 |
|
|
“Əl İttihad”ın Asiya Çempionlar Liqasında “Sepahan”la oyunu siyasi qalmaqal səbəbindən ləğv edilib.
Bu barədə Bakupost.az xarici KİV-ə istinadla xəbər verir.
Belə ki, Tehranın Azadi stadionunun girişində Qasım Süleymaninin büstü qoyulub.
“Əl-İttihad”ın nümayəndələri meydana daxil olmaqdan imtina edərək, büstün stadiondan götürülməsini tələb ediblər. Uzun fasilədən sonra “Əl-İttihad” arenanı tərk edib.
Hazırda Luis Felipe, N'Qolo Kante və Kərim Benzemanın yer aldığı Səudiyyə Ərəbistanı klubunu 0:3 hesablı texniki məğlubiyyət gözləyir.
Azərbaycanın tamblinq üzrə milli komandası Parisdə keçirilən “Tumbling French Cup” turnirində qızıl medal qazanıb.
Azərbaycan Gimnastika Federasiyasından "DogruXeber.az"a verilən məlumata görə, Tofiq Əliyev, Adil Hacızadə və Mixail Malkin komanda hesabında fəxri kürsünün ən yüksək pilləsinə qalxıblar.
Fərdi proqramda isə M.Malkin birinci, A.Hacızadə ikinci olub.
"Barselona" rəhbərliyi futbolçusu Robert Levandovskini klubu tərk etməməsi üçün oyunçunun müqaviləsini uzatmaq variantını nəzərdən keçirir.
Cebhe.info "sport.es"ə istinadən xəbər verir ki, Səudiyyə Ərəbistanı klubları polşalı hücumçu ilə fəal maraqlanır. Klublar 35 yaşlı futbolçunun "Barselona" ilə müqaviləsinin bitməsinə 1 il qaldığı gələn yay onu transfer etməyə çalışacaq.
Kataloniya təmsilçisinin Levandovski ilə müqaviləni daha bir il uzada biləcəyi vurğulanır. Bunun baş verib-verməyəcəyi futbolçunun oyun səviyyəsindən və klubda qalmaq istəyinin olub-olmamasından asılıdır. Hazırda Levandovski "Barselona"da xoşbəxtdir.
“Real Madrid” İspaniya La Liqasının VII turunda böyük hesablı qələbə qazanıb.
Oxu.Az xəbər verir ki, “Kral klubu” səfərdə “Jirona”nı üstələyib - 0:3.
Hesabı 17-ci dəqiqədə Xoselu açıb. Dörd dəqiqə sonra Orelyen Çuameni fərqi artırıb. Matçda son nöqtəni Cud Bellinqem qoyub. O, 71-ci dəqiqədə fərqlənməyi bacarıb. 90+4-cü dəqiqədə paytaxt təmsilçisinin heyətində Naço Fernandes birbaşa qırmızı vərəqə ilə meydandan qovulub.
Bu qələbə “Real Madrid”i birinci pilləyə yüksəldib. Komandanın 21 xalı var. Karlo Ançelottinin komandası 19 xalı olan “Jirona”nı və 20 xalı olan “Barselona”nı geridə qoyub.
Türkiyə Super Liqasında VII turun oyunları keçirilir.
Oxu.Az xəbər verir ki, “Qalatasaray” öz meydanında “Ankaragücü” ilə qarşılaşıb.
Matç İstanbul təmsilçisinin qələbəsi ilə başa çatıb - 2:1. Hesabı 49-cu dəqiqədə Ankara klubunun heyətində Ronaldo Çefas açıb. Lakin “aslanlar” geridönüş etməyi bacarıblar. 56-cı dəqiqədə Uilfrid Zaha fərqlənib. 70-ci dəqiqədə Hayrullah Bilazerin avtoqolu “Qalatasaray”ı qalib edib.
Xallarını 19-a çatdıran Okan Burukun komandası “Fənərbağça”nı (18 xal) geridə qoyaraq birinci pilləyə yüksəlib. Komanda bir oyun artıq keçirib.
“Barselona” iflas və tamamilə yox olmaq təhlükəsi ilə üz-üzədir. 124 illik tarixə malik klub özünün keçmiş rəhbərliyi və İspaniya Futbol Federasiyası arasındakı korrupsiya sxemlərindən əziyyət çəkir.
Bundan əvvəl Kataloniya klubu İspaniya Kral Futbol Federasiyasının hakimlər texniki komitəsinin keçmiş vitse-prezidenti Xose Neqreyraya rüşvət verməkdə ittiham olunub.
