 |
|
|
Türkiyə Prezidenti Rəcəb Tayyib Ərdoğanın tərəfdarları onun qələbəsini qeyd etmək üçün Prezident Külliyəsinə axın edib.
Qeyd edək ki, Türkiyənin Mərkəzi Seçki Komissiyasının (YSK) sədri Əhməd Yener seçkilərin nəticələrinə dair açıqlama verib.
O, hazırki ölkə prezidenti Rəcəb Tayyib Ərdoğanın prezident seçildiyi bildirib.
Onun sözlərinə görə, Ərdoğan 52,14, Kamal Kılıçdaroğlu isə 47,86 faiz səs qazanıb.
Ərdoğan Külliyədə çıxış edib.
"Türkiyədə terrorçuları biz məhv etmişik və terrorla mübarizəni bundan sonra da əzmlə aparacağıq. Türkiyədə terroru biz bitirə bilərik, Kamal Kılıçdaroğlu yox".
Bunu “Cümhur İttifaqı”nın prezidentliyə namizədi, hakim Ədalət və İnkişaf Partiyasının (AK Parti) sədri və hazırkı dövlət başçısı Rəcəb Tayyib Ərdoğan rəhbərlik etdiyi siyasi təşkilatın mayın 26-da İstanbulun Esenlərdə təşkil etdiyi mitinqdə çıxışı zamanı deyib.
O söyləyib ki, mayın 28-də keçiriləcək prezident seçkilərində rəqibi K.Kılıçdaroğlu ilə arasında fərq açıq-aydın görünür: "İstanbulun bələdiyyəsinin fəaliyyətindən heç kim razı deyil. Yağış yağan kimi şəhərdə həyat iflic olur. Soruşsan bələdiyyə sədri hanı? Ya İsveçrədə xizək sürür, ya da Bodrumda dincəlir. Biz həm 28 mayda, həm də 2024-cü ildə bələdiyyə seçkilərində CHP-yə lazımi cavabı verəcəyik".
R.T.Ərdoğan zəlzələ bölgəsində yaşayan seçiciləri qınayanlara da cavab verib: "Zəlzələ zonasındakı insanları seçimlərinə görə qınayanların əksinə biz oradakı vətəndaşlarımızın yanındayıq. Ötən günlərdə zəlzələdən zərərçəkmiş daha 5 rayona səfər etdik. Bu insanları CHP-nin insafına buraxmayacağıq. İqtidara gəlmək üçün hər kəslə qapalı qapılar arxasında danışıqlar apardılar. Bunlar FETÖ-çülərin və terror təşkilatı liderlərinin azadlığa buraxılması barədə vədlər veriblər. Əminəm ki, mənim kürd qardaşlarım bazar günü xəyanətkarlara öz dərsini verəcəklər. Çünki CHP bir dəfə belə olsa nə yerli, nə də milli bir addım atmayıb".
R.T.Ərdoğan keçmiş SSRİ dövründə imperiya əsarətindən qaçan azərbaycanlıların həmin vaxt iqtidarda olan CHP rəsmiləri tərəfindən yenidən Sovetlər İttifaqına geri qaytarıldığını və həmin insanların Boraltan körpüsündə güllələnərək öldürüldüyünü xatırladıb: "Biz ölkəmizə bir daha Boraltan körpüsündəki utancı yaşatmarıq. Qardaşlarımız onda nə demişdi? Kaş ki bizləri siz öldürəydiniz, bu namərdlərin yerinə. Ona görə suriyalı miqrantların öz yurd-yuvalarına təhlükəsiz şəkildə qayıtması üçün əlimizdən gələni edəcəyik".
Qeyd edək ki, ilk turda Türkiyənin hazırkı Prezidenti Rəcəb Tayyib Ərdoğan 49,51 faiz, müxalifət lideri isə 44,88 faiz səs toplayıb.
“Ata İttifaqı” siyasi blokunun namizədi Sinan Oğan 5,17% səs yığıb.
S.Oğan ikinci turda R.T.Ərdoğanı dəstəkləyəcəyini açıqlayıb. \\Report.Az
Internet şəbəkələrində Rusiya prezidenti V.Putin və onun mətbuat katibi D.Peskovun dünən -mayın 25-də Moskvada tərəflər arasındakı geniş tərkibli görüş zamanı Ermənistan baş naziri N.Paşinyanı söz və jestlərlə necə sakitləşdirməklərini əks etdirən video-kadrlar yayılıb.
Teref.az Moderator.az-a istinadən xəbər verir ki, həmin foto və video-kadrları Rusiyanın “Vı sluşali Mayak” telegram-kanalı yayıb.
Xatırladaq ki, dünən Ali Avrasiya İqtisadi Şurasının sammitindən sonra Azərbaycan Prezidenti İlham Əliyev, Ermənistan baş naziri N. Paşinyan və Rusiya prezidenti V.Putin arasında ikitərəfli və üçtərəfli görüşlər keçirilib.
Böyük Britaniyanın keçmiş baş naziri Boris Conson ABŞ-ın keçmiş prezidenti və 2024-cü ildə keçiriləcək növbəti prezident seçkilərində Respublikaçıların ehtimal olunan namizədi Donald Trampla görüşüb.
Axar.az xəbər verir ki, bu barədə "Politiko" nəşri məlumat yayıb.
Qeyd olunub ki, Conson ABŞ-a səfər edərək aparıcı respublikaçılar arasında Ukraynanın dəstəyini almağa çalışıb:
"Bu həftə ukraynayönümlü beyin mərkəzləri keçmiş Britaniya liderini Texasda şəxsi şam yeməyinə dəvət etdilər və burada o, siyasətçilərə, donorlara və sənaye liderlərinə Amerikanın ölkəni dəstəkləmək yolunda davam etməli olduğunu söylədi".
Trampın Consonla şam yeməyi cümə axşamı baş tutub və Consonun sözçüsü Ukrayna ilə bağlı danışıqların “menyuda” olduğunu bildirib.
“Paşinyan iqtidarı erməni kimliyinin əsaslarını, bütün milli- mədəni dəyərlərini sarsıtmağa çalışır”
TEREF.AZ musavat.com-a istinadən xəbər verir ki, bu sözlər Ermənistan parlamentinin üzvü, revanşist Aqvan Vardanyan tərəfindən səslənib.
“Yeni dövlət və dövlətçilik konsepsiyasından danışan birisi öz əlaltıları ilə bütün dövlət qurumlarını məhv etməkdədir. O, bu yaxınlarda bəyan etdi ki, “bizim sülh müqaviləsi parametrlərimiz xalqımız üçün qəbuledilməz ola bilər, amma referendum keçirməyəcəyik”. Bu isə məsuliyyətdən yayınmaq deməkdir. Paşinyan kadastr şəhadətnaməsindən, müstəqillik referendumundan, Konstitusiyadan danışır. BMT üzvü olan dövlət deyir ki, bizdə kadastr şəhadətnaməsi yoxdur. Kimdən kadastr şəhadətnaməsi almaq istəyirsən, Azərbaycandan?”, - deyə Aqvan Vardanyan bildirib.
Revanşist deputat Nikol Paşinyana “Qarabağ Ermənistandır”, sözünü xatırladıb.
“Sən Qarabağsız Ermənistan yoxdur deyirdin, o zaman sən kimsən, burada nə işin var, niyə getmirsən? Niyə hər gün sənin rəngsiz simanı görürük? Hər şeydən imtina edən Ermənistanın lideri ola bilməz”, - deyə Aqvan Vardanyan bildirib.
Polşa Belarusda üsyana hazırlaşır.
Belarus prezidenti Aleksandr Lukaşenko "Moskva. Kreml. Putin" proqramının jurnalistinə müsahibəsində Polşanın Belarusdakı inqilab niyyətindən xəbərdar olduğunu bildirib:
“Təəssüf ki, mənim ifadələrimi eşitmirlər. Biz bunu çoxdan bilirik ki, onlar hansısa, bəlkə də növbəti üsyana hazırlaşırlar. Biz hazırıq, gəlsinlər!"
Qeyd edək ki, bir müddət öncə Polşa milli müdafiə nazirinin keçmiş müavini, general Valdemar Skşiçak ölkəsinin Belarusda silahlı çevrilişə hazırlaşdığını və bu istiqamətdə özünün hərbi dəstəyini əsirgəmədiyini bildirmişdi.\\Gundem.az
Ulu Öndər Heydər Əliyevin 100 illik yubileyi ilə əlaqədar son günlərdə
Avropa ölkələrində keçirilən tədbirlərdə “Mangal Steak House”
restoranın komandası milli mətbəximizi layiqincə təmsil edib. Belə
tədbirlər İsveçrədə, İtaliyada, Vatikanda təşkil olunub.
Ölkəmizin İtaliyadakı səfirliyinin tabeliyindəki Mədəniyyət Mərkəzində
keçirilən tədbirdə səfir Rəşad Aslanov xalqımızın ümummilli liderinin
siyasi və dövlətçilik fəaliyyətindən danışıb, onun ideya və arzularının
uğurla həyata keçirildiyini, Prezident İlham Əliyevin rəhbərliyi ilə müstəqil
Azərbaycanın uğurla inkişaf etdiyini, dünyada və Avropada etibarlı
tərəfdaş kimi tanındığını bildirib.
Tədbirdə ölkəmizin Müqəddəs Taxt-Tacdakı səfiri İlqar Muxtarov,
həmçinin İtaliyada yaşayan və təhsil alan soydaşlarımız iştirak ediblər.
Elşad Nuriyevin başçılıq etdiyi “Mangal Steak House” komandasının
üzvləri - aşpazlar İsak Temel və Tural Kərimli hazırladıqları dadlı təamlar
və göstərdikləri yüksək xidmət mədəniyyəti ilə tədbir iştirakçılarında xoş
təəssürat yaradıblar. Onlar milli mətbəximizin zənginliyini və
füsunkarlığını böyük fəxrlə nümayiş etdiriblər.
İlhaq edilmiş Krımda Ukrayna Prezidentinin həyat yoldaşı Yelena Zelenskayanın Yaltadakı mənzili, həmçinin ukraynalı oliqarxlara və Krım Tatar Məclisinə məxsus bir neçə bina milliləşdirilib.
“AzPolitika.info” xəbər verir ki, bu barədə yarımadanın Rusiya tərəfindən təyin edilmiş rəhbəri Sergey Aksyonov məlumat verib.
2019-cu ildə Zelenskayanın Krımda bazar dəyərinin yarısına penthaus alması barədə mediada xəbərlər yayılıb. Daha sonra Prezidentin həyat yoldaşının Yaltada 164 min dollara (kvadrat metri təxminən 1200 dollar) üçotaqlı mənzil aldığı bildirilir. Eyni zamanda, o zaman belə mənzillərin kvadrat metrinin qiyməti dörd min dollara çatırdı.
Zelenskaya mənzili ukraynalı keçmiş deputat və iş adamı Aleksandr Buryakdan alıb. O, həm də Vladimir Zelenskinin qərargahının könüllülərindən biri olub. Ukrayna Prezidentinin mətbuat xidməti bəyan edib ki, Ukrayna dövlət başçısının həyat yoldaşı Krımda yarımadanın Rusiya tərəfindən ilhaqından əvvəl, Ukraynanın mövcud qanunvericiliyinə tam uyğun və bazar qiymətinə daşınmaz əmlak alıb.
2019-cu ilin aprelində Zelenskinin Krımdakı mənzili 790 min dollardan yuxarı qiymətə satışa çıxarılıb.
İlhaq edilmiş Krımın Rusiya hakimiyyəti fevral ayında ukraynalı fiziki şəxslərin 700-ə yaxın aktivini milliləşdirmək qərarına gəlib. Milliləşdirilmiş əmlakın sahibləri arasında ukraynalı iş adamları və siyasətçiləri Rinat Axmetov, İqor Kolomoyski, Arseni Yatsenyuk, Nestor Şufrıç, Sergey Taruta və başqaları var.
Milliləşdirilmiş aktivlərə torpaq və daşınmaz əmlak daxildir. Rusiya tərəfindən təyin edilmiş Krım parlamenti hesab edir ki, onların sahibləri Kiyev hakimiyyəti ilə əlaqəlidir və Rusiyaya qarşı “dost olmayan hərəkətlər” edirlər.
