“Açıq Cəmiyyət Fondları” təşkilatı və ya "Corc Soros" Fondunun İrəvan ofisi Ermənistanda fəaliyyətini dayandırır. “Yeni Müsavat”ın məlumatına görə, bu barədə “Past” erməni qəzeti yazıb.
“İlkin məhdud məlumatlara görə, əslində "Soros" Fondunda format dəyişiklikləri baş verir və bu seqment daha çox regional inteqrasiyanın yeni taktikaları ilə hərəkət etməyə çalışacaq, həmçinin maliyyənin azalmasına baxmayaraq regionlarda daha çox işləyəcək. Əldə etdiyimiz məlumata görə, Ermənistanda fəaliyyət göstərən Qərbdən maliyyələşən ictimai təşkilatlar və qərbyönlü siyasi qüvvələrin nümayəndələri bütün bunlardan ciddi narahatdır, çünki bir çoxları maliyyədən məhrum ola bilər. Necə deyərlər, pul daha "hamıya çatmayacaq". "Mənbəmiz bildirib ki, ötən gün İrəvandan ABŞ-a “məsələnin həlli” ümidi ilə mini-nümayəndə heyəti gedib", - deyə nəşr qeyd edib.

Qəzetin yazdığına görə, onlar Ermənistanda hökm sürən əhval-ruhiyyəni təqdim etməyə çalışacaqlar: “Qeyd edəcəklər ki, indiyədək cəmiyyətdə anti-Rusiya əhval-ruhiyyəsinin kök salması üçün xeyli çalışıblar və Qərbin təbliğat tezislərini yayıblar, 2018-ci ildə hakimiyyət dəyişikliyinə töhfə veriblər və indi faktiki olaraq "oyundan kənarda" qala bilərlər. Onlar Ermənistanın ABŞ-dakı səfirindən Dövlət Departamentinin hər hansı bir nümayəndəsi ilə heç olmasa bir görüş təşkil etməyi xahiş ediblər".

Bəllidir ki, rəhbəri amerikalı yəhudi milyarder Corc Soros olan "Soros" Fondunun postsovet məkanında əsas hədəflərindən biri “rəngli inqilablar”la bağlı olub. Doğrudanmı Qərb, özəlliklə ABŞ hələ də Rusiyanın qucağından düşə bilməyən və riskli “iki stul” siyasəti aparan “sorosçu” Paşinyan komandasından və onun tərəfdarlarında artıq əlini üzüb? Bu qərar Ermənistana, bölgəyə, Rusiya ilə münasibətlərə nə vəd edir?

Çingiz Qənizadə: “Qərbdə əminlik yaranıb ki, bu ölkə Rusiyanın forpostu olaraq qalacaq”

Demokratiya və İnsan Hüquqları Komitəsinin sədri Çingiz Qənizadə “Yeni Müsavat”a bildirdi ki, "Soros" Fondu kimi tanınan Açıq Cəmiyyət İnstitutu fondlarının İrəvanda ofislərinin bağlanması dünyadakı böhranlı vəziyyət, maliyyə sıxıntısı, eyni zamanda Ermənistanın hazırkı mövqeyi ilə bağlıdır: “Məhz "Soros" Fondunun maliyyə yardımı vasitəsilə Nikol Paşinyan Ermənistanda hakimiyyətə gəlib. Ümumiyyətlə, bu fondun əsas fəaliyyəti keçmiş postsovet məkanında "rəngli" inqilabların həyata keçirilməsi, hakimiyyət dəyişikliyinə nail olmaqdır. Necə ki, bunu Ermənistandan öncə Gürcüstanda, Ukraynada həyata keçirə bilmişdi. Fondun Ermənistanda fəaliyyətinin dayandırılması və Ermənistanın qeyri-hökumət təşkilatlarına maliyyə yardımlarının azaldılması və ya dayandırılması Ermənistanın QHT-ləri ilə yanaşı, Nikol Paşinyan hökumətini də narahat edir. Sual yaranır ki, Ermənistanda "Soros" Fondunun ofisinin bağlanması Soros xətti ilə hakimiyyətə gəlib Rusiyanın qucağından düşə bilməyən Ermənistan hakimiyyətini cəzalandırmaq mahiyyəti daşıyırmı? Mənə belə gəlir ki, biz siyasi baxımdan daha çox bu məsələnin üzərində durmalıyıq. Çünki Nikol Paşinyan hakimiyyətə gələrkən ABŞ-a Ermənistanı Rusiyadan qoparacağına söz verib. İlk vaxtlarda o, bu sözünü yerinə yetirmək istiqamətində ard-arda addımlar atırdı. Rusiyaya bağlı olan Qarabağ klanının sıxışdırılması, rəhbərlərinə cinayət işi açılması, Robert Köçəryanın həbs edilməsi məhz ABŞ qarşısında götürülən öhdəliklərin yerinə yetirilməsinin tərkib hissəsi idi.

