 |
|
|
Türkiyədə keçiriləcək prezident seçkisinin II turu fonunda Sinan Oğan Cümhur İttifaqının namizədi Rəcəb Tayyib Ərdoğanı dəstəkləyib.
Axar.az xəbər verir ki, bu barədə Sinan Oğan keçirdiyi mətbuat konfransında bildirib.
O, özünün də Ərdoğanı dəstəkləyəcəyini və seçiclərindən də hazırkı Prezident Rəcəb Tayyib Ərdoğana səs vermələrini istəyib.
Qeyd edək ki, Türkiyədə prezident seçkilərinin ikinci turu mayın 28-də keçiriləcək.
Dəyərli Azərbaycan Türk Milləti!
İrqçi faşist İran sistemi istər molla rejimilə, istərsə opozisiyonları ilə Azərbaycan Milli Hərəkatının qarşı çeşidli terror aktlarına xız verməkdədir. Farsçı rejimin sonu yaxınlaşdıqca vəhşiliyi də artır. Farsçı rejim, hər gün keçdikcə 50 milyonluq Azərbaycan dövləti və Türk millətinin qarşısında acizlik göstərərək terror aktlarına əl vurmağı son bir çarə yolu kimi gündəmə çəkir. Azərbaycanın dövlət səfirliyinə Tehranda, Azərbaycan millət vəkilinə Bakıda və indi, Xurdad/may ayaqlanmasının il dönümündə Günaz TV və Gamac rəhbərinə Amerikada terror aktı göstərməsi bu rejimin 100 illik qara varlığının sonunun göstərgəsidir.
Rejim, bu boş aktlarıyla Azərbaycan Milli Hərəkatı nın poladlaşmış İstiqlal və milli dövlətçilik iradəsinə qorxu salamayacaqdır.
Farsçı rejim, 100 illik qara dosyasına görə, Azərbaycan Türk Millətinə, İran adlanan qondarma ölkədə yaşayan Türk soydaşlarımıza, habelə Ərəb, Bəluç, Kürd, Lor-Lək və başqa qeyri fars xalqlara hesabat verməli və tarixin çöplüyünə atılmalıdır. Bu sürəc, qatil rejim üçün qaçırılmazdır.
Biz Güney Azərbaycan Milli Qurtuluş Hərəkatı olaraq Əhməd Obalı və Dəniz Obalı bəylərin ölümə döyülməsini ən dərin nifrətlə qınayırıq.
Biz əminik ki, Əhməd bəy Obalı farsçı faşizmin qorxulu ölümünü görmədən dinc yaşam deyil, gərgin milli savaşı daha kəskin sürdürəcəkdir.
GAMQH başqanı
Eldar Qaradağlı
21/may/2023
Dehli şəhər Polisinin Cinayətkarlıqla Mübarizə üzrə Şöbəsi hindistanlıları xarici ölkələrə qeyri-qanuni yolla məskunlaşmaq üçün göndərmək istəyən 4 nəfərdən ibarət cinayətkar qruplaşmanın üzvlərini həbs edib.
Bu barədə “Report” Hindistan mətbuatına istinadən xəbər verir.
Məlumata görə, qruplaşma üzvləri - Qiriş Bhandari, Himanşu Mehta, Qaqan Şarma və Rameş Arya Dehlinin qərbindəki Tilak Naqar rayonunda fəaliyyət göstərən bir turizm şirkəti adı altında qanunsuz fəaliyyət göstəriblər.
"Bhandari qruplaşmanın arxasında duran təşkilatçıdır və o, təxminən 12 il əvvəl polisin diqqətini cəlb etməmək üçün səyahət və turizm biznesi açaraq bu işə başlayıb", - (Cinayət Bölməsinin-red) xüsusi komissarı Ravindra Sinqx Yadav deyib.
Ravindra Sinqx Yadav qruplaşmanın bütün səfirliklərin yerləşdiyi Dehlidə, milli paytaxt regionunun digər hissələrində agentləri, Salvador və Meksika kimi ölkələrdə tərəfdaşları olduğunu söyləyib. “Onlar müxtəlif ölkələrin 80 pasportunu, eləcə də müxtəlif şirkətlərin çoxlu möhürlərini və reketçilikdə istifadə olunan hər cür saxta sənədləri ələ keçiriblər”, - zabit bildirib.
Həbslər və müsadirələr bu ayın əvvəlindən ötən həftənin sonuna qədər, cinayət idarəsi bu cür fırıldaqların sürətlə artmasına diqqət yetirməyə başlayandan sonra həyata keçirilib.
Polis rəsmisi bildirib ki, qruplaşma hindistanlıları ABŞ-a göndərmək üçün əsasən iki marşrutdan istifadə edib - Bakı-İstanbul-Salvador və Avropa-Meksika.
Polisin məlumatına görə, Bhandari və onun adamları bank çıxarışları və vergi bəyannamələri kimi saxta sənədlər hazırlamaq üçün qabaqcıl kompüter proqramlarından istifadə ediblər.
Lakin cinayətkarların qanunsuz yolla sərnişin göndərməyə nail olub-olmadıqları hələ məlum deyil.
Türkiyədəki prezident seçkilərinin ikinci turunda xaricdə səs verənlərin sayı 1 milyonu ötüb.
“Qafqazinfo” Türkiyə mediasına istinadən xəbər verir ki, dünən başlayan səsvermə prosesi ölkə xaricindəki nümayəndəlik və gömrüklərdə davam edir.
Hazırda səs verən seçicilərin ümumi sayı 1 milyon 38 min nəfərə çatıb.
Qeyd edək ki, xaricdəki nümayəndəliklərdə səsvermə prosedurları mayın 24-də başa çatacaq.
“Ölkəmizi daha acınacaqlı gələcək, partlayış gözləyir”.
Bunu Ermənistanın birinci prezidenti Levon Ter-Petrosyan xalqa müraciətində deyib.
O, Azərbaycanla müharibədə məhv edilmiş erməni əsgərin anasının yerli hüquq-mühafizə orqanları tərəfindən saxlanılmasını pisləyib.
“Narahatlıq doğuran vəziyyət. Oğlunu döyüşdə itirmiş ananın saxlanılması hətta Ermənistan parlamentinin bədnam spikerinin İrəvanın mərkəzində günorta saatlarında vətəndaşın üzünə tüpürdüyü iyrənc əməldən də böyük biabırçılıqdır. Bu iki hal onu göstərir ki, hakimiyyətin həyasızlığının həddi-hüdudu yoxdur”.
“Belə görünür ki, Ermənistanda daxili siyasi gərginliyin səngiməsi hakimiyyətin məsuliyyəti və qayğısı olmalıdır, lakin gördüyümüz kimi, onlar öz həyasız və uzağı görməyən hərəkətləri ilə gərginliyi daha da artırırlar. Belə davam etsə, ölkəmizi daha acınacaqlı, hətta partlayışlı perspektiv gözləyir. Bunu nəzərə alaraq, eyni zamanda qeyd etməyi zəruri hesab edirəm ki, dövlət məmurlarının ailə üzvlərinə qarşı nalayiq davranışların təzahürləri də yolverilməzdir”, - birinci prezident müraciətində bildirib.
2024-cü il seçkilərindən sonra Donald Tramp ABŞ prezidenti olarsa, Ukrayna bitəcək.
SİA-nın əldə etdiyi məlumata görə, bu fikirləri ABŞ-ın keçmiş dövlət katibi Hillari Klinton siyasətçinin yenidən prezident seçilməsini şərh edərkən deyib.
Klinton Britaniyanın “The Financial Times” qəzetinə deyib: “Tramp Si Cinpinq və Vladimir Putin kimi insanlara hədiyyə idi”.
Onun fikrincə, 2020-ci ildə Rusiya Federasiyasının prezidenti Donald Trampın ABŞ-ı NATO-dan çıxması üçün onun qələbəsinə ümid edirdi.
“Bilirsiniz və o, açıq şəkildə Putinin NATO ilə bağlı istədiyi hər şeyi edəcəkdi”.
Bunu da Hilları Klinton bildirib.
