 |
|
|
Şəkinin M.Ə.Rəsulzadə küçəsində 4 nömrəli uşaq bağçasının yaxınlığından kəskin qaz qoxusunun gəldiyi iddia edilib.
Xezerxeber.az-ın məlumatına görə, sakinlər bildiriblər ki, isti havada pəncərəni aça bilmirlər.
Kəskin qaz iyindən şikayət edən vətəndaşlar qeyd ediblər ki, vəziyyət üç aydan çoxdur ki, belədir.
4 nömrəli bağça da deyilən iddiaları təsdiqləyib.
“Otaqların pəncərələri aylarla bağlı qalır. Səbəb qaz qoxusu və qorxusudur”.
“Azəriqaz”dan məsələ ilə bağlı bildirilib ki, iki il əvvəl sözügedən əraziyə polietilen borular çəkilib və köhnə boruların ağzı bağlanıb.
Ətraflı süjetdə:
Henri Kissincer: “Neftə nəzarət edən dünyanı idarə edir”
Türkiyəli siyasi analitik Mustafa Caner https://politicstoday.org/ saytında maraqlı bir məqalə ilə çıxış edir.
“Is War at the Door? Iran and the Azerbaijan-Armenia Tensions” (Müharibə Qapıdadır? İran və Azərbaycan-Ermənistan Gərginliyi) adlı məqalədə deyilir ki, 2020-ci ildə Qarabağın təxminən 30 illik erməni işğalından azad edilməsindən sonra regionda hələ də sabit idarəçilik strukturu yaradılmayıb. Bu məsələ, şübhəsiz ki, mürəkkəbdir və əsas tərəflərdən kənarda çoxsaylı aktyorlar da var.
Davam edən Bakı-İrəvan böhranı ilə yanaşı, bir tərəfdən Moskva ilə İrəvan, digər tərəfdən isə Bakı ilə Tehran, Ankara və Tehran arasında gərginlik yaranıb, bütün bunlar isə regional qeyri-sabitliyə səbəb olub. Analitik onu da vurğulayır ki, İran Azərbaycanla genişmiqyaslı münaqişəyə girəcək vəziyyətdə deyil. O, yalnız danışıqlarda mövqeyini gücləndirmək üçün qeyri-sabitlik toxumu səpməkdə maraqlıdır.
Öz tərəfimdən onu da əlavə edim ki, Cənubi Qafqaz tarixən fərqli imperiyaların döyüş meydanı olub. İndi də belədir. Problem ondadır ki, Cənubi Qafqaz üç böyük və tarixi imperiyanın ortasındadır. Hazırda Türkiyədə 85 milyon, İranda 87.5 milyon və Rusiyada isə 147 milyon insan yaşayır. Cənubi Qafqazdakı ölkələr isə çox kiçikdir. Düşünün ki, Ermənistanda 3 milyona yaxın, Gürcüstanda 3.7 milyon, Azərbaycanda isə 10 milyon əhali var. Tarixən də belə olub ki, böyük ölkələr kiçik ölkələri basqı altında saxlayıb.
Bölgəmizdə vəziyyət belədir ki, Ermənistan dünənə kimi strateji müttəfiq olduğu Rusiya və İrandan uzaqlaşıb Qərbə can atır. Dünənə qədər Qərbpərəst ölkə kimi tanınan Gürcüstan indi Rusiyaya meyllənir. Azərbaycan isə fərqli tərəflərlə öz maraqlarını təmin etmək şərti ilə münasibətlər sistemi yaratmağa çalışır.
O da birmənalıdır ki, Azərbaycanın əsas müttəfiqi Türkiyədir.
Bu seçim qan yaddaşına söykənir. Azərbaycanın Orta Asiyada olan türk dövlətləri ilə sıx münasibətləri də minilliklərin sınağından çıxıb. Ermənistan və Gürcüstanın isə belə bir şansı yoxdur. Bu xalqlar ittifaqa girdiyi dövlətlər tərəfindən həmişə tərk edilə bilər. Çünki onlara qanı qanından, canı canından olan qohum xalq yoxdur.
Azərbaycan işğal olunmuş torpaqlarını azad edib. Hazırda regional əməkdaşlığı təşviq edir. Azərbaycanın təklif etdiyi “3+3” formatı bütün qonşularla əməkdaşlığa yönəlib. Yəni Azərbaycan, Ermənistan, Gürcüstan, Türkiyə, İran və Rusiya daha çox iqtisadi müstəvidə bir araya gəlirlər. Bu isə bölgədə siyasi sabitliyə təkan verir.
