Latın Amerikasının ən nüfuzlu təhsil ocaqlarından biri olan Meksika Milli Muxtar Universitetinin (UNAM) mətbu orqanı “Gaceta UNAM” qəzetində “Azərbaycan mühüm enerji mərkəzidir” başlıqlı məqalə dərc olunub.

Bu barədə Oxu.Az-a Azərbaycanın Meksikadakı səfirliyindən bildirilib.

Məqalə Siyasi və sosial elmlər fakültəsinin Beynəlxalq münasibətlər mərkəzinin müəllimi Talya İşcanın müsahibəsi əsasında qələmə alınıb. Məqalədə Rusiya-Ukrayna müharibəsi fonunda Azərbaycan və Cənubi Qafqaz regionunun günbəgün artan əhəmiyyəti vurğulanır, ölkəmizin post-münaqişə dövründə üzləşdiyi çağırışlara diqqət çəkilir.

Qeyd olunur ki, əlverişli geostrateji mövqeyə malik olan Azərbaycan son illərdə Avrasiya regionunun enerji xəritəsini bütünlüklə dəyişərək mühüm nəqliyyat və enerji mərkəzinə çevrilib və Latın Amerikası ölkələri Azərbaycanın təklif etdiyi imkanları nəzərə almalıdır.
Məqalədə Cənubi Qafqazın bu gün Şərq və Qərb dünyası arasında birləşdirici rolunu oynadığı vurğulanır, hazırda dünyanın ən çox sanksiyalara məruz qalan iki ölkəsi – Rusiya və İranın strateji mövqələrinin zəifləməsi ilə birlikdə Azərbaycanın dünyamiqyaslı layihələrlə önə çıxdığı bildirilir: Avropa və Asiya arasındakı ən qısa dəmir yolu marşrutu, Bakı-Tbilisi-Qars dəmir yolu və Cənub Qaz Dəhlizi buna misal olaraq göstərilir.

Eyni zamanda, Azərbaycan torpaqlarının işğal altında saxlanılmasının ağır nəticələrinin bu gün də hiss edilməsinə və yüzminlərlə azərbaycanlının öz doğma yurdlarından didərgin salınmasına baxmayaraq, Azərbaycan Hökuməti tərəfindən onların təhlükəsiz və ləyaqətli şəkildə qayıdışının təmini üçün bütün zəruri tədbirlərin həyata keçirildiyi qeyd olunur.

Ruslar bizi tam “qaranlığa” qərq edə bilmədikləri kimi, çətin ki, biz də onları tamamilə “qaralığa” qərq edə bilək

Britaniya kəşfiyyatı qış aylarında Rusiyanın Ukraynanın enerji sisteminə hücum edəcəyi ilə bağlı proqnoz verib. Rusiyanın nə edəcəyini anlamaq üçün Britaniya kəşfiyyatı olmaq lazım deyil. Çünki Rusiyanın ukraynalıları elektriksiz qoymaq, soyuqdan dondurmaq üçün addımlar atacağına heç kimin şübhəsi yoxdur... İndi yəqin ki, Ukraynanın enerji infrastrukturunda məqsədyönlü istifadə üçün raket və dron ehtiyatı toplayırlar, ən uzun gecə və aşağı temperatur olanda istifadə üçün.

Əslində, Ukrayna Müdafiə Qüvvələri ruslara eyni üsulla cavab verdi. Ruslar Vasilkovskaya neft bazasına hücum edəndə bir müddət sonra Ukrayna tərəfindən Belqorodda neft anbarı vuruldu. Yəni burada hər şey müharibə qanunlarına və buna uyğun olaraq təkcə cəbhə zonasında deyil, düşmənə zərbə endirmək strategiyasına uyğundur. Təbii ki, bu zərbələr Rusiya Federasiyasının Ukrayna ərazisinə birbaşa bitişik bölgələrindəki obyektlərə endirilir.

