 |
|
|
"Red Bull" komandasından olan niderlandlı Maks Ferstappen ardıcıl üçüncü dəfə "Formula 1" dünya çempionatının qalibi olub.
O, Qətər Qran-prisində sprint yarışında komanda yoldaşı meksikalı Serxio Peresin təqaüdə çıxması sayəsində 2023-cü ildə vaxtından əvvəl çempionluğu qazana bilib.
Bundan əvvəl 26 yaşlı Ferstappen 2021 və 2022-ci illərdə "Formula 1" yarışında qələbə qazanıb.
Güney Azərbaycanın Xoy şəhərindən olan idmançı Rza Müqəddəsi Taylandın məşhur THAI FIGHT yarışmalarına Azərbaycan bayrağı ilə çıxıb.
Teref.az
VİDEO BURDA
“Qazaxıstan və Azərbaycan qrupun ən güclüləridir. Hər iki komandanın qrupda ilk iki yeri tutmaq üçün yaxşı imkanları var.”
Bunu Qazaxıstan futzal millisinin baş məşqçisi Kaka Azərbaycana 4:2 hesabı ilə qalib gəldikləri DÇ-2024-ün elit mərhələ oyunundan sonra mətbuat konfransında deyib.
Braziliyalı mütəxəssis komandasının çıxışından razılıq bildirib: “Başqa cür gözləmirdim. Azərbaycanla aramızda oyunlar həmişə gərgin keçib. Aktaudakı görüşdə də eyni bugünkü ssenaridə keçmişdi. Çox maraqlı oyun keçdi. Bizim üçün 3 xal vacib idi və buna nail olduq. Qələbəyə layiq idik”.
O, komandasının birinci hissədə hesabda geri düşməsinə baxmayaraq, sonda qələbə qazanmasını belə əsaslandırıb: “Fasilədə futbolçulara dedim ki, eyni formada pressinq etməlisiniz, gec-tez qollar gələcək. Bunu da bacardıq”.
Baş məşqçi cavab matçından gözləntilərini də bildirib: “Azərbaycan çox güclü rəqibdir. Görüşə ciddi hazırlaşacağıq. Qazaxıstanda oynayacağımız üçün müəyyən üstünlüyümüz ola bilər. Amma yenə də görüşə ciddi yanaşacağıq”.
"Qarabağ" UEFA Avropa Liqasının qrup mərhələsində növbəti oyununu keçirib.
Qurban Qurbanovun baş məşqçi olduğu komanda II turda İsveçdə "Hakken"in qonağı olub.
"Ullevi” stadionundakı qarşılaşma Azərbaycan təmsilçisinin qələbəsi ilə başa çatıb - 1:0. 70-ci dəqiqədə Juninyo Olavio Yassin Benzianın ötürməsindən sonra topu qapıdan keçirib.
İlk turda Bakıda "Molde"ni 1:0 hesabı ilə məğlub edən Azərbaycan təmsilçisi xallarının sayını 6-ya çatdırıb.
Azərbaycan cüdoçusu Vüsal Qələndərzadə Portuqaliyanın Odivelas şəhərində keçirilən gənclərin dünya çempionatında qızıl medal qazanıb.
73 kq çəki dərəcəsində mübarizə aparan idmançı finalda ABŞ təmsilçisi Cek Yonezukaya qalib gəlib.
Bu gün tatamiyə çıxan Süleyman Əliyev (73) və Fidan Əlizadə (57 kq) əvvəlki raundlarda uduzublar.
Qeyd edək ki, daha əvvəl Nizami İmranov (60 kq) gümüş medal əldə edib.
“Barselona”nın futbolçusu Robert levandovski qeyri-müəyyən müddətə sıradan çıxıb.
Fanat.az xəbər verir ki, məlumatı Kataloniya klubunun mətbuaxt xidməti yayıb.
Polşalı forvardın sol ayağının topuğunun burxulduğu bldirilib.
Xatırladaq ki, 35 yaşlı Levandovski Çempionlar Liqasının qrup mərhələsinin 2-ci turu çərçivəsində dünən keçirilən “Portu” – “Barselona” matçında (0:1) xəsarət aldığı üçün 36-cı dəqiqədə meydanı tərk edib.
"Bu görüşdə üç xal qazanmaq istəyirik. Amma bir xal da bizə sərf edəcək".
