"İrəvan üçtərəfli bəyanatın şərtlərini yerinə yetirməli idi".
Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova teleqram kanalında yazıb.

Onun sözlərinə görə, İrəvanın əlində Rusiya, Azərbaycan və Ermənistan liderlərinin 10 noyabr 2020-ci il, 11 yanvar və 26 noyabr 2021-ci il tarixli bəyanatları vardı ki, bunlar da regionda sülh və qarşılıqlı hörmətə əsaslanan siyasi və praktiki yol xəritəsi sayılır.

İranın erməni deputatı Azərbaycana böhtan atıb.

Bu barədə “Azad İran” “Telegram” kanalında məlumat verilib.

Bildirilib ki, İsfahan ermənilərinin İran parlamentindəki nümayəndəsi Robert Beqlaryan dünən İslam Şurası Məclisinin açıq iclasında çıxış edərək, Azərbaycan əleyhinə qərəzli və həqiqətdən uzaq fikirlər səsləndirib.

O, dilə gətirdiyi ittihamlarla bağlı rejimin hakimiyyət orqanlarının münasibət bildirməsini ciddi şəkildə tələb edib. Eyni zamanda o, İran hakimiyyətini Azərbaycanın Qarabağdakı anti-terror tədbirlərinə qarşı biganə qalmamağa səsləyib:

“Bakı Təbrizə, İranın şimal-qərb əyalətlərinə, Tehran və Qəzvinə göz dikib”.

“Şanlı Azərbaycan ordusu Ermənistanın qoşunlarını torpaqlarımızdan çıxarmaq öhdəliyini özü yerinə yetirdi”.

Bu barədə Azərbaycan Prezidentinin xüsusi tapşırıqlar üzrə nümayəndəsi, səfir Elçin Əmirbəyov İngiltərənin BBC World News telekanalının canlı efirində bildirib.

O vurğulayıb ki, Azərbaycanın suveren ərazisindəki qanunsuz erməni hərbi kontingentinin buraxılması və tərksilah edilməsi ilə bağlı əvvəllər əldə edilmiş razılıq Ermənistan və Azərbaycan arasında sülh prosesinin daha da irəliləyişinə mühüm təkan olacaq.
Onun sözlərinə görə, Yevlaxda keçiriləcək bugünkü görüş Qarabağ bölgəsinin erməni əhalisinin Azərbaycanın hüquqi müstəvisinə dinc yolla reinteqrasiyasının başlanğıcıdır.

“Səudiyyə Ərəbistanı ilə Azərbaycan arasında münasibətlər tarixi xarakter daşıyır və hazırda müxtəlif sahələrdə fəal şəkildə inkişaf edir”.

Bunu Səudiyyə Ərəbistanının Azərbaycandakı səfiri Essam bin Saleh əl-Cüteyli Səudiyyə Ərəbistanının Milli Gününün 93 illiyi münasibətilə keçirilən tədbirdə deyib.

“Bu əlaqələr iki ölkənin yüksək səviyyəli rəsmiləri arasında səfər mübadiləsi ilə əlamətdar olub və biz hazırda Səudiyyə Ərəbistanı-Azərbaycan İşgüzar Şurasının yaradılması yolu ilə ticarət dövriyyəsinin həcminin artırılması üzərində işləyirik”, - səfir bildirib.

O qeyd edib ki, iki ölkə arasında çoxlu oxşar cəhətlər var və bu, ticarət dövriyyəsinin həcmini iki dəfə artıracaq.

“Fürsətdən istifadə edərək, Azərbaycan Respublikasının Prezidenti cənab İlham Əliyevə və qardaş Azərbaycan xalqına möhkəm cansağlığı və xoşbəxtlik, Azərbaycana isə inkişaf və firavanlıq arzularımı çatdırmaqdan şərəf duyuram”, - səfir söyləyib.

“Biz Qarabağda antiterror tədbirlərinə başlayan can Azərbaycanın yanındayıq. Ayağınıza daş dəyməsin!”.

Bunu Türkiyənin Məmləkət Partiyasının sədri Muharrem İnce “X” hesabında yazıb.

O, Ermənistan silahlılarının Qarabağda basdırdığı minanın partlaması nəticəsində şəhid olan Azərbaycan polislərinə Allahdan rəhmət diləyib.

Rusiyanın müdafiə naziri Sergey Şoyqu və İran Silahlı Qüvvələrinin Baş Qərargah rəisi Məhəmməd Baqiri arasında Tehranda görüş baş tutub.

Bizim.Media Rusiya KİV-ə istinadən xəbər verir ki, tərəflər Qarabağdakı son vəziyyəti müzakirə ediblər.

Bundan əlavə tərəflər arasında Suriya, Əfqanıstandakı vəziyyətin də müzakirəsi aparılıb.