Barselona istintaq məhkəməsinin rəhbəri, işə rəhbərlik edən Xoakin Agirre klubdan Neqreyraya 7,5 milyon avro ödənilməsini cinayət hesab edib. Məhkəmənin mövqeyinə görə, heç bir vəzifəli şəxs vəzifəsinin icrasına görə əlavə haqq almamalıdır.
Korrupsiyada Neqreyranın özü, oğlu Xavyer Enrikes, həmçinin “Barselona”nın keçmiş prezidentləri Josep Bartomeu və Sandro Rossella ittiham olunur. Təqsirləri sübut olunarsa müttəhimləri 3 ildən 6 ilə qədər həbs gözləyir.
Mənbə: Sport-Express
Fransa millisinin sabiq futbolçusu, marselli Zinəddin Zidan Marselino getdikdən sonra “Olimpik Marsel”ə rəhbərlik etməkdən imtina etsə də, bir sıra şərtlər yerinə yetirilərsə, gələcəkdə bunu edəcəyini də istisna etməyib.
Aut.az xəbər verir ki, bu barədə “Mundo Deportovo” və bir sıra Fransa nəşrləri məlumat yayıb.
Həqiqətən də Marselinonun istefasından sonra “Marsel”in prezidenti Pablo Lonqoriya Zidana təklif edib, lakin “Real”ı ardıcıl üç dəfə Çempionlar Liqasında qələbəyə aparan 51 yaşlı mütəxəssis bundan imtina edib.
Mənbənin sözlərinə görə, Zinəddini klubun layihəsi razı salmayıb, onun fikrincə, bu, yüksək məqsədlərə nail olmaq üçün kifayət qədər yaxşı deyil. Eyni zamanda, Zidan bildirib ki, klub Səudiyyə Ərəbistanının AS şirkətinin himayəsi altına keçərsə, cavabını yenidən nəzərdən keçirməyə hazırdır (bir neçə ildir ki, bu barədə yerli mətbuatda şayiələr dolaşır).
Ərəb maliyyəsi “Marsel”ə transfer bazarında daha çox resurslarla işləməyə imkan verəcək və buna görə də Zidan öz mülahizəsinə uyğun olaraq rəqabətədavamlı komanda formalaşdırmaq imkanı əldə edəcək. Zinəddin futbolçuların transferi üçün bütün məsuliyyəti öz üzərinə götürəcəyini bildirib və ilk mərhələdə bu məqsədlə ən azı 300 milyon avro tələb edir.
İspaniya nəhəngləri “Real Madrid”lə “Barselona” gələn yay transfer bazarında PSJ-nin müdafiəçisi Presnel Kimpembe uğrunda ciddi mübarizə aparacaq.
Fanat.az xəbər verir ki, məlumatı “TodoFichaes” yayıb.
Futbolçu ilk olaraq “Real Madrid”in “radarına düşüb”. Məlumata görə, Madrid klubu artıq 28 yaşlı futbolçunun agenti ilə əlaqə saxlayıb.
Kimpembe isə öz növbəsində “Barselona”da oynamağı arzulayır. Mənbənin məlumatına görə, kataloniyalıların sükançısı Xavi də bu futbolçunu öz komandasında görmək istəyir. Sadəcə, “Barsa” hələ Kimpembeylə təmasa keçməyib.
Qeyd edək ki, Presnel Kimpembenin PSJ ilə hazırkı müqaviləsinin müddəti 2024-cü ilin iyun ayının sonuna kimidir. Yəni, yayda futbolçunu pulsuz əldə etmək mümkün olacaq.
“Barselona”nın baş məşqçisi Xavi İspaniya La Liqasının 6-cı turunda “Selta” üzərində qazandıqları qələbə sayəsində (3:2) liderliyə yüksəlmələrindən danışıb.
Fanat.az xəbər verir ki, “Mundo Deportivo” onun dediklərini belə çatdırıb:
“Real Madrid”in nə etməyindən asılı olmayaraq, hazırda lider mövqeyindəyik. Hər şey ürəyimcədir. Yaxşı həftəsonu idi”.
Qeyd edək ki, “Real” paytaxt derbisində “Atletiko Madrid”ə 1:3 hesabı ilə uduzaraq zirvədəki yerini digər əzəli rəqibinə – “Barselona”ya vermək məcburiyyətində qalıb.