"Çelsi"nin baş məşqçisi Maurisio Poçettino vəzifəsindən azad edilib.

Məlumata görə, mayın 21-də Poçettino klubun idman direktorları Pol Uinstenli və Lourens Stüart, eləcə də klubun ortaq sahibi Behdad Eqbali ilə görüş keçirib və nəticədə argentinalı mütəxəssisin postunu tərk etməsi qərara alınıb.

Qeyd edək ki, hazırda London klubu İngiltərə Premyer Liqasında sona bir tur qalmış 63 xal toplayaraq altıncı yeri tutur.

Mənbə: championat.com

“Real”ın almaniyalı futbolçusu Toni Kross karyerasını bitirdiyini açıqlayıb.

Oyunçu bu barədə öz instaqram hesabında yazıb.

O, “Real”da çıxış etdiyi vaxtları həyatının ən uğurlu dönəmləri olduğunu bildirib: “17 iyul 2014-cü il – “Real”da təqdimat günüm, həyatımı dəyişdirən gün. Futbolçu kimi həyatım – amma xüsusilə insan kimi… Bu, dünyanın ən böyük klubunda yeni bir fəslin başlanğıcı idi. 10 ildən sonra mövsümün sonunda bu fəsil başa çatır. Mən o uğurlu vaxtı heç unutmayacağam! Məni açıq ürəklə qarşılayan və güvənən hər kəsə xüsusi təşəkkürümü bildirirəm. Ancaq xüsusilə, əziz Madridistlər, ilk gündən sona qədər göstərdiyiniz məhəbbət üçün sizə təşəkkür etmək istərdim. Eyni zamanda, bu qərar o deməkdir ki, aktiv futbolçu kimi karyeram bu yay Avropa çempionatından sonra başa çatacaq. Həmişə dediyim kimi “Real” mənim son klubumdur. Mən xoşbəxtəm və qürur duyuram ki, qərarım üçün düzgün vaxt tapdım.Mənim ambisiyam həmişə karyeramı yaxşı çıxışımın zirvəsində bitirmək olub”.

Bu gün Türkiyə Superliqasında İstanbul derbisi keçirilib.

37-ci turda "Qalatasaray" evdə "Fənərbaxça"nı qəbul edib. "Rams Qlobal Stadionu"nda oynanılan görüş "Fənərbaxça"nın 1:0 hesablı qələbəsi ilə başa çatıb.

İsmayıl Kartalın komandası 21-ci dəqiqədən azlıqda qalsa da, səfər matçını qələbə ilə başa vurub. Oyunda yeganə qolu 71-ci dəqiqədə Çağlar Söyüncü vurub.

"Qalatasaray" - "Fənərbaxça" - 0:1

Qol: Söyüncü, 71

Qırmızı vərəqə: Aleksandr Djiku, 21 ("Fənərbaxça")

Baş hakim: Arda Kardeşlər

"Rams Qlobal Stadionu"

Bugünkü oyun çempionluğ baxımından da əhəmiyyət daşıyırdı. "Qalatasaray" bu görüşdə uduzmasa, çempionluğu rəsmiləşdirəcəkdi. Ancaq "Fənərbaxça" qələbə qazanmaqla çempionatda intiriqanı son tura qədər saxlayıb. Bununla belə, növbəti turda da "Fənərbaxça"nın çempion olması öz əlində deyil. Hazırda "Qalatasaray" 99 xalla lider, "Fənərbaxça" isə 96 xalla 2-cidir.

Mövsümün son turunda "Fənərbaxça" "İstanbulspor"u qəbul edəcək. "Qalatasaray" isə "Konyaspor"un qonağı olacaq. Hər iki görüş mayın 26-da keçiriləcək. "Qalatasaray"a çempionluq üçün 1 xal kifayətdirsə, "Fənərbaxça" qalib gəlməli və "Qalatasaray"ın uduzmasını gözləməlidir.

Arda Gülər İspaniya La Liqasında növbəti qolunu vurub.

Offsideplus.az xəbər verir ki, türk ulduz bu dəfə "Vilyarreal"la oyunda fərqlənib.

Qolu təqdim edirik:

“Mançester Siti” ardıcıl dördüncü dəfə futbol üzrə İngiltərə çempionu olub.

APA xəbər verir ki, “şəhərlillər” Premyer Liqanın 38-ci turunda “Vest Hem Yunayted” komandasını məğlub etməklə buna müvəffəq olublar.