Maraqlıdır ki, Hilları, həmçinin Trampın yenidən seçilməsinə də şübhə ilə yanaşır, çünki o, Çinə hər hansı strateji yanaşmada aciz idi.
“Əgər Tramp 2024-cü ildə qalib gəlsə və mən inanmıram ki, bu, ABŞ-da demokratiyanın sonu olacaq”, - deyə Klinton əlavə edib.
Yeri gəlmişkən, ABŞ-da prezident seçkiləri 2024-cü ilin noyabrında keçiriləcək. Donald Trampın əsas rəqibi hazırkı Amerika lideri Cozef Baydendir. O, Amerika demokratiyasını müdafiə edəcəyinə söz verib, Tramp isə həmkarını səriştəsiz adlandıraraq onu ələ salıb.
"Rusiya işğal etdiyi Zaporojye AES-i Ukrayna və Atom Enerjisi üzrə Beynəlxalq Agentliyin (AEBA) tam nəzarətinə qaytarmalıdır".
Bunu Ukrayna Prezidenti Volodimir Zelenski mətbuat konfransı zamanı deyib.
"Mən hazırda Xirosimadayam, qoy, bütün dünya Ukraynanın birləşmə çağırışını eşitsin. Rusiya sivilizasiyaya bağlı hər şeyi tapdalayıb. Bir ildən çoxdur ki, o, Avropadakı ən böyük atom elektrik stansiyasımızı işğal altında saxlamaqda davam edir", - Zelenski bildirib.
Prezident vurğulayıb ki, Rusiya özünü stansiya binalarına tanklardan atəş açan, Atom Elektrik Stansiyasını silah və mərmi saxlamaq üçün sınaq poliqonuna çevirən terrorçu dövlət kimi aparır. Bundan əlavə, o xatırladıb ki, Rusiya şəhərləri raket artilleriyasından atəşə tutmaq üçün stansiyanın arxasında gizlənir.
"Əgər buna məhəl qoymasaq, dünya qaçılmaz olaraq xarabalığa çevriləcək. Ukrayna sülh üçün düstur təklif edib. Onun məqsədi radiasiya və nüvə təhlükəsizliyidir", - Ukrayna lideri əlavə edib.
Qeyd edək ki, 2022-ci ilin martında Enerqodar uğrunda gedən döyüş zamanı AES Rusiya qoşunları tərəfindən ələ keçirilib. Stansiyaya Rusiyanın nəzarəti altında olan ukraynalı personal xidmət göstərməkdə davam edir.
RBC-Ukraina
Tələbəlik illərindən öncədə beynəlxalq siyasətin gələcəyi ilə bağlı ən çox eşitdiyim ifadələrdən biri “Çin gələcəkdə ABŞ-ın ən böyük rəqibi olacaq” idi. Bu proqnoz artıq özünü doğrultmaqdadır. Çinin öz tarixi təsir dairəsi olan Şərqi Asiyanı tərk edərək minlərlə kilometr uzaqlıqdakı tarazlıqlara təsir etməyə başlaması buna sübutdur. Yaxın Şərqdə bu yeni böyük gücün təsirləri nisbətən yaxınlarda hiss olunmağa başlayır. Çin son 20 ildə Yaxın Şərqdə bir çox münaqişələrin fonunda olan Səudiyyə Ərəbistanı-İran rəqabətini müvəqqəti dayandırmaq üçün fürsət təqdim edir. Bu imkana tərəflərin münaqişə olmadan iqtisadi və siyasi gəlir əldə edə biləcəyi əməkdaşlıq modeli daxildir. Beləliklə, hər iki ölkə regiondakı maraqlarından əl çəkmədən mübarizə yolunu dəyişməyi seçir. Düzünü desəm, başqa variantların olmadığını söyləmək olmaz…
