 |
|
|
Kikboksçu Tulin Ələkbərova sevgilisi tərəfindən ölümcül döyülüb.
Bakupost.az xəbər verir ki, o bu barədə şəxsi İnstaqram hesabında yazıb.
Paylaşımda qeyd olunub ki, hadisə dekabr ayının 27-si, səhər saatlarında yarımtikili ərazidə baş verib.
Sevgilisi Sübhanın ona xəyanət etdiyini öyrənən T.Ələkbərova danışmaq üçün onu çağırıb.
Nəticədə aralarında mühabisə yaranıb və danışıq qanla bitib.
Kikboksçu xanım bildirib ki, zərbələr nəticəsində çoxsaylı bədən xəsarətləri alıb.
Həmin paylaşımı təqdim edirik:
Azərbaycan şahmatçısı Eltac Səfərli İsveçrənin Sürix şəhərində keçirilən ənənəvi beynəlxalq turnirdə ikinci olub.
"Report" xəbər verir ki, 31 yaşlı şahmatçı yarışı 5,5 xalla başa vurub.
Turnirin qalibi olan Krişnan Şaşikiran da eyni xal toplayıb. Səfərli hindistanlı şahmatçıdan yalnız əlavə əmsallara görə geri qalıb.
Türkiyə Prezidenti Rəcəb Tayyib Ərdoğan Səudiyyə Ərəbistanında keçirilməsi planlaşdırılan lakin sözügedən ölkənin rəsmilərin bəzi qadağaları səbəbiylə ləğv olunan “Fənərbağça” – “Qalatasaray” matçı barədə fikirlərini açıqlayıb.
O bu barədə “Necip Fazıl” mükafatlarının təqdimetmə mərasimindəki çıxışı zamanı deyib.
“Nə olursa olsun, futbol siyasətə alət olmamalıdır”, - deyə Türkiyə lideri vurğulayıb.
Mənbə: Haber Global
Səudiyyə Ərəbistanının paytaxtı Ər-Riyadda keçirilməli olan Türkiyə Superkubokunun “Qalatasaray” – “Fənərbağça” final oyunu üçün Azərbaycan sosial şəbəkələrində kampaniya başladılıb.
Azərbaycan əsilli türkiyəli siyasətçi Sinan Oğanın Xankəndidə oyunun keçirilməsi ilə bağlı təklifindən sonra sosial media fəalları qardaş ölkənin final matçının Bakıda baş tutmasını istəyirlər.
Məsələ ilə bağlı Prosport.Az-a danışan AFFA-nın Mətbuat Xidmətinin rəhbəri Elnur Məmmədli bildirib ki, bu ilin yay aylarında Türkiyə Futbol Federasiyasının ovaxtkı baş katibi Superkubok oyunu ilə əlaqədar onlarla əlaqə saxlamışdı:
“O bildirdi ki, Azərbaycanla yanaşı, Səudiyyə Ərəbistanı variantı da var, ümumiyyətlə, oyun Azərbaycanda keçirilsə, buna necə baxarsınız? Bizim də cavabımız belə oldu ki, təbii ki, müsbət. Maliyyə məsələləri həmin söhbət əsasında müzakirə olunmayıb. Türkiyə Futbol Federasiyasının sabiq baş katibi danışıq əsasında bildirdi ki, hələ oyuna çox var, matç yanvarda olacaq, lazım gələrsə, yenidən sizə müraciət edəcəyik. Türkiyə tərəfi ilə danışıqlar yalnız bundan ibarət olub. Bundan sonra bu məsələ ilə bağlı bizimlə əlaqə saxlanılmayıb”.
Yenidən müraciət ehtimalı ilə bağlı suala E.Məmmədlinin cavabı belə oldu:
“İlk növbədə klubların təqviminə baxmaq lazımdır. Ümumiyyətlə, bu oyun nə vaxt keçiriləcək, hələ məlum deyil. Bütün bu məsələlər təbii ki, müzakirə olunmalıdır. Xankəndi məsələsi isə ölkə rəhbərliyi səviyyəsində qəbul edilən qərardır”.