“Etihad Stadium”da baş tutan oyun 3:1 hesabı ilə meydan sahiblərinin xeyirinə başa çatıb.

Beləliklə, İngiltərə çempionatında mövsümün sonunda “Mançester Siti” 91 xalla çempion olub.

Komanda 10 dəfə İngiltərə çempionluğunu yaşayıb.

Bununla da “şəhərlillər” ardıcıl dörd dəfə İngiltərə çempionu olan ilk klub olub.

Ukraynalı boksçu Oleksandr Usik ötən gecə ingiltərəli Tayson Fyurini məğlub edərək, ağır çəkidə mütləq dünya boks çempionu oldu. O, əvvəl qazandığı WBA Super, IBF, WBO, IBO və The Ring versialarda dünya çempionu kəmərlərinə WBC dünya çempionu adınnı əlavə etdi.
Çempion titulu uğrunda döyüş Ər-Riyad şəhərində, 19.05.24-də keçirilib.
Aleksandrın boyu 190 sm, çəkisi 100 kqdır, Tayson Fyurinin parametrləri 206 sm, 120 kqdır. Yəni çəkidə və bəlkə də qollarının uzunluğunda Usik rəqibinə uduzur. Amma hər şey çəkiylə, maddiyytala ölçülmür, gözlənilən kimi olmur.
Məsələn, 1988 təvəllüdlü Tayson vaxtından 3 ay tez doğulub və çəkisi cəmi 450 qram olub. Altıaylıq, zəif körpənin öləcəyini gözləyirdilər, amma atası uşağın yaşayacağına və döyüşçü olacağına inanırdı, ona görə də adını məşhur çempionun şərəfinə Tayson qoydu. Tayson ölmədi, böyüdü, gücləndi və çempion oldu...
Şərq, o cümlədən əlbəyaxa döyüş fəlsəfəsində belə bir paradoksal fikir - deyim var, əvvəllər də yazmışam, bir də deyim. Güclü özündən zəifləri məğlub edir, daha güclünün əlində ölür. Zəif özündən güclüləri məğlub edir və onun gücü ölçüyəgəlməz.
Təbii ki, bu fikri "zəif özündən güclüləri həmişə məğlub edir" kimi anlamağa dəyməz. Amma doğrudan da zəiflərin gücü bəzən ölçüyə gəlmir və bunu təsdiqləyən misallar yetərincədir.
Elə o fəlsəfə kitabında yazılıb ki, bütün döyüş növləri, o cümlədən qılınc, nizə, xəncər, şeşpər, toppuz döyüşləri, habelə cu-do, aykido, karate və b. döyüşlərinin eyni qanunauyğunluq və qanunları var.
Bu deyimi həm tərəflərin gücü çox fərqli olan Rusia-Ukrayna müharibəsinə, həm də Azərbaycanda gedən demokratik mübarizə, demokratik düşərgə və jurnalistlərinin apardığı ideoloji müharibə və söz savaşına da aid edirəm.
Bizə zor edərək beynimizə yeritməyə çalışırlar ki, zor və pul dünyada ən böyük gücdür, hər şeyi pul həll edir, korrupsia bütün dünyada var, sevgi-məhəbbət yoxdur, seks var, kişiylə qadın arasında ancaq əmtəə-pul tədavülü var, ədalət isə nəinki Azərbaycanda, dünyada da yoxdur, ancaq axirətdə görəcəksiniz ədaləti, oğurluq puldan 5-3%-ni nəzir verib, məscid tikib, yəni Allaha rüşvət verib axirət qazanmaq olar və b. belə səfsətə şeylər.
Çox adam buna inanıb ya da özünü inanmış kimi göstərib və ağıllı-ağıllı danışaraq, bu murdar "fəlsəfə"nin və ideologiyanı müddəalarıyla yaşayır. Adam buna, nəqədər zəngin olsa da həyat demək olarmı?
Mən inanmıram və heç kimdə məni inandıra bilməz ki, pul və zor, nəqədər böyük olur-oldun, Quranda yazılanı təkzib edə bilər. Sovet hökuməti boyda və gücdə hökumət Quranla, İncillə bacara bilmədi,dağıldı. 70 ilə dağıldı, amma dağıldı ki?..
Çingiz Sultansoy
TEREF

Tanınmış karateçi Rafael Ağayev Ginnesin Rekordlar Kitabına düşüb.

Karatenin “Qara brilliant”ı fərdi yarışlarda ən çox dünya çempionu olan idmançı kimi kitaba əlavə olunub.

