 |
|
|
Yüksək qan təzyiqi bütün dünyada çox yayılmış sağlamlıq problemidir. Çox vaxt problemin yalnız yaşlı insanlara aid olduğu düşünülür, amma son illər gənclərdə də hipertoniya tez-tez rast gəlinir.
Teleqraf.com xəbər verir ki, alimlərin araşdırmaların nəticəsində məlum olub ki, qan təzyiqi dəyərlərini normalaşdıran 4 vərdiş var.
1- Hərəkət edin!
Oturaq həyat tərzi hipertoniya və digər ürək-damar risk faktorlarını artırır. Buna görə də aktiv həyat tərzi sürmək lazımdır.
Fiziki fəaliyyət növü yaşa və ümumi sağlamlığa uyğun olmalıdır. İstənilən halda həftədə ən azı üç dəfə 15-20 dəqiqəlik sürətli gəzinti ilə başlaya bilərsiniz.
Həmçinin liftə minmək yerinə pilləkənlərlə qalxıb-enmək, hər gün bir az gəzmək üçün maşını işdən bir az uzaqda saxlamaq, ev təmizləmək kimi hərəkət tələb edən işlərlə məşğul olmaq sizi xeyli sağlam edəcək.
2- Sağlam qidalanın!
Düzgün qidalanma hipertoniyanın həm qarşısını alır, həm də müalicə edir. Tərkibində çoxlu duz olan bütün qidaların istehlakını, kolbasa, pendirlər, hazır yeməklər və işlənmiş qidalar kimi emal edilmiş ətlər məhdudlaşdırılmalıdır.
Evdə hazırlanan yeməklərə əlavə edilən duzun azaldılması da vacibdir. Həmçinin heyvani yağları, spirti və şəkəri azaldın.
3 - İdeal çəkidə olun!
Artıq çəki qan təzyiqinin artmasına səbəb olur. Fərqi yaradan təkcə çəki deyil, həm də yağın paylanmasıdır. Ən təhlükəlisi qarın ətrafındakı piydir. Göbək ətrafında yağ yığılması təkcə ürək-damar xəstəlikləri üçün risk faktoru sayılır və yüksək xolesterin və hipertoniya kimi digər risk faktorlarına səbəb olur. Bel ölçüsünü azaltmaq və çəki itirmək qan təzyiqi dəyərlərini normala qaytarmaq üçün vacibdir.
4 -Alkoqol və siqaretdən imtina edin!
Həddindən artıq spirt bütün orqanizm üçün zərərlidir və yüksək təzyiqə səbəb olur. Siqaret də eynilə...Siqaret və spirtdən tamamilə imtina edilməlidir. Yüksək qan təzyiqi və ürək xəstəliyi üçün digər risk faktorları olanlar xüsusilə onlardan çəkinməlidirlər.
Son günlər apteklərdə yod məhlulunun tapılmadığı və ya sayının az olduğu iddia olunur.
Bəs aptekdə vəziyyət necədir? Həqiqətənmi yod tapılmır?
Paytaxtda yerləşən apteklərin işçilərinin sözlərinə görə, hazırda yod məhlulu az sayda gətirilir.
Səhiyyə Nazirliyinin dərman vasitələrinin analitik ekspertiza mərkəzindən məsələ ilə bağlı bildirilib ki, yodun idxalında son zamanlar müəyyən problemlər olub:
“Yaxın vaxtlarda problem həll olunacaq”.
Daha ətraflı Baku TV-nin süjetində:
Azərbaycanın Rusiyadan idxal etdiyi toxumluq kartof məhsullarında çürüməyə səbəb olan orqanizm aşkarlanıb.
Bu barədə Qida Təhlükəsizliyi Agentliyindən (AQTA) məlumat verilib.
Ətraflı
Bildirilib ki, dövlət qurumunun müfəttişləri fitosanitar nəzarət tədbirləri zamanı Rusiyadan Azərbaycana idxal olunan toxumluq kartof məhsullarından nümunələr götürərək Azərbaycan Qida Təhlükəsizliyi İnstitutunun laboratoriyasına təqdim edib.
Müayinələr nəticəsində Dağıstanın Dərbənd rayonundan idxal olunan 20.5, Suleyman-Stalskiy rayonundan gətirilən 67 ton toxumluq kartof məhsulu partiyalarında karantin tətbiq edilən orqanizm (Kartof yumrularında halqavari bakterial çürümə (Clavibacter michiganensis subsp. Sepedonicus)) aşkar olunub.
Hazırda məhsulların məhv edilməsi, zərərsizləşdirilməsi və ya geri qaytarılmasına dair tədbirlər görülür.
Rusiyanın Federal Tibbi və Bioloji Agentliyi Vahid İnformasiya Sisteminin portalında satınalma sahəsində mövqe yerləşdirib və 4,85 milyon rubl məbləğində kalium yodidin tədarükünü istəyib.
