Turistləri “Titanik” sərnişin laynerinin batdığı yerə aparmaq üçün istifadə edilən sualtı eniş aparatı Atlantik okeanında itib.

Bu barədə bazar ertəsi Boston Sahil Mühafizəsi məlumat yayıb.

Məlumata görə, artıq axtarış-xilasetmə əməliyyatına başlanılıb. Sualtı qayıqda 5 nəfərin olduğu vurğulanır. Onların arasında britaniyalı milyarder Hemiş Hardinq də var.

Qayığın itməsinin mümkün səbəblərdən biri onun 2900 metr dərinlikdə yerləşən qayalara çırpılmasıdır.
Qeyd edək ki, “Titanik”in qalıqları təxminən 4000 metr dərinlikdə yerləşir.

Mənbə: TASS

“Putinin hərəkətləri Rusiya imperiyasının ölümünü sürətləndirdi. Bu, qaçılmaz olan tarixi prosesdir”.

Bizim.Media xəbər verir ki, bunu Ukrayna Prezidenti Ofisinin rəhbərinin müşaviri Mixail Podolyak deyib.

“Dünyada nələrin baş verdiyini, bu gün kimin hansı resurslarda olduğunu başa düşmədiyiniz zaman avtomatik olaraq ölkənizin uyğun olmayan logistikasını, onun adından verdiyiniz bəyanatları məhv etmək prosesinə başlayırsınız”, - deyə Podolyak Putinin qərarlarını şərh edib.

Onun sözlərinə görə, bu, parçalanma məsələsi deyil, Rusiyanın transformasiyası məsələsidir:

“Rusiya daha kompakt olmalı və daha az həcmli qlobal mövqe tutmalıdır”.

"Hamı başa düşür ki, Azərbaycan və Ermənistan arasında sülhə alternativ yoxdur və sülhə nail olmağın ən yaxşı yolu insanların qarşılıqlı əlaqəsi üçün imkanlar açmaq, ümumi yol çəkməkdir".

"Report" xəbər verir ki, bu sözləri Rusiya Baş nazirinin müavini Aleksey Overçuk TASS-a müsahibəsində deyib.

"Baş nazirin müavinlərindən ibarət üçtərəfli işçi qrupumuz özünəməxsus münasibətlər formatı işləyib hazırlayıb. Bizim səviyyədə sənəd layihəsi formalaşdırılıb və demək olar ki, tam razılaşdırılıb, baxmayaraq ki, əsas məsələdə: sadə azərbaycanlılarla ermənilər həmişəki kimi sərhədi keçərkən bir-biri ilə necə münasibət quracaqlar, hələ iş görülməlidir", - Overçuk bildirib.

Baş nazirin müavini qeyd edib ki, regionda nəqliyyat əlaqələrinin açılması Arazdəyən-Culfa-Mehri-Horadiz dəmir yolunun bərpası ilə başlayacaq və bu, tərəflərin suverenliyinə hörmət əsasında əsas yanaşmaları müəyyənləşdirir:

"Tərəflərdən heç biri şübhə etmir ki, bu yolun ayrı-ayrı hissələri onların ərazisində yerləşdiyi ölkənin yurisdiksiyasında olacaq. Belə ki, bu yola münasibətdə istər Azərbaycanda, istərsə də Ermənistanda yerli qanunvericilik tətbiq olunacaq".

Overçuk vurğulayıb ki, Azərbaycan öz ölkəsinin qərb rayonları ilə Naxçıvan arasında ən qısa zamanda birbaşa və rahat nəqliyyat əlaqəsi yaratmağa çalışır.

"Bundan əlavə, dəmir yolunun İran və Türkiyəyə daha da uzanacağı göz qabağındadır ki, bu da onu Avrasiyanın ən mühüm nəqliyyat marşrutlarından birinə çevirəcək", - Rusiya Baş nazirinin müavini əlavə edib.

“Dərhal saxlanılaraq Ukrayna və NATO ölkələrinin hüquq-mühafizə orqanlarına təhvil verilməlidir”

Erməni əsilli milyarder Ruben Vardanyan Ukrayna tərəfindən axtarışa verilib. AYNA xəbər verir ki, bu barədə UNİAN məlumat yayıb.

Bildirilib ki, Ukraynanın sanksiya tətbiq edilən şəxslərin siyahısına daxil etdiyi Vardanyan “dərhal saxlanılaraq Ukrayna və NATO ölkələrinin hüquq-mühafizə orqanlarına təhvil verilməli” şəxs kimi qeyd edilib.

Qeyd edək ki, bu ilin fevralında Xankəndidəki separatçı tör-töküntülərinin “dövlət naziri” Ruben Vardanyan "postu"nu itirib.

İranın sabiq prezidenti Həsən Ruhani barəsində cinayət məcəlləsinin iki maddəsi üzrə iş açılıb.

Bu barədə İran İslam Şurası Məclisinin (Parlament) üzvü Nəsrullah Pejmanfər açıqlama verib.

