 |
|
|
Futbol üzrə Seneqal yiğmasının, Avropanın Liverpul, Bavariya klublarının sabiq üzvü, hazırda Səudiyyə Ərəbistanının "Əl-Nasr" klubunun (Kristiano Ronaldonun komanda yoldaşı) 31 yaşlı üzvü, xeyirxah işləriylə bütün dünyaya səs salan Sadio Mane:
"Eyş-işrətdən uzağam. Çünki belə tərbiyə görməmişəm.
Anam məni çətin şərtlərdə böyüdüb. Ayağıyalın dərsə gedirdim, ayaqqabı belə almağa pulumuz olmurdu. Vaxtımı gecə klublarında keçirəcəyimi, insanlara faydalı olmağı çalışıram.
100 gül, bahalı maşın, briliyant qaşlı üzük alıb bir xanımı bir gecəlik "xoşbəxt" edəcəyimə, Seneqalda bir su
quyusu açdırıb, yüzlərlə ailəyi xoşbəxt etməyi üstün tuturam"
P.S.Sadio Mane Seneqalda yaşadığı, böyüyüb başa çatdığı doğma Banbalı kəndini də unutmur.Belə ki, 31 yaşlı Mane doğma kəndində- xəstəxana, məktəb, stadion tikdirib.
Yollar çəkdirib, kənd üçün nə lazımdırsa edib.Hər ailəyə ayda 100$ birbaşa kömək olur. Yaxşı göstəricilərlə ali məktəbə daxil olanlara təqaüd, notebook və digər hədiyyələr verir. İllik qazancı 40 milyon $ olan Manenin sadə həyat tərzi var.O həmişə deyir ki, pul məni qudurtmadı.Çox şey insanın özündən asılıdır.
Qabil Osmanlı
Əntiqə Rəşid Aslan
Britaniyalı müğənni Robbi Uilyams İngiltərənin “Port Vale” futbol klubunun prezidenti olub.
Bu barədə komandanın mətbuat xidməti “X” sosial şəbəkəsində məlumat yayıb.
Qeyd olunur ki, Uilyams əslən sözügedən klubun yerləşdiyi Stok-on-Trent şəhərindəndir və uzun müddətdir komandanın azarkeşidir.
“Mənim həyatım qeyri-adi və gözəldir. Klub prezidenti vəzifəsini əldə etmək isə xüsusi bir hissdir”, - deyə musiqiçi bildirib.
Mənbə: iz.ru
Yurgen Klopp "Liverpul"dan ayrılmaq barədə qərar verib.
Bu barədə klubun yaydığı rəsmi açıqlamada bildirilib.
Almaniyalı mütəxəssis bu mövsümün sonunda klubdan ayrılacağını elan edib. O, bununla bağlı açıqlama da yayıb.
Açıqlamada bildirilib: “Mən başa düşürəm ki, bu xəbəri ilk dəfə eşidəndə çoxunuz şoka düşəcəksiniz. Amma açıq-aydın bunu izah edə bilərəm. Mən bu klubla bağlı hər şeyi sevirəm - şəhəri, azarkeşləri, komandanı, onun personalını... Amma hər halda bu qərarı verməyim o deməkdir ki, mən əminəm ki, bu, mənim verməli olduğum qərardır.
İş ondadır ki, necə deyim, enerjim tükənir. İndi heç bir problemim yoxdur. Əlbəttə, nə vaxtsa bunu elan etməli olacağımı çoxdan bilirdim. İndi tamamilə yaxşıyam. Bilirəm ki, bu işi təkrar-təkrar görə bilmərəm".
Xatırladaq ki, Klopp 2015-ci ilin oktyabrından "Liverpul"a başçılıq edir. Onun rəhbərliyi altında "qırmızı"lar Çempionlar Liqası, İngiltərə çempionatı, İngiltərə kuboku və Liqa kuboku, UEFA superkuboku və klublararası dünya çempionatında qalib olublar.
Bundesliqanın 19-cu turunun “Volfsburq” – “Köln” matçında xoşagəlməz hadisə hadisə yaşanıb.
15-ci dəqiqədə “Köln”ün müdafiəçisi Maks Finqrefenin topa vurduğu zərbə səhvən yan xətt hakimi Torben Sieverin üzünə dəyib. Zərbə o qədər güclü olub ki, laynsman yerə yıxılıb və uzun müddət ayağa qalxa bilməyib.
Həkimlər Sieverə kömək etməyə çalışıblar. İlkin tibbi yardım bir neçə dəqiqə çəkib. Yalnız bundan sonra o ayağa qalxıb. Ancaq oyuna davam edə bilməyib. Əməkdaşların köməyi ilə stadiona tərk edib. Onun xəstəxanaya aparıldığı bildirilir.
Əvəzində ehtiyat hakim Nikolas Vinter laynsman funksiyasını yerinə yetirib. Dördüncü hakimi isə tribunada əyləşən azarkeş əvəz edib.
Münhen “Bavariya”sı səfərdə çətin qələbə qazandı -
Almaniya Bundesliqasının XVIII turunda “Auqsburq” evdə Münhenin “Bavariya” klubunu qəbul edib.
