Rusiyanın Moskva vilayətindəki “Crocus City Hall” konsert zalında terror aktı törətməkdə təqsirləndirilən ikinci şəxs Saidakrami Raçabalizoda günahını etiraf edib.

Bu barədə Moskva məhkəməsi məlumat verib verib.

Məhkəmə müstəntiqin vəsatətinin təmin edilməsi və mayın 22-dək həbs qətimkan tədbirinin seçilməsi barədə qərar qəbul edib.

Qeyd edək ki, daha əvvəl “Crocus City Hall”da baş vermiş terror aktı ilə bağlı cinayət işində iştirak edən birinci şəxs Dalerjon Mirzoyev günahını tam etiraf edib.

Mənbə: “RİA Novosti” “Telegram” kanalı

Moskvada törədilmiş dəhşətli terror aktı ilə bağlı sensasiyalı görüntülər üzə çıxıb.

Azpost.info bildirir ki, “ÇK-OQPU” teleqram kanalının yaydığı görüntülərdə terror aktının baş verdiyi məkanda Rusiya Daxili İşlər Nazirliyinə məxsus mikroavtobus və əməkdaşlar əks olunub.

Kadrlarda ağ rəngli “Renault” markalı avtomobilin “Crocus”un qarşısında da dayandığı və oradan silahlı terrorçuların düşdüyü görünür. Həmin görüntüdə yaxınlıqda iri mikroavtobus və onun yanında bir nəfər də görünür. Bir neçə mənbə bildirib ki, bu, həmin gün “Piknik” qrupunun konserti zamanı təhlükəsizliyi təmin edən Rusiya Federasiyası Daxili İşlər Nazirliyinin kinoloji xidmətinin furqonudur. Hücumun ilk dəqiqələrini əks etdirən görüntülərdə bu xidmətin yanında iti olan əməkdaşı aydın görünür. Görüntüdə onun silahlı olub-olmadığı aydın olmur. Atışma başlayan kimi həmin əməkdaş sürətlə qaçır.

Digər tərfədn DİN-nin Pavşino polis şöbəsi düz “Crocus”un binasında yerləşir. Çeka-OGPU-nun məlumatına görə, hücum zamanı heyət tam tərkibdə orada olub. Bölmədə silahlar saxlanılır. Lakin polislərdən heç biri terrorçuların hücumuna məruz qalan dinc sakinləri qorumağa və xilas etməyə getməyib.

Vəzifə borcu insanları qorumaq olan polislər özlərini xilas etmək üçün qaçıblar.

Görüntülər böyük rezonans doğurub. DİN hələki rəsmi açıqlama ilə çıxış etməyib.

Ermənilərə Rusiyada xaos üçün psixoloji terror sifariş edilib

Rusiyada törədilmiş dəhşətli terror aktı dünya gündəminin əsas müzakirə mövzusudur. Bir çox ölkələr, hətta ABŞ başda olmaqla, bəzi Qərb ölkələri də bu bəşəri cinayətlə bağlı Rusiya ilə həmrəy olduğunu bəyanlayır. Və əksər ölkələrin liderləri prezident Vladimir Putinə telefonla zəng edərək, dəstəklərini ifadə edirlər.

Təbii ki, bu, tamamilə normal beynəlxalq reaksiya metodudur. Ancaq bəzi ölkələrin həmrəylik bəyanatları Rusiya siyasi dairələri tərəfindən qeyri-səmimi davranış kimi dəyərləndirilir. Hətta prezident Vladimir Putinin bəzi dövlət liderlərinin telefon zənglərinə ümumiyyətlə, cavab vermədiyi də bildirilir. Və onların sırasında Ermənistan baş naziri Nikol Paşinyan da yer alır.

Məsələ ondadır ki, baş nazir Nikol Paşinyan Moskvada baş vermiş terror aktı ilə bağlı həmrəylik ifadə etmək üçün dəfələrlə prezident Vladimir Putinə telefonla zəng edib. Ancaq Kremldən erməni baş nazirə bildiriblər ki, prezident Vladimir Putin hazırda daha vacib işlərlə məşğuldur və onunla danışmağa vaxtı yoxdur. Və bu səbəbdən də, baş nazir Nikol Paşinyan Kreml sahibinə həmrəyliyini teleqram göndərməklə, ifadə etmək məcburiyyətində qalıb.

