“Financial Times” qəzeti Qərbin sanksiyaları altında olan Rusiyanın idxalsız yaşamağa necə öyrəşməsindən yazıb.


“AzPolitika.info” “Azadlıq radiosunun tərcümə etdiyi məqaləyə istinadla xəbər verir ki, Qərb ölkələrindən Rusiyaya idxal azalıb, amma kəsilməyib. Məqalədə kdeyilir ki, bu ilin avqustunda İstanbulda otelə gələn, rusca danışan bir qrup kişinin beş çamadanlıq yükü Avstriyadan alınmış peşəkar elektronika məhsulları idi. Bu məhsulların istehsalçısı olan Qərb brendi Ukraynanı işğal edən Rusiyanı boykot qərarı verib.

Oteldə bu şəxsləri qarşılayan Stanislav deyib ki, həmin malların heç də hamısını şəxsi istifadəsi üçün almayıb. O, çamadanları gətirənlərlə nahar edib, daha sonra yüklə birlikdə Moskvaya yola düşüb.

Qəzet Stanislavın əslində Avropadan daha həssas məhsulları yük maşınları ilə daşımaqla məşğul olduğunu yazır. Söhbət tikinti sektorunda, ağır sənaye üçün maşınqayırmada istifadə olunan materiallardan gedir.

“Financial Times” Stanislav kimi rusiyalı idxal-ixrac mütəxəssislərinin sayının getdikcə artdığını yazır. Onlar boşluqlar taparaq məhsulları gömrükdən keçirirlər.

Bu gizli bazarın iştirakçılarını danışdıran qəzet cəlbedici, ancaq eyni zamanda proqnozlaşdırılması çətin, qeyri-sabit ticarəti üzə çıxarıb. Axı Qərbin sanksiyaları Rusiyanın təchizat zəncirini pozub. Nəticədə bir çox şirkət vacib xarici məhsulları, ehtiyat hissələri əldə etməyin yollarını axtarır.

Qəzet yazır ki, martda çox ağır sanksiyalar açıqlananda bəzi iqtisadçılar Rusiya iqtisadiyyatının sürətlə çökəcəyini, hətta 30 faizədək kiçiləcəyəni proqnozlaşdırırdılar. Ancaq bu baş vermədi, çünki ölkəyə neft-qaz gəlirləri axırdı və rubl tezliklə dirçəldi.

Ancaq qəzet fərqli bir tendensiyanın getdiyini yazır – dramatik azalma olmasa da, Rusiyanın istehsal gücü davamlı deqradasiyaya uğrayır. İqtisadçılar bunun Rusiyanı onillərlə geri atdığını deyirlər. Belə ki, ölkə müasir iqtisadiyyatı idarə etməyə çalışır, asılı olduğu komponentləri, xammalı, texnologiyaları idxal edə bilmir.

Rusiyanın ticarət tərəfdaşlarının datası müharibə başlayandan ölkənin idxalının 20-25 faiz azaldığını göstərir.
Ətraflı

“Dərman, kimyəvi məhsullar istehsalı, maşınqayırma, metallurgiya, mədən sənayesi... Rusiyada elə bir sənaye sahəsi tapmaq olmaz ki, azı 50 faiz idxaldan asılı olmasın”, – Beynəlxalq Maliyyə İnstitutunun iqtisadçısı Elina Ribakova deyib.

Sanksiyalar altında olan bir rusiyalı oliqarxın fikrincə, həyat daha sadə, pul az olacaq, adamlar daha azla işləməyi öyrənəcəklər.

“Sosiskada daha çox kağız olacaq”, – deyən oliqarx belə bir vəziyyətin 15-20 il, “Prezident Vladimir Putin ölənəcən” davam edə biləcəyini söyləyib.

Mayda ötən ilin eyni ayı ilə müqayisədə ABŞ-dan Rusiyaya ixrac 85 azalıb. Bu ilin iyun-avqust aylarında isə Rusiya 2021-ci illə müqayisədə aya 4.5 milyard dollar az idxal gerçəkləşdirib.