Xatırladaq ki, dünən sözügedən matç ləğv edilib. Buna səbəb kimi Səudiyyə Ərəbistanının hər iki komandaya Türkiyə Respublikasının 100 illiyi ilə bağlı Atatürkə dair pankarta, formaya və İstiqlal Marşının oxunmasına qoyulan qadağası göstərilir. Bu qadağadan sonra hər iki komanda vahid qərar qəbul edərək Türkiyəyə qayıtmaq qərarı verib. Nəticədə Səudiyyə Ərəbistanındakı Superkubok matçı ləğv edilib.
Səudiyyə Ərəbistanında keçirilməsi nəzərdə tutulan "Qalatasaray" və "Fənərbağça" arasında Superkubok finalının ləğvindən sonra matçın təşkilatçısı "Riyadh Season"dan ilk açıqlama gəlib.
Sfera.az baku.ws-ə istinadən bildirir ki, final qarşılaşması hər iki klub futbolçularının Atatürk yazılı köynəklərlə matçdan əvvəl isinmə hərəkətləri etmək istəməsi səbəbindən ləğv edilib.
"İlk növbədə qardaş Türkiyə Cümhuriyyəti ilə müxtəlif sahələrdə sıx əlaqələrimizdən qürur duyduğumuzu vurğulamaq istərdik. Matçın kənar şüarlar olmadan keçirilməsini tələb edən reqlamentə əməl olunacağını gözləyirdik. Bu məsələ xüsusilə TFF ilə görüşlərdə müzakirə olunmuşdu.
Türkiyə Cümhuriyyətinin statusunun tanınması üçün Türkiyə Respublikasının dövlət himninin səsləndirilməsi, stadionda və tribunalarda türk bayraqlarının nümayişi ilə bağlı razılığa gəlmişdik. Buna baxmayaraq, hər iki komandanın razılaşmaya əməl etməməsi təəssüf doğururdu ki, bu da matçın keçirilməməsinə səbəb oldu” -deyə şirkətdən bildirilib.
2023-cü ildə transfer dəyərini ən çox artıran futbolçuların reytinqi dərc edilib.
Siyahını “Transfermarkt” internet portalı özünün “Telegram” kanalında yayımlayıb.
Siyahıya “Real Madrid”in yarımmüdafiəçisi Cud Bellinqem başçılıq edir. Onun dəyəri 70 milyon avro artaraq 180 milyona çatıb.
İlk onluqda yer alan digər oyunçular (hazırkı və mötərizədə artım dəyərləri, avro ilə):
Evan Ferqyuson - “Brayton”, 65 milyon (+ 64 milyon);
Lamin Yamal - “Barselona”, 60 milyon (+ 60 milyon);
Uorren Zair-Emeri - PSJ, 60 milyon (+ 54 milyon);
Moyses Kaysedo - “Çelsi”, 90 milyon (+ 52 milyon);
Xavi Simons - “RB Leypziq”, 70 milyon (+ 52 milyon);
Rasmus Hoylun - “Mançester Yunayted”, 65 milyon (+ 50 milyon);
Takefusa Kubo - “Real Sosyedad”, 60 milyon (+ 48 milyon);
Ceremi Doku - “Mançester Siti”, 65 milyon (+ 47 milyon);
Levi Koluill - “Çelsi”, 55 milyon (+ 45 milyon milyon).
Türkiyə Super Liqasında ötən həftə baş tutan "Fənərbağça" - "Qalatasaray" matçında (0:0) Mauro İkardi və Edin Ceko arasında mübahisə yaşanmışdı.
İtaliya mətbuatı ulduz futbolçular arasında yaranan gərginliyin səbəbini açıqlayıb. Bosniya və herseqovinalı futbolçu İkardinin penalti istədiyi epizodda sərt reaksiya göstərdi və "nəhənglər" "kəllə-kəlləyə" gəldi. İtalyanlar İkardi və Ceko arasında keçən dialoqu yayımlayıb:
Ceko: "Öz işinlə məşğul ol"
İkardi: "Eləməsəm, nə olacaq?"