Xatırladaq ki, o, 2006-2016-cı illərdə fərdi karate (Kumite) üzrə 5 dəfə dünya çempionu olub.

Ağayev karate üzrə -70 kq-da iki (2006 və 2008), iki dəfə -75 (2010 və 2016) və bir açıq çempionluq (2008) qazanıb. O, həmçinin iki gümüş və iki bürünc olmaqla ümumilikdə doqquz dünya çempionatı medalı qazanıb.

75 kiloqram çəki dərəcəsində karatenin kumite növü üzrə Rəfael Ağayev 2015 Avropa Oyunlarında ilk görüşü ukraynalı İlya Nikulinə 3:0 hesabı ilə qalib gəlib. İdmançı ikinci görüşdə türkiyəli Erman Eltemura 3:5 hesabı ilə məğlub olub. Qrupun son görüşündə latviyalı Ruslan Sadıqova 3:1 hesabı ilə qalib gələn Rəfael Ağayev yarımfinala yüksələ bilib. O, yarımfinalda Almaniya idmançısı Noah Bitchini 1:0 hesabı ilə məğlub edərək final görüşünü İtaliya idmançısı Luici Busa ilə keçirib. O, görüşün son saniyələrində fərqlənərək birinci Avropa Oyunlarının çempionu adını qazanıb, qızıl medala sahib olub. \\Bakupost.az

Kilian Mbappe rəsmi olaraq “Real Madrid”in futbolçusu kimi təqdim olunmaq üzrədir.

Fanat.az xəbər verir ki, bu barədə yeni məlumatı İspaniyanın “Marca” nəşri yayıb.

Xəbərə görə, Madrid klubu ulduz futbolçunun transferini Çempionlar Liqasının finalından sonra təsdiqləmək niyyətindədir. Məlum olduğu kimi, “Borussiya Dortmund”la “Uembli”də keçiriləcək matç iyunun 1-də baş tutacaq.
Konkret, İspaniya nəhəngi gələn həftə Mbappenin rəsmi təqdimatını reallaşdırmaq istəyir. Bu, iyunun 3-9-u aralığına planlaşdırılıb. Belə ki, forvardın AÇ-2024-ə qədər “Santiaqo Bernabeu”ya gələcəyi gözlənilir.

Qeyd edək ki, iyunun 5-də və 9-da Fransa millisi yoldaşlıq oyunları keçirəcək. Almaniyadakı yarışa başlamazdan əvvəl Didye Deşamın komandası Lüksemburq və Kanada ilə qarşılaşacaq.

Portuqaliya millisinin hücumçusu Kriştiano Ronaldo "Forbes"ə görə ilin ən çox qazanan idmançıları siyahısında birinci yeri tutub.

Redaktor.az xəbər verir ki, bu barədə nəşrin saytında məlumat verilir.

Futbolçu 260 milyon dollar qazanıb. Bunun da 200 milyonunu klubdan maaş olaraq alıb. Reytinqdə ikinci yeri ispan qolfçu Jon Rahm (218 milyon) tutub. Üçüncü yerdə “İnter Mayami” və Argentina millisinin hücumçusu Lionel Messi qərarlaşıb. O, 135 milyon qazanıb.

Ötən il Ronaldo da ən çox maaş alan idmançı olub. Həmin il o, 275 milyon dollar qazanıb.

İtaliyalı jurnalist, “Tuttosport” qəzetinin direktoru Qvido Vaçaqo İtaliya Kubokunun finalından sonra “Yuventus”un baş məşqçisi Massimiliano Alleqrinin onu təhqir edərək hədələdiyini açıqlayıb.

Fanat.az xəbər verir ki, Qvido Alleqrinin ona dediyi sözləri “Tuttosport”da dərc edib:

“Zibil direktor! Bəli, sən məzlum direktorsan. Öz qəzetinizdə cəmiyyətin sizə diktə etdiyini yox, həqiqəti yazın! Oxucularınızla aldatmağı dayandırın.

Qulaq as, mən səni tapmaq üçün hara gələcəyimi, səni harada gözləyəcəyimi bilirəm. Gəlib sənin qulaqlarını qoparacam. Gəlib səni sifətindən vuracam. Qəzetdə həqiqəti yazın”.

Qeyd edək ki, həlledici matçda “Yuvenstus” “Atalanta”nı 1:0 hesabı ilə məğlub edib.