İran liderləri ölkədən qaçmağa hazırlaşırlar.

Cebhe.info xəbər verir ki, bu haqda Qərb mediası məlumat yayıb.

Qərbin diplomatik mənbələrinin xarici mediaya verdiyi məlumata görə, İslam Respublikası daxildə etirazçıların qanlı şəkildə yatırılması ilə eyni vaxtda ölkədə vəziyyətin pisləşəcəyi və rejimin devrilməsi ehtimalının artacağını nəzərə alaraq artıq danışıqlara başlayıblar.

Belə ki, ölkə rəhbərləri Tehran rəsmilərinə və onların ailələrinə sığınacaq vermək üçün xarici müttəfiqləri, o cümlədən Venesuela ilə danışıqlar aparırlar.

Avropa İttifaqının (Aİ) Daxili İşlər və Ədliyyə Şurası Bolqarıstan və Rumıniyanın Şengen zonasına daxil olması ilə bağlı qərarı dəstəkləməkdən imtina edib.
Bu barədə BTV telekanalı məlumat yayıb.

Məlumata görə, Aİ ölkələrinin 27 nazirindən 25-i Balkan ölkələrinin lehinə, Avstriya və Niderland nümayəndələri isə əleyhinə səs verib.

Eyni zamanda, Aİ ölkələri Xorvatiyanın Şengen zonasına daxil olmasını rəsmən təsdiqləyib.

Bolqarıstanın daxili işlər naziri İvan Demerciyev Şuranın qərarını şərh edərkən onu “siyasi” adlandırıb, ölkənin Şengen zonasına daxil olmaqla bağlı işi davam etdirməyə hazır olduğunu bildirib.

“Təqdim olunan hesabatlar açıq şəkildə göstərdi ki, Bolqarıstan və Rumıniya bütün Şengen meyarlarına cavab verir. Amma məsələ siyasi çalar aldı, 25 dövlət bizi dəstəklədi, lakin iki güc (Avstriya və Niderland – red.) öz xüsusi qərarını verdi”, - o deyib.

İ.Demerciyevin sözlərinə görə, hökumət bu məsələdə nikbindir, danışıqları davam etdirməyə və konstruktiv həll yollarına hazırdır.

Bolqarıstan və Rumıniyanın müraciətlərinə rədd cavabı verilməsini şərh edən Avropa Komissiyasının vitse-prezidenti Marqaritis Shinas tviter hesabında “problemin həlli üçün bir yol tapılmalıdır” deyə yazıb.
TASS

Rusiyanın məşhur silah baronu Viktor But ABŞ-ın tanınmış basketbolçusu Brittni Qraynerlə dəyişdirilib.

Bu barədə Rusiyanın Xarici İşlər Nazirliyi bildirib.

Məlumata görə, onların mübadiləsi Biləşmiş Ərəb Əmirliklərinin (BƏƏ) Əbu-Dabi hava limanında reallaşıb.

Rusiya vətəndaşı artıq ölkəsinə dönüb.

Viktor Anatolyeviç But 1967-ci il yanvarın 13-də Tacikistanın Düşənbə şəhərində anadan olub. 2012-ci ildə ABŞ-da qanunsuz silah ticarəti və terroru dəstəkləməkdə ittiham edilərək 25 il müddətinə azadlıqdan məhrum olunan rusiyalı iş adamıdır. Məhkəmə Butu bir neçə maddə, o cümlədən ABŞ hakimiyyətinin terror təşkilatı hesab etdiyi Kolumbiyanın “İnqilabçı Silahlı Qüvvələrinə – Xalq Ordusuna” (FARC) silah satmaqda təqsirli bilib. 2008-ci il martın 6-dan həbsdə olan But günahını etiraf etməyib.

Qərb mediası Butu “silah baronu” və “ölüm taciri” adlandırır. Rusiyanın bəzi KİV-i bildirib ki, ABŞ-ın kəşfiyyat orqanları onu dünyanın ən böyük silah qaçaqmalçısı hesab edir.

Brittney Yvette Griner 1990-cı il oktyabrın 18-də ABŞ-ın Texas ştatının, Hyuston şəhərində anadan olub. O, Rusiyanın “UMMC Yekaterinburq” klubunda oynamış amerikalı peşəkar basketbolçudur.

2012-ci ildə o, Baylor Beers ilə Milli Kollec Atletika Assosiasiyasının (NCAA) çempionluğunu qazanaraq bu basketbol turnirinin ən görkəmli oyunçusu olub. 2014-cü ildə “Phoenix Mercury” komandası ilə qadınlar arasında NBA çempionu olub. Qadın kollec basketbolunda üç əsas mükafatın ikiqat qalibi olub.

ABŞ komandası ilə 2014-cü ildə Türkiyədə keçirilən Dünya Çempionatının, 2016-cı ildə Rio Janeryoda keçirilən Olimpiya Oyunlarının, 2018-ci ildə İspaniyada keçirilən Dünya Çempionatının və 2020-ci ildə Tokioda keçirilən Olimpiya Oyunlarının qalibi olub.

