“Botafoqo”nun futbolçusu Gilyermo Madruqonun qolu 2023-cü ilin ən yaxşı qolu olub.

Futbolçu ilin ən yaxşı qoluna görə FİFA-nın Puşkaş mükafatına layiq görülüb.

Madruqa Braziliya B Seriyasının 14-cü turunun matçında “Novorizontino”ya (1:0) cərimə meydançasının kənarından aşırma zərbə ilə qol vurub.

Əfsanəvi argentinalı futbolçu Diyeqo Armando Maradonanın oğlu atasının öldürüldüyünü bildirib.

APA-nın “Marca”-ya istinadən verdiyi xəbərə görə, oğul Diyeqo Maradona hesab edir ki, atasını öldürüblər.

Diyeqo Maradona qeyd edib ki, bununla bağlı fikri var, lakin istintaq davam edir, buna görə açıqlaya bilməz:

“Onlar nə isə etməyin mümkün olduğu zaman atamı taleyin ümidinə atıblar”.

Qeyd edək ki, Diyeqo Armando Maradona 25 yanvar 2020-ci ildə ürək tutmasından vəfat edib. Həkimlər ölümün səbəbinin kəskin ağciyər ödemi olduğunu açıqlayıblar. Polis futbolçunun şəxsi həkimi və Maradonanın öldüyü gün növbədə olan tibb bacısının səhlənkarlığından şübhələnir və bununla bağlı istintaq aparılır.

Türkiyədə təlim-məşq toplanışında olan “Sabah” bu gün ikinci yoxlama görüşünü keçirib.

“Report”un məlumatına görə, Premyer Liqa təmsilçisi Ukraynanın “Vorskla” klubu ilə qarşılaşıb.

Murad Musayevin rəhbərlik etdiyi komanda meydançanı böyükhesablı məğlubiyyətlə tərk edib. Ukraynalılar 3 cavabsız qol sayəsində 3:0 hesablı qələbə qazanıblar.

Qeyd edək ki, “Sabah” Antalyadakı ilk sınaq matçında “Rapid”ə (Rumıniya) 2:1 hesabı ilə qalib gəlib.

Məşhur futbolçu Lionel Messinin də formasını geyindiyi "İnter Mayami"nin səfərdə “Los-Anceles Qalaksi”yə qarşı keçirəcəyi matç böyük marağa səbəb olub.

Bizim.Media xəbər verir ki, bu barədə AS məlumat yayıb.

Sözügedən görüşün biletləri cəmi 6 dəqiqə ərzində satılıb. İndi satışda yalnız ön cərgə üçün biletlər qalıb. Bu biletlərin qiyməti isə 1500 dollardır.

Qeyd edək ki, “Los-Anceles Qalaksi” - "İnter Mayami" matçı fevralın 6-da keçiriləcək.

Hobartda keçirilən WTA 250 turnirində final görüşü baş tutub.

Publika.az xəbər verir ki, titul uğrunda mübarizədə 22 yaşlı amerikalı Emma Navarro təcrübəli belçikalı Elise Mertensi məğlub edərək karyerasının ilk titulunu qazanıb. Dünya reytinqinin yeni buraxılışında Navarro ilk 30-luqda debüt edəcək.

Qeyd edək ki, Emma Navarro Çarlstondakı turnirin sahibi milyarder Ben Navarronun qızıdır.

Bu, Mertensin 13-cü WTA finalı və beşinci məğlubiyyəti olub.

Final

Emma Navarro (ABŞ) – Elise Mertens (Belçika) – 6:1, 4:6, 7:5

Fransa yığması və PSJ-nin hücumçusu Kilian Mbappenin anası Fayza Lamari oğlunun ona nə qədər maaş verdiyini açıqlayıb.
Tribunainfo.az bu barədə “Le Parisien” nəşrinə istinadən xəbər verir.
Fayzanın dediyinə görə, o, oğlunun gəlirinin bərabər şəkildə bölüşdürülməsini istəyib, lakin onlar 30 faizlə razılaşıblar.
“Mən ona bölgünün 50/50 olacağını bildirdim, lakin biz 30%-lə razılaşdıq. Mən ona dedim ki, 30%-dən aşağı işləməyəcəyəm. Təqaüdə çıxmaq və başqalarının etdiyini – işləmək əvəzinə Maldiv adalarına tətilə getmək daha yaxşıdır”, deyə Mbappenin anası bildirib.
Qeyd edək ki, Kilianın anası yeniyetmələrə kömək edən “Inspired by Kylian Mbappé” fondunu idarə edir.

Braziliya millisinin yeni baş məşqçisi Dorival Junior ulduz hücumçu Neymarın 2024-cü ildə keçiriləcək Amerika Kubokunda iştirakının sual altında olmasını şərh edib.

Fanat.az xəbər verir ki, “Globo” təyinatı bu həftə reallaşan çalışdırıcının dediklərini belə çatdırıb:

“Braziliya Neymarsız oynamağı öyrənməlidir, çünki indi o, zədəlidir. Amma biz dünyanın ən yaxşı 3 oyunçusundan birinə sahibik. O, sağaldıqdan sonra ona arxalanacağıq”.

Xatırladaq ki, Neymar oktyabrda beynəlxalq fasilə zamanı çarpaz bağ və meniskindən ağır zədə alıb və bu səbəbdən əməliyyat olunub. Beləliklə, uzun müddətə sıradan çıxan braziliyalı yeni klubunda – 90 milyon avroya başa gəldiyi Səudiyyə Ərəbistanı “Əl-Hilal”ında cəmi 5 oyun keçirib (1 qol + 3 məhsuldar ötürmə).

