ATƏT Parlament Assambleyasının (PA) Prezidenti Pia Kauma və Cənubi Qafqaz üzrə Xüsusi Nümayəndə Kari Henriksen Azərbaycanın Ermənistanla sülh sazişinin yekunlaşdırılması istiqamətindəki səylərini davam etdirməyə sadiqliyini alqışlayıb.

APA xəbər verir ki, bu barədə ATƏT PA-nın bəyanatında bildirilib. Qeyd olunub ki, bu gün başa çatan səfər çərçivəsində Azərbaycanın siyasi rəhbərliyi ilə Ermənistanla hərtərəfli tənzimləməyə nail olunması istiqamətində müzakirə aparılıb. Bəyanatda Qarabağın Azərbaycanın regionu olduğu qeyd edilib.

“Azərbaycana bu gün başa çatan səfəri çərçivəsində ATƏT PA prezidenti Pia Kauma (Finlandiya) və Cənubi Qafqaz üzrə xüsusi nümayəndə Kari Henriksen (Norveç) ölkənin siyasi liderliyi ilə sentyabrda Azərbaycan öz Qarabağ regionu üzərində nəzarəti bərpa etməsindən sonra Ermənistanla tam nizamlamaya nail olunmasına ehtiyac müzakirə edilib. Sülh sazişi və əlaqələrin normallaşmasının irəliyə aparılması üçün konstruktiv iştirak vacibdir”.

Bəyanatda vurğulanıb ki, Azərbaycanın ATƏT PA-da güclü iştirakı regionda çoxtərəfli diplomatiya və dialoq üçün müsbət işarədir.

Qarabağ separatçılarının sonuncu başçısı Samvel Şahramanyan hamını təccübləndirən addımlarına davam edir.

Onun yaxın zamanda Ermənistanın birinci və ikinci prezidentləri Levon Ter-Petrosyan və Robert Köçəryanla görüşdüyü ortaya çıxıb.

Maraqlıdır ki, Şahramanyan bir müddət əvvəl Ermənistanın üçüncü prezidenti Serj Sarkisyanla da görüşüb.

Politoloq Qabil Hüseynli Cebhe.info-ya açıqlamasında bildirib ki, onlar işsizlikdən özlərinə iş axtarırlar:

“Yəni onların çalışdıqları əsas məsələ ermənilərin yenidən Qarabağa qaytarılması və oradakı qondarma rejimi bərpa etməkdir. Amma bütün bunlar tarixə qovuşmuş və sıradan çıxmış məsələlərdir.

Aydındır ki, ermənilər Qarabağdan nə qovulublar, nə çıxarılıblar, nə də etnik təmizləməyə məruz qalıblar. Sadəcə olaraq, özləri könüllü şəkildə yerdəyişmə ediblər. Ona görə də Samvel Şahramanyan, Levon Ter-Petrosyan, Robert Köçəryan və Serj Sarkisyanın bundan sonra heç nə etməsi mümkün deyil.

Onlar nə erməniləri Qarabağa geri qaytara biləcəklər, nə də əvvəlki qondarma strukturları bərpa edə biləcəklər. Azərbaycan dövləti həmin ərazilərdə möhkəm strukturlarını qurub”.

Politoloq diqqətə çatdırıb ki, Qarabağa gələn istənilən erməniəsilli şəxs ciddi şəkildə araşdırılıcaq:

“Üstəlik, onların keçmiş separatçı rejimlə əlaqələri olub-olmaması və ya azərbaycanlılara qarşı cinayət törədib-törətməmələri məsələləri də müəyyən olunacaq.

İnanmıram ki, hansısa separatçı bu cür yoxlama prosesindən çıxa bilsin. Yəni çox mənasız işlərlə məşğuldurlar. Hətta Azərbaycan Samvel Şahramanyan, Robert Köçəryanı və Serj Sarkisyanı da İnterpol xətti ilə həbs edə bilər”.