Ruslar bütün səylərinə baxmayaraq, bizi “qaranlığa” qərq edə bilmədikləri kimi (keçən qış təcrübəsi bunu sübut edir), çətin ki, biz də onları tamamilə “qaralığa” qərq edə bilək.

Birincisi, Rusiyanın ölçüsü Ukraynanın ölçüsü ilə müqayisədə daha böyükdür. Bizim hələ belə bir “uzun qolumuz” yoxdur. İkincisi, Rusiyanın enerji sistemi daha mürəkkəb təşkil olunub və bir-biri ilə əlaqəli olsa da, ayrı-ayrı regional enerji sistemlərindən ibarətdir. Buna görə də, onlar kifayət qədər yüksək səviyyəli qarşılıqlı birləşmələrə malikdirlər ki, bu da enerjinin artıqlığı olan yerlərdən defisit olduğu yerə lazımi enerji axınını təmin edəcəkdir.

Amma bu o demək deyil ki, Rusiya üçün “qaranlıq” ssenarisi, onun Avropa hissəsini və digər ərazilərdən mücərrəd olduğunu nəzərə alsaq, mümkün deyil. Çünki Ukrayna enerji sistemindən fərqli olaraq, Rusiyanın regional enerji sistemlərinin müəyyən hissələrində zəifliklər var. Bunu nəzərə alaraq Ukrayna Baş Kəşfiyyat İdarəsinin rəisi tərəfindən müvafiq qiymətləndirmə aparılıb.

Çünki burada Rusiyanın enerji sisteminin obyektləri ikili rol oynayır. Bir tərəfdən məişət sektorunu elektrik enerjisi ilə təmin edirlər. Bununla belə, sənaye sektoru, o cümlədən hərbi-sənaye sektoru, habelə döyüş əməliyyatları üçün istifadə olunan və Rusiya ərazisindən əraziyə köçürülən daimi və ya müvəqqəti yerləşdirmə yerlərində silahlı qüvvələrin təmin edilməsi də təmin edilir. Üstəlik - elektrik enerjisi ilə işləyən nəqliyyat, xüsusən də dəmir yolu amili var... Ukraynadan zərbələr bu cür enerji obyektlərinin fəaliyyətinin pozulmasına gətirib çıxarmalıdır. Məsələn, əsas rol oynayan çox bahalı olmayan elektrik avadanlıqlarını məhv etmək mümkündür.

Məsələn, elektrik enerjisini elektrik şəbəkəsinə ötürən yarımstansiyanı vura bilsək, elektrik stansiyasını dağıtmağa ehtiyac yoxdur. Elektrik xətti dayaqlarını zədələmək mənasızdır, çünki onlar asanlıqla və tez bərpa oluna bilər. Yada salaq ki, düşmənin əsas diqqət obyekti yarımstansiyalar idi. Teorik olaraq biz də eyni şeyi edə bilərik.

Müəllif: Mixail Qonçar - “Strategiya XXI” Qlobal Araşdırmalar Mərkəzinin prezidenti.

Mənbə: UNİAN

Tərcümə AYNA-ya məxsusdur.

İran mediasında davamlı olaraq anti-Azərbaycan mövqeyi ilə gündəmə gələn bədnam jurnalist Reza Abbasi “X” sosial şəbəkəsində bu dəfə Azərbaycanı həyasızcasına “İran mülkiyyəti” adlandırıb.

Gununsesi.info bu barədə “Azad İran” “Telegram” kanalında xəbər verilib.

“Azərbaycan əhalisi İran xalqının ayrılmaz hissəsidir və Azərbaycan torpağı İranın işğal olunmuş mülkiyyətidir. Bəlkə çətin olacaq, bəlkə də ömrümüz o günü görməyə yetməyəcək, amma əminəm ki, bir gün ölkəmizin üçrəngli bayrağı Arazın hər iki tayını bəzəyəcək”, – deyə Reza Abbasi paylaşımında bildirib.

