 |
|
|
İran vasitəsilə Ermənistana hərbi texnika və silah ötürülməsi davam edir
TEREF.AZ AzVision.az-a istinadla xəbər verir ki, bununla bağlı Telegram kanallarında görüntülər yayılıb.
Videodan aşkar görünür ki, İran üzərindən Ermənistana hərbi texnikalar və silahların göndərilməsi prosesi gecə saatlarında həyata keçirilir.
Bakı ilə İrəvan arasındakı gərginliyin yeni mərhələyə qədəm qoyduğu bir vaxtda, İran rejimi Ermənistan ordusunu gücləndirmək üçün əlindən gələni edir.
Ukrayna Silahlı Qüvvələri əks-hücum əməliyyatı başlayandan 66 mindən çox insan və 7,6 min silah-sursat itirib.
Bizim.Media xəbər verir ki, bu barədə Rusiya müdafiə naziri Sergey Şoyqu məlumat verib.
Şoyqu Kiyevi mülki hədəflərə hücum etməklə əks-hücumunun uğursuzluğunu gizlətməyə çalışmaqda ittiham edib:
“Əkshücum adlandırılan əməliyyatın əvvəlindən düşmən itkiləri 66 min nəfəri və 7,6 min silah-sursatı ötüb”.
Nazirin sözlərinə görə, bu müddət ərzində Rusiya qoşunları Ukrayna tərəfinin 159 HIMARS raketini, mindən çox pilotsuz uçuş aparatını, 13 qanadlı raketi vurub.
DİA.AZ: - Sentyabrın 5-i saat 00:05-dən 00:20-dək Azərbaycan Ordusunun bölmələri tərəfindən guya Ermənistan silahlı qüvvələri bölmələrinin Zərkənd yaşayış məntəqəsi istiqamətində yerləşən mövqelərinin atəşə tutulması barədə qarşı tərəfin yaydığı məlumat tamamilə yalandır. Bu barədə DİA.AZ-a Müdafiə Nazirliyindən bildirilib.
Nazirliyin xəbərində daha sonra deyilir:
Ermənistan müdafiə nazirliyinin yaydığı bu məlumatı qəti surətdə təkzib edirik.
Sentyabrın 3-ü saat 18:10 radələrində Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələri Azərbaycan Ordusunun Xocalı rayonu istiqamətində yerləşən mövqelərinin qarşısında uzunmüddətli fortifikasiya qurğularını quraşdırmağa cəhd göstəriblər.
Bu barədə Müdafiə Nazirliyindən Sfera.az-a verilən məlumatda qeyd olunub.
Ordumuzun bölmələri tərəfindən görülən təxirəsalınmaz tədbirlər nəticəsində aparılan işlər dərhal dayandırılıb.
Küveyt Türkiyə ilə 18 ədəd “Bayraktar TB2” zərbə pilotsuz uçuş aparatının (PUA) alınması üçün müqavilə bağlayıb.
Bu barədə qardaş ölkənin əmirlikdəki səfiri Tuba Nur Sönməz bildirib.
O, qeyd edib ki, Ankara PUA-ları istənilən zaman təhvil verməyə hazırdır.
Sönməzin sözlərinə görə, Türkiyə Küveytə tələb etdiyi bütün hərbi texnikaları tədarük etmək imkanına malikdir.
Qeyd edək ki, Küveyt Müdafiə Nazirliyindən verilən məlumata görə, Türkiyə ilə “Bayraktar TB2” PUA-larının tədarükü ilə bağlı sazişin dəyəri 367 milyon dollardır.
Mənbə: TASS
Rusiya İrana Yak-130 hərbi təlim təyyarəsi verib.
Cebhe.info xəbər verir ki, bu barədə "Irna" agentliyi məlumat yayıb.
Təyyarə İrana gətirildiyi və artıq İran Hərbi Hava Qüvvələrinin (HHQ) xidmətinə girdiyi iddia edilir.
İRNA-nın məlumatına görə, bu təlim təyyarələri İran Hərbi Hava Qüvvələrinin yeni nəsil qırıcılarını idarə edəcək pilotların hazırlanması üçün istifadə olunacaq.
Rusiyanın İrana nə qədər Yak-130 apardığı hələlik məlum deyil.
Sentyabrın 2-si səhər saatlarında Azərbaycan Ordusunun Şahbuz və Kəlbəcər rayonları istiqamətində yerləşən mövqeləri üzərində kəşfiyyat uçuşları keçirməyə cəhd göstərən Ermənistan silahlı qüvvələrinə məxsus pilotsuz uçuş aparatlarının (PUA) səyyar yerüstü idarəetmə stansiyası məhv edilib.
Qeyd edək ki, bu stansiyadan Ordumuzun müxtəlif istiqamətlərdə yerləşən mövqeləri üzərində kəşfiyyat aparan və zərbə endirən PUA-ların idarə olunması üçün istifadə olunurdu.
Fransa və Ermənistan BMT Təhlükəsizlik Şurasında “Azərbaycan Ermənistana hücum edib” iddiasını gündəmə gətirəcək. Sərhəddə baş verənlərin əsas hədəfi budur.
BMT TŞ-nin son iclasında istəyinə nail ola bilməyən Ermənistanın sərhəddə eskalasiya yaradacağı gözləntiləri var idi. Çünki Qarabağ Azərbayca ərazisi olduğu üçün Bakıya buna görə təzyiq edilməyəcəyini anlayırlar. Lakin sərhəd toqquşmaları ilə buna nail ola biləcəklərini hesab edirlər. 44 günlük müharibədən sonrakı təcrübə də bunu təsdiqləyir: Bakıya təzyiq adətən sərhəd toqquşmalarında edilib, xüsusilə ötən ilin sentyabr döyüşlərində bunun şahidi olduq;
İndi yenidən sentyabr ssenarisi işə salınır. Və bu ssenaridə müxtəlif ölkələrin maraqları olmaqla yanaşı, əsas idarəedici kimi Fransa görünür.
- Azərbaycanı “hücum edən tərəf” kimi göstərməyə və Bakıya bu məsələ üzərindən təzyiq etməyə cəhd edəcəklər;
- Laçın yolu, ümumilikdə Qarabağla bağlı iddiaları “sərhəd toqquşması” fonunda gündəmə gətirəcəklər;
- Bununla danışıqlar masasındakı mövcud gündəliyi də arxa plana keçirmək istəyirlər: vasitəçiliyi qəbul olunmayan Fransa bu məsələdə xüsusilə maraqlı tərəfdir;
Ermənistan Azərbaycan Ordusu qarşısında duruş gətirə bilməyəcək, lakin əsas hədəfləri itkilər hesabına olsa belə, siyasi məqsədlərinə nail olmaqdır.
Asif Nerimanli
Teref.az
Rusiya "Sarmat" strateji raket kompleksini döyüş hazırlığı vəziyyətinə gətirib.
"Qafqazinfo" xarici KİV-ə istinadən xəbər verir ki, bu barədə "Roskosmos"un rəhbəri Yuri Borisov jurnalistlərə açıqlaması zamanı bildirib.
""Sarmat" strateji raket kompleksinin ekipajı döyüş növbəsinə daxil olub", - deyə qeyd olunub.
Qeyd edək ki, "Sarmat" ağır çoxpilləli maye yanacaqlı qitələrarası ballistik raketdir.
Müdafiə Nazirliyinin mənimsəməyə görə tutulmuş Maliyyə və Büdcə İdarəsinin sabiq rəisi general-mayor Nizami Məmmədov və onunla birgə ittiham olunun şəxslərin cinayət işi icraata verilib.
“Qafqazinfo”nun məlumatına görə, Bakı Hərbi Məhkəməsinin hakimlərinin iş yükünün ağır olması səbəbindən 128 cildlik cinayət işi Sumqayıt Şəhər Məhkəməsinin hakimi Fikrət Əliyevin sədrliyi ilə araşdırılacaq.
F.Əliyev bununla bağlı Bakı Hərbi Məhkəməsinə ezam edilib.
Hakim Fikrət Əliyev hərbi cinayət işləri üzrə ixtisaslaşıb, o, əvvəllər Füzuli və Gəncə Hərbi Məhkəməsinin hakimi olub.
Qeyd edək ki, Müdafiə Nazirliyinin Maliyyə İdarəsinin rəisi general-mayor Nizami Məmmədov, Hərbi Hava Qüvvələrinin (HHQ) Maliyyə Xidmətinin sabiq rəisi, polkovnik Cəlal Kazımov, Quru Qoşunların maliyyə idarəsinin rəisi Bayram Bayramov və maliyyə idarəsinin zabiti Vüsal Əlizadə Dövlət Təhlükəsizliyi Xidməti (DTX) tərəfindən həbs ediliblər.
Cinayət işi üzrə dövlətə dəymiş ziyanın 40 milyon manat təşkil edən hissəsi ödənilib.