Avropa İttifaqının Ermənistandakı mülki müşahidə missiyasının üzvləri Vedi("Ararat") rayonunun “Yerasx” adlandırılmış Arazdəyən məntəqəsində tikilməkdə olan zavodun ərazisinə baş çəkiblər.

TEREF.AZ moderator.az-a istinadla xəbər verir ki, “Aykakan Jamanak”ın yaydığı məlumata görə, bu barədə Ermənistan xarici işlər nazirinin müavini Vahan Kostanyan özünün “Twitter” mikrobloqunda yazıb.

Yazıda xüsusi olaraq deyilir:

“Aİ müşahidəçiləri Azərbaycanın atəşi altında olan Yerasx metallurgiya zavodunun tikinti sahəsinə baş çəkiblər”.

Xatırladaq ki, dünən – iyunun 14-də Ermənistan Müdafiə Nazirliyi guya Azərbaycan Silahlı Qüvvələrinin Arazdəyəndə “xarici investisiyalarla tikilən metallurgiya zavodu istiqamətində atəş açması və nəticədə 2 Hindistan vətəndaşının yaralanması” haqda məlumat yayıb.

Azərbaycan Xarici İşlər Nazirliyinin sözçüsü Ayxan Hacızadə bu iddianı rədd edərək “Tviter”də yazıb:

“Ermənistanda tikiləcək metaləritmə zavodunda mülki işçilərin hədəfə alınması ilə bağlı əsassız iddiaları rədd edirik. Bu, həmişə olduğu kimi, Ermənistanın diqqəti Azərbaycana qarşı hərbi təxribatlarından və zavodun mənfi trans-sərhəd təsirinə yayındırmaq üçün növbəti uydurmasıdır”.

Onu da əlavə edək ki, dünən Azərbaycan Müdafiə Nazirliyi Ermənistan tərəfinin iddiasının əksinə olaraq həmin ölkənin sözügedən ərazisindən Azərbaycan ordusu mövqelərinin atəşə tutilması barədə məlumat yayıb.

Məlumatda deyilir:

“İyunun 14-ü saat 10:00-dan etibarən Ermənistan silahlı qüvvələrinin bölmələri Vedi rayonunun Arazdəyən yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətində yerləşən mövqelərini yenidən müxtəlif çaplı silahlardan intensiv atəşə tutub.
Ordumuzun bölmələri tərəfindən cavab tədbirləri görülür”.
.
Bu arada eyni tarixdə, yəni iyunun 14-də Rusiya Xarici İşlər Nazirliyinin rəsmi nümayəndəsi Mariya Zaxarova Aİ-nin Ermənistandakı müşahidə missiyasının özünün müşahidə məntəqələrinin artırılmasıyla bağlı narahatlığını ifadə edərək guya “bölgədə sülhün təminatının yalnız Rusiya Federasiyasının sülhməramlı qoşunlarının olduğunu” vurğulayıb...

Fransa müstəntiqləri 2007-ci ildə Liviya hakimiyyəti tərəfindən seçki kampaniyasının mümkün maliyyələşdirilməsi ilə bağlı araşdırma çərçivəsində keçmiş prezident Nikola Sarkozinin evində axtarış aparıblar.

APA xəbər ver ki, bu barədə “Depeche” qəzeti məlumat yayıb.
Qəzet yazır ki, müstəntiqlər Sarkozinin livan əsilli fransız iş adamı Ziyad Takiəddinə 2007-ci il prezident seçkiləri kampaniyası üçün Liviya hakimiyyətindən pul alması ittihamını geri götürmək üçün 600 min avro ödədiyindən şübhələnirlər.

Nəşrin məlumatına görə, Fransanın sabiq prezidenti çərşənbə axşamı Korrupsiya, Vergi və Maliyyə Pozuntuları ilə Mübarizə üzrə Mərkəzi İdarəsinin (OCLCCIFF) əməkdaşları tərəfindən dindirilib. Şahid qismində onun arvadı Karla Bruni-Sarkozi də ifadə verib. Bundan sonra Sarkozinin evində axtarışlar aparılıb.