Bunu "Qarabağ"ın baş məşqçisi Qurban Qurbanov İsveçdə yerli "Hakken" klubuna qarşı keçirəcəkləri UEFA Avropa Liqasının qrup mərhələsinin II tur oyunundan əvvəl mətbuat konfransında deyib.
51 yaşlı mütəxəssis hər iki komanda üçün vacib qarşılaşma olduğunu bildirib: "Biz də bunu çox gözəl başa düşürük. Rəqibin özünəməxsus oyun üslubu var. Onlara qarşı həddindən artıq diqqətli olmalıyıq. İnanıram ki, futbolçular bunu bacaracaqlar. Nəticə üçün meydanda ən yaxşısını etməyə çalışacağıq".
Qeyd edək ki, oktyabrın 5-də oynanılacaq qarşılaşma Bakı vaxtı ilə saat 23:00--da başlayacaq.
Mərakeş, İspaniya və Portuqaliya 2030-cu ildə futbol üzrə dünya çempionatına ev sahibliyi edəcək.
Bu barədə FIFA-nın rəsmi saytı məlumat yayıb.
Bildirilib ki, mundialın açılış matçları yarışın 100 illiyi ilə əlaqədar Uruqvay, Argentina və Paraqvayda keçiriləcək.
Beləliklə, yarış tarixdə ilk dəfə üç qitədə və altı ölkədə gerçəkləşəcək.
Çempionlar Liqasının qrup mərhələsində II tura start verilib.
“Qafqazinfo” xəbər verir ki, A, B, C və D qruplarında ümumilikdə 8 oyun baş tutub.
Türkiyə çempionu “Qalatasaray” İngiltərədə “Mançester Yunayted”in qonağı olub. 5 qolun vurulduğu oyun İstanbul təmsilçisinin qələbəsi ilə yekunlaşıb. Bu qrupun digər matçında “Bavariya” Danimarkada “Kopenhagen”i məğlub edib.
Günün mərkəzi qarşılaşması İtaliyada “Napoli” ilə Madrid “Real”ı arasında baş tutub. İspaniyalılar qarşılaşamadan 3:2 hesablı qələbə ilə ayrılıb.
“Sevilya” Niderland səfərində 1 xal qazanıbsa, “Arsenal” Fransada “Lans”a uduzub.
Çempionlar Liqası
Qrup mərhələsi, II tur
3 oktyabr
A qrupu
"Mançester Yunayted" (İngiltərə) - "Qalatasaray" (Türkiyə) - 2:3
Heylun, 17; 67 - Zaha, 23; Akturkoğlu, 71; İkardi, 81
"Kopenhagen" - "Bavariya" (Almaniya) - 1:2
Lerager, 56 - Musiala, 67; Tel, 83
B qrupu
“Lans” (Fransa) - “Arsenal” (İngiltərə) - 2:1
Tomasson, 25, Vahi, 69 - Xesus, 14
PSV (Niderland) - “Sevilya” (İspaniya) - 2:2
Yonq, 86; Teze, 90+5 - Qudel, 68; Nesiri, 87
C qrupu
“Union” (Berlin, Almaniya) - “Braqa” (Portuqaliya) - 2:3
Beker, 30; 37 - Nyakate, 41; Bruma, 51; Kaştru, 90+4
"Napoli" (İtaliya) - "Real" (İspaniya) - 2:3
Ostiqard, 19; Zielinski, 54 (pen) - Vinisius, 27; Bellingem, 34; Valverde, 78
D qrupu
“Zalsburq” (Avstriya) - “Real Sosyedad” (İspaniya) - 0:2
Oyarsabal, 7; Mendes, 27
“İnter” (İtaliya) - “Benfika” (Portuqaliya) - 1:0
Türam, 62
Səudiyyə Ərəbistanl çempionatında sentyabr ayının ən yaxşı oyunçusu müəyyənləşib.
"Unikal" xəbər verir ki, ötən ayın ən yaxşısı adına "Əl Nəssr"in hücumçusu Kriştiano Ronaldo layiq görülüb. Bu barədə klubun mətbuat xidməti məlumat yayıb.
38 yaşlı hücumçu azarkeşlər arasında keçirilən sorğuda qalib olub.
Qeyd edək ki, Kriştiano Ronaldo ölkə çempionatında sentyabr ayı ərzində meydana çıxdığı 4 matçda 5 qol vurub və 3 məhsuldar ötürmə edib.
Əlavə edək ki, Ronaldo avqust ayının da ən yaxşı oyunçusu seçilmişdi.