“Azərbaycanın Qarabağ bölgəsindəki separatçılara, qanunsuz silahlı birləşmələrə və qruplara qarşı həyata keçirdiyi lokal antiterror tədbirləri strateji dəyişikliklərə səbəb olub”.

“Report” xəbər verir ki, bu barədə “Maariv” onlayn qəzetində dərc olunan ABŞ Hərbi-Dəniz Donanması Ali Məktəbinin müəllimi, xarici siyasət üzrə ekspert Brenda Şafferin məqaləsində deyilir.

"Ermənistanın bu tədbirlərə qarışmaqdan imtina etməsi sülh prosesinin bərpasına, regionda nəqliyyat və ticarət yollarının açılmasında irəliləyiş əldə olunacağına ümid verir", - B.Şaffer bildirib.

Ekspertin fikrincə, İran və Rusiya strateji bölgə uğrunda mübarizədən belə asanlıqla əl çəkməyəcəklər: “Ona görə də çox güman ki, biz Tehran və Moskvanın təsirlərini bərpa etmək üçün daha böyük fəallığını görəcəyik”.

"Bu həftə Azərbaycanın Qarabağ iqtisadi rayonunda baş verən hadisələr Rusiya, İran, Türkiyə və hətta İsrail üçün çox önəmlidir. Qafqaz Rusiya, İran və Türkiyə arasında strateji regiondur. Atılan addımların nəticələri Azərbaycanı gücləndirib, bu münaqişədə ermənilərə dəstək verən İran və Rusiyanı zəiflədib”, - məqalədə vurğulanır.

“Türkiyə Azərbaycanın Qarabağ bölgəsində yaşayan erməniəsilli sakinlərlə Azərbaycan nümayəndə heyətinin görüşünü alqışlayır”.

APA xəbər verir ki, bu barədə BMT Təhlükəsizlik Şurasının Qarabağdakı vəziyyətlə bağlı iclasındakı çıxışında Türkiyənin xarici işlər nazirinin müavini Burak Akçapar bildirib.

“Prezidentimizin hər zaman çıxışlarında dediyi kimi Ermənistan öz vədlərini yerinə yetirməli, Zəngəzur dəhlizinin açılmasını təmin etməlidir. Burada olan hər kəsin bildiyi kimi Qarabağ Azərbaycan ərazisidir”, - deyə o bildirib.
Burak Akçapar bildirib ki, son üç ildə Ermənistan tərəfi Üçtərəfli Bəyanatın icrasına əməl etməyib. Eyni zamanda Xankəndidə olan qeyri-qanuni nümayəndələr öz təcrübələrini tətbiq ediblər.

“Həmçinin bu müddət ərzində Ermənistan Azərbaycana qarşı mina müharibəsini davam etdirib. Ancaq bu müddət ərzində Azərbaycan davamlı şəkildə dialoqlara təşəbbüs göstərib. Ermənistan davamlı şəkildə substantiv olmayan yalan məlumatlar yayırdı. Bu şəkildə sülh və sabitliyə zərbə vurub. Üç il bütün bunlardan əziyyət çəkən Azərbaycanın antiterror tədbirlərinə başlamaqdan başqa çıxış yolu yox idi. Bu, Azərbaycanın suveren hüququdur”, - deyə Türkiyənin xarici işlər nazirinin müavini bildirib.

“Azərbaycan Silahlı Qüvvələri yalnız qeyri-qanuni hərbi obyektlərin zərərsizləşdirilməsi üçün yüksək dəqiqliyə malik döyüş sursatlarından istifadə etməklə özünü nümunəvi peşəkarlıqla aparıb“.

APA xəbər verir ki, bu barədə Azərbaycanın xarici işlər naziri Ceyhun Bayramov BMT TŞ-nin Qarabağdakı vəziyyətlə bağlı iclasındakı çıxışında bildirib.