Sarkozinin seçki kampaniyasının maliyyələşdirilməsini ilk dəfə 2011-ci ildə Liviyanın mərhum lideri Müəmmər Qəddafinin oğlu Seyf əl-İslam elan edib. O, Euronews telekanalına müsahibəsində Sarkozinin Liviya hökumətindən maliyyə dəstəyi aldığını iddia edib.

Avropa Şurasının Nazirlər Komitəsi növbəti dəfə Azərbaycana səslənib.

TEREF.AZ-ın Gununsesi.info-ya istinadən xəbərinə görə, Avropa İnsan Hüquqları Məhkəməsinin qərarlarının icrası ilə bağlı Nazirlər Komitəsinin son iclasında qəbul edilmiş qərarda Azərbaycan hökumətinin diqqətinə “Azərbaycan üzrə Məmmədli qrupu işləri” çatdırılıb.

Qeyd edək ki, bu işlər seçkilərin monitorinqi sahəsində fəaliyyətinə və ya 5-ci (azadlıq və təhlükəsizlik hüququ) ilə birlikdə qəbul edilmiş 18-ci maddəni pozaraq fəal ictimai-siyasi fəaliyyətə görə ərizəçilərin cəzalandırılması üçün həbs və məhkəməyə qədər həbslə bağlıdır.

Həmin qərarların konpemsasiya hissəsi icra olunsa da sonrada Ali Məhkəmə şəxslərə bəraət verilməsi məsələsini yubadır.

Sənəddə bildirilir ki, bu qrup işlərdə məhkəmə hər bir ərizəçiyə münasibətdə Avropa Məhkəməsi Konvensiyanın 5-ci maddəsi ilə birlikdə qəbul edilmiş 18-ci maddənin pozulmasını müəyyən edib. Hökuməti tənqid edənlərin, vətəndaş cəmiyyətinin əsassız həbsi və həbsinin narahatlıq doğuran modelini aşkar edib. Burada fəallar və hüquq müdafiəçiləri qanunun aliliyinə zidd olaraq cavab təqibi və cinayət qanunlarından sui-istifadə etməklə susdurulub.

Nazirlər Komitəsi Azərbaycan hökumətini təcili olaraq bütün mümkün tədbirləri görməyə çağırıb.”Bu qrupda qalan ərizəçilərin məhkumluğunun Ali Məhkəmə tərəfindən ləğv edilməsi də əsas ümumi tədbir olaraq qalır ki, bu da qisas və sui-istifadə xarakterli həbslərə və təqiblərə qarşı möhkəm və ardıcıl milli məhkəmə təcrübəsinin yaradılmasına imkan verəcək.

Çağırışda, həmçinin, hakimiyyət orqanlarına məhkəmə hakimiyyətinin müstəqilliyini təmin etmək, xüsusən də Məhkəmə Hüquq Şurasının tərkibini və fəaliyyətini Korrupsiyaya Qarşı Dövlətlər Qrupunun (GRECO) müvafiq tövsiyələrinə uyğunlaşdırmaqla öz səylərini davam etdirmək kimi məsələlər də əks olunub.

Ukrayna münaqişəsinin həllinin açarı Qərbdədir, bunun üçün onlar Ukraynaya silah və texnika tədarükünü dayandırmalıdırlar.

"Bunu Rusiya Prezidenti Vladimir Putin hərbi müxbirlərlə görüşündə deyib.

O, əmin olduğunu vurğulayıb ki, Ukraynanın özü də silah tədarükü dayandırılacağı təqdirdə tezliklə danışıqlar aparmaq istəyəcək.

"Birləşmiş Ştatlar özünü elə göstərir ki, Ukraynada münaqişənin kəskinləşməsindən qorxmur, lakin oradakı sağlam insanlar açıq şəkildə işi üçüncü dünya müharibəsinə aparmaq istəmirlər. Üçüncü dünya müharibəsi baş verərsə, qaliblər olmayacaq, o cümlədən Amerika da qalib olmayacaq", - deyə Rusiya prezidenti qeyd edib.

Türkiyə Şimali Atlantika Alyansı ilə Stokholm arasında iyunun 14-də keçiriləcək məsləhətləşmələrdə İsveçin NATO-ya üzv olmaq ərizəsini çətin ki, təsdiq etsin.
Bu barədə mənbələrə istinadən “Bloomberg” məlumat yayıb.
Qeyd olunur ki, İsveçin iyunun 1-dən qüvvəyə minmiş terrorizm haqqında qanuna düzəlişlərin NATO-ya qoşulma prosesini sürətləndirməyə kömək olacağına ümid etməsinə baxmayaraq, Türkiyə hakimiyyəti hələlik müvafiq ərizəni təsdiqləməyə hazır deyil.
Ankaranın fikrincə, Stokholm terrorla bağlı yeni qanununu tam şəkildə həyata keçirməlidir.

Tarixi ərazilərimizdən izlərini silməyi dövlət siyasətinə çevirmiş Ermənistanın anti-Azərbaycan addımları hər zaman olduğu kimi davam edir.

Xezerxeber.az xəbər verir ki, söhbət Qərbi Azərbaycanın, tədqiqatçıların şəhərin nüvəsi adlandırdığı İrəvan şəhərinin Təpəbaşı məhəlləsindən gedir.

Millət vəkili Əhliman Əmiraslanov Milli Məsclisin Mədəniyyət komitəsinin təşkilatçılığı ilə “Qərbi Azərbaycan: soyqırımına məruz qalan tarixi-mədəni irsimiz. Qərbi Azərbaycanın tarixi və mədəni irsinin dirçəlişi” mövzusunda keçirilən geniş tərkibli ictimai dinləmə zamanı bildirib ki, bu məhəllə indi məhv olmaq təhlükəsi ilə üz üzədir.

Dinləmə çərçivəsində Qərbi Azərbaycan ərazisinə qayıdış məsələləri ilə yanaşı, həmin ərazilərdə tarixi mədəni irsimizi əhatə edən digər mövzular da diqqətə çatdırılıb.

Millət vəkili qeyd edib ki, 44 günlük Vətən müharibəsində qələbəmiz Azərbaycan qarşısında yeni perspektivlər açıb. Bu zəfər Qərbi Azərbaycana qayıdışın təməlini qoyub. Bizim öz torpaqlarımıza qayıtmağa haqqımız var və öz irsimizə sahib çıxmalıyıq.

Qeyd olunub ki, Qərbi Azərbaycan İcması Ermənistanda Azərbaycan mədəni irsinin qiymətləndirilməsi, bərpası, saxlanılması və mühafizəsi, Ermənistandan qovulmuş azərbaycanlıların öz mədəni irsindən istifadə etməyə dair mədəni hüquqlarının təmin edilməsi ilə əlaqədar beynəlxalq təşkilatlara, o cümlədən UNESCO və BMT-yə müvafiq müraciətlər də ünvanlayıb.

Daha ətraflı süjetdə:

Ermənistan hakimiyyəti üçtərəfli noyabr Bəyanatının 9-cu maddəsinin həyata keçməsinə mane olmağa çalışır.

Qeyd edək ki, Ermənistanın Baş nazirinin müavini Mehr Qriqonyan Ermənistan ərazisindən keçməklə Azərbaycanın qərb əraziləri ilə Naxçıvanı birləşdirən kommunikasiya yollarının Rusiya Federasiyanın Dövlət Sərhəd Xidməti tərəfindən mühafizə olunacağı barədə məlmatları şərh edib. Qriqonyan erməni mətbuatına açıqlamasında iyunun 2-də son Moskva görüşündə üçtərəfli müzakirə zamanı regional kommunikasiyaların Rusiyanın sərhəd qoşunları tərəfindən nəzarət olunacağı ilə bağlı razılıq əldə olunmadığını deyib:

“Ermənistanın mövqeyi belə idi və belə də qalır ki, 9 noyabr 2020-ci il tarixli üçtərəfli Bəyanatın 9-cu bəndində nəzərdə tutulan yollar tərəflərin suverenliyi və yurisdiksiyası altında, qarşılıqlılıq prinsipi əsasında fəaliyyət göstərəcək”.

Xatırladaq ki, bir müddət əvvəl Ermənistanın Azərbaycanla sərhəd ərazilərdə sərhəd və gömrük məntəqələrinin Rusiyanın müvafiq qurumlarının nəzarət altında olub-olmayacağı ilə bağlı suala cavablandıran M.Qriqonyan vurğulayıb ki, ölkənin sərhədlərində bütün nəzarət mexanizmlərinin tətbiqi yalnız İrəvanın qərarında müəyyən olunacaq:

“Aydın mövqe var ki, gömrük və sərhəd nəzarəti qanunvericiliyimizə və səlahiyyətli orqanlarımıza uyğun həyata keçiriləcək”.

Görünür ki, Ermənistan hakimiyyəti üçtərəfli noyabr Bəyanatının 9-cu maddəsinə qarşı çıxaraq ərazisindən keçən nəqliyyat kommunikasiyaların Rusiyanın nəzarəti altında olmasını istəmir. Bəzi ekspertlər Qriqonyanın bu bəyanatını Qərbin təzyiqi ilə əlaqələndirib.

TEREF.AZ-ın bildirdiyinə görə, məsələ ilə bağlı politoloq Rəşad Bayramov Cebhe.info-ya açıqlamasında qeyd edib ki, ABŞ və Avropa İttifaqı Paşinyan hakimiyyəti qarşısında konkret öhdəliklər qoyub. Onun sözlərinə görə, Paşinyan hər vəchlə Ermənistanı Rusiyanın cilovundan xilas etməyə çalışır:

“Moskvada son üçtərəfli görüşdə müzakirə olunan məsələlər hər iki ölkənin ictimaiyyətinə məlumdur. Lakin bu görüşdə hansı məsələlər üzrə razılıq əldə olunub-olunmaması hələ dəqiq bəlli deyil. Bir məqamı da nəzərə almaq lazımdır ki, may ayında Qərbin vasitəçiliyi ilə keçirilən Brüssel və Kişineu görüşlərində Azərbaycan və Ermənistanın rəhbərləri arasında bu məsələ müzakirə olunub.

Həmin görüşlərdə Ermənistan ərazisindən keçən nəqliyyat kommunikasiyaların Beynəlxalq Gömrük Təşkilatının nəzarətinə verilməsi təklif edilmişdi. Ancaq Moskvada üç ölkənin Baş nazir müavinlərinin görüşündən sonra həmin kommunikasiya xətlərinin birbaşa Rusiya Federasiyasının Dövlət Sərhəd Qoşunları tərəfindən nəzarət ediləcəyi bildirilib. Bu, həmçinin üçtərəfli noyabr Bəyanatının 9-cu maddəsində də qeyd edilib.

Lakin Qriqonyanın son bəyanatından görünür ki, Ermənistan öz ərazisində yeni kommunikasiya xətlərinin Rusiyanən hərbçilərinin nəzarəti altında olmasını istəmir. Doğrusunu desək, bunu özləsinin təhlükəsizliyinə zidd hesab edir. İrəvan həqiqətən bu məsələdə Rusiya ilə razılığa gəlmək marağında deyil. Əlbəttə, bu, Qərbin diqtəsi ilə bağlıdır”.

Ekspert xatırladıb ki, Nikol Paşinyanın hakimiyyətə gəlməsində Qərbin güc mərkəzlərinin, xüsusilə ABŞ-ın böyük rolu olub:

“Qərq Paşinyan qarşısında konkret öhdəliklər qoyub. Öhdəliklər bundan ibarətdir ki, Paşinyan hakimiyyəti Ermənistanda Rusiyanın siyasi, iqtisadi və hərbi təsir imkanlarını məhdudlaşdırmalıdır. Həm ABŞ, həm də Avropa İttifaqı Azərbaycan və Ermənistan arasında sülh müqaviləsinin imzalanmasına nail olmaqla Rusiyanın Cənubi Qafqazdan sıxışdırılıb çıxarılmasına çalışacaq.

Yəni hər iki dövlətin sülh müqaviləsinə imza atıdığı təqdirdə ilk növbədə Qarabağdakı Rusiya sülhməramlı qüvvələrinin, ondan sonra isə Ermənistanın Gümrü şəhərində rus hərbi bazasının regionu tərk etməsi üçün münasib şərait yaradacaq. Paşinyan Qərbin öhdəliklərini yerinə yetirməyə məcburdur. Xüsusilə, Rusiyanın Ukrayna bataqlığında olduğu dönəmdə Moskva Ermənistanda aktiv şəkildə öz təzyiq imkanlarından istifadə edə bilmir. Paşinyan maksimum şəkildə öz ölkəsini Rusiyanın cilovundan qurtarmaq üçün səy göstərir.

Onsuz da Ermənistanın sərhəd əraziləri, dəmir yolları və digər iqtisadi obyektləri Rusiyanın tam nəzarətindədir. Ermənistanda əlavə rus qoşunlarının cəmləşməsi Rusiyanın bu ölkə üzərində təsir mexanizmlərini artıracaq. Bu da Paşinyanın marağında deyil. Məhz buna görə Ermənistan hakimiyyəti regional kommunikasiyaların Rusiyanın nəzarətinə keçməməsi üçün əlindən gələni edəcək”.

Əgər İran qarşısına məqsəd qoysa, Qərb Tehranın nüvə silahına sahib olmasına mane ola bilməz.

APA-nın İRNA agentliyinə istinadən verdiyi xəbərə görə, bunu İran Ali Lideri Əli Xamenei ölkənin atom sənayesinin nümayəndələri ilə görüşdə bildirib.

Əli Xamenei deyib ki, 20 il ərzində düşmənlər (Qərb dövlətləri) İranın atom sənayesinin inkişafına maneələr yaradıblar və bunu nüvə silahı bəhanəsi altında ediblər: “Onlar bilirlər ki, biz nüvə silahına can atmırıq. Əgər bu belə olmasaydı, onlar bizi dayandıra bilməzdilər”.

Daha bir problem minalardır: partlayıcı qurğular suda qalır və bütün canlılar üçün böyük təhlükə yaradır...

İşğal, atəşlə davamlı terror, indi də genişmiqyaslı daşqın... Xerson əhalisinin rusların Kaxovka Su Elektrik Stansiyasını (SES) partlatmasından sonrakı həyatı, xilasetmə əməliyyatı, insanların və heyvanların təxliyəsi, insanların hazırda ən çox nəyə ehtiyacı olduğunu UNİAN araşdırıb. AYNA faciə ilə bağlı reportajı istinadla təqdim edir:

Xerson vilayəti rus işğalçılarından əziyyət çəkməkdə davam edir. “Dünyanın ikinci ordusu” ötən ilin noyabrında “xoşməram jest” edərək Ukrayna regional mərkəzindən geri çəkildikdən sonra işğalçılar “münasibətlərin” yeni mərhələsinə başlayıblar – minaatanlardan və artilleriyadan atəşə tutmaq öz yerində... Və bu, Xersonun yerli sakinləri üçün son sınaq deyildi. Xersonlular Dnepr çayının sağ sahilində rusların Kaxovka SES-də törətdiyi terror aktının nəticələrini ilk hiss edənlərdən oldu. Məlumata görə, Xersonun bəzi ərazilərində suyun səviyyəsi 5 metrdən çox olub.



Ukrayna Qızıl Xaç Cəmiyyətinin Xersondakı Dnepr rayon təşkilatının rəhbəri Nataliya Şatilova-Poqasiy şəhərin su basmış ərazilərinin Ostriv, Riçport və Korabelnı, habelə Antonivka, Sadove şəhər icmasının yaşayış məntəqələri olduğunu deyib.

Bununla belə, könüllülər deyir ki, bu vəziyyət bir daha Xerson əhalisinin mütəşəkkil və həmrəy olduğunu təsdiqlədi: “Könüllülər, qayğıkeş Xerson sakinləri haradansa qayıqlar tapırlar, həyətləri, evləri yoxlayırlar, insanları axtarırlar. Bəzi yerlərdə qocalar və hərəkət qabiliyyəti məhdud insanlar, həmçinin bağlı ev heyvanları qalıb. İnsanlar maşınları ilə, qayıqları ilə, yəni ki, kimin nəyi varsa, köməksiz insanları xilas edirlər”.

Qadının sözlərinə görə, hadisə baş verən gün səhər su məntəqələrə tez gəlməyib, insanlar arasında xüsusi çaxnaşma olmayıb: “Mağazalarda növbə yox idi, şəhər camaatı artıq heç nə almırdı. Hər şey normal işləyirdi, su basmış ərazilərdən gələnlərin yerləşdirilməsi üçün yerlər hazırlanırdı. Təxliyyə həm Xersonun daha təhlükəsiz bölgələrində, həm də digər şəhərlərdə, xüsusən Nikolayev və Odessada həyata keçirilib”.