Rusiyanın xarici işlər naziri Sergey Lavrov son açıqlamasında ölkənin Cənubi Qafqazdan çıxmayacağını bildirib.

“Avropa İttifaqı Rusiyanı Mərkəzi Asiya və Qafqazdan sıxışdırmaq niyyətini gizlətmir, lakin buna nail olmayacaq”, – deyə Lavrov qeyd edib. Rusiya XİN başçısının bu mövzuda bəyanatı ilk deyil. Qərbin Gürcüstandan sonra Ermənistanda aktivləşməsi, Nikol Paşinyan hakimiyyətinin Moskvadan uzaqlaşaraq Avropa və ABŞ-da yaxınlaşma cəhdləri Kremlini strategiyasını dəyişdirməyə vadar edir.

Lavrov və bir sıra Rusiya rəsmiləri son zamanlarda bir neçə dəfə bölgədən Rusiyanın sıxışdırılmağa çalışıldığını vurğulayıb. Hətta Qafqaz üzrə ekspertlər regionun Qərb və Rusiya arasında mübarizə meydanına çevrildiyini bildirirlər.

Bəs Avropa ilə Rusiyanın Cənubi Qafqaz uğurunda rəqabəti regiona və üç Qafqaz ölkəsinə nə vəd edir? Lavrovun bu bəyanatı həm də Rusiya sülhməramlılarının Azərbaycanda qalması deməkdir? Rusiya Cənubi Qafqazda və Mərkəzi Asiyada hansı formada təmsil olunur? Daha çox hərbi, siyasi, yoxsa iqtisadi?

Mövzu ilə bağlı Globalinfo.az-a danışan politoloq Telman Qasımov Rusiyanın regona təsir dairəsini dəyərləndirib:

“Ümumiyyətlə Rusiya Cənubi Qafqazda, Mərkəzi Asiya ölkələrində təxminən 200 ildən çoxdur ki, mövcuddur. Bu müddət ərzində sözügedən bölgələrdə kifayət qədər möhkəmlənib. Vəziyyətdən asılı olaraq siyasi, iqtisadi, hərbi bağlılıqlarımızın olduğu bir dövr yaşamışıq. Anidən Rusiyadan üz çevirmək qeyri-real görünür. Bunun nəticələrini Gürcüstanın timsalında müşahidə etdik. Bəs Baltikyanı ölkələrdə bu necə alındı? Çünki onlar zamanında Avropa ölkələri olublar. Bizdən daha az Rusiya işğalı altında qalıblar. Ona görə də, çox rahatlıqla Avropa bu ölkələrə dəstək oldu”.

Politoloq Rusiyanın Cənubi Qafqazdan çıxarılmasının region üçün çətin olduğunu bildirib, son illər ərzində üç ölkənin Moskva ilə münasibətlərindən söz açıb:

“Rusiya burada, xüsusilə Ermənistanda çox dərin kök salıb. Azərbaycan və Gürcüstan maksimum şəkildə müstəqil siyasət yürütməyə çalışıblar. Azərbaycan bu illər ərzində elə bir siyasət yürütdü ki, siyasi və iqtisadi cəhətdən Rusiyaya bağlı olmadı. Biz balanslaşdırılmış siyasət yürütməyi bacardıq. Gürcüstan və Ermənistandan əsas fərqimiz budur. Lakin İrəvan bundan xilas ola bilmədi. Biz müstəqil və balanslaşdırılmış siyasət yürütdüyümüz ərəfədə, Ermənistan, xüsusilə Qarabağ erməniləri Rusiyaya daha çox bağlandılar. Robert Koçaryan və Serj Sərkisyanın dövründə Ermənistanın nəqliyyat kommunikasiyaları, sərhədləri, yeraltı və yerüstü sərvətləri Moskvaya satıldı, bir anklava çevrildilər. Biz isə rus ordusunun ölkəmizdən çıxarılmasına müvəffəq olduq. Həm Avropa, həm Türkiyə, həm də demək olar Yaxın Şərqlə birgə çalışdıq. Rusiya ilə də münasibətləri saxladıq. İrəvan isə bu günə qədər Moskvanın vassalı kimi qaldı”.

