“Qızıl top”un Parisdə keçirilən təqdimetmə mərasimində builki qalibin adı açıqlanıb.

Dünya futbolunda əsas fərdi mükafata “İnter Mayami”nin ulduzu Lionel Messi layiq görülüb.

Futbol ictimaiyyətinin ümumi rəyinə əsasən, məhz Messi Argentina millisinin dünya çempionu adını qazanmasında həlledici rol oynayıb.
İlin ən yaxşı qadın futbolçusu isə “Barselona”nın üzvü Aytana Bonmati olub.

Gəncəlilər boğaza yığılıb.

Cari mövsümün açılış turunda “Neftçi”ni 1:0 hesabı ilə məğlub edən “sarı-göylər” o vaxtdan bu yana qələbənin nə olduğunu bilmir.

Son 10 qarşılaşmada 3 halda heç-heçəyə seviniblər, digər 7 oyunda meydanı məğlub başa vurublar.

Komandanın 6 xalla Premyer Liqanın turnir cədvəlinin sonuncu pilləsində “sürünməsi” Gəncə publikasının haqlı narahatlığına və narazılığına səbəb olub. Artıq neçə oyundur etirazlar hansısa formada bildirilir.

Şənbə günü “Turan Tovuz”la qarşılaşmada alınan 0:4 hesablı ağır yenilgi bardağdakı suyun daşmasına səbəb oldu. Bir qisim stadionu vaxtından əvvəl tərk etdi, yerdə qalanlar isə futbolçuları haqq-hesaba çağırdı.

Görünən və bilinən odur ki, fanatlar “Kəpəz”də dəyişikliklərin olmasını arzulayır. Bunu onların sonuncu yenilgidən sonra klubun sosial şəbəkə hesablarına yazdıqları şərhlərdən də görmək mümkündür:

“Hamınız istefa verib gedin. Məşqçilər heyəti, hamı, hamı”.

“Deyəsən, bunlar komandanı diviziona salmamış getməyəcəklər. Adamda istefa mədəniyyəti olar. Siz “Kəpəz” azarkeşlərini ələ salırsınız? Azarkeşlər sizi klubda görmək istəmir, a kişi. Hamınız tam heyətlə istefa verin. Tarixi “Kəpəz”in adını batırmayın”.

“Kəpəz”in rəhbərliyi və baş məşqçi, istefa verin! Belə biabırçılıq olmaz! “Kəpəz”in adını batırmayın”.

“Gedin Region Liqasına. Sizin yeriniz oradır. Hətta orada da sizdən güclü komandalar var. Siz Gəncəni təmsil etməyə layiq deyilsiz”.

“İlqar Nadirinin otağına girib Tərlan Əhmədovu qovanlar, gəlin cavab verin. Maaşdan, puldan ötrü oturmayın orada. Çıxın gedin!”

“Mən tanıdığım, şəxsiyyətinə hörmət etdiyim Azər Məmmədov, yəqin ki, bu məğlubiyyətdən sonra istefa verər”.

“Adam özündə olmalıdır və deməlidir ki, bu qədər məğlubiyyətdən sonra necə qalım burada? Bu hesabla uduzandan sonra da istefa verməsə, daha heç nə. Normal məşqçi gətirsinlər, komandanı oynatsın”.

“Qardaş, alınmır da səninki. “Kəpəz”i niyə pis günə qoyursuz? Gedin, imkan verin bacaran gəlsin”.

“Mən dedim, yəqin, utandığından mətbuatın önünə çıxmaz. Dərhal istefa ərizəsini yazar. Keçən dəfə meydança bəhanə idi, indi də hakim.

“Kəpəz” heç kimin dədəsinin obyekti deyil. Sizi nə dildə başa salaq ki, gedəsiniz”.

“Hardasız “Kəpəz”də yalnız gəncəlilər işləməlidir” deyənlər? Bu de, hamısı gəncəlilərdir”. \\SPORTİNFO.AZ

İtaliya A Seriyasının X turunun mərkəzi oyunu son çempion “Napoli” ilə “Milan” arasında keçirilib.

Oxu.Az xəbər verir ki, Neapolda təşkil olunan görüşdə qalib müəyyənləşməyib - 2:2.