Cebhe. info xəbər verir ki, bu barədə “Kommersant” qəzeti yazıb.
Qeyd edək ki, bu dərman həmçinin nüvə və ya radioloji xarakterli fövqəladə hallar zamanı insanları qorumaq üçün istifadə olunur.
Bundan əvvəl Ukrayna Silahlı Qüvvələrindəki mənbələr bildiriblər ki, Odessadakı tibb müəssisələrində Zaporojye Atom Elektrik Stansiyasının atəşə tutulması fonunda radiasiyadan qorunmaq üçün həkimlərə kalium yodid verilib. Avqustun sonunda məlum olub ki, Avropa İttifaqı Zaporojye Atom Elektrik Stansiyası ətrafında vəziyyətin pisləşməsi fonunda Ukraynaya öz ehtiyatlarında
“Əla növ undan hazırlanan zavod çörəkləri şəkər, diabet, ürək qan-damar sistemi xəstəlikləri olan insanlar üçün zərərlidir”.
Bu fikirləri Demokrat.az-a açıqlamasında qida məsələləri üzrə mütəxəssis Ağa Salamov deyib. Ekspert qeyd edib ki, ikifazalı texnologiya ilə bişirilən çörəklər bir balaca keyfiyyətli sayılır:
“Birinci fazada çörək bir dəfə mayalanır, yoğrulur və ora müəyyən droj əlavə olunur. Haradasa, birinci fazada 2 saata yaxın mayalanmalıdır, sonra ikinci dəfə yoğrulandan sonra artıq kündələnməyə gedir. Kündələnməyə gedəndə formalaşmış xəmir əmələ gəlir. Bu xəmirin də özəlliyi də odur ki, mədədə şişkinlik yaratmır. Amma keyfiyyət baxımından təbii ki, lifli, rüşeym qismi və kəpək qismi ayrılmadan dəyirmandan unudulmuş undursa, yəni orada bütün mineral və vitaminlər tərkibində qaldığına görə faydalı çörək sayılır. Əla növ undan hazırlanan zavod çörəkləri isə xüsuilə şəkər, diabet xəstələrinə zərərlidir”.
Mütəxəssis bildirib ki, əslində zavod çörəkləri iki faza texnologiya ilə bişirilməlidir:
“Onun fermentasiya müddəti uzun çəkməlidir. Nə qədər fermantasiya müddəti uzun olarsa, o qədər mayadan az istifadə olunur. Mayadan da nə qədər az istifadə olunarsa, əlimizdə keyfiyyətli məhsul ola bilər. O cür çörəkləri tanımaq mümkündür. Çox şişən çörəklər var, məhz biz loru dildə toppuş çörək deyirik, göz oxşayan çörəklərdir. Elə çörəklər də var ki, yastı çörəklərdir və onların fermentasiya müddəti az olub. Təbii ki, çörək sexlərində laboratoriya şəraitində onların düşmə əmsalı, məsaməliyi yoxlanılmalıdır. Bütün çörək zavodlarında ilk öncə unun birinci növbədə laboratoriyadan keçməsi şərtdir. Hansı dərəcədə bişəcəyi təyin olunmalı. Bəzən bizdə bir gündə 50 min dənə çörək istehsal edirlər. Buna görə də, fermentasiya müddətini azaldırlar. 2-3 saat deyil, 1 saatdan sonra yorulmağa verirlər ki, artıq o da insanlarda fəsadlar əmələ gətirə bilər və çörəyin də keyfiyyətini aşağı salır”.
Tez yuxuya getmək də xüsusi texnika ilə mümkündür.
Bu texnikanı adətən ciddi yuxu pozğunluğu olmayan sağlam insanlar həyata keçirə bilirlər.
Cebhe.info xəbər verir ki, bunu somnoloq Roman Buzunov deyib. Onlardan biri "əks yanıb-sönmə texnikası"dır.
Gözlərinizi bağlayın, ona qədər sayın, sonra bir saniyə gözlərinizi açın, yenidən bağlayın və yenidən ona qədər sayın. Bunu yuxuya gedənə qədər təkrarlamaq lazımdır:
“Maraqlıdır ki, gözləriniz bağlı yatarkən və eyni zamanda, 10 saniyəyə gözlərinizi açmalı olduğunuzu düşünəndə, məhz bu anda sizə yuxululuq gəlir ki, bu da sizi çox tez yatırdır. Sınayın, 5 dəqiqə ərzində tez yuxuya gedə bilərsiniz".
"Azərbaycan bazarının 90-95 faizi xaricdən gələn dərmanlardan asılıdır. Hamı, o cümlədən deputatlar, məmurlar dərmanların qiymətinin yüksək, keyfiyyətinin isə aşağı olması barədə fikir bildirir. Amma səbəbləri başqadır".