Onun sözlərinə görə, Həsən Ruhaniyə qarşı 700 min nəfərin şikayətilə bağlı iş prokurorluğa göndərilib, məsələnin ən qısa zamanda araşdırılacağı, onun barəsində həbs-qətimkan tədbiri və ya məhkəmə qərarı veriləcəyi gözlənilir.

Həsən Ruhani birja problemləri və valyuta bazarına müdaxilədə ittiham edilir.

İran İslam Respublikasının dini lideri ayətullah Əli Xamenei Fələstinin İslami Cihad Hərəkatının rəhbərliyin qəbul edib.

O, İsrailə qarşı dirəniş göstərən cihadçıların rəhbəri Ziad Al-Nakhalehi qələbə münasibəti ilə təbrik edib.

“İndi sionist rejimin vəziyyəti 70 il əvvəlki ilə müqayisədə xeyli dəyişib və sionist liderlərin bu rejimin 80-ci ilini görməməkdən narahat olmağa haqqı var”, -deyə o vurğulayıb.

Musavat.com-un məlumatına görə bu barədə İranın yarım-rəsmi agentliyi “Fars News” xəbər yayıb.

“Biz (2015-ci ildə) qeyd etmişdik ki, sionist rejim bundan sonra heç 25 il ayaqda dura bilməyəcək, lakin görünən odur ki, onlar özləri tələsirlər və daha aradan tez getmək istəyirlər”, - deyə Xamenei bildirib.

“Bu gün sionist düşmən passiv reaksiya mövqeyindədir və bu vəziyyət göstərir ki, Fələstinin İslami Cihad Hərəkatı və müqavimət qrupları mübarizə yolunu düzgün müəyyən edib və həmin yolu tutub gedirlər”.

Agentlik qeyd edir ki, mayın əvvəlində İsrail Qəzza zolağında ölümcül bombardman kampaniyasına başladı və bu, fələstinli döyüşçülərin işğal olunmuş ərazilərə doğru mindən çox raket atmasına səbəb oldu. Mühasirəyə alınan anklavda aralarında uşaq və qadınlar olmaqla ən azı 33 fələstinli həlak olub, 150-dən çox fələstinli yaralanıb.

Münaqişə Qəzzanın müqavimət qrupları ilə İsrail rejimi arasında 2021-ci ildə baş vermiş 10 günlük müharibədən bəri ən qanlı döyüş sayılır.

İranın rəhbəri çıxışının başqa bir yerində böyük hədəflərə çatmağın böyük risklər tələb etdiyini vurğulayıb: “Bu gün Allahın lütfü ilə Fələstin müqavimət qruplarının və İslami Cihadın gücü və etibarı günü-gündən artır və sionist rejimin beş günlük müharibədə son məğlubiyyəti bunu təsdiqləyir”.

O, İslami Cihad və digər Fələstin müqavimət qruplarının İsrail rejimi ilə mübarizənin əsas “açarını” kəşf etdiyini bildirib və əlavə edib: “İordan çayının qərb sahilində müqavimət qruplarının artan qüdrəti sionist düşməni diz çökdürmək üçün açardır və bu mübarizə davam etməlidir”.

Əli Xamnei İsrailin son 4 ildə 4 baş nazir dəyişməsini də ölkə daxilində ciddi siyasi sarsıntıların və problemlərin olmasının əlaməti kimi dəyərləndirib.

Qeyd edək ki, İran İsrailə qarşı ən radikal mövqedə olan ölkədir. Rəsmi Tehran İsrailə qarşı olan bütün hərəkatlara açıq şəkildə dəstək verir. İsrail də nüvə silahı əldə etməyin bir addımlığında olan İrana qarşı düşmən mövqeyindən çıxış edir. Təsadüfi deyil ki, İsrail dəfələrlə İranın bir sıra hərbi obyektlərini bombalayıb.

Amerika Prezidenti Co Bayden Federal Təhqiqatlar Bürosunun Ukrayna dosyesi ilə bağlı sual verən jurnalisti tənqid edib.

“The New York Post” qəzetinin jurnalisti Stiven Nelson Baydendən soruşub ki, niyə Federal Təhqiqatlar Bürosunun Ukrayna üzrə informatorunun dosyesində onu “Böyük oğlan” adlandırırlar.

“Niyə belə axmaq sual verirsən?”, - deyə Bayden ona sərt cavab verib.

Qeyd edək ki, ABŞ Konqresinin Nümayəndələr Palatasının Nəzarət və Hesabat Komitəsinin sədri Ceyms Komer bir gün əvvəl bildirib ki, Baydenin ailəsi əcnəbi şəxslərdən 30 milyon dollara qədər pul almış ola bilər.

O, həmçinin bu məlumat mənbəyinin Federal Təhqiqatlar Bürosunun “ən yüksəkmaaşlı və ən etibarlı” informatoru olduğuna da diqqət çəkib.

BAKU.WS

“Ölkənin mövcudluğuna təhlükə yaranarsa, Rusiya bütün güc və vasitələrdən istifadə edəcək”.

Bunu Rusiya Prezidenti Vladimir Putin Sankt-Peterburqda keçirilən beynəlxalq iqtisadi forumda deyib.