Lakin sonradan, xüsüsilə 2020-ci ildəki 44 günlük müharibədən sonra Nikol Paşinyan bu vədini yerinə yetirə bilmədi. Paşinyan Ermənistanı Rusiyadan qopara bilmədi və ikili oyunlar oynamağa başladı. Artıq ABŞ-da, o cümlədən "Soros" Fondunda əminlik yaranıb ki, Nikol Paşinyan onlarla oyun oynayır. Ona görə də Paşinyana dəstəyin bir hissəsini kəsməklə onu cəzalandırmağa başlayıblar. İndi Ermənistan hökumətinin rəsmiləri ABŞ Dövlət Departamentinə yalvarırlar ki, "Soros" Fondunun və digər ABŞ fondlarının Ermənistanda fəaliyyətinin davam etdirilməsinə nail olsunlar. Ancaq məncə, Qərb üçün Nikol Paşinyanın onları aldatdığı aydınlaşıb. Qərbdə əminlik yaranır ki, Ermənistanda hakimiyyətə kimin gəlməsindən asılı olmayaraq bu ölkə Rusiyanın forpostu olaraq qalacaq. Ona görə də Ermənistana ayrılan maliyyə get-gedə azaldılacaq. Artıq bu istiqamətdə addımlar atılmağa başlanıb. Bu isə iqtisadi vəziyyəti onsuz da ağır olan Ermənistanın vəziyyətini daha da ağırlaşdıracaq. Bu vəziyyətdən isə udan Rusiya olacaq".

Etibar SEYİDAĞA,
“Yeni Müsavat”

Putinin Əliyevə zənginin Şuşa yolundakı aksiyanın dayandırılması məqsədi daşıdığı bəllidir. Lakin Bakı geri çəkilməyib, hadisələrin inkişafı bu versiyanı gücləndirir:
- Sülhməramlılar modul tipli yataqxanalar quraşdırır;
- Xankəndindəki ermənilər azərbaycanlıların çadır qurduğu əraziyə gətirilir;
Teref.az yazır ki, bunu politoloq Asif Nərimanlı deyiur.Daha sonran fikirlərini şərh nedən politoloq deyir:
Mümkündür ki, Əliyev Putinə haqlı tələblərin yerinə yetirilməsinin alternativi olmadığını deyib. Və indi kartlarını daha açıq oynayacaqlar. Bu kontekstdə rusların nələr edə biləcəyi maraqlıdır:
a) Prosesi bir neçə gün uzatmaqla aksiyanın dağıla biləcəyi imkanını dəyərləndiriləcəklər: rus hərbçilərin özlərinə “yataq” düzəltməsi də qarşıdakı günlərdə tələblərin qəbul olunacağı gözləntisini azaldır;
b) “Mülki erməniləri” azərbaycanlıların üzərinə göndərəcəklər və bununla aksiyaya adekvat addım atacaqlar;
c) Yolun bağlı qalması və Qarabağdakı “mülki əhalinin” əziyyət çəkməsi iddiasını İrəvan üzərindən beynəlxalq ictimaiyyətin gündəliyinə daşımağa, Bakıya əlavə təzyiqlərin edilməsinə nail olmağa çalışacaqlar;
Hərçənd, bu gedişlərin Bakının mövqeyinə təsir edəcəyi ehtimalı böyük deyil.
Teref.az