Türkiyəli analitikin şərhində kənardan olan yabançı aktyorlardan da bəhs edilir. Əlbəttə, bu məsələ də Cənubi Qafqazda münasibətlərin formalaşmasına son dərəcə ciddi təsir edir. Məsələn, hazırda ABŞ, Kanada, Fransa, Avropa İttifaqı, Çin, Hindistan... Cənubi Qafqazda öz maraqlarını qorumaq üçün hərəkətə keçiblər...
Ancaq bununla da iş bitmir. Belə ki, Cənubi Qafqazda münasibətlərin formalaşmasına neft və qaz amili də təsir edir. Özü də kəskin şəkildə. Düzdür, bu amil haqqında az danışılır. Ancaq bu amilin dominant xarakter daşıdığını kimsə inkar edə bilməz. Bu yazımızda biz daha çox bu amilə diqqət çəkməyə çalışacağıq.
Oradan başlayım ki, biz bu gün tutaq ki, “The New York Times” qəzetində “Ermənistanın paytaxtı Bakı şəhərində”, deyə bir xəbər oxuya bilərdik.
İlk baxışda inanılmaz görünsə də, bunu reallığa çevirməyə çalışan güclər olub. Bu məsələyə aşağıda aydınlıq gətirəcəm. Hələlik isə məsələnin önəmini qabartmaq üçün bir fakta toxunum: Nelson Rokfellerin (milyarder, neft biznesindən ağlasığmaz varidat qazanan Rokfeller ailəsinin üzvü (Amerikanın və dünyanın ən zəngin ailələrindən biri, bəlkə də birincisi, o, həm də 1974–1977-ci illərdə Amerika Birləşmiş Ştatlarının 41-ci vitse-prezidenti və 1959–1973-cü illərdə Nyu-Yorkun 49-cu Qubernatoru kimi xidmət etmişdir)) himayədarı olan Henri Kissincerin dediyi kimi, “Neftə nəzarət edən dünyanı idarə edir”. Buna görə də dünyanın ən güclü iki neft dövləti olan Rusiya və ABŞ uzun müddət həm də super-dövlət statusunda olub. ABŞ hələ də bu statusu qoruyub saxlayır. Amerika neftin gücünü özünün güclənməsinə istiqamətləndirə bilib. Belə ki, II Dünya Müharibəsindən az sonra Amerikanın təkidi ilə dünya bazarında neft yalnız dollara satılmağa başladı. Hələ də bu proses davam edir. Dolların dominant mövqeyinə qarşı çıxanları isə məsələn, Liviya diktatoru Müəmmər Qəddafi kimilərini isə Amerika aradan götürdü. Ancaq dollara qarşı müqavimət göstərənlər hələ də var.
II Dünya müharibəsi zamanı faşist Almaniyasının Bakını işğal etməyə xüsusi səy göstərməsi də təsadüfi deyildi. Hitlerə öz imperiya xəyallarına varmaq üçün Bakı nefti lazım idi.
Hə, Amerika Birləşmiş Ştatlarının 28-ci prezidenti Tomas Vudro Vilson (1913-1921) ermənilərin ən böyük himayədarlarında biri kimi tarixə keçib. Tarixdə “Vilson Ermənistanı” adlı bir ifadə var. Amerika prezidentinin planına əsasən Sevr Müqaviləsinə görə Osmanlı vilayəti olmuş Ərzurum, Bitlis, Van və Trabzon birinci Ermənistan Respublikası qurulması üçün ermənilərə verilirdi. Cənab Vilson o qədər qudurmuşdu ki, Bakını da Ermənistanın tərkib hissəsi kimi görmək istəyirdi. Ancaq Qərb ölkələrinin dəstək verdiyi bu plan baş tutmadı. Birincisi, Atatürk adıçəkilən ərazilərin ermənilərə verilməsinin qarşısını silah gücünə aldı. İkincisi, bolşeviklərin iqtidara gəlişi Qərbin arzusunu gözündə qoydu. Çünki Sovet Rusiyasına da Bakının nefti hava-su kimi lazım idi. Qərblə Sovet Rusiyasının üz-üzə gəlməsi Bakının ermənilərə verilməsinin qarşısını aldı. O vaxt amerikalı diplomatlardan biri belə demişdi: “Bunun belə olması (yəni Bakının əldən çıxması) Ermənistan üçün çox pis oldu, daha Ermənistanın nefti olmayacaq”.
Ümumiyyətlə, I Dünya müharibəsindən sonra Qərbdə hər kəs başa düşdü ki, sənayenin, eləcə də hərb maşının sürətli inkişafı üçün neft lazımdır. 1940-1945 və 1951-1955-ci illərdə Böyük Britaniyanın baş nazir olmuş ser Vinston Çörçill hələ 1911-ci ildə demişdi ki, Britaniyanın kifayət qədər neft əldə etməsi üçün “dəniz qədər bəlalarla mübarizə aparmalı” olacağıq. O vaxt Britaniyanın kifayət qədər kömürü vardı. Ancaq ölkəyə neft lazım idi. Ona görə də 1930-ci ildə Britaniya İraqı işğal etdi və yerli neftə əl qoydu.
2002-ci ildə Amerikada məşhur olan “Nightline” proqramının aparıcısı Ted Koppel Xəzər dənizini Türkiyənin Aralıq dənizindəki Ceyhan limanına birləşdirən Bakı-Tbilisi-Ceyhan boru kəməri (BTC) haqqında məlumat verdi. O zamanlar Xəzər dənizinə prezident Corc Buş və Dik Çeyni kimi siyasətçilər yeni Yaxın Şərq kimi baxırdılar.
Koppelin fikrincə, BTC boru kəməri “ABŞ-ın Mərkəzi Asiya və Qafqazda milli təhlükəsizlik maraqlarının lövbərinə çevrildi ki, bu da Amerika siyasətinin hədəfləri sırasında mərkəzdə dayanır; bu, Xəzər neftinin Avropaya fasiləsiz nəqli deməkdir”.
O da bəllidir ki, Avropadakı Rusiya boru kəmərlərini bəzi analitiklər "İmperiya üçün boru kəmərləri" adlandırırdı. Müasir Rusiyanın Avropaya ən güclü təsir vasitəsi də elə Avropaya uzanan neft və qaz kəmərləri idi. İndi Amerika Rusiya neft və qazının Avropaya satışını yasaqlamaqla rəsmi Moskvanı bu təsir vasitəsindən mərhum etməyə çalışır. Onu da xatırladım ki, Amerika bir dəfə bu üsuldan istifadə edərək SSRİ-ni dağıtdı. Amerika Səudiyyə Ərəbistanının əli ilə süni şəkildə dünya bazarında neftin qiymətini kəskin şəkildə aşağı saldı. Xeyli davam edən bu proses SSRİ-ni yaman günə qoydu. İndi də Amerika Rusiyanı bu yolla sıradan çıxarmaq istəyir.
Hazırda da neft+qaz dünya siyasətində önəmli rol oynayır.
Azərbaycanın neft və qaza, üstəlik neft və qazı Avropaya nəql edən kəmərlərə sahib olması bizə böyük üstünlüklər verir. Sirr deyil ki, Bakı neft+qazı olmasaydı, Azərbaycan işğal altındakı torpaqların azad edə bilməzdi. Düşünün ki, Azərbaycanın hərbi büdcəsi Ermənistanın dövlət büdcəsindən xeyli çoxdur. Bu tərəfdən də ABŞ hər il Azərbaycana hərbi yardım kimi 100 milyon dollar verir. Ermənilər prezident Donald Trampdan son dərəcə narazı idi. Çünki o, erməni lobbisini heç vecinə də almırdı. Ermənipərəst Co Bayden prezident seçiləndə ermənilər toy-bayram edirdi. 1992-ci ildə erməni lobbisinin təşəbbüsü ilə ABŞ Konqresi tərəfindən "Azadlığa Dəstək" Aktına qəbul edilən və Azərbaycana Amerikanın birbaşa dövlət yardımını yasaqlayan 907-ci düzəlişin qəbulunda Co Baydenin xüsusi rolu olmuşdu. Azərbaycan torpaqları işğal olunduğu bir dönəmdə ABŞ erməni işğalına dəstək verərək Azərbaycana qarşı belə bir yaramazlıq etdi...
Co Bayden prezident seçiləndən sonra Amerika qondarma “erməni soyqırımı”nı tanıdı. Ermənilər ümid edirdi ki, ABŞ hər il Azərbaycana ayırdığı 100 milyon dollarlıq hərbi yardımı dayandıracaq və həmin yardım Ermənistana veriləcək. Ancaq hələ ki Co Bayden administrasiyası belə bir addım atmayıb. Heç atacağı da gözlənilmir. Amerikanın hərbi maraqlarının müdafiəçisi olan Pentaqon buna imkan vermir.
Avropa İttifaqının Trans-Anadolu Qaz Boru Kəmərinə xüsusi marağı da diqqətdən yayınmamalıdır. Təsadüfi deyil ki, 2019-cu ildə tamamlanan bu kəmərin tikintisinə Avropa Yenidənqurma və İnkişaf Bankını 500 milyon dollar sərmayə qoymuşdu. Avropanın enerji təchizatında həm Qərbə, həm də Rusiyaya kömək etmək kimi bir missiya hazırda Tayyib Ərdoğanın üzərinə düşüb. Bu isə Türkiyəyə hər iki tərəfdə güclü mövqeyə qazandırıb. Belə görünür ki, nə ABŞ, nə də Rusiya Türkiyə və neft və qazla zəngin Azərbaycanla münasibətlərinə xələl gətirmək istəmir. Üstəlik, Qərb onu da yaxşı bilir ki, Orta Asiyadakı Türk dövlətlərində daha çox neft və qaz var. Onlar da öz təbii sərvətlərin Azərbaycan və Türkiyə üzərindən Avropaya nəql etməkdə son dərəcə maraqlıdır.
Neft və qazdan danışıb Azərbaycanın digər təbii sərvətlərinin üstündən sükutla keçmək yanlış olardı. Məsələn, Azərbaycana Avropa Yenidənqurma və İnkişaf Bankından daha çox sərmayə qoyan şirkətlər də var.
Qərb mənbələri yazır ki, Britaniya və ABŞ-a bağlı “Anglo Asian Mining Company” Azərbaycandakı yataqlara giriş əldə etmək üçün 3 milyard dollarından keçib. Bəzi məlumatlara görə, John Henry Sununu bu şirkətin 9,8 faizinə sahiblik edir. O, və onun ailəsinin Amerikanın siyasi dairələrinə ciddi təsir imkanları var. Erməni işğalı altında olan yataqlar da hazırda “Anglo Asian Mining Company” şirkətinə məxsusdur. Bu müqavilə parlamentdə də təsdiq olunub.
Elbəyi Həsənli, Sürix
Teref.az
Ermənistan ərazi iddialarının davam etdiyini bir daha sübut edib.
Teref.az xəbər verir ki, bununla bağlı Azərbaycan Xarici İşlər Nazirliyinin Mətbuat xidmətinin rəhbəri Ayxan Hacızadə X hesabında paylaşım edib.
“UNESKO-nun Səudiyyə Ərəbistanının Ər-Riyad şəhərində keçirilən Ümumdünya İrs Komitəsinin 45-ci sessiyasında Ermənistan Azərbaycandakı Azıx və Tağlar mağaralarının Dünya İrsi Siyahısına daxil edilməsinə qarşı çıxıb. Bu, Ermənistanın ərazi iddialarının davam etdiyini göstərir”, - paylaşımda qeyd olunub.
Gürcüstan Dövlət Təhlükəsizlik Xidməti ölkədə dövlət çevrilişi hazırlandığını bəyan edib. Kəşfiyyat xidmətlərinin məlumatına görə, sui-qəsdçilər Saakaşvilinin silahdaşları və Ukrayna tərəfində döyüşən gürcü əsgərlərdir. Bununla belə, departament iddianı dəstəkləyən heç bir sübut dərc etməyib.
Departamentin məlumatına görə, Gürcüstan ərazisində və onun hüdudlarından kənarda fəaliyyət göstərən bir qrup şəxs guya bu ilin oktyabr-dekabr aylarında ölkədə vətəndaş iğtişaşları təşkil etməyi planlaşdırır. Kəşfiyyat xidməti iddia edir ki, onların son məqsədi güc yolu ilə hakimiyyəti dəyişməkdir.
Dövlət Təhlükəsizliyi Xidməti bildirib ki, əməliyyatın başlama tarixi Avropa Komissiyasının Gürcüstanın Avropa İttifaqına daxil olması perspektivləri haqqında hesabatının açıqlanacağı vaxt seçilib.
"Sui-qəsdçilər dərc ediləcək nəticənin mənfi olacağını gözləyirlər. "Rusiyayönlü" hökumət haqqında yalan tezisdən istifadə etməklə sosial iğtişaşlar və sonrakı iğtişaşlar üçün zəmin yaradılacaq" - deyə, açıqlamada bildirilir.
Planın müəlliflərindən biri kimi Gürcüstanın keçmiş daxili işlər naziri Vano Merabişvilinin müavini, hazırda Ukrayna hərbi kəşfiyyatı rəhbərinin müavini Georgi Lortkipanidze göstərilir.
Kəşfiyyat orqanlarının məlumatına görə, təşkilatçılar arasında Gürcüstanın eks-prezidenti Mixail Saakaşvilinin keçmiş mühafizəçisi Mixail Baturin və Ukrayna tərəfində döyüşən Gürcüstan legionunun komandiri Mamuka Mamulaşvili də var. Onların heç biri hələlik Gürcüstan xüsusi xidmət orqanlarının bəyanatına münasibət bildirməyib.
Gürcüstan hakimiyyəti həmçinin qeyd edir ki, "sui-qəsdçilər" öz planlarını xarici dövlətlərin dəstəyi ilə həyata keçirmək istəyirlər.