Ceko: "Nə deyirsən?"
İkardi: "Yenə deyirəm, öz işimlə məşğul olmasam nə olacaq?"
Qeyd edək ki, sabah "Qalatasaray" və "Fənərbağça" klubları arasında Türkiyə Super Kuboku finalı baş tutacaq. Görüş Bakı vaxtı ilə saat 21:45-də start götürəcək və Futbol Liqaları Teleqram kanalında canlı yayımlanacaq.\\Offsideplus.az
Azərbaycan karateçisi, 6 qat dünya çempionu və 11 dəfə Avropa çempionu olan, Qara briliant ləqəbi ilə tanınan fəxrimiz Rafael Ağayev ölkənin Gənclər və İdman naziri Fərid Qayıbovu tənqid edib. İdman ustası Rafael Ağayev nazirliklə bağlı haqlı iradını bildirirb. O, ona qarşı olan soyuq münasibətdən gileylənib.
Gununsesi.info həmin müsahibəni təqdim edir:
Arda Gülər, Kim Min-Ce kimi futbolçularını Avropa nəhənglərinə satan "Fənərbağça" daha bir böyük satışa hazırlaşır.
Söhbət Sebastian Şimanskidən gedir. İngiltərənin "Çelsi", "Liverpul", "Mançester Yunayted" klubları 24 yaşlı polşalını istəyir. "Napoli" klubu da vingerlə maraqlanan klublar sırasındadır.
Qeyd edək ki, Sebastian cari mövsüm "sarı-lacivərtlər"lə 29 oyuna çıxıb, 11 qol vurub, 10 assistə imza atıb. Hazırda "Transfermarkt"də 20 milyon avro dəyəri olan futbolçunun klubla müqaviləsinin müddəti 2027-ci ildə bitəcək. \\Offsideplus.az
4 qat Avropa çempionu, 3 qat Dünya çempionu, 3 qat Olimpiya mükafatçısı Hacı Əliyev Xankəndidəki səfərdə prezident ilə görüş proqramına salınmadığı və Gənclər və İdman Nazirliyi tərəfindən ilin 10 idmançısı siyahısına salınmadığı üçün etirazını bildirib.
Oxu24.com xəbər verir ki, tanınmış idmançı məsələ ilə sosial media hesabında paylaşım edib.
O Gənclər və İdman Nazirliyi haqda bu sözləri yazıb:
"Bu il Azərbaycan Güləş tarixində ilk dəfə olaraq 4 qat Avropa çempionu olaraq adımı güləş tariximizə yazdım ve Bakıda keçirilən Hərbçilərin Dünya çempionu oldum. Buna baxmayaraq, Gənclər ve İdman Nazirliyi tərəfindən heç bir diqqət görmədim. Heç ilin 10 idmançısı siyahısına belə düşmədim. Sağ olsun Gənclər ve İdman nazirliyi. Cənab Prezidetimiz İlham Əliyev bu il idmançıları tarixi qələbə qazandığımız gözəl Qarabağımıza dəvət edib, orada görüşdü, idmanı ve idmançıları nə qədər sevdiyini bir daha sübut etdi. Ama çox heyif ki, bu görüşə mənim adımı Gənclər ve İdman Nazirliyi salmadı, məni Cənab Prezident ilə görüşə buraxmadılar.
İdmançı Prezidentə də müraciət edib:
"Mən inanıram ki, Cənab Prezident məni də orada görməyə çox sevinərdi. Amma Gənclər və İdman nazirliyi buna şərait yaratmadı. Bu qədər nəticə qazanmışam, bu qədər qələbələr gətirmişəm ölkəmizə. Amma məni bu tarixi görüşdən məhrum etdilər. Bu haqsızlığa görə inanıram ki, bir tədbir görüləcək, biz Cənab Prezidentimizə güvənirik!".
Həmin paylaşımı təqdim edirik:
