UEFA Çempionlar Liqasında qrup mərhələsinin III turuna start verilib.

“Report”un məlumatına görə, ilk oyunlar İstanbul və Milanda keçirilib.

A qrupunda yer alan Türkiyə klubu “Qalatasaray” Almaniya nəhəngi “Bavariya”nı qəbul edib. Matçda hesabı erkən qolla qonaqlar açıblar. Kinqsli Koman 8-ci dəqiqədə adını tabloya yazdırıb. Yarım saatın tamamında Mauro İkardi penaltini dəqiq yerinə yetirərək, “status-kvo”nu bərpa edib. Buna baxmayaraq, “cim-bom” güclü rəqibindən xal almağı bacarmayıb. Əvvəlcə 73-cü dəqiqədə Harri Keyn yaxın məsafədən toru silkələməkdə çətinlik çəkməyib. 6 dəqiqə sonra isə Camal Musiala qarşılaşmada son nöqtəni qoyub.

3:1 hesablı qalibiyyət sayəsində xallarının sayını 9-a yüksəldən “Bavariya” liderliyini möhkəmlədib. “Qalatasaray” isə 4 xalla ikinci pillədə qalıb.

İtaliya “İnter”i D qrupu çərçivəsində “Cüzeppe Meatsa”da Avstriya təmsilçisi “Zaltsburq”u sınağa çəkib. Əvvəlcə 19-cu dəqiqədə ev sahiblərindən Aleksis Sançes komandasını önə keçirib. 57-ci dəqiqədə avstriyalıların heyətində Oskar Qlux fərqlənsə də, bu, komandanın səfərdə xal qazanması üçün kifayət etməyib. 64-cü dəqiqədə türkiyəli yarımmüdafiəçi Hakan Çalhanoğlu qarşısıalınmaz zərbə ilə “Zaltsburq”un ümidinin üstündən xətt çəkib. Yekunda “İnter” 2:1 hesablı qələbə qazanıb.

Hazırda “neradzurra” 7 xalla turnir cədvəlinə başçılıq edir. Hesabında 3 xal olan “Zaltsburq” isə 3-cü sıradadır.

Ağdamın “Qarabağ” futbol klubu UEFA Avropa Liqasının qrup mərhələsinin III turunda Leverkuzen “Bayer”i ilə qarşılaşma üçün Almaniyaya yola düşüb.

Bununla bağlı klubun rəsmi “Facebook” hesabında məlumat paylaşılıb.

Qeyd edək ki, matçdan bir gün əvvəl, yerli vaxtla 18:00-da baş məşqçi Qurban Qurbanovun mətbuat konfransı, 19:00-da komandanın açıq məşqi nəzərdə tutulub.

Oktyabrın 26-da reallaşacaq görüş Bakı vaxtı ilə saat 23:00-da start götürəcək.

Xatırladaq ki, “Qarabağ” və “Bayer” əvvəlki iki qarşılaşmada qələbə qazanıb.

Türkiyə Superliqasında IX turun oyunları davam edir.

Bizim.Media xəbər verir ki, bu gün daha dörd oyun keçirilib.

Çempionatın lider komandası "Fənərbağça" öz meydanında "Hatayspor"u qəbul edib.

Qarşılaşma İstanbul təmsilçisinin 4:2 hesablı qələbəsi ilə başa çatıb. Meydan sahiblərinin heyətində qolları 7-ci dəqiqədə Sebastyan Şimanski, 15-ci dəqiqədə Osayi Samuel, 39-cu dəqiqədə Edin Ceko və 63-cü dəqiqədə İrfan Can Kahveci vurublar.
Qonaqlardan isə 55-ci dəqiqədə Fauzi Qulam və 90+4-cü dəqiqədə Rayan Abid fərqləniblər. Hatay təmsilçisinin heyətində meydana start heyətində çıxan Azərbaycan millisinin hücumçusu Renat Dadaşov sonadək əvəzlənmədən oynayıb.