"Sui-qəsdçilər xarici maliyyə dəstəyi və Ukraynada döyüşən, "Kanvas" və "Otpor" təşkilatlarına yazılan gürcü əsilli gənclərin böyük bir qrupunun köməyi ilə öz planlarını həyata keçirmək niyyətindədirlər. Məhz bu qruplaşmalar Serbiyada və digər ölkələrdə inqilabi proseslərdə aktiv iştirak edib", Gürcüstan Dövlət Təhlükəsizlik Xidmətinin bəyanatında deyilir.
Agentlik iddia edir ki, "sui-qəsdçilər" çadır şəhərciyinin yaradılması, Gürcüstanın mərkəzi prospektləri və strateji obyektləri yaxınlığında barrikadaların qurulması, habelə hökumət binalarının ələ keçirilməsi kimi hadisələrin inkişafı üçün bir neçə ssenarini müzakirə edirlər. Təşkilatçılar guya 2014-cü ildə Ukraynada baş vermiş Avromaydana bənzər ssenarini təkrarlaya bilərlər. Gürcüstanın kəşfiyyat orqanları iddia edir ki, çevriliş təşkilatçılarının planına görə, çadır şəhərciyində partlayıcı qurğu işə salınaraq, insan tələfatına və zorakılığın artmasına səbəb olacaq.
Öz növbəsində, Canvas Georgia qrupunun rəhbəri Georgi Meladze öz Facebook səhifəsində yazıb ki, onun təşkilatı heç bir dövlət çevrilişi planlaşdırmır və Dövlət Təhlükəsizlik Xidmətinin bəyanatı, onun sözlərinə görə, hakimiyyətə "insanları qorxutmaq üçün lazımdır".
"Biz avtoritarizm təzahürləri ilə üzləşirik, hakimiyyət vətəndaş cəmiyyətinin normal fəaliyyətində təhlükə görür, hətta dinc aksiyalar da təqib obyektinə çevrilir", Meladze əlavə edib.
"Azadlıq" radiosunun gürcü xidmətinə verdiyi şərhdə Meladze 2005-ci ildə "Canvas Georgia"nı yaratdığı Serbiyanın "Otpor" təşkilatının nümayəndələri ilə tanış olduğunu bildirib. Meladzenin qeyd etdiyi kimi onun təşkilatı "qeyri-zorakı vətəndaş kampaniyaları haqqında bilikləri yaymağa çalışır". O, həmçinin vurğulayıb ki, Dövlət Təhlükəsizliyi Xidmətinin bəyanatında göstərilən "sui-qəsdçilər"lə heç bir əlaqəsi yoxdur.
Bu arada "Azadlıq" radiosunun Gürcüstan xidmətinin Dövlət Təhlükəsizliyi Xidmətinin bəyanatına münasibət bildirmək üçün gürcü legionunun komandiri Mamuka Mamulaşvili qısa cavab verib: "Onlar axmaqdır".
Gürcüstanda son 10 ildə Rusiyayönlü "Gürcü Arzusu" partiyası hakimiyyətdədir. Bu müddət ərzində hakimiyyət müxalifət lideri və keçmiş baş nazir Mixail Saakaşvilini həbs edib və Gürcüstanda keçirilən etiraz aksiyalarının bir neçə dalğasını sərt şəkildə yatırıb.
Məhbus mübadiləsindən sonra Vaşinqton və Tehran arasında yeni humanitar addımlar atıla bilər.
Axar.az xəbər verir ki, bu sözləri İran Prezidenti İbrahim Rəisi deyib.
“Bu, sırf humanitar aksiya idi. Sözsüz ki, bu, gələcəkdə digər humanitar addımların atıla biləcəyi bir addım olacaq”, - Rəisi bildirib.
Qeyd edək ki, avqustun 10-da ABŞ və İran əsirlərin mübadiləsi ilə bağlı razılığa gəlmişdi.
İrandakı mövcud rejim məzhəbdən siyasi məqsədi və nüfuzunu qorumaq üçün istifadə edir. Ona görə də onun islam təbliğatı dindaxili qarşıdurmaya daha çox xidmət edir. Tehran bu yolla özünü islam dünyasından ayıraraq, güclü görünməyə səy edir.
Onun islam təbliğatından belə qənaətə gəlmək olur ki, müsəlman aləmində iman və xidmət məsələsində ən böyük Qum və onun ideoloji xəttidir.
İran hakimiyyəti bu istiqamətdə hikkə və iddiasını reallaşdırmaq məqsədi ilə müxtəlif ölkələrdə pozuculuq fəaliyyəti məşğul olur. Ayətullah Ruhullah Xomeyninin “İslam inqilabı doktrinası”nın ixracı üçün terrorçu təşkilatlar qurulur. Onların dövlət büdcəsindən, yaxud dövlətin nəzarətində olan qeyri-leqal mənbələrdən maliyələşdirildiyinə dair xəbərlər yayılır.