“Sergey Lavrovun açıqlamaları bu bağlılıqlarla əlaqəlidir. Rusiya çox gözəl bilir ki, belə bağlılıqlar var. Xüsusilə Ermənistanın Rusiyada 3 milyona yaxın əhalisi var, bu ciddi rəqəmdir. Lavrov bir neçə ay öncə də bu kimi bir bəyantla çıxış edərək bildirmişdi ki, Rusiya Qafqazdan, xüsusilə Ermənistandan getməyə hazırlaşmır. Beləliklə, Kreml Avropaya mesaj vermişdi”, – politoloq deyib.

T. Qasımov bildirib ki, Qarabağdakı rus sülhməramlılarının taleyi ilə bağlı bir neçə ehtimal var:

“Rusiyan sülhməramlılarının 2025-ci ilin birinci yarısına kimi Qarabağda qalması müqavilədə qeyd olunub. Daha sonra onların taleyi ilə bağlı dəqiq qərarlar veriləcək. Sülhməramlıların Qarabağda qalıb-qalmamasının artıq bizə elə də təsiri yoxdur. Yəqin ki, həmin kontingentin Zəngəzura yerləşdirilmə planı var. Yaxud da Ermənistandakı Rusiyanın 102-ci bazasına köçürülə bilərlər. Onlar özləri də çox yaxşı anlayırlar ki, Qarabağda qalmalarına ehtiyac yoxdur. Hazırda Ermənistan Qarabağ ermənilərinin qayıdışı məsələsini ciddi şəkildə müzakirə edirlər. Onlar da qeyd edilər ki, bu, sülhməramlıların olmaması şərti ilə həyata keçirilə bilər. Avropa qüvvələrinin himayəsi altında geri dönüb yaşamaq istəyirlər. Nə qədər ki, bu məsələ gündəmdədir, Rusiya Qarabağda qalacaq. Çünki onlar tərpənən kimi Qarabağ ermənilərinin Qərbin nəzarəti ilə qayıdışı məsələsi İrəvan tərəfindən qaldırılacaq. Ona görə də, Rusiyanın hazırda ərazidə olması bizim maraqlarımıza uyğundur. Amma bir də qeyd edim ki, sülhməramlı kontingentin Zəngəzura köçürülməsi ehtimalı var”.

teref:Xocanın Blogu

Bu gün 66 kəndin, bir qəsəbənin və üç yüksəkliyin Ermənistanın işğalından azad edilməsindən üç il ötür.

Oxu.Az xatırladır ki, Azərbaycan Ordusu 2020-ci ilin 9 noyabrında bir sıra rayonlar üzrə uğurlu əməliyyatlara imza atıb.

Həmin gün elan edilən məlumatlara əsasən, işğaldan azad olunmuş əraziləri rayonlar üzrə təqdim edirik.

Füzuli rayonu üzrə: Qobu Dilağarda, Yal Pirəhmədli, Yuxarı Yağlıvənd, Dilağarda, Seyidmahmudlu, Ələsgərli, Aşağı Güzlək, Govşatlı, Mirzəcamallı, Şəkərcik, Merdinli, Şıxlı, Qaraməmmədli, Dövlətyarlı, Hüseynbəyli, Saracıq kəndləri.

Xocalı üzrə: Dəmirçilər, Çanaqçı, Mədətkənd, Sığnaq kəndləri.

Şuşa rayonu üzrə: Daşaltı kəndi.