Ancaq bütün bunlara baxmayaraq, iqtisadiyyatla bağlı ən bədbin proqnozların düz çıxmaması ixrac gəlirlərinin güclü qalması ilə izah olunur. Rusiya getdikcə öz neftinə alternativ alıcılar tapır.

Bu il Rusiyada ÜDM-də 3.5-5.5 faizlik azalma proqnozlaşdırılır.

Məqalədə Rusiyanın indiki durumu keçmiş Sovet İttifaqı ilə müqayisə olunur. O zaman FSB casusları vasitəsilə, üçüncü ölkələrdə texnologiyanı əldə edirdi. Rusiya hökumətinin qəbul etdiyi qanun isə bəzi texnologiya məhsullarının brendin icazəsi olmadan gömrükdən keçməsinə icazə verir.

Bu il Rusiyaya bu yolla 20 milyard dollarlıq məhsul idxal oldunduğu bildirilir. Onların içində iPhone 14 də var. Sentyabrda buraxılmış bu modelin Rusiyada rəsmi satışına icazə yoxdur.

Ancaq istehsalçılar Ermənistan və Qazaxıstan kimi ölkələrin mikroçip sifarişlərinin artmasından narahatdırlar. Müharibə başlayandan bu ölkələrə böyük sayda rusiyalı IT mütəxəssisləri yığışıb.

“ABŞ-ın bəzi şirkətləri Ermənistana göndərişləri dayandırıblar. Deyirlər ki, bir il qabaq bir lisenziyamız vardı. İndi isə 100 lisenziya istəyirsiz? Cəhənnəm olun!” – bir şirkət rəhbəri söyləyib.

Polşa Seymi Rusiyanı terrorçuluğun sponsoru kimi tanıdı, Polşa Prezidenti Lex Kaçinskinin qətlində ittiham etdi
Ətraflı
Hurriyyet.az “Qruziya onlayn” portalına istinadla xəbər verir ki, Polşa Seymi Rusiyanı terrorçuluğun sponsoru olan ölkə kimi tanıyıb.

Polşa mətbuatının yazdığına görə, qəbul edilən sənəddə deyilir: “Rusiya sistemli şəkildə insan hüquqlarını, beynəlxalq hüquq, BMT-nin Nizamnaməsini pozur, başqa ölkələrin ərazilərini ilhaq edir, silahlı hücumlar, hərbi cinayətlər edir, soyqırımları törədir, enerji sahəsi də daxil olmaqla düşməncəsinə istisadi addımlar atır. Bütün bunlara görə Rusiya beynəlxalq arenada izolyasiya olunmalıdır”.

Sənəddə qeyd edilir ki, “Rusiya 2014-cü ilin iyulunda Malayziyanın avialaynerinin (298 nəfər sərnişin və heyət üzvləri həlak olub), 2010-cu ilin aprelində Smolenskdə Polşa HHQ-nin təyyarəsinin (96 nəfər, o cümlədən Polşa Prezidenti Lex Kaçinski və Polşanın digər yüksək vəzifəli şəxslər həlak olublar) qəzaya uğramasına görə məsuliyyət daşıyır”.

Təyyarə qəzasında həlak olmuş mərhum Polşa Prezidenti Lex Kaçinski

“Norilsk Nikel”in əsas səhmdarı və rusiyalı oliqarx Vladimir Potanin tezliklə ABŞ-ın sanksiyaları altına düşəcək. Sanksiya siyahısında milyarderi Rusiya hökumətinin bir neçə üzvü "müşayiət" edəcək.

Axar.az xəbər verir ki, bu barədə “Voll Strit Jurnal”ı məlumat dərc edib.

“Ukraynanın müttəfiqləri arzuolunmaz iqtisadi təsirlərdən qorxduqları üçün bəzi rus oliqarxlara və onların şirkətlərinə qarşı sanksiyaları çoxdan təxirə salıblar.

Bu ilin əvvəlinə şirkət dünya üzrə illik nikel istehsalının təxminən 5%-nə nəzarət edirdi. Bundan əlavə, Rusiya şirkəti dünya palladiumunun təxminən 40%-ni istehsal edir. Şirkət həmçinin bazara kobalt və mis verir”, - jurnalın məlumatında vurğulanıb.

