 |
|
|
Azərbaycan yığmasının üzvü Şahruddin Məhəmmədəliyevin çıxış etdiyi “Adana Demirspor” klubu Türkiyə superliqasının 19-cu turunda “Başakşehir”lə qarşılaşıb.
“Qafqazinfo” xəbər verir ki, yığmamızın qapıçısı bu qarşılaşmada kobud səhvi ilə yadda qalıb.
Belə ki, o matçın 71-ci dəqiqəsində qapıçı meydançasından topu səhvən rəqib klubun futbolçusuna ötürüb. Həmin futbolçu Ş. Məhəmmədəliyevin bu səhvini fürsətə çevirərək, qol vurub.
Lakin, hakim həmin qolu qeydə almayıb. Çünki, “Başakşehir”in futbolçuları topdan öncə cərimə meydançasına daxil olublar.
20 yaşadək voleybolçu qızlardan ibarət Azərbaycan millisi Litvanın Şaulyay şəhərində keçirilən Şərqi Avropa Voleybol Zonal Assosiasiyası (EEVZA) çempionatında dördüncü oyununa çıxacaq.
Oxu.Az xəbər verir ki, Şahin Çatmanın rəhbərlik etdiyi komanda bu gün Litvanı sınağa çəkəcək.
Matç Bakı vaxtı ilə saat 19:00-da başlayacaq. Komandamız əvvəlki üç oyunda Estoniya, Latviya və Ukraynaya 0:3 hesabı ilə məğlub olub. U-20 son görüşünü sabah Polşaya qarşı keçirəcək.
Qeyd edək ki, yanvarın yeddisinədək davam edəcək turnir AVRO-2024-ə seçmə xarakter daşıyır. Reqlamentə əsasən, çempion komanda qitə birinciliyinin final mərhələsində iştirak etmək hüququ qazanacaq.
"Real"ın futbolçusu Arda Güler sabah Madrid təmsilçisində debüt edə bilər.
QOL.az İspaniya mətbuatına istinadən xəbər verir ki, bu barədə komandanın baş məşqçisi Karlo Ançelotti məlumat verib. O deyib ki, Türkiyə millisinin üzvü İspaniya kubokunda "Arandina"ya qarşı matçda start heyətdə oynaya bilər.
Qeyd edək ki, sabah keçiriləcək "Arandina" - "Real" görüşü yerli vaxtla 21:30-da (Bakı vaxtı ilə saat 00:30) başlayacaq.
Xatırladaq ki, ötən ilin yayında Madrid təmsilçisinə transfer olunan Arda zədə səbəbindən hələ də klubunda debüt edə bilməyib.
Ötən ilin ən yaxşı oyunçularının rəmzi komandası açıqlanıb.
“Qafqazinfo” xəbər verir ki, bu barədə Beynəlxalq Futbol Tarixi və Statistikaları Federasiyası (İFFHS) məlumat yayıb.
İFFHS-ə görə sözügedən rəmzi komandanı təqdim edirik:
Qapıçı: Ederson - Braziliya ("Mançester Siti")
Müdafiəçilər: Ruben Dias - Portuqaliya ("Mançester Siti"), Alfonso Deyvis - Kanada, Kim Min Jae - Cənubi Koreya (hər ikisi "Bavariya")
Yarımmüdafiəçilər: Cud Bellinqem - İngiltərə ("Real"), Kevin De Brüyne - Belçika, Rodri - İspaniya (hər ikisi "Mançester Siti"), Lionel Messi - Argentina ("İnter Mayami")
Hücumçular: Erlinq Haaland - Norveç ("Mançester Siti"), Harri Keyn - İngiltərə ("Bavariya"), Kilian Mbappe - Fransa (PSJ)
Portuqaliya millisinin və Səudiyyə Ərəbistanın "Əl-Nəsr" klubunun futbolçusu Kriştiano Ronaldu əfsanəvi Dieqo Maradonanın adını daşıyan mükafata layiq görülüb.
APA xəbər verir ki, bu barədə "Euro-Futbol.Ru" məlumat yayıb.
Hücumçu mükafatı ötən ilinin bombardiri kimi alacaq.
38 yaşlı portuqaliyalı 54 qola imza atıb.
Ondan sonra PSJ-nin hücumçusu Kilian Mbappe və hərəyə 52 qol vuran "Bavariya"nın hücumçusu Harri Keyn gəlir.
Ronaldo mükafatı yanvarın 19-da Dubayda keçiriləcək "Globe Soccer Awards" mərasimində alacaq.
Ronaldu beşqat “Qızıl top”un sahibidir.