Azərbaycan çempionatında bir-birinə yumruq vuran futbolçular cəzalandırılıblar.

Bu, AFFA Region Liqası matçına təsadüf edib.

Belə ki, "Balakən” - "Goranboy Qala” görüşünün 57-ci dəqiqəsində birincilərin oyunçusu Ariz Teymurlu ilə ikincilərin üzvü Xəyal Qasımov əlbəyaxa olduqları üçün AFFA İntizam Komitəsi tərəfindən dördoyunluq diskvalifikasiyaya məruz qalıblar.

Bundan başqa, AFFA U-13 Liqasının EFA ilə görüşündə hakimi təhqir edən "Xəzər Bakı” komandasının baş məşqçisi Cəlal Həsənli üçoyunluq cəza ilə üzləşib.\\Report

SSRİ yığma komandasının məşhur qapıçısı Rinat Dasayev “Matç TV”-yə 1986-cı ildə Meksikada dünya çempionatında başına gəlmiş hadisəni danışıb.

Azpost.info-nun məlumatına görə, R.Dasayev deyib ki, çempionatın keçirildiyi Meksikada şərait pis deyildi. “Amma yemək özünəməxsus idi. Rus mətbəxindən istifadə etməyə cəhd edirdik. Amma yenə də yerli mətbəxin acı yeməklərəindən qaçmaq olmurdu. Mən meyvə yedim və allergiya tutdum. Oyunun başlanmasına bir gün qalmış xəstəxanaya apardılar. 12 saat iynə -sistemin altında yatdım”.

Həmin çempionatda keçirilmiş SSRİ- Macarıstan oyunu barədə danışan Dasayev deyib ki, rəqibə qarşı meydanda pressinq etmək əsas hədəf kimi qoyulmuşdu: “Topu tez almaq və qol vurmaq. Belə də elədik. Macarların küncdən zərbə nəticəsində başla cəmi bir zərbəsi yadda qaldı. Qalan oyun biizm diqtə altında keçdi. Bütün qollar gözəl vuruldu”.

Həmin oyunda SSRİ Macarıstana 6 top vurmuşdu. 1986-cı il çempinatında SSRİ səkkizdə bir finala çıxa bilmişdi. Burada əlavə vaxtda Belçikaya məğlub olmuşdu.

Rinat Dasayev sovet futbolunun populyar adlarından sayılır. Özünün müxtəlif vaxtlarda verdiyi müsahibələrində maraqlı məsələlərə toxunub.

Dasayevin müsəlman valideynləri onu dini inanclarının ciddi ənənələri altında böyüdüblər. Qitə Xokkey Liqasının rəsmi saytına müsahibəsində Dasayev demişdi ki, uşaqlıqdan bəri inanclı insan olub və oyunlar zamanı həmişə “Quran” kitabını özü ilə götürüb.

Komanda yoldaşları, məşqçilərin ağlına da gəlmirdi ki, Rinatın ehtiyat əlcəkərinin olduğu çantada mollanın ona hədiyyə etdiyi “Quran” kitabını saxlayır.

Məşqçi Konstantin Beskov Dasayevin inancına hörmət edərək onu bayram günlərində məscidi ziyarət etməsinə icazə verirdi.

Amma məşhur idmançıların dini görüşlərini açıq nümayiş etdirməsi sovet vaxtı bəyənilmirdi. Bununla bağlı Dasayevin Dövlət Təhlükəsizliyi Komitəsinə də çağırıblar. Düzdür, idmançı töhmət və xəbərdarlıqla canını qurtara bilmişdi: “Sən başa düşməlisən ki, əgər Qərbdə qəzetlər bu barədə yazsalar böyük qalmaqal qopacaq. Düşmən radioları bunu bütün dünyaya yayacaq”-deyə DTK-nın zabiti ona demişdi.
“Ailəm inanclı idi. Mən özüm də uşaq vaxtından inanclı böyümüşəm. Evdə həmişə “Quran” olub. Həmişə mənə kömək olub. Komandada hamı bilirdi ki, mən məscidə gedirəm. Sovet vaxtında buna yaxşı baxmırdılar. Bir dəfə yüksək vəzifəli məmur mənə dedi: “Mənə məscidə getmək olar, sənə yox- Ona görə ki, sən hamının gözü qarşısındasan”-deyə əfsanəvi qapıçı deyib.

“O zaman çox şey eləmək olmazdı. Məsələn, məşq zamanı zarafat etmək olmazdı”-deyə Dasayev bildirib.

Cəzadan qurtulmasına qapıçıya ümumxalq məhəbbəti rolunu oynamışdı.

Rinat məscidə getməyə davam edirdi. Amma çalışırdı ki, adamların az olduğu zamana təsadüf etsin.

“Quran”ın olduğu çantasını isə İspaniyada oyunların birində oğurladılar. Qələbə qazandıqdan sonra bir -birini təbrik edən zaman Dasayevin qapıdan uzaqlaşması orada qoyduğu çantanın oğurlanması ilə nəticələnib. Ondan sonra Dasayev final fitinə qədər çantasını əlindən buraxmırdı.

Rinat Dasayev Avropa Çempionatının gümüş mükafatçısı, Olimpiya oyunlarının bürünc mükafatçısı, ikiqat SSRİ çempionu olub.

Məşhur qapıçı ötən il 65 yaşını qeyd edib.