Sakinlərin Azərbaycanın Qarabağ bölgəsinə qayıtmasına ən böyük maneələrdən biri minalar və partlamamış hərbi sursatlardır.

“Report” xəbər verir ki, bu barədə Böyük Britaniyanın “Express” nəşrində dərc olunan “Azərbaycan Hirosimasının müharibə aparan torpaqlarından” adlı məqalədə deyilib.

“Bəzi hesablamalara görə, bu ərazidə azı 400 min mina yerləşdirilib. Keçmiş təmas xətti ən çox minalanmış ərazidir”, - yazıda qeyd olunub.

Ağdam rayonuna səfər edən məqalə müəllifi dağıntı və xarabalıqların, demək olar ki, total xarakter daşıdığını vurğulayıb:

“Mövcud sübutlar təkzibedilməz şəkildə bu torpaqlarda Azərbaycan xalqının, onun mədəniyyətinin hər hansı izini yox etmək üçün hesablanmış və düşünülmüş cəhddən danışır”.

“Bir vaxtlar rayon ipək və toxuculuq istehsalı ilə ün qazanmışdı. Digər şeylərlə yanaşı, parlaq rəng çalarları ilə tanınan Qarabağ xalçaları da burada istehsal olunurdu. Burada Qarabağ atları da yetişdirilirdi ki, onlardan biri də ötən ilin mayında Böyük Britaniyanın mərhum kraliçası II Elizabetə ərməğan edilmişdi”, - nəşr xatırladıb.

Məqalədə bildirilib ki, 2020-ci ilin payızında İkinci Qarabağ müharibəsi sonucunda Azərbaycan itirilmiş ərazilərini qaytara bilib.

“Hazırda iki tərəf arasında gərginlik yüksək olaraq qalır və uzunmüddətli sülh sazişinin real perspektivi gözlənilmir”, - müəllif qənaətə gəlib.

Jurnalist qeyd edib ki, ermənilərin törətdiyi böyük dağıntıların bəlkə də ən parlaq və sərt sübutu bəzən “Qafqaz Hirosiması” adlandırılan Ağdam şəhəridir.

“Ağdam müharibədən öncə 40 000-dən çox əhalisi olan dinamik ticarət mərkəzi idi, lakin amansız hava “xalça bombardmanına” uğramış şəhəri xatırladan xarabalığa çevrildi. Yalnız keçmiş dram teatrının, poçt şöbəsinin və mərkəzi qonaq evinin bəzi divarları qalıb”, - yazıda bildirilib.

Eyni zamanda, britaniyalı jurnalist qeyd edib ki, işğaldan azad edilmiş ərazilər “küldən çıxan feniks quşu” kimi bərpa olunacaq və Azərbaycan Prezidenti İlham Əliyev bu ərazilərin bərpası və keçmiş məcburi köçkünlərin oraya qaytarılması məsələsini siyasi gündəliyin əsas bəndi kimi qarşıya qoyub:

“İnfrastrukturun bərpası proqramının ən diqqətçəkən xüsusiyyətlərindən biri bərpa olunan enerji və sıfır CO2 emissiyası ilə bağlı öhdəlikdir. Qarabağda günəş, külək və su enerjisi şəklində çoxlu yaşıl enerji mənbələri var. Onun bərpa olunan potensialı ildə 10 giqavatdan çox qiymətləndirilir”.

Bu gün Ağdaban soyqırımının ildönümüdür.

"Report" xatırladır ki, soyqırımın baş verməsindən 31 il ötür.
1992-ci il aprelin 7-dən 8-nə keçən gecə ermənilər tərəfindən Kəlbəcər rayonunun 130 evdən ibarət Ağdaban kəndi tamamilə yandırılıb və yer üzündən silinib. Kəndin 779 nəfər dinc sakininə işgəncələr verilib, 67 nəfər qətlə yetirilib, 8 nəfər 90-100 yaşlı qoca, 2 azyaşlı uşaq, 7 qadın diri-diri yandırılıb.

Ermənilərin Azərbaycanın mədəni irsinə qarşı törətdikləri vandalizm siyasətinin davamının daha bir təzahürü kimi şair Ağdabanlı Qurbanın və klassik aşıq şeirinin ustadlarından olan Dədə Şəmşirin əlyazmaları məhv edilib. İşğalçılar habelə Ağdabanın digər mədəniyyət abidələrini də məhv ediblər.

Bu faciəyə ilk hüquqi-siyasi qiymət verən Ulu öndər Heydər Əliyev Ağdabanda baş verənləri bəşəriyyətə qarşı törədilən ən böyük cinayət adlandırıb, bunu bütün insanlıq adına utanc kimi səciyyələndirib.

Azərbaycanın işğaldan azad edilən Ağdam rayonu ərazisində ermənilərin vandallığını sübut edəcək daha bir fakt ortaya çıxıb.

Manset.az xəbər verir ki, yayılan görüntülərdə rayonun Şıxbabalı kəndində qəbiristanlığın ermənilər tərəfindən necə dağıdıldığı öz əksini tapıb.

Videoda həmçinin bir yaşlı Aynurənin qəbrinin yerlə bir edildiyi aşkar görünür.