Bu mövsüm Superliqada keçirdiyi 9 oyundan 27 xal toplayan "Fənərbağça" turnir cədvəlinə başçılıq edir. "Hatayspor" 14 xalla altıncıdır.

Günün digər matçlarında "Kasımpaşa" səfərdə "Sivasspor"a 1:0, "İstanbulspor" evdə "Ankaragücü"nə 2:1 hesabı ilə qalib gəlib, "Samsunspor" isə "Başakşehir"lə qolsuz heç-heçəyə razılaşıb.

1958-ci ildəki Münhen aviaqəzasında Bobbi Çarltonun 20 yaşı var idi. O, ingilis futbolunun əsas istedadlarından hesab edilirdi və həmin "Basbinin körpələri"ndən biri: çox gənc yaşda parlamağa başlayıb "Mançester Yunayted"in əsas heyətində çıxış edən və ardıcıl iki dəfə çempionluq əldə edən "Mançester"in yetirmələrindən idi.
5 fevral 1958-ci ildə Bobbi Belqradda dubl etdi, "Yunayted" isə "Srvea Zvezda"nı keçərək Çempionlar Kubokunun yarımfinalına vəsiqə qazandı. Növbəti gün isə saat 15:03-də Çarlton təyyarənin kabinindən bayıra atıldı.
Münhendə yanacaq doldurulmasından sonra təyyarədə uçmaqla bağlı problemlər yaranmışdı. İki uğursuz çəhddən sonra üçüncü dəfə cəhd edildi. Nəticədə təyyarə yetərincə lazım olan yüksəkliyi və sürəti əldə edə bilmədi və uçuş-enmə zolağını geridə qoyduqdan sonra təyyarə yaşayış binasına çırpıldı.
Çarlton həmin an oturacağına kəmərlə bağlanıb oturmuşdu və çırplma zamanı kabindən düşərək kənara atıldı. Təyyarədən sağ-sağlam çıxan komanda yoldaşı qapıçı Harri Qreqq Bobbini görəndə düşünmüşdü ki, o, artıq ölüb. Buna baxmayaraq Harri Bobbini və başqa futbolçunu dartaraq qəza sahəsindən uzaqlaşdırdı ki, təyyarə hər an partlaya bilər.
Bobbi başından zədələr aldı və xəstəxanada bir həftə keçirdikdən sonra Mançesterə qaytdı. Heç də hər kəsin bu qədər bəxti gətirmədi: qəzada 23 insan həlak oldu, onlardan səkkizi "Yunayted"in oyunçuları idi. Çarlton həlak olan komanda yoldaşlarına görə çox əzab çəkirdi:
"Sadəcə anlaya bilmirəm, nə üçün və necə mən təyyarədən 15 metr aralığına kənara atıldım və başımda sadəcə bir dənə şiş oldu?! Bu necə baş verə bilər, axı?! Mən necə görə və bilə bilərəm ki, mənə heç nə olmadı, amma dostlarım həlak oldular?! Axı, niyə hər şey bu cür baş verdi?!"
"Basbinin körpəsi"ndən Bobbi böyük oyunçuya olaraq böyüdü. "Mançester Yunayted"dəki 17 illik karyerasında o, 249 qol vurdu, Çempionlar Kubokunu qazandı və klubun əsl əfsanəsinə çevirildi. Bundan başqa Bobbi 1966-cı ildə isə İngiltərə millisi ilə tarixi və hələlik yeganə olan Dünya Kubokunu qazanaraq millətin qəhramanı oldu. Bonus olaraq isə layiq olduğu "Qızıl top"u qazandı.
İnanılmaz bir təsadüf nəticəsində 65 il əvvəl sağ qalan ser Bobbi Çarlton dünən vəfat etdi.
Teref.az

Türkiyə Superkubokunun keçirilmə yeri və tarixi bəlli olub.

“Qalatasaray” – “Fənərbaxça” matçı dekabrın 30-da Səudiyyə Ərəbistanında baş tutacaq.