Onun sözlərinə görə, Rusiyanın NATO ölkələrindən daha çox nüvə silahı var: “Qərb Rusiya ilə danışıq aparmaq istəmirdi, amma onlar istəyəcəklər, biz isə duruma baxacağıq. Rusiyanın NATO ölkələrindən daha çox nüvə silahı var və onlar bizdən onun sayını azaltmağımızı istəyirlər”.

Ermənistan Xarici İşlər Nazirliyi Rusiyanın Qarabağdakı sülhməramlı kontingentinə müraciət edərək, araşdırma aparmağa çağırıb.

Bildirilib ki, Ermənistan tərəfi Azərbaycanın sülhməramlıların məsuliyyət zonasında atəşkəs rejiminin ermənilər tərəfindən pozulması barədə məlumatlar yayır. Ermənistan XİN bu məlumatların, guya həqiqət olmadığını iddia edir və araşdırma istəyib. Ermənistan Qarabağa beynəlxalq faktaraşdırıcı missiyanın göndərilməsi ilə bağlı mövqeyini bir daha xatırladıb.

Qeyd edək ki, Ermənistan XİN bu bəyanatı öz saytında ancaq erməni dilində yerləşdirib və bu, erməni mətbuatının diqqətini çəkib. Yerli mətbuat bəyanatın rus dilindəki versiyasının olmamasına diqqət çəkərək, əslində XİN-nin Rusiya tərəfinin diqqətini məsələyə cəlb etmək məqsədi daşımadığını yazıb.

Xüsusilə iki ölkə arasında sülh danışıqlarının intensivləşdiyi bir zamanda erməni tərəfinin dəfələrlə təxribatlara əl atması, sülhməramlıların məsuliyyət zonasındakı ərazilərdən Azərbaycan Ordusunun mövqelərini atəşə tutması halları artıb.

Maraqlıdır ki, bəyanatın rus dilində deyil, erməni dilində verilməsində məqsəd nədir?

TEREF.AZ-ın məlumatına görə, “Cümhuriyət”-ə açıqlamasında politoloq Samir Hümbətov bildirib ki, hər hansı beynəlxalq missiyanın, yaxud vasitəçinin cəlbedilməsi prosesində beynəxalq dillərdən istifadə olunmalıdır:

"Ən azından, ya rus, ya da ingilis dilində məlumat yerləşdirilməli idi, amma Ermənistan tərəfi bir tərəfdən şantaj xarakterli açıqlama verir, digər tərəfdən isə məsələnin lokal xarakterli olduğunu göstərməyə çalışır. Bəyanatın erməni dilində verilməsi göstərir ki, Ermənistan hakimiyyəti bunu yalnız öz ölkəsi üçün verib, ictimaiyyətin maraqlarına hesablayıb. Əgər həqiqətən də dırnaqarası sülhməramlıların orada fəaliyyətinin araşdırılmasına maraqlı olsaydı, o zaman bəyanat rus dilində də verilərdi.

Bu açıqlamanın əsas məqsədi ondan ibarətdir ki, baxın, biz çalışırıq, dayanmırıq, Azərbaycan təxribat törədir, qarşılığını isə veririk. Fakt ondan ibarətdir ki, bu günə qədər baş verən təxribatların arxasında Ermənistan olub. Sülh danışıqlarından yayınma cəhdləri var, bu cəhdlərin qarşısının alınması üçün Azərbaycan tərəfi bütün səylərini ortaya qoyub. Baxmayaraq ki, Azərbaycan bu qədər çalışır, nə Rusiya, nə də Qərb ölkələri tərəfindən bizim qədər bu məsələyə can yandıran yoxdur”.

İspaniya hakimiyyəti yaxın aylarda silah sistemləri, sursat və müdafiə avadanlığının alınması üçün 1 milyard avroya qədər vəsaitin istifadəsini nəzərdə tutan NATO sənaye planının təsdiqinə veto qoymaqla hədələyib.

Bu barədə “El Mundo” qəzeti məlumat yayıb.

Qeyd olunub ki, Madridin narazılığı NATO müttəfiqləri ilə müdafiə sənayesi arasında keçirilən görüşdə ispan şirkətlərinin iştirak etməməsi ilə bağlıdır.

Bundan əvvəl krallığın müdafiə naziri Marqarita Robles Brüsseldə NATO ölkələrindən olan şirkətlərin nümayəndələrinin və departament rəhbərlərinin iştirakı ilə keçirilən tədbirdə İspaniya şirkətlərinin təmsil olunan müəssisələrin siyahısına daxil edilməməsindən sonra iştirak etməmək qərarına gəlib.

Nəşrin yazdığına görə, NATO İspaniya hökumətinin narazılığını nəzərə almasa və krallıq şirkətlərinin bütün növbəti iclaslarda iştirakını təmin etmək üçün tədbirlər görməsə, Madrid alyansın sənaye planının təsdiqinə veto qoyacaq.

NATO çərçivəsində ilk belə tədbirdə alyansa üzv olan 18 ölkədən 25 müəssisə iştirak edir.