Halbuki, prezident Vladimir Putinin MDB məkanına daxil olan bütün həmkarları ilə telefon ünsiyyətinə vaxt tapdığı barədə dəqiq məlumatlar mövcuddur. Belə anlaşılır ki, Kreml sahibinin yalnız erməni baş nazir üçün vaxtı olmayıb. Yəni, prezident Vladimir Putin baş nazir Nikol Paşinyanın səmimi olmadığını bildiyi üçün ona vaxt ayırmağı boşuna zaman itkisi hesab edib. Və son vaxtlar rəsmi İrəvanın Rusiyaya qarşı ən intensiv siyasi terror kampaniyası apardığını da nəzərə aldıqda, prezident Vladimir Putin öz davranışında tamamilə haqlı görünür.

Digər tərəfdən, bəzi iddialara görə, "Crocus City Hall"da törədilmiş terror aktının arxasından "erməni izi"nin çıxma ehtimalı da qətiyyən istisna edilmir. Belə ki, bəzi Rusiya KİV-ləri bu mövzuda artıq bəzi iddialar yatmağa başlayıblar.

Hətta Rusiyanın Kreml əleyhinə mövqe tutan "Dojd" telekanalı son terror aktının şahidlərini danışdırarkən, cinayətin "erməni izi" ilə bağlı məlumat açıq mətnlə efirə verilib. Belə ki, "Crocus City Hall" terrorunun zərərçəkənlərindən biri mülki şəxslərə atəş açan terrorçuların ermənicə söyüş söydüklərinə şahid olduğunu bildirib.

Təbii ki, Ermənistanın Rusiyadakı səfirliyi "Dojd" telekanalında gündəmə gətirilən bu şahid ifadəsindən ciddi şəkildə narahat olub. Ermənistan səfirliyi həmin telekanalı Rusiya cəmiyyətində məqsədli şəkildə ermənilərin əleyhinə əhval-ruhiyyə yaratmaq cəhdində günahlandırıb. Və bunun yolverilməz olduğunu vurğulayıb.

Ancaq Ermənistan səfirliyi nə qədər təkzib etsə də, hər halda, narahatlıq üçün səbəblər də olmamış deyil. Hər halda, ermənilərin tarixən terrorizmə bağlı olduqları, hətta keçmiş SSRİ ərazisində ən dəhşətli terror aktlarının məhz ermənilər tərəfindən törədildiyi də inkaredilməz reallıqdır. Üstəlik, Ermənistanın Rusiyaya xəyanət edib, Qərbə sığınmağa cəhd göstərdiyi bir mərhələdə ermənilərin Kremli ən böyük düşmən hesab etdikləri də məlumdur. Və erməni terror təşkilatlarının Ermənistana düşmən hesab edilən ölkələrə qarşı planlı terror aktlarl ilə qarşılıq verdikləri də faktlarla təsdiqlənib.

Maraqlıdır ki, "Crocus City Hall" terrorunda hələlik yalnız adları hallanan ermənilər bu hadisədən dərhal sonra Rusiyada daha iki terror hesab edilə biləcək cinayətdə iştirak ediblər. Belə ki, Rusiyanın cənub bölgəsində - "Mineralniye Vodı" şəhərində bir erməni avtomobili insanların üzərinə sürüb. Bu erməni cinayəti bir neçə mülki şəxsin həyatını itirməsi ilə nəticələnib. Və hazırda Rusiya hüquq-mühafizə orqanları bu dəhşətli cinayətlə bağlı araşdırmalara başlayıb.

Eyni zamanda, ermənilər Rusiyanın "Şeremetyevo" hava limanında psixoloji terror törədiblər. Belə ki, Moskva-İrəvan reysi üzrə havaya qalmalı olan təyyarəyə minik başladıqdan sonra bir erməni qadın çantasında bomba olduğunu bildirib. Nəticədə Moskva-İrəvan təyyarə reysi təxirə salınıb və hadisə yerinə gələn hüquq-mühafizə orqanlarının əməkdaşları çantasında bomba apardığını bildirmiş erməni qadını həbs ediblər və ciddi araşdırmalara başlayıblar.

Son iki törədilən cinayət hadisəsinin ardından rəsmi məlumat qurumlarına alternativ Rusiya təhlil və informasiya qaynaqları ermənilərin Kremlə qarşı psixoloji terrora fəaliyyətinə başladıqları qənaətinə gəliblər. Onların fikrincə, hazırda Rusiyada fəaliyyət göstərən bəzi erməni diaspor qrupları Moskvadakı terror aktının rus cəmiyyətində təsirlərini gücləndirmək missiyasını öz üzərlərinə götürüblər.

