 |
|
|
Üzgüçülük üzrə estafet yarışında ikiqat Olimpiya çempionu (2004, 2008) Klit Keller 6 yanvar 2021-ci ildə Vaşinqtonda iğtişaşlarda iştirak etdiyinə görə üç il şərti həbs cəzasına məhkum edilib.
41 yaşlı keçmiş üzgüçüyə, həmçinin 6 ay ev dustaqlığı verilib. O, eyni zamanda 360 saatlıq ictimai işləri yerinə yetirməli olacaq.
Əynində ABŞ yığma komandasının gödəkçəsi olan ikiqat dünya çempionu videoda Donald Trampın digər tərəfdarlarının əhatəsində Kapitolinin rotondasında (dairəvi giriş hissəsində) görüntülənib.
Kellerə qarşı yeddi federal ittiham irəli sürülüb, lakin prokurorluqla əldə olunan razılaşmaya əsasən, o, yalnız bir fakt üzrə günahını etiraf edib - Kapitoliyə qanunsuz daxil olmaq. Bu maddə üzrə maksimum cəza isə 20 il həbsdir.
Lakin təslim olduqdan sonra hökumətlə fəal əməkdaşlığı və etdikləri üçün səmimi peşmanlığı nəzərə alınaraq, hakim ona xeyli yüngül cəza verib.
Keller məhkəmədə hərəkətlərinin cinayət əməli olduğunu başa düşdüyünü və baş verənlərə görə məsuliyyəti üzərinə götürdüyünü deyib. Daha sonra isə qanunvericilər və Amerika xalqı qarşısında üzr istəyib.
Xatırladaq ki, Klit Keller Kapitolidən çıxandan sonra olimpiya gödəkçəsini zibil qutusuna atıb və mobil telefonunu çəkiclə sındırıb. Lakin bir həftə sonra keçmiş üzgüçü vicdan əzabına dözə bilməyib hakimiyyət orqanlarına təslim olub.
2024-cü ildə Almaniyada keçiriləcək Avropa çempionatının final mərhələsinin püşkü atılıb.
Hamburqda gerçəkləşən tədbirə 21 milli komanda qatılıb.
Turnirin açılış matçı Almaniya və Şotlandiya yığmaları arasında gerçəkləşəcək.
A qrupu: Almaniya, Macarıstan, Şotlandiya, İsveçrə
B qrupu: İspaniya, Albaniya, Xorvatiya, İtaliya
C qrupu: İngiltərə, Danimarka, Sloveniya, Serbiya
D qrupu: Fransa, Avstriya, Niderland, A Yolunda pley-off qalibi
E qrupu: Belçika, Rumıniya, Slovakiya, B Yolunda pley-off qalibi
F qrupu: Portuqaliya, Türkiyə, Çexiya, C Yolunda pley-off qalibi
AVRO-2024-ə son üç vəsiqənin sahibi pley-off mərhələsindən sonra bəlli olacaq.
Qeyd edək ki, Avropa çempionatı 14 iyun - 14 iyulda Almaniyanın 10 şəhərində təşkil olunacaq.
“Qalatasaray” Türkiyə Superliqasının 14-cü turunda “Pendikspor”un qonağı olub.
Qarşılaşma “Cim-bom”un 2:0 hesablı qələbəsi ilə başa çatıb.
“Pendikspor” - “Qalatasaray” - 0:2
Qollar: Bakambu, 69, Zieş, 82
Bu qələbə ilə xalını 37-ə çatdıran “Qalatasaray” turnir cədvəlində liderliyə yüksəlib.
Məşhur futbolçular Fernando Muslera, Selçuk İnan, Emre Çolak və meneceri Musa Mert Çetin “gizli fond” adı altında aldadıldıqları bank müdiri Seçil Erzan, Ali Yörük, Atilla Yörük, Nazlı Can və “Denizbank”la bağlı məhkəməyə şikayət ərizəsi ünvanlayıblar.
“AzPolitika.info” Türkiyə mətbuatına istindla xəbər verir ki, futbolçular vəkilləri Rezan Epözdemir vasitəsilə İstanbul Məhkəməsinə təqdim etdikləri ərizədə bank müdiri Seçil Erzanın tələsinə necə düşdüklərini izah ediblər.
Müraciətdə Seçil Erzanın “Denizbank”ın Florya şöbə müdiri vəzifəsində işlədiyi vaxtdan “Qalatasaray” klubunun futbolçuları və işçiləri ilə tanış olduğu bildirilir.
Qeyd olunur ki, sözügedən fondda menecer Mert Çetin 75 min dollar, “Qalatasaray” klubunun qapıçısı Fernando Muslera 1 milyon 200 min dollar, “Qalatasaray”ın keçmiş futbolçuları Selçuk İnan 1 milyon 535 min dollar, Emre Çolak isə 3 milyon 250 min dollar vəsait itirib.