Rəşad Bayramov: “Ermənilər anladılar ki, Vardanyan amili gərginliyi daha da artırır, Azərbaycanın təzyiqlərini gücləndirir”
Erməni oliqarx, qondarma "Dağlıq Qarabağ Respublikası"nın keçmiş "dövlət naziri" Ruben Vardanyan seperatçıların daxilindəki ziddiyyətləri tənqid edib.

"Niyə 10 il əvvəl Ermənistanı və Artsaxı xilas etmədiniz" sualına Ruben Vardanyan belə cavab verib: “Mən xilaskar deyiləm. Mən xilaskarlara yox, məsuliyyət daşımağa, irəli getməyə, insanlara rəhbərlik etməyə hazır olan liderlərə, liderlərə inanıram. On il əvvəl Artsaxda güclü hökumət var idi, o, Artsax xalqı üçün uyğun hesab etdiyi bir ölkə qururdu. Mən buna inandım və onlara kömək etdim. Etdiyimin yaxşı bir hərəkət olduğunu düşündüm. Bəlkə də müdrikliyim kifayət deyil, amma əminəm ki, bir xilaskar ola bilməz. Biz reallığa və başımıza gələnlərə vicdanla baxmalı, tənqid etməkdən qorxmamalı, həm də yaxşı gələcəyə sahib olmaq üçün bunu konstruktiv şəkildə etməliyik”.

Göründüyü kimi, Vardanyan demək istəyir ki, Araik Arutunyanın hakimiyyəti sabun köpüyü kimi bir şeydi. Bu mövqe əslində onların arasında ciddi ziddiyyətin olduğunu və Rubenin Qarabağa həqiqətən Rusiya tərəfindən göndərildiyini sübut edir.

Politoloq Rəşad Bayramov qəzetimizə bildirdi ki, Ruben Vardanyanın Rusiya vətəndaşlığından imtina edib, guya erməni soydaşlarının taleyinə biganə qalmayaraq onlara dəstək üçün Qarabağa gələcəyi ilə bağlı fikirləri meydana çıxan kimi ifşa olundu: “Azərbaycanda hamı bunun Kremlin yeni Qarabağ oyunu olduğunu bəyan etdi və ciddi etiraz fikirləri yüksəldi.

Vardanyanın gəlişi ilə Qarabağda yaşayan ermənilər arasında narazı kütlə xeyli artdı. Separatçıların “rəhbərliyi” arasında qarşıdurmalar başladı, çünki tərəflərdən heç biri qanunsuz əldə edilən pullardan əl çəkmək istəmirdi. Vardanyanın isə öz pullarını Qarabağda ac-yalavac ermənilərə xərcləmək fikri yox idi. Vardanyan Qarabağda çox qalmayacağını yaxşı bilirdi. Kremlin onu Paşinyanın yerinə hazırladığını, eyni zamanda, Azərbaycanın da onun Qarabağda yaşamasına çox göz yummayacağını hamıdan daha yaxşı anlayırdı. Ona görə də imkan varkən bir az da pul qazanmaq üçün təbii sərvətlərdən gələn gəlirləri də ələ keçirmək məqsədi güdməyə başladı. Azərbaycan ekoloqlarının Laçın-Xankəndi yolundakı ekoloji aksiyası Vardanyanın planlarını pozdu. Qarabağdan pul qazana bilmədiyini və öz pullarının xərclənəciyinin görən Vardanyanın tezliklə Qarabağdan qaçmağa meylləndi. Vardanyan üçün üç variant qalırdı: ya Azərbaycanın təhlükəsizlik orqanları tərəfindən həbs ediləcəkdi, ya qaçacaqdı, ya da fiziki olaraq hansısa formada məhv ediləcəkdi. Görünür, Vardanyan ikincini – qaçmağı seçdi. İndi Vardanyan “vəzifəsindən istefa” edə, ya etməyə bilər – bu artıq texniki məsələdir. Bir sözlə, “Vardanyan layihəsi” baş tutmadı, Azərbaycana təzyiq elementi kimi işləmədi. Eləcə də Vardanyanın özü nə Qarabağdakı ermənilərin dəstəyini qazana bildi, nə də vəziyyətlərini düzəldə bildi. Ermənilər anladılar ki, Vardanyan amili daha da gərginliyi artırır, Azərbaycanın təzyiqlərini gücləndirir. Məhz buna görə də o, gündəmdə qalmağın yeganə yolunu Araiki tənqid etməkdə görür”.

Məhəmmədəli QƏRİBLİ

Bu gün axşam saatlarında ekoloji fəallarımızın aksiyasının keçirildiyi yerin yaxınlığında diqqətçəkən bir vəziyyət yaşanıb.

“Caliber” xəbər verir ki, axşam saatlarında Rusiya sülhməramlıları Ermənistandan bir qrup erməni vətəndaşı gətirsələr də, onların keçidini ilkin olaraq razılaşdırmayıblar. Vəziyyət aydınlaşarkən, səhhəti zəif olan üç mülki şəxsə tibbi yardım lazım olub.

Azərbaycan tərəfi erməni əsilli vətəndaşları üçün təcili tibbi yardım maşını təşkil edib və o gələnə qədər həkimlərimiz həmin şəxslərə yerindəcə köməklik göstəriblər.

Daha sonra Azərbaycanın təcili tibbi yardım maşını xəstələri Xankəndiyə çatdırıb.