Rusiya alternativ qaynaqları hesab edirlər ki, məhz erməni diasporu hazırda ölkədə siyasi-ictimai prosesləri daha da gərginləşdirə biləcək psixoloji terror mexanizmlərinə malikdirlər. Və onlar vaxtilə keçmiş SSRİ-nin süqutu ərəfəsində bu psixoloji terror mexanizmlərindən Qərbin sifarişləri ilə maksimum səviyyədə istifadə ediblər. Və eyni prosesin indi Rusiyaya qarşı da başladılmaq üzrə olduğu ehtimal edilir.

Bu ehtimalın müəllifləri onu da vurğulayırlar ki, hazırda Ermənistan ərazisi Qərb kəşfiyyatının ən rahat fəaliyyət göstərdiyi məkandır. Üstəlik, Ermənistan və Fransa arasında imzalanmış kəşfiyyat fəaliyyətinin koordinasiyası barədə müqavilədə Rusiyaya qarşı da ortaq casusluq fəaliyyəti nəzərdə tutulub. Və belə bir fəaliyyət üçün Rusiyada yaşayan ermənilər olduqca sərfəli cinayət şəbəkəsi rolunu oynaya bilər. (musavat.com)

Rusiyalı reper, iş adamı Timati "Krokus Siti"dəki terror aktından sonra videomüraciət yayıb.
Bakupost.az Mash-a istinadən xəbər verir ki, o, Rusiyada ifrat sağçı birləşmələrin Tacikistan sakinlərinə münasibətdə millətlərarası münasibətləri qızışdırırlar.
"Mən bunu qəbuledilməz hesab edirəm. Bu, heç bir şəkildə düzgün deyil. Hörmətli ictimai rəy formalaşdıranlar, başınızı işə salın. Bu, kimə lazım ola bilərdi? <...> Ölkədəki vəziyyəti gərginləşdirmək üçün bu cinayətləri sifariş edənlərə fürsət verməyin!" - deyə Timati çağırış edib.

Rusiyanın Federal Təhlükəsizlik Xidməti Moskvada törədilmiş terror aktının təşkilatçılarının Ukrayna ilə əlaqəli oluğunu bəyan edib.

Gununsesi.info xəbər verir ki, bu barədə FTX-nin bu gün yaydığı bəyanatda bildirilib.

Qeyd edilib ki, “Crocus City Holl”dakı terror aktında iştirak edən terrorçular Rusiya-Ukrayna sərhədinə doğru qaçmağa cəhd ediblər: “Terrorçular sərhədi keçməyi planlaşdırıblar və Ukrayna tərəfində əlaqələri olub. “Crocus City Holl”dakı terror aktı diqqətlə planlaşdırılıb”.

ABŞ rəsmiləri bildiriblər ki, martın əvvəlində Birləşmiş Ştatların Moskvadakı səfirliyinin saytında Rusiya paytaxtda ekstremist hücumlara hazırlıqla bağlı yerləşdirilən xəbərdarlıq qismən İŞİD terror qruplaşmasının bir qolu haqqında kəşfiyyat məlumatlarına əsaslanıb.

"Report"un məlumatına görə, bu versiya "The Washington Post" qəzetində dərc olunan məqalədə yer alıb.

Qeyd edilir ki, martın 7-də ABŞ-nin Moskvadakı diplomatik missiyası “ekstremistlərin Moskvada konsertlər də daxil olmaqla, insanların böyük toplaşdığı yerlərə hücum etmək planları” xəbərlərinə nəzarət etdiyini bildirib.

Daha sonra səfirlik ABŞ vətəndaşlarına “növbəti 48 saat ərzində böyük izdihamdan çəkinməyi” tövsiyə edib.

“Crocus City Hall” un fədakar mühafizəçilərinə və qonşu təşkilatların əməkdaşlarına, faciə gecəsi işləyən, ümumi bəladan kənarda qalmayan və insanlara kömək edən bütün əməkdaşlara dərin minnətdarlığımı bildirmək istəyirəm.

Bunu Rusiyanın ən iri developer şirkətlərindən biri olan “Crocus Group”un vitse-prezidenti Emin Ağalarov “Crocus Sity Hall”da baş vermiş terror aktı ilə bağlı instaqram hesabında paylaşımımda bildirib.

“Həmin insanlar arasında rejissor Aleksey Vysotski, inzibatçı Sonya Meyer, xüsusi layihələr şöbəsinin müdiri Sergey Maksimenkov, qonşu obyektlərin mühafizə əməkdaşları Aleksandr Pozdnyakov və Aleksandr Antipov, “Crocus City Hall” un mühafizəçisi Aleksey Osanushkov və başqaları var. Bu insanların şücaəti əvəzsizdir və heç vaxt unudulmayacaq.