Vəkilin ərizəsində qeyd olunub ki, Seçil Erzan müştərilərinə “Denizbank”ın çox gəlirli bir gizli fondu olduğunu və bu fondda hər kəsin deyil, yalnız yüksək səviyyəli insanların iştirak etdiyini deyərək, onların güvənini qazanıb:“Seçil Erzan, məşqçi Fatih Terimin də bu fondda olduğunu və bu fonddan çoxlu qazanc əldə etdiyini bildirib. Beləcə Fernando Muslera, Selçuk İnan, Emre Çolak, Musa Mert Çetin, Fatih Terim və Arda Turan, eləcə də bir çox məşhur iş adamını bu fonda daxil olmağa təşviq edib. Daha sonra isə onların pullarını mənimsəyib”.
Vəkil Epözdemir ərizəsində Seçil Erzan və digər müttəhimlərin məqsədinin fonda cəlb olunan məşhur şəxslərin mal varlıqlarını ələ keçirmək olduğunu bildirib və bunları deyib:“Bu cinayətin təkcə Seçil Erzan tərəfindən törədilməsi mümkün deyil. Əldə edilən məlumata görə, Erzan ifadə verməzdən əvvəl “Denizbank”ın baş direktoru Hakan Ateş, İdarə Heyətinin üzvü Mehmet Aydoğdu və bankın digər yüksək vəzifəli şəxsləri tərəfindən necə ifadə verəcəyinə dair təzyiqlərə məruz qalıb. Ona görə də sözügedən hadisədə “Denizbank” məsuliyyət daşıyır. Cinayətin mütəşəkkil surətdə törədildiyini nəzərə alaraq, bu dəyən zərərin ekspertiza vasitəsi ilə fiziki şəxslərin təqsiri ilə müəyyən edilib hesablanması, ciddi qanun pozuntusuna yol vermədən mümkün olacağı üçün qeyri-müəyyən debitor borcları ilə bağlı iddia qaldırmışıq”.
Vəkil əlavə edib ki, “Denizbank”, Seçil Erzan. Ali Yörük, Atilla Yörük və Nazlı Can tərəfindən müştərilərə zərər vurulduğuna görə, hələlik hər birinin 10 min dollar ödəmələri tələbi ilə məhkəməyə müraciət edilib.
Qeyd edək ki, müdiri Seçil Erzan futbol adamlanlarından yüksək məbləğdə pul alaraq onlara geri ödənişi faizi ilə qaytaracağını vəd etsə də, bu vədinə əməl etməyib. Adıçəkilən futbolçularla yanaşı bu fondda Arda Turan 13 milyon 900 min dollar, Fatih Terim 300 min dollar, Emre Belözoğlu 5 milyon dollar vəsait itirib.
Hazırda məsələ ilə bağlı məhkəmə prosesi davam edir.
“AzPolitika.info”
“Milan”ın əfsanəsi və “rossoneri”nin keçmiş texniki direktoru Paolo Maldini klubdan ayrılmasından danışıb.
“Milan” rəhbərliyi Çempionlar Liqasında qələbə qazanmaq üçün layihə tələb etdilər. Mən onlara layihəni təqdim etdim, lakin mənə heç bir cavab vermədilər. Çünki klubun sahibi artıq məni işdən çıxarmaq qərarına gəlmişdi”, - deyə Paolo Maldini bildirib.
“Mən De Ketelarenin uğursuz transferinə dair tənqidləri görmüşəm, lakin yaxşı xatırlayıram ki, Lean, Bennaser və Teo Ernandes üçün sövdələşmələr düzgün qiymətləndirilmədi. Mənə dedilər ki, yay üçün transfer büdcəsi az olacaq, lakin mənim gedişimdən sonra büdcə ikiqat artdı”, - deyə Maldini qeyd edib.
Xatırladaq ki, 2018-ci ilin avqustunda Paolo Maldini klubun inkişaf üzrə direktoru təyin edilib, bir il sonra isə texniki direktor vəzifəsini alıb. İtaliyalı “Golden Boy Awards 2022” mükafatlandırma mərasimində “Ən yaxşı avropalı menecer” nominasiyasının qalibi olub. 2023-cü ilin iyununda Maldini “Milan”ın texniki direktoru vəzifəsini tərk edib.
Mənbə: Championat.ru
“Sofascore” resursu Avropa Liqasının beşinci turunun rəmzi komandasını müəyyənləşdirib.
Buraya Norveçin “Molde” klubu ilə səfər matçının 90+5-ci dəqiqəsində qola imza atan “Qarabağ”ın futbolçusu Bəhlul Mustafazadə də daxil edilib.