TEREF.AZ xəbər verir ki, bunu "Sherg.az"a açıqlamasında dərmanların qiymət və keyfiyyətindən danışarkən iqtisadçı Natiq Cəfərli deyib.
Ekspertin qənaətincə, Tarif Şurasının əvəzinə ölkədə güclü rəqabət mühiti yaradılmalıdır, qiymətləri rəqabət təyin etməlidir:
"Dərman preparatlarının qiymətini molekullar üzrə Tarif Şurası müəyyənləşdirir. Eyni molekulun istehsalçısı olan bir neçə ölkə var. Ən ucuz və keyfiyyətsiz molekuldan hazırlanmış dərmanların ölkəyə gətirilməsinə şərait yaranır. Səbəb isə Tarif Şurasının məsələyə müdaxiləsidir. Digər problem isə gömrük rüsumları ilə əlaqəlidir. Ölkədə dərman istehsalı yoxdursa, yüksək gömrük rüsumu, vergi dərəcələri tətbiq etmək yanlışdır. Bu gün ölkədə satılan dərmanların qiymətinin tərkibində ən azı 30 faizi vergilər və rüsumlardır. Nəticə etibarilə qiymətlər yüksək, keyfiyyət isə aşağıdır".
Qeyd edək ki, Milli Məclisin Səhiyyə komitəsinin sədri Əhliman Əmiraslanov Azərbaycanda dərmanların keyfiyyətindən və qiymətindən narazılığını bildirib. Parlamentari komitənin iclasında deyib ki, dərmanların əlçatanlığı və keyfiyyəti ilə bağlı xeyli problemlər mövcuddur. Payız sessiyasında dərmanların qiymətləri, keyfiyyəti ilə bağlı dinləmə keçirilməsini təklif edib.
Afrika və Amerika həkimləri meymunçiçəyi virusuna yoluxmanın neyrofizioloji fəsadların inkişafına səbəb olduğuna dair sübutlar aşkar ediblər.
Alimlərin tapıntıları “JAMA Neurology” jurnalında dərc olunub.
“Afrika, ABŞ və Avropada xəstələr üzərində aparılan müşahidələr göstərir ki, meymunçiçəyi virusu xəstələrdə kifayət qədər tez-tez depressiya, nevropatik ağrılar yaradır. Bəzi hallarda ensefalit, qıcolma və meningitə bənzər simptomlar əmələ gətirir. Bu, beyindəki dəyişiklikləri izləmək zərurətindən xəbər verir”, - tədqiqatda vurğulanıb.
ÜST statistikasına görə, sentyabrın əvvəlində yoluxma hallarının ümumi sayı 53 mini keçib. 18 nəfər xəstəlikdən dünyasını dəyişib.
İntim əlaqə zamanı kimlər qəfildən ölə bilər?
İntim əlaqə zamanı qəfildən ölüm halları mütəmadi baş verir.
Alimlər daha çox kişilərin seks zamanı və ya sonra 1 saat ərzində öldüyünü bildirir.
Hurriyyet.Az xəbər verir ki, bunun səbəbini qan təzyiqi, ürək-damar sistemi ilə əlaqələndirirlər.
Ümumi statistikaya görə, 0,6% hallarda seks zamanı qəfil ölüm baş verir.
Kişilərin seksdən sonra ölüm riskini yaradan bir neçə səbəb var: yaş, ürək-damar problemçləri, seksual aktivlik zamanı fiziki gərginlik, dərmanların qəbulu, Viaqradan sonra, narkotik, içki.
İntim əlaqə zamanı qəfil ölüm adətən 58-60 yaşdan yuxarı kişilərdə olur. Bu zaman ölüm səbəbi ürək tutması qeyd edilir.
Amma London universitetinin alimləri yaşla bağlı statistikanı yeniləyib. Belə ki, son araşdırmada məlum olub ki, seks zamanı ölənlərin orta yaşı 38-45 olub. Artıq qadınlarda da belə hallar baş verir. 18 qadın seks zamanı vəfat edib.
Qadınlarda səbəb ürək tutması yox, ürək ritminin artması və aritmiya olub. Eləcə də aortanın yırtılması halları da qeydə alınıb.
Ona görə aktiv intim həyat istəyən insanlar ildə 2 dəfə ürəklərini yoxlatmalıdır. \\Medicina.az
Həkimlər Çexiyada uşaqda meymunçiçəyi xəstəliyinə ilk yoluxma halını ilkini müəyyən ediblər.
Teref.Az Trend-ə istinadən bildirir ki, bu barədə Çexiya televiziyası xəbər verib.
Praqadakı uşaq bağçalarından birinə gedən dörd yaşlı uşaq meymunçiçəyi ilə xəstələnib. Çox güman ki, o, valideynlərinin yay tətilini onunla keçirdiyi İspaniyada yoluxub.
Çexiyada meymunçiçəyi xəstəliyinə yoluxma hallarının ümumi sayı 66 nəfər olub.