Bu barədə Səudiyyə Ərəbistanı Futbol Federasiyasının prezidenti Yasser Əl Misehal məlumat verib. Qarşılaşma Riyad Mövsümü çərçivəsində keçiriləcək. Riyad Mövsümü “Vizyon-2030” layihəsinin bir hissəsi kimi təşkil olunan festivaldır. Yasser Əl Misehal Türkiyə Futbol Federasiyası ilə isti münasibətlər olduğunu qeyd edib, Türkiyə və Avropanın iki böyük klubunun oyununu təşkil etməkdəm məmnunluğunu ifadə edib.

Qeyd edək ki, Türkiyə Superkubokunun Bakıda keçirilməsi variantı da gündəmə gəlmişdi. Sonda TFF oyunun Səudiyyə Ərəbistanında təşkilinə qərar verib.

Azərbaycan Premyer Liqasının birinci dövrəsində ümumilikdə 112 əcnəbi futbolçu meydana çıxıb.

“Report”un araşdırmasına görə, geridə qalan doqquz turda legionerlərin xidmətindən ən çox yararlanan komanda “Qarabağ”dır.

Son çempionun 14 əcnəbisi müxtəlif matçlarda iştirak ediblər. “Neftçi”, “Zirə” və “Sabah”da bu say 13-ə bərabər olub. Ancaq son iki komandada hazırda 12 xarici ölkə vətəndaşı var. Çünki mövsümün startında “Zirə”də Toni Qomes, “Sabah”da isə Coy Lens Mikels 1 oyuna çıxdıqdan sonra yolları ayırıblar.

Premyer Liqada ən çox futbolçu ilə təmsil olunan ölkə Braziliyadır. Cənubi Amerikanın 14 nümayəndəsi elita klublarının heyətində karyerasını davam etdirir. Fransa 11 vətəndaşı ilə siyahıda ikinci yerdə qərarlaşıb.

İlk dövrənin bütün qarşılaşmalarını əvəzedilmədən keçirən cəmi 9 əcnəbi oyunçu var.

15 legioner minimum 2 qol vurmağı bacarıb. Maraqlıdır ki, “Araz-Naxçıvan” və “Sumqayıt” bu siyahıya düşə bilməyib. Rəqib qapılarına ən çox yol tapan futbolçu 6 qolla “Qarabağ”ın hücumçusu Olavio Juninyodur.

Premyer Liqanın ən intizamsız əcnəbi futbolçusu “Sabah”ın müdafiəçisi Boyan Letiçdir. Serbiyalı oyunçu mövsümün geridə qalan hissəsində passivinə 3 sarı, 1 qırmızı vərəqə yazdırıb. Üç nəfər 4, səkkiz nəfər isə 3 sarı vərəqə alıb. Yalnız “Turan Tovuz”da legionerlər 2-dən artıq vərəqə görməyiblər.

Klubların heyətində meydana çıxan bütün əcnəbilər

“Qarabağ”

14 futbolçu: Abdullah Zubir, Adama Diakabi, Hamidu Keyta, Yassin Benzia (hamısı Fransa), Julio Romao, Olavio Juninyo, Mateus Silva (hamısı Braziliya), Kevin Medina (Kolumbiya), Leandro Andrade (Portuqaliya), Luka Quqeşaşvili (Gürcüstan), Marko Yankoviç (Monteneqro), Patrik Andrade (Kabo Verde), Redon Cica (Albaniya), Andrey Lunyov (Rusiya).

“Neftçi”

13 futbolçu: Andre Şinyaşiki, Yuri Matias (hər ikisi Braziliya), Ataa Caber, Kenni Sayef (hər ikisi İsrail), Ervin Koffi, Kilan Lebon (hər ikisi Fransa), İvan Brkiç (Xorvatiya), Mark Tamaş (Macarıstan), Yeqor Boqomolski (Belarus), Aaron Olanare (Nigeriya), Dieqo Valdes (Paraqvay), Lukas Melano (Argentina), Reziuan Mirzov (Rusiya).