1982-ci ildə İran İsrail qüvvələrinin Livanın cənub ərazilərindən çıxarılması məqsədi ilə “Hizbullah”ı yaradıb. Bu təşkilatın həm siyasi, həm də hərbi qolu fəaliyyət göstərir. Onun hazırkı lideri Seyid Həsən Nəsrullahdır. İranın maliyyələşdirdiyi bu siyasi-silahlı birləşmənin 12 minədək döyüşçüsünün olduğu bildirilir.
Yeri gəlmişkən, Livanda da Azərbaycanın səfirliyinin binasına hücum olub. Hər iki ölkəni birləşdirən başlıca amillərdən biri də ermənilərin Livan və İranda anti-Azərbaycan fəaliyyətidir.
Fələstinin “İslami-Cihad” təşkilatının da İrandan maliyyələşdirildiyinə dair məlumatlar var. Onun başlıca məqsədi “İslam dövləti” yaratmaq və cihad yolu ilə İsraili məhv etməkdir. Bu qurum 1970-ci illərin sonlarında Misirdə ”Müsəlman Qardaşları”ndan olan fələstinlilər tərəfindən yaradılıb. “İslami Cihad” ABŞ, Avropa İttifaqı, Böyük Britaniya, Yaponiya, Kanada, Avstraliya və İsraildə terrorçu təşkilat elan edilib. Qrup müasir ərəb hökumətlərinin əksəriyyətinə düşmən münasibət bəsləyir, çünki onlar Qərblə əlaqələr saxlayır və onun güclü təsiri altındadırlar. Əvvəlcə qrup Misir ərazisindən fəaliyyət göstərib. 1981-ci ildə Misir prezidenti Ənvər Sadatın qətlindən sonra rəhbərlik Qəzzaya köçmək qərarına gəlib. 1987-ci ildə başlayan ilk intifad zamanı “İslami Cihad” liderləri Livana köçüb və orada İranla birbaşa əlaqə qurublar.
İranın Yəməndə dəstəklədiyi husilər də eyni hədəfə xidmət edirlər. Əfqanıstanda “Fatimiyyun”, Suriyada “Zeynəbiyyun” kimi “hizbullah”a oxşar qruplaşmalar da Xomeyni “ideyalarının” yayılmasına xidmət edir.
Belə qruplaşmalardan biri də Azərbaycanda dövlət quruluşunu dəyişmək üçün yaradılan “Hüseyniyyun”dur. Sentyabrın 3-də İranın ali rəhbəri ayətullah Seyid Əli Xameneinin İraqdakı nümayəndəsi Seyid Müctəba Hüseyni bu qruplaşmanın Nəcəf-Kərbəla yolundakı çadırına gələrək, onlarla görüşüb. Görüşdə Azərbaycana qarşı məsələlər müzakirə olunub. Görüşün sonunda ayətullah Hüseyni ayətullah Xamneyinin İraqdakı nümayəndəliyi adından “Hüseyniyyun”a “İmam Hüseyn bayrağı” hədiyyə edib.
Xameneinin nümayəndəsinin İraqda Nəcəf-Kərbəla yolunda “Hüseniyyun”la görüşü xüsusi simvolik məna daşıyır. Onlar göstərmək istəyir ki, bu yolda dayanmaq, durmaq yoxdur.
İranın ali rəhbərinin nümayəndəsinin bu qruplaşmanın üzvləri ilə görüşü bir daha sübut edir ki, Tehran rejimi Azərbaycan Respublikasının daxili işinə qarışır. O, Azərbaycanın dövlət quruluşunu dəyişməkdə maraqlıdır. Hətta bu məqsədlə “Hüseyniyyun” tipli təşkilatlar da yaradıb. Rəmzi “bayrağın” verilməsi də İranın onu himayə etdiyinin göstəricisidir.
İran Suriyada, İraqda, Yəməndə, Livanda, Fələstində və başqa ölkələrdə oynadığı pozuculuq fəaliyyəti Azərbaycan da davam etdirmək niyyətindədir. O, Ermənistan kartı ilə yanaşı, Azərbaycana “Hüseyniyyun” adlı fərarilər vasitəsilə də təzyiq edə bilər.
Sədrəddin Soltan
Pressklub.az
Ermənistan Baş naziri Nikol Paşinyan Türkiyə Prezidenti Rəcəb Tayyib Ərdoğanın dördtərəfli görüş təklifi ilə bağlı sualını cavablandırıb.
Sozcu.az xəbər verir ki, o, belə təkliflərin olduğunu bildirib.
"Təkliflər, ideyalar var. Mən onlardan birini xüsusi qeyd etmək istəmirəm. Məsələ burasındadır ki, şərh edəcəyim tək fikir bu deyil", - Paşinyan deyib.
Onun sözlərinə görə, görüşlərlə bağlı müxtəlif təkliflər müzakirə olunur.