Aksyonov öz növbəsində bildirib ki, milliləşdirilmiş əmlak hərraca çıxarılacaq və onun satışından əldə olunan bütün gəlirlər “xüsusi hərbi əməliyyat” ehtiyaclarına yönəldiləcək.
Ermənistanın Korrupsiyaya Qarşı Mübarizə Komitəsi İrəvan Dövlət Universitetinin İqtisadiyyat və idarəetmə fakültəsinin dekanı Ayk Sarkisyanın, onun müavininin və həmin kafedranın digər iki müəlliminin rüşvət almaqda ittiham olunaraq saxlanılması barədə məlumat yayıb.
Bu barədə “Report” yerli mətbuata istinadən xəbər verir.
Komitənin məlumatına görə, 2000-ci ildən dekan olan A.Sarkisyan, dosent Q.T. və digər müəllimlər, 2023-cü ilin fevral ayından mart ayına qədər müxtəlif kursların tələbələrinə müəyyən pul müqabilində qiymət yazıblar.
O cümlədən, imtahan sessiyaları zamanı müvafiq qiymətlərə görə 120 min dram alıblar. Ümumilikdə, söhbət 480 min dramdan gedir. Başqa bir halda isə rüşvət 4 min dollar təşkil edib.
Müstəntiqin qərarı ilə Ayk Sarkisyan, onun müavini və iki müəllimi, o cümlədən 5 rüşvətxor saxlanılıb və onların həbsi üçün məhkəməyə vəsatət verilib.
Ukrayna Prezidenti Volodimir Zelenski İran vətəndaşlarından niyə Rusiya terrorunda şərik çıxdıqlarını və “şər dövlətin tərəfində olduqlarını” soruşub.
“Report” UNİAN-a istinadən xəbər verir ki, o, bu barədə videomüraciətində bildirib.
Rusiya terrorunun silahlarından biri – İranın “Şahed” pilotsuz uçuş aparatları (PUA) barədə danışan Zelenski qeyd edib ki, bu gün Ukrayna əsgərlərinin 900-ə yaxın belə vurulmuş PUA-sı var.
"Ümumilikdə, Ukraynaya qarşı təxminən 1 160 “Şahed”dən istifadə edilib. Biz onların əksəriyyətini vururuq. Və daim vurulan İran pilotsuz təyyarələrinin sayını tam etmək üçün vasitə axtarırıq", - o deyib.
Ukrayna Prezidenti birbaşa İran xalqına: cəmiyyətə, dini rəhbərə, hər bir iranlı ailəyə və İranda hökumət qərarlarına təsir edə bilən insanlara müraciət edib.
"Sadə bir sual: siz niyə Rusiya terrorunun şəriki olmalısınız? Niyə şər dövlətin tərəfindəsiniz? Dünya baş verənləri görür və siz hamınız İranda görürsünüz. Şərə dəstəyi inkar etmək mümkün deyil", - Zelenski deyib.
O qeyd edib ki, ukraynalılar İranın Rusiyaya ötürdüyü kamikadze pilotsuz təyyarələrinin əksəriyyətini vurmağı öyrənsələr də, PUA-ların zərbələri hələ də dəqiq olur.
"İranın pilotsuz təyyarəsi hamilə ukraynalı qızı əri ilə birlikdə evində öldürəndə, İrandakı analar və atalar bu sizin nəyinizə lazımdır? Sizin “Şahed” tələbələrimizin yataqxanasını vuranda insanlar ölür, yanğın başlayır, xilasedicilər yerə çatır. və bir neçə dəqiqədən sonra ikinci “Şahed” vurur, başqalarının həyatını xilas edənlərin həyatını alır... İranın bu cür həyasızcasına qətliə nə üçündür?”, - Prezident soruşub.
Zelenski qeyd edib ki, bu, Rusiyanın əli ilə baş verir, amma yenə də İran silahları ilə.
"Tehranda, Şirazda və ya ölkənizin hər hansı başqa şəhərindəki insanlar bundan nə əldə edirsiniz? - Təəssüf ki, dünyadan daha çox təcrid, daha çox problemlər... Əminəm ki, siz digər tərəfdə olmalısınız, şərin yanında deyil", - Ukrayna rəhbəri deyib.