Bizə mane olan Rusiya prezidenti Vladimir Putindir. O Azərbaycanın Qarabağda suverenliyinin bərpasını istəmir.
General Volkov əmr quludur. O bu saat telefonun başında oturub Moskvadan təlimat gözləyir ki, yolda çadır quran azərbaycanlı vətəndaş fəallarına qarşı hansı tədbirlər görsün və ya görməsin.
Teref.az yazır ki, bunu politoloq Elxan Şahinoğlu deyir. Daha sonra fikirlərini şərh edən politoloq deyir:
Putin anlayır ki, vəziyyət qəlizdir və elə buna görə Azərbaycan prezidenti İlham Əliyevə zəng edib, nəbz yoxlaması həyata keçirir.
Rusiya hərbi kontingenti və erməni separatçılar üçün iki illik rahat həyat bitib, bundan sonra yoldan kefləri istədikləri kimi istifadə edə bilməyəcəklərini anlayıblar.
Bizi gərgin illər gözləyir.
Teref.az

Almaniyanın keçmiş kansleri Angela Merkelin Minsk razılaşmaları ilə bağlı bəyanatı kollektiv Qərbin Rusiyaya qarşı ikiüzlü münasibətini nümayiş etdirdi.

Axar.az xəbər verir ki, bu barədə “Qlobal Tayms” nəşrinin məqaləsində bildirilib.

"Qərb heç vaxt Rusiyanı həqiqətən dialoq tərəfdaşı hesab etməyib. Merkelin Minsk razılaşmaları ilə bağlı etirafı da göstərdi ki, bəzi Qərb ölkələri, xüsusən də ABŞ müqavilə öhdəliklərinə ümumiyyətlə əməl etmir. Onlar çox asanlıqla imtina edə bilərlər”, - məqalədə qeyd edilib.

Nəşr bildirib ki, ABŞ və müttəfiqləri Moskvanı Kiyevlə münaqişəyə cəlb etmək istəyirdilər və böhranın həlli heç vaxt onların maraqlarına cavab vermirdi.

Vaşinqtonun bir çox tərəfdaşı üçün Rusiya Sovet İttifaqının dağılmasından bəri nəhəng hərbi gücü və siyasi sisteminə görə həmişə potensial düşmən olaraq qalıb.

Almaniyanın radikal “Rexsbürgerlər” təşkilatının üzvləri xaricdən silah əldə etməyə cəh göstəriblər.

APA xəbər verir ki, bu barədə Xorvatiyanın Jutamji Jij nəşri məlumat yayıb.

Lakin Xorvatiya polsinin əməliyyatı nəticəsində cəhdin qarşısı alınıb.

“İndi biz raketlərimizi yaratmağa başlamışıq. Bu istehsal, təbii ki, yunanları qorxudur. “Tayfun” deyirsən, indi Yunanıstan qorxur, “Afinanı vuracaq” deyir”.

Bunu Türkiyə Prezidenti Rəcəb Tayyib Ərdoğan ölkənin Samsun şəhərində keçirilən “Gənclik görüşü” tədbirində bildirib.

“Bir yerdə durmasan, ABŞ-dan adalar üçün nəsə almağa çalışsan, Türkiyə kimi bir ölkə, yəqin ki, görməzdən gəlməyəcək. ABŞ Suriyanın şimalına 4-5 min yük maşını silah və sursat göndərib. Bunu dəfələrlə deməyimə baxmayaraq, veclərinə almırlar. Elədirsə, öz göbəyimizi özümüz kəsəcəyik”, - dövlət başçısı bildirib.

Qeyd edək ki, Türkiyənin yerli istehsalı olan “Tayfun” 561 km mənzilli ballistik raketdir.

Mənbə: Haber Türk

İranın Buşehr şəhərində azadlıqsevərlər Xomeyni adına dini-elmi mədrəsəyə od vurublar.