Qeyd edək ki, Ərdoğan Azərbaycan, Ermənistan və Rusiya liderlərinin iştirakı ilə dördlü formatda görüşün keçirilməsini təklif edib.
O, BMT Baş Assambleyasının iclasına getməzdən əvvəl jurnalistlərə açıqlamasında deyib ki, regionla bağlı vəziyyətin müzakirə olunmasında bu regiondan uzaq olan dövlət və hökumət başçılarının deyil, regionda olanların müzakirə etməsi vacibdir.
"Biz Rusiya Prezidenti Vladimir Putinin, Azərbaycan Prezidenti İlham Əliyevin, mənim və Ermənistan Baş naziri Nikol Paşinyanın iştirakı ilə dördlü formatda görüşün keçirilməsini təklif etmişik ki, addımı ona görə ataq. Hələ bizə bu təkliflə bağlı münasibət bildirilməyib. Bu məsələni Azərbaycan Prezidenti İlham Əliyevlə də danışacağıq. Vəziyyəti yaxında izləyəcəyik", - Ərdoğan vurğulayıb.
Xəbər verdiyimiz kimi, Liviyanın şimal-şərqində baş verən yağış və daşqınlar nəticəsində 11 min insan vəfat edib.
Gununsesi.info xarici KİV-ə istinadən sel fəlakətindən sonra Liviyanın helikopterdən lentə alınan görüntülərini təqdim edir:
Kanada Böyük Britaniya, ABŞ, Danimarka və Niderlandın birgə təşəbbüsünə qoşularaq Ukraynanı hava hücumundan müdafiə sistemləri ilə təmin etmək üçün 33 milyon Kanada dolları (təxminən 24,3 milyon ABŞ dolları) ayıracaq.
Bu barədə ölkənin Müdafiə Nazirliyi məlumat yayıb.
“Bu gün milli müdafiə naziri Uilyam Bleyr Kanadanın Ukraynanı hava hücumundan müdafiə imkanları ilə təmin etmək üçün Böyük Britaniyanın rəhbərlik etdiyi tərəfdaşlığa töhfə verəcəyini açıqladı. Ukraynanın kritik infrastrukturunu qorumaq üçün orta və qısa mənzilli raketlərə ehtiyacı var”, - məlumatda deyilir. Ayrılan vəsait Kanadanın Baş naziri Castin Trüdonun iyun ayında Ukraynaya səfəri zamanı elan etdiyi hərbi yardım paketinin bir hissəsidir.
Kanada Müdafiə Nazirliyinin məlumatına görə, Ottava 2022-ci ilin əvvəlindən Kiyevə 8 milyard Kanada dollarından çox maliyyə vəsaiti ayırıb.
DİA.AZ: "ABŞ-ın yürütdüyü siyasətin təməlində yalnız öz maraqlarının dayandığı, riyakarlığın, xəyanətin və satqınlığın dövlət siyasəti səviyyəsinə yüksəldiyi aydın görünür". DİA.AZ bildirir ki, bunu son günlər okeanın o tayından Güney Qafqazda baş verənlərə sərgilənən ədalətsiz mükalimələrə verdiyi redaksiyasında deputat Etibar Əliyev bildirib.
"Ukraynanın, Moldovanın, Gürcüstanın ərazi bütövlüyünü dəstəkləyən, Abxaziya və Cənubi Osetiyanı Gürcüstanın, Dnestryanını Moldovanın, Donbası və Krımı Ukraynanın ayrılmaz hissəsi kimi görən, bütün beynəlxalq platformalarda bu ölkələrə dəstək verən ABŞ 30 ilə yaxın ərazisinin işğal altında olduğu Azərbaycana heç bir dəstək vermədi, daha çox işğalçı Ermənistanın maraqlarına cavab verən addımlar atdı" deyə deputat əlavə edib.
Daha sonra "Ukraynanı qızışdıraraq Rusiya ilə müharibəyə sövq edən və silah-sursat təchizatı ilə manipulyasiya edərək Kiyevi tamamilə özündən asılı vəziyyətə salan ABŞ bu gün faktiki olaraq Ukraynanı qurban verib" kimi ittihamı səsləndirən E. Əliyev fikrini belə əsaslandırıb: "On minlərlə ukraynalının ölümü, şəhər və kəndlərin yer üzündən silinməsi, ölkənin az qala 25 faizinin işğalından sonra ABŞ indi Ukraynanı ərazi işğalı ilə barışmağa məcbur etmək istəyir. Necə ki 30 il Azərbaycanı da torpaqlarının işğalı ilə barışmağa sövq etməyə çalışırdı. Bu ölkə torpaqlarımızın işğaldan azad olunmasına yönəli BMT-nin 4 Qətnaməsinin icra olunmamasına göz yumdu.
