 |
|
|
Azərbaycan millisinin futbolçusu Mahir Emreli Xorvatiyanın "Dinamo" klubunda növbəti qolunu vurub.
Bizim.Media xəbər verir ki, 26 yaşlı hücumçu səfərdə "Varazdin"ə qarşı keçirdikləri çempionatın XIV tur matçında fərqlənib.
75-ci dəqiqədə oyuna daxil olan Emreli 90+5-ci dəqiqədə Zaqreb təmsilçisini məğlubiyyətdən xilas edib.
Bu, onun cari mövsüm "Dinamo"da beşinci qoludur.
Qeyd edək ki, görüş 1:1 hesabı ilə yekunlaşıb.
Azərbaycan Premyer Liqasının 12-ci turu çərçivəsində “Qarabağ” “Kəpəz”i 7:1 hesabı ilə darmadağın edib.
Ağdum klubunun futbolçusu Yassin Benzia matçda het-trik edərək karyerasında ilkə imza atıb.
“Qarabağ”ın baş məşqçisi Qurban Qurbanov da oyunsonrası mətbuat konfransında Benziadan söz açıb:
“Futbolçu nə qədər çox qol vursa, assist etsə, özünə inamı artır, həvəslənir. Bura gələnə qədər onun söhbəti oldu. Futbolçular dedi ki, Benzia ilk dəfə het-trik etdi. Mən də dedim ki, 100 manat bonus olacaq. Güldülər. Sevindirici haldır. Benzia təcrübəlidir, yaxşı formaya düşməsi üçün qolların ona faydası olacaq”.\\Redaktor.Az
"Real Madrid"in baş məşqçisi Karlo Ançelotti klubun yarımmüdafiəçisi Arda Gülərin fiziki vəziyyətindən danışıb.
BAKU.WS bu barədə xarici mətbuata istinadən xəbər verir.
“O, bu həftə komanda ilə məşqlərə başladı. Sabah heyətdə yer alacaq. Yavaş-yavaş ona verilən oyun vaxtını artıracağıq", - təcrübəli mütəxəssis bildirib.
Xatırladaq ki, Türkiyə Millisinin oyunçusu bu il "Fənərbağça"dan Madrid "Real"ına transfer olub.
Fransanın Monpelye şəhərində keçirilən cüdo üzrə Avropa çempionatının birinci günündə idmançımız Balabəy Ağayev (60 kq) italiyalı Andrea Karlino ilə görüşündə hakim haqsızlığı ilə üzləşib.
“Qafqazinfo” xəbər verir ki, Ağayev Karlino ilə görüşə kifayət qədər inamlı başlayıb və nəticədə rəqibi passiv qaldığına görə xəbərdarlıq alıb.
Lakin sonradan hakimlər fərqli qərarlar verməyə başlayıblar. Referilər idmançımıza “şido” verib və nəticədə döyüş “qızıl xal”a qədər uzanıb.
Əlavə vaxtda cüdoçumuz yenidən fəallığı artırsa da, hakimlər Ağayevə növbəti xəbərdarlığı edib. Lakin Balabəy tatamidən çıxmağı rədd edərək hakimlərdən qərarlarını yenidən gözdən keçirməyi tələb edib. Amma referilərin qərarında dəyişiklik olmayıb.
Noyabrın 10-12-də İrəvanda keçiriləcək sambo üzrə dünya çempionatında Azərbaycan və Türkiyə idmançıları iştirak etməyəcək.
Bu barədə Ermənistan Sambo Federasiyası məlumat yayıb.
Qeyd olunub ki, artıq 70-dən çox ölkənin nümayəndəsi yarışda iştirak etmək üçün ərizə verib.
500-dən çox idmançının və 2500-dən çox qonağın İrəvana gələcəyi gözlənilir.
PSJ klubunun son zamanlardakı uğursuz çıxışı ulduz futbolçu Kilian Mbappenin Madrid "Real"ına mümkün transferini daha da yaxınlaşdırır.
"Kral klubu"nun bir neçə oyunçusu artıq Mbappenin kluba qoşulacağından əmindir. PSJ rəhbərliyi bunun qarşısını almağa çalışsa da, fransalı oyunçu artıq son qərarını verib.
Qeyd edək ki, Mbappe bu mövsüm PSJ-nin heyətində çıxdığı bütün turnirlərdə 12 qol vurub. \\Offsideplus.az
“Neftçi”nin düşərgəsində vəziyyət yenidən gərginləşib. Komandanın uğursuz çıxışı həm klub daxilində, həm də ətrafında gərginlik yaradıb.
Aut.az-ın əldə etdiyi məlumata görə, xüsusilə “ağ-qaralar”ın düşərgəsində bölgü yaranıb. Klub rəhbərliyi ictimaiyyət və media tərəfindən gələn tənqidləri futbolçuların üzərinə yönəltməyə çalışır.
