niakate, 26. Kristian Borxa, 28. Joao Moutinyo, 18. Vitor Karbvalyo, 16. Rodriqo Zalazar, 23. Simon Banza, 9. Abel Ruiz (k), 14. Alvaro Djalo.
Baş məşqçi: Artur Jorje.
Ehtiyat oyunçular: 12. Tiaqo Sa, 91. Lukaş Horniçek, 5. Sərdar Saatçı, 6. Xose Fonte, 10. Şer Ndur, 11. Rocer Fernandes, 17. Yosafat Mendes, 20. Roni Lopes, 22. Pissi, 55. Çissumba, 59. Yan Said, 90. Djibril Sumare.
Qarabağ: 99. Andrey Lunyov, 44. Elvin Cəfərquliyev, 13. Bəhlul Mustafazadə, 55. Bədavi Hüseynov (k), 2. Mateus Silva, 7. Yassin Benzia, 6. Julio Romao, 8. Marko Yankoviç, 10. Abdullah Zubir, 15. Leandro Andrade, 18. Juninyo Olavio.
Ehtiyat oyunçular: 23. Luka Quqeşaşvili, 89. Amin Ramazanov, 5. Maksim Medvedev, 17. Hamidu Keyta, 19. Redon Cica, 24. Aleksey İsayev, 27. Toral Bayramov, 30. Abbas Hüseynov, 65. Patrik Andrade, 81. Kevin Medina, 90. Nəriman Axundzadə.
Baş məşqçi: Qurban Qurbanov.
Baş hakim: Morten Kroq (Danimarka).
Braqa, “Estadio Municipal de Braga”.
Qeyd edək ki, tərəflər arasında cavab görüşü fevralın 22-də Tofiq Bəhramov adına Respublika stadionunda gerçəkləşəcək.