Türkiyənin “Boluspor” klubu azərbaycanlı futbolçu Vüsal İsgəndərli ilə 1,5 illik anlaşma imzalayıb.
Bu barədə klubdan məlumat verilib.
Komandanın rəsmi saytında idmançımız barədə ətraflı təqdimat da yerləşdirilib.
Qeyd edilib ki, Vüsal İsgəndərli 3 noyabr 1995-ci ildə Füzuli şəhərində anadan olub. Futbola “Rəvan Bakı” infrastrukturunda başlayan İsgəndərli müvafiq olaraq “Simurq”, “Zirə” “Keşlə”, “A. Keçiörengücü”, “Sumqayıt” və “Eqnatiya” komandalarında çıxış edib.
Vurğulanıb ki, peşəkar karyerasında 211 matçda meydana çıxan İsgəndərli 31 dəfə fərqlənib. Həmçinin, İsgəndərli 3 dəfə Azərbaycan millisində çıxış edib.
İtaliyalı futbol məşqçisi Karlo Ançelotti “Real Madrid”in onun üçün son iş yeri olacağını açıqlayıb.
"Report" TASS-a istinadla xəbər verir ki, 29 dekabr 2023-cü ildə 64 yaşlı Ançelotti “Real”la yeni müqavilə imzalayıb. Sənədin müddəti 30 iyun 2026-cı ilə qədərdir.
“Bu mənim son işimdir. Karyeramı bitirəndə 2026-cı il ola bilər. Amma 2028-ci ilə qədər məşqçi olmaq istəyirəm. Çünki Madridi sevirəm, burada qalmaq istəyirəm. Bu, əldə edə biləcəyimiz uğurlardan asılı olacaq”, - deyə Ançelotti bildirib.
Qeyd edək ki, Ançelotti 2013-2015-ci illərdə “Real Madrid”ə rəhbərlik edib və 2021-ci ildə yenidən kluba qayıdıb.
Ueyn Runi “Birmingem”in baş məşqçisi vəzifəsindən istefaya göndərilib.
Bildirilir ki, Çempionşip təmsilçisi komandanın pis nəticələrinə görə ingiltərəli mütəxəssislə yolları ayırıb.
Ueyn Runi 2023-cü ilin oktyabrından “Birmingem”i çalışdırırdı.
Onun rəhbərliyi altında İngiltərə klubu 15 oyun keçirib, iki qələbə qazanıb, üç matçda uduzub və dörd oyunda heç-heçə edib.
Xatırladaq ki, “Birmingem” hazırda Çempionşip cədvəlində 20-ci yerdədir.
Mənbə: Championat.com
Bu gündən beynəlxalq idman yarışları ilə bağlı respublika idman federasiyaları (assosiasiyaları) üçün vergi güzəşti tətbiq ediləcək.
Bu, Prezident İlham Əliyevin tətbiqi barədə fərman imzaladığı Vergi Məcəlləsinə dəyişiklikdə əksini tapıb.
Qanuna əsasən, beynəlxalq, ölkələrarası idman yarışları ilə bağlı respublika idman federasiyaları (assosiasiyaları) tərəfindən verilən mükafatların tam dəyəri gəlir vergisindən azad edilib.
FIFA “Barselona”nı 2025-ci ildə ABŞ-də yenilənmiş formatda keçiriləcək klublararası dünya kubokuna dəvət etmək niyyətində deyil.
Gununsesi.info xəbər verir ki, bu barədə Sport.es məlumat yayıb.
Bildirilib ki, La Liqa 2025-ci il sözügedən turnirdə yalnız iki komanda ilə təmsil oluna bildiyindən və “Real Madrid”in artıq 2021/2022 mövsümünün Çempionlar Liqasının qalibi kimi ora çağırıldığından La Liqadan daha bir komanda çempionata qatıla bilər.
Lakin qurumla Kataloniya klubu arasında münasibətlərdə gərginlik olduğu üçün FIFA-nın “Barselona”nı turnirə dəvət etməyəcəyi vurğulanıb. Bu gərginliyə səbəb “Barselona” rəhbərliyinin Superliqa yaradılması layihəsini dəstəkləməsi ilə bağlı ola bilər.
Xatırladaq ki, klublararası dünya kubokunun yenilənmiş variantında 32 komanda iştirak edəcək: Avropadan 12, Cənubi Amerikadan altı, Afrika, Asiya və Şimali, Mərkəzi Amerika və Karib hövzəsindən (CONCACAF) dörd, Okeaniyadan isə bir klub təmsil olunacaq. Turnir ABŞ-də keçiriləcək.