Çinin Səudiyyə Ərəbistanı ilə İran arasında siyasi atəşkəsə nail olması bir müddətdir Yaxın Şərq paytaxtlarında pıçıldayan “Suriyada vətəndaş müharibəsinə son qoymağın vaxtıdır” sözlərinin sürətlə həyata keçirilməsi üçün lazımi mexanizmi işə salıb. O gündən etibarən Dəməşqlə yüksək səviyyədə əlaqələr qurmaq üçün gəlib-gedənləri saymaq belə çətinləşib. Rusiyanın Ukraynadakı hərbi avantürası uzun sürən bir prosesə çevrilir və nəticə əldə etməkdə çox çətinlik çəkir. Bu prosesin Avro-Atlantik ölçüsünü bir kənara qoyaraq, hətta Asiya və Yaxın Şərqdəki nəticələrə nəzər salsaq, Putinin Ukrayna ilə bağlı qərarının Rusiya üçün mənfi nəticə ilə nəticələndiyini söyləmək olar. Bir il yarım əvvəl Yaxın Şərqdə yeni Rusiyanın təsirindən söhbət getdiyi halda, halhazırda Rusiya regionun yeni dinamizmində xeyli geridədir…
Xüsusilə Suriyaya baxdığımızda, şübhəsiz ki, Rusiya küçümsənəcək bir ölkə deyil. Amma bir məqamı da unutmayaq ki, Rusiyanı Suriyada önəmli edən amil onun möhtəşəm diplomatik manevrləri deyil, hərbi gücündən səmərəli istifadə etməsi idi. Rusiya Suriyada vətəndaş müharibəsini dəyişdirən aktyor oldu, çünki bu, Dəməşqə müxalifəti məğlub etməyə kömək etdi. Ancaq siyasi proseslərə köklü şəkildə təsir edəcək, tərəfləri qane edəcək daimi həll yolu çıxarmadı. Hazırda Rusiya Suriyadakı keçmiş hərbi gücündən çox uzaqdır. Ukrayna müharibəsi səbəbindən o, Suriyadakı hərbi qüvvələrinin böyük hissəsini başqa bölgələrə yerləşdirib. Rusiya təyyarələri aylardır Suriya səmasında əməliyyat keçirmir. Lakin fəaliyyətsizlik Moskvanın hərəkət dairəsini məhdudlaşdırmaqla bitmir. Rusiya kimi, ABŞ da Suriyada daha aşağı profil çəkir. Çünki Suriyada tarazlığı müəyyən edən iki böyük güc Ukraynada bir-biri ilə məşğul olarkən, regional güclərə daha çox güzəştə getməli olurlar. Buna misal olaraq: Rusiya İranı tamamilə sıradan çıxarmaq istəsə də, bu addımı yekunlaşdıra bilmədi. Həmçinin Suriya ordusunun önəmli fiqurlarından olan Bəşər Əsədin kiçik qardaşı Mahir Əsədə bağlı İran yönümlü hərbi qanadın dağıdılması iflasa uğradı…
Pərviz Əliyev, politoloq
Şərq ölkələrinin (Rusiya, Çin nəzərdə tutulur – red.) xüsusi xidmət orqanları Serbiyada rəngli inqilabların təşkili və keçirilməsi cəhdləri ilə bağlı xəbərdarlıq edir.
Axar.az xəbər verir ki, bu sözləri Serbiya lideri Aleksandr Vuçiç deyib.
“Müxtəlif xidmətlərdən mənə məlumat gəlir və bizim Şərqdən olan “bacı xidmətlərimiz” bizə deyir ki, bu, rəngli inqilab cəhdləridir və s... Mən isə onlara deyirəm: Bilmirəm, onlar nəyə cəhd edirlər, bircə onu bilirəm ki, faciədən, uşaqların ölümündən iyrənc şəkildə istifadə edərək xalqımız üçün heç vaxt olmadıqları kimi böyük, yaxşı və daha ağıllı görsənməyə cəhd edirlər”, - deyə o bildirib.
Rusiya Daxili İşlər Nazirliyi Haaqa Beynəlxalq Cinayət Məhkəməsinin prokuroru Xan Kərim Əsəd Əhmədi axtarışa verib.
Gununsesi.info xarici KİV-ə istinadən xəbər verir ki, Haaqa prokurorunun hansı maddə ilə axtarışa verilməsi haqqında məlumat verilməyib.
Qeyd edək ki, Haaqa Beynəlxalq Cinayət Məhkəməsi Rusiya Prezidenti Vladimir Putinin həbsinə order verib.