İlk yarıda Milan klubu Olivye Jirunun dublu ilə iki topluq üstünlük qazansa da, bunu sona qədər qorumağı bacarmayıb.

Fasilədən sonra Matteo Politano və Cakomo Raspadorinin qolları “Napoli”ni məğlubiyyətdən xilas edib.
Hazırda “Milan” 22 xalla üçüncü, “Napoli” 18 xalla dördüncüdür.

İngiltərə Premyer Liqasının 10-cu turunda “Liverpul” öz meydanında “Nottinhem Forest”i qəbul edib.

“Enfild”də baş tutmuş matç “qırmızılar”ın böyük hesablı qələbəsi ilə başa çatıb.

Oyunda hesab 31-ci dəqiqədə açılıb: Qapıçının Darvin Nunyesin zərbəsini dəf etdikdən sonra Dioqo Jota topu qapıya göndərərək ev sahiblərinin ilk qoluna imza atır. Cəmi 4 dəqiqə sonra “Liverpul” fərqi artırıb: Nunyes macarıstanlı Soboslainin verimli ötürməsindən maksimum yararlanıb. Oyunda son nöqtəni isə 77-ci dəqiqədə misirli Məhəmməd Salah qoyub. Ona məhsuldar ötürməni yenə macarıstanlı pleymeyker edib. Matçın əlavə edilmiş dördüncü dəqiqəsində “qırmızılar”ın hücumçusu Kodi Qakpo da fərqlənsə də, onun qolu ofsayd səbəbindən ləğv edilib. Beləliklə, matç “Liverpul”un “Nottinhem Forest” üzərində 3:0 hesablı qələbəsi ilə başa çatıb.

Qeyd edək ki, 10 oyundan sonra “Liverpul”un aktivində 23 xal var. Mersisayd təmsilçisi 3-cü pillədə qərarlaşıb. Onu zirvədəki “Tottenhem”dən 3 xal ayırır. “Nottinhem Forest”in isə cəmi 10 xalı var. Komanda 16-cı pillədədir.

Futbol üzrə İngiltərə çempionatının 10-cu turunun matçında “Tottenhem” “Kristal Pelas” üzərində qələbə qazanıb.

“Selherst Park” stadionunda baş tutan görüş qonaqların qələbəsi ilə başa çatıb - 2:1.

“Tottenhem” Coel Uordun avtoqolu sayəsində hesabına ilk qolu yazıb, ikinci qolu isə koreyalı hücumçu Son Xın Min vurub. Görüşün sonunda ev sahibləri Cordan Ayunun dəqiq zərbəsi ilə bir qola imza ata biliblər.
Bununla da “Tottenhem” 26 xalla Premyer Liqa cədvəlinə başçılıq etməyə davam edir. “Kristal Pelas”ın 12 xalı var və 11-ci yerdə qərarlaşıb.

Mənbə: News.sportbox.ru

Səudiyyə Ərəbistanında boks üzrə ağır çəkidə dünya çempionu Tayson Fyuri qaydasız döyüş üzrə (UFC) keçmiş dünya çempionu Fransis Nqannu ilə boks qaydaları üzrə döyüşəcək.
Maraqlıdır ki, Tayson Fyurinin adı Mayk Taysonun şərəfinə qoyulub.
Sabahkı döyüşə onun rəqibi Nqannunu Mayk Taysonun özü hazırlayıb və rinqdə onun sekundantı olacaq.
Beləliklə, sabah müəyyən mənada Tayson Taysona qarşı döyüşəcək
Fuad Ağayev
Teref.az

“Qarabağ” UEFA Avropa Liqasının qrup mərhələsində növbəti oyununu keçirib.
Tribunainfo.az xəbər verir ki, Qurban Qurbanovun baş məşqçisi olduğu kollektiv III turda Almaniyada “Bayer 04” klubunun qonağı olub.

“Bay Arena”dakı qarşılaşma Leverkuzen təmsilçisinin 5:1 hesablı qələbəsi ilə yekunlaşıb. Meydan sahiblərinin qollarını 5-ci dəqiqədə Florian Virts, 29 və 54-cü dəqiqələrdə Alexandro Qrimaldo, 35-ci dəqiqədə Viktor Bonifeys, 57-ci dəqiqədə Edmond Tapsoba vurub. 16-cı dəqiqədə Azərbaycan çempionunun heyətində Toral Bayramov penaltidən fərqlənib.