Hamımız üçün dəhşətli bir kədər oldu. Qurbanların ailələrinə səmimi başsağlığı verirəm, bütün qəlbimlə sağalmağı və qurbanlara zehni güc diləyirəm”, – deyə paylaşımda vurğulanıb.

lent.az

Rusiya Prezidenti Vladimir Putin xalqa müraciət edib.

"Cebhe.info" xəbər verir ki, Putin müraciətində ötən gün Moskvada “Crocus City Hall” ticarət mərkəzində baş verənləri qanlı və barbar terror hücumu adlandırıb.

O bildirib ki, onlarla dinc, günahsız insan terror aktının qurbanı olub.

Putin doğmalarını və yaxınlarını itirən hər kəsə başsağlığı verib. Həmçinin qeyd edib ki, Moskva və digər regionlarda əlavə antiterror tədbirləri tətbiq edilib.

***

Rusiya Prezident Vladimir Putin martın 24-nü Rusiyada milli matəm günü kimi elan edib.

"Cebhe.info" xəbər verir ki, Vladimir Putin bunu xalqa müraciətində səsləndirib.

O, hücumu həyata keçirən 4 nəfər də daxil olmaqla, ümumilikdə 11 nəfərin saxlanıldığını açıqlayıb:

"Bu cinayətin arxasında duran hər kəs müəyyən edilərək cəzalandırılacaq. Terrorçuların gələcəyi yoxdur”.

Ermənistanın baş naziri Nikol Paşinyan və Avropa Şurasının rəhbəri Şarl Mişel Brüsseldə keçirilən nüvə enerjisi sammiti çərçivəsində görüşüblər. Tərəflər Ermənistan və Avropa İttifaqı arasında əməkdaşlıq məsələlərini müzakirə ediblər. Eyni zamanda Bakı ilə İrəvan arasında sülh prosesi ilə bağlı fikir mübadiləsi aparılıb. Avropa İttifaqı Şurası sədrinin Azərbaycan və Ermənistan liderləri ilə 2023-cü il mayın 14-də və iyulun 15-də Brüsseldə keçirilmiş üçtərəfli görüşləri nəticəsində əldə edilmiş razılaşmaların həyata keçirilməsinin vacibliyi vurğulanıb. Bununla yanaşı, Ermənistanın baş naziri Nikol Paşinyan və Fransa prezidenti Emmanuel Makron Brüsseldə keçirilən görüşdə İrəvanla Bakı arasında sülh sazişinin bağlanması prosesini müzakirə ediblər. Görüşdə Ermənistanla Azərbaycan arasında münasibətlərin normallaşdırılması istiqamətində atılan addımlar və Cənubi Qafqaz regionunda baş verən proseslərə toxunulub. Tərəflər həmçinin Ermənistan və Avropa İttifaqı arasında əməkdaşlığın genişləndirilməsi ilə bağlı fikir mübadiləsi aparıblar. Eyni zamanda qərara alınıb ki, aprelin 5-də Brüsseldə Ermənistan baş naziri Nikol Paşinyan, Avropa Komissiyasının prezidenti Ursula fon der Leyen və ABŞ dövlət katibi Entoni Blinken arasında görüş keçiriləcək. Ermənistan Təhlükəsizlik Şurasının katibi Armen Qriqoryanın məlumatına görə, Ermənistanın inkişafına və təhlükəsizliyinə töhfə verəcək üçtərəfli əməkdaşlıq yollarının müzakirəsi planlaşdırılır. Tədbir həm də Ermənistanın müqavimətini gücləndirmək məqsədi daşıyır. Xatırladaq ki, 2023-cü il oktyabrın 5-də Paşinyan və Leyen Qranada görüşündən sonra birgə bəyanatla çıxış etmişdi. Leyen Ermənistana dəstək üçün Avropa Birliyi-ABŞ birgə tədbirinin hazırlanması barədə məlumat vermişdi.
Heç şübhəsiz Brüsseldə danışıqların aparılması, Ermənistana təhlükəsizlik qarantiyasının yaradılması Azərbaycanla Ermənistan arasında sülh prosesinə dəstək deyil. Bu cəhdlər məsələni birtərəfli qaydada həll etmək təşəbbüsüdür ki, bu da Azərbaycanın maraqlarına cavab vermir və ölkəmizə qarşı atılan addımdır. Bu, həm də Avropa İttifaqının missiyasından sonra Qərbin daha geniş miqyasda regiona hərbi cəhətdən daxil olması cəhdidir. Mövcud vəziyyət regionda gərginliyi artıra və formalaşmaqda olan regional təhlükəsizliyə böyük zərbə ola bilər. Görünür, Ukraynanın ardınca indi də Rusiyanı Cənubi Qafqazdan, daha sonra isə Mərkəzi Asiyadan sıxışdırıb çıxartmaq planını işə salıblar. Ehtimal ki, Rusiyanın cavab tədbirləri özünü çox gözlətməyəcək. ABŞ başda olmaqla Qərb dövlətləri bütün dünyada, o cümlədən də Cənubi Qafqazda vəziyyəti mümkün qədər gərginləşdirmək, ənənəvi rəqiblərinə qarşı yeni münaqişə ocaqları yaratmaq yolunu tutublar. Ermənistan bu senaridə vasitədir və hadisələrin inkişaf edəcəyi təqdirdə onun Ukrayna və ya Livana çevriləcəyi şübhə doğurmur.