Qeyd edək ki, “Norilsk Nikel” dünyanın ən böyük palladium və təmizlənmiş nikel istehsalçılarından biridir. Müəssisə Potanini zənginləşdirib və onu Rusiyanın ikinci oliqarxı edib. Eyni zamanda, “Norilsk Nikel” hələ də sanksiyalara məruz qalmayıb.

Bildiyiniz kimi, Tehran rejimini son etiraz aksiyalarına görə sərt tənqid edən, bəlucların milli hüquqlarının pozulduğunu bildirən sünni din xadimi
Mövləvi Əbdülvahid Riqini dekabrın 9-da oğurlanaraq qətlə yetirilib. İranın ali rəhbəri ayətullah Seyid Əli Xamenei isə bəlucların dini lideri Riqninin qətli ilə bağlı başsağlığı yayımlayıb.
Bizim internet portallarımız və qəzetlərimiz isə mətni düzgün tərcümə etməyiblər, nəticədə mətndə qətlin "rus muzdluları" tərəfindən həyata keçirildiyinin yer aldığı barədə informasiya gedib və hətta buna "ekspertlərimiz" münasibət bildirib. Əslində isə bəyanatda fars dilində "qatelan rusiyahənd" (yəni, "qatillər üzüqaradırlar") ifadəsi işlənib, yəni burada rus muzdlularından söhbət getmir. Həm həmkarlarımızdan, həm də çox hörmətli ekspertlərimizdən Yaxın Şərq, xüsusilə İranla bağlı məsələlərə münasibət bildirərkən diqqətli olmalarını xahiş edirəm.
Vurğulamaq istərdim ki, Riqini yalnız Sistan-Bəlucistan əyalətində deyil, ümumiyyətlə İran əhli-sünnə cameəsində böyük nüfuza malik din xadimi idi. Şübhəsiz ki, onun qətli xüsusi olaraq hazırlanmış icraatdır. Burada iki əsas versiyanın hər ikisi mümkün hesab edilə bilər:
1. Qətli Tehran rejiminə bağlı qüvvələr həyata keçirib. Məqsəd sünni icmasını, xüsusilə də bəlucları lidersiz qoymaq, hərəkatı zəiflətmək, hətta hərəkatda önə çıxan digər liderlərin gözlərini qorxutmaqdır;
2. Qətli prosesin daha kəskin qarşıdurmaya keçməsində maraqlı olan xarici xüsusi xidmət orqanları həyata keçirib. Məqsəd qisasçılıq hissləri üzərində qarşıdurmanı daha da körükləmək, sünni icmasının mübarizəsini daha da stimullaşdırmaqdır.
Səbəbin hansı olmasından asılı olmayaraq, Riqininin qətli ciddi nəticələrə səbəb ola bilər.
Vuqar Ziferog
Teref.az

Gürcüstan Ədliyyə Nazirliyinin Penitensiar Xidməti eks-prezident Mixail Saakaşvilinin klinikada çəkilmiş videogörüntülərini dərc edib. Bəzi kadrlarda keçmiş prezident özünü həddindən artıq əsəbi aparır.

Qurumdan bildirilir ki, Saakaşvili simulyasiya ilə məşğul olur və ictimaiyyəti çaşdırır.

Kadrlarda keçmiş dövlət başçısının xeyli arıqladığı müşahidə olunur.

Qeyd edək ki, Saakaşvilinin səhhətində ciddi problemlərin olduğu vurğulanır. Onun orqanizmində ağır metallar, o cümlədən civə izləri aşkar edilib.

Siyasətçi çərşənbə günü Ədliyyə Nazirliyinin Penitensiar Xidmətinin ona səhhətində yaranan problemlərə görə azadlığa buraxılması ilə bağlı Tbilisi şəhər məhkəməsinin iclasında videobağlantı vasitəsilə iştirak etmək imkanı vermədiyi üçün aclıq aksiyasına başlayıb. Lakin Avropa Parlamenti üzvlərinin çağırışına cavab olaraq bir neçə saat sonra aksiyasını dayandırıb.