Gərgin keçən oyun Münhen təmsilçisinin qələbəsi ilə bitib - 2:3
Bu qələbədən sonra 47 xal toplan “Bavariya” turnir cədvəlində ikinci sırasında qərarlaşıb. Turnir cədvəlinin birinci sırasında isə Leverkuzenin “Bayer” klubu qərarlaşıb.
“Auqsburq” - “Bavariya” - 2:3
“Real Madrid” futbol üzrə İspaniya çempionatının 22-ci turunun matçında “Las-Palmas”ı məğlub edib.
Las-Palmas-de-Qran Kanariyada keçirilmiş görüş 2:1 hesabı ilə qonaqların xeyrinə başa çatıb.
Meydan sahiblərinin heyətində 53-cü dəqiqədə Xavyer Munyos fərqlənib. 12 dəqiqə sonra Vinisius Junior hesabı bərabərləşdirib, Orelyen Tçuameni isə 84-cü dəqiqədə paytaxt klubunu hesabda önə keçirib.
“Real Madrid” (54 xal) La Liqanın turnir cədvəlində birinci yerdədir. Madridlilər çempionatdakı məğlubiyyətsizlik seriyasını 15 matça çatdırıb. “Las-Palmas” (31) səkkizinci yerdədir.
Növbəti turda “kral klubu” fevralın 1-də “Xetafe” ilə səfərdə, “Las-Palmas” isə fevralın 3-də səfərdə “Qranada” ilə qarşılaşacaq.
“Real Madrid” futbol üzrə İspaniya çempionatının 22-ci turunun matçında “Las-Palmas”ı məğlub edib.
Las-Palmas-de-Qran Kanariyada keçirilmiş görüş 2:1 hesabı ilə qonaqların xeyrinə başa çatıb.
Meydan sahiblərinin heyətində 53-cü dəqiqədə Xavyer Munyos fərqlənib. 12 dəqiqə sonra Vinisius Junior hesabı bərabərləşdirib, Orelyen Tçuameni isə 84-cü dəqiqədə paytaxt klubunu hesabda önə keçirib.
“Real Madrid” (54 xal) La Liqanın turnir cədvəlində birinci yerdədir. Madridlilər çempionatdakı məğlubiyyətsizlik seriyasını 15 matça çatdırıb. “Las-Palmas” (31) səkkizinci yerdədir.
Növbəti turda “kral klubu” fevralın 1-də “Xetafe” ilə səfərdə, “Las-Palmas” isə fevralın 3-də səfərdə “Qranada” ilə qarşılaşacaq.
Azərbaycanın fiqurlu konkisürən Səbinə Əliyeva dünya çempionatına vəsiqə qazanıb.
Azərbaycan Qış İdman Növləri Federasiyasından AZƏRTAC-a verilən məlumata görə, idmançımız bu uğuru Türkiyənin İzmir şəhərində keçirilən “Ephesus Cup” yarışında əldə edib.
Belə ki, S.Əliyeva 128,27 xal toplayaraq digər rəqiblərini geridə qoyub və ikinci yerə sahib olub. O, bununla yeniyetmələr arasında fiqurlu konkisürmə üzrə dünya çempionatında iştirak hüququ qazanıb.
Qeyd edək ki, dünya çempionatı fevralın 26-dan martın 3-dək keçiriləcək.
“Qarabağ” futbol klubu rəsmi himnini təqdim edib.
Yenicag.az xəbər verir ki, 2022-ci ildə çalışmalarına start verilən himnin söz və musiqi müəllifi Rüzgar Əhmədzadədir.
Himn 17 İyun 2023-cü il tarixində Azərbaycan Dövlət Akademik Filarmoniyasında Üzeyir Hacıbəyli adına Azərbaycan Dövlət Simfonik Orkestri və Dövlət Xor Kapellası tərəfindən ifa olunub və səsyazması baş tutub.
Azərbaycan minifutbol millisi dünya reytinqində ikinci yerə yüksəlib.
Elşad Quliyevin rəhbərlik etdiyi komanda üç pillə irəliləyərək buna nail olub.
Yığmamızın hesabında 3 000 xal var. Dünya Minifutbol Federasiyasının (WMF) açıqladığı yeni reytinq cədvəlinə 4 125 xalla Rumıniya başçılıq edir. İlk üçlüyü Macarıstan (2 600 xal) qapayır.
Qeyd edək ki, Rumıniya son dünya, Azərbaycan isə Avropa çempionudur.
“Arsenal” ın futbolçusu Emil Smit Rou karyerasını Türkiyə Super Liqasında davam etdirə bilər.
Fanat.az xəbər verir ki, informasiyanı “Takvim” yayıb.
Xəbərə görə, ingiltərəli yarımmüdafiəçi “Qalatasaray”ın diqqət mərkəzindədir.
“Transfermarkt” portalı 23 yaşlı futbolçunun transfer qiymətini 25 milyon avro ilə dəyərləndirir.
Qeyd edək ki, sözügedən oyunçu cari mövsüm “Arsenal” forması ilə 13 rəsmi matça çıxaraq 1 məhsuldar ötürmə ilə yadda qalıb.