Həmçinin, simvolik komandada Kodi Qakpo (“Liverpul”), Pyer-Emerik Obameyanq (“Marsel”), Matey Kovarj (“Bayer”) kimi futbolçular da yer alıb.
“Sadəcə Messiyə baxın. Messi autistdir və o, dünyanın ən nüfuzlu adamıdır. Ona görə də mən autizmi xəstəlik hesab etmirəm”.
Bu sözləri Toni Hernandes Pumarexonun “YouTube” kanalında repçi Anuel AA “İnter Mayami”nin argentinalı hücumçusu Lionel Messi ilə ünsiyyətindən danışarkən deyib.
“Messini tanımıram, amma onunla üç dəfə vaxt keçirmişəm və ilk gördüyüm onun təvazökar insan olması oldu. Bu yolla onun necə gözəl insan olduğunu biləcəksiniz. Messinin necə insan olduğunu görəndə özündən utanırsan. O vaxtdan bəri daha yaxşı insan olmağa çalışıram”, - deyə reper bildirib.
FİDE şahmatçıların dekabr üçün yeni reytinq cədvəlini açıqlayıb.
Apasport.az xəbər verir ki, Azərbaycan yığmasının üzvləri “20-liy”i tərk ediblər.
Şahmatçılarımızdan ən yaxşı göstərici Şəhriyar Məmmədyarova məxsusdur. O, 10 pillə geriləyərək, 26-cı yerə enib. 38 yaşlı qrossmeyster 2723 xala malikdir. Teymur Rəcəbov isə 13 rəqibini özündən irəli buraxıb. 27-ci pillədə qərarlaşan təmsilçimiz Məmmədyarovla eyni xala sahibdir.
Onlardan fərqli, Rauf Məmmədov (2651) 9 pillə irəliləyib və 90-cıdır. Nicat Abbasov (2641) 53-cü yeri 98-ə dəyişib.
Reytinq cədvəlinə norveçli Maqnus Karlsen (2830) başçılıq edir. Onu ABŞ-ın şərəfini qoruyan Fabiano Karuana (2794) və Dinq Liren (2788) izləyir.
Qadın şahmatçılardan ən yaxşı göstəriciyə yenə Günay Məmmədzadə malikdir. O, 2 pillə irəliləyib. 27-cu yerdə olan yığma üzvünün aktivində 2449 xalı var. Ülviyyə Fətəliyeva (2384) 67-ci, Gövhar Abdullayeva (2374) 77-ci, Xanım Balacayeva 98-ci və Gülnar Məmmədova (hər ikisi 2350) isə 99-cu pillədə qərarlaşıblar.
Siyahıya çinli Yifan Hou (2632) başçılıq edir. İkinci pillədə Venyun Yu (Çin, 2560), üçüncü yerdə isə Hampi Koneru (Hindistan, 2554) qərarlaşıb.
“Daha yaxşısını gözləyirdim”.
“Report”un Norveçə ezam olunmuş əməkdaşının məlumatına görə, bunu “Qarabağ”ın baş məşqçisi Qurban Qurbanov Norveç klubu “Molde” ilə səfərdə 2:2 hesablı heç-heçə etdikləri oyundan sonra mətbuat konfransında deyib.
51 yaşlı mütəxəssis “Aker” stadionunda baş tutan matçın ardından fikirlərini bölüşüb: “Oyunun gedişatına baxsaq, çox uğurlu nəticə oldu. Düşünürdüm ki, meydançaya tez uyğunlaşarıq, o qədər çətinliyimiz olmaz. Şükürlər olsun ki, futbolçular çətinliyə dözməyi bacardılar. Bir matçımız qaldı. Bakıdakı görüşə daha yaxşı şəraitdə hazırlaşacağıq. 1 xalın bizə faydası çox oldu. Amma arxayınlaşmaq olmaz. Son qarşılaşmada daha istəkli olmalıyıq. Bütün çətinliklərə baxmayaraq, futbolçular inamlarını itirmədilər”.
O, bəzi əvəzetmələrin plana uyğun aparılmadığını söyləyib: “Əvəzetmələrə hazırlaşırdıq. Sadəcə, bəziləri gözlənilməz oldu. Rəqibə də qiymət vermək lazımdır. Çox keyfiyyətli komandadır. Sistemlərinə o qədər sadə şəkildə uyğunlaşıblar ki, nə edəcəklərini hamı bilir. İlk hissədə oyunun quruluşunda dəyişiklik olmuşdu. Sonradan meydançaya daxil olanlar özlərini pis tərəfdən göstərmədilər. Bir az balans pozuldu. Ancaq komandamızda əvəzetmədən mübarizəyə qoşulanlar istəkli və aqressiv oldular”.