“Zirə”

13 futbolçu: Eldar Quliyev, Vladislav Kulaç (hər ikisi Ukrayna), Filipe Paxtman, Ruan Renato (hər ikisi Braziliya), Andriya Lukoviç (Serbiya), Dmitrios Çantakias (Yunanıstan), İbrahim Abbas (Nigeriya), İssa Cibrila (Niger), Pyer Zebli (İtaliya), Salifu Suma (Qvineya), Stefan Aka (Fil Dişi Sahili), Tiaqo Silva (Portuqaliya), Toni Qomes (Qvineya Bissau).

“Sabah”

13 futbolçu: Con İrasabal, Sofian Çakla (hər ikisi İspaniya), Emmanuel Apeh, Cesse Sekidika (hər ikisi Nigeriya), Boyan Letiç (Serbiya), Coy Lens Mikels (Almaniya), Davit Volkov (Gürcüstan), Jarl Marqarita (Niderland), Kristian da Silva (Braziliya), Maruan Hadudi (Mərakeş), Vinsent Til (Lüksemburq), Kahim Parris (Yamayka), İshak Belfodil (Fransa).

“Araz-Naxçıvan”

11 futbolçu: Miço Kuzmanoviç, Numan Kurdiç, Semir Bukviç (hamısı Bosniya və Herseqovina), Vanderson Melo, İqor Ribeyro (hər ikisi Braziliya), Elvis Maşike (Konqo), İsmail Azzaui (Belçika), Kadiri Mohammed (Qana), Nuno Rodriges (Portuqaliya), Kristian Avram (Moldova), Aksel Nqando (Fransa).

“Turan Tovuz”

11 futbolçu: Bruno Qonçalves, Luis Paçu (hər ikisi Braziliya), Alexandro Serrano (İspaniya), Ayxan Quseynov (Rusiya), Belajdi Pusi (Albaniya), Denis Marandiçi (Moldova), Martin Petkov (Bolqarıstan), Otto Con (Nigeriya), Piruzi Marakvelidze (Gürcüstan), Roderik Miller (Panama), Emmanuel Hakman (Toqo)

“Qəbələ”

11 futbolçu: Gilad Abramov, Osama Xalayla (hər ikisi İsrail), Əhməd Ayzaya (Nigeriya), Bilel Auaşeriya (Fransa), Əyyub Allaş (Belçika), Kristof Atanqana (İspaniya), Lukas Afriko (Braziliya), Omar Hani (İordaniya), Yaovi Akakpo (Toqo), Zurab Oçiqava (Ukrayna), Samuel Tetteh (Qana).

“Sumqayıt”

10 futbolçu: Erik Sorqa (Estoniya), İsa Suliman (İngiltərə), Kamran Əliyev (Rusiya), Masaki Murata (Yaponiya), Oktavio Manteka (İspaniya), Roi Kehat (İsrail), Tresor Mossi (Burundi), Abu Dosso (Fil Dişi Sahili), Kasimir Ninqa (Çad), Kristian Velinovski (Şimali Makedoniya).

“Səbail”

8 futbolçu: Aleksandr Ramalinqom, David Qomis (hər ikisi Fransa), Nir Bardea, Yadin Luqasi (hər ikisi İsrail), Pedro Nuno, Valdemar Almeyda (hər ikisi Portuqaliya), Adi Mehremiç (Bosniya və Herseqovina), Anas Najah (Niderland).

“Kəpəz”

8 futbolçu: Abdullahi Şuaybu, Olavale Onanuqa (hər ikisi Nigeriya), Mate Kvirkviya, Georgi Papunaşvili (hər ikisi Gürcüstan), Vladislav Vasilyuçek, Yeqor Xvalko (hər ikisi Belarus), Martins Junior (Braziliya), Latir Fai (Portuqaliya).