Xocavənd rayonu üzrə: Susanlıq, Binə, Tuğ, Ağdam, Azıx, Böyük Tağlar, Salakətin, Zoğalbulaq, Arakül, Tağaverd, Zərdanaşen, Şexer kəndləri.
Cəbrayıl rayonu üzrə: Hüseynalılar, Söyüdlü, Aşağı Sirik, Qalacıq, Molla Həsənli, Əsgərxanlı, Yuxarı Nüsüs, Aşıq Məlikli, Niftalılar, Qərər kəndləri.

Qubadlı rayonu üzrə: Yuxarı Mollu, Aşağı Mollu, Xocik, Qaraimanlı, Xəndək, Həmzəli, Mahruzlu, Hal, Ballıqaya, Ulaşlı, Tinli, Xocahan, Boyunəkər, Qaraqoyunlu, Çərəli kəndləri.

Zəngilan rayonu üzrə: Keçikli, Ördəkli, Sobu, Qaragöz, İsgəndərbəyli kəndləri, Bartaz qəsəbəsi, Bartaz yüksəkliyi, Sığırt yüksəkliyi, Şükürataz yüksəkliyi.

Laçın rayonu üzrə: Güləbird, Səfiyan, Türklər kəndləri.


Qeyd edək ki, qələbə xəbərlərini Prezident, Silahlı Qüvvələrin Ali Baş Komandanı İlham Əliyev “tweet” ataraq xalqa çatdırıb.

‼️ Bildiyinz kimi erməni-haylar iddia edirlər ki, Şuşa, Xankəndi şəhərlərinin elə ermənicə öz adları olub. Bəs əsrin əvvəlində onların bundan niyə xəbəri olmayıb?
Diqqət edin!
1992-ci ildə, artıq Ermənistan öz müstəqilliyini əldə etdiyi zaman, ölkənin Elmlər Akademiyası, professor Mikayelyanın redaktorluğu ilə "Dağlıq Qarabağ 1918-1923. Sənədlər və materiallar toplusu" adlı kitab nəşr etmişdi.
Həmin sənədlər İrəvanın və Moskvanın fondlarında aşkarlanmışdı.
Kitabda, Qarabağ ermənilərinin 7-ci qurultayının, 15 avqust 1919-cu il tarixli səhər iclasında Azərbaycan Respublikası hökuməti ilə müvəqqəti razılığın əldə olunması haqqında qərar qəbul edilməsi yazılır.
26 bənddən ibarət həmin müqavilədə o cümlədən qeyd edilirdi ki, “Qarabağın, Şuşa, Cavanşir və Cəbrayıl qəzalarının dağlıq hissəsində məskunlaşmış ermənilər özlərinin Azərbaycan Respublikası ərazisində olduqlarını qəbul edir...”

Bu gün bir neçə kəndin Ermənistanın işğalından azad edilməsindən üç il ötür.

Oxu.Az xatırladır ki, 2020-ci ilin 44 günlük Vətən müharibəsi dövründə, noyabrın 7-də Azərbaycan Ordusu Füzuli, Cəbrayıl, Qubadlı, Xocalı və Xocavənd istiqamətlərində uğurlar qazanıb.

Füzuli rayonu üzrə Yuxarı Veysəlli, Yuxarı Seyidəhmədli, Qorqan, Üçüncü Mahmudlu, Qacar, Divanalılar kəndləri işğaldan azad olunub.

Cəbrayıl rayonunda isə Yuxarı Məzrə, Yanarxac kəndlərində işğala son qoyulub.

Həmin gün Qubadlının Qəzyan, Balasoltanlı, Mərdanlı kəndləri, Zəngilanın isə Beşdəli kəndi işğaldan azad edilib.
Noyabrın 7-də Azərbaycan Ordusu Xocalıdan iki kəndi - Qarabulaq və Baharlını geri alıb.

Xocavəndə gəlincə, Ataqut və Hünərli kəndləri işğaldan təmizlənib.

Qeyd edək ki, qələbə xəbərlərini Prezident, Silahlı Qüvvələrin Ali Baş Komandanı İlham Əliyev “tweet” ataraq xalqa çatdırıb.