Azərbaycan ordusunun Qarabağda son əməliyyatı zamanı separatçıların istifadə etdiyi torpaq yolların (Xankəndi-Xəlfəli-Turşsu) nəzarətə götürülməsi nəticəsində bir qrup erməninin hələ də qaldığı Böyük və Kiçik Qaladərəsi, eləcə də Turşsu kəndlərinin Xankəndi ilə əlaqəsi də kəsilib. Müharibədən sonra bu kəndlər Laçın dəhlizinin keçdiyi ərazidə yerləşdiyi üçün sülhməramlıların nəzarətində qalmışdı. Ermənilər ruslara güvənərək, kəndi tərk etmədilər. İndi isə onların Xankəndidəki separatçılarla əlaqəsi ordumuz tərəfindən nəzarətə götürülüb.

Azərbaycan Qarabağdakı erməniləri öz vətəndaşı hesab edir və onların bütün problemlərinin həll edilməsi ilə bağlı təkliflər irəli sürür. Lakin separatçıların təzyiqinə görə ermənilər hələ ki, Bakıya üz tutmaqdan çəkinirlər.

Yolun nəzarətə götürülməsi ilə separatçılarla əlaqəsi kəsilən bu kəndlərdəki ermənilərin indi seçimi Azərbaycana üz tutmaqdır. Lakin Ermənistanın prosesə gizli şəkildə müdaxilə etdiyi haqda məlumatlar var.

Turşsuda qalan 73 erməninin Gorusla əlaqə qura bilməsi də bunu deməyə əsas verir.

Kənd icmasının rəhbəri Qaqik Nəsibyan Ermənistan mediasına açıqlamasında bunu etiraf edib.

“Xankəndi ilə əlaqə tamamilə kəsilib. Yol olmadığı üçün ərzaq məsələlərini Xankəndidən həll etmək mümkün deyil, buna görə ərzağı Gorusdan daha rahat şəkildə gətirirlər”, - o bildirib.

Nəsibyan Gorusla necə əlaqə yaratdıqlarını açıqlamayıb. Xəritə üzərindən Turşsu və Gorus arasındakı məsafəyə baxdıqda da bunun mümkün olması sual altına düşür. Burada iki mümkün versiya var:

Birincisi, Ermənistanın Qarabağa hansısa gizli yollarla keçid imkanı hələ də qalır və bu yollarla Turşsuya yük göndərir;
İkincisi, Rusiya sülhməramlıları kənddə qalan ermənilərin təminatını Gorusdan təmin edir: hərçənd, təminat Gorusdan olduğu üçün hər iki halda prosesdə Ermənistanın iştirakı məlumdur;

Ermənistandan Qarabağa ərzaq adı altında silah-sursatın daşındığı təcrübəsi fonunda bu məsələ xüsusilə diqqət çəkir. İstisna deyil ki, Turşsuda qalan 73 erməniyə “ərzaq aparılır” adı ilə Azərbaycan ərazisinə gizli şəkildə hərbi yüklər keçirilir. Bakının bu məsələni diqqətdə saxlaması zərurəti var.
publika.az

Sərhəddəki danışıqlarda Azərbaycan və Ermənistan nümayəndələri ilə yanaşı, Rusiya sülhməramlılarının nümayəndələri də iştirak edib.

Bu barədə erməni mediası məlumat yayıb.

İddia edilib ki, Ermənistan tərəfdən danışıqları Milli Təhlükəsizlik Xidmətinin rəhbəri Armen Abazyan aparıb.

Erməni nəşri yazır ki, Abazyan azərbaycanlıları bu günlərdə tutduqları mövqelərdən "Dostluq abidəsi”nə qədər geri çəkilməyə razı salmağa çalışıb.

Lakin danışıqlar nəticə verməyib və azərbaycanlılar öz mövqelərində qalıblar.

Qeyd edək ki, Dağ-Gorunzur (Tex-Kornizdor) ərazisində Azərbaycan və Ermənistan nümayəndələri arasında görüşün baş tutduğu haqda Ermənistan Milli Təhlükəsizlik Xidməti məlumat yaymışdı.

Bildirilirdi ki, nümayəndələr sərhədin dəqiqləşdirilməsi üzrə işlər aparıb, nəticədə bu seqmentdə vəziyyət xeyli yaxşılaşıb.

Xatırladaq ki, ermənilərin “böyük və kiçik sünik memorial”ı adlandırdıqları “abidə” Ordumuzun nəzarətinə keçib.

Azərbaycan Qarabağda yaşanan növbəti qanunsuluğa özü son qoyub.
Ordumuz buna Xankəndi-Xəlfəli-Turşsu və bu marşrutun şimalından keçən Xankəndi-Kosalar-Mirzələr-Turşsu yolunu nəzarətə götürməklə nail oldu.
Hərbi ekspert Ədalət Verdiyev “Xəzər Xəbər”ə deyir ki Azərbaycan ordusu həmin yollara nəzarətə imkan yaradan yüksəkliyi ələ keçirməklə böyük üstünlük əldə edib. Ekspert bildirib ki dəfələrlə rəsmi xəbərdarlıqlar edilməsinə baxmayaraq rusiyalı sülhmərmalı kontigenti həmin yollardan silah daşınmasına göz yumurdu. Azərbaycanın gəlcəkdə mümkün təxribatların qarşısını almaq üçün torpaq yolları nəzartə götürməyi vacib idi.
Onun sözlərinə görə sözügedən yollara nəzarət separatçıların əl-qolunu bağlayacaq. Bundan sonra azərbaycan qanunsuz əməllərə qarşı özü tədbirlər görəcək.
Eksper əlavə edib ki bu proseslər bir daha onu göstərir ki Laçın Xankəndi yolunda nəzarət keçid məntəqəsi yaradılmalıdır.