Qrupun digər görüşündə “Molde” İsveçin “Hakken” kollektivini eyni hesabla üstələyib.
Beləliklə, “Bayer 04” xallarının sayını 9-a çatdırmaqla H qrupunda vahid lider olub. “Qarabağ” 6 xalla ikinci, “Molde” 3 xalla üçüncü sıradadır. Sonuncu yerdəki “Hakken”in isə xalı yoxdur. Azərbaycan təmsilçisi noyabrın 9-da IV turda Bakıda “Bayer 04″ü qəbul edəcək.

UEFA Avropa Liqasının qrup mərhələsinin IV turunda keçiriləcək “Qarabağ” - “Bayer 04" (Almaniya) oyununun biletləri satışa çıxarılır.

Biletləri sabah saat 12:00-dan iticket.az-dan almaq mümkün olacaq.

Qiymət müvafiq olaraq 5, 20, 40 və 100 manat təşkil edir.

VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən fanatlar üçün biletlərin qiyməti isə 250 manatdır.

Satış məntəqələri:

Iticket.az-ın satış məntəqələri (iticket.az-da onlayn satış);

Park Bulvardakı “Qarabağ” FK-nın Fan-Şopu;

Tofiq Bəhramov adına Respublika stadionunun kassaları;

”Changan Azerbaijan”da isə VVIP, VIP və CAT 1 biletlər satılacaq.

Qeyd edək ki, noyabrın 9-da baş tutacaq qarşılaşma saat 20:45-də start götürəcək.

Almaniya millisinin türk əsilli sabiq yarımmüdafiəçisi Məsut Özil “Mançester Yunayted”in futbolçuları Harri Maquayrla Andre Onanın Çempionlar Liqasının qrup mərhələsinin “Kopenhagen”lə oyunundakı uğurlu çıxışını şərh edib.

Fanat.az xəbər verir ki, o, özünün “Twitter” hesabında ingilislərin 1:0 qalib gəldikləri matçda fərqlənən Maquayrla Onana haqda bunları yazıb:

“Harri Maquayr və Andre Onana buna layiq idi. Onlara nifrət edənləri susdurdular”.

Bütün növ saytların yığılması - EMBLEM.AZ
saytlarin yigilmasi
Qeyd edək ki, qarşılaşmada yeganə qolu məhz Maquayr vurub. Görüşə əlavə olunmuş dəqiqələrdə isə Onana penaltini dəf edib.

“Transfermarkt” portalı Səudiyyə Ərəbistanında çıxış edən ən bahalı futbolçuların adlarını açıqlayıb.

Fanat.az xəbər verir ki, birinci pillədə 50 milyon avro “Əl-Hial”ın braziliyalı ulduzu Neymar mövqe tutub.

“Əl-Hilal”ın digər futbolçuları – Ruben Neveşlə Sergey Milinkoviç-Saviç (hər ikisi 40 milyon avro) 2-3-cü yerləri bölüşdürürlər.

Bütün növ saytların yığılması - EMBLEM.AZ
saytlarin yigilmasi
“Əl-İttihad”dan Fabinyo (38 milyon avro), “Əl-Nəsr”dən Otavio (35 milyon avro), “Əl-Əhli”dən Qabriel Veyqa (30 milyon avro), “Əl-Hilal”dan Malkom (30 milyon avro), “Əl-Əhli”dən Rojer İbanyes (28 milyon avro), “Əl-Hilal”dan Aleksandr Mitroviç (28 milyon avro), “Əl-Nəsr”dən Aymerik Laport (25 milyon avro) növbəti sıralarda qərarlaşıblar.

11-ci yerdə göstərilən “Əl-Nəsr”in seneqallı vingeri Sadio Manenin də qiyməti 25 milyon avrodur.

“Əl-İttihad”dan Kərim Benzema və “Əl-Nəsr”dən Kriştianu Ronaldu 15 milyon avro ilə dəyərləndirildikləri üçün “10-luğ”a düşməyiblər.