2022-ci ilin fevralında o, Şeremetyevo hava limanında baqajında həşiş yağı tapılması ilə bağlı saxlanılıb. O, Rusiya məhkəməsi tərəfindən 9 il müddətinə azadlıqdan məhrum edilib.
TASS

“Ukraynada müharibənin uzanması qlobal miqyasda böhranların dərinləşməsinə səbəb olur”.

“Report” TRT-ə istinadən xəbər verir ki, bunu Türkiyə Prezidentinin sözçüsü İbrahim Kalın ABŞ Prezidentinin milli təhlükəsizlik məsələləri üzrə müşaviri Ceyk Sallivanla telefon danışığı zamanı bildirib.

İ.Kalının sözlərinə görə, Türkiyə Ukrayna böhranının tezliklə danışıqlar masası arxasında nizamlanmasının tərəfdarıdır: “Türkiyə atəşkəsə nail olmaq üçün diplomatik səylərini qətiyyətlə davam etdirir”.

Mövcud vəziyyətin davam etməsi sosial çöküşün əsaslarını hər an daha da genişləndirir.

APA-nın Tehran bürosu xəbər verir ki, bu barədə İranın sabiq Prezidenti Məhəmməd Hatəminin “Instagram” səhifəsində dərc olunan açıqlamasında bildirilib.

Məhəmməd Hatəmi İranın İslam Respublikasının idarə üsulunu “yanlış və düzgün olmayan” adlandırıb. O, “xalqın pis vəziyyətini görməməyi və ya inkar etməyi” tənqid edib.

Rusiyalı hüquq müdafiəçisi Mark Feygin ehtimal edir ki, Putini bunkerdə dəfn edəcəklər ki, xalqı diktatorun görkəmi ilə qorxutmasınlar. Vəkil həm də inanmır ki, Rusiya Federasiyasının Prezidenti Donbasa səfər etsin.

«Yox, o heç yerə getməyəcək. Ən yaxşı halda onlar haradasa Luqansk ətrafında hansısa bir səngərcik tikəcəklər və adamları oraya aparacaqlar. İki dəqiqə onun görüşünü kütlə ilə təşkil eləyib oxşadacaqlar. Heç nə olmayacaq, hamısı aldatma olacaq, ona görə də hansısa feyk xalanı hansısa administrasiyadan gətirəcəklər, real analar isə... Hər yerdə fırıldaq» - Feygin deyir.

Vəkil qeyd edib ki, Zelenski ön cəbhəyə gedib, Putin isə - sadəcə qorxaq adamdır.

«Zelenski əsgərlərin yanına gedir, onları təltif edir, Xersona gəlir, Xerson sakinləri onu qarşılayırlar, hansısa saxta adamlar yox, şəhərin real sakinləri. Putin bunu edə bilməz. O, qorxaq adamdır, birincisi, o, gerçəkdən çox kövrəkdir… İkincisi isə baxın: nəyi göstərsinlər? Mən artıq dəfələrlə demişəm, real Putin - 80 yaşlı solğun qocadır» - Feygin deyib.

Hüquq müdafiəçisi qeyd edib ki, əsl Putini rus əsgərlərinə göstərmək istəmirlər, çünki onlar səngərdə ölmək arzusunu itirərlər.

«Yumşaq desək, Putinlə görüşün effekti şübhəli olar. Xüsusilə də əgər onu qeyri-nüvə çemodanı ilə müşayiət etsələr» - vəkil əmindir.

Estoniya ukraynalı qaçqınların yeni dalğasını qəbul edə bilməyəcək və onları Finlandiyaya yönləndirməyi planlaşdırır.

“Report” TASS-a istinadən xəbər verir ki, bu barədə ölkənin Baş naziri Kaya Kallas bildirib.
Ətraflı

“Biz Finlandiya ilə danışdıq ki, artıq Ukraynadan olan qaçqınlara bu şəkildə kömək edə bilmirik və onlar daha çox qaçqın qəbul edə biləcəklərini bildiriblər”, - Kallas bildirib.

Baş nazirin fikrincə, Ukraynada baş verən son hadisələr qaçqınların yeni dalğasına səbəb olacaq.

Çinin London Qülləsi ilə üzbəüz nəhəng yeni səfirlik tikmək planları Tover Hamlets ərazisinin yerli məclis üzvləri tərəfindən yekdilliklə rədd edilib.

Bu barədə “Report” “CNN”ə istinadla xəbər verir.

Nəşrin məlumatına görə, bu qərara əsas kimi yerli sakinlərin Pekinin Böyük Britaniyadakı diplomatik fəaliyyətindən qorxması göstərilib.

Sakinlər hesab edirlər ki, Çin səfirliyinin nəhəng olması onların təhlükəsizliyinə təhdid yaradacaq və Londonun şərqinin bu sıx məskunlaşdığı hissəsində nəqliyyatın hərəkətinə mane olacaq.

“Komitə sakinlərin və turistlərin təhlükəsizliyinə, tarixi irsə, polis resurslarına və ərazidə həddən artıq sıxlığa təsirlə bağlı narahatlıqlar səbəbindən ərizəni rədd etmək qərarına gəlib. Artıq son qərar qəbul edilməzdən əvvəl ərizə London merinə təqdim olunacaq” -məlumatda deyilir.