Bu gün Kəlbəcərdə Ermənistan tərəfindən yerləşdirilmiş minanın partlaması nəticəsində 4 mülki işçi ağır yaralanıb.

APA xəbər verir ki, bu barədə Xarici İşlər Nazirliyi “Twitter“ səhifəsində paylaşım edib.

“Bundan başqa, 1 gizir həlak olub, 3 əsgər yaralanıb. 2020-ci il müharibəsinin sonundan bəri mina qurbanlarının sayı 278 nəfərə çatıb. Ermənistanın cəzasızlığı yeni cinayətlərə yol açır!”,- deyə paylaşımda qeyd olunub.

Xankəndi-Gorus yolunda azərbaycanlı fəalların keçirdiyi məlum aksiya xarici mətbuatda da əks-səda doğurub.

“AzPolitika.info” xəbər verir ki, Ukraynanın tanınmış “Unian.net” saytı azərbaycanlı fəallardan birinin Rusiya sülhməramlısı ilə danışığını əks etdirən video yayıb.

Məlumatda qeyd olunur ki, aksiya iştirakçıları rus hərbçilərindən qətiyyən çəkinmirlər, hətta onları ələ salırlar: “Aksiya iştirakçılarının narazılığı regiondakı ekoloji durumla bağlıdır. Etirazçılardan biri qorxmadan özlərini sülhməramlı adlandıran rusiyalı hərbçilərə müraciət edir. Əvvəlcə onları ələ salır ki, rus hərbçilərin populyar musiqi serverlərinə çıxışı yoxdur və deyir: “Heyf ki, “Shazam”-ı qoşa bilmirsiniz. Sonra yükləyərsiniz, biz də bizim mahnıları sizə göndərərik”. Bu zaman Azərbaycan kompozisiyaları səsləndirilir. Ən maraqlısı isə daha sonra baş verir. Rus hərbçisinin qolundakı Rusiyanın işğalçılıq simvolu olan “Z” işarəsini göstərən azərbaycanlı fəal deyir: “Bəs, bu nədir belə? “Z”, yəni ki, azmısan, ya boğulursan?(Rus dilindəki “Zabludilsa” və “Zapıxalsa” sözləri nəzərdə tutulur-red.). Rus “sülhməramlıları isə sadəcə, susurlar”.

Rusiya Federasiyası Silahlı Qüvvələrinin Ukraynaya hücumu başlayandan Rusiyada yaşayan ermənilər bu ölkədən qaçmağa başlayıblar.
Bu barədə Ermənistan Polisinin Pasport və Viza Departamentinin məlumatları əsasında bəlli olub.
Belə ki, müharibə başlayandan 17 498 Rusiya vətəndaşı (əksəriyyəti Rusiya vətəndaşlığı olan ermənilər) Ermənistan vətəndaşlığı üçün müraciət edib.
Onlardan neçəsinin müraciətinin təmin edildiyi barədə məlumat verilmir.

Böyük Britaniya hökuməti sanksiyalara məruz qalan rusiyalı iş adamlarının üzərinə həbs qoyulmuş hesablarından Ukraynanı bərpa etmək üçün istifadə etməyə imkan verəcək mexanizm hazırlayır.

Bu barədə çərşənbə axşamı Böyük Britaniyanın xarici işlər naziri Ceyms Kleverli bildirib.

“Mən söz vermişəm ki, Rusiya Prezidenti Vladimir Putinin Ukraynadakı hərəkətlərini dəstəkləyən şəxslərə qarşı sanksiyaların tətbiqi məsələsini araşdıracağam. Bundan əlavə, biz bərpa və yenidənqurma üçün kompensasiyaların bir hissəsi kimi onların aktivlərindən istifadəni hüquqi cəhətdən əsaslandırılmalı olan mexanizmləri öyrənirik”, - nazir Britaniya parlamentinin İcmalar Palatasında çıxışı zamanı deyib.

Mənbə: TASS