Baş məşqçi son dəqiqədə gələn bərabərlik topunun onlara qarşıdakı görüşdə müsbət təsir edəcəyini vurğulayıb: “Son dəqiqələrdə buraxılan və vurulan qollar komandanın böyüməsi üçün vacibdir. Son dəqiqədə vurulan qol komandaya əlavə motivasiya verir. “Bayer”lə görüşün son dəqiqələrində buraxdığımız top futbolçulara həddən artıq təsir etmişdi. Son dəqiqə qolları böyük oyunlara bənzəyir. Şansımız varsa, bundan maksimum istifadə edəcəyik. Son matçda daha diqqətli və fəal olmalı, soyuqqanlı oynamalıyıq. Konfrans Liqasının pley-offuna vəsiqəni təmin etməyimiz bizi sevindirir. İnşallah, futbolçularımız bununla kifayətlənməzlər”.
Qurban Qurbanov qış fasiləsində heyəti gücləndirmək istədiklərini əlavə edib: “Bu gün çatışmazlıq bəlkə orta sahədə oldu. Həm Yankoviç, həm də Patrik yorulmuşdu. Düzdür, ehtiyatda Riçard Almeyda var idi. Amma Romaonun olmaması və Juninyonun da əvəzlənməsi planlarımızı pozdu. Qışda 2 oyunçu transfer etmək istərdim. Əlimizdə daha çox sağlam oyunçunun olması işimizi asanlaşdırır”.
Təcrübəli çalışdırıcı Bəhlul Mustafazadənin son dəqiqələri hücumda keçirməsinə də münasibət bildirib: “Bakıdakı görüşdə də iki mərkəz müdafiəçimiz riskə gedərək, hücumda oynamışdı. Bəhlul kornerdən sonra da hücumda qaldı. Hətta mən bildirdim ki, geri qayıtsın. Ancaq top orada qaldığı üçün öndə qaldı və bundan istifadə etdi”.
Qurban Qurbanov qrupun son qarşılaşmasının çətin olacağını deyib: “Bəzən son oyunlarda nəticəni əldən verdiyimiz anlar olub. “Hekken” qrupdakı bütün oyunlarında məğlub olub. İtiriləcək heç nələri yoxdur. Bura qələbə qazanmaq üçün gələcəklər. Həddən artıq istəkli olmağımız bizə mane ola bilər. Meydançada tapşırıqları düzgün icra etmək lazımdır. Rəqibin oyununa baxdıqdan sonra komandanı matça soyuqqanlı şəkildə hazırlamağa çalışacağıq”.
Baş məşqçi bunu karyerasının ən gərgin oyunu saymayıb: “Daha həyəcanlı və gərgin oyunlarım çox olub. Bu gün o qədər də həyəcan yox idi, rahat idim. Qalib gəlsəydik, burada hər şey həll oluna bilərdi. Olmasa belə, hər şey Bakıya qaldı”.
“Qarabağ” UEFA Avropa Liqasının qrup mərhələsində növbəti oyununu keçirib.
Oxu.Az xəbər verir ki, Qurban Qurbanovun baş məşqçisi olduğu kollektiv V turda Norveçdə yerli “Molde” klubunun qonağı olub.
“Aker” stadionunda təşkil edilən qarşılaşmada hesabı 12-ci dəqiqədə Ağdam təmsilçisi açıb. Juninyo 12-ci dəqiqədə qapıçı ilə təkbətək şansı əldən verməyib. Lakin Azərbaycan çempionu üstünlüyünü qoruya bilməyib. Kristian Eriksen 82 və 87-ci dəqiqələrdə vurduğu 2 qol sayəsində norveçliləri önə keçirib. Buna baxmayaraq, “Qarabağ” məğlubiyyətdən qurtulub. 90+5-ci dəqiqədə Bəhlul Mustafazadə görüşdə son nöqtəni qoyub - 2:2.
Bu nəticədən sonra xallarının sayını 7-yə yüksəldən “Qarabağ” ikinci pillədəki yerini qoruyub. Eyni xala malik “Molde” isə üçüncü yerdə qalıb. Ağdam təmsilçisi minimum UEFA Konfrans Liqasının pley-off mərhələsinə vəsiqəni rəsmiləşdirib.
Qrupun digər oyununda Almaniyanın “Bayer” klubu səfərdə İsveç təmsilçisi “Hekken”i 2:0 hesabı ilə məğlub edib.
Qeyd edək ki, “Qarabağ” yer aldığı H qrupunda son matçını dekabrın 14-də Bakıda İsveç klubu “Hekken”ə qarşı keçirəcək.
https://t.me/oxuaze/71747