Nazir bildirib ki, bir sıra videogörüntülərdən aydın şəkildə göründüyü kimi, Azərbaycan Silahlı Qüvvələri mülki şəxslərə dəyə biləcək yan təsirlərdən yayınmaq üçün yaxınlıqda olan legitim hərbi obyektlərə zərbələr endirməkdən qəsdən çəkinib.
“Fotolardan göründüyü kimi, əgər məqsəd dinc sakinləri hədəf almaq və ya guya “etnik təmizləmə” aparmaq olsaydı, Azərbaycan Silahlı Qüvvələri başqa cür hərəkət edərdi”, - deyə nazir çıxışında bildirib.

ABŞ Qarabağda baş verənlərdən narahatdır və biz bu fəaliyyətlərin dayandırılmasına çağırış edirik.

Bu barədə BMT Təhlükəsizlik Şurasında Qarabağla bağlı müzakirələrdə ABŞ nümayəndəsi Linda Tomas Qrinfild bildirib.

O bildirib ki, hərbi əməliyyatların dayandırılması müsbət haldır və inkişafa səbəb olacaq.
“ABŞ humanitar təşkilatlara müraciət edərək yardımların çatdırılmasını təşviq edib. Bu həftə Ağdam-Xankəndi və Laçın-Xankəndi yolundan Qarabağdakı erməni əhəliyə yardımlar çatdırıldı. Həqiqətən bu çox önəmli hadisə idi”, - deyə o bildirib.

Onun sözlərinə görə, bu böhranın yeganə yolu zorakılığa son qoymaqdır.

“Erməni əsilli sakinlərlə Azərbaycanın mərkəzi hökumət rəsmiləri arasında birbaşa dialoqla müşayiət olunan tərksilah və demilitarizasiyanın praktiki icrasına başlandığı bir vaxtda beynəlxalq ictimaiyyət tərəfindən hazırkı vəziyyətin nəzərdən keçirilməsi aktuallıq və faydalılıq baxımından mövcud reallıqlara uyğun olmalıdır. Birtərəfli və qərəzli, əsas etibarı ilə Təhlükəsizlik Şurasında bugünkü müzakirələrin çağırılmasının kökündə duran məhdud siyasi mülahizələr və ya lobbi əlaqələrindən irəli gələn yanaşma tamamilə qeyri-məhsuldar və faydasızdır”.

AZƏRTAC xəbər verir ki, bunu Azərbaycan Respublikasının xarici işlər naziri Ceyhun Bayramov BMT Təhlükəsizlik Şurasının iclasında çıxışında deyib.

Belə bir fəaliyyətə arxalanmağın artıq bir neçə dəfə uğursuzluqla nəticələndiyini xatırladan nazir qeyd edib:
“Bu, yalnız diqqəti real normallaşma prosesindən yayındıra bilər ki, bu da Azərbaycan və Ermənistanın deyil, mövcud fikir ayrılıqlarını öz siyasi məqsədləri üçün sui-istifadə etməkdə davam edən müəyyən kənar qüvvələrin marağındadır.

Beləliklə, 30 il davam etmiş qanlı münaqişədən sonra Ermənistanla Azərbaycan arasında yaxşı qonşuluq münasibətləri qurmaq üçün tarixi imkanın yarandığı hazırki həlledici məqamda bütün beynəlxalq ictimaiyyət, o cümlədən Təhlükəsizlik Şurası tərəfindən Ermənistanın destruktiv hərəkətləri ilə bağlı risklər və təhdidlərin adekvat şəkildə dərk edilməsi və Ermənistanın beynəlxalq hüquqa zidd əməllərini ört-basdır etmək üçün Təhlükəsizlik Şurasından sui-istifadə etmək cəhdlərinin qəti şəkildə rədd edilməsi olduqca vacibdir”.

BMT Təhlükəsizlik Şurasında Qarabağla bağlı müzakirələr başlayıb.

Cebhe.info xəbər verir ki, müzakirələrdə Azərbaycanın xarici işlər naziri Ceyhun Bayramov iştirak edir.