Bu ölkənin baş ideoloqu Henri Kissincer Rusiya -Ukrayna müharibəsindən xeyli əvvəl 2018-ci ildə yazırdı: " Artıq Krımın işğalından bir ay ötür. Biz Ukraynaya kömək etməyə borcluyuq. İlk növbədə Prezident izah etməlidir ki, banditlərin başqa ölkənin ərazilərini zəbt etməsi prosesində biz nə üçün belə vəziyyətlə barışmalıyıq! Biz, bütün qüvvələrimizi səfərbər edib, Rusiyanı danışıqlar masasında oturtmalıyıq, həmçinin ruslar Ukraynaya hücum edərsə Ukrayna xalqını var gücümüzlə müdafiə etməliyik. Ukrayna xalqının Qərbin onlara açıq şəkildə dəstək verməsinə inamları yaransa, silahların verilməsi təmin edilsə, onlar sona qədər döyüşərək şəhərlərini qoruyacaqlar. Ukraynalıların rusların yeritdikləri minlərlə tankları açıq məkanda vurmaq imkanları yoxdur. Onlar rusları şəhər şəraitində uzunmüddətli qarşıdurmada dəf edə biləcəklər. Belə olan halda Rusiya ağır iqtisadi çöküşə düçar olacaq və siyasi mənada müharibə tamamilə faydasız olacaq. Şəhərləri qorumaq üçün tank əleyhinə qurğular və portativ raketlər olmalıdır. Rusların qorxacağı bircə şey var: Ukrayna Avropa İttifaqının üzvü ola bilər."
ABŞ Türkiyəni “ikinci Suriya”ya çevirməyə cəhd edib və 2016-cı ildə özünün yaratdığı və maliyyələşdirdiyi FETO təşkilatının əli ilə çevrilişə cəhd göstərib. Yalnız Türkiyə rəhbərliyinin qətiyyəti və xalqın dəstəyi sayəsində Türkiyə bu təhlükədən xilas ola bilib. Amma bu gün də Türkiyəyə qarşı mübarizə aparan terror təşkilatları birbaşa ABŞ-dan təlimat, silah və maliyyə alır.
Şərq məsələləri üzrə ekspert Qrem Füller bu yaxınlardakı müsahibəsində deyir: "İŞİD Amerikanın yürütdüyü siyasətin sahəsində yarandı. ABŞ bu bu təşkilatın yaranmasının əsas təşkilatçıdır. ABŞ belə bir təşkilatın yaradılmasını planlaşdırmamışdı. Lakin yaxın Şərqə və İraka etdiyi destruktiv müdaxilə bu terrorçu təşkilatın yaranmasına səbəb oldu." Bu fikirlər Mərkəzi Kəşfiyyat İdarəsinin aparıcı üzvlərindən birinin fikridir.
Amerika Birləşmiş Ştatlarının apardığı riyakar siyasətə qarşı bir çox intellektuallar da etiraz edirlər. Məsələn, görkəmli linqivist və filosof Noam Xomski vətəndaşı olduğu ölkənin işğalçılıq və digər ölkələrin daxili işlərinə qarışmaq siyasətini mütəmadi olaraq kəskin şəkildə pisləyir.
Bir misalı da xüsusilə qeyd etmək istəyirəm. Amerikanın ictimai rəyini öyrənən məşhur Gallup Agentliyinin apardığı sorğuya görə ABŞ dünyada Sülhün bərqarar olunmasına təhlükə törədən əsas ölkədir. Son zamanlar bu ölkənin rəhbərləri Nobel Sülh mükafatı almaq eşqinə düşüblər. Hansı sülhə görə? Barak Obamaya verilən bu mükafat Mixail Qorbaçova verilən mükafatla eyni məzmun daşıyır.
44 günlük müharibədən sonra Azərbaycanda iqtidar-xalq birliyinin daha da gücləndiyini anlayan ABŞ bu gün taktikasını dəyişərək ələbaxan müxalifətdən yox, milli dəyərlərə böyük təhlükə olan LGBD, əxlaqsızlığı təbliğ edən “feministlər”, Vətən Müharibəsindəki Zəfəri dəyərsizləşdirməyə çalışan “NO WAR”çılardan istifadə etməyə çalışır, ermənipərəst və antitürk, anti-azərbaycan düşüncəli Samanta Pauerin rəhbəri olduğu USAİD xətti ilə bu qruplara maliyyə ayırır. Bunların heç biri bizim vətənimiz üçün keçərli deyil.
Biz dəyərlərimizə və kollektiv simvollarımıza əbədi olaraq identiklik nümayiş etdirən xalqıq. Biz qalib xalqıq.
Və heç bir kənar qüvvə bizi sarsılda bilməz".