Nataliya xanım qeyd edir ki, “evakuasiya edilmiş insanlar yataq yerləri və hər cür şəraiti olan xəstəxanalarda və ya təhsil müəssisələrində hazırlanmış sığınacaqlarda yerləşdirilib”.

Lakin iyunun 6-da axşama yaxın vəziyyət dəyişməyə başlayıb: "Su gəlib-gedirdi. Evləri çox aktiv şəkildə su basmağa başladı. Ona görə də əvvəlcə təxliyyə olunmaq istəməyənlər axşam saatlarında evlərini tərk etməyə başladılar. Xilasetmə əməliyyatı davam edir, bizim könüllülər insanları evlərindən çıxarır, xilas edir və ev heyvanlarını aparırlar”.

Nataliya xanımın sözlərinə görə, zərərçəkmiş Xerson əhalisinin “fast food”a, quru paltara, alt paltarları, yastıqlar, adyallar, döşəklər, gigiyena vasitələri, dəsmallar, silindrli qaz sobaları, birdəfəlik qablar və dərmanlara ehtiyacı var.

"Daşqın həm təmizləyici qurğuları, həm də qəbiristanlıqları yuyub aparır. Düşünürəm ki, Dnepr çayı və qrunt suları çirklənəcək. Bu ekoloji vəziyyəti pisləşdirir. Sabah nə olacağını bilmirik”, - könüllü deyir.

İnsanların təxliyəsi ilə məşğul olan digər yerli könüllü Yuliya Smirna bildirib ki, şəhərin su basmış ərazilərində kommunikasiya yoxdur. Bununla belə, Xersonun əksər hissəsində işıq, qaz və su var.

O qeyd edir ki, çayın yaxınlığında yerləşən ərazilər çox tez su altında qalıb: “Çərşənbə günü məntəqələrin çoxunu su basdı, su hələ də gəlməkdədir. Amma nədənsə xəbərlərdə bu barədə artıq heç bir məlumat yoxdur”.



Yuliya xanımın sözlərinə görə, Xerson əhalisi ilk dəfə belə böyüklükdə sellə üzləşməsinə baxmayaraq, imkanı olan hər kəs kömək etməyə başlayıb. Onlar tez və mütəşəkkil şəkildə hərəkət etdilər. Şəhərdə küçələrdə asayişə nəzarət edən hüquq-mühafizə orqanlarının əməkdaşları və əsgərlər var.

"İlk növbədə, evlərdə qalan insanları xilas etməliyik. Çünki təəssüf ki, hadisə baş verən gün hamı evini tərk etmədi. İndi biz insanları xilas edirik, sonra onların nəyə ehtiyacı olduğunu anlayacağıq", - deyə bildirib: "İindi bəlkə də evində qalan kimsə var və o, acından ölür. Xersondan başqa şəhərlərə evakuasiya edən çoxlu avtobuslar var. Mənzillə təmin etməyə hazır olan çoxlu sayda insan var. Bununla bağlı hələ heç bir problem yoxdur. Amma hələ evakuasiya bitməyib.Biz bu fəlakətin miqyasını hələ də anlamırıq...”.



Juliya və digər könüllülər Riçport bölgəsində olub, insanları xilas ediblər. Qadın qeyd edib ki, Rusiya işğalçılarının daim atəşə tutmasından əziyyət çəkən Ostriv mikrorayonunda vəziyyət çox gərgindir: “Yardım gözləyən çoxlu şəhər əhalisi var. Könüllülər çərşənbə axşamı ora çatmağa çalışdılar, lakin güclü su axını səbəbindən hərbçilər könüllüləri əraziyə buraxmadılar”.

"Xersonda qayıqlarla bağlı böyük problem var. Rusiya ordusu sol sahilə keçəndə xersonluların su nəqliyyatı vasitələrini əlindən aldı və ya məhv etdi. Qayıqlar hərbçilər, xilasedicilər, könüllülər üçün lazımdır. Təəssüf ki, maşınla hər yerə çata bilmirsən”, - Yuliya xanım deyib.

Daha bir problem isə minalardır. Partlayıcı qurğular suda qalır və bütün canlılar üçün böyük təhlükə yaradır...

Müəllif: Turan Abdulla
Ayna.az