Millət vəkili Ceyhun Məmmədov "Sherg.az"a açıqlamasında deyib ki, Azərbaycan Ermənistana birbaşa danışıqları təklif edir.

Deputat qeyd edib ki, birbaşa danışıqlar sülh prosesinə daha çox səmərə və fayda verir:

"Bir müddət öncə Azərbaycan və Ermənistan liderləri Münhendə görüşdü. Ardınca xarici işlər nazirləri arasında görüş oldu və müzakirələr aparıldı. Müəyyən irəliləyişə də nail olundu. Ona görə də düşünürük ki, vasitəçilər, kənar dövlətlər olmadan sülhün əldə olunması daha realdır. Azərbaycan əvvəlki dövrlərdə Brüssel görüşlərində iştirak etdi. Eyni zamanda Vaşinqtonda və başqa yerlərdə müxtəlif görüşlər keçirildi. Amma Ermənistanın bu görüşlərə xələl gətirəcək addımlar atdığını gördük. İrəvan hökuməti sürətli şəkildə Qərbə inteqrasiya yolunu tutub. Paşinyanın Avropa, Brüsseldə keçirdiyi görüşlərin mahiyyəti bundan ibarətdir. Görüşlərin digər səbəbi də Rusiya ilə bağlı narahatlıqdır. Bugün Rusiya-Ermənistan münasibətləri kifayət qədər gərgindir. İrəvan Moskvanın Ermənistana qarşı addımlarından özünü sığortalamaq üçün Qərb ölkələrinin və beynəlxalq strukturların rəhbərləri ilə əməkdaşlığı genişləndirir. Azərbaycan isə israrla tövsiyə edir ki, indiki mərhələdə ən optimal variant ikitərəfli danışıqlardır. Ermənistan da bilməlidir ki, sülhü və təhlükəsizliyi başqa yerdə axtarmaq yanlışdır. Çıxış yolu Azərbaycanın şərtlərini qəbul etmək və sülh sazişini imzalamaqdır".

VOMA (Voxj Mnalu Arvest – “Sağ qalmaq sənəti”) terror təşkilatıdır. Ermənistanda yaradılıb. Təlimçilər bilirsiniz hansı silah üzrə hazırlayıblar terrorçu erməniləri? Moskvada “Krokus Siti Holl”da insanlara atəş açanların istifadə etdiyi 7,62 mm-lik “Vepr” və 10,25 mm kalibrli “Sayqa” karabinləri ilə.
TEREF Axar.az -a istinadla xəbər verir ki, bu barədə tarixçi alim Zaur Əliyev qeyd edib.
O xatırladıb ki, indi bu silahlardan heç bir terror təşkilatı istifadə etmir - ermənilərin VOMA-sından başqa.
Alim VOMA-nın məhz bu silahlardan istifadəsini təsdiq edən materialı da paylaşımına əlavə edib.
Qeyd edək ki, “Krokus Siti Holl”da ötən gün baş verən terror hadisəsi nəticəsində ən azı 40 nəfər ölüb, 100-dən çox insan yaralanıb. Qeyri-rəsmi məlumata görə isə ölənlərin sayı 130-dan çoxdur.
Teraktın ardınca baş verən partlayış isə irimiqyaslı yanğına səbəb olub. “Krokus”un 12900 kv.m-lik ərazisini əhatə edən yanğın zamanı tavan da çöküb. Rusiya FHN yanğının artıq lokallaşdırıldığını bildirib.
Xatırladaq ki, Zaur Əliyev bundan öncə də terror aktını erməni terror təşkilatlarının törədə biləcəyini bildirmişdi.