Ən çox futbolçu ilə təmsil olunan ölkələr

Braziliya - 14

Fransa - 11

Nigeriya - 8

İsrail - 7

Portuqaliya - 6

İspaniya - 5

Gürcüstan - 5

Rusiya - 4

Bosniya və Herseqovina - 4

Ən çox oyun dəqiqəsi qazananlar

1-7. Ruan Renato (“Zirə”) - 810 dəqiqə

Tiaqo Silva (“Zirə”) - 810

Nir Bardea (“Səbail”) - 810

Numan Kurdiç (“Araz-Naxçıvan”) - 810

Vanderson Melo (“Araz-Naxçıvan”) - 810

Lukas Afriko (“Qəbələ”) - 810

Yeqor Xvalko (“Kəpəz”) - 810

8. Denis Marandiçi (“Turan Tovuz”) - 801

9. Bruno Qonçalves (“Turan Tovuz”) - 790

10. Əhməd Ayzaya (“Qəbələ”) - 784

11. Miço Kuzmanoviç (“Araz-Naxçıvan”) - 778

12. Əyyub Allaş (“Qəbələ”) - 775

13. Aleksandr Ramalinqom (“Səbail”) - 763

14. Alexandro Serrano (“Turan Tovuz”) - 754

15-21. Adi Mehremiç (“Səbail”) - 720

Kristian Avram (“Araz-Naxçıvan”) - 720

Mark Tamaş (“Neftçi”) - 720

Yuri Matias (“Neftçi”) - 720

İsa Suliman (“Sumqayıt”) - 720

Sofian Çakla (“Sabah”) - 720

Abdullahi Şuaybu (“Kəpəz”) - 720

22. Kenni Sayef (“Neftçi”) - 712

23. Valdemar Almeyda (“Səbail”) - 710

24. David Qomis (“Səbail”) - 707

25. Eldar Quliyev (“Zirə”) - 700

İki və daha çox qol vuranlar

1. Olavio Juninyo (“Qarabağ”) - 6

2. Aleksandr Ramalinqom (“Səbail”) - 4

3. Abdullah Zubir (“Qarabağ”) - 3

4. Hamidu Keyta (“Qarabağ”) - 3

5. Belajdi Pusi (“Turan Tovuz”) - 3

6. Osama Xalayla (“Qəbələ”) - 3

7. Martin Petkov (“Turan Tovuz”) - 3

8. Adama Diakabi (“Qarabağ”) - 2

9. Emmanuel Apeh (“Sabah”) - 2

10. Salifu Suma (“Zirə”) - 2

11. Roderik Miller (“Turan Tovuz”) - 2

12. Mate Kvirkviya (“Kəpəz”) - 2

13. Boyan Letiç (“Sabah”) - 2

14. Pedro Nuno (“Səbail”) - 2

15. Yuri Matias (“Neftçi”) - 2

QEYD: Eyni sayda qol vuranlar meydanda keçirdikləri dəqiqələrə görə sıralanıblar. Nisbətən az şans əldə edənlər yuxarı pillələrdə göstərilib.

Ən çox vərəqə alanlar

1. Boyan Letiç (“Sabah”) - 3 sarı, 1 qırmızı

2. Pedro Nuno (“Səbail”) - 4 sarı

3. Vanderson Melo (“Araz-Naxçıvan”) - 4 sarı

4. Yuri Matias (“Neftçi”) - 4 sarı

5. Julio Romao (“Qarabağ”) - 3 sarı

6. Martins Junior (“Kəpəz”) - 3 sarı

7. Vinsent Til (“Sabah”) - 3 sarı

8. Dmitrios Çantaklias (“Zirə”) - 3 sarı

9. Oktavio Manteka (“Sumqayıt”) - 3 sarı

10. Eldar Quliyev (“Zirə”) - 3 sarı

11. Əyyub Allaş (“Qəbələ”) - 3 sarı

12. Əhməd Ayzaya (“Qəbələ”) - 3 sarı

QEYD: Eyni sayda vərəqə alanlar meydanda keçirdikləri dəqiqələrə görə sıralanıblar. Nisbətən az şans əldə edənlər yuxarı pillələrdə göstərilib.