“Neftçi” rəhbərliyi – başda Rövşən Nəcəf olmaqla uğursuzluğu xüsusilə kapitan Emin Mahmudovun ayağına yazmağa çalışır.
Bununla bağlı özlərinə yaxın olan jurnalistlərə sifarişlər verməyə başlayıblar. Bəzi mətbu orqanlarda Mahmudovun əleyhinə yazılar yazdırılır, iddia olunur ki, “Neftçi”nin oyun sistemini pozan, komandanın sürətini azaldan məhz Mahmudovdur. Üstəlik, azarkeşlər arasında da süni şəkildə söz-söhbət yaradırlar.
Yeni transferlərin, yeni baş məşqçinin uğursuzluğunu etiraf edə bilməyən rəhbərlik, yaranmış vəziyyətə don geyindirmək üçün axtarılan bəhanəni kapitanın meydana çıxmadığı “Səbail”lə oyunda tapılıb. Həmin qarşılaşmada Emin cəza üzündən oynamayıb, “Neftçi” qalib gəlib. Eminin oynamadığı oyunda qazanılan qələbədən sonra onun haqqında əvvəlcədən verilən hökm qüvvəyə minib. Yəni Eminin “Neftçi”dəki karyerası bitir. Amma bunu açıq şəkildə ona deyə bilmirlər. Ona görə də, intriqa yaradaraq, futbolçunu gözdən salmağa çalışırlar.
Futbolçu vəziyyətdən duyuq düşüb. O, artıq klub rəhbərliyindən – xüsusilə Müşahidə Şurasının sədri Rövşən Nəcəfdən incik düşüb. Çünki yayda ona verilən vədlər yerinə yetirilməyib. “Qarabağ”a və “Sabah”a keçmək ehtimalı olan Emin Mahmudovu “Neftçi”də qalmağa məhz Rövşən Nəcəfin vədləri razı salıb. SOCAR prezidenti ona bu vədləri verib: Əsas heyətdə yerin toxunulmazdır, oyun sənin üzərində qurulacaq, iddialı komanda formalaşacaq.
Amma əksi olub: Nə çempionluq uğrunda mübarizə aparan komanda qurulub, nə gətirilən legionerlər səviyyəli çıxıb, nə də baş məşqçi Adrian Mutunun işi nəzərə çarpır. Və bütün bunlar azmış kimi uğursuzluqların günahı Emin Mahmudovun ayağına yazılmağa başlayıb.
Emin vəziyyətdən çıxış yolu kimi komandadan ayrılmağı düşünür. Millimizin üzvü yayda “Qarabağ”a keçmədiyinə görə peşman olub. Böyük ehtimalla, o, qışda komandanı tərk edəcək. Elə “Neftçi” rəhbərliyi də bunu istəyir.
Argentinalı superulduz Lionel Messi Kriştianu Ronaldu ilə uzun sürən rəqabətdən danışıb.
Fanat.az xəbər verir ki, “L’Equipe” 8-ci dəfə “Qızıl top” mükafatına layiq görülən 36 yaşlı futbolçunun dediklərini belə çatdırıb:
“Bu, böyük bir döyüş idi. Atletika baxımından Kriştianu çox yaxşı idi. Düşünürəm ki, rəqabətimiz sayəsində bir-birimizə fayda vermişik. Çünki ikimiz də yarışmağı sevirik. O da həmişə hamını məğlub etmək istəyirdi.
Bütün növ saytların yığılması - EMBLEM.AZ
saytlarin yigilmasi
Düşünürəm ki, belə rəqabət həm biz, həm də futbolsevərlər üçün çox gözəl tarix oldu. Bu müddət ərzində gördüyümüz işlər çox dəyərlidir. Çünki, necə deyərlər, zirvəyə çıxmaq asan, orada qalmaq isə çətindir. Nə qədər olduğunu dəqiq bilmirəm, 10 və ya 15 il zirvədə qaldıq. Bu səviyyədə qalmaq çox çətin idi. Bu, futbolu sevən hər kəs üçün böyük rəqabət və gözəl xatirədir”.
Cüdo üzrə Azərbaycan millisinin böyük məşqçisi Mehman Əzizov işdən çıxarılıb.
Bu barədə “Qafqazinfo”ya o, özü məlumat verib.
Mehman Əzizov ona səbəb bildirmədən işdən çıxarıldığını deyib:
“Gəlib dedilər ki, işdən azad olunursuz. Səbəb isə bildirmədilər. Rəhbərliyin qərarı olduğunu açıqladılar”.
“Sizin müqaviləniz yox idi” sualına isə M.Əzizov belə cavab verib:
“Müqaviləm var idi. Amma sözləşmədə qeyd olunub ki, federasiya rəhbərliyi istənilən vaxt işdən azad edə bilər, maaşları kəsə bilər. Müqaviləni imzalayanda oxumamışdım. Amma indi mənə o bəndlərin olduğunu göstərdilər”.