Bu barədə “Azad İran” “Telegram” kanalında məlumat verilib.

Polşanın Sərhəd Xidməti Rusiya ilə sərhədə elektron hasar çəkilməsi üçün podratçı şirkətlə müqavilə bağlayıb.

AYNA-nın Polşanın Sərhəd Xidmətinə istinadla xəbərinə görə, 199 km uzunluqda hasarın inşası 82 milyon avroya başa gələcək.

Bildirilib ki, elektron hasar Rusiyanın Kalininqrad vilayəti ilə olan bütün quru sərhədini əhatə edəcək. Sərhədin kiçik bir hissəsində artıq bir neçə ildir elektron hasar tətbiq edilir.

Qırğızıstanda keçirilən və Rusiya, Belarus, Ermənistan, Qazaxıstan və Qırğızıstan rəhbərlərinin qatıldığı Avrasiya İqtisadi Əməkdaşlıq Təşkilatının növbəti sammitinə qatılan Belarus Prezidenti Aleksandr Lukaşenko Almaniya istehsalı olan məşhur “Mersedes” avtomobillərindən şikayətlənib.

“AzPolitika.info” xəbər verir ki, qarlı, şaxtalı havanın hökm sürdüyü Bişkekin yaxınlığındakı iqamətgahda Qırğızıstan Prezidenti Sadır Japarovun qarşıladığı Aleksandr Lukaşenko həmkarına onu gətirən “Mersedes”in işə düşmədiyini deyib: “Mən gecikmişəm? Yox? “Mersedes”lər zəifdir, işə düşmürlər. Piyada gəlmişəm”.

Yeri gəlmişkən, qeyd edək ki, nə Lukaşenkonun rəhbərlik etdiyi Belarus, nə Rusiya, nə də Avrasiya İqtisadi Əməkdaşlıq Təşkilatında təmsil olunan digər ölkələr “Mersedes”lə “uzaqdan-yaxından” rəqabət apara biləcək avtomobil istehsal edə bilmir, əvəzində bu ölkələrin rəhbərləri nədənsə, Lukaşenkonun bəyənmədiyi alman avtomobillərindən istifadə edirlər...

Belarus Prezidenti sammitdəki çıxışında təşkilata daxil olan dövlətlərin öz aralarındakı əməliyyatlarda ABŞ dollarından tam imtina etməli olduqlarını və Amerika valyutasının az qala “işinin bitdiyini” deyib: “Artıq hamıya məlumdur ki, dolların dominantlığı dövrü sona çatır. Gələcək ticarət bloklarındadır, hansılarda ki, hesablaşmalar milli valyutalarda həyata keçiriləcək”.

Qeyd edək ki, bir çox dünya dövlətlərinin səylərinə baxmayaraq, doğrudan da güclü maliyyə silahına çevrilmiş ABŞ dollarının bütün dünya ölkələri arasında istifadə olunan əsas hesablaşma valyutası statusunu zəiflətmək cəhdləri heç bir ciddi nəticə vermir. Maraqlıdır ki, Lukaşenko “dolların sonunun çatdığını” bildirsə də, Rusiya və Belarus kimi dünya iqtisadiyyatından getdikcə daha çox təcrid olunan ölkələrdə belə ABŞ dollarının yerli valyutalara nisbətdə real məzənnəsi yüksək olaraq qalır...

“Bütün bu illər ərzində Putin Rusiyanın Donbasdakı münaqişənin tərəfi olmadığını deyirdi. Lakin o, Donbasa ikili təyinatlı məhsullar tədarük edir".

“Qafqazinfo” xəbər verir ki, bunu “Ədalətli Rusiya” partiyasının rəhbəri, Rusiya Prezidenti Vladimir Putinin yaxın adamı olan Sergey Mironov etiraf edib.

O bildirib ki, Rusiya 2014-cü ildən Donbasa silah tədarük edir:

"2014-cü ildən Rusiya Donbasa təkcə humanitar yardım deyil, həm də ikili təyinatlı məhsullar, yəni silah və hərbi texnikanın yaradılması üçün komponentlər verir”.